ومثل ما نور كانت تناديه بصمت ... نواف بعد كأن سمع نداها ... راح بلبي قلبها ..قبل صوتها ...
رفع التليفون... ودق رقم نور .. كان متردد مو عارف ليش .. يمكن مايبي يذكرها فيه ... بس مسك قلبه .. ودق لان مشتاق لها موت ... نور في هالحظه كانت قاعده تكتب رسائل و كلمات لنواف كالعاده...
شافت التليفون يرن ... ركضت تشيله ... استغربت ان نواف .. وطارت من الفرحه ... وبنفس الوقت كانت خايفه ..
"نور": الوو
"نواف": هلا بالصوت.. هلا نونو حبيبتي .. اشتقت لج ... اشلونج و شخبارج ؟؟ طمنيني عنج ؟؟
نور بصدمه و فرحه ..: هلا نواف اشلونك و شخبارك انا ابخير عساك تكون بخير؟؟
"نواف": مشتاق لصوتج ...
وكملوا سوالف لمده ساعتين .. كل واحد فيهم قعد يفضفض لثاني .. اعترف نواف ان يشرب .. وزعلت نور .. وحاولت تقنعه ...والفرحه مو شايلتهم اثنينهم و باخر المكالمه ...
"نواف": اتمنى ان بع الناس يسالون عنا .. ويدقون علينا ..
"نور": صج .. بس اخاف يزعجونك بتصالهم ... ويمكن يطلعون حنانين هههههههههه
"نواف": كل شي منهم حلو .. فديتهم و فديت كل شي فيهم ... نور انا مطر اسكره الحين ... مونايم صارلي يومين .. وصوتج خل النوم يجيني لاني ارتحت لما سمعته ...
هههههههه نور غارت من النوم اللي بياخذ نواف منها ...بس هم تبيه يرتاح ..
"نور": خلاص روح ارتاح .. نوم العافيه .. وامانه نواف اليوم ما تشرب الزفت اللي تشربه طلبتك ...
"نواف":يصير خير .. مع السلامه
وانتهت مكالمتهم بفرحه ... نور ما جذبت خبر... على طول دقت على امل تبشرها ...
