قصتي مع ام اللي أحبه

[ToOTOoWa]

السلام عليكم باأحلى بنات
والله انا عندي قصه واقعيه مو من نسج الخيال بس للأسف ان للحين مالها نهايه ياريت انكم تساعدون راعيه القصه عشان تقدر تعرف عن نفسها اذا لقت مساعدتكم
وأتمنى انكم ماتبخلون عليها بالردود او بالنصيحه لانه اهي بحاجتكم
القصه ابتدت من قبل 4 سنين تعرفت هالبنت (م) على شاب مع انها ماكانت حاطة في بالها انها ترتبط لانه ماكانت مقتنعه بالحب وكله تقول مافي حب بهالزمن
شافته اول يوم وحاول يعطيها رقمه بس اهي صدته وثاني يوم صادفته مع العلم ان باليوم اللي قبله وايد كانت تفكر بالشاب (ف) من غير سبب
ولما شافته قالت اكيد صدفه ونست السالفه ... وفي اليوم الثالث هم صادفته بالشارع واهي سايقه سيارتها حست انه قلبها يقولها هذا نصيبج
ودقت عليه وابتدت علاقتهم ...
كانت البنت حبوبه معاه وحتى الولد كان طيب وخلوق معاها ومع الايام كبر الحب اللي بينهم وماكانوا يقدرون انه يتخيلون حياتهم من غير بعض بس انه الولد اصغر منها بسنه ...
استمرت العلاقه يمكن سنه ونص وصادف واهمه مع بعض اهل البنت شافوها وكلنا ندري احنا بمجتمع شرقي يعني البنت غلطانه وحاولت تقنع اهلها ان علاقتهم طاهرة ومافيها شي حرام
بس الحب طق بابهم اهمه الاثنين
والحمد الله تفهموا اهل البنت بس قالوا مدام يحبج خليه يتقدملج قالت البنت اوكي انا متأكده منه
وفـــجــــأة صـــــــــــــــــــــــــــارت الصـدمـة الكبيييييييييييييرة
قال الولد انه امي مور اضيه على هالزواج وماراح تيي تخطب سألت البنت قالتله ليش ؟؟؟ في شي يعيبني
قالها لا انتي كامله والكامل الله وبنت مثل القمر بس احنا عندنا عادات وتقاليد انه الولد ماياخذ بنت أكبر منه او يعرفها من قبل
حاولت (م) تخفف عن حبيب القلب وقالتله خلنا نحاول احنا مو اول اثنين يتزوجون عن حب يمكن اللي صار خيرة لنا قالها انشالله احاول
وصج حاول مع امه وتوسلها وبجى عند ريولها لما قالت اروح حق اهلها بس للتعارف مو للخطبة
من كثر ماانه البنت قلبها مكسوورة وافقت قالتله مافي مانع بس المهم اصلح موقفي مع اهلي
ويت الام البيت واستقبلوها اهل البنت بكل احترام مع انه الام كانت فاهمه كل الموضوع بس رضت بالاهانه عشان بنتها ...
وام الولد كانت بمنتهى اللطافه والحنيه وهلت ورحبت بالبنت وسولفت معاها ومع اهلها وكان الوصع عادي ومن كثر طيبة (م) عبالها ان الام تبيها خلاص ............
تتوقعون شنو صار ؟؟؟؟
قالت الام اهي زينه ومافيها شي بس دور غيرها لانه انا مو مقتنعه فيها !!!!!
ومع هذا البنت رضت بالاهانه وقالت حق (ف) احنا جدامنا الطريج طويل ولازم نكون مع بعض وانشالله الله قادر ان يحنن قلب امك علينا
ومرت الايام والاشهر وتعلقوا ببعض اكثر وتفاهموا وكانوا يحسون ببعض يعني كانت علاقتهم قوية ومتينه ومحد يقدر يفرقهم
والبنت مسكينه بالعه جمرة وساكته عشان ماتجرح حبيبها واللي قلبها اختاره لان عمره ماضرها بيوم مع العلم كانوا وايد يتقدمولها وترفض عشان حبيبها وعشان في امل بقلبها حتى لو كان ضئيل او بنسبة 1%
وكانت تدعي كل يوم انه الله يحنن قلب امه عليه وعليها لانه امه كانت قاسية والله ياخواتي حرام ينقال ان الجنه تحت ريولها لانه مايهمونها عيالها كلش وكل ماقالها ولد من اولادها يما انا بتزوج وعندي وحده ابيها تدرون شنو تقول ؟؟؟
تقوله (( اذا تزوجتها لا انت ولدي ولا انا امك !!!! ))
ياقوي القلب اللي عليها انا خابرة قلب الام حنين على الولد ورقيق وكله حنان وحب
المهم عشان مااطول عليكم من غير موعد تقدم حف البنت ولد زين ودكتور وحست ان السالفه صارت جد لانه ام البنت حاسه وتقول انا ادري انه تحبين (ف) بس شنو اسوي يعني ؟؟
اروح ادق على امه واخطبه اذا امه قاسية اشلون بتعيشين معاها واذا اهو مو قادر يقرر قرار مصيري جذي اشلون بتعيشين معاه والفرصه تيي حق البنت مرة مو مرتين وانتي الحين عمرج 25 يعني مو صغيره اهو ريال وشايل عيبه واذا طق الباب كلهم يستقبلونه بس البنت وين اللي يطق عليها الباب !!!
كانت البنت تفكر بكلام امها قالت يمكن الايام والسنين غيرت امه وتوكلت على الله وفاتحته بموضوع الخطبه
قالتله شنو راي امك فيني قالها امي تمدحج تقول (م) زينه ومافيها شي ..
جان تقول انزين ليش ماتقولها على سالفة الزواج لانه في واحد متقدملي وانا مابي احط اهلي بموقف محرج
قالها والله قاعد احاول مع امي بس امي تتهرب مني وماتعطيني اجابه ثابته كل يوم لها راي ..
قالتله والحل ؟؟؟؟
قالها مادري شنو اقول بس انا ابيج وانتي دنيتي وكبرت معاج بس هذي امي
قالتله ادري انها امك بس ماتقدر تقولها انه ابي حبيبتي
قال والله تدري بس اهي تقول انتي اكبر مني واني مكلمج يعني يمكن انج كلمتي من قبلي
طبعا اهني (م) بدت تشد وتعصب لان النفس عزيزة قالتله وانت لي متى ماتقدر تطلع عن شور امك انت اللي بتتزوج والا اهي لازم انت اللي تختار هذي عشرة عمر مو يوم ولييله
طبعا اهو كله ساكت وقالها خلاص ارتاحي ونتفاهم بعدين
صار الصبح والا تدق عليه (م) وتقوله فكرت بكلامي قالها اي بس ماقدرت اتوصل حق شي لانه امي مو راضيه
والا تقوله البنت انزين حاول انك تدخل ابوك بالموضوع
قالها باستهزاء ابوي سكانه مرته امي تفصل واهو يلبس
قالتله منو يقدر يأثر على امك
قالها الله سبحانه وتعالى
قالتله البنت يعني الحين عشرة 4 سنين بالحلوة والمرة تنهدم عشان امك ماتبيني او مو لاقيه عذر مقنع فيني غير اني اكبر منك
قولها ان قدوة كل المسلمين الرسول عليه افضل الصلاة والسلام تزوج بالسيدة خديجه واهي اكبر منه ب25 سنه !!!!
وان الله سبحانه وتعالى ماخلاه يتزوج منها الا لانه يدري امته من بعده بتواجه هذي المشكله وصارت تقريبا مثل التشريع
قالها عيل انتي ماعرفتي امي ....امي اذا ماعجبها شي لا قرآن ولا دين يغيرون رايها
طبعا البنت اشترت كرامتها مع انها محترقه على الحب والعشرة وقالتله الله يوفقك مع غيري والله يهني غيرك فيني بس عيب انك تكون رجل وانت امك اللي تقرر حياتك
طبعا اهو انصدم انه حبيبته قالتله هالكلام لانه قالها انتي بأختصرج بكلمة انتي حياتي لو تروحين عني اضيع واموت
وانتهت عشرة 4 سنوات بحلوها مرها بسبة كلمة (( مابيها لانها اكبر منك))
والحين البنت عايشة بددوامه ماتدري شنو تسوي هل اهي تسرعت او معاها حق
مع العلم اهمه طول 4سنوات ماافترقوا ..... واهي تقول وايد في اشياء تغفرله بس ودي ياخذ موقف ويحس انه بيفقدني يمكن ياخذ قراره
وبلييييييييييييييييز البنت محتاجه حق نصايحكم لاتبخولن عليها

 

[مـ سهله ـو]

واااااااااي كسرت خاطري شنو هذا والله لو الولد يحبهااا يروح ويتزوجها من ورى امه عادي اهو ريال خلاص وامه بترضى عليه لان الام عمرها ما كرهت ضناها ومشكووورة

 

[حـــــلا]

اصلا مبين انه ما يبيها ياكثر اللي عاندو اهلهم وخذو اللي يبونه

يا بابا روحي وافقي على الدكتور وصلي استخارة واجدمي على الموضوع وخلي قلبك ع صوب

واللي تعرفينه ع قولتج ف هذا ياهل ولايقدر يحل ولا يربط اذا من الحين امي وامي هذا اشلون باجر لاوقفت امه وقالت له طلقها موعاجبتني شبتسوين ساعتها

اعرف وايد شباب ع 20 سنة تخيلي زعل ع اهله وطلع من البيت وما ياكل وما ادري شنو وطلع من المدرسة واشتغل وعفسة بس علشن يتقدم حق اللي يحبها وحط اهله جدام الامر الواقع الا هالمركب ولا ما اركب

وراحوا اخطبوها وسولها هذاك العرس بس انا اعلمج جابلوها عدل لما تطلقت وزوجوه وحدة ثانية

ف انتي اشرايج ترتبطين بواحد شوره عند امه ولا ريال مقتدر ومتخرج ومركز مثل اللي متقدم لك

وايد بنات ما خذو اللي يبونه ما وقفت الدنيا الشمس تطلع كل يوم والناس تتزوج وتتطلق والحريم يحملون ويولدون

عادي

اخذي نصيحتي هذا موقد المسئولية ولايقدر يحمي مرته ويحسسها انه معاها ريال معاها ع الحلوة والمرة وتري الزواج مو نهاية المطاف بالعكس الزواج بداية والمشاكل الحقيقية بعد الزواج والعيال

قولي لها فكري عدل

 

[NoWay2know]

لي رجعه

 

[NoWay2know]

ترى الموضوع وايد واضح والاجابة الشافية

اذا البنت تبي تعيش طول عمرها مرتاحه بدون عوار راس، تاخذ اللي طق بابها وشاريها باللي فيها بدون عشرة وبدون حب

بعد أمه مو راضية، لو حتى رضت بعدين، اهي من داخلها ماتبي مو راضيه كيفها، ترى كل انسان عنده قرار وعنده وجهة نظر ،، كلنا نرتاح حق ناس وغيرنا مايرتاحون مع هالناس


أما سالفة اربع سنين مو مقياس،، ناس عشرين سنه زواج بيوم وليله يصير بينهم طلاق

 

[جےـود الحےـزن]

حبيبتي الولد ما يبيها والله لو صج يحبها جان وقف ضد الناس كلها وتزوجها

 

[zyoonaaq8]

والله حبيبتي شرايج تروحين حق ام الولد وتقوليلها انتي ماتقوليلي على شنو متعنفقة وشايفة عمرج وماتبين بنات الاوادم خخخخخخخخخخخخخخخخخ
لا لا لاتغشمر ترى
انشالله يارب اذا لها نصيب معاه يجمعهم بالحلال واذا مالها نصيب انشالله ربي يعضوها اللي اخير منه

 

[عزف المشاعر]

مشكــــــــــــورة ويعطيج العافية

 

[أم الطيب]

ماعرف شسوي بمثل هالحالات

 

[ToOTOoWa]

والله يابنات مشكوووورين على ردودكم
بس اللي قالوا انه مايحبها لا حرام لاتظلمون الريال اهو يموت عليها ويبيها بس امه الله يسامحها ..
ماتتصورون اشولن مسيطرة على عيالها واذا واحد منهم كانت في بنت بخاطره قالتله اذا تزوجتها لا انت ولدي ولاانا امك وماتدش البيت لانك بعت اهلك عشان وحده
تخيلوااا ؟؟؟ في ام قلبها جذي
انتوا ماتتصورون علاقتهم اشلون قويه والبنت اللي اعرفها قلبها بيوقف من البجي والنوح واكيد اهو جذي لانه كبر معاها وكانت بالنسبة له كل شي
بس يمكن انه الولد عمره 23 يعني صغير على المسئوليه ؟؟
وخايف من الالتزامات واو متعقد من الزواج خصوصا لما يشوف امه وابوه جذي
اتمنى من كل وحده تقرا الموضوع بس تقول وتدعي الله يحنن قلب امه عليه وعليها
واللي يعافيكم يابنات لاتبخولن عليها بالدعوه لانه دعوة المسلم لاخيه المسلم مستجابه

 

[مخروووشة]

الله يحنن قلبها

 

[ســــــــــما]

شنو هالام

تروح ليما بيت الينت علشان تطمش وتمشي

ما تستحي

شهالخرابيط

يا تروحلهم وتخطبها والا ماله داعي روحتها

السالفه مو لعب

والله موقفها غريب

وانا اقول البنت لازم تنساه وتلتفت لي جدام

 

[Queen66]

حبيبتي صدقيني الحب موكلشي لاتظنين انج اذا خليتيه بتموتين اصلا مبين ان الولد موقد مسؤوليه ومايبيج وحتى لو اخذتيه صدقيني امه ماراح تخليكم بحالكم ولاراح تتهنون وبتنتهون بالطلاق
صلي صلاه استخاره واذا ارتحتي وافقي على اللي خطبج وان شاء الله بيوفقج وباجر تضحكين على نفسج تقولين انا شلون كنت اسمي هذا حب وترا الحب ايي بعد الزواج مومعناته انه اللي مايعرف مرته قبل مايحبها بالعكس اصلا الحب بيكون اقوى لانه انبنا على اساس صحيح

 

[nada24]

الحب شي و الزواج شي ثاني و اذا امه جذي ترى راح اتكدر عليج حياتج طووووووووووووووووووول عمرج معاه حتى بعد الزواج لدرجة ان ممكن انكم تفصلون بعد الزواج .... و احسن لج ابدي حياة يديده و خلي هل تجربه شي حلو و انتهى من حياج و فتحي صفحه يديده .. انتي ما وديج بيت و عيال ؟؟ و حتى لو تزوجتي هل توقعين حياتج راح اتكون راحه بالعكس راح اتكون عذاب لانه امه ما تأبيج .... و الله اوفقج و يرزقج بالزوج الصالح الي قدرج و شيلج على راسه

 

[بنات حواء2]

لي رجعه حبيبتي بس بفكر بموضوعها

 

[ToOTOoWa]

مشكوووورين حبيباتي على ردودكم
والله يحنن قلبها يوم بعد يوم ياااااارب

 

[فاطمة82]

الله يعينها
هم انا ما اقدر الوم الولد اذا كان صاج طبعا لاني انا وحده من الناس حتى لو احب واموت في انسان لا يمكن اطلع عن رضى اهلي
يابنات هذي امه مو اي شي
يقولج الولد لازم يبر بوالدينه حتى لو كفار فما بال هذي امه وربته وكل اللي رافضته زواجه يعني اذا يبي رضى ربه لازم يطالع رضى امه لاتستهينون بالام
هذا امتحان من الله له وللبت ولامه بعد
اذا الام غلطانه فالله سبحانه بيحاسبها اما الولد كل اللي عليه انه يقنع ويحاول يدعي اما انه يطق راي امه بالطوفه ويرضى انه تغضب عليه فهذا غلط اصلا البنت شلون تثق بريال يسوي بامه جذيه حتى لو الام موزينه
والبنت تشوف نصيبها مو معناته عشره 4 سنوات يعني يكون اهو الي الله كاتب لها انه تتزوجه ومو كل واحد تمنى شغله تحقق له بالنهايه اهي لازم تدعي وتصلي وتطلب من ربها انه اللي فيه خير وصالح لها انه يقدمه
والله يهدي الام وانشالله يكونون من نصيب بعض

 

[أعترفلك]

واضحه وضوح الشمس الولد مايبيها الولد يتسلى وبس


والله لو يحبها مافي شي يرد الريال ابدااا

 

[*سوسو ستار*]

بس يمكن انه الولد عمره 23 يعني صغير على المسئوليه ؟؟

حبيبتي انا زوجي عمره الحين 23 و لمن تزوجنا كان عمره 21 يعني مو شرط كل الريايل اللي عمرهم صغير يكونون مو قد المسؤوليه هالريال واضح ان امه مسيطره عليه وواضح ان امه نسره بس فيه شوية امل لان لمن رضت انها تقابل اهل حبيبته وتشوفها يمكن تكون حنت على ولدها وانا اقول ان كثرة الدق يفج اللحام بس المشكله ان البنت عمرها 25 يعني مو ضغيره كلششششش عشان تنطر لمن يفج اللحام انا من رأيي انها تستخير مره ومرتين وثلاث وتستغفر وتقرأ سورة البقره واذا لها نصيب فيها بتأخذه بس ختخلي العاطفه والحب على صوب وتفكر بالعمر والريال اللي متقدملها اذا مايعيبه شي لاترفضه وترى احسن زواج اللي يكون اختياره بالعقل لان اغلب شي الحب ايي بعد الزواج والعشرة الاحترام والتفاهم والله يوفقها

 

[rawona]

انا اقول لا تضيع وقتها وعمرها على امل ان امه تغير رايها .. شوفي مادام من البداية الام ماخذه موقف عمرها ماراح تتقبلها ومادام اهوا ماخذا موقف جاااد "لا تقوليلي يحبها" يمكن صج يحبها بس على طريقته وصدقيني لو امه بتخطبله وحده ثانية ماراح يعارض واخر شي اهي اللي بتفلس ..

خل تتوكل على الله وتستخير وتشوف اللي متقدمين لها وتبدا حياتها صج صعبة عقب 4 اسنين انها تتقبل واحد ثاني بحياتها بس صدقيني اذا لقت اللي يستاهل بتتأقلم معاه وبتحبه وتحب بيتها .. خل تنساااه وايد احسن لها وماراح تمووت اذا ماخذته

موفقه ​