قصتي الاولى وحصري لكويتيات (ايام وسنين )

[DALLY]

ناطررررينج

 

[دموع وشموع]

الجزء الواحد والعشرين


اول يوم العزا ريهام طلبت انها تطلع من المستشفى راشد مسكين كان معاها طول الوقت صج كانت لما تصحه تزفه وتقوله يروح ماتبي تشوفه بس كان مقدر حالتها وساكت

طلعت ريهام وصلت بيتهم وكان عزا الحريم هناك وعزا الرياييل كان في بيت ام مبارك

مسكين مبارك اهو ريال العياله الوحيد وقفوو معاه عمامه بس الي صج ما قصرووو معاه يوسف وراشد


كانو مجابلين جنه الي متوفي واحد قريب لهم حيل



عدت ايام العزا الثلاثه وجنها دهر عليهم راشد حاول يدق على ريهام ماردت عليه كلش

ريهام من رجعت من المستشفى واهي بدارها ساعات يسمعونها فجاه تصارخ وتبجي بهستيريا وساعات مطلعه البومات ابوها معاها واطالع الصور

وتذكر اخر موقف بينهم جنه توه صار

(( ريهام وامها رادين البيت بالسيارة

ريهام : يما ام اروى شنو كانت تبي فيج طول العرس لازقه فيج
ام ريهام : اولا اسمها ام راشد وبعدين ماتبي شي بس تسولف

سكتت ريهام ماكانت تبي تشكك امها فيها مع انه امها مو شاكه الا متاكده انها تدري

دزت ريهام مسج حق راشد

(( صار شي ))

راشد (( حبي طالعه قمر بالعرس واي يا خطيبتي العزيزة امي خطبتج اليوم بس امج بتشاور ابوج وترد عليها باجر ))

ريهام (( حبيبي انت ثانكيووو عيونك الي حلوه ,, بس امي تقول ماقالت لها شي ))

راشد
(( ههههههه بس جذي تخليج على اعصابج ))


وصلت ريهام مع امها ولقو ابوها قاعد بالصاله ينطرهم

سلمت ريهام وصعدت فوق بس الحقيقة وقفت برى تتسمع تحس انه امها بتقول شي حق ابوها


ام ريهام : هااا شلون العرس
ابو ريهام : تمام والله زحمه ومابقى وزير ولا سفير ماياهم
ام ريهام : أي ماشاء الله اهل يوسف خوش ناس الا بقولك تعرف راشد ..... الي مع ريهام بالمدرسه والجامعه
ابو ريهام : أي اعرفه يعني صديق ريهام من الروضه شلون ما اعرفه
ام ريهام : هذا الي انا مستغربه منه امه اليوم بالعرس قالتلي احدد موعد يبون يخطبون ريهام حقه
ابو ريهام : وريهام تدري
ام ريهام : اهي عمرها مايابتلي سيرة بس بيني وبينك احس انها تدري
ابو ريهام : لا ماتدري ريهام بنتي واعرفها عدل مو معقوله يكون في بينهم شي قوليهم ماكو نصيب البنت بعدها صغيرة والولد بعده يدرس


اهني ريهام بغت تنهار الوضع مو متحمل لازم تتزوج راشد باسرع وقت
دخلت على امها وابوها وعيونها متروسه دموع
ريهام : ليش يبا
ابو ريهام : اذا كنت سامعه اني رفضت اكيد عرفتي ليش
ريهام : بس يبا
ابو ريهام : لا بس ولا شي خلاص ريهام لاتحسسيني انه بينه وبينج شي
ريهام : أي يبا فيه شي انا احب
وقبل لا تكمل ياها كف محترم على ويهااااااااااااااااااااا لاول مرة بحياتهاااا : هذا الي ناقص بعد عمرج 21 سنه وواقف مجابلتني وتقولين لي احبه وابيه لي صار عمرج 30 شبتقولين عيل بس الشرهه مو عليج انا الي ماعرفت اربيج كل من يلموني على تربيتج وانا الي كنت اقول بنتي كفووو وثقه بس الظاهر انا غلطان

ريهام منصدمه مو بس عشان الكف لا عشان اول مرة ينردلها طلب وامها واقف بعيد ومنصدمه اهي الثانية بعد

طلع ابو ريهام من البيت وامها تلحقه : وليد وليد حبيبي وين رايح تعال نتفاهم خلاص بتسمع كلامك طلع ورقع الباب وراه بقوه

وطق على السايق واخذ المفتاح منه وطلع مسرع

ام ريهام : شفتي شفتي شنو سوتي ما كنت تقدرين تسكتين وانا اقنعه
ريهام : بنهيار الموضوع ما يتحمل تاجيل لازم اتزوج راشد لازم
فهمت امها قصدها وحطت ايدها على حلجها وقعدت

وفاجاه اسمعووو صوت بريك قويييييييييييي حيل ))


انهارت ريهام على هالذكرى وقعدت تصرخ وتصرخ

يتها شريفه ولمتها : ذكري الله ريهام ذكري الله
ريهام : ابوي راح يا شريفه راح واهو موراضي علي
دخل مبارك وقعد يمسح على شعر ريهام :تدرين خالي شنو اخر شي قالي تدرين ريهام
ريهام : للفت على مبارك ملهوفه شنو شنو قالك
مبارك : قالي اقولج : الله يرضى عليج يبا وخل راشد يدير باله عليج ولا يخليج ابد
زاد بجي ريهام : مابي راشد مابي احد ابي ابوي بس ابوي
عطوها حبه من الحبوب ونامت طلع مبارك وشريفه لام ريهام وام مبارك برى
ام مبارك : حبيبتي ريهام نامت
شريفه : أي يما نامت
ام ريهام مسكينه صدمتها قويه : الله يعينها ريهام
ام مبارك : ويعينج حبيبتي شريفه يما روحي مع ريلج بيتج خلاص يما خلص العزا قعدتج مامنها فايده ومبارك الله يعافييك يما روح يب الخدم من البيت ويب ملابسك خلنا جم يوم عند خالتك
مبارك : ان شاء الله يما
ام ريهام : ولي يعافيج يا ام مبارك قعدي عندي على طول انت شايفه حالتي وحاله ريهام واحنا مالنا احد ولي عافيج قعدووو عندنا على طول خلونا مع بعض نهون عليكم وتهونون علينا الي راح ابونا كلنا كلنا تيتمنا من عقبه
ام ريهام تتكلم والكل ساكت يطالعها ويبجي بهدوء مو قادرين يمسكون نفسهم ام مبارك ومبارك وشيخه وشريفه كلهم
ام مبارك : ان شاء الله ان شاء يا ليلى لا تخافين حبيبتي والله ماراح نخليكم بروحكم كلنا محتاجين بعض
ام ريهام : مبارك يما خالك شنو قال حق ريهام ماتدري
مبارك : والله خالتي اول شي ما سمعته بس لما ريهام كانت تصرخ يبى ارضى علي طالعها وضحك وقالها الله يرضى عليج ويا مبارك قول حق راشد يدير باله علىر يهام انا موافق ووصاني عليكم كلكم واحد واحد خلص راشد كلمته ومسح دمتعته بظهر كفه وكلهم كانت دموعهم تصب وتصب من غير توقف قام مبارك وقف بيطلع ولا يرن تلفونه وكان يوسف

مبارك :هلا يوسف
يوسف: هلا فيك انا تحت ممكن تنزلي شريفه انت تدري ودي اعزي عمتي بس
مبارك : يالله انا طلعتلك
مبارك :يمه نزلو انتي وشريفه تحت يوسف بيعزيج

نزلت ام مبارك مع شريفه وظلت شيخه حاطه راسها على حظن ام ريهام واهي تمسح على شعرها




يوسف دخل مع مبارك وباس راس عمته: عظم الله اجرج عمتي اسمحيلي لو انه متاخره
ام مبارك : مسموح يمه ماقصرت على وقفتك مع مبارك اهو الحين ماله غيرك وتمسح دموعها
راح يوسف عند شريفه وباس راسها اهي بعد : عظم الله اجرج
شريفه من غير نفس اجرنا واجرك
يوسف : انحرج بس ما يقدر يلومها: تروحين معاي البيت
شريفه : لا
ام مبارك : روحي يمه مع ريلج كثر الله خيرج واحنا كلنا قاعدين اهني
شريفه اخنقتها العبره : بقعد معاكم يما واطالع يوسف توه مابرى جرحي خلوني معاكم يمكن بلمتكم انسى
كانت تقصد شي بس محد فهمه الا يوسف الي نزل راسه وقبل لحد يتكلم
يوسف : ماعليه عمتي خليها على راحتها
مبارك : انا استاذن بروح ايب الاغراض ويوسف منت غريب اقعد معاهم
ام مبارك تبي تفضي لهم الجو مسكينه حسبالها بنتها عروس وحتاجه تقعد مع ريلهااا
: انا اخليكم عيل بروح عند مرت خالج
وصعد عنهم ظلت شريفه قاعده مكانها ولافه ويها عنه
قام يوسف قعد يمها وتوه بيمسك ويها دزت ايده حيل عنها وطالعته بنظره
شريفه : لا تفكر تحط ايدك علي ولا تظن الي صار والي سويته ووقفتك مع اخوي بتغير شي
انا عشان امي بتحمل ارتباط اسمي باسم واحد مثلك لمده وعقبها كل منه بطريج
يوسف انصدم من تفكيرها : بس شريفه
شريفه : لا بس ولا شي جدام اهلي واهلك احنا زوجين وبين بعض مالك شغل فيني ولا لي شغل فيك والي كان سبب بموافقت ابوك عشان تتزوجني خلاص راح راح
اهني انفجرت دموع شريفه الي كانت حابستهم عشان ماتبين جرها و ضعفها
يوسف : خلاص خلاص شريفه لا تبجين الي تبينه بيصير
شريفه: لا تفهم غلط انا ابجي على خالي لا تفكر اني بنزل دمعه وحده من عيني عشانك
سكت يوسف مو عارف شيقول
شريفه : وانا ابي ارجع البيت اخذ جم غرض ياريت
قاطعمها يوسف : خلاص انا اوديج ادري انج مو قادره اطلين بويهي بس عشان امج لا تشك بشي مكفيها الي فيها فكري فيها اهي
اهو كان يبي يتقرب منها يبي يحاول ينسيها الي سمعته بتصرفاته
شريفه :دقيقة ابلغ امي

طلعت شريفه مع يوسف بالسيارة محد يتلكم

لما وصلوو بيت اهل يوسف الي اهما بيقعدون بجناح فيه دخلت شريفه من ورا على جناحها على طول ويوسف عشان مايضايقها راح حق امه ومثايل وابوه الي قاعدين تحت

يوسف : السلام عليكم
الكل : عليكم السلام
ابويوسف : ها يبا شلون اهل مرتك شوفهم يبا اذا محتاجين شي
مثايل : أي والله يوسف لاتقصر معاهم
يوسف منقهر يعني شنو اهومايعرف يتصرف : ان شاء الله
ام يوسف : ماتبي عشى
يوسف : لا يما شريفه فوق تاخذذ اغراضها وبردها بيت اهلها
ابويوسف حده عصب على ولده : انت ليش ماتعرف السنع البنت يت ليش ما تقول دخلت وقعدت عادي ليش ماتقول نقوم نسلم عليها نعزيها
وقام عنه ابوه وخلاه
وقامت مثايل وامها وراه

دخلو على شريفه لقوها تلم اغراضها بهدوء وعيونهاحمر من البجي وخدودها حمر
ابويوسف : السلام عليكم ورحمه الله
شريفه تلف على عمها وعلى ويها ابتسامه حزنه ودمعه حايرة تنزل ولا لا : هلا عمي عليكم السلام وتروح له تبي تبوس راسه ويمسك راسها ويبوسه : عظم الله اجرج يبا
شريفه: اجرنا واجرك عمي
ابويوسف : يبا انا الحين بحسبت ابوج لا تستحين مني أي شي قاصركم قوليلي على طول واذا يوسف ضايقج وعلى طول قوليلي وراج ظهر انتي حبيبتي انا معاج
شريفه نزلت دموعها حيل : مشكور عمي ماقصرت
ابو يوسف : انتي بنتي الثالثه الحين والي ماارضاه على بناتي ما ارضاه عليج
شريفه : الله يخليهم لك ويخليك لهم

طلع عنها عمها وقعدت خالتها ام يوسف ومثايل يساعدونها ويسولفون معاها واهي تبتسم لهم وتسولف معاهم

نزلت حق يوسف وطلعووو بالسيارة سكوووت محد يتكلم

لما وصلووو قبل لا تنزل شريفه
يوسف : شريفه
شريفه التفتت عليه واهي ساكته
يوسف : انا غيرت رقمي بدقلج بعد شوي عشان يكون عندج
شريفه فهمت قصده انه يبي يقولها انه غير رقمه : ماعاد مهم بالنسبه لي ولا اقولك ارجع له احسن وتبتسم على جنب ابتسامت سخريه ونزلت

يوسف طق السكان بايده حيل عقب ماراحت
شلون شلون اقدر اصلح الوضع شلون اخليها تنسى شلووون


تهقون بتنسى شريفه ؟؟؟؟
وريهام وراشد ؟؟ شنو بيصير عليهم؟؟؟؟؟؟؟؟


اذا ماشفت توقعاتكم باجر ماكو جزء :eh_s(3):

 

[أميرة العود]

ناطرينج حبوبه

 

[pearlq8]

لووووووووووووووووووووووووووول

البارت حده عجييييييييييييييييييييييييييييييييييييب

و يوسف و شريفه ما راح يتطلقون ... مع الوقت بتشوفه يحاول ينسيها و جذي و بترضى عليه

اما ريهام و راشد .. بتضل رافضته اتوقع و يتحطم راشد و تعتفس حياته لين ربي يهديها و ترضى

 

[دموع وشموع]

لووووووووووووووووووووووووووول

البارت حده عجييييييييييييييييييييييييييييييييييييب

و يوسف و شريفه ما راح يتطلقون ... مع الوقت بتشوفه يحاول ينسيها و جذي و بترضى عليه

اما ريهام و راشد .. بتضل رافضته اتوقع و يتحطم راشد و تعتفس حياته لين ربي يهديها و ترضى

ان شاء الله تكون توقعاتج بمحلها _shh_:

 

[zoqaaa]

yosf o sherefa mara7 y6lgon o reham btkrah rashed
khoosh part thnx

 

[دموع وشموع]

Zoga

Thanku dear 3la marorch ;*

O thanku b3d 3la twg3atch

 

[دموع وشموع]

الجزء الثاني والعشرين

دخلت شريفه البيت وكانت امها واختها وخالتها ام ريهام قاعدين كل واحد راح غرفته ام مبارك وبناتها راحو جناح الضيوف البنات غرفه وامهم غرفه وفي غرفه حق مبارك لي وصل

ام ريهام مسكينه دشت غرفتها وقامت تدمع لذكرى زوجها الغالي قعدت تصلي وتدعي له وتتذكر من اول ما تزوجها وقاطعت العالم عشانه ( اهما من مذهبين مختلفين وحبو بعض وتزوجته من غير موافقه اهلها عشان جذي كلهم قاطعوها وماله احد خلاص واهي الي وقفت معاه لما بنا نفسه وكبر حيل وافتخرت فيه فصج كان بو ريهام بالنسبه لها كل شي كان صديق واخو وزوج وابو وام واخت كل شي كان وين مايروح ياخذها معاه ويحبها حب ماصار حتى لما عرف انها ماراح تقدر تيب له عيال واهو كان حيل خاطره بولد ما تزوج عليها ولاجرحها مع انها كانت تحن عليه يتزوج اهو الله مرهي عليه يقد ياخذ بدال الوحده اربع وكل وحده بيت بس ماكان يرضى يضايقها ويقولها انتي عندي بالدنيا

كان فعلا حبهم خيالي لبعض مع انهم كبرووو بس كانو جنهم شباب سفر وطلعات وشاليهات اصلا كانو حتى ريهام لاهين عنها


قعدت تحوس مو قادره تنام طلعت من غرفتها وراحت عند ريهام

بطلت الباب شوي شوي سمعت بنتها تون قربت يمها اكثر لقتها نايمه وتبجي

الله يعينها ريهام احساس الذنب ذابحها

قعدت تمسح على راسها وتقرى عليها بطلت ريهام عينها وطالعت امها ونزلت عيونها بسرعه ماتبي تحط عينها بعين امها خايفه من اللوم والعتاب

رفعت ام ريهام وي بنتها خلاص لازم تسامحها وتخليها تسامح روحها لي متى بتظل جذي

ريهام : يما انا اسفه يما الله يخليج سامحيني تكفا يما
ام ريهام : بسامحج بس بشرط واحد
فزت ريهام وقعدت على حيلها:الي تبينه يما الي تبينه شرطي على كيفج أي شي تبين راح اسوي لج
ام ريهام لمت بنتها حيل حيل: ابيج تسامحين روحج وتدعين حق ابوج وتستغفرين ربج على الي سويتيه وانا اسامحج وارضى عليج
ام ريهام كانت تشهق من البجي وتكمل : انا محتاجتج ريهام محتاجتج وايد انا مالي بالدنيا غيرج وغير ابوج واهوراح ما ابي افقدج انتي بعد
ريهام : كل الي تامرين فيه بسويه يما كله
شالت ام ريهام الادوية المهدئة من يم بنتها : ولا ابيج تعتمدين على هذول خلي ايمانج بالله قوي
ريهام تهز راسها من غير صوت ودموعها تصب
لمتها امها وحطت راسها على صدر امها وظلت تمسح على راسها لما اذن الفجر

جان تقعدهااا عشان تصلي


وراحت ام ريهام غرفتها عشان تصلي

قعدت شريفه حق الصلاه صلت وطلعت تتطمن علي ريهام لقتها قاعده على السياده ورافعه ايدها تدعي حق ابوها ودموعها تصب

شريفه حيل عوره قبلها على بنت خالها بنفس الوقت ام ريهام طلعت من درها وشافت شريفه واقفه وتجبي عند باب غرفه ريهام

حطت ايدها على جتف شريفه
ام ريهام : خليها تتقرب من ربها وتريح قلبها
شريفه تهز راسها أي

دخلت ام ريهام عند بنتها ونامت معاها وراحت شريفه غرفتهااا


الصبح قعدوو كلهم الا ريهام ظلت نايمه


كلهم كانو قاعدين تحت واروى وامهاومثايل وسجى ونوار وندى كلهم كانووو ياينهم لانهم ما شافووو ريهام ولا عزوهااا

فجاه نزلت ريهام محد كان متوقع انها تنزل بس شكلها كانت طالعه استغربت امها تصرفهاااا يعني ما طلعت من غرفتها
يوم طلعت بتطلع من البيت

دخلت عليهم ريهام : السلام عليكم
الكل عليكم السلام
ووقفوو البنات وسلمت عليهم وحده وحده كل وحده كانت تسلم عليها كانت تلمها وتعزيها وريهام ماسكه نفسها لغايه ماصار دور اورى نزلت دموعها بس كلش مو عشان اروى جنه اروى ذكرتها بشي ظلت اروى لمتها مده جنها توصل لها سلام شخص يحبها ويسال عنها
اورى : راشد يسلم عليج
ريهام : الله يسلمه
اروى : يبي يكلمج
ريهام : خير ان شاء الله

ام ريهام : ريهام يما وين رايحه
ريهام : شركه ابوي يما
انصدموووو كلهم معقوله اوليوم يخلص عزا ابوها سيده بتروح الشركه
ام ريهام : ليش يما
((ريهام كانت نايمه والي قعدها موبايلها يرن ويرن رقم شركه ابوها مو راضي يوقف
ريهام : الووو
الوووو ريهام شلونج عظم الله اجرج
ريهام : اجرنا واجرج منو معاي

انا بو محمد محامي الوالد في شي ضروري لازم تين عشانه
ريهام تذكرت الي ابوها وصاها عليه قبل لا يموت : وصية ابوي
ابو محمد وقلبه متقطع عليها توها مكمله 21 سنه مسكينه توها على هالهم : أي يبا وصية الوالد الله يرحمه
ريهام : ساعه واكون عندك

وفعلا البست بسرعه تنورة لي تحت الركبه سوده وبدي ابيض فوقه جاكت بدله اسود ولمت شعرها كله عنقوص ومن غير ومكياج عيونها كانو حمر وخشمها احمر وتحت عيونها صار هالات سود من التعب بس غسلت بماي باردوحطت لوشن وطلعت))

ريهام : يما محامي ابوي دق ويبيني ضروري
ام ريهام : بو محمد
ريهام : أي يما تعرفينه
ام ريهام : أي هذا محامي ابوج بس الحين مو وقته من صجه
ريهام : ماعليه يما قالي في شي ضروري لازم اروح عشانه
ام مبارك : تبين مبارك يروح معاج
تبتسم ريهام حق عمتها : لا عمتي مشكورة افضل اروح بروحي اول وابلغكم شنو بيصير معاي


طلعت ريهام والعيون عليها يدرون كلهم انها منهاره مهما مثلت انها قويه طلعت وكانت الصدمه مبارك وراشد ويوسف قاعدين بالحديقة

طلبت من السايق يجهز لها السياارة وقامو الشباب وراحو لها
مبارك : صباح الخير ريهام
ريهام : هلا مبارك
الشباب : صباح الخير
تبتسم ريهام بحزن : صباح الخير
راشد : شلونج الحين احسن
ريهام : الحمدالله احسن وايد
مبارك : وين رايحه
ريهام : الشركهه المحامي دق علي
مبارك :خلاص انا اوصلج انطرج برى على ماتخلصين
حيل تضايقت ريهام من مبارك شنو يعني :مبارك انت اخوي شلون تقول جذي
مبارك : لا من حقكم هذا شغلكم ويمكن في شي خاص
راشد حاس بغصه حيل مو قادر يعرض خدماته مثل مبارك يخاف تدقره
ريهام : يالله اوكي كا السايق جهز السيارة تعال معاي انت

وفعلا ركب مبارك مع ريهام وراحو وراشد ماشال عينه عن مكان السيارة يلحقهااا لما اختفت

مو عارف شيقول ولا شلون يتصرف ظل واقف مكانه لما اطلعوو سجى ومثايل


بعد السلام
راشد : مثايل بليز كلميها ليش تعاملني جذي انا شذنبي
مثايل منفسه شوي على راشد : مادري راشد بليز لا دخلني
راشد :والله ماهقيتها منج مثايل

وخلها وراح

سجى : حرام عليج ليش جذي تكمينه مو شايفه شلون صاير ويها
مثايل : سجى ولي يعافيج الحين خل تكلمني انا عدل ريهام عشان اتوسط حق راشد


كل وحده ركبت سيارتها سجى حيل متضايقه على ريهام ومو عارفه وين تروح دقت على ابوها
سجى :هلوووو يا احلى ابو بالدنيا
ابو سجى : ههههههههه شدعوه سجوي شتبين
سجى : متملله شرايك اطلعني
ابو سجى : هههههههه توقعت تبين شي بس انا عندي غدا شغل مع شركة عمج بو فارس مطرش لي الشباب وعازمهم على الغدا تبين تعالي معانا في جم وحده من الشغل بيكونون موجودين
سجى فز قلبها على الطاري بس طاري منو عاد بنشووووف بعد شوي : اوكي انا طالعه من ريهام ابدل وامرك
ابو ريهام : لا يبا مايمدي تعالي سيده
سجى اطالع روحهاا ابييه مو كاشخه وصارلي ممده مو شايفتهم : اوكي بابا

كانت سجى لا بسه نفنوف اسود ضيج هاي نك لي تحت الركبه بشوي ومسوي شعرها عنقوص يعني شكلها كان ناعم حدهه

انا من صجي شكو اكشخ يعني ابيه ما اصدق شنو هالتفكير ليش بكشخ حق منوو عاد

تقريبا الشهرين الاخيرين فارس حيل تغير ابوه صار حيل يعتمد عليه صار جد ومجابل الشغل مع اخوه وحتى عبدالله ابو سجى غير نظرته فيه


وصلت سجى الشركة بنفس الوقت ريهام كانت واصله من مده اهي ومبارك وقاعده مصدومه مو مصدق الي سمعته

بوصية ابوها

بو محمد : ريهام يبا ابوج كان ماوده يضايقكم انتي وامج
مبارك : الله يرحمه واكيد ريهام مقدره موقفه
ريهام : زين ممكن تعطيني العنوان
عطاها بومحمد العنوان وطلعت ريهام ومبارك

مبارك : شنو ناويه تسوين
ريهام : ما ادري شور علي
مبارك : خلينا نرجع ونشاور امي او شريفه على الاقل

وفعلا طلعووو وراحوو البيت

اول ما وصلوو
ريهام : تتوقع امي راح تتحمل الصدمه
مبارك : الله يعينها خالتي
ريهام : اذا انا للحين مو مستوعبه

شنو الي مو مستوعبته ريهام ؟؟؟؟؟؟؟ شنو الشي الي بوصيه ابوها يصدم ؟ وليش كان مخبيه خوفا من زعلهم ؟؟؟؟؟؟؟؟؟؟؟

وسجى اشتاقت حق ومنو وتبي تكشخ حق منووو وشنو بيكون موقف احمد وفارس لما يشوفونها ؟؟؟

توقعاتكم بليززز واسمحولي ماكو بارت لغاية يوم السبت شكرا لتفهمكم 

 

[pearlq8]

يسلمووووووووووووووووو تاطريييييييييييييييييييينج لن شاء الله يوم السبت و بااااااااااااااااااااارت طويل

اتوقع السر الي بالوصيه ان ابووها متزوج و عندها خوان يمكن

و سجى محتاره بين احمد و فارس او تمييل حق احمد اتوقع اكثرر

ناطريييييييييييييييييييييييييييييييييييييين

 

[أميرة العود]

البارت حلو
الله الله يوم السبت عاد

يالله بننطرج
ويعطيج العافية

 

[ღ أم ــواج ღ]

القصه عجييييبه حيل تشوق
يعطيج الف عافيه قلبي
وحسافه ماكو بارت لي السبت

اتوقع سجى تحب احمد
واللي مو مستوعبته ان ابوها متزوج من وراهم وكاتب لهم من الورث
نااااطرينج

 

[miss-_-smart]

ناااااااطرينج لا تطولييييييييين....ويسلمووو

 

[MeeMeeYoo_2]

مممم
يمكن متزوج ؟؟


ناطريين
ثنكيو حوووبيي

 

[so_what]

وايد لي السبت ‏:‏( ‏,‏ يسلموووو على البارت ‏

 

[دموع وشموع]

ماراح اقول توقعاتكم صج ولا غلط

بس ماعليه نطروني لي السبت عفيه برتب الاحداث عدل

وتسلمون كلكم على مروركم وتعليقكم

 

[bant-failaJa]

@@ متااابعه

 

[zoqaaa]

atwaqa3 obo reham mtzawj o 3nda 3yal
o saja 7anat 7ag fars
mshkora 7abebty o na6reen

 

[دموع وشموع]

من كثر ما ونستوني بردوذكم وتعليقكم


وتوقعاتكم الحلوه



بنزل لكم جزء صغير اليوم الساعه ?

 

[pearlq8]

Heyaaaaaaaaaaaaaaaaaaaaaaaaaaaaaaaaaaaa

b3d chabdiiiiiiii 7bebetiii maa tga9reeeeeeeeeen

tadreen b3d weekend malaal nbii part



yalah 7beebtii waiting

 

[DALLY]

عاد انا امس حاطه رد وماانعرض لان المنتدى علق


اتوقع

المرحوم متزوج على ام ريهام

واتوقع سجى ولهت على احمد مع ان اسلوبج حيرنا لوووول


وكلج ذوق لو نزلتي بارت اليوم لان حييييل ليما يوم السبت

ويعطيج العافيه حبوبه