قروب بنات التلقيح الصناعي .. حياكم هنا 2012

[~{.. روج احمر]

هلا حنان

الجلي رويال عادي تاخذينه بدون وصفه كل يوم حبه من الدورة لين وقت التبويض

أنا بالسعوديه اعالج عند عيادة دكتورة مني الدليجان بالخبر

 

[~{.. روج احمر]

تروفه

فديتج منورة بعد عمري ان شاء الله ينفرح في بعض قريب


......

بس أنا جيت وجبت اخبار مو حلوة وضاق خلقي بس حمدت الله علي قسمته لي

سويت سونار وقالت لي الدكتورة بويضاتج اصغار وشكله فيج تكيس ماكبرو بويضاتي اكبر وحدة ١٤ مقاسها حدي تحطمت

*وتكنسل التلقيح للاسف قدر الله وماشاء فعل

 

[Hanan82]

هلا حنان

الجلي رويال عادي تاخذينه بدون وصفه كل يوم حبه من الدورة لين وقت التبويض

أنا بالسعوديه اعالج عند عيادة دكتورة مني الدليجان بالخبر

ان شا الله اختي ميمكن اخذه بس باكر عندي موعد مع دكتور جديد وان شا الله يارب تتيسر الامور .

 

[Hanan82]

بس أنا جيت وجبت اخبار مو حلوة وضاق خلقي بس حمدت الله علي قسمته لي

سويت سونار وقالت لي الدكتورة بويضاتج اصغار وشكله فيج تكيس ماكبرو بويضاتي اكبر وحدة ١٤ مقاسها حدي تحطمت

*وتكنسل التلقيح للاسف قدر الله وماشاء فعل

اختي لا يضيق خلقج والله نفس اللي صار معي هالشهر بس الحمدلله ع كل حال ان شا الله الشهر الجاي يكون حجمهم مناسب للتلقيح ، تفائلي وان شا الله مابيخيب ظنك

 

[~{.. روج احمر]

ان شاء الله يارب

والحمد الله ماندري وش الخيرة فيه

 

[زهور نيسان]

om_fajer83
الدوالي اذا كانت بنسبة كبيرة علاجها الجراحة
واذا تبغين نصيحة مني
مشاكل الرجال افضل حلها لها خلطات العسل من المتخصصين .. :eh_s(15):
لي وحدة رفيجتي زوجها كان عنده دوالي وتاخرت بالحمل بعدين شرت عسل وظل ياكل منه كل يوم ملعقة ع الريق لمدة ثلاث شهور وما شاء الله حملت وعندها ولد الحين مثل القمر :eh_s(9):


روج احمر
لا يضيق خلقج حبيبتي ان شاء الله خير
كنتي ماخدة كلوميد ولا ابر ؟
وكل تاخيرة فيها خيرة الحمدلله والله يرزقج يارب من غير ادوية وعلاجات :eh_s(17):


عني انا امس اخدت اخر ابرة جونال اف واحس بوخز في المبايض وشوية الم
واليوم عندي موعد علشان بتشوف كم بويضة واحجامهم وتحدد يوم التلقيح وان شاء الله خير يارب :yaaaaaarb:

 

[عــود كمــبودي]

ربي لاتذرني فردا وأنت خير الوارثين


استغفر الله

استغفر الله

استغفر الله

 

[GiRLiTa]

عسى ربي ما يخسرلكم تعب وتفرحون يارب
اللي ريلها فيها ضعف عليه حبوب فيتامين سي ورويال جيلي وسبيمان ويكثر مكسرات لوز والجوز والفستق والبيض واايد تفيد الريال وتزيد الخصوبة عنده

 

[GiRLiTa]

روج احمر انشاءالله ربي يرزقج توأم
تدرين شنو اهم شي تسوينه قبل لا تاخذين منشطات تضعفين نفسج لان الوزن واايد له تاثير على البويضات وتنشيطهاا واخذي عسل اللي ينشط التبويض عند العويد تحصلينه مرة الصبح ومرة بالليل وفيتامين سي وايد زين حق الخصوبة والفوليك اسيد لا تقطعييينه بالمرة
ويارب اذا مو هالشهر تحملين الشهر الياي باذن الواحد الاحد

 

[GiRLiTa]

السلام انا سويت تلقيح شهر ١١ وفشل الحمدلله
مشكلتنا زوجي عنده دوالي وضعف حركة


سؤالي هل الدوالي تمنع الحمل ؟؟؟؟؟؟؟؟؟؟؟؟ مالها علاج ؟؟؟؟؟؟؟

على حسب الدوالي شنو حجمها لان الدوالي ماتمنع بس تأثر وايد رياييل فيهم دوالي بس مو مأثرة عليهم بس اذا كبيرة يفضل تسوون عملية
خل زوجج يراجع الاميري عيادة مسالك بولية وذكورة راح يفييدونه اكثر من الخاص لان الخاص بس يشووف دوالي يقولون حق المريض لازم عملية

 

[shayto0oNa]

سلام عليكم

انا المفروض هالشهر اسويها بس طلع لي كيس وكبير بعد فتكنسل التلقيح ادعولي عفيه يرووح الكيس حدي خايفه ومتضايقه وان شاء الله بس تنزل الدوره بروح انام ببيت اهلي وبتنفس عددددددل وبهتم بنفسي لين يرووح الكيس والدوره اللي بعدها ان شاء الله بسوي التلقيح

 

[ثنايا الورد]

الله يسهل عليكم يابنات

وينجح معاكم التلقيح

وتبشرونا بالحمل

تحياتي لكم وحدة وحده

 

[Tender Heart]

بنات ترا التلقبح احتمال ينفع للي عنق الرحم عندها ضيج او ويلها في مشاكل ،. حاولو بالتلقيح اذا مانجح علي طول ابدو بالحقن المجهري عسي الله ياجركم ولا يضيع تعبكم ويرزقكم بالضنا.

 

[دنيتي تفدآكـ]

تسلمين اختي Hanan82 ولك بالمثل ياااارب والكل فيكم تفرررح بالحمال :yaaaaaarb:​

الانتظار صعب حدااااا تعبت اعصاب ابي الايام تمشي بسررعه ويجي يوم التحليل ونفس الوقت خااااااااااااااايفه :eh_s(16)::eh_s(11)::eh_s(16)::eh_s(11): ​

 

[Hanan82]

سلام عليكم

انا المفروض هالشهر اسويها بس طلع لي كيس وكبير بعد فتكنسل التلقيح ادعولي عفيه يرووح الكيس حدي خايفه ومتضايقه وان شاء الله بس تنزل الدوره بروح انام ببيت اهلي وبتنفس عددددددل وبهتم بنفسي لين يرووح الكيس والدوره اللي بعدها ان شاء الله بسوي التلقيح

معوضة اختي ولا تيأسي وان شالله يروح بس انتي اهتمي بحالج احسن وخذي دوا وان شالله يروح هالشهر والشهر الجاي تفرحي بالحمل يارب

 

[Hanan82]

تسلمين اختي hanan82 ولك بالمثل ياااارب والكل فيكم تفرررح بالحمال :yaaaaaarb:​

الانتظار صعب حدااااا تعبت اعصاب ابي الايام تمشي بسررعه ويجي يوم التحليل ونفس الوقت خااااااااااااااايفه :eh_s(16)::eh_s(11)::eh_s(16)::eh_s(11): ​

والله اختي حاسة فيج ومريت بنفس الشي وعارفة شنو يعني انتظار بس توكلي عالله وان شالله ربنا يعوض صبرج خير ولا تفكرين وايد لانه التفكير والنفسية وايد تاثر وانا مجربة هالشي .

 

[زهور نيسان]

السلام عليكم

ادعي من كل قلبي ان يرزق كل من تتمنى بالذرية الصالحة
احس بحرارة قلب كل وحدة منكم :eh_s(11):
عسى الله لا يضيع تعب لحد يارب ويرزقكم على قد نياتكم ان شاء الله

انا اليوم سويت التلقيح الصناعي الحمدلله
اموري كلها طيبة احس بمغص في بطني خفيف
بس احس الامور كانت سهلة اسهل من اول مرة مع اني حسيت اني تالمت شوي هالمرة وقت التلقيح
بس كنت حييييييييل هادئة :eh_s(7):
عطتني الدكتورة مثبت جل كرينون لمدة 14 يوم :yaaaaaarb:
ان شاء الله ابشركم يارب وتبشرونا

 

[Hanan82]

السلام عليكم

ادعي من كل قلبي ان يرزق كل من تتمنى بالذرية الصالحة
احس بحرارة قلب كل وحدة منكم :eh_s(11):
عسى الله لا يضيع تعب لحد يارب ويرزقكم على قد نياتكم ان شاء الله

انا اليوم سويت التلقيح الصناعي الحمدلله
اموري كلها طيبة احس بمغص في بطني خفيف
بس احس الامور كانت سهلة اسهل من اول مرة مع اني حسيت اني تالمت شوي هالمرة وقت التلقيح
بس كنت حييييييييل هادئة :eh_s(7):
عطتني الدكتورة مثبت جل كرينون لمدة 14 يوم :yaaaaaarb:
ان شاء الله ابشركم يارب وتبشرونا

موفقة اختي وهاد مغص طبيعي حسيت فيه كمان انا لما سويتها المرة الالى ، بس نصيحتي الك ارتاحي والنفسيه اهم شي ، ياللا ان شالله تبشرينا بحملج قريب

 

[عــود كمــبودي]

رب لاتذرني فردا وانت خير الوارثين

 

[الزيـــــ^^ـــــن]

رب هب لي من لدنك ذريه طيبه صالحه انك سميع الدعاء