قصتي الثالثة (( الى حبيبتي بسمــــــــــــة ...... وداعا ))

[JaN JaN]

رد: رد : قصتي الثالثة (( الى حبيبتي بسمــــــــــــة ...... وداعا ))

اخييييييييييييه :wqedqw:


تسلمين مفاز عالبارت اللي يشــــــــوق :eh_s(22):

 

[DA3LOoOLA]

رد : قصتي الثالثة (( الى حبيبتي بسمــــــــــــة ...... وداعا ))

واااااااااااااااااي فديت الرومانسية والله
الله يتمم عليهم انشالله

 

[Tom ♥ Jerry]

.


واي آحس أنه أبو بسمه متزوج على مرته !! @@
كملي حيآتي نآطرينج (=


.

 

[ba6re8a]

الله احب الرومانسيه.

 

[so_what]

يسلمووو على البارت

 

[سارووونه22]

وي وي فديتج مافاز عمرج ماحطيتي شي مكرر ودايما تبهرينه برواياتج مابي اتوقع شي لانه ادري توقعاتي راح تطلع غلط وناطرينج حبوبة ومشكوووووووووووووووووووووورة على بارت

 

[fato_kw]

روووعه البااارت حييل يشوووق

واحب كتاباتج بكل انواااعهااا

waiting waiting

والله قصتج روعه ولا زواره خميس ناطرين البارت يا هبه حماده المنتدى >>>>>>> انا مسميتج هالاسم من الروايه اللي قبلها هههههه

 

[Riooma]

cant wait for the next part

 

[miss disaster]

يسلمو وناطرين الياي

 

[f6omi]

رد : قصتي الثالثة (( الى حبيبتي بسمــــــــــــة ...... وداعا ))

ambi 3jeeb elbart tslmiin + ambi mo 9j ubo basma fe a7ad y6awef el5airan ;p + 7yati fhod bs a5af a7ad mn ahalha ychkhom

 

[كويتية و النعم]

ويييتنغ

 

[MaFaZ]

البارت الثامن

بسمة: (( مركبة الهاند فري وتكلم فهد واهي تسوق القاري ) واي فهد ينيت لا تلف علي .. بتطيحني
فهد: هههههههه خلاص خلاص بسبوسة لا تشوفين شكلج ونتي متوهقة تموتين من الضحك ..
بسمة: فهود والله ان طيحتني اتلك وياي واطيحك انت من اليوم ونته متهدد علي
فهد: لا حياتي حبيبتي اتغشمر .. ما اطيحج ..


واهني مر وانيت اسود ونزلت الدريشة
مشاري : ها فهووود انته اهني شتسوي ؟
فهد: (( توهق )) ها .. ماسوي شي .. انتو شيابكم

نط براك يم مشاري
براك: انا مواعد ... ايا الخفيف شكلك انت مواعد بعد (( يطالع صوب بسمة ))
فهد: اكل تبن بروك بلا حجي ماصخ .. يالله خل اسلم القاري واخذوني وياكم ..
مشاري: الحين انته دافع 10 دنانير دخلة عشان تسوق قاري بروحك شنو هنود احنا ؟؟
فهد: اي عادي فلوسي وايد (( يبتسم ))
بسمة: (( عالخط مع فهد .. فهد كمل سيدا )) بسوم حياتي ردي الشالي هبسرعه مابيهم يعرفونج ..
بسمة: اوكي .. كاني ..
فهد: دوسي الله يخليج مابي هالملقوف مشوري يشوفج ..
بسمة: وبراك عادي ؟
فهد: لا مو عن بعدين اقولج
بسمة: اوكي اوكي انا جريب اوصل
فهد: اوكي كاني شفتج تلفين الله وياج بيني وبينج الو ..
بسمة: انطر .. انته بتطلع من المنتزه
فهد: اي احتمال قبل لا اطلع بقولج اوكي
بسمة: مم : ( اوكي خلاص

ردت بسمة الشاليه .. ولهت مع امها وعماتها وورود .. سووا باربكيو وتموا يجهزون له ..

رن تلفون بسمة ..
مريم: ماما بس خلاص بسج تلفوناتج .. يا لازقة ويهج تطقطقين يا باذونج احنا يايين نستانس اهني مو تلهون بسوالف سخيفة
بسمة: ان شاء الله يمه (( حطته سايلنت ))
بسمة: ورود شفيها امي (( تكلم اختها شوي شوي ))
ورود: مادري علمي علمج بس حدها مستنفرة الظاهر عشان ابوي ما يا اليوم ويانا ..
بسمة: اها .. يعني شفيها خو مو اول مرة .. ياما ابوي طوف ويانا مناسبات
ورود: مادري والله بسوم علمي علمج .. هالمرة غير ...
بسمة: انزين انا بصعد برد على فهد
ورود: اوكي .. سلمي عليه
بسمة: يوصل .. شلونج مع سلوم
ورود: اوووه بسوم مو وقتج هالمتخلف الثاني اللي مو راضي يلقيني ويه جبح ويه
بسمة: عبيد يان عليج مستخف يخز فيج ونتي ولا ملقيته ويه .. و هالمتخلف على قولتج سكب عليج ولا داري عن هوا دارج 24 ساعه التلفون بذونه يرضع ..
ورود: خل يولي مالي شغل فيه من قال انا ابيه
بسمة: اي هين يالله انا فوق ..
ورود: اوكي ..

صعدت بسمة فوق وعلى طول اتصلت على فهد
بسمة: الو وينك
فهد: كاني .. انتي وينج ادق ما تردين ؟
بسمة: امي زفتني .. مادري شفيها مستنفرة علينا
فهد: ليش ؟
بسمة: مادري .. تقول بسج تلفون
فهد: ما عليه خالتي مصخناها
بسمة: ههههههههههه انته لحد الحين اهني
فهد: اي اهني الشباب يايين يلعبون بلياردو .. ويشترون اغراض وبيني وبينج بروك مواعد ..
بسمة: ويييي ..... عيل جان ييت صوبنا خل اشوفك
فهد: ما اقدر مشور لازق فيني لزقة .. توني وخرت عنهم بيدخنون ..
بسمة: اها .. الله يعينك .. انزين ما شافوني
فهد: مادري والله .. مشاري مو راحة ... رفيجي واعرفه .. وايد يخش بداخله يغبي عن اقرب القراب منه .. غير جسوم وبروك .. اللي على قلبهم بلسانهم ..

بسمة: يالله ما علينا منه .. اذا طلعت دز لي مسج لاني ما راح اقدر ارد عليك مسوين باربكيو والكل تحت بشاليهنا .. و بلييز دير بالك ونت راد
فهد: بسومة تخافين علي ؟
بسمة: شرايك يعني اكيد اخاف عليك ..
فهد: بعد عمري ... انتي يالله كاهم يو .. اكلمج بعدين ..


نزلت بسمة حق اهلها تحت .. باربكيو والكل مندمج الا بالاكل والسوالف والوناسة .. الا مريم كانت تحاتي وليد .. ما كلمها من الظهر .. كانت مشاعرها عبارة عن شوق .. وقلق .. وتوتر .. وحيرة ... فقررت انها تدخل داخل تكلمه عشان الازعاج

مريم: الو وليد
وليد: هلا والله مريم .. ها شلون الشاليه والبنات
مريم: كلنا تمام .. سالتني الظهر وجاوبتك ..
وليد: مممم شفيج متضايقة من شي ؟؟ احد قالج شي ؟ احد ضايقج
مريم: لا ماكو شي مو متضايقة .. انته وين ؟
وليد: مريم .. شفيج .. ؟؟ مو على بعضج ؟
مريم: ما فيني شي مافيني .. انته وينك ما قلتلي
وليد: انا عند الربع بالديوانية
مريم: اها ... شفتك ما دقيت
وليد: اهااااااااا الحين عرفت القمندة .. عشان جذي زعلانة عشان ما دقيت ..
مريم: وليد (( قامت تبجي )) انته مادري شفيك متغير ..
وليد: افا يا حبيبتي .. انا متغير لا والله لاني متغير ولا راح اتغير .ز شفيج مريومة حبيبتي .. بتييلج الدورة ؟
مريم: لا ..
وليد: شلون متغير قوليلي ؟
مريم: مادري مادري ( تبجي ))
وليد: كل هذا عشان ما ييت الشاليه ؟؟ اصلا انا كنت بسويلج مفاجاة ونتي حرقتيها على عمرج . .اصلا انا كنت من باجر الصبح بييلكم ويايب لج انتي والبنات مفاجأة .. بس انتي الله يهداج الشيطان داخل بقلبج ..
مريم: والله وليد مادري شفيني .. احس مقموتة ..
وليد: افا يا مريم بعد هالعمر تشكين فيني وتفكرين فيني تفكير مو زين ؟
مريم: لا لا انا ما افكر فيك تفكير مو زين بس لازم بعد واي وليد احبك والله انته حب حياتي .. شتبيني اسوي .. انا وعيت على الدنيا انته ريلي حياتي اللي تزوجتك فيها اكثر من حياتي اللي عشتها في بيت اهلي ... ونته مو محتاج تسمع مني هالحجي لانك عارفة ..
وليد: والله احبج انتي وبناتي عندي بالدنيا ولا يمكن في يوم من الايام اعرض حبي لكم وحياتي معاكم حق اي شي ..
مريم: حياتي .. الله يخليك لنا يارب ..
وليد: ويخليكم لي .. فديت هالعيون .. قومي مريم غسلي ويهج .. وتعوذي من ابليس .. البنات وينهم
مريم: برة مسوين باربكيو .. وقاعدين يشوون مع عمامهم
وليد: عاد من شوي سالم كلمني .. ما مداني كان مستعيل كنت بكلمهم ..
مريم : دق عليهم ..
وليد: اشوف بعد شوي خل يخلصون شوي .. عموما ورودة .. دقت علي العصر .. اما الجحشة بسمو ما دقت اوريها باجر
مريم: هههههههههههههههههههههههههههههه وليد ..
وليد: عيون وليد .. يالله روحي غسلي لحد يحس عليج قومي
مريم: اوكي خلاص ان شا الله باجر اشوفك
وليد: اوكي .. الله وياج ..


وعقب ما خلصوا شوي .. والكل اكل وشبع.. .. سوو جاي وقهوة وقعدوا يشربون ويسولفون .. والرياييل اهما وعيالهم دخلوا البحر بالليل .. ومع الضحك واللوية دخل عليهم عقب ما كلم مريم بساعة ونص

وليد: السلالالالالالالام عليكم

رد عليه الكل : هلا والله هلا وليد شلونك شخبارك .. ها يييت
مريم: وليد ؟؟ انته اهني ؟
وليد: (( دنا صوبها وقالها شوي شوي )) افا عليج بس هلا هلا وسام يعطيج العافية ريحة الشوي تارسة المنتزه
ورود: يباااااااااااااه انته اهني .. (( لمته )) اشتقنالك اول مرة اشتاق لك جذي ما قلت انك بتيي
وليد: اي مسويلكم مفاجاة شرايكم فيها ..
علياء (( اخت وليد )) : خوووووووووش مفاجاة .. لو ندري جان من زمان خاطفين مرتك وعيالك عشان نشوفك .. وتسويلنا مفاجاة ..
وليد: ههههههههههههه اقول ماكو عشى ترا يوعان ..
مريم: الحين احط لك في ستيك مشوي وفي صدور دياي مشوية شنو تبي ؟
وليد: لا حطيلي ستيك .. في سوتيه ..
مريم: اي فيه .. تبي بطاط؟
وليد: اي ابي حطيلي شنو فيه حطي .. واللي يعافيج بغيت بيبسي بعد واذا في دايت زين
مريم: ان شاء الله

قامت مريم تحط حق وليد اكل من داخل من اللي بقى من الباربكيو ..

وليد: الا وين اختج ورود ..
بسمة: هناك عاليال قاعدة مع فجور ..
وليد: اها .. قومي ناديها .. ناسيتني بسمو من يت اهني واهي ولا دقت علي ولا شي ..
ورود: امبيه بابا زين ييت امي مستنفرة .. مادري شفيها ..
وليد: شفيها ؟
ورود: مادري بس معصبة .. ومالها خلق شي وكله سرحانة ..
وليد: لا مافيها شي يتهيأ لج ..
بسمة: بابا .. انته اهني (( لمته وباسته )) اشتقنالك ..
وليد: لاو الله .. اشوفج دقيتي علي تسألين عني
بسمة: دقيت كان مغلق ما طلع مسيو
وليد: لا وين مغلق ..
بسمة: والله دقيت شوف تلفونك
وليد: اشوف (( طلع تلفونه من مخباته )) اي والله توني اشوف مسج المسيو
بسمة: شفت .. انا اقدر ما ادق عليك يا بو ولاد .. ههههههههههههههههههه
وليد: انزين هاج سويج السيارة في جياس ورا روحي ييبيهم
ورود: لا لا يبه بعدين لما نروح غرفتنا شرايك ؟
علياء : يمه منج ورودو .. مادري طالعه على منو .. جبح ما تبينا نشوف شنو ابوج يايب لكم
ورود: اي اي ما ابي سرر لازم احنا نشوفها اول ناس .. ونشبع بعدين نوري الناس ..
بسمة: ههههههههههههههههههههههههههههههههههههه


تموا يسولفون وياكلون ويسولفون ويتمشون .. لي هالساعه 3 ونص الفير .. عقب الكل راح غرفته او شاليهه عشان ينام .. صعدوا ورود وبسمة ومريم ووليد ..

ورود: ها باباتي ؟؟ شنو يبت لنا ؟؟
وليد: مريم بطلي الجيس ورودو وخري ع نالجيس لا تبطلين خلي امج تستفتح
مريم: واي وليد شنو هذا ؟؟ حياتي انته .. والله ما كان له داعي ..
وليد: شدعوة مريومة .. عجبج
مريم: يهبل .. بعده ما نزل الكويت ..
ورود: امبيه باباااااااااااااااااااا في 3 يعني حقنا بعد ؟؟؟؟؟؟؟؟؟؟؟؟؟؟؟؟؟
وليد: اي اي كل وحدة فيكم واحد
بسمة: الله انا من زمان كان ودي بايفون ..
وليد: يالله يبت لكم
ورود: يبه من وين يبتهم بعده ما نزل
وليد: طلبتهم من النت من فترة ..
ورود: وناسة 3gs حدي حدي بكشخ فيه بالجامعة
بسمة: اي اي .. مشكور يبه (( باسته على راسه ))
مريم: تعيش وتييب لنا ... بس ليش ما شريت لك ؟
وليد: شريت لي بس ما يبته في البيت .... وان شاء الله قريب بنزل لكم برامج عليه ..

استانسوا البنات بالهدايا .. وتموا يتعبثون باجهزتهم لين الساعه 5 الفير تقريبا واول ما طلعت الشمس نزلت بسمة تحت وقعدت جدام البحر .. دقت على فهد ..

بسمة: الو
فهد: (( صوته واهو نايم )) الو .. ها مو نايمة
بسمة: لا .. ما ياني النوم .. خلاص اخليك كمل نومك
فهد : لا لا تعالي ما صدقت اكلمك عدل خلج خلج
بسمة: حياتي .. روح نامي والله اكلمك بعدين
فهد: خلج اقولج .. ليش سهرانة ؟؟
بسمة: ماكو ابوي يالنا امس .. وتمينا نسولف ونقرق .. ويايب لنا هدايا
فهد: صج شنو ؟
بسمة: تلفونات
فهد: حلو حلو .. عليج بالعافية عاد شنو ؟؟ لا يكون بشار ؟
بسمة: ههههههههههههههه شيطلع هذا ..
فهد: هذا تلفون قديم داثر .. حده طابوقة ..
بسمة: لا لا ما ياب لنا بشار .. ياب لنا ايفون
فهد: عددددل مو هين عمي ..
بسمة: هههههههه اي شفت شلون .. يونس فهود عجبني التتش تصدق
فهد: اي وايد حلو .. بس بعده ما نزل من وين يابه من برة ؟
بسمة: اي من النت طالبه ..
فهد: عسى مو مقفول ..
بسمة: لا لا مو مقفول ..
فهد: بالعافية عليج حبيبتي انتي ..
بسمة: يعافيك .. وبعد شسويت اليوم
فهد: ماكو .. بحر .. اكل .. كوت بو ستة .. هند .. بحر .. واليوم بنركب جت سكي
بسمة: وناسة يا حظكم .. الله ابي
فهد: ماكو .. ان شفتج راكبة بسووم ييت زلغتج جدام اهلج
بسمة: ليش ؟؟ شفيها ابوي يركب ..
فهد: انتي تركبين
بسمة: اي معاه ليش شفيها
فهد: اخاف عليج عمي يسوقه عدل
بسمة: اي شوي شوي عشانا
فهد: ممممممممممم اخاف عليج .. شوفي انا ما بكون احرص من عمي عليج بس اخاف .. اختي مرة طاحت منه غرقت بشبر ماي ..
بسمة: مممم لا لا تخاف احنا نلبس جاكيتات .. بس لحد الحين محد ياب طاري جت سكي ولا تاجير ..
فهد: تبون اييب جتاتنا ؟؟ عندنا لحظة خل اشوفهم ...خمسة
بسمة: لا لا مشكور ...

وليد: بابا بسومة منو قاعده تحاجين
بسمة: (( ارتبكت )) فطوم .. قاع احاجي فطوم يالله فطوم باي بقعد مع باباتي
فهد: اوكي باي ..

وليد: فطوم شمقعدها من الصبح ..
بسمة: عادي بابا .. سهرانة ويك اند ولازم سهر ..
وليد: اها .. ها وين تلفونج ؟
بسمة: كاهو عالطاولة خل اييبه ..
وليد: عجبج بابا
بسمة: اي وايد تسلم ايدك .. وايد حلو ..
وليد: خل انزلج انتي وورودو برامج والعاب اذا تبون لعبة معينة قولولي ..
بسمة: اي ان شاء الله

خلص الخيران والكل استانس ولعب وغير جو وسبح .. وردوا الديرة ..
حتى فهد وربعه ردوا عشان وراهم جامعات ودوامات .. وبالطريج وبدرب الخيران رد فهد مع مشاري .. وجاسم بسيارة وحدة
مشاري: تصدقون يالربع في وحدة ويانا بالكلية وايد داشة خاطري .. بس ماني قادر افاتحها بالموضوع
جاسم: غريبة .. مشور بيكلم وحدة وياه بالجامعة .. ؟؟
مشاري: ليش غريبة بعدين اقولك داشة خاطري يعني مو شغل عبط ولعب بو يومين لا .. لما اشوفها اكيف ..
فهد: استغفر الله انتو مادري متى بتيوزون من هالسوالف ..
مشاري : اي مادري منو مواعد بالخيران
فهد: محد مواعد ..
مشاري: اي بتقنعني انك داخل المنتزه تلعب قواري ..
جاسم: انزين انزين بلا لوية وقولي منو .. نعرفها ؟؟
مشاري: مادري اذا تعرفها جسوم او لا ؟ بس فهد يعرفها
فهد: انا اعرفها ؟؟ بالقائمة ؟
مشاري: مممم اي ..
فهد: امثال ماكو غيرها
مشاري: شمعنى قلت امثال ؟ شكو
فهد: لان مو معقولة مشاري بجلالة قدره بيكلم اي بنت امثال اقرب وحدة حق ستايلك ولا تنكر . .كلنا نعرف نوعية البنات اللي تحبهم .. ستايل ولبس ومواتر .. وماكو غير امثال .. غير انها بنت ال ... مشاري ما يطيح الا واهو واقف ..
مشاري: هههههههههههههههههههههههه يحليلك فهد محلل شخصيتي
جاسم: لا يبه مو بس فهد هم انا توقعت .. انت ما عمرك كلمت بنت عادية
مشاري: شكو شكو الفتوا ؟؟
جاسم: لا والله ما تذكر بنت ال ... وبنت ال .....
مشاري: انزين اوكي
جاسم: يعني امثال ؟؟
مشاري: لا مو امثال .. ومو مثل ما قلتوا بنت عادية ..
فهد: منهي بالله ؟؟ غرد وقول
مشاري: بسمة ال ...

اهني فهد ين استخف حس ان مو قادر يقعد بمكانه .. جسمه قام يغلي .. راسه صدع ... قلبه تم يدق بسرعه .. الدم يفور بعروقه كان وده يصفط مشاري ويطيح فيه طق سنة بساعه وما يهده الا وهو مدممه .. مسك نفسه وعصر ايده حيل عشان لا يتهور ... بس المشكلة ان ويهه فضحه .. لان انعفس وتغير .. لدرجة ويهه اصفرر ....

جاسم: بسمة ؟؟ اول مرة اسمع اسمها
مشاري: شفيك اللي فهد طق الصبي عشانها

جاسم حس بفهد على طول لان مثل ما قلنا ان جاسم وبراك اقرب اثنين حق فهد واهم اصدقاء عمره ..

فعلى طول فهم ثلاث ارباع الموضوع بالرغم م نان فهد ما قالهم .. وهذا اذا دل يدل على طيب اخلاق فهد وطيب اصله .. لو واحد من هالشباب الحبربش جان ما ظل واحد م نربعه ما فضح صاحبته جدامه .. لكن فهد حتى حق اقرب القراب ما قال .. لكن اعتقد بعد سالفة مشاري فهد راح يبوح بسره حق ربعه

وقبل ما يبوح ويهه فضحه واوراقه انكشفت

جاسم: يا عمي .. مشور ما يسوا عليك تندقر .. سمعتك بالجامعة تروح فيها .. خل عنك هالسوالف .. بعدين جذي جذي ابوك قايلك اول ما تتخرج بيخطب لك يعني شلك بالاذية وعوار الراس .

مشاري: اقولك داشة خاطري .. البنت كيكة .. غير ان فيها حيا يقطع القلب
جاسم: بنية وبالجامعة وحياوية ما اصدق اكيد يتهألك .. يمكن مو فصعه مثل باجي البنات اوكي .. بس مافي معانا بنت حياوية ..

مشاري: جسوم شفيك لا يكون عينك عليها .. صارلك ساعه تطلعها من خاطري
جاسم: اكل تبن زين اقولك ماعرفها تقوللي عينك عليها بعدين شنو اهو مخامط خلصوا البنات .. انا اقول الثقل زين .. ولا شرايك فهد

فهد: والله انا طول عمري ماحب هالسوالف ولا هالسخافات وماعتبرها رجولة ان يدور الحجي بين رياييل عن بنية واسمها ومن بنته .. واذا غلطان صلحولي ..

مشاري: (( اندقر )) انا اقول خل اسمعكم عدني على ما نوصل الديرة ..

تم فهد طول الطريج واهو مغثوث ومتضايق .. دقت عليه بسمة ما رد .. مرة مرتين ثلاث مرات .. لكنه ماله خلق شي كل ما ترد يحطه سايلنت ..

دز لها مسج : انا ويا الربع رادين ليه وصلت ادق عليج ..

وصل فهد واهو حيل متضايق دخل البيت اخذ شاور ونزل تحت الصالة .. قعد ..

سلوان: ها فهوود انت اهني
فهد: هلا شلونج .. ماك واحد ؟
سلوان: انا زينة .. ادق عليك جهازك مغلق . .
فهد: اي ما كان فيه شحن ..
سلوان: ممم .. اي امي رايحة بيت خالتي ... وابوي طالع .. وسليمانو طالع وفواز مادري وينه .. وفوز نايمة ..
فهد: اها .. ونتي شعندج
سلوان: ماكو .. كنت ادرس بمكتب ابوي .. قاعده اغير كل شوي اروح مكان لاني مليت .. استغفر الله ..
فهد: الله يعينج عندج امتحان
سلوان: اييي .. اف (( قعدت يمه عالغنفة )) استانست بالشاليه
فهد: اي زين ماشي حاله
سلوان: مممممممم شفيك اعترف
فهد: (( طالعها )) مافيني شي .. (( يبدل قنوات بالريموت ))
سلوان: لا والله .. بتقص على منو قول شفيك .. امبيه شكلك مبين انك متضايق
فهد: شقولج يعني شتبيني اقولج ..
سلوان: اف اف شكلها السالفة جايدة ..
فهد: اه يا سلوان .. والله ماني قادر اتكلم اول مرة بحياتي كلها انغث جذي ..
سلوان: السالفة تخص ابوي ؟
فهد: لا شكو ..
سلوان: ها عيل قول تحجى قمت احاتي
فهد: شوفي بقولج السالفة بس ان طلعت ..
سلوان: اكيد ما تطلع
فهد: اوكي وانا اثق فيج .. شوفي سلوان انا بصراحة احب وحدة واكلمها ما صارلي وايد ..
سلوان: لا تقوللي البنت اللي طقيت الولد عشانها
فهد: .. ( سكت )) اي ..
سلوان: يسسسسسسسسسسس والله توقعت .. امانة حلوة
فهد: سمعيني الحين وبعدين قولي حلوة ولا جيكرة ..
سلوان : وي سلم اخوي الجيكر قام يحب وينحب .. تعال اهي تحبك
فهد: سلوانو ؟؟ سمعيني ..
سلوان: اوكي اوكي
فهد: انا كنت اول خاش بقلبي ومكمل عادي بس بعدين ما قدرت وتخيلي اني صادفتها باغرب الصدف .. واغرب هالصدف ان ام راشد تصير خالة امها
سلوان: اي ام راشد
فهد: جيراننا
سلوان: صجججججججج ... امبيه شوف الصدف
فهد: ايييييي .. وكلمتها .. وانا مو بس اكلمها وجذي سلوان انا احب البنت .. بصراحة بنت تنحب وتدخل القلب محترمة وحلوة وبنت ناس ..
سلوان: اوكي ..
فهد: بس اليوم صار موقف والله مادري شلون اتصرف والله .. لا تقولين لي انته ريال ومادري شنو
سلوان: مبين ةالسالفة جايدة قول شصاير ؟
فهد: تعرفين مشور؟
سلوان: شفيه
فهد: طبعا انا مو قايل حق احد اني اكلمها .. حتى بروك وجسوم ما يدرون
الاخ مشاري اليوم يقول ان حاط عينه عليها ويبيها وطاح له تغزل في بنت الناس ..

شوفي انا لو اقدر اخطبها واتزوجها الحين .. جان ما كلمتها اني ماحب هالسوالف بصراحة ..
سلوان: ههههههههههه اي اي انته مطوعنا
فهد: لا جد انا ماحب هالسوالف ولا ارضاها عليكم عشان ارضاها على بنات الناس بس انتي شايفة ابوي .. فواز الاكبر مني مو قادر يتزوج بسبة سليمان فتتخيلين بيوافق ليه انا بغيت
سلوان: لا اكيد .. انزين خله يولي مالك شغل فيه ما يشوف شر .. دام انك واثق بنفسك وفيها خلاص شتبي فيه
فهد: قهرني والله قهرني .. بط جبدي بغين انام فيه طق ..
سلوان: لا ما عندك سالفة خله يولي .. بالطقاق خل يتحجى من اليوم ليه باجر .. انته واثق بحبها لك
فهد: اي ..
سلوان: وي سلم اخوي والله ..
فهد: اوووووووووه
سلوان: ههههههههههههههه خلاص خلاص .. مالك شغل ولا تنغث انزين شنو اسمها
فهد: بسمة
سلوان: الله اسمها حلو.. انزين حلوة
فهد: والله انتو البنات عليكم سوالف مادري شلون صاير .. (( ابتسم )) اي حلوة
سلوان: ايواااااااااااااا مرت اخوي حلوة فديت اخوي والله .. ابي اشوفها خل نطلع على يوم
فهد: ما شاءا لله وايد ثقة انا اقول قومي كملي دراستج .. والله يوفقج
سلوان: اوكي ..
فهد: طلعوا سيارتج ما صارت صارلها شهر
سلوان: تقوللي انا .. قول حق سليمان احن عليه كل يوم ماكو فايدة مسكبني .. مليت وانا اروح مع جورج .. ولا مع فوز ولا معاك . مليت ..


اما في بيت بسمة فكانت بسمة تحاتي فهد وبنفس الوقت ماتبي تضايفه .. لا دق ولا دز لها مسج معقولة ما وصل لحد الحين
ورود: شفيج بعد
بسمة: مافيني بس فهود ما دق ولا دز مسج
ورود: يمكن انشغل عادي شفيج .. لا تحاتين وايد ..
بسمة: اوكي ..

واهني وصل حق بسمة مسج : سوري ما دقيت بس انشغلت مع اهلي ادري اليوم قصرت وايد بس صدقيني راح اعوضج ..
بسمة: اشوه كاه دز مسج بس شفيه ما دق علي
ورود: شيقول
بسمة: انشغل مع اهله ..
ورود: حسرتي لا يكون مواعد
بسمة: واي ورودو حرام عليج ترا فهد مو جذي والله ورود لما تكلمين فهد تستغربين .. امبيه حده طيب .. وماتحسينه مادري شلون اوصف لج ..

 

[JaN JaN]

اووف مشاري سخيف حدده :eh_s(14):



مشكووووووره ياحلوة عالبارت الحلو :eh_s(7):

 

[كويتية و النعم]

واااي مشااري شكله ما يطمن
الله يستر !!
مشكوورة قلـــبي و ناطرين البارت اليااي

 

[Lilly - KSA]

مشاري...كش عليك
حلو الرجال يصير كشخه بس مو حلو انه مايرافق الا الكشخات بكذا يصير مخه قوطي بيبسي فاضي

 

[P!NKia]

امبيه شلون بيتصرف فهد مع مشارى ؟
احس مشارى مو هين
ونااطرينج

 

[6amni bs]

رد : قصتي الثالثة (( الى حبيبتي بسمــــــــــــة ...... وداعا ))

يعطيج العافيه حبيبتي
ناطرينج

 

[fato_kw]

البااارت حيييييييل حلووو
الله يستر لا يتطور الغيره ويخسرها ويخسر رفيجه بعد

احب بارتاتج لانها طويله وحلوة :>:> ومشوقه حيييل وماتتكرر القصه ولا الافكار روووعه بكل معنى الكلمه

يعطيج ربي الف عفايه

وناطره البارت اليديد

 

[so_what]

يسلموو على البارت

 

[سارووونه22]

البارت عجيييييييييييييييب ناطرينج حبوبة