قعدتج بعيد عن زوجج ترخصج عنده ؟؟ شرايكم

[بنت الفوزان]

كل شي يزيد عن حده ينقلب ضده

 

[ديانا سبنسر]

صح كلام الوالدة الله يطول بعمرها

 

[اشتياق]

انا مع امج
بس اذا كان وحامج صعب بصراحه ماتنلامين والله ياجرج وتفتكين من الوحام بخير وسلامه يارب

 

[@@ام حنين@@]

رد : قعدتج بعيد عن زوجج ترخصج عنده ؟؟ شرايكم

انا نفسج قعده عند اهلي بس انا عشان طفل انابيب يقولون لازم مافي جماع ولا حركه جذي قعده عنداهلي بس ودي ارجع بيتي بس اهو ميقول تعالي وامي مترضه اروح عند زوجي هم محتاره نفسيتي تعبانه حيل

 

[عالم البزنس]

رد : قعدتج بعيد عن زوجج ترخصج عنده ؟؟ شرايكم

كلام امج صحيح

 

[حبـ admant ـك]

رد : قعدتج بعيد عن زوجج ترخصج عنده ؟؟ شرايكم

عدل كلام امج
انا تنسيت بريلي ولاعت جبدي من ريحته لكن ماطلعت ورحت بيت اهلي
لا والله قعدت معاه و ضغطت على نفسي لين ماراحت النساه

 

[الدلال]

الريال ماتزوج الا ويبي زوجته تهتم فيه وعلى الاقل تكون متواجده معاه

ادري عن الوحم وبلاويه انا مريت بهالشي بس لايمكن اهد بيتي علشان ما اعوود ريلي على هالشي

وكلام امج صحيح

ريلج بالبر او محجوز او مسافر اهني مضطره تباتين عند اهلج بس الحين ماعليه ضغطي على نفسج

والله يقومج بالسلامه

 

[زوجة عزيز]

عدل كلام الوالده الله يخليها لكم

 

[$$king moon$$]

حبيبتي رجعي بيتج نصيحة اخت لان ريايلنا مشالله عليهم من بعدتي يومين تعود على بعدج انا اقول ردي بيتج ومسكي ارضج والله يسهل عليج انشالله

 

[om MaRyooM]

رد : قعدتج بعيد عن زوجج ترخصج عنده ؟؟ شرايكم

ليش ماتقدرين تردين لزوجج ؟؟؟


انا حملت وبعمري مانمت عند اهلي .. ويوم ولدت اضطريت اسافر 10ايام برة الديرة زوجي ماقدر يقعد من غيري يقولي ماعودتيني يوم واحد انام بروحي !!


يعني بالمختصر على حسب ماتعودين زوجج .. .اذا عودتيه تنامين عند اهلج على اقل سالفة بيتعود ويصير فراقج عادي
اما اذا عودتيه ماتنامين برة بيتج كلش وموجودة متى مااحتاجج صدقيني مارح يقدر يقعد بالبيت ساعة من غيرج



بعدين يحلات الراحة بالبيت .. مادري ليش اللي تتزوج تنام ببيت اهلها !! شنو الهدف صراحة

لاتزعلين من كلامي بس انا اقولج هالكلام عشان انصحج وانقلج تجربتي .. ولاتخترعين ترا والله اغلب رفيجاتي اللي عودو رياييلهم ينامون كل ويك اند عند اهلهم اخرتها خانها
ادري على حسب الريال .. بس تخيلي احتاج مرته بوقت راحته !!! وين بيلقاها عند اهله ؟؟؟ انزين تخيلي يبي ياكل من ايدها ؟؟؟ عند اهلها !!!
والشيطان شاااااااااطر

 

[فنكيه]

فتره الحمل والامفاس ةايد رياييل ينحرفون ويشوفون شوفه ثانيه
وانتي ماقصرتي عطيته فترا يحس ان عزابي

 

[*الأثــــــــير*]

صاجه امج ومو بس البعد عن العيين حتى وانتم متزاعلييين لاتطلعيين من دارج ونامي جنبه كل ماتباعدتو الموده تقل سبحان الله