قطع الرحم والسبب قال وقيل

[فـراوله]

فراوله حبيبتي لا تشيلين همها انسيها
خلاص ولا تضيقين خلقج والله
لان مافي شي يسوى الضيق
كل من عايش يومه
بس قولي الله يصلحها

عدل كلامج حبيبتي وهذا للي أنا أسويه
والله يهدي الجميع ان شاءالله

للاسف واايد جذي


تغلط


يوم انتي بتمشين غلطها


تقلب ويهها جنج انتي الغلطااانة



خليييها الله فووقها


وانتي سووييتي اللي علييج



انا ما اقطع صلة رحمي ولا معارفي



بس يووم يصير هالموقف مثل موقفج



لا والله اقطع ولا ارجع بعد




fool me once shame on u


fool twice shame on me

اي والله صاجه مادري ليش هالمعامله الزينه معاهم ما تعجبهم والقشره هم ما تعجبهم مادري شنو يبون هالناس

بس أنا خلاص صج ناويه على القطاعه الا عاد اذا بذر منها شيء
وحست باللي سوته يصير خير وقتها وحتى أخوها ما يبي يكلمها وماخذ بخاطره منها

فراوله

عاادي يااشيخه أختي مرت بنفس مووووقفج لازيااره لا تهنئه ولا إتصال !!

وبولادتهااا المرتين لا جت المره الأولى ولا الثااانيه !!

وتخيلي حتى عقب كل هذاا يوم ولدت رااحت لهاا أختي مع زوجهاا

ووجبتهااا وهم عشاااء بمنااسبة سلامتهااا

تبين تنصدمين !!!


عقب إتصلت ع أخوهااا قالت كلفناا عليك يااأبو فلااان وأعطت أختي طااااااااف

وإستمرررت في القيل والقااااال مع إن أختي ماااقصرت معاهاااا ؟؟؟؟

ع قوولت أوخيتي المهم أخوهاااا شاايف بعينه سووات إخته

..’’


الواحد يسوووي اللي من صووب ربي وإلا البشر مااننتظر منهم شيء ...

الله يعينها أختـج بصراحه ويعينا على هالأشكال للي ما يهمها صلة الرحم بس رافعين خشومهم فوق

وأنا بعد عندي المهم إنه زوجي شايف سوات أخته وأفعالها وعارفها عدل
​

 

[manoooram]

لا تقطعينها فراوله ولا شي ..
بس انسيها واسفهيها وخليج بمنتهى السطحيه معاها بالمناسبات بس حاليا
خليج احسن منها واسم الله عليج خليج انتي الكبيرة والعاقله الرزينه
ما تدرين شنو اللي بيبدر ويحصل بالأيام اليايه
الأيام بتوريها و بتعلمها لا تحاتين
والله فوقها والأيام جدامها

 

[ناتشوو]

فراولة
اخت الزوج
ماتعتبر من الأرحام
والحمدلله
دام بينكم سلام مو مقاطعه رسمي
نعمة

 

[ناتشوو]

انا احس الشي الوحيد
اللي يخلي الواحد
حريص ع صلة الرحم
اذا عرف الحكم الشرعي
والخير اللي يحصله
من ورا صلة الرحم
ولا ضروري يسمع وتحصل مواقف

كذلك قمت اقتنع
بان النسب
هو يضيع صلة الرحم
يعني انا من الحين مقررة
عيالي ما يأخذون لا من خواتي ولا إخواني
حرام نضيع علاقتنا علشان زواج عيالنا
صعب الوحدة تشوف او تسمع
بنتها او ولدها متضايق بن من حمولتهم ونسايبهم
وماتتأثر واشيل
فليش نناسب بعض؟
خلونا بعيد احسن
انا ألاحظ الخوات الكبار اللي علاقتهم متميزة وع قلب واحد
مو مناسبين بعض

 

[manoooram]

ناتشو صح انا هذا اللي عرفته ان اخت الزوج مو من الأرحام
لكن ليش تقطع الوصل فراوله بعمة عيالها اذا كلش ماكو تواصل خليها سطحيه على الأقل
لأن العيال لابد بيتواصلون مع عمتهم اخت ابوهم صح ؟؟
وصدقتي زواج الأقارب حساس لأن احتمال لا قدر الله اي خلاف بين الزوجين ووصل للانفصال
يتأثرون منها الاخوان او لاخوات بيناتهم

 

[ناتشوو]

مانورام
هذا اللي قصدته بالنسبة لفراولة
دام بينهم سلام يعني مو قطيعه تامة
هذي نعمة
لأن حتى القطيعة التامة ما تجوز حتى بين الأغراب
اشلون عاد عمة العيال
والله يعيننا ع الدنيا
صج الجنة مو سهلة
لازم نتحمل ونضغط ع أعمارنا

 

[am faisal]

انا صراحة شفت العجب العجاب
وكل مرة اضغط على نفسى واروح وارجع متضايقة
اسافر علاج وارد مايوجبون
ولا سمعت احد تعب او بالمستشفى رحت وسويت الواجب
هم مايبين بعيونهم
بس تعبت من اجبار نفسى على التواجد بمكان ما ارتاح فية واحساسى باننى غير مرحب بى لانهم يتفنون باظهار هالشى لى
وسمعت مطوع سالة واحد نفس سؤالى الحائر
وسمعتة يقول انت مو مجبور تتواجد معهم سو الواجب واذا قالك تقهوى تعذر وتوكل على اللة
وطبقت الشى هذا وارتحت
بجمعتهم الاسبوعية اروح واسلم ربع ساعة رادة لبيتى
عسى ربى يهدى هالناس ويبطلون قلة العقل وحركات الجهال
ترى الدنيا ما تسوى

 

[مدّهره !]

أم فيصل الله يعينج صراااحه بس ماايضيع عند الرحمن ذره :eh_s(17)::eh_s(17):

..’’


نااتشو معااج حق القرااابه ماااينفع الزواج منهم

إحناا كل هاللي سووته في إختي صلة دم ورحم بيناا قبل النسب :eh_s(4):

 

[ميونة الحلوة]

الواحد يحاول يكبر عقله و يسد اذانه عن كل شخص يحاول يفتن سواء داخل العايله او حول القرايب و كل ما شافهم او راح لهم يدعي اللهم اكفنيهم بما شئت

 

[PuPa^^SWeeT]

فراااولة دام بينكم سلام عالاقل خلااص




بس اذا مافي سلاااام كلش




شووفي مع الايام ممكن ينصلح الحااال

 

[نهى الأحمد]

عسى ربي يعينا


ويكافينا شر القيل والقال اللي اعتبره سبب من الأسباب اللي تقطع الارحام

والمشكلة الكبرى اذا البعض اخذ بهذا الكلام اللي ينقال عن فلان وفلانه



بصراحة

خواتي ناتشو ومنمن ما قصروا بالردود


:eh_s(15):

 

[روانتي 12]

الله يرحمنا برحمته

 

[فـراوله]

لا بنات ما بيني وبينها لا سلام ولا كلام

ودرت ولدي متعور ومخيط ولا دقت لا علي ولا على أبوه تتحمد له بالسلامه

تصير مواقف تخليني أقسى أكثر للأسف




​

 

[PuPa^^SWeeT]

^^^^^


فراااولة


هدي بااالج


وكل شي مع الوقت يصلح



حاليا اهيا قصرت



لي صار لها شي

دقي بس و تواصلي

واذا مو قادرة عالاقل على خالتج




ولو صااار مجال للصلح

لاتقطعييينه



اذا بس مشاكلكم دقت ولا مادقت ولا ما سالت


ولا مشاكلها ويا اخوها


هذي ماتعد مشاكلها وياج انتي بالتحدييد



فهدي اعصااابج

 

[فـراوله]

خالتي وعمي الحمدالله مو مقصره معاهم وعلى تواصل باستمرار

وبالنسبه لحماتي مو أكبر همي عشان أفكر فيها أنا هني وضحت لكم مشكلتي بس

ومو سالفة دقت ولا ما دقت في أمور بعد وايد سواء معاي أو مع زوجي أو مع أمي

عشان جذي قلت لو بتكلم ما راح أخلص فأسكت أحسن

وصارت مره لي فرصه للصلح وذكرتها لكم وعرفتوا ردت فعلها وبس


وكلش اهي مو بالي أنا بس ذكرت لكم للي صار عشان أعرف أنا غلطت ولا لا

لانه بصراحه من طبعي ما أحب أقاطع أحد

وانتوا ما قصرتوا معاي فديتكم فدتوني بكلامكم



​

 

[الاحساس]

اذا كانوا الناس مايبونج تيينهم بهالحاله شتسوين ؟؟

يعني لما تروحين لهم ينصدمون انج جاية ويطنشونج ومايقعدون ولايضحكون بويهج !!!

 

[مجنونة اوزان]

بصراحه أنا ما أحب قطع الأرحام وأحب أواصل الكل ​

بس وحده من حماتي كله رافعه خشمها واهي كبيره وأم عيال كنت أقول يالله مو مشكله كبيره​

أنا أروح وأدق عليها بس بصراحه للي خلاني أغير كل هذا بيوم ولادتي لا جتني ولا باركت ولا هنت ​

حتى تليفون ما كلفت على نفسها واتصلت اهني صج حقدت شنو يعني طايحه من عينج أنا حتى زوجي ​

أخذ موقف منها وما يكلمها لانه حتي ما باركت لاخوها وبعد ولادتي بس رحت لها مره مو عشانها عشان ​

خالتي كانت عندها قاعده ومريضه وجايه من برا وثاني شيء عشان زوجي قلت هذه أمه مالها شغل بسوالفنا ​

بس صج من بعدها لا قمت أدق عليها ولا أروح لها وحييييل ماخذه بخاطري منها أنا كنت أعاملج بكل طيب ليش تردين ​

جذي وكله تقول إنتوا ما فيكم خير وإنتوا ما تسألون تبينا عندها مره بالاسبوع واتصالات ليش منو انتي ان شاءالله ​

وللاسف كان زوجي كله يقول مابي أروح وأنا كنت حييييل أحن عليه أقول مابي أقاطع أحد ألحين عرفت ليش ما يبي يروح ​

وكلش ما تهمني ألحيييييين لو شنو تسوي أهم شيء عندي ما أقاطع عمي وخالتي وعلى تواصل معاهم دايمـاً​

ألحين قولوا لي بنات أنا غلطت بشيء ولا تصرفي صحيح وإنتوا لو مكاني شتسون ​

عفيه عليك :eh_s(22):

 

[Eva-SS]

فيه حديث صحيح للنبي عليه الصلاة والسلام : ( ليس الواصل بالمكافئ، ولكن الواصل من إذا قطعت رحمه وصلها )

يعني لما تقولين أنا أزور وأوجب وهم مايوجبني أنتي تزورين مو عشان يردون لج أنتي تزورين محتسبه أجر صلة الرحم اللي حث عليها ديننا

وصلة الرحم على فكرة ماتندرج تحتها الحمات وأم الزوج لأنه مابينكم رحم لكن لهم حق وواجب والمفروض تراعين الله بمعاملتهم لأنه بيوم من الأيام بيجازيج الله بمرت ولد تسوي فيج نفس ما سويتي بخالتج أم رجلج وبحمولتج

أنا اقول هالكلام لأني أشوف بعيني شغلات غريبة .. يعني وحده معاي بالدوام علاقتها بأهلها من أبدع ما يكون وحتى على الرغم من المشاكل بينهم وبين حريم خوانها مستحيل تتكلم وتطلع أسرارهم لكن بنت الحلال مقطعه حمولتها تقطيع جدامنا ولما ننصح تقول هذول مو من صلة الرحم أنزين خافي ربج اللي ماترضينه لأهلج لا ترضينه لحمولتج .. يعني ترضين مرت أخوج تسوي بأهلج نفس ماتسوين أنتي

الواحد يقيس مثل ما يرضى على نفسه مايرضى على الناس لأنه أكيد الله بيجازيه وبيعطيه نفس ماسوا بالناس ..

 

[نـــوفـــا]

انا ماشية مع الكل ...واحترم زلات صلة رحمي ...




لكن صراحة في بعض صلة الرحم تعاملهم فقط السلام واخباركم ..


... لأن الانغماس معهم مصيبة ..تدخلج بمتهات




هذا قاله ابن سيرين الاقارب عقارب ..



بدون ماتحسين يلدغونج بالكلام وانتي غافلة عنهم ..



حتى لو ماصار في القيل والقال ..تزورينهم باليت كانج ثقيلة على قلوبهم .غير التجريح بالكلام ..ودخول في الخصوصيات بزيادة



الله يعين ويصبرنا بس ...

 

[خالتي قموش]

المشكله اذا واصلانهم ما نحصل منهم الا المصايب و الكوارث
نبعد عنهم احسن
نقطع عرق و نسيح دمه
من باعنا بعناه و يحرم علينا متاعه