قصتي الحقيقيه مع المرض .. تابعوني وادعولي قصه خاصه فيني (ام كتكوت)

[om al ghaleen]

حبيبتي والله ام كتكووت والله وانا اقرأ مااحس الا دموعي نزلت لاشعوريا ..

بنات انا ماابي اخرعكم بس ترا مو كل الاندونسيات نفس الفصيله

انا اخت ام كتكوت ولما اهي يابت خدامتها كانت عندي اندونسيه من سنه .. كانت تموووووووووت على عيالي

لي الحين بتذكرونها (( حليمه )) المهم بدخل بقصه اختي

أتذكر كنا انا وامي عند ام كتكوت .. وقلت لأمي رووحي جيكي على اغراض الخدامه ؟

سألتني ليش .. قلت يماا تتذكرين لما زووج ام كتكوت يمشط شعرها ولايطيح شعرها كله ومن غير سبب

والله يابنات من غير مبااااااالغه انه شعرها مافي شي مره وحده كله طااااااح :0bee2e8d89: وخدامتها ميييييته ضحك

وتضحك من قلب وبفخر بعد

انا انقهرت والله حتى زفيتها والله ماطلعت من البيت الا بنتي طاايحه على ويها وسيده مستشفى مبااااااااارك

انا اهنيه تأكدت 100 % انه منها مع ان مو طبعي اشك او اوسوس بس شي واضح


الممهم بعد مااامي دوورت بين الاغراض الا بلاااااااااااااااااااوي تخيلوو شعر اختي وسوالف طلاسم

وعلى فكره الخدامه كله تصلي على طوووووول شالصلاه هذي ماادري ..

والكتب طبعا مهربتهم عطتهم خدامتي الاندونسه وانا خدامتي غبيه مو خاشتهم حاطتهم بالوي ..


خل اقولكمٌ شنو شفت فيهم هذا اللي اتذكر منه


رسمه عضو ذكري ومكتوب ادعيه وسور قرأن

حاطه صور يهال ومكتوب اشياء غريبه (( مثل حببني ومن هالكلام ))

وحاطه ادعيه (( انتقام - عدو - ))

وادعيه تشيب الراس والله على مااقول شهيد وكلها مقتبسه من قرأن يعني دعاء وفيه سور قرأنيه

انا قلت يمكن كتبهم جذيه

بس حاطه اعضاء التناسيله

وصور يهال يعني السالفه فيها شي

قريت اشياء الصراحه من بعدها على طول قمت اقرا قران لان خفت يوصلني شي

خصوصا انها عرفت اني طحت عليها

طبعا سألت خدامتي قلت لها من وين لج هالكتب ولا تقولي من (( خدامه )) ام كتكوت

قلت ليش ماخذتهم ولاتقولي اهيا قالت خشيهم عندج:0bee2e8d89:

ومن يومها خدامتي قامت تخاف مني بس ما اذيتها لان وقتها عندي يهال صغار

اخذت الكتب وعطيتهم امي وبعدين ماعرفت شنو صار فيهم

وكنت اقول حق امي يماا عفيه سفري الخدامه تقولي ام كتكوت تبيها يعني مسوويه لاختي شي علشان بس تحبها

حسبي الله عليها

وهذا سبب من اسباب مرض اختي واهي راح تذكر لكم الاسباب الثانيه



\\

ومتاابعتج ياام كتكوت

 

[ام كتكوت]

والله تهونون وتنسون الواحده آلامها يابنات .. والله صج انا بهاليومين ماأنام من الكوابيس

الحمدلله على كل حال

ام الغاليين يااختي الغاليه والله اللي قلتيه كله تذكرته

رغم ان ادري وانا طايحه بالفراش تصير اشياء واااااااااايد وانا مادري

اكبر شي لمن امي قالت لي ماراح نخلي حسون ينام يمج تتذكرين ؟؟ يوم كنت بالدوانيه

سألتها ليش قالت اخاف يأذيج

بس الصج غير جذي كانت قايله حق اختي اخاف اهل الارض يأذونها ويأذون ولدها

لان امي حاسه شنو فيني

بنات والله صج تعذبت وايد ....... حتن خدامتي كانت تطلع من وراي وتروح واتيي وانا ياغافلين لكم الله

اللي مره كانت ذالفه الجمعيه من وراي وانا بح صوتي اناديها كنت بالظلمه خايفه واختي ام الغاليين قالت لي شفتها راده من الجمعيه صدفه وهي تركض بالبراحه بتلح توصل

حسبي الله ونعم الوكيل

حسبي الله ونعم الوكيل



وفي شي ثاني نسيت اذكره بعد عشان نكون بالصوره ..... ان في ناس ايون يزوروني المستشفى يدوش مايقدرون ويطلعون

وحده منهم مرت خالي دشت علي كنت نايمه كالعاده اخترعت وطلعت بره من شكلي

ورب الكعبه سمعتها وانا نايمه اتقول ماصدق اللي صاير لها

ولمن دشت كانو حاطين لي كمام (م.مبارك)

وشي ثانيه ان مو مره وحده نقلولي دم هم بعد مره م.مبارك نقلولي جيسين دم لان كنت خلاص ميته ورب الكعبه يابوه لي من غير تفكير

اذكر الممرضه كل ساعه تشوف نبضي حيه ولا ميته ونقلولي الدم وحييت سبحان الله ومحد درى ولا خذو حتن اذن من زوجي لمن عرف انصدم اكو انسانه ينقلون لها 13 جيس دم بظرف اسبووووووووع ؟؟؟؟

هذي انا

نكمل الاحداث؟؟

واشكر كل بنت ردت علي الله لايحرمني منكم ولا من دعواتكم ..........

:tek:

 

[فوفه]

حبيبتي ام كتكوت

أجر وعافيه ... وانشاءالله يارب تكونين على طول بخير

كملي ناطرينج

 

[*توته*]

ام كتكوت قطعتي قلبي قصتج مأساه والله بدون مبالغه انام واصحى على قصتج شي موطبيعي حسبي الله ونعم الوكيل على اللي ضرج

تكفين كملي قصتج ناطرينج حبيبتي

 

[ام كتكوت]

الجزء 15

يوم السبت من يناير يابولي دكتوره باطنية .. كشفت ع الجرح طبعا شالت البلاستر

بققت عيونها حاولت ماتخوفني .. سألتها شفيج؟؟

قالت ولاشي بس جرحج ملتهب ... فتحت ملفي (طبعا امتن ملف بالمستشفى)

شافته .. جان تقول انتي والده من 6 شهوووووووووووووووووور؟؟؟؟؟؟؟؟؟؟ << جذي بالضبط كان شكل ويهها

مافيج سكر؟؟ غريب هالجرح !!

انا لاتعليق لاني تعبت

والله تعبت

حتن هالدكتوره الكبيره متعجبه من جرحي؟؟ وتتسائل ؟؟

شلون بيتسكر هالعله ؟؟

والاهم متى بيتسكر ؟؟؟؟؟؟؟؟؟؟؟؟؟؟

متى ومتى ومتى ؟؟؟؟؟؟؟؟؟ والله العظيم قلبي يعورني بس بمجرد اني اتخيل الفتيله داخل لحمي ..

وهالبلاستر يحكني ماقدر احكه

منو يتصور اني 6 شهور مونايمه على بطني

منو يتصور اني 6 شهور موواقفه على حيلي بروحي

منو يتصور اني 6 شهور مونايمه على جنبي اليمين

منو يتصور اني 6 شهور افتح بنطلوني للي يسوى واللي مايسوى يغير الجرح ..... ترى حتن خدامتي مره مغيرته لوتصدقون

منو يصدق ان الدكتوره تدخل صبعها تقيس الفتحه ؟؟؟؟؟؟؟؟ واااااااااي مابي اتذكر

ودي اقوم امشي والله العظيم ظهري تكسر ... عاااااب ...... بس ......بعدين شلون بشيل ولدي ؟؟

المهم

الدكتوره طلعت من عندي وقالت لازم مضاد حيوي بالوريييييييييييييييد

بالوريييييييييييد :lkmnkl:


انا يالله يالله تناسيت الابر والتعذيب على مايلاقون لي واحد يدخلون فيه الابره او اللي يسمونها الفراشه

قلت لها ليش؟؟؟؟ وشلون بلعب تمارين ؟؟

قالت حبيبتي ماعليه بنعطيج كورس اسبوع واحد وتحملي

سكتت ........ اسبوع .. انا ماصدق خطيت خطوتين ولا بعد بالجبيره والحين تقولين اسبوع

قلت لها بس شلون اسبوع وانا بطلع الاربعا حق ولدي

قالت ماكو طلعه هالاسبوع وابنك يقيلك ........!!!!!!!!!!!!!!:eh_s(12):

وراحت الدكتوره

شوي ولا يتيمعون علي السسترات ...... ويسكرون الستاير ...... ويفتحون الليت اللي فوق راسي

رغم انه صبح !!

والله العظيم والله العظيم والله العظيم

نص ساعه بالضبط نص سااااااااعه 30 دقيقه ماانسها لو اموووووووووت

يحاولون يدورون عرج مافيه : (

تخيلو حطو واحد في ريلي

قلت لهم لو اموت ماتخلونه شيلوووووووووه واصرخ من قمة راسي

شيلووووووووووه


واسمع ام فهد تقول شيلوه حرام عليكم رحمو هالبنيه كافي ونتها كل يوم مع هالجرح

والله تمنيت امي معاي .... تمنيتها توخرهم عني وتقعد تحاميني منهم المجرمين

مافي رحمه وكانو كلهم هنوووووووود

ياتني فلبينيه رفيجتي اللي تعرفت عليها

يت جان تقولي حبيبتي تعاوني معانا شوي وقعدت تطق ايدي دقيقتين كسرت ايدي عشان العرج حضرته يبين

ومافيه غير كف ايدي لان ايدي من فوق كلها لونها بنفسجيه آثار قبل .......املهم يشوفون العرج لو شنو ........!!


الهيد نرس قالت والحل؟؟؟؟؟؟؟؟؟؟؟

قلت لهم احسن هذا عشان انا موراضية

قالت ماكو الا ريولج

صرخت

ريووووووولي لأ

وأخذت الجيس مال الأرمانسولاين واحذفه ع الارض واصرخ فيهم بس والله ايدي تنبض بالعوار بس حرام عليكم

ماخليتو مكان ماقضيتوه

جان الفلبينيه تقول اخر محاوله واذا ماصار خلاص

مسكوني اربعتهم جفتوني مثل المينونه ودخلو الابره بايدي من فوق ويطلع دممممممممم مثل النافوره << دششتها غلط

اخر شي حطوها بايدي الحمدلله لقوه ... وايشوفون الماي ينزل بطيييييييييء لان العرج ضعيف

قالت ماعليه بما معناته ( العوض ولا القطيعه )

وااااااي يابنات عذاااااب لاقومه ولاقعده الا للحمام تكرمون يدزوني والدرب يمشي معاي

تخيلو اقضي حاجتي والحمام مفتوح الممرضه خايفه اشلعه

مالت عليهم :cxxxp:

مر اليوم الاول زوجي انصدم قال هذا شلون مدخلينه هني ؟؟؟؟؟؟؟

انا سكتت لاني لو تكلمت راح ابجي

قلت له الله يخليك طلعني من هني والله يمكن لمن اكون يم ولدي نفسيتي تتحسن وامشي

انا متأكده ان اللي فيني نفسيه لا اقل ولا اكثر

قالي خلاص بس خلصي هالكورس وان شالله خير

انا : صج .........................!!

قالي الله كريم : (

المهم

كل شوي تكرمون ع الحمام لان الدرب بلش مفعوله

فقالو راح نحط لج بربيش ماعرف اسمه اللي مال الولاده

بربيش ؟؟؟؟؟؟؟؟؟؟؟؟

ليش

عشان لاتقومين ويطيح الدرب ونتوهق ماكو مجال ندور بعد خلاص


تخيلووو حطوه لي وانا اصرخ اصرررررررررررخ من العوار وربي ماقولكم عوار


كلمه عوار شويه عليه ...... كأنهم حاطين موس ويقصصون : (

المهم اول 3 أيام خلوه مرت على خير بس بعدين عقب ماشالوه اقصد البربيش تخيلو من العوار اغمي علي آآآآآه مابي اتذكر

وعقب كل هالكابوس الابره خلاص الانبوب مال الدرب ماقام يوصل لان عرجي تسكر ماقام يوصل قام يعورني لان الماي احتبس ويعوررررررررني جنه احد يقرصني بمقص (هذا اللي بالضبط حسيته )

قلت لهم يعني مافي فايده؟؟؟؟؟؟؟؟؟؟؟ كل هالتعذيب واخر شي شلتوه

الممرضه لاتعليق

قمت اصرخ ابي اميييييييييييييييي


ابي امييييييييييييييييييييييييييييي

وفوق كل هذا خلاص وحده من اللي معاي هم كانت تبي تطلع : ( صكت فيني الدنيا وقلت كلهم راحو وهدوني

وانا بروحي

يتني ام فهد قالت لي انا امج

قلت لها لا مابي ابي امي الحقيقيه << استخفيت

ابي امي وابجيييييييييي

دقيت على زوجي ياني

شاف ايدي ......... والله صد بغيى يبجي

وين اللي بايدج : (


قلت له راحت بلا رده والله حتن اكل ماكنت اقدر اكل الخدامه توكلني واخرتها شالوه ولااستفدت من الكورس يكفي بالليل انام وانا ايدي على قلبي اخاف يتحرك مسكره عين ومبطله عين

جان يقولي ماعليه كله بأجره

قلت له يالله ياربي خلاص والله هالأختبار طال طاااال وايد ...... انا شسويت بدنيتي والله تعبت تعبت تعبت وايد

والله عمري مااذيت احد

ولا لي شغل باحد كافيه خيري شري ............: ( شنو هالكابوس اللي طول هالكثر متى اقعد منه

وهو حده غلق وشكلي صج كنت منهاره

قعد معاي يسوي لي مساج حق ايدي الوارمه

وانا طبعا مايحتاج اقولكم الالم اللي احس فيه وساكته

راح زوجي ولمن صار بالليل مريت الولد بجناح الاطفال مثل كل يوم

وكان قاعد بالقفص ومعطينه عصير

والله العظيم اول ماشافني صرخ ام حسن ام حسن ام حسن

سلمت عليه وعطيته المقسوم ( بسكوت وككاو ودفتر كان معاه الوان شينيه )

وصيت زوجي ايب لي اشياء لهم

قالي ابي مسدس والعاب

قلت له من عيوني راح اييب لك كل اللي تبيه

والله العظيم دمعت عيوني تذكرت ولدي مادري ليش؟؟؟

دقيت على خالتي قلت لها بسمع صوت ولدي

قالت لي ولدج نايم

والله اذكر سألتها نايم منو يمه قالت احنا كلنا يمه

ماصار ساعتين الا وخالتي ووليدي وخدامتهم يايين ويايبينه حقي

آآآآآآآآآآآه يابنات لمن شفته خفت اشيله يبجي ويصد مثل كل مره

عطوني اياه ماانسى شكله متبتب خدوده حمرررررررر وملبسينه صوف وكبوس صوف ماشالله عليه اينن وشعر وقذلته طالعه من كل صوب

صرخت لاشعوريا ولدي حبيبي

خالتي قالت ديري بالج تره توه شارب حليب لا يستفرغ عليج

استغربت قلت لها ليما الحين قالت ايه عادي وراثه ابوه (ولدها اللي هو زوجي) يوم بعمره لمن سنه كان يستفرغ عادي

المهم مسكته ماقدرت ايدي تعورني فحطوه بحضني

قعد يخزني يخزني يخزني

اطالع عيونه ماشالله كبار ويخزني وهو مبلم

تعرفون لمن الياهل لمن يكون داااااايخ حده فيه النوم

جذي احسه سرح فيني وقام ينقل نظراته لعيوني مره يمين ومره يسار

برطم

برطم


بس مابجى

لميته حيييييييييييييييييييييييييييل حييييييييييييييييل


والله حسيت اول مره اشوفه

جنه اول مره شوفه

اول مره المه بحياتي من ولدته


اول مره المه يابنات والله العظيم اول مره المه

فصخته كبوسه شعره كان نااااااااعم والله مسحت على راسه آآآآآآآآآآخ شخنه وليدي

توني ادري ان وليدي غالي هالكثر


من زمان مالميته

خالتي نادت خدامتها (كنو يايبين مطارات جاي معاهم ) بس ماكان فيها جاي

كان فيها ماي حار

قالت لها صبي ماي حق اتون (جذي يدلعونه)

اخاف يعطش

اخذت المميه من ايد الخدامه حاولت اشربه :eh_s(2):


آآآآآآآآآه اول مره اشربه اول مره ارضعه ...........

والله يومها شفت المميه ضباب من دموعي وخالتي ساكته كاتمه بقلبها : (

والله اشوف ضباب من دموعي وهو يمص وساكت الحمدلله


وانا اشوف ويها وحلجه وكل شي فيه جنه بيطير مني

المهم شوي عقب فتره خذته خدامتي تبوسه وجذي راحت عنا شويه وانا اسولف مع خالتي اسوووووولف

ولهت على ولدي ناديتها قلت لها حطيه بحضني

حطته ولا بيده فلوس !!

من وين ؟؟

قالت من فلانه لمن قلت لها هذا ولد مدام ام كتكوت لمته وباسته وحطت بايده فلوس

حبيبي كان عاصرهم بايده عصااااااااااااااار

عقب ماراحت خالتي تميت ليما الصبح وانا بس ابجيييييييييييييييييييييييييييي

ابي ولدي


تابعوني اليوم بكمل

 

[FOZQ8]

بعد عمري .. ام كتكووت وايد متأثره عليج
الله يخلي لج وليدج
ومتابعتج

 

[SILVER ROSE]

ياعمري يا ام كتكوت تعذبتي
لاحول ولا قوة الاب الله ماجورة ان شاء الله
والله يشافيج ويعافيج ويخليج لغالينج

 

[miss-one]

بانتظارج

 

[*توته*]

متابعينج

 

[ام خلوف]

الله يخليج ام كتكوت تكفين كمليلنا للنهايه ابعرف نهاية قصتج تحسنتي ولا لأ ؟؟؟؟؟
تدرين اني ما اشبك الا من الدوام وفترة الاجازه الجمعة والسبت وانا كله افكر بقصتج ميته اعرف التكملة وكل فترة اصبر نفسي واقول احسن اني مااكلمها الا يوم الاحد تكون القصه خالصه والحين اتفاجئ انها فيها اجزاء .
اتوقع انج تشافيتي انشاء الله ولا شلون تكتبين لنا القصة؟؟؟ كملي القصه الله يخليلج وليدج ورجلج تكفييييييييييييييييييييييييييييييييييييييييييين

 

[alhabibah]

متابعينج أم كتكوت

 

[أموناليزا]

حبيبتي والله أم كتكوت كله بأجرة انشالله وهذا كله اختبار من رب العالمين وفديت ولدج والله يخليه لج انشالله ويجعله من الدرية الصالحة يارب ويجازي كل من وقف وياج دنيا وآخره . أنا الحين بالدوام ودموعي عويهي خايفة مراجعين يدخلون هههههههههههههههه واشفط

 

[sarina]

ناطرينج عورتي قلوبنا ؟؟؟؟؟؟

 

[روح آلمشآعر]

بعد عمري وآلله

رآده من آلدوآم آبي آنآم قريت آلقصه ورآسي قآم يعورني

آلله يشآفيج ويخليج لوليدج



بآنتظآرج ~

،

 

[زيـنـه]

متابعينج ام كتكوت .. و الله يديم عليج و على عباده الصحه و العافيه و يشفى كل مرضى المسملين اللهم امين .

 

[xxx]

بعد عمري ام كتكوت شفتي الويل

 

[^^دموع الكويت^^]

متابعينج أم كتكوت

لا تطولين

 

[وردة-الكويت]

متابعينج أم كتكوت

لا تطولين

 

[AlZeenah]

اللة يرحمنا برحمتةة

 

[vooom]

:yaaaaaarb:
يارب تكون النهايه سعيده