قعدتج بعيد عن زوجج ترخصج عنده ؟؟ شرايكم

[الـدآنـه]

السلام عليكم

شلونكم كويتيات

اليوم الوالده خرعتني تقول القعده ببيت اهلج يرخصج عند زوجج ويتعود على فراقج

انا حاليا قاعده ببيت اهلي لأني وحام وارجع واتعب واجد وماحب اجابل زوجي وصارلي اسبوعين عند اهلي

بنات انتوا تواحمون ببيت اهلكم ولا عند زوجج ؟

وكلام امي صح او لا لأني احس انه زوجي مستانس على قعدتي في بيت اهلي وما قالي ردي :rgewrg:

ودي ارد لزوجي بس ما اقدر وبنفس الوقت خايفه يتعود على بعدي عنه

 

[قاهره عذالي]

رد : قعدتج بعيد عن زوجج ترخصج عنده ؟؟ شرايكم

معاها حق

انا الحين زعلانه ببيت اهلي وتراضيت معاه
بس هو قرر ياجر لي بره

وهذا انا ناطره ياجر بدخل الشهر الثالث
وشقتي القديمه خذوها اهله
وظلينا كل واحد مكان

 

[الـدآنـه]

رد : قعدتج بعيد عن زوجج ترخصج عنده ؟؟ شرايكم

تعب السنين الله يلم شملكم عاجلا غير اجلا يارب

 

[قمورهـ]

رد : قعدتج بعيد عن زوجج ترخصج عنده ؟؟ شرايكم

اكييييييييييييد

انا والله لازقه بشقتي مااطلع

حتى لأهلي اروح ويكند وويكند لا

حتى اهو تعود يردلي مبجر عالساعه 10وساعات مايطلع من البيت نقعد نسولف ويضغطني وابجي وازعل ويراضيني :bbbiu:

جربت باول زواجي واول حمال لي مااكون عنده المسكين صار فيه عدم استقرار وتعب وضاق خلقه وقام يطلع لربعه وايد وتأذيت ...

عقبها غيرت طريقتي لزقت له بالبيت لين تغير تدريجيا

لي تأخر ادق عليه اقوله قلبي يعورني احس فيني هبوط تعال

عاد ايي شفيج سمله عليج وانا امثل اني تعبانه :dddds:..بس عودته على وجودي ويضيق خلقه لي طلعت او نمت برا البيت

انتي ردي لبيتج احسن لج لا يستغني عنج ويتعود على حياة الحريه

 

[الـدآنـه]

رد : قعدتج بعيد عن زوجج ترخصج عنده ؟؟ شرايكم

كوكي ماشاء الله عليييييييييييج
الله حافظج وان شاء الله بحاول اضغط على نفسي واقعد عنده ولو اني ما احب الضيقه

 

[قمورهـ]

رد : قعدتج بعيد عن زوجج ترخصج عنده ؟؟ شرايكم

امين يارب

اهم شي ضغطي حيل مو شويه انتي راح تتغيرين

ترا الريال نفس الياهل يبي احد يلمه

عاد انتي كوني له مثل امه

اهتمي فيه وحوفيه وشوفي شلون يلزق فيييج

 

[m-3atboha]

رد : قعدتج بعيد عن زوجج ترخصج عنده ؟؟ شرايكم

امي قالت جذي لاختي

 

[حجيه هيونه]

رد : قعدتج بعيد عن زوجج ترخصج عنده ؟؟ شرايكم

اتوقع اي المثل يقول البعيد عن العين بعيد عن القلب ولاتنسين انه جذي بيتعود على غيابج

 

[Tulips]

رد : قعدتج بعيد عن زوجج ترخصج عنده ؟؟ شرايكم

امج كلامها عدل 100 % وانتي لازم ماتعودينه انج مو موجوده بالبيت ضغطي على نفسج فترة وتعدي باجر لما تقومين بالسلامه عندج 40 يوم بتقعدين فيهم ببيت اهلج لاحقه

 

[sharshora80]

رد : قعدتج بعيد عن زوجج ترخصج عنده ؟؟ شرايكم

ويييي يا قلبي عادي كلنا توحمنا وقعدنا في بيوتنا
باجر بتخلصين من الوحام بتقولين ثقل وبعده الاربعين وبعده الياهل ما يسكت الا عند امي وهلمه جره ماراح يشوفج
وراح تتيين وتكتبين لنا موضوع ريلي يخوني ( الله لا يقوله )
عودي الريال على عقدتج بالبيت وطلعت معاه علشان ما يستغنا عنج
عودي ما ينام الا انتي اللي منومته ونايمه يمه واهدومه واكله وشغله كله انتي الللي تجابلينه
صدقيني جذي راح يدور رضاج لان ماراح يقدر يستغنا عنج
ترى الديره ترس بنات واللي في بطنج ماراح يوقفه ان يفكر بغيرج
لا تزعلين كلام الحق ما ينزعل منه
هذا لمصلحتج

 

[صمــت_ALsHfaaH]

الله يكون بعونج

انا نفسسج توحمت وقعدت عند اهلي شهر بس انا كنت تعبانه حيل صارت فيني حراره واشياء ثانيه

بس صاجه امج كثر ماتقدرين لاتعودينه على بعدج حتى لو يبي فرقاج خليج لازززقه

عني انا مايصصدق على الله عششان يقضيها سهرر ويقدر ينام برا البيت مع ربعه:cxxxp:

 

[الـدآنـه]

رد : قعدتج بعيد عن زوجج ترخصج عنده ؟؟ شرايكم

مشكورين جزاكم الله خيرررر

 

[<ام تركي>]

رد : قعدتج بعيد عن زوجج ترخصج عنده ؟؟ شرايكم

معاها حق الوالده كل ما قعدتي عند اهلج او نمتي عندهم يتعود الزوج على
الفرقه يصير اهو يقولج روحي نامي عند اهلج
انتي وحام الله يعينج شكلج متوحمه عليه كارهته بس لا تطول قعدتج زياده
ردي بيتج ولا تعودينه على غيابج روحي لهلج بس لاتنامين عندهم خلي نومتج دايم عنده

 

[عالمي المجنون]

لا حبيبتي مو شرط

بس انتي لاتعودينه ع فراقج واايد

انا ريلي يروح مخيم اهله بالويك اند

وامي ماترضى اروح معاه تخاف ع البيبي فاقعد بيت اهلي بالويك اند

بس لما يرجع ياخذني يكون حده مشتاق لي حتى لو اقوله فلان بروح بيت اهلي مايرضى يقولي توج يايه منهم:rgewrg:

بس متى يبي الفكة لي صارت السالفة فيها ربعه:rgewrg:

انتي لا تعودينه ع فراقج وحلو تاخذون بريك من بعض تردون مشتاقين حق بعض:wqedqw:

مرة انحجز ريلي اسبوعين والله اثنينا اتعبت نفسيتنا و اول مااخذني كنت مشتاقتله وبنفس الوقت مستحية منه خبلة:krkrkr:

واهو نفس الشي :ggdw:

 

[UNICORNA]

كلام كوكى صحيح

اللى تجلس عند اهلها فتره وهى متزوجه فهذا كلام فارغ وبيجيب نتايج عكسيه

 

[ام شووووق]

رد : قعدتج بعيد عن زوجج ترخصج عنده ؟؟ شرايكم

صاجه امج

 

[eman12]

كلامها صح 100%

 

[المستغفرة 74]

رد : قعدتج بعيد عن زوجج ترخصج عنده ؟؟ شرايكم

الوالدة كلامها صحيح

 

[ام دليار]

رد : قعدتج بعيد عن زوجج ترخصج عنده ؟؟ شرايكم

الوالدة كلامها صحيح أكيد مجربة أمك عندها خبرة:wqedqw:

 

[dal3 kuwaiti]

رد : قعدتج بعيد عن زوجج ترخصج عنده ؟؟ شرايكم

انا يوم كنت وحام كنت ما احب اشوف زوجي خير شر بس مع كل هذا متحملته وماقلت له شي بالمره بس يوم خلص الوحام قلت له اني وحمت عليك وقال ليش ماقلتي قلت ما اقدر ابعد عنك تحملت عشانك :hjy5jewf: وخلص الوحام وكل شي رجع نفس قبل اهي مجرد فتره وتعدي