كارهه خطيبي وصلت حدي مو قادره اتحمل

[أعشقني]

جزاكم الله خير حبيباتي

انا هاديه وعاقله وماحب تصرفاته هو يتصرف مثل المراهقين بالضبط ومطفوق

استغفر الله ياربي مابي اتكلم فيه ولا احب اغتابه بس احنا من ورا نك نيم ماحد يعرفني

هذا الشي الي مخليني مو مرتاحه له شخصيته تختلف عن شخصيتي تمامااااااااااا حتى بالاكل يابنات الي اهو يحبه ماكله ابد والعكس

ماحس في بينا توافق ابد

مشكورين حبياتي ع الردود

حسبي الله عليه توكلت وهو رب العرش العظيم

الله يخلصني منه يارب عاجل غير اجل

 

[الصبر مفتاح]

الله يعينج

 

[رشيدية وافتخر]

ادعي الله وقولي ( يارب اذا كان في فلان خير لي قربه الي
واذاكان فيه شر لي اصرفه عني وابعده عني )
بس نصيحة لاتستعجلين .. موفقة

 

[Jo0ree]

أختي والله ما ادري شقولج بس يعني عشان تصرفاته تكرهييه... !!! قعدي معاه قوليله ان هذي التصرفات تكرهيينها...وقبل ما تاخذي اي قرار ادعي ربج ليل نهار في صلاتك اذا فيه خير الله يسره واذا شر الله يبعده... واقرئي البقرة يمكن حد اعطاج عيين ما تدري العين حق..

 

[solitude]

صارحيه وصارحي اهلج
زواج هذا لو سكتي بتعيشين عمرج كله مع هالشخص اللي ماتبينه

 

[بوح الحنين]

فعلا المفروض تقرين سورة البقره بنية ان ربي يحببك فيه وتحاولين تحبينه بعدين راح تندمين

 

[حجيه هيونه]

انا اقول استخيري قبل لا تخربينها

ترا بنات وايد بعد ماخربت السالفة وياهم غيره تندموا

 

[شوبارد قطر]

عيل واجهيه وخل اهو اللي يقول مابي حتى تفتكين من ااسوالف

 

[فرزاتشى]

شوفي تبين نصيحتي اول شي حاولي اسبوع تبعدين عنه قولي له مشغوله بالدوام باي شي وهالاشبوع عليج بالاستخاره والاستغفار واقري عليج يمكن فيج عين ماتدرين اقري كككل يوم البقره بالليل وصلي ادعي ربج يلهمج الصواب طيب ولاحسيتي ان ارتحتي شوي ردي كلميه خليه يجي واقعدي تفاهمي وياه قولي له انت والنعم فيك وكل شي بس احنا بندخل على حياه زوجيه وهالضحك اللي طول الوقت ماينفع لازم تكون جدي شوي وقولي له شاللي موعاجبج فيه لاتقطين الكلام بوجهه شوي شوي وقولي له وش اللي موعاجبك فيني وتفاهموا ان ارتحتي وانحلت السالفه زين ان حسيتي السالفه ماتقدرين تكملين فيها ارجع واقولج استخيري هاي حياه زوجيه مو شي سهل لاتتهاونين بهالموضوع وحاولي تفكرين ان بكرا بيجيج عيال يترسون عليج حياتج وهم بيصيرون الاساس

 

[تعب!]

مدري وش اقولك والله يالغالييه ,,
مثل مافهمت من كلامك انك متملكه .. والطلاق شي مو سهل والله
صديقتي نفس حالتك من تملكت وهي مو طايقته تطلقت امس وبرغبتهـآآآآآآ باقي على زواجها بس شهر بس ماتتحمله تقول انها تندمت لانها يوم شافت ورقه الطلاق بكت !
الطلاق شيي صعب جداااااا وانتي ماعاشرتيه ,, اصبري وتريثي يالغاليييه
الوحده مو كل يوم لها رجـآل .. اصبري واطلبي من ربي التيسيييير واطللبي ربك بالسجوود وتحري اوقات الاجابه صدقيني ربي بيدلك على اللي فيه خيييير ,, ومـآخاب من قال يارب

التجأي لربك والزمي الاستغفار ويااارب تتيسر امورك :eh_s(17):

 

[نور الدنييا]

اول شي صلي الاستخاره

 

[شقـــرديه]

حبيبتي اذا ماتبينه من الحين قبل ماتتزوجون ويطيح الفاس بالراس
اختي نفسج حست خطيبها انسان تافهه وماله شخصيه واهلي ماوقفو وياها لكن صدته وقالت له مابيه وصلت انها نهارت واغمى عليها مارتاحتله كلش وهم لان صادته يجذب
فاذا ماتبينه من الحين دام للحينكم

 

[حـطموك ياقلبي]

الله يفك عونج يارب

 

[om Firas]

الله يوفق بينكم ياااارب مع العشره كل شي يتغير

 

[مفرفشه عالاخر]

الاستخارة حلج الوحيد راي البنات ماراح ينفعج بالمواضيع المصيرية

 

[ѕну gιяℓ]

الله يفكك منه عاجلا غير اجل بس ضلي زني على اهلك انه يفكونك منه والله ييسر لك

 

[انثى عاشقة]

الارواح جنود مجندة ما تعارف منها ائتلف وما تناكر منها اختلف ..
استخيري وربي يختار لك الخير والصالح ..​

 

[ماني من الناس]

ليش انتي ماشفتيه شوفه شرعيه قبل الزواج

حرام الريال مخسر فلوس عالعرس مفروض من البدايه تكونين متاكده من قرارج وتشوفينه وتقعدين معاه

 

[Queen N]

هااااااااااااه شنو مااشوف عدل :bbbiu:
بسم الله عليج شنو هذا استحي انتخي اشكره :eh_s(10):
ترا الزواج خاااااااااااااااااااايس تعرفين شنو خاااااااااااايس
عبالج حلوووو
شكوك خيانات وضيجي ولبسي وسوي جذي وسوي جذاك وصالونات ويليت يعجبه الثووور :rgewrg:
لاحقة على عمرج يامال الشفيفه

هههههههههههههههههههههههههه
سوري ضحكت :eh_s(22): بس وااااااي الرد عجييييب
احس طالع من قلبج



احم :eh_s(22):
حبوبة صاحبة الموضوع .. اول شي فكري فيها مرة ثانية بينج وبين نفسج عشان ما تتحسفين
اذا تأكدتي 100% انج تبين تنفصلين عنه اهني سوي الي تبينه
داج للحين ع البر خلاص كلمي اهلج و قولي لهم
انا مو متقبلته ولا بالعته ماقدر اعيش معاه
و اوخر عنه الحين احسن من اقعد وياه فترة بسيطه و اتطلق
و بعدين كلميه اهو و قولي له الي بخاطرج
و ردي له المهر
بس ارد واقولج لا تستعيلين .. فكري زيييييييييييييييين
و الله يكتب لج الي فيه الخير :eh_s(17):

 

[ام اشكن]

حبيبتي أنا من رأيي لا تستعيلين لانه صج لو انفصلتي ممكن ما ايييج واحد مثل ما انتي تبين وحمدي ربج تراااا في بنات للحين ماتزوجووو الحمد الله المهم ريال وحبيبتيي انتي تقدرين تغيرينه لا تخلين أشياء تافهه تخرب عليج وتخليج تندمييين طول عمرج فكري عدل سوووري اذا ضايقتج بس أنا قتلج رأي والصراحة. والله يوفقج