قطع الرحم والسبب قال وقيل

[om_kholood_5]

خواتى السلام عليكم

ما فى بيت خالى من المشاكل والمشاحنات بس المهم انتخطاها ولا انخليها تكبر ونتعوذ من الشيطان الرجيم واذا ماكو فايدة خفيفوا الاحتكاك

 

[*مطبخ الذواقة*]

الله يقوم بالعون .. في كل عاليه صاير قطع الارحام موضه ...

واذكر في أحد المرات سمعت الشيخ الدكتور خالد شجاع على الراديو .. يقول حديث عن رسولا الكريم .
اشر الناس عند الله من يتجنبه الناس اتقاءا لشره ...

وللأسف مرات واااايد يكون "اشر الناس "

هم أكثرهم قربا منا ... لكن الله موجود ... يعلم مافي الصدور ..


مشكورة أختي ...

 

[الزورق222]

حنا بزمن تباعدت القلوب عن بعضها بمكن بسبب المادة والمظاهر الخداعة .. وين ايامناا قبل خسارة القلوب الطيبة
خسرناهم ومانقدر نعوض مكانهم ..
اعترف بانى مقصرة بحق مجموعة من اهلى قليل ماازورهم بس مشكله فيه شى يباعد عنا انتى توصلينهم وهم يبعدون فيهم قطاعة الا ان اصبح الفتور بيننا كبير ..اتمنى ان تعود الايام الجميلة ..

 

[حظ من عنده انا]

العقل نعمه لو تشوف المهابيل !!
والغدر نادر في زمـان الذيابـه


ياما شربنا سم بعـض الأقاويـل
من واحد ٍ كشـر علينـا بنابـه


يالله يا مرسل طيـور الابابيـل
( تقطع قلوب مفرقين القرابـه )


يمشون بالفتنه بكثـر التهاويـل
ولا فكروا في يوم عسر ٍ حسابه


أهل النمايم والحسـد والأقاويـل
(( سحابة ً .. يالعنها مـن سحابـه ))

 

[انصاريه قمره]

بصراحه البعد عن هالنوعيه من البشر غنيييمه الواحد شيبي بالهذره والحجي الفاضي
انا عن نفسي شاريه راحة بالي احب ازور الناس اللي قعدتهم ونيسه
والحمدالله انا مو قاطعه صلة رحم ازور اهلي واهل امي واهل ابوي مو دوووم لكن الحمدالله اوجبهم
ومعاهم بالسراء والضراء والله يقدرنااا انشالله

 

[البنوتة شيوخ]

شي مو حلو في حياتنا في عايلتنا ما اعرف اسامي بنات عمي!!!
و السبب قطع الرحم من طلعت ع هالدنيا لا يزورونا ولا نزورهم ليش ما ادري و كل ما ابي افهم من امي السبب ينتهي حوارنا بأن عمامي هم الي عليهم الغلط !
و مع هذا كله ما اعرف شنو السبب
ودي ازورهم ودي اتعرف عليهم و دي احس ان لي عمام نزورهم يزورونا اهتم ببنات عمي اهتم فيهم
بس عرفت ان الدنيا ما فيها هي شي بس نفووس البشر مو ذاك الزود !!
ودي وودي وودي اعرف ليش !
صار عمري 18 و انا بنات عمامي ما اعرف شساميهم
الله يعين
انصحكم كلكم
تكونون اسرة وحدة لوو شنو يصير الاهل ما يتعوضون
لا تقولون ما يحبونا ما ردوا لي زيارة
الدنيا فانية و ما في الاخره ابقى
و الله ما ودي اعرف الا السبب
وما اعرف الا بيت واحد من عمامي و هو الي نزوره و يزورنا غيره لا
الله كريم و الله ما ابي شي غير صلة الرحم








ادعولنا الله يجمع شملنا على خير ومحبة

 

[مطيريه ووبس]

يعطيج العااافيه ...