خطاك السوء
قطعتي قلبي الله يقطع اللي كان السبب قطعة قطعة وما تموت على طول الا يحوشها عذاب وألم أضعاف أضعاف اللي شفتيه
الله يشفيك ويقيج حق أهلك وعيالك
ذكرتيني بخدامتي الأندونيسية الله لا يردها ولا يسلمها
:krkrkr:
وجهها أقشر وما فيه سموحه من شفتها لما أستلمتها كشيت منها
لا وبس وصلنا البيت اقعدت على القنفات ( وايد راهية )
عنيدة وقعدت عندي 7 شهور بس استمرضت بوجودها
كان ولدي الله يسلمه صغير وأنا حزتها استقلت من شغلي عشانه
لاحظت أنها لما تكلم ابوها بس تبجي وتذكر له اسامي عيالي (اكون ورا الباب اسمعها شتقول) لأني مو مرتاحة لها
ومرتين لما تعطيني ادز رسائل حق اهلها ينقمت قلبي فأفتحهم عشان أشوف
وإلا الصدمة أسامي عيالي وأعمارهم واسمي أنا وريلي بالانجليزي مكتوبين والباجي بلغتهم
نغزني قلبي وقطيتهم بالزبالة وما دزيتيهم لأني وايد شكيت فيها
بس كان التركيز على اسماء اليهال ( خذيت الرسائل حق خدامة رفيجتي وقالت انها موصية أبوها يسوي سحر عشان اليهال يحبوها وأنا أمرض وهي تستفرد بريلي )
عقبها بدأت تعاند وأحس نفسي كله نايمة وجسمي متكسر وما أقوم إلا الظهر
قمت أدزها البقالة وإلاالصيدلية عشان أفتش الجنطة
الصدمة الثانية كتاب مثل الأيات بالمقلوب
وشعر وخرابيط مثل الوصخ
والطامة الكبرى (فوطها الصحية) الكوتكس شكله منقع بماي وبعدين نشف
قمت أراقبها لما طحت عليها أنها تصب ماي الكوتكس مالها لنا بالبرادة (البرادة تعبئه من الأعلى ) الحساوي الصغيرة ، عشان جذيه أنا كله نايمة وعظامي تعورني
كانت دايم تطلع من الحمام مخباتها متفوخ وعلى طول تروح تخش شي بالكبت
( طبعا فهمتوا الكوتكس مالها )
والله العظيم عقب ما أطلعت من البيت بديت أخف لما الحمد لله شفيت
كل ما أحط فلوس بالعمد على التلفزيون ألاقيهم بجنطتها اشكثرهم
دخلتها غرفتي تنظف معاي وعندي كرت مركز سلطان على التواليت فقدتها وأنا أفتشها بعدها بأيام لقيتها داخل بوكها حسبالها كرت البنك
الله يلعنها
اهنيههههههههه قلت خلاص
وطبعا انا ما ترك عيالي مع اي خدامة بالبيت بروحهم لأن اللي قبلها أندونيسية بعد وأنا معاهم بالبيت عطت بنتي (كان عمرها 3.5 سنوات ) سكينة عشان تطقها فيها عقب ما تطق اخوها حبيبي عبودي (عمره شهور توه يحبي )
بس بنتي فطينة وأنا معلمتها ان السكينة مو زينة وتطلع الدم
قامت تصرخ البنت ولما واجهتها قالت لي ايه انا عطيتها السكينة ليش ترفسني ؟؟؟؟؟؟؟
على طول طيران المكتب رجعتها وخسرت فيها 200 دينار بس المهم بيتي وعيالي
نرجع حق الثانية
خذيتها بدون أغراضها وسلمتها المكتب مع انها مكملة عندي 7 شهور (صاحب المكتب رفيج ريلي ) ولما قلناله ما صدق ومسكين عطانا كل فلوسنا ما قصر الله يفتحها عليه
وعقب دزيت اغراضها عقب ما خذيت كل شي بايقته من البيت
ومن عقبها قلت توبة من الاندونيسيات
وصار لي 4 سنوات بدون خادمة
صج تعبت من شغل البيت بس انام مرتاحة وما أحاتي
