قصه شهر يونيو 2006

[far007a]

مشاركة: قصه شهر يونيو 2006

ووليد من الفشلة حط العصير وقام من مكانه وهو منزل راسه وقال : يالله يمه انا انطرج بره

ام دلال : وين تو الناس ما تفاهمنا على الموضوع

ام وليد : انشالله حبيبتي بينا اتصال ... سامحوني اوليدي حياوي وانحرج يوم توصخت دشداشته

مع السلامة .. ( وطلعت ام وليد واخت وليد الجامعية واسمها سعاد)

دلال .. راحت طيران للدريشة بتشوف ويهه وليد وامه واخته سعاد اذا شافوا التاير مفشوش وشلوب بسويه ..وهي

غشيانة من الضحك ....... وتقول بقلبها قلعة علشان مايحاول يتلاعب بمشاعري .... وفجأة شافت اخوها

المجند الاقشر واسمه (صلاح) ياي البيت وتصادف مع وليد واهله وشافهم حايسين مع التاير مو عارفين شسوون لان وليد مو مال تصليح بنجر وقعدوا يصلحون البنجر وكان يساعده بكل طاقته ... وظلت دلال تراقبهم من الدريشة وبعدين شافتهم يضحكون مع بعض ( وحست بالخوف)..

دخل اخوها صلاح البيت وشاف امه وابوه قاعدين يسولفون عن الخطيب وشلون بنتهم فشلتهم وكتت العصير على الخطيب .. وطبعا صلاح

عرف لاحقا انه الريال اللي قابله خطيب اخته دلال وقعد يمدح في الريال واخلاقه لان صلاح لمح اخت وليد (سعاد) وحس باعجاب ناحيتها .......

 

[أسيرة موني]

مشاركة: قصه شهر يونيو 2006

بناااااات شفيكم يا حافظ ,, نوف إهي الي تحب وليد ,, و دلال اهي الي يابت سندس قمتو تشربكون الاحداث ,, انتبخو لوول ,, انا افتر مخييخي الاوسط





نوف من الوناسه طبعا يايه تبي تبشر دلوول ,, وتدق عليها و توصوص من الوناسه و تقول


نوف : نووووفوووو وناااااااااااسه

دلول شفييييييييييييج ,, عاد زين الي دقيتي كنت ابييييج في سالفه ظروووورييييي

نوف :: بعديييين بعدين ,, تقولين منو طلع ياي يخطبنييي ؟؟

دلول : منو بعد ماكو غير ولد عمج الدعله :/

نوف :: ليييييع غلط

دلول عيل منوو ؟؟ لا يكون ولد اليييران ؟

نووف : غلطططط ,, ولييييييييييييييد

دلول سكتت و فجت حلجها و منصدمممه : وليد ؟؟؟؟؟؟؟؟

نوف : اي وليد خو شفيج ,, ليش منصدمه مو تقولين لو يحبج ايي يخطبج ,, كاهو خطبني

دلول : اي اي ,, مبروك <- تقولها بس تردد و صدمه

نوف : يبارك فيج ,, شنو كنتي تبين تقوليلي ؟؟

دلول : لا ولاشي نسيت ,, خلاص بعدين احاجيج امي تناديني ,,

سكرت التلفون و حدها متوهقه ,, شتقول حق نوفو ؟؟ و شتهبب لها ؟؟

واهي توها واصلها ان وليد لعيب ,, وانه كان يكلم فطمو الصايعه الي سمعتها بالقاع من ايام الثنوي ؟؟؟

فكرت دلولو فكرت ,, وودها تكلم سندس ,, لأنها صارلها من جم يوم قريبه منهم والعلاقه صارت وايد حلوة بينهم ,,

فمسكت التلفون ,, و تدق على سندس وكان الكلام .....

 

[جوري الكويت]

مشاركة: قصه شهر يونيو 2006

نوف كانت متضايقه حيل لأن وليد كان قايل لها ان اهله ماراح يخطبون له الا وحده من عايلته ,,

لكن سوء حظ وليد , ان امه شافت نوف في عرس بنت رفيجتها و خطبتها من غير ما تدري ان وليد ولدها يكلمها (( يا محاسن الصدف ))

وليد ما درى ان اللي كان رايح يخطبها هي نوف , لأن الخطبه كانت في بيت يدها , و ذلك لأن بيتهم كان تحت الترميم

ففكرت بطريقه انها تنتقم من وليد و فكرت انها ترفضه لأن جاء لخطبتها من غير اقتناع و بالصدفه البحته , مو لأنه يحبها ......

 

[LaSt WoMeN]

مشاركة: قصه شهر يونيو 2006

دلال ما درت باللي سوته نوف بخطيبها وليد .. و لا تدري انها اكتشفت سوء نيته لأن ببساطة ما مداها تكلمها عدل ..

نوف لي الحين محترة ودها تكمل حق رفيجة عمرها دلال السالفة .. و كاهي قاعدة عند التلفون تبجي و تنطر دلال تدق عليها علشان تقول لها اللي صار و اشلون تصرفت مع وليد و احرجته ..



========




وليد .. قاعد يسوق السيارة و هو ميت من القهر .. منتفخ .. و الأم تمدح في نوف .. و تقول عن سالفة العصير انها فال خير ههههه .. و تسأله ها وليدي اشرايك بالبنت بعد هذي ما تقدر تقول عنها شي و لا تطلع فيها عيب .. سنع و دلع و جمال و اهلها خوش ناس ..

وليد .. ساكت .. ماله خلق يتكلم

الام : السكوت علامة الرضا .. ها يمه ندق عليهم ؟

وليد : لا يمه

الام : هو ليش بعد .. ؟

وليد : .. بس ... ما عجبتني .. مو هذي البنت اللي ابيها

الاخت : من صجك و الله البنت عجبتني .. خو مو كل يوم بتكت عليك عصير و تضحك اهي و امها

و هو ساكت ... و طول الطريج حنة عليه ..


=======================


دلال دقت على سندس .. ردت عليها سندس .. هلا حبيتي

دلال : هلا اشلونج سندس .. شالهيصة اللي عندج شكلج بعرس ؟!

سندس .. لا والله .. بالشاليه مسوين حفلة .. آآ احنا مع اهلنا ..

دلال : اي خلاص اكلمج بعدين

سندس تضحك : هلا حبيتي ان شاء الله

سكرته دلال و اهي مستغربة من طريقة سندس بالكلام .. ذاك اليوم تشكي لي عن اهلها ان محد يدري عنها و الحين قاعدة معاهم و اغاني و ضحك .. بس اشفيها تتحجى جذي و ضحكت لما سكرت التلفون .. شي غريب ..

قامت و دقت على نوف ..و نوف قالت لها السالفة الغريبة اللي صارت مع الخاطب .. وليد الخاين .. و اهي تبجي من القهر ..

دلال .. وييييي اثاري السالفة جذي .. و انا علبالي من صج خاطبج يبيج ..

نوف .. شفتي القهر .. مخليني ارد الأولي و التالي .. لين حضرته يتزوج .. و يقطني على صخر !!

دلال .. ميخالف حبيبتي .. لا تبجين ما يستاهل دموعج والله ..الحمدلله اللي كشفه على حقيقته .. هالحقير .. حسبي الله عليه ان شاء الله .. بس زين سويتي فيه طلعتي منتي هينة

نوف ضحكت .. اي على سالفة العصير و التاير .. شسوي لو ما سويت جذي جان صارت فيني سكتة قلبية من القهر .. آه بس آآه ... الخاين الله يراويني فيك يوم يا وليدو .. حسبي الله عليك ..


عقب ما هدت نفسية نوف شوي .. حاولت دلال تغير من مجرى الحديث و تنسي نوف اللي صار لها فقالتلها عن سندس .. : " تصدقين استغربت لما دقيت عليها ذاك اليوم تشكي لي عن اهلها و اليوم قاعدة معاهم و صوت الأغاني الاجنبية يبط الراس .. و طريقتها غريبة لما كلمتني .. "

نوف : انا مو مرتاحة حق هالبنت كلش من اول ما شفتها .. نصيحة .. وخري عنها دلال ..

دلال : مادري انا اشوفها تكسر الخاطر .. صج انني استغربت اشلون داشة الجامعة لأنها ما تحضر و لا تدرس .. بس شكلها على نياتها ..

عقب ما سولفوا و سكروا التلفون .. و الا مسج ياي حق نوف .. ؟!!!

فتحته و الا المرسل ؟!!؟!!؟!!؟!!

...!!!!!!! " روح روحي " !!!!!!!

......................؟؟؟؟؟؟

 

[عاليا]

مشاركة: قصه شهر يونيو 2006

ما شاء الله عليكم بنات القصه كانها حقيقيه شدتني حيل

 

[جوري الكويت]

مشاركة: قصه شهر يونيو 2006

فتحت المسج " نوف دقي علي أفهمج الموضوع " أي موضوع


من صجه هذا و الله له عين بعد , شنو يبي مو كافي انه انكشف جدامي

بس هين و الله لأخليك تندم يا وليدو

سكرت نوف جهازها و نامت لأول مره من ثلاث سنين من غير ما تسمع صوت وليد و قعدت تتذكر الأيام و السنين اللي ضيعتها من عمرها معاه و الناس اللي تقدموا لها و رفضتهم علشانه

لا والأخ يقول لها رفضي الللي يايلج و نطريني أقنع اهلي " اي انطر ياحمار لين يجييك الحمار "

صباح اليوم الثاني في الجامعه نوف كانت في اسوأ حالاتها و لا بسه النظاره الشمسيه لكي تخفي تعب ليله امس

شافت دلال بالمحاضره وكانت معصبه عليها : نوف الله يهداج تدرين اني احاتيج من عقب سالفه وليدو , جذي تسكرين جهازج و ما تطمنيني عليج


نوف : سامحيني دلول .. لو تدرين امس شصار فييني , طول الليل و انا أبجي مو متخيله الموقف حاسه اني بحلم ,, و لأني ما ادري اذا دق علي شنو ممكن يصير ....سكرت جهازي و قررت اني اغير خطي

بعد ما خلصوا المحاضرات راحوا احدى شركات الاتصالات ,, علشان يقطعون خط نوف , و اتفقوا ان يحطون الخط اليديد باسم دلال , علشان حتى لو حاول وليد يطلع خطها الجديد ما يقدر

نوف : لو سمحت ابي اقطع خطي ,, و أبي خط ثاني

الموظف : آسف على التدخل , بس حرام خطج حلو تقطعينه

نوف: اخوي لو سمحت متاخرين , اذا تبيه اخذه عليك بالعافيه

دلال تنغز نوف من تحت الكرسي , نوف تنتبه لكلامها

نوف : اي و ما عليك أمر ابي خط ثاني و مو مهم لو يكون خرده

الموظف :ههههههه داشه بقاله (( يستخف دمه ))

نوف و دلال يضحكون ,, بعد ما اختارت نوف الرقم و سجلته باسم دلال

عند بوابة الخروج , دلال : ماشالله عليه مملووووح و دمه خفيف , جان زين ل .....

نوف : دلول صج انج فاضيه , انا لو بيدي افجر بكل رياييل الديره و انتي طالع بشنو تفكرين

 

[أسيرة موني]

مشاركة: قصه شهر يونيو 2006

فجأه رن تلفون دلال و لا المتصل سندس

حست دلال بتثقال في انها ترد عليها خاصه انها بدت تشك في تصرفات سندس الاخيره

شالت التلفون : ألو

سندس : الوين هلا وااااااااالله وينج ؟

دلال وما ودها تقولها بس ماتدري شالي خلاها تقول : احنا الحين بالطريج رايحين حق اي مطعم ناكل شي يواعا

سندس : عاااااااد انا حدي يوعانه بييكم اي مطعم ؟؟

دلال : ماقررنا ,,

سندس انزين خلاص لم توصلين دقي علي اييكم مو تاكلون عني

دلال : زين خوش

سكرت التلفون ,,

نوف : افففف هالبنت احسها صايرة دعله ://

دلال واهي تفكر وساهيه : اي

نوف : اي ؟؟ مو اول ما شفناها قلتي تهبل وحدج متشققه عليها ؟

دلال : اي ,, بس في شي ودي اقوله لج ,, بس الحين ابي تنتبهين على تصرفاتها ويانا بالمطعم

نوف : وليييييييه بتنادينها من صجج بعد ,, خليها مو لازم

دلال : مو شغلج سوي الي اقولج عليه الحين وبعدين افهمج


ولم وصلوا المطعم دقت عليها عشان اتيي ,,

" ماني عارفه اختار مطعم لاني يوعانه و مو قادره اقرر من وين اطلب " :////

ويوم يات سندس و اول ما دشت جان ...

 

[جوري الكويت]

مشاركة: قصه شهر يونيو 2006

جان يدق تلفون دلال و خزتها نوف لأن من قعدوا و تلفون دلال ما سكت

نوف : جان زين تسكرين تلفونج خل نعرف ناكل

دلال : شفيج ,, أمي داقه , الووووو هلا يمه .. انا مع رفيجاتي اتغدى .. شنو وييي نسيت , الحين نص ساعه اكل و ارد البيت

دلال تدز مسج حق نوف علشان علشان ما تبي سندس تدري لأن عيونها حاااره و دلال من النوع اللي يخاف من هالسوالف المسج >>>>> (( نوف امي داقه تسفل فيني تقول يايين يخطبونج و انتي حضرتج رايحه تتغدين مع رفيجاتج. بدال ما تيين تتزهبين ))

نوف ترد على مسج دلال : (( امك صاجه هذي سوالفج ..كل ما تقدم لج احد تتنحشين . امج فاهمه ان انتي الزواج للحين مو براسج . ))

 

[LaSt WoMeN]

مشاركة: قصه شهر يونيو 2006

ترد دلال بيتهم .. و بسرعة تفكر شنو تلبس .. نست تجهز روحها حق اليوم ... تسبحت و جابلت المنظرة تتزقرت ..

و يوا الضيوف .. ام الخاطب و خواته ثنتين و خالته .. و طبعا ام دلال كانت موجودة و خالة دلال و يدتها ..

و دخل الخاطب .. و خيم جو من السكوت .. و ما صارت فرصة ان الخاطب و المخطوبة يتكلمون عن شي ..

و بسرعة .. بعد هذه الزيارة بعدة ايام .. تم الاتفاق على تحديد يوم الملجة .. و الزفاف ! بعد الامتحانات مباشرة

بحجة ان المعرس يبي يكمل دراسته بره و " ما يقدر ينطر "

دلال تبين قلقها لنوف .. اللي ما ان عرفت بأمر سفرة دلال مع زوجها لمتابعة دراسته حتى اغرورقت عيناها !

فليس قليل ما بينهما من صداقة ووئام و تفاهم ..

و لكنها رغم ذلك .. لم تحاول ثنيها عن فكرة مرافقتها لزوجها .. و اكتفت بالتعليق .. لو كنتي بالديرة معاه احسن لج .. " وفي سرها تقول و احسن لي من لي غيرج اذا رحتي يا دلال ؟ "

و قامت بمساعدتها في التجهيز لحفل الملجة و العرس حتى في اصغر الأمور ..

الجدير بالذكر ان والد دلال متوفي و ليس لها اخوان فهي وحيدة امها .. و هذا الأمر كان يقلق امها كثيرا حتى انها كانت تبكي بالليل دون ان تعلم دلال او ان يشعر بها احد .. و لكنها لم ترد ان توقف نصيب ابنتها امام سنتين من دراسة زوجها - خطيبها الحالي - و تعزي نفسها بأن الأيام ستمر سريعة و بأنها ستتمكن بالتأكيد من زيارة ابنتها هناك