قصه شهر يونيو 2006

[جوري الكويت]

السلام عليكم بنات ​

ادري الموضوع مو يديد عليكم

اليوم انشالله راح نبتدي قصه

و انشالله الكل يشارك فيها و نستمتع فيها

و انشالله كل شهر ننزل قصه يديده

بأحداث و شخصيات يديده

و القصه عندنا تخلص بتاريخ عشرين من كل شهر

قصه اليوم راح تبدي بتاريخ 20/6/2006

وراح تخلص انشالله بتاريخ 20/7/2006

يالله منوا تبدي​

​

​

دلال و نوف طالبتين في الجامعه , نوف تدرس في كليه الاداب و دلال في كليه العلوم الاداريه و كانوا متفقين بيتغدون بره , دلال طلعت من كيفان و هي ما تشوف من الافتات اللي حاطينها المرشحين ترس الشوارع (( اي ما عليه اذا دشوا المجلس بيطلعون قيمه الاعلانات ))و كانت حزه انتخابات و دخلت مواقف الجامعه بالشويخ

 

[@ الرسامة @]

مشاركة: قصه شهر يونيو 2006

مو فاهمة شلون ؟؟؟

 

[هدوي]

مشاركة: قصه شهر يونيو 2006

يعني تبين نألف معاج ولا شلون؟!!

 

[أسيرة موني]

مشاركة: قصه شهر يونيو 2006

بنات شفيكم ؟؟

قصه كل وحده تكتب جزء منها ,,

يعني مو جمله وحده ,, تكتبين جم سطر ,,

يكون متانسق لها شخصيات بطولية وشخصيات فرعيه خو

 

[مسك 3]

مشاركة: قصه شهر يونيو 2006

دلال أول ما نزلت من السيارة تذكرت انها ناسية تحضر هالمادة من كثر ما اهيا لاهية بالمنتدى وتقرا لي الفير في مواضيعه فدخلت بسرعة القاعة ةقعدت رابع سطر مع ان القاعة مو متروسة وطلعت الماركر وقامت تقرا بسرعة وقلبها يدق من الخرعة تدري هالدكتور دعلة ويحب يحرج الطلبة رن تلفونها وردت بسرعة على نوف يالله نوف عسى بس حضرتي لأني مو فاهمة شقاعده أقرا .
دخلت نوف القاعة قبل الدكتور بثواني ....................

 

[LaSt WoMeN]

مشاركة: قصه شهر يونيو 2006

خلصوا المحاضرة و مرت بسلام .. و كان عند دلال محاضرة ثانية .. اما نوف فخلصت و راحت تفتر بالسيارة تسمع المسجل على ما تطلع دلال و يتغدون مع بعض ..

دلال تأخرت عليها و كل ما دقت عليها نوف قالت لها كاني دقيقة
و تنطر و تنطر .. و اخيرا دلال شرفت .. و يايبة معاها رفيجة يديدة !

و قالت لها دلال ان هذي رفيجتهم سندس و قاعدة ضايق خلقها قلت لها تيي معانا ...

نوف انصدمت .. ضاق خلقها لأنها تبي تقعد مع رفيجة عمرها دلال بروحها و لأن دلال حطتها جدام الأمر الواقع و لا عطتها خبر ! " يا ويلج مني بعدين دلول " نوف تقول بقلبها ..

و انطلقوا الي المطعم ..

 

[أسيرة موني]

مشاركة: قصه شهر يونيو 2006

واهم بالسيارة تم التعارف بين سندس و نوف ,,

بس نوف كان في شي يجول في خاطرها ,, و ودها تتكلم لو ما سندس صاكه عليهم

وصلوا المطعم ,, وقعدوا هناك على طاولة و طلبو جماعي ورق عنب و تبوله و مسحببببب <- سعابيلي تخرررر

سندس تحاول انها تكون عاديه وطبيعيه مع البنات و جنها تعرفهم من زمان

تسولف وياهم عادي والضحكه ماتفارق ويها ,, و كل الي يشوفها يقول عنها بشوشه وماعندها مشاكل في الحياة

نوف : وااااي اليوم حدي بغيت اتوهق في المحاضرة ,,

دلال اي الله يعينج عاد دكتوركم هذا بعبع ما يطووووف

نوفو : اي الله يخلي الدعاء الي ادعيه ,,

سندس : ههههه يحليلج هذا اي دكتور ؟؟

نوف و دلال بصوت واحد : بعبع

كلهن :: لوووووول

سندس : عاد شسمه

نوف : بلاش فضايح الي يقرون القصه وحده تطلع من اهله ولا شي

سندس اها

سندس مع انها كانت طالعه وياهم بس كانت مرتبكه و قررت

سندس :: خوش عيل بنات ,, انا رفيجتي تنطرني تحت ,, ان شاء الله نتيمع في وقت ثاني ,, و حاولت انها ترد الكلية بسرعه

انا نوف والسالفه الجهنميه الي تفرررررررفر في قلبها ماصدقت ان سندس تروح

دلال : وااااااي تهبل شرايج فيها ؟؟؟

نوف : تهبل هاااااا ؟؟ مرة ثانيه عطيني خبر قبل لا اتييبيني احد ,, البنت حليوة ,, بس واي واي في قلبي سالفه

دلول :: شنووو خو تحجي ؟؟

نوف ,, السالفه تقوووول .....

 

[هدوي]

مشاركة: قصه شهر يونيو 2006

 

[هدوي]

مشاركة: قصه شهر يونيو 2006

وي هذا اللي كنت خايفه منه

بمسح ردي

 

[أسيرة موني]

مشاركة: قصه شهر يونيو 2006

لووول

بنات قبل لاتنزلون رد سوو رفرش عشان تجيكون

تسلم ايدينج اني وي

 

[LaSt WoMeN]

مشاركة: قصه شهر يونيو 2006

هدوي ردج كان حلو و ما كان متناقض مع القصة ليش مسحتيه

 

[أميرة الورد]

مشاركة: قصه شهر يونيو 2006

انه خالد ولد عمتي خطبني وانتي تدرين انا أحب وليد بس المشكله ألحين شلون أفاتج وليد؟

دلال: ويه هذي الوهقه وشنو بتسوين؟

نوف: والله مادري انتي شرايج؟

دلال : انا اقول انتي فاتحيه بالموضوع بس ترا ما راح يصدق عبالها هذا مقلب عشان اهو يتقدم فالحل انج توافقين على ولد عمج خالد (ههههه حدها بتفتك من السالفه وميته من الحر بترد بيتهم )

نوف : من صجج راح يفكر جذيه وليد؟ لالالا ماعتقد انا يوم تقدموا لي ناس قبل ولد عمي استخف ودق مسمار عند بتنا يشوف الناس وينكرهم لما اطلعوا معقوله يفكر جذيه لالالالا ما عتقد (وضاق خلقها نوف شككت بالمووضوع)


يرن تلفون دلال والا أخوها
أخوها : انتي وين ؟
دلال: انا رادة البيت
أخوها: جم رة قايلج لا تفترين عالبحر؟
دلال : ها؟ لا بس ... رحنا نتغدى ورادين
أخوها: ماكو غدا بالبيت والا ماكو هوم ديلفري

أخوها عسكري ومكروف كراف بس مطلع الحرة بدلال

 

[@ الرسامة @]

مشاركة: قصه شهر يونيو 2006

راح اخوها حق التجنيد

وهناك فتشو جنطته ولقو فيها جالكسي
قاله الضابط ليش حاط جلكسي ؟؟

قال اخوها : امممممممممممممممممممممممم ماااااااااااااااادري مو ااااااااااانا !!!

قال الضابط : انزين يا دلوع امك اراويك

سوو البطة 500 مرة



ورى ال 500 دق على امه سبيجة



الاخو ::: يما حرام عليج شسويتي فيني ؟؟؟؟؟

 

[جوري الكويت]

مشاركة: قصه شهر يونيو 2006

دلال دقت على وليد حبيب القلب اللي حاله حال شباب هالأيام معلق نص بنات الديره

دلال : وليد ...مم .... ممممم ما ادري شلون افاتحك بالموضوع

وليد : دلال حبيبتي قولي شفيج (( متعود على هالكلمه من دلال كل ما يوها ناس يخطبونها )) احنا متعودين على الصراحه

دلال : الصراحه وليد اليوم يايينا ناس , و هالمره شكلها السالفه صج

وليد : منو ولد عمج ما غيره

دلال : و انا كل ما قلت لك احد يايني تقول ولد عمج , شنو يعني محد يخطبني غير ولد عمي , و بعدين ولد عمي قلت حق اهلي اني ما أبيه , يايني واحد ثاني

ولييد: المطلوب ..... أه.. أٌق... أقصد شلون دلال تتزوجين و انا نسيتي حبنا ثلاث سنين و انا ارفض كل اللي اهلي يخطبونهم لي علشانج و اخرها .. المفروض تنطريني اقنع اهلي

دلال : و لي متى يا وليد انا شنو ناقصني علشان اهلك ما يبوني , ترى انا مليت و ما أظن هالمره اقدر ارفض بس خلصت كل اعذاري جدام اهلي ,, مره اقولهم قصير و مره طويل , حتى الحلو و المزيون رفضته و عذري أخاف البنات يغازلونه

وليد : دلال عطيني هالفرصه انا ما أبي نخسر بعض ( قصدك تخسرها ,, طبعا مقزر وقتك عليها )




يوم الاربعاء ,, المكان في بيت يد دلال , لأنهم قاعدين يبنون في بيتهم و كان الاتفاق ان يييون الحريم مع الخاطب اليديد في بيت العائله الكبير




















و كانت المفاجأه بأن الخاطب طلع هو نفسه وليد ...........

 

[@ الرسامة @]

مشاركة: قصه شهر يونيو 2006

ههههههههههههههههههههههههههههههههههههههههههه

 

[LaSt WoMeN]

مشاركة: قصه شهر يونيو 2006

دلال ملت من وعود وليد .. احسن ناس خطبوها و هي تردهم ..! الكل يطالعها بنظرات غريبة .. اقرب ما تكون لنظرات شك و تساؤل .. دلال اشعندها ترد ؟!!


نوف اقنعت دلال .. لما كلمتها امس و قالت لها " لو وليد يبيج جان من زماان خطبج .. موظف و مو ناقصه شي .. " هالجملة ترن بإذن دلال .. و رغم ان قلبها كله لوليد .. لكنها قررت تفكر بعقلها ..

3 سنين من عمرها ضاعت و اهي تضحي حق وليد ... و لا شافت منه تضحية او محاولة جادة جدام اهله ..

بينما اهي تتمكيج و تتكشخ .. توقعت ان وليد يدق عليها نفس كل مرة .. و يقولها لا تكشخين و لا تحطين ..

و حطي كحل بين حواجبج .. و شامة عودة على خشمج < يعني علشان تنحش الخاطب و يخطبها اهو ..

بس اليوم وليد ماله حس .. ! دلال استغربت ..

نوف كلمت دلال قبل لا تنزل حق الضيوف علشان تشجعها و تقولها انسي وليد و فكري جديا يموضوع هالخاطب .. و قعدت تضحكها علشان تنسى وليد ..

ارتاحت دلال من هالمكالمة .. و نزلت قعدت مع اهل الخاطب .. و شكلها اعجبتهم .. شوي و الا الريال بيدش .. !!

قلب دلال وقف لما شافت الخاطب ..
!!!

هذا وليد بشحمه و لحمه .. ! شالسالفة ؟!
معقولة مسوي لي مفاجأة و يخطبني ؟!

وليد لما شافها انصدم .. عيونه تبققت و حلجه انشكح !


نظراتهم الغريبة المتبادلة اثارت استغراب اهاليهم .. !

دلال تقول بقلبها " اهو لو يدري ان انا جان ما انصدم جذي و استغرب .. انزيين هين يا وليد .. " و تستدرك الوضع و تمثل دور الخجل .. و كأنه خاطب عادي !

 

[far007a]

مشاركة: قصه شهر يونيو 2006

ههههههههههههههههههههههه

 

[far007a]

مشاركة: قصه شهر يونيو 2006

وييه ---عادي نطوفها؟؟؟

 

[جوري الكويت]

مشاركة: قصه شهر يونيو 2006

دلال تداركت نظرات الأهل اللي قاعدين يطالعونهم , نزلت راسها و مثلت دور الخجل و كانت فعلا راح تحس بخجل لو كان الخاطب واحد غير وليدوو

وليد قعد على القنفه اللي يمها

بعد فتره سكوت .. دلال تطالعه بنظرات خبث : ما عندك سؤال

وليد منزل عينه بالأرض و منحرج اكثر منها..........

 

[LaSt WoMeN]

مشاركة: قصه شهر يونيو 2006

وليد تمنى الأرض تنشق و تبلعه ..

قام يتبلعم و يتلعثم و يتأتأ و يبأبأ ..

و العرق يصبصب .. الأهل حاولوا يلطفون الجو .. و يسولفون مع بعضهم .. ام وليد تسأل دلال : " دلال بأي كلية تدرسين " - مع انها كانت سائلتها نفس السؤال قبل لا يدش وليد .. جاوبتها دلال انا بالعلوم الادارية ..

و لفت ويهها على وليد تطالعه .. و اهو مطأطأ راسه بالأرض .. قامت دلال و يابت العصير توزعه ..
و وليد لي الحين منزل راسه .. و امه تنغزه و اتتبوسم تبيه يشوفها و اهي تتمشى .. يشوف القوام الممشوق و الجمال .. علشان لا يقولها بعدين " ما شفت البنت عدل "

دلال راحت تييب العصير من المطبخ .. و دخلت تبتسم .. وزعت العصير عليهم و لما يا دور وليد .. سوت روحها ما تدري وكتت العصير على دشداشته اللي مترها بسبعين دينار

وليد بس اهو اللي يدري ان هالحركة مقصودة ... بغى يصرخ عليها بس .. قضب روحه ... و اهي تقول له : " امبييه اسفة ما ادري " و تعطيه ذيج النظرة الساخرة و تبتسم .. طبعا بدون ما الاهل يلاحظون ...

و أهلهم يقولون : " ما عليه حصل خير .." ام دلال : " دلال يمه يبيله فوطة خليمسح العصير فيها "

دلال نادت الخادمة و قالت لها تييب الفوطة " مو انا اللي اييب له الفوطة عشتو " < تقول بقلبها ..

وليد قام .. واستأذن منهم يروح .. و ويهه يقط الوان من الفشلة ..و الموقف البايخ اللي صار له ..

دلال قالت .. لحظة شوي خلتييب لك الفوطة اتفضل اقعد .. خلأييب لك عصير ثاني ..
وليد خاف .. لا لا يبه ما نبي عصير " شالليلة اللي مش معدية " < يقول بقلبه

دلال بهدوء ترد .. لا ما يصير الحين اييبلك ..

ما راحت المطبخ لأ ... راحت نادت السايق ..

و قالت له تبي 10 دنانير حقك ؟

استاانس كومار و قال اي ماما انا ما يقول ما يبي ..


دلال : " ان قلت حق احد عن اللي بطلبه منك يا ويلك يا كومار .. لا يقول حق احد .."

كومار : " جين انا ما يقول "

دلال : " شوف .. اكو سيارة جيب بره .. لونه كحلي .. انت شنو تسوي .. بسرعة لحد يشوفك شيل السفايف من تاير واحد انزين ؟ فهمت ؟ "

كومار : " اييي .. انت يبي يسوي تاير خربان ؟؟ ليش ماما ؟ "

دلال : "بس من غير ليش تبي 10 دينار و الا لأ؟ "

كومار : " اي يبي .."

دلال : "سو اللي قلتلك عليه و اذا احد شافك دير بالك تقول انا قلت لك .. مفهمووم ؟"

يهز راسه .. " اي في مفهوم .. "

و يروح كومار و يفش التاير ... و لا من شاف و لا من درا

و تروح المطبخ تييب العصير .. و لا كأنها سوت شي .. و تحط العصير جدام وليد ..

اتفضل .." سم هااري " < تقول ابقلبها