قصة حماتي وخشها للحمل

[أأأميرة الورد]

اكيد لان ولدها متوفي من مده


وماعندها الا ولد واااحد


اكيد بيكون موقفها جذي

 

[ذهبيه مرصعه بألماس]

كيفها
اهي اللي عيلها التعب و الولاده

و بعدين اهي تقولين ولدها عمره 9 سنوات
و عندها طفل توفى و عمره 8 شهور
اتوقع خايفه على عمرها ما تنلام الناس ما تعطي خير

مهما كان ترا في ناس عندهم ظروف و ما تدرين عنها


حمدي ربج عالصحه و العافيه و اللي بيعلم خل يعلم و اللي ما يبي كيفه مصيرج بتعرفين بالوقت المناسب !

 

[om-Jana]

احنا ماعندنا جذي

بس لمن بديت اداوم استغربت في بنات مشيتها متغيره وكرش اتقول من العيوش
واذا سالتيها اي شهر تظحك وتغير الموضوع

عاد الحمال ماينخش يبين ولي ولدت بين اي شهر كانت



بس الي عندها ظروف هذا شي ثاني بس ما اخش على اقرب الناس لي

 

[ناتشوو]

انا من راي
الخوات اللي التمسو لها العذر
شنو اللي يزعل بالموضوع؟
بالنهاية هي اللي بتولد
وهي بتربيه ان شاء الله
لا تخلين شرهتج تطغي ع فرحتج لها
اذا كنت مستانسة لها ادعي ربي يتمم عليها
وبعدين صج الناس تقط تعليقات تبط الجبد
ع اللي مايحملون واللي يحملون ورا بعض
كأن احد بيربي عيال الثاني
نصيحة لا تخلين ابليس يوسوس لج
ويكبر السالفه
وضعج مختلف
لا تقارنين نفسج فيها

 

[شموخي اتعبهم]

ياكثرهممم بس لاتستغربين هم حرين بحياتهم



ربي يرزق كل محرومه

 

[عسولة 2]

انا من النوع لما احمل اتم ساكته ليش مدري طبع فيني ماحب اقول بس ريلي. حتا اهله مااقول لهم مع ان بنفس البيت ولما يدرون يزعلون بس هذا طبعي مو مساله عين بس طبع. وهم اذا سويت سونار محد يدري حتا ريلي لو مايدش معاي بسونار جان ماقوله. وما احب اللي تقول فيني بنت ولاولد المره الراكده تنطر للولاده وتخليها مفاجاه

 

[بيت التوت]

انا صارلي نفس الموقف اشوف مرت حماي سمنانه واسالها تقولي من دق لعيوش وسألت حمواتي ونفس الكلام لااني كنت اسقط وكانوا يخافون مني حتى كانت حماتي والده ةياخذون بنتها ةيخشةنها والله يابنات اني اصعد وابجي يحطونج بمواقف محرجه بس لما حملت ماقلت لهم اني حامل لما صارلي 8شهور لااشوفون ردت فعلهم اهني فشيت حرتي فيهم حتى لما يسولوني كنت اقولهم سمنانه ودق العيوش حتى مرت حماي انصدمت لما درت اني حامل واللحين بعد مايدرون وناويه اخليهم يعرفون لمن اولد

وربي كفوووووووووو بردتي قلبي فيهم
رديت عليج قبل اخلص قرائة ردود البنات
عجبتيني صراحه

 

[احب البنات2]

ياكثرهممم بس لاتستغربين هم حرين بحياتهم



ربي يرزق كل محرومه

:bbbiu:سلام بنات.والله انا عانيت من هالسالفه وايد.لاني تزوجت صغيره.وااي وبيت اهل زوجي اعوذ بالله ياخذوم منج مايعطون لدرجه انهم يخلونك تصيرين مينونه.مايعلمون لين احملو وحتى اشياء ثانيه يمكن عاديه هم مايعلمون يعتببرونج غريبه.ولو اعلمكم بسوالفهم ولا باجر اكمل.
هالمره. حصل لي موقف معاهم وبالذأت مرت حماي لاني ماعلمتهم وكنت اقول لها لين حملت مابعلم. بيت عمي وحمواتي وانا كنت توني حامل بس يومين وطرحت البيبي والكل انصدم وشهق وانا لاحول ولا قوه. بس لاعت جبدي من سوالفهم ودي اطلع في بيت بروحي والله.:yaaaaaarb:ث:yaaaaaarb::yaaaaaarb:يارب ادعولي امانه بنات

 

[!الجادل الصعب!]

اذا كنت حامل وسالوني وجاوبت بارادتي فهذا اختياري وانا اقول
لاني مابي اخش
واذا في وحده حملت وتبي تخش فهذا باختيارها وكيفها مالي حق اعاتبها
والله يرزقها ..!
حارين نفسكم ليش .. كلن ينام عالجنب الي يريحه .. الواحد يالله يعابل نفسه وهالدنيا
بعد اتشره عالناس ليش ماعلمتوني كيفهم العنا لهم والتربيه انا شكو .. عشان قلت لهم .؟!
محد جبرني اقولهم ولاحد يجبرهم يقولون لي ..!
سوري بس للي مشتطات وحاقدات كبروا عقولكم شوي .. وعيشوا الدنيا لا تحاتون من
حملت ومن طيحت ..!

امابخصوص حماتج من عذرها تسكت يمكن تخاف من العين وحالتها استثنائيه ..! *

 

[رفرف]

استعينوا على إنجاح الحوائج بالكتمان ؛ فإن كل ذي نعمة محسود
الراوي: معاذ بن جبل و عمر بن الخطاب و ابن عباس و علي بن أبي طالب - خلاصة الدرجة: صحيح - المحدث: الألباني - المصدر: صحيح الجامع - الصفحة أو الرقم: 943


ماني شايفه شي يزعل بالموضوع ..
بنت الحلال الخبر خاص فيها ..بتقول مهي قايله شي يرجع لها
ماتدرين شنو نفسيتها او ليش خشت
ومو ذنبها ان لي حملتي تقولين لها ..محد غصبج على هالشي


عن نفسي كنت اقول من يوم اللي احلل اني حامل واقول شحقه الناس يخشون الله الحافظ
لين مرت حماي شهقت بويهي وقامت تصرخ تقول بتييبين ولد قبلي ؟؟بتييبين ولي العهد قبلي ؟؟
وبيومها نزفت وطاح
وعقبها حملت بولد وبالخامس وقف نبضه بدون سبب
ولي اليوم الدكاترة مو لاقين سبب للاجهاض .. حلفت عقبها اوصل التاسع ولا اعلم واللي بيزعل خل يزعل

 

[حنووونه25]

انا ما يبطون جبدي الا الملاقيف يعني اهي ما اتحجى عن عمرها ولا ترضى اتقول شي وحق الناس تبي اتعرف وتقعد تسأل احس ناس ماتستحي
يعني مثل ما اهي ماتبي اتعلم وتبي الناس تدري لا تسال الاوادم لين ايون ايقولولها
المره اليايه لا اتقولين لها وحتى عقب اذا درت واسالتج عن شي ابحمالج قولي ماادري والله كلا ماادري خالتموت حره
وااي مشكلتي انا مااعرف اخش بس الحمدالله ماصادفني جذي من اهلي غير وحده بالدوام كانت حامل بطنها اكبير جدامها وتسألينها شكلج تعبان عسى ماشر اتقول لا عادي مافيني شي وكانت اتصبغ اظافرها انقولها شكلج حامل اتقول لا والله اشلون حامل وانا يايتلي الدوره كنا ننصدم انطالعها ونسكت وما تاكدنا انها حامل الا بالسابع تخيلو لما قالت بس الحلو فيها انها مااتكلم عن عمرها ولا تسأل والتليقف ولها شغل ابأحد غير عمرها فما ينشره عليها

 

[ام الحلوااات]

وااايــــــد تــصــيــر بــيــن الــحــمـــواات وحــريـــم الــحـــمـــواان
وكــثــيــر مــن اقــاربـــج وزمــيـــلاتــج بــاالـــدوااام
حــتــى الــصــديــقــات تــعـــودنـــا الــيـــوم الــوحــده جــالــســه ويــانــا
وبــكــره يــجــي خــبــر ولادتــهـــا !!!!
بــس مــثــل مــا يــعــامــلــونــح عــامــلــيــهــم​

 

[••غـلآًهْـم••]

ليش حبيبتي مستغربه

وحده من قرايبنا مافي شي ماتسأل عنه حتي والله لو تقعدين معاها تسألج جم معاشج وجم وجم وجم


وشنو حبوبج وتعطيج الدكتورره. وهذي سالفتها


واخر السالفه تعطيج انا اكره الحمل وانا وانا وانا والحمل مغثه وانا اتعب منه وحالتها حاله


والله اخر شي وهي تسولف تطلع حامل


حملتها الاخيره الولد التاسع مشاءالله مادرينا عنها الا قبل ولادتها بخمس
ايام من كبر بطنها

 

[أبكاني ذنبي]

عااادي هالاشكال كثرت بهالوقت

هذي نعمه من ربي واهو اللي يرزق ناس ويحرم ناااس ارزااق

مابيد بني آدم شي لا يقدم ولا يأخر

فليش اخش

الحمدلله والشكر

 

[[[ عيون جابر ]]]

مادري ليش التخشش يعني مردج بيكبر بطنج والناس بتدري وماراح تيبين شي غريب يا بنيه يا صبي مادري ليش هالتعقيييييد !!!

 

[beauty rose]

مادري انا احس ما اهتم كيفها قالت ولا ما قالت
و صعبه ان ولدها توفى و عمره 8 شهور ?
بس في ناس تخشش بزياده لي يوم الولاده قويه
يعني بنظري الوحده توصل الثالث او الرابع خلاص تقول ما يصير تخش بعد
الله يرزق كل وحده تبي الحمل بالذريه الصالحه يارب

 

[ام اغلى الناس]

اي واجد جذي
بنحسدهم على شنو
اذا حملت زوجي وامي نشروا الخبر بنفس يوم التحليل

 

[ام فوااز]

هالشي منتشر بكثرة
الله يعينهم على نفسهم

 

[BubbLe87]

ويه طاف

 

[حرم حبيبي]

ههههههههه انا حماتي حامل لها 5 اشهر وتقول توني محلله