قلبي متروســـــــــــه اللي فاضيه تدش:)

[الغاليه نونو]

رد: رد : قلبي متروســـــــــــه اللي فاضيه تدش

يابعد قلبي بقولج ماما فديتج والله والله قاعده اكتب كلامي وأبجي استغفرالله اعيالج ليش جذي ياربي ربي يصلحهم هذا عقووووق ياربي انقلبت الدنيا لو انتي خالتي بحطج بقلبي وعيوني وفوق راسي جناينج يرضون على امهاتهم طبعا مايرضون بس الشيطان داش طول بعرض فيهم اعوذ بالله من شرهم وعسى يرجع عيالج لج ويهديهم ويهدي حريمهم ولايهمجشي مردهم لج وقولي ماقلت فديتج والله

ياعل دمعتج ماتنزل الا بالفرح ياقلبي والله ماودي اكدركم معاي بس شسوي حسيت اني مقموته وكتبت اللي بخاطري لكم اقرا ردودكم ودعواتكم لي وادعيلكم بالمثل

انا نحرمت من حنان الخاله كانت خالتي الله يغفر لها مطلعة لي قروون ويوم عرست عيالي قلت هذوله بناتي ويشهد لي ربي بهالشهر الفضيل ماحلفت بربي الا ونا صاجه معاملتي لهم شي فوق الخيال اقل شي انها لي اقعدت اشيل جوتيها عزج الله واييبه داخل علشان لاينداس بره ياربي اشتبي اكثر من جذي لوتشرب الجاي وتطيح نقطه علي هدومها والله ثم والله اركض اييب الفوطه وامسح لها ثيابها واهيا قاعده هذا شي من ولا شي بس عند ربي موضايع شي املي بالله كبيييييييييييييييييير ومردهم عيالي بييوني بس متي العلم عند الله؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[الغاليه نونو]

ياقلبي انتي وربي ماتستاهلين وان شاء الله ربي يهدي عياالج
( شرطه الوحيد يقول تعالي بيت اهل زوجتي واعتذري من مرتي واهلها وبوسي راس امها وتالي ارجع لكم)
والكلام هذا قطع قلبي شنو نسي انتي امه والله دنيا واحد يحقق مع امه علشان زوجته واحد يبي امه تعتذر حق زوجته
صدقيني ربج موناسي عبده يجي يوم راح تشوفين يجونج زحفف يبون رضاج كما تدين تدان حسبي الله ونعم الوكيل علي كل ظالم

والله العظيم لو اني مسويه شي غلط جان اعتذرت قبل مايشرط علي ولدي هالشرط بس ماقلت شي تشرهت علي ولدي وين الغلط اهيا الله يسامحها خذت هالكلمه وحطتها حجه علشان تبعد ولدي عني لانها كانت دوم تقول ياريت اخواني يسوون جذى حق امي وكانت تغار من معاملة ولدي معاي تالي فهمت قصدها من هالحركه هذى وانا اللي موصيه ولدي يحطها معاه بالجنسيه ويدخلها بملف البيت وانا اللي طلعت لها الاستماره والاجازه وعاملتها علي انها بنت مسكينه مكسوره الجناح ويتيمه وموكويتيه قلت بكسب فيها الاجر ومافرق بين معاملتي لها وباجي جنايني

يبوني اروح لهم اطيح عليهم واعتذر منهم مادري اشلون قلوب عليهم هالبشر

 

[انصاريه قمره]

ااااااااه يا يمه كلن بقلبه شقى الليله الله يسخر لج عيالج ويبعد عنهم زارعات الشر حريمهم النسوووره وصدقيني كم تدين تدان ومردج يا الجنه بتصيرين خااله وبتشوفين ربج شلون بيجازيهم

 

[الغاليه نونو]

يآويل قلبي اربي واكبر وادرس واسهر اليالي وتجي وحده تأخذه جآهز ويآرده مبرده ... والله ماتستاهلين يالغاليه والله العيب مو فيج العيب في حريم عيالج الله يرفع عنهم ولا يبلانا مايدرون ان الدنيآ دوآره ومثل ماتسوي بالناس يسوآ فيك ... والله يالغاليه العيال في هالزمن ماينفرح فيهم اللي عندها بنت ربي يرحمها ويسخر بنتها لها طبعا مو الكل .... أسال الله ان يريح قلبج ويرد لج عيالج ردا جميلا

هذة سنة الحياه مثل ماخذيت ابوهم عيالي ياخذونهم بنات الناس بس ماعمري قلت لابونا امك فيها ومافيها والله العظيم اني شفت منها الويل بس كنت اروح ابوس راسها واايدها والحين عرفت قدري عسا الله لا يغير عليها وعيالي مااذكر اني قصرت بتربيتهم حشا لله ماعلمتهم الا كل مايرضي ربي سبحانه ولاني اعرف تربيتي هالللي مستغربه منه اشلووووووون يقدرون يفارقوني ولدي العود قال بتبرا منكم انتوا ماتستاهلون تكونون اهلي والثاني يطل بحلج مرته لي قالت ولا الضالين قال امين

ومالي غي الدعاء وربي قادر يبدل الحال سبحانه بدعواتج الطيبه اسأل الله الاجابه اللهم آمين

 

[zo'3a girl]

رد : قلبي متروســـــــــــه اللي فاضيه تدش

بعد عمري الله يعينج
والله ياجرج على هالصبر يارب والله يرجعلج عيالج
وتقر عينج بشوفت ولدج يارب

 

[الغاليه نونو]

حبيبتي نونو الله يصبرج و يقدرج على ما بدر من عيالج
ويرد علاقتج معاهم مثل اول واحسن ان شاء الله
حبيبتي حبيتج والله احسج حيييييييل مظلومة من عيالج بسبب جناتج
بس لا تنسين انه الظالم ياخذ جزاه بالدنيا قبل الاخرة

تحياتي لج نونو

خوووفي عليهم من عذااااااب ربي اهو اللي مومخليني ارتاح انا اعرف شنهي عقوبة عقوق الوالدين بالدنيا والآخره ادعي ربي يتجاوز عنهم ذنوبهم ويقر عيني وعين ابوهم بشووفتهم قبل لا يفوت الفوت"

 

[الغاليه نونو]

يا حياتي والله عورتي قلبي شهالزمن يالله سترك و رضاك معقووله ؟ يا عمري اللي مايعدك مكسب لاتعده راس مال انتي راس المال كله و انتي تاج على روسهم الحرمه بدالها الف حرمه بس الام وييين والله لو يعطوني فلوس الدنيا مابدلتها حياتي روحي ياعل دربج يسر وايامج هنا وسعاده ويعل ربي يفرحج ويزيل همج ويجمعج مع عيالج اجلا غير اجلا يا رب والله ضيقتي خلقي

الله اقوي منهم اذا اهمه همهم الوحيد يحرموني من عيالي الدنيا تدوووور واللي صار لي بيصير معاهم وهالشي ماتمناه لهم كل خوفي علي الشايب اللي يحقن بقلبه ولي قعد ابريحاته معاي بالدار شفت دموعه بعينه ولاني قادره اسويله شي خوفي من الحوبه لاتصيبهم والله ضاقت فيني الحيله ولا ادري وين اروح

 

[الغاليه نونو]

والله لو ماكنت طيوبة وحبوبة ماصارلج جذيه هذا ابتلاء من الله والا الام مهما سوت والله مايطلعون من جزاها
ولاحظي دايما الخالة القشرة والحارة جناينها طابور وراها والعكس صحيح
هذا حال الدنيا لاتخافين انت عبالج ماراح تنقلب عليه ويرد لج هالنوعية من الحريم ان مالقت احد تناجره ردت تناجر روحها وعيالها
ربي ينصرج
وعجبني سطرج الاخير فعلا الدنيا فيها الزين والشين
اما الوظيفة سلي روحج واتوظفي عوضي سنين عمرج بس انت مو اردى من غيرج
الله يوفقج يارب

الحمدلله دامه ابتلاء من ربي والله اني مستانسه وبنفس الوقت ماتخيل بهالشهر الفضيل عيالي مايمروني صعبه شوي واالقشاره ماعرف لها طريج وعساني ماشوفها انا الهندي بالسوق لي بغيت اسولف معاه بشتري منه شي اقول له ماماحبيبي هذا ابجم هههههههههههههههههههههههه

وعلي طاري الوظيفه ترا ابشرج اقبلوني خلاص بصير بالتربيه عيالكم في ايادي امينه لا تحاتونهم عقب اليوم ههههههههههههههه

 

[الغاليه نونو]

عسى ربي يهدييهم يااااااااارب .. ماما انتي واايد قلبج طيييييب والله اني احبج في الله من زماااااااااان ... الدنيا زايله وكما تدين تدان .. حسبي الله على حرييييمهم بس وياعل حوبتنا ماتتعداهم ويشوفونها بامهاتهم اللي خلوووا رياييلهم يقاطعوون امهم ويعورون قلبها .. وعيالج عسى ربي يهديهم بهالشهر الفضيييل ويهديهم للصراط المستقيييم عاجلا غير اجل ... وياااعل ربي يمسح على قلبج وقلب ابوووي يااااكرييييم ياذا الجلال والاكرااام .. اهمه بغفله الحين ومستانسين مع حريمهم بهالدنيا الزايله بغمضة عييين .. يااارب انك تحسن خاتمتنا وجمييع المسلميين امييييييين .. ادعيلي ماما تكفيييين انتي ربي يحبج انا متاكده الحمدلله .. ايمانج بالله قوي .. ادعيلي ربي يوفقني مع زوجي وخالتي تعتبرني مثل بنيتها .. امييييييين .. عسى ربي يحرم ويهج وويه ابوووي وامي من النااارر بحق هالشهر الفضيييييييل .. ودي ابوووس ريوول كل ام ورب الكعبه .. محد يصبر كثركم تستاهلون الجنه وكل ملذاتها ياااعلكم من اهلها خااالدين اللهم امييييييييين

اللهم آمين آمين آمييييييييييييييين يارب العالمين ياعل ربي يشملج ويشمل كل بنات المنتدي السنعات بتحريم ويوهنا عن النار

لا تدعين يمه خلي قلبج كبير وصبرج اكبر وادعي حق كل اللي يظلمونج بالخير يمر ملك ويقول آمين ولك مثله

الحمدلله ربي اللي رزقني البلاء واختصني فيه من بين عباده هذى ابروحها نعمه من عند ربي دامه من ربي كله خيييييييير اللهم زد وبارك بالبلاء ستجدني ياربي من الصابرين القانتين الراجين لعفوك ورحمتك ولايرحمني برحمته سواك
اللهم آمين يارب العالمين

 

[الغاليه نونو]

شوفي يالغالية انا لو بتكلم من الحين لي باجر اكيد اتكلم من فراغ لأن قلب الأم غير

بس بالنسبة لولدج الكبير انا -اسمحيلي- هذا رايي انا اقول انسيه و اغسلي ايدج منه

هي ما قالت ترى يدق بكيفي و امنعه بكيفي الا هي عارفة هو شنو! عارفه لأي درجة هي متحكمه فيه

و هي الله مو هاديها يعني راح تخليه يغثج طول العمر

فنصيحة اعتبريه ما انولد انسيه نهائي و حسسيه انه انت خسرت امك و ابوك و اهلك كلهم و صج انسيه و لا تنفعينه بشي

و قوليله نشوف مرتك و اهلها شينفعونك فيه و لا انا امك تسمع مرتك تقول جذي و تسكت لها

و اذا اسألج عنه احد من اهلكم قولي فلان لا تسألوني عنه

( عشان اخوانه اذا شافوا جذي سويتي فيه يخافون يسوون نفسه )


و بصراحة انا اللي حيل نرفزتني سالفة روحي بوسي راس عمتي و اعتذري لها ( اذا رضى بهالسالفة و انتي امه يعني المفروض قلبه ما يطاوعه لكن ما رضى الا معناها ان مخه مغسووووووول خلاص)

فأنتي شنو تترجين منه بعد؟ اصلاً شتبين منه ؟ بتبجين؟ ابجي يوم يومين ثلاثة بس .

و اذا عن مكانه هو الحين وين لو انه مهم بالنسبة لج اقدر اقول لج روحي الدوام و اسألي عنه او دقي على اهل زوجته و تحملي اللي تسمعينه

لكن نصيحة لا تسألين عنه يكون وين مايكون شتبين فيه!! اذا هو ما اهتم و بلغج خلاص لا تلحقين وراه تسألين عنه

ليت اقدر انساه اجذب عليج اقول لج نسيته والله مايفارقني دقيقه معاي بكل قومه وقعده ادري مخه انغسل وادري يبون يغثوني وادري اني لي رحت دوامه بيفشلني لانه قال لي ان وصلتي دوامي بتشوفين شى مايسرج واهل مرته ناس شرانيين يحبون الطلايب وانا مره مافيني شده المشاكل اخاف من هالاشكال من الناس ماعرف اشلون اتعامل مع ناس نايمين بالمخافر نوم يادافع البلا
بس عيالي اللي حوالي ياعل عيني ماتبجيييييييييييييهم والله شارين ضحكتي بالدنيا ومافيها يابعد قلبي قلبهم جدامهم اسولف واضحك ولا جن فيني شي بس لي اطلعوا انا والابوا انتجابل ونصيح وتحسر واهو يسكتني ويصبرني وانا اواسيه واهون عليه ومالنا غير ربي سبحانه يرحم حالتي وياه

 

[الغاليه نونو]

والله صج قلبج متروس بس مالومج كل سالفه اقوي من الثانيه بس الله يعينج اذا ولدج الكبير ماعنده شخصيه ولا كلمه عند مرته
تحكم فيه وسبحان الله هذا مثل الدين بكره اعياله عاملونه نفس الطريقه الي يعاملكم فيها وانتي امه مهما صار ولو شنو سويتي فيه
المفروض مايقطع فيج ويواصلج شلون يصوم ويصلي ويذكره ربه واهو امه ماذكرها بس مالج الاالدعووه انه ربي يسخره لج ويشيل عن عينه الغشاوه ويشووف عدل ويعرف انه ماراح يتوفق اذا ماكسب رضا الوالدين

بنسبه لمرت ولدج هذوووول الحريم والله لو تعطينها عيونج وقلبج وروحج للاسف في ناس مايبين في عينها وعندهم اهم الصح والكل الغلط عطيها طاف من امه مو كفو صدقيني تشيلين بقلبج منها استقبليها عادي يعني خير الامور الوسط لا تكرهينها ولا تعزينها معامله عاديه واكيد الي بيجي لبيتج ويتعني لج ماراح تردينه وتذكري ولدج وعلي قولتج علشان عين تكرم مدينه

البنت بتدخل بيتي الله يحييها واهي اول وتالي ام عيالنا مالي غناة عنها بس شايله بقلبي عليها شوي وقاعده اطلب ربي يلهمني الراحه بوجودها علشان لاتشوفني متضايقه مابيها تحس اني كاشه من عمايلها بس اكيد لي يات بكون معاها طبيعيه كثر ماقدر وبشوف مايتها ومالي غير الدعاء بدعيلها وعسا ربي يتقبل

 

[الغاليه نونو]

مالج الا الدعاء والاستغفار اهوا اللي ببدل حالج

وادعي لعيالج بالهدايه و مردهم لج ان شاء الله

وتحسبي على حريم عيالج و شوفي حوبتج فيهم انتي مظلومه والله بيأخد حقج منهم

وشوفي الجانب الايجابي بحياتج زوجج عندج وبنتج بارتج و كلهم حواليج الحمد لله

شمصبرني غير الدعاء والاستغفار والقرآن؟؟؟؟؟؟؟؟؟؟؟؟؟؟؟؟؟

وماتحسب عليهم اقول عل وعسا يهديهم ربي ويطقهم بعصاة الهدايه ويعرفون ان الله حق ويرجعون عيالي بحضني يااااااااااااااااااااارب تلم شملي فيهم اليوم قبل باجر ياااااااااااااااارب

 

[ترووفه]

ياااااااااااااااااابعد قلبي يالغااليه نونو


والله غصتني العبره

صج اللي قاال كلن بهمه سرى

وجزى الوالد على الله


انتي تعبتي واخر هالتعب نكراان عسى الله يهدييييييييهم ويرجعوون لج ولحضنج اللي مايتعووض بملايين ولا بالف مره

الام ماكو مثلهااا


سبحان الله انااا اتمنى الضنىى واتمنى الحماال


ووتاخرت بالحمل

واحياناا اقووول يمكن خيره من ربي لااييني ولد عاق او بنت عااقه


مااقول الا يااااعسى ربي يهديهم ويسخرهم لج ويخلي لج ربي ماعطااج ويهدي حريم اعياالج


صج انج ذهبه عسى ربي يوفقج بوظيفتج وبدنيااج واخرتج وايسر اموورج ويسهلهااا ياااارب

 

[رووز q8]

يابعد عيني يا يمه والله احبج من زمان بس خاشه هالشعور بداخلي والحين فكيت سراحه هههههههههههههههههههههههههههههههههه

والله لو انتي خالتي جان احطج فوق راسي اشيلج من الارض وين الوحده الحين تلقى خاله تحبها حافظج ربي يمه

والله يحنن قلبهم عليج ويمسح على قلبج ويرزقج راحته


اللهم كما رددت يوسف الى اباه رد ابناء الغاليه نونو اليها
اللهم كما رددت يوسف الى اباه رد ابناء الغاليه نونو اليها
اللهم كما رددت يوسف الى اباه رد ابناء الغاليه نونو اليها

آللهم امين اللهم امين اللهم امين ...~

 

[حجيه هيونه]

ولدج الاول خليه بعد شتسوين لين الله يهديه شكله حيل مسيطره عليه المدام ولا احد يقول لامه تبوس راس زوجته وامها ؟؟؟ الحمدالله والشكر


والثاني انتي عزميه لين تروح الفشله وينسى الموضوع وحاولي تبلعين شوي الكلام ولاتقولين شي لزوجته ماعليه ادري مقهوره بس طوفي لين يهدا الموضوع وتطيب النفوس وبعدين كلميه


والله يبارك لج بالي عندج ويهدي الباقي يارب العالمين

 

[قطيووه^_^]

الله يردهم لج وهديهم ويخليلج اياهم
ادعيلهم بالهداية بهالشهر
وجنتج ما عليه احتسبي الاجر عند ربج

 

[عروس الكويت]

رد : قلبي متروســـــــــــه اللي فاضيه تدش

السلام عليكم

اول شي سامحيني يمه توني اشوف موضوعج صار لج فتره من هل رمضان فاقدينج بالمنتدى
مبارك عليج ماتبقى من الشهر
والله ماادري شقول تعودنا احنا اللي نشكي لج وانتي تردين علينا وتصبرينا بردودج اللي دايما غييييير

تعودنا مانشوف منج الا الكلام اللي يشرح الصدر
وندري بسالفه ولدج وياما تكلمنا فيها اهني بالمنتدى بموضوع له فتره وبعدين تعب الشايب والحمدلله على كل شي

انتي قويه يمه بصبرج بايمانج بتحملج بالاجر اللي تاخذينه على بلاوي هالدنيا

لاشك انه طريق قاعديني نمر فيه ونتعثر ونطيح ونقوم وهذي الدنيا
هذا ولدج مرده بيرجع والايام كفيله فيه
اما الحريم الله يسامحهم مايدرون ان الدنيا سلف ودين ونسوا قول الرسول صلى الله عليه وسلم: اصنع ماشئت فكما تدين تدان وبمثل ماتكيل يكال اليك

ماعليه شده وتزول وربي يطمن قلبج ويلهمج الصبر والسلوان ويرد لج ولدج مثل مارد يوسف على يعقوب ياااااارب

 

[قطيووه^_^]

الله يردهم لج وهديهم ويخليلج اياهم
ادعيلهم بالهداية بهالشهر
وجنتج ما عليه احتسبي الاجر عند ربج

 

[•°أنـــفْــِـاسِ اَلِــــوُرَدِ°•]

رد : قلبي متروســـــــــــه اللي فاضيه تدش

ماشاءالله عليك صابره وشاكرهـ لله وذاكرته أهنيك على إيمانك والله يزيدك ويصبرك ويثبتك
والله يهدي عيالك وزوجاتهم ويصلحهم ويردهم لعقلهم وصوابهم وبعرفون عيالك الحق ويعرفون أن أنتي أمهم أساس كل شئ وأن رضا الله سبحانه وتعالى من رضاك ,’
يارب الله يهديهم ويصلحهم ويرضونك وتشوفين برهم اللهم آمين يارب العالمين ,’
استغفري وكثري من الإستغفار الإستغفار سبب لتفريج الكروب وقومي الليل وأدعي الله الله عزوجل قريب من عبادهـ,قال تعالى:"وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ"
إحترامي لكِ وتحيتي

 

[Cander]

بعد قلبي انتي

دمعت عيوني من سالفتج

حسبي الله على مرت ولدج الكبير عسى الله ينتقم منها ولاتزعلين مني الشرهة ع الريال اللي يمشي ورا مرتة

مو غلط ان الريال يتشير مرتة وياخذ رايه ويطيعها بشغلات ، بس انة يقطع اهلة هالقطاعة ويطلب منج تروحين تبوسين راس امها !!

لا ديري بالج تسوينها اذا سويتيها كل فترة راح يطلب منج تسوين شي واذا ما سويتي يزعل عليج

وجنتج الثانية الحمد لله الله يغنيج عنها ويعينها على نفسها وباجر كل شي سوتة فيج يرد عليها من جناتها

عسى الله يريح قلبج من هالهموم برمضان وصدقيني الكبير مرتة بيعقل

الله يفرج عالكل