قصتي الثالثة (( الى حبيبتي بسمــــــــــــة ...... وداعا ))

[MaFaZ]

السلام عليكم حبيباتي ...

لحبي الشديد للكتابة ..

ولشوقي لكم .. خاصة اللي تابعوني بقصتي الاولى (( مذكرات مريم ))

وقصتي الثانية (( بنات بو محمد في مهب الريح ))


حبيت اطرح قصتي الثالثة واتمنى انها تنال على اعجابكم

وسامحوني بنات ليه طولت على ما انزل بارت صدقوني اهو مو اهمال او عدم مبالاة لا بالعكس

بس سبحان الله الظروف تحكم والوقت يكون ضيج ....

اتمنى الصة تعجبكم واشكركم عالمتابعة مقدما

اختكم مفاز :balo:

 

[MaFaZ]

براك : ههههههههههههههههههههههاي يخرب بيتك مشور ضحكتني
مشاري: اي والله (( يمسح دموعه من الضحك ))
جاسم: يالله ركب البلي ستيشن بروك خل اكسر راسك
براك: وايد ثقة جسوم وايد مو شوية ...
جاسم: افا عليك .. .. منو كسر راسك لحد الحين اربع مرات ؟؟ ركب بس ركب ..
مشاري: الا بروك شلون الكيكة اللي رقمتها ذاك اليوم
براك: شلونها يعني ؟؟ ماشي حالها
جاسم: انت بروك مادري شلون تطيح عليهم سحت جيكر ويهك ما يتقابل بس تطيح لك على قطع ..
براك :اطلع وياي واضبطك .. وهالسحت اللي مو عاجبك اسلوب ..
فهد : (( راعي الديوانية )) انا بفهم ليش هالسوالف ... ترا بنات الناس مو لعبة .. بعدين البنت اللي بترتبط فيها لازم تكون تحبها ولا ليش تضييع الوقت
مشاري: فهود شفيك قلبت مطوع .. بعدين هالزمن مافيه حب
فهد: غلطان .. اصلا الحب اهو اساس كل شي ..
براك: يا عيني .. يا عيني عليك يا فهيدان شفيك قلبت مهند .. يا عمي ماكو حب . .اي حب .. عسى ما كلمت لك وحدة ... الا حاطة فوقك اربع خمس واحد حق الكروت وواحد حق السوالف وواحد حق الطلعات لا وهالمرة هابين هبة يديدة ترافج لها من كل قطر اغنية .. بدوي وحضري .. سني وشيعي .. الاخت تبي تتعرف على طبقات المجتمع حتى فقير وغني
مشاري: ههههههههههههههههههههههههههههههههههههههههههههههههه
جاسم: ما شاء الله خبرة بروك ...
براك: افا عليك نضبطك اخو قلبي
فهد: مو كلهم ان خليت خربت .. يا ما في بنات عايشين قصة حب شريفة مع صبيان يبادلونهم مشاعر واحاسيس .. عايشين اجمل واحلى واطهر قصة حب
براك: فهد انت من صجك ؟؟ ولا قاعد تتطنز امانة
فهد: لا من صجي شفيه كلامي عيب ؟؟ ولا غلط
براك: لا مو سالفة .. بس حجي ما يقوله واحد مثلك ..
فهد : : : ) انا بقوم اطلع برة .. خنقتني دخنة الزقاير

طلع فهد برة الديوانية وعلى ويهها ابتسامة رضا .. راضي عن نفسه وعن قناعاته ..
فهد كان ولد عايلة كبيرة وغنية .. شايف خير من جميع النواحي العاطفية والاجتماعية والمادية ..

فهد كان عمره 21 سنة .. مافيه جمال بالمرة .. بس مو جيكر .. انسان عادي .. اسمر .. جسمه عادي بالرغم من انه يلعب رياضة .. يلبس احيانا نظارات .. لكن اللي بقلب فهد واخلاق فهد مخلينه اجمل واحد بالدنيا لوايد ناس سواء قراب منه او بعاد .. اخر سنة له تقريبا في جامعة الكويت .. كلية الاداب .. (( ادب انجليزي ))

فهد انسان خلوق .. محترم .. وسطي بكل شي .. يعني مثل ما نقول لا افراط ولا تفريط ..

يحب الوناسة .. بس ما يحب الخرابيط
يحب الكشخة .. بس ما يحب الفسق ..
يحب يعيس حياته طلعات وبحر وشاليهات ... بس ما يحب الحرام مثل الشرب والبنات والمصخرة ..

هادي يعرف متى يتكلم ومتى يسكت .. شخصيته حلوة .. والكل يعرف عنه ان خير كتوم للاسرار .. من اكبر الناس شأنا ومقاما الى الغسال والسايق والخدامات يحبونه ..


فهد بيتهم بالضاحبة .. عنده ديوانية كل خميس واثنين وباجي الايام تتقسم على اخوانه ..

اخوانه سليمان 30
و فواز27
وعقب ايي فهد ..
وخواته ايون من عقبه فوز20
و سلوان 18

ربعه المقربين جاسم و براك .. دايما معاه .. يا بالديوانية يا عند الباب او طالعين .. براك بيتهم بالشامية .. وجاسم بيتهم بالضاحية ورا بيت فهد بالضبط ...

فهد يؤمن بالحب وكان دايما ينطره .. وعنده احساس كبير ان في يوم راح يعيش اجمل واحلى قصة حب .. تأسر قلبه وتطير فيه الى عالم العشق والخيال ..

ربعه كانوا دايما يتطنزون على افكاره .. لان من النادر جدا جدا جدا نلاقي واحد من عيالنا يفكر جذي بهالايام .. خاصة ان كل شي متوفر .. العلاقات . .البنات .. الجنس .. المصخرة .. والكل عارف وشايف ولله الحمد .. لكن اهو ما كان هذا تصوره للعلاقة اللي بتربطه مع اي بنت كانت

كان يقدر يرقم ويكلم .. او ان واحد من ربعه يضبطه .. لكن اهو كان رافض هالفكرة بتاتا .. ومشاري رفيجه كان دايما يعلق عليه ويقوله : روميو زمانك

ليش لا يمكن تصور فهد يتحقق في يوم من الايام ..

في بيت وليد و مريم

وليد : ما هقيت ان بنقعد هالقعدة تصدقين (( على ويهها ابتسامة دافية فيها حب ))
مريم: يالشيبة .. كبروك البنات ..
وليد: ونتي معاي ..
مريم: هههههههههههههه ما تنصاد
وليد: افا عليج ..
مريم: تصدق كل هالسنين بين فترة وفترة تييني اوقات افكر اقول معقولة وليد اكتفى ببسبوسة و وروودة ؟؟ معقولة ريال ما يبي صبيان ؟؟ بس لما اشوفك شلون تتعامل معاهم وتفرح فيهم اقتنع واقول اكيد مكتفي
وليد: قلتيها .. الحمدلله والشكر على كل حال .. هالبنتين مو بس تارسين حياتي الا اهم حياتي
مريم : لا والله احلف؟؟ وانا ؟؟ بنت الغسالة
وليد : افا عليج انتي راس الطاقة ..
بسمة : ها شرايكم ؟؟
وليد : ممممممم جنه ما ينفع
مريم: حده ما ينفع
بسمة : صججج
وليد: يبه الجامعه ما يبيلها جذي يبيلها شي عملي ومريح وبنفس الوقت مو ملفت
بسمة : بس يبه هذا مو ملفت
مريم: بس البلوزة قصيرة ..
بسمة : اوكي خل ابدله وارد ..
مريم: ناديلي وروود خل اشوف شخبصت
وروود : انا كاني .. ها شرايكم ؟؟
مريم: انا قلت لج المقاس كبير بس انتي ما تسمعين الحجي
وروود : يمه احب الوسيع
مريم: الا تحبين المخبخب و المبهذل ..
وروود: موديل موديل .. ها باباتي بشر ..
وليد: ههههههههههههههههههههه والله انج خبلة على طالعه على عمج عدنان ..
حلو حلو
مريم: ويييييييي وليد قاعد تشجعها على التبهذل
وليد: شسوي لها بنتج وتعرفينها .. خليها مبهذل مبهذل ولا تلبس لي ضيج وسوالف مالها داعي
وروود: ايوا .. شفتي ابوي شقال ؟؟ وسيع ومبهذل ولا ضيج .. يمه حمدي ربج اني طلعت جذي ولا طلعت لج بنت بارع
مريم: هاو شالحجي ؟؟ انتي من وين تيبين هالسوالف ؟؟
ورود : من ديدة .. ههههههه

وليد عمره 37 تزوج بعمر صغير .. يحب مرته وبناته الثنتين بسمة وورود .. كان انسان محترم وحبيب .. اصغر اخوانه بس الكل كان يحترمه كانه اكبر واحد فيهم ..
مرح ويحب الحياة .. يحب بناته حيل .. ويعتبرهم صديقاته .. عقب وروود مريم صار فيها نزيف واضطروا يشيلون رحمها .. اقتنع ببناته .. ولصغر سنه فكان يمشي يمهم كانه اخوهم

مريم عمرها 35 سنة تزوجت وليد .. ومن اول يوم زواج حبته حب لا صار ولا استوى .. قاسمته كل شي بحياتهم .. وما تقدر تعيش من غيره لحظة .. تعتبر بناتها نعمة .. من الله .. يتلها ايام شككت بحب وليد لها لكن الظروف والمواقف اثبتت لها ان وليد ما يستحق منها انها تفكر فيه جذي .. وليد مو بس ريلها لا .. وليد حبيبها ورفيجها وصديقها وابوها واخوها ..

بالرغم من ان ام وليد ما تحب مريم وايد .. الا وليد مو محسسها بهالشي وايد وعلاقتها فيها سطحية .جدا جدا عشان لا في يوم من الايام مريم تصطدم في خالتها والعكس صحيح

بسمة عمرها 18 سنة تاخرت سنة لانها عادت رابعه ثانوي عشان تييب نسبة عشان جذي تخرجت مع اختها ورود عمرها 17 سنة

هادية مثل النسمة .. جميلة خلقا واخلاقا . .الكل يحبها .. خالاتها عماتها .. صديقاتها الكل الكل .. ما عمرها اذت امها وابوها .. تسمع كلام امها وابوها بكل شي .. مسالمة لابعد حد .. خجولة ورقيقة بكل شي .. ذوقها ناعم .. مثل شكلها ..
شعرها اسود على ابوها وبيضة على امها .. وعينها رمادية غامجة على يدتها ام وليد .. اطرافها ناعمة على خوالها ..



واثنيناتهم انقبلوا بالجامعه .. كلية الاداب ..

بسمة : يبه منو بيودينا انته ولا امي
ورود : اف مالي خلق ليش حاطين لنا محاضرات 8 الصبح ليش ؟؟
وليد: (( يعفس شعر ورود )) صحصح يا معلم .. اول يوم لازم تكونين مستعدة
ورود: فيني النوم .. (( تعدل شعرها ))
بسمة : ههههههههههه ورودو قومي مشطي شعرج ..
وليد: انا او امج عادي الحين تنزل
مريم : صباح الخير .. تاخرت بالنوم .. مادري شفيني
وليد: لانج نمتي متأخر (( يشرب الجاي و يطالع الجريدة ))
مريم: حسيت فيني ؟؟
وليد: ما نمت مثلج : )
بسمة : وليش ما نمتوا ؟؟
مريم: نحاتيكم (( تدهن التوستة بالجبن )) واي مادري شلون وليد بنخليهم بروحهم
وليد: يه .. خلاص كبروا ..
ورود: اي كبرنا واحنا نعسانين ..
بسمة : ياله قومي .. يمه يبه .. تاخرنا ..
وليد: شفيج مستعيلة
بسمة: واي يبه ماني مصدقة .. اول يوم بالجامعة وناسة .. ابي اروح اشوف رفيجاتي ..
مريم: دقيتوا على فطوم
بسمة: لا دزتلي مسج تقول بس تطلع بتدق علي
مريم: يالله يالله قوموا ..
وليد: ما اوصيكم بناتي
بسمة و ورود : ان شاء الله يبه ..

بسمة لابسة نفنوف طويل نص جم لونه وردي فاتح .. شعرها ليه نص ظهرها لابسة تاج .. وردي وفلات ..
ورود لابسة نفس النفنوف لون رمادي فاتح .. مسوية شعرها كبة ولابسة فلات ..

مريم: يالله كاهي بوابة اربعه .. نزلوا .. مو تتخربطون بالجناط ..
ورود : يمه الله يهداج ترا كبرنا
مريم: دام انكم كبرتوا .. ليش شاريين نفس الجنطة
بسمة : مع السلامة يمه
ورود : باي ماماتي .. ندق عليج اذا خلصنا
مريم: دقوا على ابوكم اليوم ما اقدر استأذن بداية الاسبوع .. الله وياكم وديروا بالكم

بسمة : وروود وناسة واي ماني قادرة اخش ابتسامتي
ورود: وانا بعد واي بسووم واخيرا ..
بسمة: اقولج انا ما ادل وين محاضرتي ؟؟
ورود: خل ندق على فطوم نشوفها وينها

وفي ممر اخر كان فهد مع رفيجه براك
فهد: ياني بشتاق حق الاداب
براك: واللي يعافيك فهود لا تلوع جبدي .. مادري متى نتخرج ونفتك
فهد : ههههههه يمعود ريض عليك انت
براك: اي والله يا ريتني كملت بامريكا ولا هالعيشة
فهد: والله غلطان وجم مرة اقولك انك غلطان والله ماكو عالديرة ولا على هوا الديرة
براك : وييييييييه يمعود خلاص خلاص لا تزيد لا تغنيلي عبدالحليم .. اوه هذا سعود .. هلالا سعود
سعود : هلا والله .. هلا فهد شلونك شخبارك .. ها .. انتو اهني
فهد : يعني وين بنكون احنا اداب .. انا ادب انجليزي
سعود : لا لا ؟؟ يالله زين يمعودين دلوني انا حدي مادري وين الله حاطني ياي من الخالدية وضايع الله يعينكم على هالكلية
فهد : ما عليه مردك بتدل ما تضيع .. ها شلونك .. بشر عن امورك ؟؟
سعود : تمام كل شي تمام خريج هالكورس .. ان شاء الله
فهد: باذن الله ..
سعود: ها بروك .. شلون امورك ... ؟؟

واهني مرت بسمة اهي وورود في نفس الممر اللي فيه فهد وربعه واقفين .. عين فهد طاحت على بسمة .. فز قلبه بطريقة اول مرة يحس فيها .. كانت بسمة تتلفت تدور ارقام القاعات .. طاحت عينها بعين فهد ومن الارتباك وخرت عينها وكملت طريجها

ورود : شفيج نطريني
بسمة : ها .. يالله تعالي ترا ما بقى الا ثلث ساعة عالمحاضرة
ورود: اوكي شفيج ؟؟ ويهج مو اوكي .. انخطف لونه فجأة
بسمة : يتهيأ لج يالله تعالي كاه قاعه 240

تمت صورة بسمة براس فهد .. وقلبه تم يخفق كانه ياهل شاف حلم يتحقق .. حلم ولا حقيقة .. انا شفيني ؟؟ مستحيل .. قلبي بيوقف من سرعه دقاته .. شفيني احس ابي اطير ,, ابي اضحك ابي.. ابي .... ابي .... ابي الحقها .. ابيا شوف منو هذي .. منو هالانسانة اللي بخطف البصر خلتني جذي متعومس ... صارلي 4 سنوات بالجامعة مافي وحدة هزت كياني جذي .. اثبت يا بو الفهود شفيك ..
براك: شفيك ؟؟ هيييي فهيدان
فهد: هلا ..
براك: ههههههههاي ولا اهو معانا .. انته في وادي الامان شكلك
سعود : هههههههههههههههههههه يخرب بيت شكلك انت لحد الحين ضغاط ما عليك منه فهود
فهد: تعودت عليه ياخوك رفيج عمري ما اقدر عليه
سعود يالله اشوفكم على خير وراي محاضرة ..


مشى سعود وراح براك وفهد لحال سبيلهم .. فهد دخل محاضرته بجسمه بس اما عقله وروحه وقلبه تموا برة قاعة المحاضرات ناطرين البنت الحلوة الجميلة الخلوقة تمر .. ليش ؟؟ مايدري شحقه ما يدري شلون هم ما يدري كل اللي يعرفه ان قلبه تعلق بوحدة ما شافها عدل ولا يعرفها منو اهي ..

حاول فهد طول المحاضرة يقنع نفسه ان اللي صار شي عابر .. سببه اشياء واحد لكن كل ما يحاول محاولاته تبوء بالفشل .. وقلبه يبدي يدق اسرع واسرع في محاولة لاعلان حدث يديد في حياة فهد الا وهو الحب

معقولة فهد حب بسمة من مجرد نظرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[JaN JaN]

يـــــــــــــــس اول وحده ارد :eh_s(9):


وناااسه مفاز قصة يديده فديييييتج :eh_s(22):


البداية مثل متعودنا ابداااااع نااااطره البارت الياي :016:



يعطيج العافية

 

[so_what]

اهلييييييييين وسهلييييييييين :33_1185028183::nbvppw: ، اول بارت يشووق بس من الاسم شكله نهايتها حزينه

 

[DA3LOoOLA]

رد : قصتي الثالثة (( الى حبيبتي بسمــــــــــــة ...... وداعا ))

وااااااااي ونااااااسه رواية يديدة
يعطيج العافية حبييبتي

بس الله يستر من النهاية عسى بس مافي احد منهم يمووووت والا يصير مريض

 

[حياتي فراغ]

رد : قصتي الثالثة (( الى حبيبتي بسمــــــــــــة ...... وداعا ))

بداية روعه .. و أنتظر البارت اليديد
وباين النهاية فرااااق .. هئ هئ

 

[Tom ♥ Jerry]

.



وااااااااو بدآيه و لا آروع
و فهد صج خوووش ريال و يستاهل بسمه (= !

نآطرينج حيآتي .. :* !

 

[ba6re8a]

متابعه ناطرتج

 

[MaFaZ]

البارت الثاني


فهد : السلام عليكم ..
ام سليمان : هلا والله .. وعليكم السلام .. ها حبيبي ؟؟ شلون الجامعة اليوم ؟؟
فهد: تمام ماكو اغلب الدكاترة معتذرين
ام سليمان : اي اختك تقول .. ردت مبجر والله ما داومت كل المحاضرات
فهد: هههههه ادق عليها ما ترد
ام سليمان : نايمة لا تشوفها كلش مو مالت حر ولوية اختك
فهد: ما راح استغرب ان سمعت انها الكورس الياي بتسافر على حساب ابوي برة
ام سليمان : والله احسن لها ولنا .. وجان زين انته لو سامع كلام ابوك ومكمل برة
فهد: الله كريم يمه .. ها شنو غداكم ترا ميت يوع
ام سليمان : يمه حبيبي لازم تتريق قبل لا تطلع مو زين حق بشرتك حق دمك .. لازم تبدي يومك باورنج جوس

فهد : شسوي يمه ما اشتهي .. بحاول عشان خاطرج يا ام سليمان
ام سليمان: اي حبيبي لازم ضروري .. غدانا لزانيا وابوك بغى مطبق زبيدي
فهد: الوالد وينه ؟؟ بالدوام ولا على وصول ..
ام سليمان : لا على وصول .. روح اخذ لك شور وبدل وانزل تلاقيه عالطاولة ..
فهد : تم يمه .. (( واهو صاعد عالدري )) يمه ..
ام سليمان : هلا ..
فهد: تامنين بالحب من اول نظرة ؟؟
ام سليمان : اي اكيد ومن اول كلمة بعد ...
فهد: اها ..

صعد فهد خذاله شور وبدل .. نزل لقى ابوه وامه وفواز على طاولة الطاعم سلم وقعد تغدى .. ياكل لقمة ويسرح لقمتين
ام سليمان : فهودي ماما ليش ما تاكل ؟؟
فهد: قاعد اكل يمه .. خوش مطبق
ام سليمان : اي الطباخ اليديد خووش طباخ .. اقول بو سليمان كلمه اذا عنده اخو ولا يعرف احد نفسه حق اختي هيا
بو سليمان : اختج هيا تدور طبابيخ جنها بتخطب حق واحد من عيالها تستجوبه وتسال عن اصله وفصله وتعذبه جان تبي مكاتب الخدم مكودين بالديرة ..
فواز : يمه على طاري خالتي هيا متى بتخطبون لي هنوف ؟؟
ام سليمان : والله يمه كاهو ابوك كلمه انا مالي شغل ..
بو سليمان: بدري على هالكلام
فواز : يبه الله يهداك وين بدري عمري 27 سنة .. والبنت تخرجت يعني خلاص ما بقى شي
بو سليمان: بس سليمان بعده ماتزوج
فواز: يعني يبه الله يحفظك الله يرضى ؟؟ انطر اخوي اللي ما وده بالزواج واوقف مستقبلي عشان اخوي اللي اكبر مني ؟؟
بو سليمان : اكل انت الحين ويصير خير على هالحجي ..

توتر الوضع عالطاولة فحبت ام سليمان تطري الجو
ام سليمان : فهود .. شعندك مساع تسالني امن بالحب من اول نظرة ؟؟ لا يكون تحب
فهد: ههههههههه لا وين .. بس جذي سال طرا على بالي لاني ماخذة مادة عن ويليام شكسبير .. ف شيسمونه ..
فواز: توهقت
ام سليمان : هههههههههههههههههههههههه يقطع سوالفك يا فواز .. خل اخوك يمه لا تلعوزه حبيبي .. حب يمه واستانس ترا الحب اهو اكسير الحياة من غير حب الدنيا ما تمشي ..
فواز: اي والله يمه .. مادري متى تحنون علي وتخلوني اشرب اكسير الحياة واتزوج

وفي بيت بسمة .. كانو قاعدين على طاولة الاكل ..
وليد: شفيج بسومة بابا اكلي ..
بسمة: قاعده اكل ..
ورود: بنتك مادري شفيها .. من الصبح وويها مخطوف لونه
بسمة: واي انتي مستحيلة وايد تهولين الامور مافيني شي بس الشمس حارة واحس فجاة حسيت بخمول
مريم: اكيد فيج فقر دم اكلج مو زود .. شتحسين فيه
بسمة: اي يمكن .. اذا اليوم صحصحت بروح المستوصف ..
مريم: وليد ودها واللي يعافيك .. انا مضطرة اروح عند خالتي منومينها ..
ورود: خالة خديجة ؟؟
مريم: اي ماما خالة خديجة منومينها بالطبيب .. وبروح انا وماما عودة .. تصدق وليد لازم نحط لهم سايق
وليد: اي تصدقين مفكر والله .. لان لا انتي ولا انا سهل هالايام نطلع من دواماتنا ..
بسمة: اي نريحكم .. محاضراتنا هالكورس اوكي .. بس الكورس الياي احتمال تتضارب .. بالوقت و المكان ..

بسمة كانت سرحانة بالولد اللي حط عينه بعينها .. فز قلبها بس ما حست باحساس فهد .. حست بنغزات بقلبها مرة تدغدغ ومرة قلبها يدق حيل ومرة جنها خايفة .. احاسيس ومشاعر متضاربة في داخل المراهقة بسمة ..

انا دايما اطلع مع امي وورود وبنات خالتي وفطوم رفيجتي ونشوف صبيان ؟؟ ليش ما حسيت بهالاحساس ؟؟ واحيانا يلحقونا واحيانا بالسيارة يلحقونا .. ويحاولون كثر ما يقدرون انهم يرقموني ليش ما حسيت بهالاحساس ؟؟ ليش ما استانست ؟؟ شفيني خايفة ومستانسة ؟؟ ماني عارفة شنو احساسي بالضبط ؟؟
اصلا انا ما شفته عدل بس شفت عيونه .. مبين عليه خووش ولد ومحترم وشكله مرتب .. احس ان حنون .. احس ان طيب ..

ورود: يمه ..
بسمة: واي خرعتيني
مريم: شنو تبين
ورود: ابي اروح السوق
مريم: واي ليش بعددد ورودة ماما بس كافي شرينا السوق ذاك اليوم كله ماكو شي ما شريتيه شنو تبين بعد ؟؟
ورود: ابي جنطة بنية ما شريت ..
مريم: خلاص بالويك اند ليه طلعنا مع خالاتج نمر على اي مول و اشتري ..
ورود: يمه كنت ابي حق باجر مشتهية البس قميصي البني اللي من مانغو يبيله جنطة بيج ..
مريم: لا انسي ماكو سوق .. من له خلق سوق بعد تعبت وياكم ونتو تتشرون .. بسومة ما عندج جنطة بنية ؟
بسمة: ممممممممممم عندي بني عسلي تقريبا
ورود: واي لا مابي ابي جنطة حقي يمه .. الله يخليج خو يبه توديني ؟؟
وليد: لا .. اليوم ديوانية ..
مريم: وانا بروح حق خالتي ..
ورود: الحين شلون ؟؟
مريم: اخذي من عندي
ورود: صج ماما تخليني اخذ من الماركات ..
مريم: لا ماركات ماكو كلهم ملوت حريم كبار وكل جنطة هالكبر شتبين فيهم اخذي الجنطة الجلد اللي يابها خالو احمد من لندن ..

مريم وورود قاعدين يتحلطمون على بعض التفت وليد على بسمة
وليد: شفيج باب في شي يعورج ؟؟ متضايقة من شي
بسمة: لا يبه ماكو شي
وليد: اكيد ؟
بسمة: اكيد ان شاء الله ماكو شي بس الشمس حارة
وليد: اي صح الله يعينكم ..
بسمة: اي ... (( نزلت عينها ))

خافت بسمة تحط عينها بعين ابوها وتنفضح الحيرة اللي بداخلها .. خافت تطالعه وعيونها تقوله على اللي داخل قلبها ..



في هاليوم فهد وبسمة انهوه بتفكير مستمر في بعض ..
فهد تمنى ان يشوف بسمة باجر ويعرف عنها معلومات اكثر .. تمنى يعرف اسمها
يعرف جم عمرها .. ووين تدرس ... هل اهي اداب ؟؟ مو معقولة شلون ما شافها كل هالمدة ؟؟ عيل اهي يا مستجدة يا من كلية ثانية

اما بسمة فتمنت ان كل اللي تحس فيه نتيجة اول يوم دراسة وعشان الوضع اليديد وقربها من الشباب .. وحركة الشباب صارت لها اقرب عشان جذي

تمنت انها تقعد من النوم بسمة القديمة .. اللي كان كل همها تدرس وتجتهد .. مو انها تفكر وتحتار وتضيع

قعد فهد الصبح بدل ونزل عشان يروح الجامعة

سلوان: فهوووووووووووووووود
فهد: ههههههههه انتي شصاير فيج
سلوان : ويي فهود .. لا تضحك علي توني قاعدة من النوم
فهد: انزين شبغيتي
سلوان : وصلني الجامعة
فهد: ليش اليوم عندج بكيفان
سلوان : اي .. عندي
فهد: وبعدين منو يردج الخالدية
سلوان : ادق على جورج ياخذني ..
فهد: ممممممممممممم
سلوان : الله يخليك رفيجاتي ميتين ويشوفونك
فهد: شكو شكو سلوان ماحب هالسوالف انا ..
سلوان: يبه ما بيغازلونك .. انا ما خليهم .. لا بيشوفونك بس انته الوحيد اللي لحد الحين ما شافوك وبعدين كشخني بالموتر
فهد: اللي يسمعج ابوي مركبج وانيت .. نطري موترج وكشخي فيه
سلوان : فهوووووووووووود
فهد: يالله ماشي بس بليز اختي لا تطولين مانبي نتاخر ترا زحمة ..
سلوان : محد زحمة كله شارع ..



وصلوا فهد وسلوان بالشارع االلي فيه بوابة رقم سبعه .. ووقف الشارع لان ازدحام .. والشارع يمشي بطيء ..

سلوان قاعده تنقي سي دي ..
سلوان : شحط شحط ؟؟ ممم محتارة .. فهود انا وايد احترم ذوقك
فهد : شكلج تتطنزين
سلوان : لا جد .. امبيه احب فيروز
فهد: اممم .. زين .. حطي فيروز
سلوان : واي فهود غلطان يا قديم يا مغبر شخباري ماجدة الرومي .. ههههههه بدعت رومنسية ... فهود .. فهوووووووود
فهد: ها ها .. شفيج لا تصرخين ...

فهد شاف بسمة ابوها يقطها وقاعده تخطر الشارع اهي واختها .. بس مو متاكد اهي ولا لآ ...
وقاعد يزوم ويحاول يطالعها من غير لا سلوان تجكه .. قعد يدعي بقلبه بليز التفتي ابي اشوفج .. وفجأة

فطوم : بسووووووووووووووووم ... بسوووووووووووووووووووووم
والتفت بسمة عشان تطالع رفيجتها فاطمة اللي قاعد تناديها ...

وطالعها فهد وتاكد ان اهي لكن هالمرة طالعها عدل واوضح من ذيك المرة .. شاف ويهها لقمري .. شاف شعرها الاسود .. شاف عينها الذباحة .. شاف الويه اللي خلاه طول الليل ما ينام عدل .. شاف الويه اللي اسره من نص نظرة .. وتم
فهد يقول بقلبه ليش داشة من بوابة سبعه لا يكون بكلية التربية ؟؟ وليه مشكلة ..

سلون: فهود شفيك
فهد: مافيني شي ..
سلوان: وييييييي شكلك متنح مال قعدة الصبح بحط فيروز ..
فهد: حطي فيروز حطي ..

وغنت فيروز

خايف اقول اللي فـ البـــي
ولو داريت عنك حبـــــــي
تتقل وتعاند ويايـــــــــــــا
تفضخني عيني في هوايـا


أنا زارني طيفك في منامي قبل ما أحبــــــــك
طمعني بالوصل و سابني و أنا مشغول بـــك
عايز أعتبو لكن خايف يروح يقول إني بحبك

ولو داريت عنك حبـــــــي
خايف اقول اللي فـ البـــي
ولو داريت عنك حبـــــــي
تفضخني عيني في هوايـا
تتقل وتعاند ويايـــــــــــــا
تفضخني عيني في هوايـا


صعبان عليّ اشوف غيري عاش متهانّــــــي
راضي بأنيني ويرضيني بعدك عنّــــــــــــــي
وأملي قربك ونعيمي وأقول لقلبي اني بحبـك

ولو داريت عنك حبـــــــي
خايف اقول اللي فـ البـــي
ولو داريت عنك حبـــــــي
تفضخني عيني في هوايـا
تتقل وتعاند ويايـــــــــــــا
تفضخني عيني في هوايـا


يسألني مالك وانا حابب اني اخبـــــــــــــــــي
والعين خذتني وبأه عارف باللي فـ البــــــــي
روحي وحياتي تعالالي مدام عرفت اني بحبك

ولو داريت عنك حبـــــــي
خايف اقول اللي فـ البـــي
ولو داريت عنك حبـــــــي
تفضخني عيني في هوايـا
تتقل وتعاند ويايـــــــــــــا
تفضخني عيني في هوايـا

 

[JaN JaN]

عجيييييب البارت :ggdw: وناااسه


تسلم ايدج ياحلوة :eh_s(7):

 

[امي الحنونه]

رد : قصتي الثالثة (( الى حبيبتي بسمــــــــــــة ...... وداعا ))

عجيب آلبآرت وآلروآييه
يعطيج آلعآآفيه
كملي

 

[MaFaZ]

رد: رد : قصتي الثالثة (( الى حبيبتي بسمــــــــــــة ...... وداعا ))

يـــــــــــــــس اول وحده ارد :eh_s(9):


وناااسه مفاز قصة يديده فديييييتج :eh_s(22):


البداية مثل متعودنا ابداااااع نااااطره البارت الياي :016:



يعطيج العافية

فديتج جان جان ... منورة القصة وان شاء الله تعجبكم القصة

اهلييييييييين وسهلييييييييين :33_1185028183::nbvppw: ، اول بارت يشووق بس من الاسم شكله نهايتها حزينه

اي لازم خو .. مرة كده ومرة كده .. التنويع مطلوب ولا انا غلطانة ؟؟
فديتج تعودت عليج بقصصي

وااااااااي ونااااااسه رواية يديدة
يعطيج العافية حبييبتي

بس الله يستر من النهاية عسى بس مافي احد منهم يمووووت والا يصير مريض

اهلا اهلا دعلولة .. منورانا يسعدني مرورج على قصتي الثالثة

بداية روعه .. و أنتظر البارت اليديد
وباين النهاية فرااااق .. هئ هئ

.



وااااااااو بدآيه و لا آروع
و فهد صج خوووش ريال و يستاهل بسمه (= !

نآطرينج حيآتي .. :* !

حياكم الله ومشكورين على هالاطراء .. وما يندرا القصة ليه وين تاخذنا

متابعه ناطرتج

عجيييييب البارت :ggdw: وناااسه


تسلم ايدج ياحلوة :eh_s(7):

عجيب آلبآرت وآلروآييه
يعطيج آلعآآفيه
كملي

:eh_s(6): حياكم حبيباتي

 

[حياتي فراغ]

رد : قصتي الثالثة (( الى حبيبتي بسمــــــــــــة ...... وداعا ))

البارت هذا يهبل ... تسلمين .. و ناطره البارت اللي بعدة ...

 

[ba6re8a]

البارت رووووووعه بسسسسسسس خوفي اخرتها فراق:s

 

[Tom ♥ Jerry]

>3


البآرت وآيد حلو .. مشكورة و يعطيج آلعافيه !
و نآطرين البآرت الثآلث :*


.

 

[امي الحنونه]

رد : قصتي الثالثة (( الى حبيبتي بسمــــــــــــة ...... وداعا ))

واو روايه روعه كملي بارت ثالث ويسلموو

 

[DA3LOoOLA]

رد : قصتي الثالثة (( الى حبيبتي بسمــــــــــــة ...... وداعا ))

waiting

 

[Riooma]

ambaih 7adi endemagt plz plz la e6awlen 3lai oo welcome back

 

[MaFaZ]

البارت الثالث

بسمة طلعت من محاضرتها .. وتمت تتلفت لا اراديا .. وكانت باعماقها تدور وين الصبي اللي شافته امس

فاطمة: هااا خلصتي ..
بسمة : اي خلصت
فاطمة: ها شلونه
بسمة: منو اهو @@ ؟؟ظ
فاطمة: الدكتور ؟؟ شفيج اخترعتي
بسمة: لا مافيني .. زين بس شوية شديد ..
فاطمة: الله يعينكم .. اهو دقيق بالحضور والغياب وايد .. ورود وينها
بسمة: بعد 15 دقيقة تخلص محاضرتها ..
فاطمة: تعالي خل نقعد ننطرها
بسمة: يالله

قعدت فاطمة وبسمة على الكراسي يطنرون ورود تخلص و تييلهم .. واهني مر فهد وبراك جدام بسمة وفاطمة

براك: شوف شوف فهود
فهد: ششوف ؟
براك: البنتين اللي قاعدين عالكرسي الخشب ..
فهد : وين .. شفيهم ؟؟ (( واهني طاحت عين فهد على بسمة )) امش امش شالسوالف ؟؟
براك: كيكة .. قطعة ..
فهد: بروووك جم مرة قايلك ماحب هالسوالف
براك: اشفيك خو وحدة لك ووحدة لي ؟؟ ما مليت ونت وحداني
فهد: يالله يالله الشباب ناطرينا
براك: حرام عليك .. هالبنت كانت جم مرة تصفط يمي وما اقدر احصل منها لا حق ولا باطل .. ماني قادر عليها والحين اشوفها جدامي وتبيني باردة مبردة بح
فهد: شنو اللي مختلف يعني براك استح على ويهك ريال طول بعرض وجذي خفيف
براك : اولله اولله فهود شفيك معصب جذي ؟؟ كل مرة اضبط واغازل ونت يمي وما تسوي جذي ويهك كله تعفس يبيله اوتي
فهد : امش بروك امش ..
براك: راحت علي راعية الاحمر

واهني حس فهد ان طاير من الفرحة .. لان براك كان قصده فاطمة مو بسمة لان بسمة كانت لابسة ازرق فاتح .. واللي يمها لابسة احمر يعني مو اهي .. تنهد تنهيدة عميقة كلها راحة .. كان طابوقة انشالت من على صدره ..

لان يدري برفيجه ان حط وحدة في راسه يطيحها يعني يطيحها .. ومستحيل فهد يتخلى عن اللي يحس فيه عشان علاقة عابرة ولا طيش رفيجه ...

قال فهد بقلبه : اشوه قاعد يطالع رفيجتها مو اهي .. اشوه ان محد يطالعها غيري

مر فهد واهو يحاول ان ينزل راسه لكن لا اراديا طالعها بطرف عينه ولقاها منزلة راسها .. وخصل شعرها نازلة على جتوفها ..

مر اليوم على فهد واهو محترق شلون يكون بنفس الكلية ويمر يمها ولا يقدر يسوي شي ما توقع يكون هذا الحب
ولا توقع تكون هذي ناره .. تم يفكر وايد عشان يلاقي طريقة يوصل فيها حق هالبنية .. وفجأة واهو ماشي وسرحان وعينه بالشمس والساعه 12 الا ربع في احد ممرات الكلية

ورود : لو سمحت
فهد : (( التفت عليها )) نعم .. @@
ورود: وين مكتب التوجيه
فهد : (( يطالع صوب بسمة اللي كانت واقفة يم ورود )) مكتب التوجيه ؟؟
بسمة: ورودو خل ندوره شفيج ..
فهد: لا لا اذا عادي لحقوني وانا اوصلكم له انا رايح هناك ..

مشى فهد جدامهم .. وقلبه تم يمشي وراهم يحميهم .. ويثبت خطاهم عشان لا يضيع بسمة مرة ثانية .. تمنى هالبنت تناديها عشان يعرف اسمها ..
وسبحان الله كأن الله تقبل دعائه لما سمع ورود
ورود: بسمة بسمة .. يالله تعالي شفيج ؟؟
بسمة: ششش صوتج عالي

فهد يقول بقلبه (( بسمة )) يا حلاته من اسم ما نسمعه دايما .. شنو هالاسم الحلو شنو هالنغم ... الللللله حقيقة ان اسم حلو ...
ورود: يالله بسوم يزاه الله خير الولد بيدلينا
بسمة: (( منحرجة حيل )) اوكي اوكي بس صخرة دخلت بفلاتي ..

ما توقعت بسمة انها تشوفه ... شنو هالصدفة ... قلبها يدق وما تدري ليش ؟؟
ولد مافيه قطرة جمال .. لو تقارنه بالشباب اللي حواليها بالكلية ما اييي صفر عالشمال .. ليش هالاحساس .. مستانسة وخايفة ومحتارة ومنحرجة ..

وصلوا التوجيه ..
فهد: تفضلوا هذا التوجيه ..
بسمة: مشكووور ..
فهد: (( برسمية )) العفو ولو ..

وفجأة يت حق فهد فكرة عالسريع .. في محاولة عشان يتقرب من بسمة
فهد: لو سمحتوا خواتي ممكن سؤال
ورود: تفضل
فهد: محد كلمكم عالانتخابات ؟؟


ورود: لا محد احنا نشوف لوية بس ما ندري شسالفة .. وابوي قالنا
بسمة: (( تندسها )) مو مفكرين ننتخب
فهد: ليش ؟؟ هذا عشان مصلحتكم خاصة اذا كنتو مستجدين .. انتو مستجدين ؟؟
بسمة: اي احنا مستجدين (( مستحية ))
فهد: اوكي حلو .. تسمحون لي اذا عطيتكم رقم وحدة من الخوات في القائمة تكلمكم عن اهدافنا وعن الوضع ..
ورود: اوكي .. عطنا .. ماكو مشاكل ..
فهد: ممممم وهقة انا مو حافظ رقم الخوات اذا ماكو مشاكل تيون لنا المقر عقب ما تخلصون من التوجيه
ورود: مممممممم اوكي بس وين احنا التوجيه ما دليناه
فهد: خلاص انا اخلص شغلي وانطركم عشان اوصلكم لهم ..
بسمة: اوكي .. عن اذنك ..

دخلوا البنات التوجيه وتم فهد منزل راسه خايف يرفعه ويطالع بسمة وما ينزل راسه عقب .. هاليوم كان يوم سعد بالنسبة لفهد ما صدق عمره معقولة وقفت يمها وسولفت وياها لا وعرفت اسمها ؟؟ الله يا بسمة حياتي .. يا فرحة قلبي ..
مادري شلون كان بيكون يومي ان ما شفتج فيه ؟؟؟ الحمدلله اني شفتج

اهني انتبه عالوقت ..




فهد: الو براك
براك: هلا
فهد: انت وين ؟؟
براك:انا واقف مع مشاري والربع ليش ؟
فهد: انزين .. تعالي بسرعه انا يم التوجيه ابيك
براك: اوكي .. كاني ياي مع مشور ..

وصل براك مع مشاري ..
فهد: بروك تعرف احد من بنات المستقلة ؟؟
براك: الا انا اللي اعرف ..
فهد: اووهوو مو قصدي جذي ..... انته مو قلت بنت خالتك سبيجة هناك
براك: اي اي ليش شصاير ؟؟
فهد: اوكي يبت لها صوتين .. في بنتين قلت لهم اني بوريهم شغل القائمة ..
براك: اهااااااااااا .. اوكي اوكي وينهم ؟؟
فهد: الحين يطلعون من التوجيه .. كاهم طلعوا .. لحظة

فهد: ها خواتي انا جاهز اذا بتروحون

بسمة ورود طالعوه منصدمين .. ما توقعوه لحد الحين ناطرهم ..
ورود: اوكي .. وين
فهد: تفضلوا معاي

مشاري: بروك فهود شسالفته ؟؟
براك: ماكو يايب لنا اصوت حق القائمة
مشاري: اها ..


براك ومشاري تموا يمشون ورا فهد اللي كان يمشي ورا البنات ..

مشاري: فهود شسالفة هالبنات
فهد: مالهم سالفة شفيكم ؟؟ ماكو سالفة يبت لكم اصوات ما تبون ؟؟
براك: لا نبي نبي .. شفيك معصب انت .. مو عاجبني وضعك

وصلوا المقر ... وقف براك ونادى سبيجة
براك: سبيجة .. عندي بنات مستجدات اذا تبين اصوات .. مادري عنكم شتسوون ما تسوون مع الطالبات ..

سبيجة: هاو بروك ... تلقط لنا اصوات يحليلك
براك: ههههههههههههه اوريج يالخبلة حلايا هالكبة اللي حاطتها .. يزاتي اييب لكم اصوات يعني ؟؟
سبيجة: لا مشكور ما قصرت .. والله اتغشمر معاك عاد لا تكون زعلت
براك: لا ما زعلت .. انزين كاهم .. ناديهم وضبطوهم ها ترا مستجدات
سبيجة: اوكي مو مشكلة .. شنو يصيرون حق فهد ؟
براك: لا وين .. مادري مادري يمكن
سبيجة: اوكي اوكي .. تفضلوا خواتي ..

وقفوا بسمة وورود مع سبيجة وباجي بنات القائمة وتموا يسولفون ويضحكون ..
بسمة كانت ترد بتحفظ وتبتسم بتحفظ اكبر .. لان فهد وبراك ومشاري وباجي الربع كانوا واقفين مسافة عنهم .. صج انهم بعاد بس كانوا يقدرون يطالعون فكانت وايد مرتبكة من وجود فهد .. مع ان ما كان يطالعها اللي كان يطالعها اهو مشاري .. كل شوي يطالعها ..
فكانت حاسة بنظرات مشاري ..
مشاري وسيم جدا جدا جدا .. برونزي وجسم .. ستايل وموتر .. وولد عايلة معروفة وولد فلوس .. اغلب بنات الكلية كانوا ميتين عليه .. بس اهو ثقيل .. غير ان مركز ابوه وامه ما يسمحون له يكون خفيف او ان يرافج من البنات والشباب من هب ودب .. غير ان ما كان تدخل مزاجه اي بنت .. مشاري مو مثل براك لعوبي بس بنفس الوقت ما كان يدور على قصة حب واستقرار .. كان يدور على اي علاقة تلهيه ليه ما يخلص دراسته ويتوظف وعقبها امه وابوه يختارون له بنت الحمولة والاصل والفصل ..

بسمة دخلت مزاج مشاري .. بس مثل ما قلنا بما ان ثقيل ما كان يبين عليه .. ولا اهو نوعه يسولف حق اللي حواليه كل شي ..

فهد ما انتبه على مشاري .. لان مثل ما قلنا كل شوي مشاري يلتفت يطالع بسمة واختها .. وبما ان فهد كان يحاول يغطي ويخش اللي فيه .. فما كان مركز شنو قاعد يصير حواليه ..

 

[JaN JaN]

لا بلييييز خل مشاري يوخر عن بسمه




تسلمكين عالبارت عالحلو