قلبي متروســـــــــــه اللي فاضيه تدش:)

[Magnificent]

رد : قلبي متروســـــــــــه اللي فاضيه تدش

الله يهديهم و يصبرج ان شاءالله

 

[الطاوووسه]

مالج الا الدعاء والاستغفار اهوا اللي ببدل حالج

وادعي لعيالج بالهدايه و مردهم لج ان شاء الله

وتحسبي على حريم عيالج و شوفي حوبتج فيهم انتي مظلومه والله بيأخد حقج منهم

وشوفي الجانب الايجابي بحياتج زوجج عندج وبنتج بارتج و كلهم حواليج الحمد لله

 

[G!RLooNa]

واااااااي بعد عمري عورتي قلبي

الله يهدي عيالج انشالله و يردونلج و تفرحين فيهم يارب و يفكج من شر النسوره اللي ماخذينهم قطيعه و يبلغج اباجي عيالج انشالله

 

[راعية الطويلة]

رد : قلبي متروســـــــــــه اللي فاضيه تدش

حبيبتي

عسى الله يردهم لج ردا جميلا

ويهديهم لج

وهذا ابتلاء احتسبي الأجر و لا تضيعينه

فإنما الصبر عند الصدمة الأولى


و الحمد لله الذي أنعم عليج بنعمه ظاهرة و باطنة

وأن تعدوا نعمة الله لا تحصوها

و انصحج تسوين ب\أخلاقج العالية الكريمة

و تستقبلين جنتج بالإبتسامة الحلوة

و قلبج الوسيع المتامح يسع الكل

الله يفرج همج و ينفس كربج

و كل مسلم​

 

[pяiήcєşš]

عسى الله يردلج عيالج ويفكلج ضيقتج ياااارب
.....


سبحان الله خذيها قاعده بالحياه كما تدين تداان وهذيلا الجناين يجيهم يوومهم

الله يهديهم

 

[bobo lover]

لا تعورين قلبج يمه و ترا الدنيا دوراة و ما رد عيالج لج
و صدقيني عيالهم باجر بيسوون فيهم جذي.
الله أخذ منج هالعيال بس عوضج باللي أحسن منهم
عسى الله يحنن قلبهم عليج ان شاالله

 

[كويتية ورديه]

عسى الله يفك عوقج ياعمري ويهديهم ويسخرهم لج يارب ... والله يكون بعونج ويقدرج على مابلاج والله محد مرتاح كلن عايش على همه انا امي ماشافت اخوي 9 سنين والله وبعد 9 سنين ياها من دعائها حياتي ... سبحان الله الدنيا ...

 

[BaiTotia]

رد : قلبي متروســـــــــــه اللي فاضيه تدش

حبيبتي الله يسخرهم لج ويهديهم إن شاالله

 

[وهج الخير]

رد : قلبي متروســـــــــــه اللي فاضيه تدش

ربي قال سبحانه .... ولئن شكرتم لأزيدنكم

وانا اشكر ربي واحمده علي كل اللي كاتبه لي زين وشين صج ان الشين يغث شوي ويحر القلب بس هذا ابتلاء واختبار من العزيز الحكيم وكلي امل بالله سبحانه انه يهدي عيالي وعيال المسلمين بهالشهر الفضيل ويردهم لاهلهم وصوابهم


قولوا آمين يارب العالمين
امين يارب
الله يردهم لك ردا جميلا ويهدي زوجاتهم ويخليلك زوجك وبنتك وباقي اولادك ويعدل الامور يارب بهالشهر الفضيل

 

[Loutes]

رد : قلبي متروســـــــــــه اللي فاضيه تدش

ماما نوووووووووونو انتي حبيبتي
والله احبك من اشوف اسمك

يا بعد عمري
رمضان شهر الخير خليها تجي وتسلم وبس
لا تصيرين عسره حيل بس مو حلوة نفس قبل بالنص يعني

وولدك الثاني عسى ربي يهدي زوجته اللي ما تخاف الله وشنو تعالي اعتذري
ترى مرد الولد لامه طال الزمن ولا قصر
لا تعذترين ولا شيء والله يهديه ويرد له رد حسن

وانتي ذهبه والله وتاج على روسنا
واللي ما يقدرك غلطان
والله كريم يعطي وياخذ
احبك يا احلى ماما
>>> ما تصيرين امي بالمنتدى ههههههههههههه

 

[miss disaster]

حبيبتي الله يصبرج ويقر عينج بشوفة عيالج

ومبروك الوظيفه (وترى عادي العمر مو شرط انا احب الطموح لانه شي حلو)

والله يكثر من امثالج ويخليلج بنتج وباجي عيالج

 

[*_*cute bug*_*]

حبيبتي الله يعيينج ويسخره لج ياارب يعني اهي مافكرت باجر الله يبليها بالتسوي تفرق بين ام ولدها ..
الله يهدي يقول حق امه تي تعتذر من ام مرته ليش انتي بشنو غلطتي عليها لا تروحين ولا شي اهم شي كرامتج انتي امه مو او امج المفروض اهو الي يدور رضااج .. الله يهدي ان شاء الله

 

[~ miss NERD ~]

الله يهدي عيالج و جناينهم يا رب

 

[غزلان]

ياويلي يابعد عيني عينج يانونو اموت فيج
واحب سوالفج
وولدج الدنيا بتعلمه ويرد لج ماعليج عسى الله يهديه

 

[النشبه88]

ماما نوناااا انتي يا حنييييييييينة ... والله انج خاله كشخه تعرفين حق المنتدى
الله يصلح عيااااااااالج ياااااااااااارب ويعرفووووووون قيمة الاااااااااااام يااااااااااااربي تهدييييييييهم
شهالجناين حسبي الله ونعم الوكيل ....وعسى الله يخلي لج بنييييتج قولي آمين

 

[حنين الفؤائد]

رد : قلبي متروســـــــــــه اللي فاضيه تدش

الله يعينك ويصبرك
وزوجة ولدك الدنيا راح الدور والي سوته فيك عيالها راح يسون فيها
ولاتخاف يجي يوم ويحس ولدك ادعي ربك انه يهديه ويكفيه شر مرته

 

[الغاليه نونو]

رد: رد : قلبي متروســـــــــــه اللي فاضيه تدش

مباركـ عليج باقى الشهر ..

عاش من شافج .. والله لج وحشة .. الغالية .. كل اللى بالمنتدى يحبونج ويفقدونج لاغبتى ..

وزين يسووى فيج الشايب .. مو حلووووهـ انتى الخالة تروحين وتتعذرين ..

واسحميلى ولدج خرروف .. شدعوه عليك قاطع امك واهلك عشان مرتك ..

ياما تصير مشاكل بين الخالة وجنتها .. وبأسوء الحالات تقطع الجنة بس الولد مايقطع اهلة ..

انا اشوف ان الووقت كفيل بحل المشاكل .. باجر يرد .. وبعد انتى شنو بيدج تسووين !!

صبرى والله يأجرج .. وادعية بالشهر الفضيل .. وعسى ربى يهدية ..

اما بالنسبة للجنة الثانية .. استقبليها .. مو عشانها ..عشان ولدج وعيالة .. بالعكس بتكسرين عينها وتعرف ان الله حق ..

والله يخليلج عيالج وبناتج.. ويسر امورج ..

اللي يقهر ويعور القلب اني والله العظيم ماتطلع مني الشينه حقهم ولا عمري كدرتهم حتي لوعلي حساب راحتي ماعمري قلت لهم ماقدر والا تعبانه والا اسمحولي بروح المكان الفلاني دووووووم طلباتهم أوامر ودوم يلقوني متي ماحتاجوني ولا خبثت خاطرهم بحرف واحد العله بعيالي وبحريمهم انا اقول لوجنايني سنعات حتي لوشافوا رياييلهم يتحلطمون علي المفروض يقولون حرام هذى امك جنتك ونارك مو يقعدون ويزيدون النار حطب علي الماميش وبدوون سبب يكرهوني

مافيني شي شين الحمدلله سنعه واوجبهم وقايمه فيهم وابخرهم حتي بيالة الجاي انا ارزها جدامهم ولاعمري تامرت عليهم ولا قلت لهم قوموا باشروا رياييلكم حشا والله انا اللي اخدمهم بس مالي حظ معاهم
انا ماهموني بنات الناس مايحبوني براحتهم بس عياالي ليش يجحدوني عقب هالعمر؟؟؟ ليش ينكروني وينكرون ابوهم ؟؟؟ ليش الحريم يامرون وينهون واهم ساكتين ولا كلمه؟؟؟

الله يهديهم غاثيني بحركااااااااااتهم بس الشكوي لله

 

[أم حمد =)]

لا حول ولا قوة الا بالله ..

الله يفرج همج ..

 

[الغاليه نونو]

رد: رد : قلبي متروســـــــــــه اللي فاضيه تدش

والله واللي خلق سبع سموات اني عزيتج حيل واغليتج نفس امي من عقب هالموضوع
من صجج يالغالية تروحين تعتذرين !!
لا والف لاااااا
اهو اللي يجي يعتذر ..هالعاق اللي لا احترم امه وابوه وهدهم واهم زعلانين اهو اللي يجي يعتذر لا تروحين يالغاليه
انتي امه تعرفين يعني شنو امه؟ هذا عاااااااااااااااااااق
والله ان عيني دمعت ياربي شنو صاير بالدنيا؟ احد يزعل امه وابوه علشان زوجته؟
يالغاليه لا تعتذرين ولا تروحين وزوجك الله يكون بعونه والله حاسه فيكم ..مرده بيجيج الله يهديه
بس انتي لا تعتذرين ولا تروحين
واذا تبيني اجيجكم زوارة اجيج وبسليج بس ها تراني قرقة تحملوني هههههههههههههه

ماودي بالروحه بس بروح لاني ابي وليدي ولهت عليه قسما بالله ياقلبي يتفطر علي شوفته صورته بمخباتي اسولف معاه مثل اللي ملحوس مخها بس مايرد علي وابونا اليوم عالفطور شال ايده من التشريبه قال تحرم علي التشريبه الا بوجود ولدي ياكلها معاي ودمعت عينه كل يوم هذى حالتنا والله المستعان

تعالي يمه ون ماشالج البيت تشيلج عيوني يالحبيبه


عسا ربي يبرد قليبج مثل مابردتي قلبي بكلامج

 

[Mazyoona]

يا قلبي يآلغالية ،
يآ مالهم العافيه جناتج الثنتين .. أحد حآصله الغاليه و يسوي جذي
أذكر موضوع ولدج يالغاليه ، الكبير أظن أظن مسحور و لا صراحةً حالته
ما تسر .. شنو مرته تقول بكيفي ايي و لا لآ لو هو صاحي جان بآلعقآل
على ظهرهآ ، و آلثاني يالغاليه استقبليهآ و كلميهآ عدل خليهآ تتمنى الأرض
تنشق و تبلعهآ!

و الله يعينكم على ما بلاكم ،
و لا يهمج و لا لج شغل فيهم حاتي عيالج و بس و لا شورا هالجنات الا
عوار الراس ،

تحياتي غلآآآي
و مبارك عليج باجي الشهر