قصة حماتي وخشها للحمل

[sunshine22]

واذا حامل


ماتبي تعلم كيفهااااااااااااااا


انتي ليش مسويتها قصه


مره ثانيه لي حملتي لا تعلمينهاااا


يمكن عشان ولدها الثاني مات

خافت المره

التمسي العذر لها

جزاج الله خير

المؤمن يتغاضي عن اخاه المؤمن 70 مره
تغاضي وانا اختج
والا كل من ما عجبج سلوكه سويتي سالفه بتموتين بدري

 

[ELFAD3Ah]

عادي حبيبتي لا تستغربين مريت بموقفج
كل الي عبيح المره اليايه اذا الله رزفج لا تعلمين
الله يهديهم لج

 

[ELFAD3Ah]

عادي حبيبتي لا تستغربين مريت بموقفج
كل الي عليج المره اليايه اذا الله رزقج لا تعلمين
الله يهديهم لج

 

[ابدا يالغالي مانساك]

بصرااااحه ماااالومهاااا من 9 سنواات مااجابت ومن حملت ماات الجنين

حبيبتي اناااصررت من يخش حمااااااله ان شالله
عقب موقف صارلي
وعقب ماااحملت وبفتررة اسبوووع ااجهضته من نشرت خبر حمااالي

الضناا غالي ​

 

[ryoonah]

هههه سوالف هيلق طنشي

 

[om_3azoz]

حبيبتي عادي لان بروحج تقولين عندها ولد عمره 9 سنين والثاني توفى عمره 8شهور يعني اكيد بتخش لان خايفه هذا الشي عادي


انا حملتي اللي طافت خشيت بس ابوي واختي وخالتي وعمي يدرون وريلي قال حق امه لاتقولين حق احد لين اتم الشهر 3 لان قبلها كنت مطيحه ومن اول ماحللت الكل درى فعشان جذي

بس موحلو اني ماتكلم لين بطني يطلع فشله

 

[غرومه غنوجه]

شنو مأجله الحسد الي ماتبي تقول لحد ياحظي على هل تفكير الرجعي
بعدين ليش وايد مهتمه لها الي مايحسبني راس مال مااحسبه فايده وسوري على هل كلمه بالطقاق
ماراح ينقص من احد شي ان درا او يزيد الناس كلها تولد وتحمل
بالنسبه لي من دريت اني حامل حتن عدوي قلت له والله لا اييب الاعداء
ويوم دريت اني حامل ببنيه نشرت الخبر من الكبير لي اصغر ياهل بالعايله قلت لهم
الي بيدري ويتمنالي الخير نعمه من الله
والي بيدري وبيحسد الحسد راجع له والعياذ بالله
الله موجود وهل سوالف ماخوذ خيرها
حبيبتي مو سامعه بطنش عش تنتعش طبقي هل مثل

 

[منيرره]

عادي ليس متضايقه لو ان انتي ما عندج عيال جان قلت يمكن خايفه من الحسد بس انتي الحمد لله الله أكرمج بهالنعمه ومن كلامج ولدها عمره 9 سنوات وعندها واحد متوفي يمكن ما تبي أحد يعرف يمكن تعبت على ما حملت يمكن علاج وعانت على ما صار هالشي وعلى راحتها الله يسهل عليها ويشفع لها باللي توفى ويرزق الكل الحمل والولاده والعيال هذا عطى الرحمن مقسم ومحسوب عند رب العباد الله يرزق وكل شخص حر يعلم أو ما يعلم ...

 

[أكذب عليك]

دايماا لما اسمع عن الحمال حق وحده تكون بالخامس او السادس
عادي صراحه بالعكس افرحلهم اما ليش ماقالولي من البدايه صراحه مو اكبر همي
الله يسهل عليهم ويرزقهم الذريه الصالحه

وانا لما حملت عادي قلت للعموم من الشهر الثاني والثالث ولما عرفت جنس البيبي
عااادي الكل عرف

انا ماعندي مشكله بس يمكن الحريم يتحسسون او يخافون اووو مايبون يعلمون
بس احلى شي لما يخبون حملهم انه من تدرين انها حامل شهر شهرين اهي والده هههههههههههههههه
مو انا معلمتهم من الشهر الثاني يسالوني الف مرا بالشهر مادخلتي شهرج


,حبيبتي انتي بتعلمين عن حمالج هذا شي يخصج واهم مايعلمو فهذا هم شي يخصهم
والله ماحب اسال وحده حامل ولالا كبر بطنهااا ولا صغر كيفهم لا احرجهم ولا احرج نفسي بردهم

 

[سوزي الشرقية]

اني يقهروني الي يخشو خبر حملهم عن الناس على بالهم بنحسدهم مثــلاـوالي تخش وش بتجيب.............مرت حميي لمن حملت ماقالت وش بتجيب بالاحرى كل اهل زوجي يدرو شنو بتجيب اليهم وكنت اسمعهم يقولون بنتش وكذا يلمحو اني ماسألتها مالي شغل فيها تجيب الي تجيبهــ...حماتي حملت وتوفى في بطنها ولاقالت الينا شنو كان جنسه الجنين...حماتي الثانية مادرينا انها حامل الا يوم ترقدت في المستشفى من الوحام وفي الشهر الرابع بعد ولاقالت شنوفيها....
اممم اني يوم حملت لالاكل الشرقية دريت بالخبرولمن عرفت جنس الجنين قلت اليهمــ

 

[انت مناي]

كل انسااااااااااان حر بتصرفاته كيفهااا شعليج منها

 

[اينااس]

كنت حامل من سنتين وكنت اكلم مرت حماى يو مين يمكن باليوم 3 او 4 مرات

سمعت بعدين من اهل زوجى انه حامل لا وبعد في نفس االشهر معااى
ولا قالت لى وانا او ل مااخذتالسونار وعرفت انه بنت دقيت عليه
وقلت له انا فينى بنت خشيت عن الكل الى اهيه
حتى عن زوجى والله انصدمت مرره يوم ادرى في الشهر 8 انه حامل معاى

 

[انسام الكويت]

انزين ليش متحسسه من الموضوع كيفها ماتبي تعلم شي راجع لها محد مجبور يمشي ويطشر الخبر لفلانه وغيرها واتيي وتقول

انا حامل وفيني كذا وسويت كذا لحد يشره ويقول انا علمت وقلت والكل درا وماخشيت عن احد طيب انتي علمتي من نفسج وقلتي للكل

واذا هي ما علمت وخشت تشرهون بعد اهي ماجبرتج اتعلمين انج حامل وغيره فلا لحد يشره. بهالسوالف هاذي فلانه حملت وماعلمتني وانا

قلت لها وعلمتها دام عرفتي انها حامل خلاص هاذا انتي عرفتي وطاااف شله احسب حسباها سواء كانت حماتي ولا مرت حماي مادري احس

هالمواضيع اخر همي انه اعرف حماتي حملت او مرت حماي حملت وخشوا عني كيفهم لا اشره ولا اتحسس كل واحد حر بيعلم بنقوله مبروك مابتعلم

معذور وكيفها ومالي خص مو اكبر همي افكر واشغل مخي بهالشي



*

 

[انسام الكويت]

استعينوا على إنجاح الحوائج بالكتمان ؛ فإن كل ذي نعمة محسود
الراوي: معاذ بن جبل و عمر بن الخطاب و ابن عباس و علي بن أبي طالب - خلاصة الدرجة: صحيح - المحدث: الألباني - المصدر: صحيح الجامع - الصفحة أو الرقم: 943


ماني شايفه شي يزعل بالموضوع ..
بنت الحلال الخبر خاص فيها ..بتقول مهي قايله شي يرجع لها
ماتدرين شنو نفسيتها او ليش خشت
ومو ذنبها ان لي حملتي تقولين لها ..محد غصبج على هالشي


عن نفسي كنت اقول من يوم اللي احلل اني حامل واقول شحقه الناس يخشون الله الحافظ
لين مرت حماي شهقت بويهي وقامت تصرخ تقول بتييبين ولد قبلي ؟؟بتييبين ولي العهد قبلي ؟؟
وبيومها نزفت وطاح
وعقبها حملت بولد وبالخامس وقف نبضه بدون سبب
ولي اليوم الدكاترة مو لاقين سبب للاجهاض .. حلفت عقبها اوصل التاسع ولا اعلم واللي بيزعل خل يزعل

واااي عورتي قلبي شهالناس ياربي والله اللي تخش حمالها ماتنلام عيون الاودام ماتخلي احد

براحه طيب حبوبه اخذي فضلتها وشربيها اتوقع سبب هالشي من عيونها اعوذوا بالله والله يرزقج ان شاء الله

بالحمل السليم ويقر عينج بشوفة الضنا

 

[أإلع ـشق دلع ـهـأإ]

مدري لييش متضآيقين !!!

مو لآزم الوحده إذآ حملت علمت !!

لييش تعلم آصلآ ؟؟

كل مآحمل امشي وابشر النآس ليش حلآو آهو !!

فكروا فيهآ ليش ادقدق ع النآس وآقولهم آنآ حآمل !!

اول حمل النآس دآيمآ تدري عنه بس بعدهآ مو غصب اعلم !!

الرسول عليه السلآم وصآ بالكتمآن بآمورنآ الخآصه !!

ندري كلنآ نحمل بس مو لآزم امشي واعلم !!

في بنآت الله يهديهم بس يسآلون انتي حآمل !!! ليش تسآلين دآم مآعلمت مو لآزم تسآلين !! واذآ حآمل شنو تستفيدين !!

ولآ يسآلون بآي شهر ؟؟ وجنسه شنو ؟ ومتى ولآدتج !! وبآي مستشفى !!

شالآسآله مو لآزم تعرفين !!

انا مآعمري سآلت احد انتي حامل ؟ حتى رفيجآتي ملسالتهم اهم يعلموني ومآقولهم باي شهر او متى تولدون !!

مالي شغل في بنات اعرفهم حملوا ولآ علموني. وصلوا السابع وهم ماعلموا اطلع نعاهم ولا علموا !!

والله عادي عندي

انا حملي هذا ابجري والكل درا وعلمت رفيجاتي كلهم

وترا في مشايخ يحذرون البنات يقولون اذا حملتي لا تعلمين ؟؟ حق اللي تجهض خوفآ من العين

ولا تقولون لي نحسد عندن عيآل !! العين حق واكثر اللي يحسدون اللي عندهم عيآل !

بنت خالتي كل ماتحمل بشرت والحريم يقولون حامل !! ولا تجهض ؟؟ وتحمل مره ثانيه وتعلم من الفرحه وحده ثانيه قال توج مجهضه ؟ ولا تجهض !!

زوجها قال ماتعلمين احد خلااص وماعلمت وانخشت عن الناس وتم حملها بفضل الله
علشان جذي انصحكم لا تهتموون وادعولهم بالثبااات

 

[q8 knosha]

انا بنت خالتي جذي مالنا غير بعض بس لما تزوجنا شوي لهينا

وماتتحجه ولاتقول

تخاف من لعيون :/

عاد بالنسبه لي عادي كيفها قالت ولا لا

بس انا عادي بجاوب اي احد يسألني

ترا كله حمال!

مادري ليش لسرار بعد

 

[بنت ابويه]

مرت اخوي ماخبرتنا لين وصلت شهرها
وانا صرت مثلها في حملي الاولي ماخبرتها لا هي ولا اخوي للخامس وماخبرتهم بجنس الجنين
وعقبها صار لي اجهاض كم مرة وكنت اول ما احلل اخبر الكل!!
هالحمل تأدبت محد عرف لين دخلت الرابع ولا عطيتهم تفاصيل عن حملي لاني معذورة خايفه من الاجهاض الله يكافينا شره
والي بتخبرج خبريها والي لا عامليها بالمثل