الجزء الثامن عشر
باقي على العرس اسبوع ويوسف من يوم الخطبه مادق على شريفه ولا كلمهاااا
كانت قاعده اطالع اغراضها الي اترست الغرفه وتحاول ترتبهم وفجاه سمعت صوت مسج مسكت التلفون وكان مسج من يوسف
(( اقدر اكلمج يوسف ))
قعدت شريفه خمس دقايق اطالع التلفون مو مستوعبه انه واخيرا دز من ثلاث اسابيع ناطره اتصاله واخيرااااااا
تجرات ودزته له مسج
(( أي ))
دق عليها يوسف على طول
يوسف : السلام عليكم
شريفه : وعليكم السلام
يوسف : شلون شريفه شخبارج
شريفه وقلبها يرقع مو مصدق الي سوته : الحمدالله
يوسف : انا اسفه تاخرت عليج وايد بس كنت حاب اخليج تاخذين راحتج بالتجهيز وبعدين سافرتي سوو اجلت اتصالي شوي عشان ما اضايقج
شريفه بقلبها بالعكس انا نطرتك من اول يوم : لا عادي ماكنت راح اتضايق مسكينه قالت هالكلام وشهقت شلون طلع منها هالكلام
يوسف ابتسم على اعترافها : عيل كنت بتفرحين ؟؟
شريفه حدهاا منحرجه ما ترد
يوسف : اقدر اعزم نفسي عندكم المغرب اذا مبارك موجود ؟؟؟
شريفه : اكيد حياك الله باي وقت
يوسف : خلاص عيل انا عقب الصلاه بمركم
يوسف عقب الخطبه يتله مشاعر متلخبطه حس انه تسرع حس انه بكل شي قاعد يقارن بين شريفه وريم وهذا معناته انه ما نساها بشكل نهائي
وبنفس الوقت مثايل بينتله انه شريفه وايد لويه عندها وانها تحب تشرف على كل شي بنفسها فماحب يثقل عليها كلش صحيح امها استغربت شدعوه من الخطبه ولا مره مر علينا والشبكه للحين ما شريتوها ومن هالكلام
وشريفه كانت تتضايق من كلام امها بس تسكت فلما دق عليها وايد استانست مسكينه ونزلت تركض حق امها
شريفه : يمااااا
ام مبارك : هلا شروف تعالي
شريفه : وين مبارك يما
ام مبارك : اظن بغرفته ليش
شريفه : يوسف كلمني ويقول انه بيمرنا بعد المغرب
ام مبارك : حياه الله
قامت شريفه عن امها وفتحت كبتها دور لها شي تلبسه وحدهاا مكيفه
ريهام قاعده بغرفتها واهي تكلم راشد
بالمختصر بعد الموقف الي صار بين ريهام وراشد كل كلامهم شلون يحلون الموضوع راشد يهديها واهي حدها خايفه بس اليوم قرر يعطيها الحل النهائي
ريهام : يعني شلون راشد الموضوع صاره مده الحين لازم نخلص منه عفيه راشد
راشد: حبيبتي ريهام انا مو اول ما وصلت الكويت وانا احن عليج وانت تقولين ننطر موضوع شريفه يخلص وانا اوعدج بعرس شريفه امي تخطبج شرايج
ريهام : صج راشد صج
راشد : تشككين فيني عمري قتلج شي وطلع مو صج
ريهام : لا ابد الله لا يحرمني منك
راشد : ترى انتي وايد مقصره بحقي من ردينا ما شفتج الا مره او مرتين شنو هذا ما اتحمل
ريهام : ههههههههه تدري عندنا عرس وقاعدين نجهز مثايل من صوب وشروف من صوب
راشد : حتى مثايل ما شفتها من جنيفا اخر مرة
ريهام : بعد عرس اخوها الله يعينها راشد بسالك عن شي
راشد : سالي حبيبتي
ريهام : ربى شنو موقفها
راشد: تصدقين انا نفسي منصدم ماتعلق كلش واذا احد تكلم تقوم او تشغل نفسها بشي ثاني
ريهام : بتخليها جذي
راشد : لا بكلمها بس خل يصير شي رسمي
ريهام : اممممم اوكي انا اخليك الحين بروح اخلص جم شغله
راشد : اوكي ديري بالج
ريهام : اوكي
طلعت ريهام رايحه حق امها تتفق معاها على جم شغله للعرس
في بيت ام مبارك
شريفه لا بسه بدله عاديه وحجاب ونازل حق امها
سمعووو الباب دخل عليهم مبارك ومعاه يوسف ماسك بايده جيس
سلم عليهم كلهم
ام مبارك : وينك ياحافط ما مريتنا على غدا ولا عشى
يوسف : والله عمتي خفت اعطلكم خصوصا انه كل من لامني انه ماعطيتكم وقت كافي
ام مبارك : يالله خير البر عاجله
يوسف : شريفه شلونج ناقصج شي تبين شي
شريفه : لا سلامتك
يوسف : هذي الشبكه انا اخترتها على ذوقي اذا ما عجبتج الحين نروح نبدلها
شريفه وامهاا حدهم انصدمووو افتحووو الجيس وشافوو الشبكه كانت واااااااو بس شريفه مسكينه اندقرت وماحبت تبين حق امها فبينت انها عادي عبجتها
خلتهم ام مبارك شوي على انفراد بالصاله وراحت
يوسف : ها شريفه ماتبين شي مو ناقصج شي
شريفه حست بالاهانه كل شوي يسالها مو ناقصج شي : جم مرة بقولك لا
يوسف حس انه زودها وجرحهاا : انا اسفه بس تبين الصج مرتبك وهالجمله معلقه معاي
شريفه ابتسمت
يوسف : زين وين تبين نروح شهر عسل
مسكينه شريفه استانست واول مرة تحس انها صج مخطوبة وتخطط مع خطيبها
شريفه : مادري كيفك
يوسف : تبين نروح شرق اسيا جزر جذي وبحر او تبين المالديف
اهي مسيكنه ماسافرت وايد وعادي عندها أي مكان بس مستحيه ماتدري شنو تقول ولا تبي تختار
شريفه : على راحتك عادي أي مكان
يوسف : خلاص عيل بسيولج مفاجاه اوكي
شريفه :اوكي
يوسف حب شوي يتغزل فيها يدلعها من خطبها حتى كلمه وحده حلوة ماقال لها : اقدر اكلمج اليوم ؟؟ الساعه
شريفه قاطعته: يوسف لاتستاذن أي وقت تبي دق حتى لا ادز مسج
يوسف : هههه قاعد احاول اسوي نفسي ذرب يعني بس الظاهر مو ماشي الحال خلاص بوريج الدفاشه على اصولها
شريفه :ههههههههههههههههه
يوسف : حلوة ضحكتج تدرين اول مرةاشوفج تضحكين
شريفه حدها متشققه استحت ونزلت راسها
يوسف : خلاص انا اروح عيل وموعدنا باليل اوكي
شريفه : اوكي خل انادي امي بس
وراحت نادت امها
ام مبارك : وين ياحافظ افعد تعشى معانا
يوسف : مشكورة عمتي مابي اعطلكم ومابقى شي وبتملون مني غدا عشى وريوق بعد
ام مبارك : حياك الله البيت بيتك
وطلع يوسف
ام مبارك : الحين من صجهم حتى ماقالوج روحي نقي الشبكه
شريفه بروحها متضايقه من الموضوع وامها قاعده اتزيدها : مادري يما شنو لازم اسوي
ام مبارك : والله مادري شقولج بس الظاهر الولد مسكين مايدري وامه وعليه اجنبية ماتعرف هالسوالف
شريفه حيل ارتاحت من كلام امها : أي يمكن يالله انا بروح الصالون عندي جلسات شعر ومساج
وطلعت شريفه
يوسف بطريجه للبيت دقت عليه مثايل
مثايل : يوسف انت وين
يوسف : توني طالع من بيت شريفه
مثايل : وااااااااااااي واخيرا تلحلحت زين اتفقت معاها على الشكبه متى تروحون تشترون
يوسف : لا انا شريت وتوه عطيتها
مثايل : يوسف من صجككككككككككككك شنو هذا الي سويته مو امي قالتلك لازم تاخذها وتنقي الشبكه الي تبيها
يوسف : وليش عاد انا شاريلها شبكه 20 الف خياليه واعجبتها
مثايل حست بتنجلط من اخوها: يوسف هذي اصول مايصير جذي تسوي الحين البنيه شبتقول شايف نفسه علي حسباله بيشتريني وله ليش على قد حالهم جذي تعاملهم
يوسف انصدم : بس انا ما قصدت كلش
مثايل : خلاص خلاص يوسف انت قاعد تتصرف من كيفك من غير ماتشاور
يوسف : زين شسوي الحين
مثايل خلاص انا مالي شغل تصرف مثل ماتبي باي
وصكته عنه مثايل وخلته بحيرة انا ليش سويت جذي صح كان المفروض اهي تنقي لا يكون صج تفكر مثل ما قالت مثايل
لاالالالالالال بدايه مو موفقه كلش
دقت مثايل على ريهام وقالت لها الي صار
ريهام :ههههههههههههههههههههههههههههههههههه ما اصدق اخوج تحفه
مثايل : الحين انا بموت من الاعصاب وانتي تضحكين مع ويهج
ريهام : شسوي يعني مسكين يبي يطلع فالح
مثايل : تهقين اكلم شريفه احاول ارقع
ريهام : والله المفروض يعني
وفعلا دقت مثايل على شريفه
مثايل :هلا بمرت اخوي الغالي هلا والله بالغاليه
شريفه مستحيه : هلا فيج حبيبتي
مثايل : هااا شلونج يقولون بعض الناس كانو عندج اليوم
شريفه : أي كان عندنا من شوي
مثايل : أي شريفه بقولج ترى اسمحيلنا على حركه يوسف يعني يبي يسوي مفاجاه لج مايدري مايعرف مسكين
شريفه : لا عادي حبيبتي انا توقعت
مثايل حيل تضايق كلام شريفه معناته انهم فعلا استغربو الحركه وانصدمو منها : والله ماردي شقولج حبيبتي ادري الحركه مو حلوة بس اهو على نياته يبي يفاجاج واذا مو عاجبتج ترى عادي بدلها او ناخذ وحده ثانيه
قاطعتها شريفه : والله ماله داعي مثايل اصلا الشبكه خيال اتيينن وذوق يوسف بعد ما يبيله
مثايل : ياعيني ياعيني ما اقدر على هالحجي انا
شريفه:ههههههههههههههه اقولج انا وصلت الصالون عندي جلسه اكلمج تالي
وصكته عنها الشبكه كانت وايد حلوه و فخمه والصراحه انها ما عجبتها شريفه ناعمه وكان ودها بشي ناعم وكبير ليش انه نفنوفها بعد ناعم كان ودها شكلها يكون سمبل
مثايل من العصبيه نزلت تحت ولقت امها وابوها وقالت لهم
ابويوسف : من صجه هالولد وليش ما يشاور بس تدرون الحق عليكم انتوو يعني بافي اسبوع متى كنتو ناوين تشترون لا تفشلون مع الناس يا ام يوسف
ام يوسف : انا بكلم ام شريفه وباجر بنروح لهم وناخذهم ينقلون شي على ذوقهم وبقولهم هذيج هديه من يوسف كيفه مايصير لو بنتي ما ارضا
مثايل : أي والله يمه عفيه شريفه واهلها طيبين ماراح يقولون شي صدقيني بس يمكن يشيلون بخاطرهم
ودقت ام يوسف على ام مبارك وعقب السلام والكلام
ام يوسف : اسمحيلنا ام مبارك والله على حركه يوسف كان يحاول يسوي مفاجاه مايدري انه غلط
ام مبارك : لا والله عادي يا ام يوس احنا اهل ومابينا كلافه
ام يوسف : احنا بكره نجي ونروح كلنا مع بعض نشتري شبكه ثانيه
ام مبارك : حلفتج بالله ما تييون ولا تتعنون والشكبه واصله وماله داعي كلش
ام يوسف : لا انا لازم اشوف يمكن من حلوه ههههههه
ام مبارك : لا اطمنج حلوه واتيين بعد
دخل يوسف بهذي اللحظه وسمع امه تتكلم
ام يوسف : بس ابو يوسف مو موافق يقول لازم شريفه تنقي وحده ثانيه
ام مبارك : سلمي على بويوسف وقوليله والله انها عاجبه شريفه ولو مو عاجبتها كانت بتقول ومشكور ما قصرت
ام مبارك : على راحتكم
وصكته منها
يوسف : ماااااااااااااااااام ليش جذي
ابويوسف : والله قوات عين عقب الي مسويه بعد ياي تتكلم
يوسف: وانا شنو ممسوي كليتوني محد قالي لازم اهي تنقي وانا شريتلها شبكه 20 الف مو بالف ولا اثنين عشان افشلكم
بويوسف : المهم المبدا مو الفلوس مثايل باجر روحي حق البنت وشوفي شنو ودها وشنو تبي
قام عنهم يوسف وراح غرفته واهو يفكر ليش كبرووو الموضوع انا ماكان قصدي
شنو تتوقعون بيصير على ريهام وراشد
ويوسف ليش يتصرف جذي ؟؟
توقعاتكم :eh_s(22):
