قصة فاطمه fa6ma story

[Ms.romanceya]

اب اب اب
كملي رؤؤعةة ​

 

[رشا الهواء]

شكرن

 

[q8_girl200]

part6
مرت الأيام وصاريوم عيد ميلاد فاطمه أول ما صارت الساعه 11:59 وصلها مسج طويل ما مداها تفتحه على طول رن تلفونها .. انصدمت .. كان عبدالله الي داق عليها .. على طول دشت دارها وصكت الباب ..
وردت عليه .. كلمها وهناها بعيد ميلادها وسكره بسرعه عشان يخليها تاخذ راحتها مع اهلها .. اول ما سكره فاطمه قرت المسج : كل عام وأنتي بخير يا أم حمود .. العمر كله انشالله واتمنى انج تكونين معاي طول العمر .. لأنج صج دشيتي قلبي .. أنتي ماتدرين شكثر أعزج وأغليج .. عقبال المليون سنه يالغاليه .. أحبج
أول ما قرت المسج .. نصدمت .. وحست بخوف ومسوؤليه كبيره .. دقت على مريم
فاطمه : مريووووم أكو واحد صارله سبوع يعرف وحده .. يحبها بهالسرعه و يقولها احبج !! وتقولين شكله غير عن الشباب و مايقص عليج ها !
مريم : واااي فطووم بدل لا تستانسين انه الله عطاج واحد مزيون ويحبج لا والمشكله نوعه مو مغازلجي شفتيه بعينج شلون ثقيل مايعطي اي بنت ويه
فاطمه : مريوم انتي مو فاهمه انا شعرفني اهوا يبيني صج ولالا لو صاج جان خلاص كلمني مره ومرتين يقولي بخطبج رسمي .. علاقه رسميه مو لعب وحب ومكالمات الله مايرضى فيها
مريم : اقوووول لا تصيرين دينه على راسي صبري وشوفي الوقت شنو خاشلج انا لو مابي مصلحتج جان قتلج خليه يطير من ايدج عادي
فاطمه سكرته .. وكانت مضايقه ماتدري شنو الصح الي تسويه .. دزت مسج حق مريم
( أنا حدي حدي أكلمه مسجات اذا قال بدق ماني راده غير جذي ماكو ماقدر اتعود عالغلط ويمكن احبه واتعلق فيه واخر شي يطلع مو كفو ومو صاج .. حسي فيني )
ّ سأكون لمن يستحقني فقط !

 

[q8_girl200]

Part7
مريم قرت المسج وقررت انها توقف مع اختها الي مايابتها أمها .. حست أنه فطوم مستحيل تتخلى عن مبادئها وتربيتها .. وبنفس الوقت تبيلها الخير دقت عليها
فاطمه : هلاا بالحب
مريم : هلا فيج فطمووو بقولج شي
فاطمه : قوولي غردي اشكره بتحاجيني عنه صح ؟
مريم : اييي فطووم .. فاطمه قاطعتها : مريوم المسج واضح مستحيل اكلمه فون مره ثانيه
مريم : زين عندي حل .. خليني انا اكلمه فون وانتي مسجات ونشوف شنو نظامه .. وأي شي يصير رح اقولج عنه
فاطمه : امبيييييييييه مو من صجج ليش مصره يعني شدعوه
مريم : يالغبيه نفذي الي اقولج عنه وبس يمكن هالشخص من نصيبج انتي ماتبين تتعبين على شي كلش ؟؟ يننتيني ترا
فاطمه : والله عاد نصيبي اييني وانا بيت ابوي مو لازم حب وخرابيط ..
بعد مكالمه طويييله وعلى ما مريم قنعت فاطمه صار الي تفقوا عليه .. مرت ايام وكان عبدالله يكلم مريم على أنها (فاطمه) وكل مره كانت مريم تشبك الخط وفاطمه كانت تسمع كلشي .. طبعا هالشي فاطمه كانت وايد خايفه منه وماتدري شنو اخرته
بس اليديد الي صار .. أنه فاطمه بدت تنجذب حق هالشخص وحست انه ممكن تتعلق فيه بس كانت تكابر وماتبي تعطي مجال حق قلبها أنه يحب هالشخص .. خافت من الحب وعذابه وقررت قرار .. بس قبل لا نعرف شنو قرارها .. أكيد سألتو نفسكم .. شنو سر فاطمه وصدها حق هالشاب شدعوه ماتعطي مجال كلش انها تحبه ..
لأنه فاطمه قبل لا تشوف عبدالله كانت مخطوبه حق شخص حجزها سنه كامله على مايخلص دراسته .. ولمن تخرج كسر فيها أهوا وأهله وغير رايه .. وغير جذي كانت تسمع سوالف الشباب من رفيجاتها .. فكانت تشوف أنه الصح البنت تنطر زوج المستقبل واهيا بيت اهلها من غير هالسوالف .. لأنه ما ينعرف تاليها ممكن تنجح العلاقه .. ممكن تفشل ويقص عليها .. فاطمه وايد نجرحت قبل وماتبي تنجرح وتنكسر مره ثانيه .. عشان جذي كان قرارها ..؟؟؟؟؟؟؟؟؟؟ البارت الياي نعرفه شنو J
** خايف أنجرح ثاني وأصير أبكم .. مافيني حيل للجرح والله يعلم **

 

[q8_girl200]

عشان تندمجون مع القصه يبت لكم صوره مشابهه حق ملامح فاطمه و بدون مبالغه يمكن ما تصدقون هالصوره حيل فيها من فاطمه بس حلجها شوي أصغر

وانشالله اذا لقيت شبيه عبدالله أحطه لكم لووول
اذا حابين أكمل تفاعل ماعليكم أمر وشكرا :*

 

[اسيرةالهموم]

كمليييييييييييييييييييييييييييييي بليييييييييييييييييييييز

 

[قلبي سلمته لك]

كملي روعه القصه
بس بغيت اسال
فاطمة جم عمرها. . والشاب اللي شافته مع خالها هو عبدالله

وبسسسس
اب اب اب
كملي احنا مععاج

 

[q8_girl200]

part8
بعد ما زاد أهتمام عبدالله بفاطمه .. كان كل وقت يسأل عنها .. شتسوين .. وينج .. ولهت عليج .. أحبج .. دير بالج على نفسج .. لاتطلعين بروحج .. مرات حتى واهوا نايم مايبي مريم تسكر الخط .. تسمع أنفاسه واهوا نايم .. شخيره .. صوت امه لما تقعده حق الدوام .. حتى واهوا قاعد مع أمه يخلي مريم عالخط عشان لا تشك .. بكل وقت كان معاها بكل لحظه .. كان يحب انه يتشاركون بكل شي(طبعا عبدالله حسباله انه الي يكلمها فاطمه لأنه سبق وقتلكم انهم يتشابهون بكل شي حتى الأصوات فماكان في فرق بينهم كلش )
وبعد ما مر شهرين على علاقتهم قرار فاطمه
كان أنها تقطع فجأه وماتسأل كلش وتشوفه اذا صج يبيها يسأل ويحس على دمه ويتقدم لها .. فاطمه ما كانت مستعيله عالزواج .. بالعكس بعد خطوبتها القديمه .. كرست كل حياتها حق الشغل والدراسه ومستقبلها .. بس لأنها مجبوره تتأكد أنه الشخص الي درعم بحياتها فجأه يحبها وشاريها صج ولا حجي فاضي .. هالشي كان يضايق عبدالله .. كان وايد يفقدها .. ويشره عليها ليش ما تسأل .. كانت تعطي اعذار شكثر .. ويا الوقت الي صار حتى أهوا ما يسأل عقب ما سامح وطوف مره ومرتين وعشر .. كان يضايق لما يشوف فاطمه موجوده بالبي بي ام وتغير الصوره وتدز بيسيات وما تسأل عنه بس الشي الي ما كنا متوقعينه .. شعور فاطمه تجاه عبدالله ؟؟؟؟
** الله عليك شلون فيني تكونت ؟؟
** سوت فيني شي ما كان فيني !!
akaml ? ;p

 

[قلبي سلمته لك]

اب اب


اي كمممممملي بليييييييز

 

[q8_girl200]

part9
كانت تشتاقله .. تشتاق حق غشمرته معاها .. سوالفه .. صوته .. قامت تفتح المحادثات القديمه بينهم
عبدالله : a7bch
فاطمه : ast7ii :$
عبدالله : fdeet eli yst7on bs 3ad le mtaa
فاطمه : loool madryy ;p
محادثه ثانيه
عبدالله : Sarontii
فاطمه : hlw
عبدالله : Ybati wench ma ts2len 3ni mshtaaag L
فاطمه : sorry lhet shway alyum
كانت ماتعطي مجال يعبر عن شعوره .. كله تقوله أستحي .. أستحي بس من داخلها مستانسه عليه وعلى اسلوبه المميز ولما مريم تشبكها وهيا تكلم عبدالله فاطمه تذووب لما تسمع صوته بس تكابر..
عبدالله كان حتى وأهوا يعاتبها يوصلها زعله بدون لايزف أو يسب نفس شباب هالوقت يعني أنا الريال كان وايد يحرص انها ماتزعل ..
** أقول لـ قلبي خلك قوي ولا تحبه .. يرد القلب شلون ماحبه وكل الصفات الزينه فيه **
بيوم من الأيام الي كانوا فيها فاطمه وعبدالله بعاد عن بعض .. عبدالله دز برودكاست انه بيروح دبي وخدمة البي بي راح تطفى
فاطمه دزتله : tro7 w trj3 bslama
عبدالله : alla ysalmch
بدى يصير اسلوبهم رسمي ويا بعض عقب ما كان يحاول فيها واااااايد .. كل ماتصد يدزلها مسج طويل يقولها انه يحبها ويحاول فيها وترجع حق عادتها نفسها وما تسأل والقصد من كل الي قاعده تسويه تبيه يحس أنها مو مال هالسوالف تبيني تعال طق الباب .. على فكره .. عبدالله بهالفتره ولا مره قالها دزيلي صورتج ولا بطلع معاج كان وايد يحترمها حيييل .. سافر ورجع واهما على حالهم ماتغير شي .. محادثات بارده .. ماكو مكالمات نفس قبل .. ما قام يعاتبها ويقولها وينج ليش ما تسألين
** ماتزاعلنا .. بس مانحاكي بعض .. وما افترقنا . بس تغيرنا كثيير!! **

هاااااا تبون بارت ؟

 

[اسيرةالهموم]

بليييييييييييييييييييييييييييييييييييييييييييييييز كمليييييييييييييي

 

[q8_girl200]

part10

بيوم من الأيام فاطمه كانت حاطه صورة بنيه ولامها حبيبها الصوره مو منتشره وايد يعني لو أحد يقولج صورتي تصدقين على طول
;*
فجأه دش عليها عبدالله : shal pic hathi ?
فاطمه نصدمت ماتعودت يكلمها جذي بنفسيه : shfeha?
عبدالله : so2al mn wen yaybt.ha!
فاطمه : w7da 3ndi bl bbm 7a6t.ha
عبدالله : ahm shay plz ms7eha hathi 9orti ana w 7bebti!!
فاطمه غبيه بسرعه صدقت ودزتله : aha ok sorry
حست انها غارت صج ولا شعوريا بينتله انها غارت
عبدالله : kaaaak ag9 tra at`3ashmr
فاطمه ماعطته ويه : looool ok
فجأه يا اليوم الي فاطمه كانت تلعب بالبي بي ولا تشوف لستتها .. ناقصه !! .. في شخص مو موجود ؟؟ .. عبدالله J؟؟ !! مسحها
فاطمه نصدمت حدها وعصبت وبقلبها : قلت حق مريوم كلهم نفس الشي لما شافني ماعطيته ويه ولا عطيته الي يبيه قطع عني ومسحني مالت بس مالت اشوه انه بين على حقيقته من الحين قبل لا اموت فيه واحبه زياده .. وخذت لها فتره حييل متضايقه وتراقبه بالواتسب يدش ويطلع ولا يسلم عليها ..
**أراقبك من بعيد .. لكني أخشى الأقتراب أكثر**

 

[q8_girl200]

part11
عقب شهر من هالحال مارست فاطمه حياتها طبيعيه وشالته من طريجها حتى رقمه مسحته عشان لا تراقبه وتنساه .. بس كانت تشتاقله حيل وتفقده .. مكانه حيل بين .. بيوم من الأيام وصل برودكاست حق فاطمه .. رقم غريب .. إعلان مسرحيه يديده .. فاطمه ستغربت على طول دزت : منو ؟ .. الرقم : عبدالله الفلاني
فاطمه نصدمت : بعدددد بكل قوات عين يرد برسميه ولا جنه صاير شي قرت وماردت ومسحت البرودكاست والرقم بكبره
مرت الأيام وصار سنه على معرفتهم ويا العيد سنة 2012 وبلش موسم المسرحيات .. وفاطمه والبنات كالعاده حجزو .. ببيت مريم ساعه 3 العصر
مريم : فطوومتييي .. زيون داقه علي تقولي الساعه 4 انا عندكم اذا طولنا رح تمشي عنا
فاطمه : اهم شييي مو زين تروح تذاكرنا عالفاضي منو بيودينا بعديين قومي قومي خل نزهب من الحين
مريم : هههههههه حده خبرج احنا سنه على مانخلص
قاموا يلبسون البنات وزقرتو عمرهم وطبعا كل وحده أجمل من الثانيه .. شكلهم حيل ناعم جمال لا يوصف تبارك الرحمن .. بس بهالوقت فاطمه كانت أجمل من مريم .. ركبو السياره وراحو المسرحيه وبنص العرض مريم تساسر فاطمه عشان زينه لا تسمع
مريم : فطموووو طلبتج
فاطمه كانت مندمجه ويا العرض : شتبييين
مريم : خنمر مسرحية عبود ترا يم مسرحيتنا مو بعيده .. يمكن يشوفج ويحن حق ايام اول وتردون نفس قبل
فاطمه : نعم نعم نعم .. خير أختي ما سمعت شنو قلتي؟؟ وين بتروحين .. فاطمه حدها شتطت وصوتها بلش يصير عالي
زينه : هيييي الوووو انشالله مو الكل يسمع صوتج شوي شوي يا ماما
فاطمه ومريم فصلو ضحك على نفسهم .. ومريم كالعاده اثرت على فاطمه ورضت تروح .. بس الي كانت خايفه منه فاطمه انه مايعطيها ويه ولا يلقيلها بال .. لأنه اهيا بدت بالتغيير وخربت العلاقه .. خلصت المسرحيه واتفقو البنات انه زيون تنطرهم بسياره واهما ينزلون .. وقالو حق زينه انه بيودون حمود لصغير ولد اخت مريم يصور ويا الممثلين
** بشوفك من بعد غيبه ويهزني الشوق وياخذني **

 

[اسيرةالهموم]

كمليييييييييييييييييييييييييييييييييييييييي تكفين تحمست واااااااااااااااااااااااااايد

 

[أحلى بطة]

واااااااو تجنن القصه حدها


كملي بلييييز
​

 

[اسيرةالهموم]

كملييييييييييييييييييييييييييييي ^_*

 

[q8_girl200]

انشالله راح اكمل اذا شفت تفاعل :*

 

[Ms.romanceya]

آآآآآب آآآآب آآآآب
كملي رؤؤؤعةة​

 

[q8_girl200]

part12
نزلت مريم ويا فاطمه وياهم محمد عمره 4 سنين وتفقوا انه يروحون حق عبدالله ويقولوله انه محمد بيصور ويشوفون شنو ردة فعله لما يشوف فاطمه .. فاطمه تكلم مريم : الحييين شلون بحصله وانا لابسه هالكعب ريلي قامت تعورني من المشيي L
مريم واهيا تضحك : كااااااااااااك ويت ويت انا اضبطج الحين نلاقيه نلاقيه مالي شغل
مريم راحت حق واحد يشتغل هناك : عفوا اخوي عبدالله الفلاني وين احصله ابيه ضروري
الريال : تلقينه عند شباك التذاكر
مريم شوي وتبجي من الصدمه لأنه الشباك حيل بعيد وثنينهم لابسين كعب تعبو من المشي : اوك شكرا
مريم : وااااااااي فطوووووم شفتي الي سألته عن عبود ؟
فاطمه مالها خلق من التعب : شفييييه
مريم : جمييييييييل اهوا والقفل ماله عذاب
فاطمه : جب مريوم كمليي طريجج لا كف مااااااالت على الي تسمع كلامج تعبت يا شقووول
مريم : هههههههه هانت مو بس انتي تعبتي الحين تشوفين الحب المزيون مالج وتنسين التعب
وصلوا .. وقبل لا يقربون فاطمه وقفت عدل وعدلت شكلها .. كانت حيل قمر وقمة بالجمال .. كانت خايفه من ردت فعله انه يدقرها ومايعطيها ويه .. قربت من طابور كان جدامها 5 بنات يبون يحجزون .. عبدالله كان لاهي ما شافها كان منزل عينه ويخلص شغله بدون لا يحط عينه بعين اي بنيه
مريم : وااااااااااي واااااااي قمر قمر صاير شوفي يالخبله شوفي اكو احد يطوف هالثقل والزين كله حظي عليج
فاطمه حست قلبها قام يطق بسرعه وشعور غريب
ودها يرجعلها .. حست انها مشتاقه حق ايامه : مريووم جب ولله خايفه أندقر الحين سكتي عني
.. كانت حيل متوتره ومريم كانت يانه على عبدالله
** شفتك بعد غيبه وحاولت أحاكيك **
** يلي شريت البعد ماغاب طاريك **
** حتى لو أنه البعد سوى سواته **

 

[q8_girl200]

Part13
الطابور مال الحجز بلش يخف كان في بس بنتين جدام فاطمه .. عبدالله رفع راسه ورد مره ثانيه شافها بس ماستوعب .. رد مره حط عينه بعينها
أبتسم .. جان يمسك القلم ويكمل حجز تذاكر البنات
بكل هدوء .. فاطمه ويهها صار احمررررررر وشكلها كان اينن وهيا مستحيه .. مريم : وااااااااي فطموووو والله لو واحد غيره ما يعطيج ويه اشكره يحبج
فاطمه بصوت واطي : مريم .. مريم : هاااااا
فاطمه : جب J .. مريم : هههههه هانا اعلمج بس تخلصين قاعده وتجعمين فيني
فاطمه تضحك بصوت واطي : محد قالت توتريني صار دور فاطمه .. قربت شوي شوي واهيا متوتره وحاكرتها الضحكه خدودها حمررره وعيونها تلمع لونها رمادي وجمالها مو صج ماشالله .. عبدالله رد ورا شوي وتسند عالكرسي وابتسم لها .. تم يطالعها مده ..عيونه كانت كلها عتب وشوق : هلا ساره J( لا تنسون انه اهيا مو معلمته على اسمها الصجي ولا عمرها الصجي بحجة انه ما كانت واثقه فيه ولا زالت شاكه بحبه لها )
** قريت الشوق فـ عيونكـ .. وفي ونة تراتيلكـ **

فاطمه : هلا فيك .. بنت خالي معاها ياهل يبي يصور ويا الممثلين بس مو حاجزين ييت اسأل يصير يصور ولالا ؟
عبدالله كان يطالع عيونها : أكيد عادي شلون مو عادي J بس نطريني اخلص شغلي واوديكم
فاطمه ستحت وراحت .. عبدالله كان يسلم الناس تذاكرهم ويطالع فاطمه .. طول المده .. فجأه سكر شباك التذاكر معنا كان في ناس تبي تحجز .. وطلع من الكوشك مال الحجز .. طالع فاطمه جان يقولها وينه ؟ مريم : حموود يالله تعال راح نوديك تصوور .. عبدالله مسك محمد من ايده وكان فيه طابوور شطووله .. كله جمهور ناطرين دور حق التصوير
وخرهم عبدالله وخله فاطمه ومريم يطوفون .. دخلهم جان يكلم واحد من الي يشتغلون هناك : بو حسين حبيبي الأهل دير بالك عليهم وشوف مع منو بيصورون .. وطالع فاطمه بنظره خلاها تذوب صج بالذات انها ماتقاوم عيونه : تبين شي ؟ .. فاطمه وهيا مستحيه : مشكور .. راح عبدالله ومريم وفاطمه خلو محمد يصور مع الي يبيه وبلاش طبعا كانو حاله خاصه .. وطلعو .. واهما كانو طالعين شافو عبدالله كان شكله حيل مشغول يمشي بسرعه .. اول ما شافهم وقف ناداهم بصوت شوي عالي : تبوون شيي ؟ فاطمه تأشرله لأ مشكور لأنه كان بعيد شوي .. عبدالله : أكيد ؟؟
فاطمه بتسمت وهزت راسها J
** هقيتك ما تعبّرني ولا تكشف تفاصيلك
ولكنّ الهوى جبّار وطيبه عطّر أقوالك **

حبايبي أكمل ؟