قصتي الاولى وحصري لكويتيات (ايام وسنين )

[دموع وشموع]

الجزء الثامن

وصلوو الفندق وراح براك وسوالهم جك ان وقعدو البنات باللوببي وريهام كلش مو معاهم ونوار وندى يحاولون يضحكون سجى وينسونها

مثايل : والله حلو الفندق
نوار: تغمز لها اكيد حلو
مثايل : يا ملقجج
يضحكون البنات وايهم براك
براك ان شاء الله دوم هالضحكه
مثايل : هااا عطوك الغرف
براك : الناس تقول تسلم من ذوقك داعيلكم انا
البنات كلهم وحتى ريهام معاهم هههههههههههههههههههههههههههههههههههههههه
براك : ترى للاسف ماكو سويتات بس غرف بس غرفه وسيعه وايد وانا قاعد بوحده
ندى : مو مهم شكله الفندق محترم ووايد عايلات فيه وخليجين الحين واحنا قاعدين بس مروةعلينا 3 عوايل غير اليهال الي يراكضون
براك : أي حده
يالله صعدووو وعطاهم كروت الغرف واهما طالعين نادا مثايل
براك : اميرتي دقيقه بليز
مثايل : منزله راسها شنو براك ترى والله استحي
براك : ادري وحلو الحيا على البنت هاج هذول فلوس الفندق الي طاف مارضو يخصمون شي وحسابكم كله كان عليهم
مثايل : لا والله يبون يرقعون غلطتهم بس انت شلون دفعت حق هذا الفندق
براك : ما دفعت شي لا تحاتين بنهاية المده تدفعون اوكي
مثايل : مشكور وايد براك
براك : ودج تتمشين شوي اوريج المنطقه
مثايل : أي انا ودي بس تاخر الوقت وطيارتك باجر
براك : باجر باليل طيارتي وتو ها 10 يالله روحي قولي حق رفيجاتج وشوفي اذا احد وده
مثايل : ادق تلفون
براك : لا مو عدله امشي نصعد لهم بس ياوليج اذا زرعتيني
مثايل : هههههههههههههههههههههههههههه

وصعدوووو دخلت مثايل الغرفه
مثايل : والله وساع الغرف
كانو غرفتين وحده حق نفرين وحده حق 3 ووصج وساع وايد وبين باب مفتوح على بعض
مثايل : انا بطلع اتمشى مع براك احد يبي ايي
سجى : لا روحي بروحج اكيد يبي ياخذ راحته حرام موعدكم حده اخترب
راحت يمها مثايل ومسكت ويها ترفعه : اصلا كان خالص وتدرين براك الي قالي اشوف اذا احد بيي معانا
ندى : صج أي والله احسن لا تروحون بروحكم
نوار: يلاه عيل انا بيي
ندى : وانا بعد الصراحه
مثايل : بدلي سجى هههههههههههههههه
نوار : وريهام
مثايل تقول بنام مريتها قبلكم
سجى : خلوها تعرفونها من تتهاوش مع راشد تتصكر بويها كل البيبان
مثايل : يلاه انطركم تحت لا ياكلني
نوار: بتروحين جذي مو حر عليج
مثايل : والله حر بقوله ببدل اذا رضى بعد

وقامو البنات يعدلون اشكالهم بس ما بدلووو وراحت مثايل عند براك
مثايل : امممم اقدر ابدل وايد حر جذي او افصخ الجاكيت
براك : ماراح تكسرين خاطري بدلي عادي ما اتحمل امشي معاج وكل العيون عليج
مثايل : عشان خاطري براك والله حر راح اتعب وانا لامه كل اغراضي على ما القى شي
براك : انتي عيل عشان خاطري تحملي
مثايل : واي عنيد واطلعو البنات ومثايل ماده بوزها وضحكوووو عليهااا وايد

مثايل ما تدري ليش قاعده اطيع كلام براك بس الي تعرفه انه مستانسه على اهتمامه
واطلعو يتمشون وناسه و شربهم براك عصير من الاكشاك الي بالشارع ومرو على عرض رقص اسباني وحجزو ودخلووو وضحك وناسه
ندى : سجى تشوفين براك ما شاء الله عليه ما يحط ايده على مثايل
سجى : أي والله اهو اصلا ولد ناس نسيتي من ولده اهله معروفين بالديرة دينين وعندهم خيرررر
ندى : مسكت ايد مثايل عشان اطالعها لما التفتت عليها قالت لها الله يجلعه من نصيبج يارب
استحت مثايل وماردت ودارت براسها فكره نصيبي تو الناس انا ما بي اتزوج الحين



بالفندق ريهام ميته بجي بطلت تلفونها على امل تلقى مسج او شي ومالقت مسحت ويها وغسلت ونزلت تحت بنفس لبسها تريننق فوشي و بدي جبنيز ابيض

الفندق ماكان فيه نايت كلاب كان فيه بار صغير راحت ريهام وقعدت على البار وتهورت لاول مرة بحياتها وقامت تشرب

أي قامت تشرب وتشرب وتشرب لما خلاص سكرت وما قامت توعى على تصرفاتها دقت على راشد
راشد قاعد بالفندق لما شاف رقمها ما بغى يرد بس لما شافها مصره
راشد : الووو
ريهام تبجي وتصارخ : انت ليش خليتني تدري انا ما اعرف اسوي شي من غيرك ماعرف
راشد انصدم : ريهام انت وين وين مثايل
ريهام : مادري كلكم خليتوني محد يحبني
راشد : انت بالفندق
ريهام : ايييي

صكره بويها ودق على مثايل
مثايل : وصوت ازعاج واغاني اهي للحين بالعرض هلا راشد
راشد : مثايل انتو وين ويين ريهام
مثايل : احنا طلعنا واهي نايمه لا تحاتي مصكره جهازها
راشد :اوكي

راشد ما قال حق مثايل شي لانه استوعب انه ريهام سكرانه وانه محد عندها فقام طار لها الفندق يدعي انه يلحق عليها قبل ال تغلط غلط اكبر او احد من رفيجاتها يشوفه
راشد معصب حده علي ريهام
تصرفاتها صارت مو معقوله ومو محاسبها عليهااا كلش وصل راشد عند ريهام قبل البنات دخل الفندق ولقها قاعده باللوبي ونص نايمه والعايلات الخليجيه اطالعها بنظره احتقار

دخل راشد بسرعه وسحبهااا وطلع معاها ركبها التاكسي وطلب منه يروح فندقه

ريهام طول الطريج تبجي وتصارخ وموحاسه بروحها كلش

وصلوو وطالعها على طول على غرفته

شنو تتوقعون بيصيرررررررررررررر على ريهام وراشد

وبراك ومثايل ؟

وسجى شنو بيصير عليها :ada:

 

[Queen-J]

mmmm a7s saja wayd emkabra elmaw'9o3 !
oo rashed ya7laila 7di 7abaita :$
bs reham allah ysam7ha lish tshrb !!

 

[دموع وشموع]

mmmm a7s saja wayd emkabra elmaw'9o3 !
Oo rashed ya7laila 7di 7abaita :$
bs reham allah ysam7ha lish tshrb !!

حبيبتي مشكورة اول شي على متابعتج

وريهام غلطت غلطه وبتدفع ثمنها بس تابعيي _shh_:

 

[دموع وشموع]

الجزء التاسع
قامت تلمه وتبوسه وتترجها مايهدهااا كسرت خاطره حيل ولمها وحاول يسكتها تمادت ريهام بحركاتها حيل حاول راشد يصدها لانه يدري انها مو بوعيها بس ويصدها واهي قامت تصرخ وتكسر
ريهام : انت خلاص ماتحبني ما تبيني
وراشد مو عارف شيسوي لمها حيل
وزادت بحركاتها حيل
ولي متى بيقاوم راشد
بالنهايه طاحووو بالمحضور للاسف

دنسو الحب

نزلوو راس اهلهم بالارض


نامت ريهام وقام راشد دق على مثايل وقالها انه ريهام معاه لا تحاتيها
ارتاحت مثايل مسكينه ماتدري شنو صار بصديقة الطفوله

دخل راشد الحمام ياخذ شور واهو منصدم من الي سواه
ليش ياراشد ليش ليش ذبحت ريهام اذا صحت شنو بتقولها ما اصدق الي سويته
شنو بتكون ردت فعلها لما تصحى وماتلاقي عليها ولا قطعه
وانا شلون بواجهه ربي واهلى ونفسي

راشد حس انه انهار خلاص قعد على الارض الماي يصب على راسه والدموع تصب على ويهاا مايدري شنو يسوي


مسكين راشد محد توقعه انه ممكن يسوي جذي ظل مده ولما طلع لبس وقعد على الغنفه الي بالغرفه لما تعب ونام

عند البنات وصلهم براك وصعد
دخلوو البنات وقعدو يسولفون عن وايد اشياء لغاية ما وصلو لبراك سجى وندى وايد عبجهم براك بشخصيته وطريقته بالتعامل مع مثايل وخصوصا ندى لانها اصلا كانت تتضايق من راشد وحركاته مع ريهام
ندى : لا تضيعينه من ايدج مثايل
مثايل : بس ندى صحيح انه براك وايد زين بس وايد يبالغ
سجى : شلون يعني
مثايل : يدقق على اللبس والمايو ومادري شنو
نوار : أي شي ديري بالج تسمعين كلامه من الحين يبيج مثل ما انتي مو يتحكم من الحين
ندى : نوار الله يخليج سكتي مثايل حبيبتي اذا على اللبس انا من قبل ما تكلمت بس انت صج تبالغين وحلات الريال يغار ولا تبين مثل راشد مينن خواته على اللبس وريهام عادي تلبس أي شي
مثايل : لا راشد غير راشد عرف ريهام من الروضه واهي جذي مايقدر يقولها شي او يغيرها
سجى : لا الصراحه يقدر لو يحبها ويغار عليها جان قالها على الاقل
مثايل : تدرون براك شنو قالي اليوم
كلهم : شنو
مثايل : سالني تصلين
ندى عيونهم تلمع من الوناسه :والله قتلكم خوش واحد سمعي كلامه مثايل
مثايل : نزلت عينها زين نوار ممكت سيادتج بصلي

وخذت السياده منها وراحت تصلي وكل البنات صلو وبدلووو وعلى 2 كل من نام الا مثايل تنطر ريهام دزت لها 10 مسجات وماترد غفت مثايل من التعب

على الساعه 4 الفجر وعت ريهام وياريتها ماوعت انصدمت لما شافت نفسها وحست راسها ثقيل وقعدت تتذكر مقتطفات من الي صار وشنو سوت اخنقت نفسها بالمخده وتسب وتلعن بروحهاوتقول ياربي سامحني ياربي سامحني

قعد راشد على صوت بجيها المخنوق
قام لها على طول وغطاها اكثر بالكفر ولمها
راشد : ريهام لا تبجين انا اسفه تدرين احبج تدرين بتزوجج وماراح افضحج تكفى ريهام تكفى لا اشوفج بهذي الصورة انت مرتي زوجتي راشد صاج بكل كلمه يقولها قلبه كان يتقطع على ريهام وكاره نفسه
ريهام : شنو اسوي يا راشد قولي شنو اسوي عفيه لا تخليني ولا تقول حق احد بروحهم ما يحبوني
راشد : بس اروح حق ابوي بقوله يخطبج صدقيني بيسمعني صدقيني
ريهام : وابوي شقوله ماراح يوافق وامي
وقعد راشد ساعه يهديها ويدعي على روحه بقلبه الحين البنت كانت منهاره وسكرانه مو واعيه انا الكبير الفاهم الي كل من شاد الظهر فيني اهلها الي مامنين فيني

وظلت ريهام تبجي وتبجي لي 6 الصبح
راشد : قومي غسلي وبدلي خل اردج الفندق قبل لا احد يقعد من البنات ويوعى انج موموجوده انا خليتج اهني لاني ما كنت ابي احد يشوفج بالحاله الي شفتج فيها
قامت ريهام ودخلت الحمام واهي حاسه بصداه فضيع طق عليها راشد الباب وعطاها ملابسها كلهاا
خذتهم بدلت وعجفت شعرها وغسلت وقعدت بالحمام ماودها تطلع وتشوف الناس والعالم بعد الي سوته

تاخرت نص ساعه وماكو صوت ماي او أي شي طق راشد عليها الباب
اطلعت له
عطاها كوب قهوه اهو مسويه لها
راشد : اكيد مصدعه الحين
ريهام ماردت نزلت راسها ودموعها ما وقفت من اول ماوعت : انت تدري انا ما اقدر اعيش من غيرك ما اعرف شنو اسوي وين اروح شنو اقول
راشد مسك ايدها وباسها : انا معاج وماراح اخليج ابدد صدقيني
ريهام صج انهارت وكانت تحس انه هذي نهايتها خلاص وراشد كانت كاسره خاطره من عرفها ما شافها مسكورة جذي كانت دايم مغرورة وشايف نفسها بس هالمره شاف الحسرة والندم لاول مرة بعينها

وصلها الفندق حاولت تدخل من غير صوت عشان ماتصحى مثايل بس صحت وشافتها وشافت حالتها لمتها وقامت تبجي معاها

مثايل : ما اصدق من امس مع راشد وللحين ماراضاج
ريهام : انا انتهيت يا مثايل انتهيت الله ياخذني يارب الله ياخذتي
مثايل قامت بسرعه وصكت الباب عشان البنات ما يسمعون صوتهم
مثايل : شفاعده تقولين ريهام شقاعده تقولين
ريهام : قالت لها الي صار كله
مثايل : بس بس لا تكملين ياريتج ما قلتيلي يا ريتج ما قلتيلي ريهام لا تقولين هالكلام حق احد ولا احد لحد يسمعج سامعه
ريهام : تمسج دموعها وتهز راسها زين
مثايل : شقال راشد عقب سواد ويها شقال
ريهام : قالي انه بيتزوجني وشهقت حيل
مثايل : أي ابجي ابجي يمكن تمسجين ذنوبج ابجي

وقامت عنها دشت الحمام وتسندت على الباب ويدها على حلجهااا ياربي شنو هالمصيبة
بس انا قسيت عليها بس تستاهل كافي استهتار ريهام كافي الحمدالله والشكر على كل حال عقب البلاوي الي شربتها لو واحد من الي ما يخافون الله خاطفها ومسوي سواته غسلت وتيددت وطلعت تصلي

وريهام اطالعها
ريهام : مثايل بروح حق ماما وبابا جنيفا
مثايل : خل ابدل وشوف انزل احجزلج
ريهام وادموعها تصب حيل حيل : مثايل بليز الا انتي لا تتخليني عني
راحت لها مثايل ولمتها حيل : ليش ضيعتي نفسج انا واثقه براشد وادري بيخطبج بس ماتدرين شنو يصير وشنو خاش لكم القدر
ريهام : ادعلي الله يعديها على خير
مثايل : ان شاء الله تبين ادورلج حجز
ريهام : أي اشي قطار او طيارة مايهم المهم اروح لهم اليوم وقبل لا يقعدون البنات عشان لا اضيق خلقهم ولا يحسون بشي
مثايل : قبلها مكسور على رفيجتها انا بعد ودي ارجع خلاص لاعت جبدي من هالسفره تبين اروح معاج
ريهام : لا خلج انت
قامت مثايل وطلعت لها نفنوف قطن ابيض نص جم قصير وعجفت شعرها ونظارتها السوده ولبست نعال بحر ونزلت
وكانت الساعه 8
اول ما نزلت اللوبي ولا براك بويها
مثايل : بسم الله الرحمن الرحيم خرعتني
براك : ههههههههههههه صباح الورد
مثايل : هلا صباح الخير
براك : علام النفس شينه
مثايل : ريهام ما نامت طول اليل والحين تبي احجزلها حق جنيفاا تبي تروح حق اهلها
براك : اوكي خلاص انا احجز لها
مثايل : بس اهي تبي الحين بسرعه
براك : عطيني نص ساعه
وراح الاستقبال ومثايل قعدت على غنفه تنطره
براك كان لابس شورت و تي شيرت وماسك بايده فوطه جنه رايح مسبح
رجع لها براك مثايل ممكن اسم ريهام كامل في حجز الساعه 10 لازم تكون جاهزه الحين
مثايل : دقت عليها وقالت لها براك ريهام تسال جم

براك :شدعوه مثايل
سمعت ريهام كلام براك
ريهام : مثايل قوليه اذا ما ياخذ ترى مابي وقامت تبجي
مثايل : براك بليز ريهام مو راضيه لازم
براك : 300 دينار
مثايل : والله وايد ريهام نطري لي حجزج
ريهام : لا مابي حجزي خلاص
وحجزو لها

براك : انا بتريق بالبوفيه تيين معاي
مثايل : والله ودي دقيقه
دقت على ريهام وقالت لها انها حجزت لها سيارة توصلها المطار وانها ناطرتها تحت

راحو عند البوفيه سحب لها كرسي وقعدت
براك : ويهج منور اليوم
مثايل : تبتسم شكرا
براك : في شي مضايقج
مثايل : خايفه على ريهام ونزلت دمعه من تحت النظاره
براك يعطيها كلينكس علاقتكم قويه هاااا
مثايل : وايد وايد
براك : تقومين تاكلين ولا ايبلج ويضحك بخبث
مثايل : انفجرت تضحك غصبن عليها :يبلي

ويابلها براك توست وزبده وعصير برتقال

وطبعا هذا فطوها اليومي عقب الاكل

براك : ممكن اقرى جريدة ولا تزعلين
مثايل : شتقرى كله اسبانية
براك : لا في انجليش تبين
مثايل : امممم لو سمحت وقعد يشرب قهوته الصباحيه ويقرى

مثايل بقلها مستحيل يكون طبيعي انا صج ما كان عندي بوي فرند من قبل بس كل الي شفتهم لما يشوفوني يتنحون بويهي وبس يتكلمون عنه براك ليش مو ذاك الزود مهتم
يمكن واخيرا لقيت الي يهتم حق شخصي


نزلت لهم ريهام لابس نفنوف واسع مشير ورود برتقالي واخضر وبني وللحين على عجفتها ونظارتها الكبيرة وكروس الشانيل وفلات جينا وتسجب جنطتها


دقت على مثايل وراحو لها سلم عليها براك ردت عليه
وطلعت للسيارة
مثايل : بليز خلينا اركب معاج اوصلج لي المطار على الاقل
ريهام : وليش عاد تضيعين وقتج
مثايل : لاتقولين جذي ريهام
ريهام : بليز مثايل ابي اقعد بروحي شوي
مثايل : راشد يدري
ريهام : لا وبليز لا تقولين له الا لما اطير خلاص
لمتها مثايل حيل : لا تحاتين كل شي بيعدي حبيبتي وكل الامور بتتصلح

بهذي اللحظه رن تلفون ريهام مسج وكان من راشد
(( حيبتي ريهام انا بروح لندن حق اهلي لازم افاتحهم بالموضوع باقرب وقت ولاتحاتين بيج جنيف عند اهلج بروحي عقب ما اخلص واقولج شنو بيصير معاي احبج وربي احبج مراح اخليج والي صار بيندفن بقلبي ومحد بيدري عنه ))

ريهام مدت تلفونها حق مثايل تشوف
باست مثايل خدها : شفتي قتلج راشد ماراح يخليج
ريهام : ادري انا مو خايفة من راشد خايفه من الياي



معاها حق تخاف خلاص ياريهام بدى الجد واتنهى اللعب الاتسهتار ولازم تدفعين ثمن استهتار 21 سنه



دخلوو براك ومثايل الفندق وراحت ريهام المطار الساعه 8 ونص وماردت على راشد
نزلت وسوت البوردينق وخلصت وقاعد عن البوابه تنطر وتقرى كتاب
ولا تلقىواحد واقف جدامها

ريهام : راشد
مثايل دزت حق راشد مسج انه ريهام مسافره وراشد قام يدور رحلتها ولقاها
قعد راشد على ركبه بالمطار وجدام كل الناس ومسك ركبتها وعيونه فيها دموع وبين انه حيل تعبان
ريهام : تعال اقعد يمي الناس اطالعنا
راشد : من متى يهمنا كلام الناس ريهام
ريهام نزلت راسها ونزلت دموعها
راشد رفع راسها : لا تنزلين راسج يا ام عبدالعزيز ( اسم ابو راشد ) اكلم ابوي وارجع لج ومن نرجع الكويت نيي نخطبج وتصيرين معاي على طول وايبج برشلونه مرة ثانية واعوضج صدقيني

وقعد يرفع معنوياتها واهو بنفس قعدته واهي شوي تبتسم وشوي تبجي


ربي واروى وجنى قاعدين بعيد يطالعون جنى كلش مو مهمته قاعده تقرى قصه
ربي : كنت ادري انها ورا هذا الوضوع
اروى : خلاص ربى وبعدين انتي ليش ماتحبين البنت ترى ريهام طيبه واقول اقتنعي ترى بتصير مرت اخوج
ربي : لا ان شاءالله شوفي راشد ما اشوفه منذل ومنزل نفسه حق احد غيرها
اروى : يحبها والحب مو عيب
ربي : بيصحها وبيحذفهاا
اروى : يحذف 21 سنه حب ما اصدق
ربى لفت ويها ماعجبتها الحقيقه وصل راشد ريهام لي باب الطيارة وباس راسها وصعدت واهي قلبها معاه وتدعي انه ابوه بيوافق


طبعا اهل راشد واهل ريهام مثل ما قلنا من البدايه كل واحد يقول الزود عندي بس ريهام ورااشد اثننهم باقي لهم سنتين دراسه واهل راشد من اول ماقالل ابي ريهام قالوله لاتفكر بالزواج الا لما تتخرج وتكون نفسك وتكون مثل ابوك تمسك شي مهم يعني حتى مو عقب التخرج على طول

وريهام هذا المخوفها لانها تعرف تفكيرهم وتفكير ابوها الي دايم يقول
بنتي ما يخذها الا واحد يقدر يعيشها مثل ما اهي عايشة في بيت ابوها اميرة واحد عنده مو عنده ابوه

يعني ابوها يبيها تاخذ واحد مكون نفسه مثل ما اهو كون نفسه بروحه


عند براك ومثايل \ عقب ماراحت ريهام
براك : انا متوعد كل يوم عقب ما اتريق لازم اسبح بالمسبح
مثايل : والله انا بين فتره وفترة بالنادي والحين ودي بعد ابدل وانزلك
براك : اوكي
ويقول بقلبه الله يستر منها ومن الي بتلبسه


صعدت مثايل وبطلت جنطتها وقعدت اطلع اغراضها مرتها نوار
نوار : قود مورنييق
مثايل: هلو
نوار : وين ريهام
مثايل : راحت جنيفا
نوار : شنوووووووووووووووووووووووووووووووو
مثايل تسوي نفسها عادي : أي اهي تدرين تهاوشت ويا راشد وكل واحد فيهم راح حق اهله حتى راشد و خواته راحو لندن
نوار : شنو هذا متى صار كل هذا
مثايل : نوار عفيه من 6 قاعده ومانمت عدل بروح اسبح تحت تينن
نوار : وين ماكو بيج اهني
مثايل : في اوت دور سومينق بول
نوار : يلاه ابدل وانزل معاج

مثايل واهل تبدل قعدت اطلع اجايس الاشياء الي شاريتهم لقت معاهم جيس واهي مو شاريه منه شي
مثايل : نوار جيس منو هذا
نوار : مادري محد شرى منه
مثايل : فتحت الجيس ولا تلقى فيه كرت فتحته
(( اذا اقتنعتي ودي اشوفه عليج ترى على فكره سبشيل اوردر ))

ولا تلقى بداخله مايو قطعه وحده كامل نص جم وشورت لي فوق الركبه وكل قطع خام غير عن بعض
ومطرز عليه حرفين mb
نوار : واااااااااااااااااااااو من وين
مثايل : سبيشيل اوردر
لبسته مثايل وطلع عليها اينننن نوار استحت تلبس بكيني فتحت جنطت اختها وخذت منها مايو اسلامي ولبسته ونزلووو

براك : ما صدق عيونه وحس انه مثايل بتكون من نصيبه
برا ك: عجبج
مثايل : وايد حلو ونوار تبي نفسه بعد
براك استانس لما شاف تاثيرة على كل البنات قعدو وسبحو شوي وسوالف واستاذن منها براك وصعد الغرفه عشان يريح ويخلص جم شغله

والبنات قعدووو يسولفون ومستانسين صعدووو الغرفه عقب وكان في بوكيه ورد كبير عند الباب وعليه كرت
نوار ركضت عليه تحسبه حق مثايل لقت عليه كرت مكتوب عليه
((الى اجمل ما خلق ربي سجى انا اسفه على الي صار امس فارس ))
نوار نزلت الكرت وطالعت مثايل وقالت : فارس
مثايل :ابييييييييييييييه لاتدري سجى شنقولها لو شافته
نوار: بخش الكرت وبقول انه الورد من براك لج
دخلووو الغرفه ولقوو وسجى معصبه وفهمومو انها درت
سجى : خلاص برجع تكفى مثايل قولي حق براك يردنا معاها
مثايل : وليش يردنا سجى لا تبالغين خلاص الحين كله بوكيه ورد الي دزه وهذا مو فندقه عشان تخافين يسوي علينا شغل عصابات ويقتحم الغرف
ندى ونوار : هههههههههههههههههههههههههههه
نوار : حلو يقتحم
سجى : بس انا ما احب جذي شنو هذا له وي عقب الحاله الي شفتها فيها ولا معاه وحده بعد
نوار : اوووووووو سجى عفيه لا تضيقين خلقنا كافي ريهام وقالت لهم الي صار
ندى : مسكينه ريهام ياريت الله يفكها من راشد
مثايل : حرام والله راشد وايد زين
ندى : طبعا اكيد تشهدين له خو صديق الطفوله
نوار : خلاص خلونا لسجى وحبيب القلب ههههههههههههههه
سجى : ويع الله ياخذه خرب مودي المهم وين بتروحون
مثايل : يالله قومو نتمشىىىىىىى

بدلو البنات وقاعدين يتمكيجون واللمسات الاخيرة ولا يرن تلفون مثايل مسج
(( انا اليوم الساعه 10 طيارتي والحين بروح مول ابي جم شغله ودج تروحين انتي وصديقاتج معاي))
مسكين براك ما يقدر يطلب منها تروح معاه بروحه مع انه لو طلب مثايل عادي بتروح
ردت عليه مثايل
(( احنا اصلا لابين وبنروح نتلاقى باللوبي ))
وقالت حق صديقاتها وابد ما عارضووو

اول مانزلوووو راح لهم براك وسلم على كل البنات بحترام عجبه شكل مثايل ودايد كانت لابس قميص وسيع اخضر نص جم يصير من فوق وسيع وضيج من تحت مع ليقنز اسود وجنطتها الكروس
وندى و سجى لابسين تريننق
اما نوار لابسه شوت لي فوق الركبه جينز وقميص طويل ووسيع سماوي

براك : شكلج يشوق
مثايل : شكرااا
وطلعو البنات مع براك وكان في واحد يخزهم بس ما اقدر يقرب منهم عشان براك معاهم
منووووووو الي يطالعم

وهل راح يستمر يطالع من بعيد ولا بيقرب عن قريب ؟

 

[دموع وشموع]

جزء طويل

 

[Queen-J]

tslmen 3al part .. 7da eyanen mashalla :*
a7s fares ely ga3d e6al3hum
oo galby na'3zney men reham o rashed , a7s b9er shy :\

 

[so_what]

راشد حدده طيب ، ثانكس على البارت ناطرينج

 

[MeeMeeYoo_2]

اتوقع فارس

ثنكيووووووووو

 

[دموع وشموع]

مشكورين حبايبي على الردود

 

[دموع وشموع]

الجزء العاشر

فارس كان يطالعهم من بعيد وده يكلم سجى بس لما شاف براك تردد وقعد مكانه من غير مايلاحظون وجوده

اطلعو البنات مع براك راحو السوق ولاحظو احترم براك لهم كلهم و بشكل خاص اهتمام واحترامه بمثايل ساعات جنها بنته وساعات يعاملها كاميرة وساعات كحبيبة وساعات كام

براك يمد ايده بحلاوه حق مثايل :ذوقيها حلوه
مثايل : اممممممممم لذيذه والله
براك : ما يعتي انتي من الريوق
مثايل : والله اشوي ودي بتاكو
براك : بس تاكوووو دقيقة بس قام براك وتكلم بالتلفون
ورجع لها
براك : شاريكم ليدز بمطعم تاكو على مزاج الاميرة
ندى : يالله حلو بس شكثر باقي على الطيارتك
براك : لا تحاتون ماراح تطير من غيري هههههههههههههههههه
البنات : ههههههههههههههههههههههههههههههههه

وفعلا راحو مطعم مكسيكي كانت الساعه 4 العصر

دخلووالمطعم قعدوو براك حده جنتل يسحب الكرسي حق مثايل ويقعدهاااا
ياهم الويترز ويايب المينيووو
عطاهم كلهم ولما وصل حق مثايل: قاله نونيد
مثايل : واي
براك : انا بطلبلج
مثايل : بنقي شي يديد
براك :انا انقيلج شي يديد حلو وايد ومجربه
تضحك مثايل مستانسه على هالاهتمام


كلووو وخلصوو وحاسب براك واحتجوو البنات
نوار: ترى احنا انجليز كل واحد يحاسب حق روحه
براك : وانا كويتي واذا معاي حريم عيب يدفعون

طلعوو من المطعم وراحو الفندق يريحون
ولقوووووو علبه كاكاو وايد كشخه بغرفه سجى على شكل قلب وعليها
(( اذا ودج تشكريني وحاطه رقمه ))
سجى وايد عصبت : لا مصخهااا وشلون الفندق يستلمون جذي اشياء
مثايل : شنو شلون بعد شي يوصل باسمج يطرشونه الغرفه
سجى قامت ودقت على الاستقبال وزفتهم وطلبت منهم احد ينزل الاغراض تحت ويدقون على اصحاب المحلات الي وصلتهم ايون يستلمونه وما يستلمون شي مرة ثانية من احد

في هالوقت كانت ريهام وصاله سويسرا ورايحهاا حق اهلها بيتهم وما استغربو انها يت مبجر ولا لاحظو التغير الي طرئ عليها الهدوء الي اهلي فيه كانت قاعده بحديقه بيتهم تقرى كتاب لما يتها صديقتها السويسريه بنت حارس بيتهم
الحوار بالعربي
جينا : هلووو ريهام شلونج
ريهام : انا زينه وانتي ولهت عليكم
جينا : انا بعد والله قومي لبسي بروح حق اصدقاء وبعرفج عليهم
ريهام : والله انا توني واصله وراسي مصدع ارتاح اليوم وباجر وعد نطلع
جينا : اوكي بس وعد باجر
وراحت عنها ريهام كلش ماكان لها خلق تطلع مكان جينا بنت حارس بيتهم من يوم كانو بالروضه يعرفون بعض اهي تقريبا بعمر ريهام ومتعوده على ريهام تقعد معاها ويطلعون وتمشي لما تيي بيتهم بسويسرا


اما في لندن لما وصلو راشد وخواته اهلهم حيل استغربو ماصارهم يوم رايحين سلمو على امهم وابوهم واستاذن راشد راح غرفته
ابو راشد : شفيه راشد اروى
اروى : مافيه شي بيا
ام راشد : عيل شلي ردكم بسرعه وانتو الي كنتو ميتين على الروحه
قالت اروى حق ابوها قصه سجى مع فارس
اروى : وبس هذا الي صار فخافو البنات خصوصا انهم بروحهم وردو الكويت واحنا يينا
ابو راشد: شفتي تلوميني ليش ما خليكم تسافرون بروحكم
اروى : تلم ابوها لا والله ما الومك يا اغلى ابو بالدنيا
ربى : عن العياره
اروى : شتبين بابا شوفهاااااااا
ابو راشد : شتبين ربى شفيج على اختج
ربى : مافيني شي بس ماقالت الصج
تحولت عيونهم كلهم على اروى : شنو أي صج
ربى : بابا ترى راشد زعلان مع ريهام مادري شفيها اهي بعد رجعت عند اهلها أي ثينق
ابو راشد : ليش شنو صار
اروى : معصبه على لقافه اختها وخافت لا تقول شي عن الي شافته : ربى وبعدين تقولين ليش ما تاخذوني معاكم ( اهو كان تهديد وربى فهمت )
ربي : كيفكم كيفكم
باي بروح اريح
وقامو البنات
ام راشد :عبدالعزيز قوم شوف الولد قلبي ناغزني عليه راشد مو طبيعي
ابو عبدالعزيز : جنج تقرين افكاري كاني بصعد له

وفعلا صعد بو راشد الغرفة ولقى راشد يحاول يدق تلفون وحذفه فجاه على السرير
ابو راشد : هلا بو عبدالعزيز شلون برشلونه شيبتلي معاك
راشد : اسمحلي يبا مامداني كلش مارحنا ولا مول
بو راشد : مسموح يبا بس شفيك مو طبيعي وشفيها ريهام
راشد حس انها فرصه يفاتح ابوهبالموضوع
راشد : يبا انا ابي اتزوج ريهام ما اقدر انطر اكثر من جذي
بوراشد : ليش شنو الي تغير على اتفاقكم احد خاطبها
راشد : لا بس انا ابيها تكون مرتي باسرع وقت تكفى يبا طلبتك لا تردني انا بس ارجع الكويت بشتغل بارت تايم باي بنك او شركه وبصرف على روحي وعلى مرتي
بو راشد : انت شقاعد تقول بارت تايم تدري ريهام بنت منو الي بتصرف عليها بمعاش بارت تايم
راشد مقتنع بكلام ابوه 100% بس ما بيده حل ثاني لازم يتزوجها
راشد : تكفا يبا اوقف معاي تكفا ونزلت دمعه من عينه ما قدر يمسكها اكثر من جذي
بوراشد حس بالموضوع وفهم انه في شي : انت غلطت معاها راشد
راشد : تكفا يبا تكفا يبا اوقف معاي اخطبها
من تجاهل راشد حق سؤال ابوه فهم بوراشد انه ضنه بمحله
بو راشد : خسارة تربيتي لك يا راشد يا خساره ما هقيتها منك يا راشد
راشد : ركض يبوس ايد ابوه وريوله : لا تفهمني غلط يبا انا بحياتي تحت امرك وشورك بس انا شاب وزليت تكفا لا تمسحي ماضي كله عشان هالغلطه عمري ما غلطت من صغري ما سويت لك مشاكل ودايم احاول ارفع راسك يبا لا تظلمني
بو راشد : قام عن ولد بيطلع : طول عمري اعتبرك ذراعي اليمين والحين ودي اقطعها طول عمري والناس تحسدني عليك خلهم يشوفون على شنو يحسدوني غلطه الشاطر بالف يا راشد بالف
راشد ما قدر يرد على ابوة طاح على ركبته وقعد مصدوم
لف عليه بوراشد واهو طالع
بوراشد : انا بخطبها لك عشان عندي بنات واخاف الله والي انا عرفته منك لحد يدري عنه تفهم وطلع بو راشد عنه

وخلا راشد منهار بغرفته صحيح انه ابوه وافق بس يحس انه طاح من عين ابوه ما قدر يقوله الصج عشان على الاقل ريهام ما اطيح من عين ابوه اكثر من جذي

نزل بوراشد وكان ما ودهه يحسس احد بالموضوع لقى البنات مع امهم قاعدين
ام راشد : خير عبدالعزيز طولت مع راشد
بوراشد : ماكو يبي يتزوجها يقول مو قادر ينطر عاد زهبي عمرج من نرجع الكويت تروحين تخطبينها له انا موافق
ام راشد كلوووووووووووووووويش الله يطول بعمرك ويخليك له وتزوج عياله يا بعد عمري ياراشد اخيرا بفرح فيه وبزوجه
ابو راشد ما يبي يخرب فرحته مرته فسوى نفسه انه وافق عن طيب خاطر :ههههههههه جنج مو مصدقه لو ادري جذي بتفرحين جان من زمان وافقت
قامت ربى تركض فوق
وقف بوراشد : ربى
ربى ودموعه تنزل : نعم
بو راشد : لاتخربين على اخوج فرحته وتخلينه يشوفج جذي ومابي اسمع أي اعتراض
راحت ربى غرفتها وظلو ام راشد واروى مستانسين ويخطوطون وجنى معاهم وبو راشد يطالعهم وكاتم الحسرة بقلبة كان ودي ازوجك احسن زواج واكون راضي عنك ومفتخر وانا اخطب لك يا راشد بس الله يسامحك ويغفر لك يايبا

خلال يومين البنات في برشلونه مابين سوق وتمشي وحدهم استانسووو
طبعا فارس وصله انه سجى رجعت الاغراض وقاعد يفكر بحركه قويه يلفت انتباها فيها

فارس يقول لصاحبه الي كان معاه بالحفله
فارس : قتلك مهي سهله وانا اسمها واسم عايلتها مار علي
علي : هم اصلا عايله حيل كبيرة بالكويت
فارس : ماني قادر افكر شلون اقدر اكلمها تظن
علي انطرها واهي طالعه وكملها
فارس لا انا عندي خطه احسن

شنو بتكون خطه فارس وهل سجى راح تلتفت لهااااااااا

وبراك وينه خلال هاليومين وشنو بصير

 

[دموع وشموع]

tslmen 3al part .. 7da eyanen mashalla :*
a7s fares ely ga3d e6al3hum
oo galby na'3zney men reham o rashed , a7s b9er shy :\

الله يسلمج حبيبتي
احساسج صح فارس
والله انا بعد ناغزني قلبي عليهم :eh_s(22):

 

[دموع وشموع]

راشد حدده طيب ، ثانكس على البارت ناطرينج

حده حده طيب

والعفوو حبيبتي شاكره مرورج وردج

 

[دموع وشموع]

اتوقع فارس

ثنكيووووووووو

توقعج بمكانه

 

[Queen-J]

thanks 3al part :*
rashed ksar 5a6ry
oo raba wedy a6gha walla

 

[so_what]

الله يستر لا اهل ريهام ما يوافقون ، ناطرينج حبيتبي

 

[pearlq8]

weeh ya 7asraa

allah ysteer .. bs elii ra7 y9eer ahal rehaam mara7 ywafgon lan lel7ain ma t5rj

thnx 7beeetii na6reen al next part

 

[تاج من الفراولة]

... { يعطيج الف الف ع ـــآآفية حبيبتي القصة وآآيد وأأيد حلوة وتستــآهل اني أقرآهــآ ..}

ماقصرتــي تقبلي مروري ..~

 

[miss-_-smart]

كمليي حبيبتي قصتج واااايد حلوة

 

[Queen-J]

WaitinG

 

[دموع وشموع]

الجزء الحادي عشر
مروو اليومين كئيبين على ريهام بسويسرا وعلى راشد بلندن

راشد كان قاعد بستاربكس اكسفور استريت مع خواته وامه وابوه واروى حدها حاسه باخوها من ارجعو من برشلونه واهو لا ياكل ولا يشرب وعايش على القهوه

حتى ابو راشد انكسر خاطره على ولده الوحيد وحاول يكون طبيعي معاه بس راشد فهم انه ابوه ما يبي يحسس امه واخواته واهو ماحاول يكلم ابوه

اروى صارلها فتره ادق على ريهام ماترد عليها دقت على مثايل وقالت لها انه ريهام كلمتها من تلفون بيتهم بسويسرا وانها بالبيت مع الخدم امها ابوها راحو ايطاليا فخذتها فرصه اروى

اروى : يبا ممكن راشد يوديني باريس في جنطه عاجبتني ماكو الماركه الا في باريس
ام راشد: شدعوه عليج كل هالجناط
اروى : ماعليه يما عفيه والله بخاطري
جنى : والله انا ابي اروح يورو دزني بعد
اروى : حجى مو وقتج بنروح انا واشد يوم واحد ونرجع حتى ماراح انام
ابو راشد : وليش مو قتلها خلاص جهزو روحكم يومين بنروح يورو دزني من باجر على خاطر جنى
جنى : هياااااااااااااااااااااااااااا
اروى : حلو تمام
راشد : خلاص عيل مدام الوالد معاكم انا مالي داعي
ابو راشد : شلون مالك داعي انت الخير والبركه انت ذراعي اليمين
راشد قام يطالع ابوه وعيونه حمر ومتروسه دموع وقام سيده لم ابوه وابوه يطقه على ظهره ويقوله باذونه لا تبجي وانا ابوك لا تبجي انت ظهري سندي مابيك ضعيف
راشد يبوس ايد ابوه : الله يخليك لي ولا يحرمني منك يبا الله لا يحرمني منك
ام راشد والبنات مصدومين ابوراشد من يوم راشد بالروضه وهذا كلامه حقه ششنو الي تغير واثر براشد
اروى : رشود عفيه تي معاي لي سيلفرج بس
راشد : يالله قومي عن اذنك يبا تامر بشي
بو راشد : ماييمر عليك عدو ولا ظالم احنا بنمشي سيارتك معاك تعالو لي خلصتوو
راشد يبوس راس ابوه : تامر

وراحو اروى وراشد يتمشون

ام راشد : شفيه راشد
بو راشد : ماكو بس انا شديت عليه على سالفه ريهام وبيني وبينج كسر خاطري وخلاص بعد يبها الله يبارك لهم
ربي : جان زين ماوافقت
ام راشد : انت شفيج غير عنا كلنا كلنا نحب ريهام وطايرين فيها الا انت ليش
ربى : قليلة ادب شكلها ولبسها وتصرفاتها ما تعجبني غصب
بوراشد : صرخ على ربى ربىىىىىىىى ما ابي اسمع هالكلام منج مرة ثانية سامعه واذا عندج شي زين عن ريهام قوليه ما عندج مابي اسمع حسج
ربى : من الحين بتفضلها انت بعد علينا
بو راشد : ماحد احسن من احد كلكم عندي سوا
ربى : لا مو سوا احنا بناتك وراشد اخونا اهي لا
خزها بوراشد خزه سكتتها وقامت تنزل دموعها من غير صوت وقامو كلهم وردو البيت


اروى: انت شفيك ما فهمتني لما قلت بروح باريس
راشد : شنو افهم
اروى: عن العيارة انا ادري ريهام صارلها يومين مصكره جهازها وانا دقيت على مثايل وقالت لي انها بسويسرا بروحها امها وابوها راحو ايطاليا فقلت نروح باريس ومنها على جنيف بيت اهل ريهام
راشد : لم اخته من جتفها حيل الله لا يحرمني منج اروى بس ماله داعي اصلا ما ادل بيتهم
اطلع اروى ورقه من مخباتها وفي العنوان : كاهووو مثايل عطتني ياه

يضحك عليها راشد ويبوس راسها : تبين شي من سيلفرجز ولا خطه بعد
اروى : لا بتمشى بشوف
راشد : يالله سماح اليوم
اروى : أي دير بالك العنوان للحين عندي


عند البنات
مثايل : تصدقون مليت ولهت على تمارا
نوار : متاكد تمارا
مثايل : يا ملقج
سجى : والله بعد ولهت على ابوي شرايكم نرجع ماباقي شي اصلا على سفرتنا نقدمها
مثايل : نطرو بكلم شركه الطيران وبشوف
قامت ودقت على الاتسقبال خذت رقمهم وقالولها ممكن باجر باليل يكون في طيارة البنات تحمسوو وحجزو على اساس باجر يرجعون

براك من اول ما سافر مادز حق مثايل ولا مسج ومثايل صج تضايقت شفيه ؟؟؟
فقامت ودزت له مسج
((انا باجر باليل طيارتي برجع الكويت ))
على طول دق عليها براك
براك : حمدالله على السلامه زين ذكرتين
مثايل مستغربه اسلوبه واهو كان جد معصب
براك : انا مو موصيج ادقين الفندق ماقالوج اني داق وسال عنج
مثايل : لا والله ماقالو بس شفيك
براك : تلفوني ضاع وانا بالمطار وعلى ماوصلت الكويت وطلعت جب يديد توقعتج ادقين الحين 3 ايام شدعوه مثايل ما استغربتي اني مادقيت
مثايل : والله استغربت بس ما توقعت
براك : أي استغربتي بس قلتي بنطر مرده بيدق مثايل انا لما اهتم باحد اتوقع منه اهتمام متبادل ما احب احس اني قاط روحي على احد
مثايل : براك اسمعني
براك : مابي اسمع شي فكري بكلامي وشوفي اذا تقدرين تبادليني الاهتمام يالله ما اعطلج باي

مثايل اطالع التلفون مصدمه شدعوه شصار يعيني
(( انا اسفه بس ماكنت ادري شنو وضعك ونطرت اقرب فرصه ودزيتلك ))

براك مسج
(( وفكرتي اذا مستعده تبادليني الاهتام ولا ثقيله عليج ))

مثايل
قعدت بينها وبين نفسها تفكر وتفكر ودقت تلفون على ريهام

مثايل : حبيبتي ريهام محتاجتج
ريهام : هلا مثايل شفيج شنو صاير فيكم شي
مثايل : لا بس براك وقالت لها الي صار
ريهام : وانت شنو حاسه
مثايل : انا حاسه انه ودي بس صج ثقيله علي ما اقدر اقولها احس انها التزام علي صج
ريهام : زين وانتي ليش ماتبين الاتزام
مثايل : مادري ريهام ما جربت من قبل وخايفه
ريهام : حبيبتي سوي الي تحسينه وتبني رايي عطيه فرصه
مثايل : امممممممممم
ريهام : شنو
مثايل : انا بعد ودي اعطيه
ريهام :هههههههههههههههههههههههههههههههههه عيارة
مثايل : ههههههههههههه خلاص اخليج حبيبتي اقول احنا باجر بنرجع الكويت اذا ودج تردين
ريهام : لا شيردني الحين بقعد
مثايل : شوفي انا بروح الكويت يومين واييج شرايج
ريهام : والله تسوين فيني خير
مثايل : خلاص عييل تمام
ريهام : يالله سي يوووو
مثايل : باي


خلال المكالمه وصل مسج حق مثايل
(( خلاص انا فهمت وانا اسف على ازعاجج ))


مثايل
(( براك براك براك انا مستعددددددددددددددددددددددددددددددددددددددددددددددددده ))

دق عليها براك
براك : الوو
مثايل : هلا
براك : مستعده
مثايل استحت : توني قتلك بالمسج
براك : مثايل ابي منج عد حق العمر كله
مثايل : وعد ؟؟؟؟
براك : وعد انج تكونين معاي طول العمر وانا واعدج ما خليج تندمين
مثايل حست كلامه طالع من قلبه ود قلبها على طول : اوعدك براك
براك : صدقيني ماراح تندمين
مثايل : متاكده
براك : اليوم الي طافو حسيت اني بموت فاقدج حيل لخبطتي كياني يا اميرة
مثايل متسحيه ماترد
براك : وانت ما فقدتيني
مثايل : بلا
براك : بس يكفيني اخليج اميرتي وباجر اشوفج ان شاء الله
مثايل : شلون انت كابتن رحلتنا
براك : لا بس بيكون عندي رحله الصبح فبكون موجود بالمطار حزت وصولكم
مثايل : يعني انا ارجع انت تسافر انت ترجع انا اسافر
براك : ليش انت بعد بتسافرين
مثايل : امممممممم
براك : وين
مثايل : اليوم كلمت ريهام بجنيفا وقالت لي امرها اهي عندها بيت اهناك وامها وابوها هناك
براك : مثايل ممكن طلب
مثايل : والله عطيت البنت كلمه
براك : انا ما قلت لاتروحين
مثايل : عيل
براك : ممكن تكلفين على نفسج وتشاوريني قبل لا تقررين حسسيني اني موجود بحياتج
مثايل : كااا انت بتسافر
براك : انا شغلي جذي
مثايل : خلاص اوكي
براك : مابي اوكي جذي ابي اوكي بقتناع من عرفتج ما غصبتج على شي ولا بعمري راح اغصبج
مثايل : اوكي
براك : يالله انا اخليج واشوفج باجر
مثايل : اوكي باي

صكووو التلفون وقعدت مثايل تفكر براك جان ادزله مسج
(( ممكن اروح جنيفا بعد 3 ايام حق ريهام ))

براك طار من الفرحه وحس انها تبي تراضي بس مو عارفه شلون ومستحيه فطق الثقل عليها
(( عندها اخوان ))

مثايل
(( نوووووووووووووووووووووووووووووووو ))

براك
(( اوكي موافق  ))

ثاني يوم الصبح قعدووو البنات مبجر وطلعووو سيده مرو على الرسيبشن وقالوه انه بيسوون جيك اوت الساعه 7 المغرب طلعوو يقضون شغلهم

عقب طلعتهم بشوي وصل فارس الفندق نزل وسال عنهم وقالوه انهم طالعين وبيسوون جك اوت اليوم الساعه 7

صكت فيه الدنيا مايمديه يسوي أي شي

طلع ووقف برى الفندق

ولاحظ شكله بنات واقفين عند واحد من المهرجين الي يسوون حركات وسجى معاهم

راح لهم بسرعه وقف قريب منهم

مو عارف شيقول او شلون يتصرف ما وده يطيح من عينها اكثر

شراء ورده حمرا ومسكها وقام يلحقهم ويلحقهم لما وصلووو مطعم كانو رايحين يتريقون فيه

واهما يطلبون ياهم الجرسون وعطا سجى الورد وقاله انه واحد عطاه وقاله عطاها عقب ما امشي

استغربو البنات الحركه

سجى : صدقوني فارسووووو محد غيره
البنات : ههههههههههههههههههههههههههههههههههه
نوار : وقمنا ندلعه بعد ضلت مده ماسكه الورده وبعدين ردتها حق الجرسون وعطته وقالته اذا يه قوله اهو ايبها بنفسه اوكي
فارس كان واقف بمكان يشوفهم وما يشوفونه ولما ردت الورده اشر حق الجرسون وراح له واهو قاعد يكلمه

لو سمحت
كانت سجى
فارس استحى وسكت بس يطالعها
سجى : بلا حركات مراهقين وافلام انساني يا ولد الناس وشيلني من راسك لو تيبلي مزرعه ورد انا كرهتك وطحت من عيني ومستحيل اغير نظرتي فيك

فارس مصدوم ويطالعها مو مصدق الموقف الي انحط فيه فارس الي البنات يطيحون تحت ريله ترد عليه وحده جذي

والصج انه مو بس فارس مصدوم النبات كلهم مصدومين من الجراه الي نزلت على سجى
مثايل : سجى حبيبتي تبين نغير المكان نرجع الفندق ؟؟؟؟
سجى : اطالعهم بنظره عاديه لا ليش
نوار : ماتبين تتكلمين بالموضوع
سجى : أي موضوع واحد ضايقني وقفته عند حده خلاص واي مابي اتكلم ناكل ونخلص شغلنا ونروح المطار

وفعلا هذا الي صار كلووو وراحو مووول يتمشون


راشد واهل وصلووو يورو دزني حطووو اغراضهم بالفندق
راشد : اروى ماتبين الجنطه
اروى اطفر اخوها: زين تونا واصلين بلعب اول وبعدين
راشد: حلفي اروى
اروى : ههههههههههههههههههههههههههههههههه
راشد : يالله جدامي قوليلهم
وفعلا قالولهم وطلعوووو



البنات يتمشون بالمول وفارس من بعيد مايدري شنو يسوي

وراشد واروى رايح جنيفا نطروني :ch12: