قروب بنات التلقيح الصناعي .. حياكم هنا 2012

[Hanan82]

أمين يارب كل المحرومات يرزقهم الذريه الصالحه .
اختي توكلي ع الله وسويها وانا اخذت كلوميد بس وبكره نتيجتي وان شا الله يارب اطلع حامل وتكون هالسنة سنة خير علي

 

[حرم_الغلا]

الله يرزقكم الذريه الصالحه عاجلا اللهم أمين

 

[lavendara]

بنات انا سويت التلقيح ٣ مرات و هالمرة الرابعه و المفروض اليوم تحليلي بس مارحت اسويه مليت من الصدمات مابي انصدم فمابي احلل و ببقى و اليوم نغزات بمبايضي و ضهري يعورني

 

[Hanan82]

أختي حللي وتوكلي ع الله ولاتخافي
بس شو السبب ما بط معك ٣ مرات،؟

 

[~{.. روج احمر]

أختي أنا سويت تلقيح صناعي وبعد بكره موعدي للفحص الهرموني أدعولي اكون حامل
هاي اول مره اسويها بس أصعب شي الانتظار ونفسيتي تحطمت من التفكير ؛(
يارب يعوض صبرنا خير والله يرزق كل الأخوات يارب

ياحبيبتي ريحي أعصابج استغلي الوقت بقراءة سورة البقرة اقري كتب قصص اي شي
ونسمع خبر حملج يااااااااااااااااااارب

ذكرتيني بالذي مضى ههههههههه
وبمآ آني لمما كنت بجربه كنت ادور تجارب بكل مكان
مآراح ابخل عليكم بتجربتي مرتين بتلقيح الصنآعي
آول شي متزوجه انا لي سنه ونص
والحمدالله ع كل شي مافي اولاد لحد اللحين
اول شي تاخرنا انا وزوجي يمكن7 شهور من اول زواجنا ماصار حمل
وبمآ انه زوجي بيسافر مده طويله استعجل ع الحمل
طلع عنده شويه التهاب وضعف بالحركه
انا طلع عندي هرمون حليب مرتفع نسبه بسيطه وعاااالجنا
زوجي خف الالتهاب بس للحين الحركه اقل من المطلوب بس تحسن
جت ببالنا فكره التلقيح صناعي وطبعا هو بما انه فيه التهاب نقله لي طبعا ههههههه
تعالجنا بعد من الالتهاب
وبدينا اول تجربه تلقيح رفض الدكتور يسوي لنا قبل اشعه الصبغه او اشعه الانابيب نفس الاسم
قال افضل وتعطي نتيجه احسن بس احنا كنا مستعجلين وماكنت مسويه كورس علاج ولاتنشيط ولاشي
على الله بس سوينا يعني زي الطبيعي اللهم انه تلقيح صناعي هم بس يسرعون الحيوانات ويعقمونها
ويحقنونها فيني انا ماجذب عليج كنت خااااااااايفه ومتوتره وهذا مو زين
والله وربي شاهد مووووووشي حتى لما قال خلصت انصدمت حسبالي مابدا هههههه
صح بيحط لج شي يوسعج وتحسين بشد بس مو ذاك الالم يعني عاااااادي انتي بس ريلااااااااااكس واقري وادعي
وفكري باشيا حلووووووووووووووووووووووه وان شاء الله خير وصدقوني مو شي يعني لا الم ولا شي
اسهل من الجماع بكثير هههههههههههه المهم
بعدين بيرفع رجولج ويخليج من ربع ساعه لنص ساعه بعدين يعطيج ادويه مثبته وتروحين لبيتكم وعادي تمارسين حياااااااااتج عادي
ناسيه والله قال الجماع بهالوقت عادي ولالا والله ناسيه بس اتذكر يقول عادي يمكن من ثاني يوم والله ماذكر
المهم فشلت ولله الحمد على كل شي
المره ثانيه بديت معه من ثاني يوم دوره ولما خلصت دوره سوا اشعه صبغه هي مؤلمه شوي بس وع فكرا يبنج الظاهر هههههههه
هو مو الم اكثر من انه تحسين بشد شوي ومغص شوي زي الدوره بس بس لا اكثر وطبعا ينزل منج دم وكذا ومايكون في جماع ابد اصلا قبل التلقيح صناعي بكم يوم يفضل مايكون في جماع المهم خذيت كلوميد وابر تفجيريه طبعااااااا اول مره تلقيح بس خذيت ابره تفجيريه بدون تنشيط وكانت بويضهه بس ثاني مره خذيت كلوميد وابر منشطه وصارو عندي بويضتين ماشاء الله طبعا عطاني كلوميد من ثاني يوم دوره اظن وابر تنشيط 4 او 3 ناسيه
وكان في بويضه اكبر من ثانيه بس كان يقول اوك المهم سوينا تلقيح كنت متوتره شوي بس كان اريح وكنت ادعي
وبعد سبوعيييييين من تلقيح حللت هرموني وطلعت حااااامل وبعدها بخمس ايام سقطت والحمدالله على كل شي
والله يرزقج حبيبتي ويرزق الكل وع فكرا التلقيح بزياده المرااااااااات تزيد فرصه النجاح اكثر
والامل بالله اكيد
واي سؤال انا حاضره

جزاك الله خير فرحتيني والله بردج
جعل ربي يرزقج الحمل التام يارب ياكريم

 

[~{.. روج احمر]

حبيبه فهوودي

ياحبي لج جزاك الله خير ع الدعوة الحلوة

 

[~{.. روج احمر]

رنيم الروح

امين يارب الله بيعوض صبرنا وتعبنا بشي اجمل واجمل

الفشل مو النهايه العكس يعطيك خبرة وعشان نبدئ باستراتيجه صحيحه ومدروسه

والرازق رب العباد والأطباء مجرد سبب

 

[~{.. روج احمر]

الزين

الله يرزقج يا ويتوعوضج
أخذي فترة نقاهه وبنفس الوقت خلي زوجج يعالج لين يتحسن عندة العدد والحركه

بعدها جربو التلقيح مرة ثانيه عشان الفرصة ان شاء الله تكون اعلي يارب ويجونج العيال الي يترسوون بيتج يارب

 

[~{.. روج احمر]

ثنايا الورد

حياج الله حبيبتي بينا واحنا خوات وان شاء الله نفيد بعض وندعي لبعض

الله يوعوضج يارب مافقدتي وجعلهم طيور بالجنه ولعلها خيرة الله يدبر امور العبد السبب نجهله وكلها خير لنا
والحمد الله

وان شاء الله المرة الثانيه تكون ثابته وابحثي عن سبب الاجهاض عشان تتفادينها مرة ثانيه

 

[~{.. روج احمر]

boliana_q8

حياج الله بينا اختي

الله يعينا يارب ع المنشطات ويكتب لنا الحمل
وعن الضمان مانقدر نقول شي أكيد طبعا

زيه زي الجماع بس الفرق انه ينقونها الحيوانات ويعالجونها وبعدين يحقنونها بالرحم عشان تختصر مساله عليها

 

[~{.. روج احمر]

حرم_الغلا
جزاك الله خير حبيبتي ولج بالمثل

 

[~{.. روج احمر]

lavendara
ان شاء الله الرأيان ثابته

بس اختي ماقلتي لنا شنو خذتي وكم بويضه والحجم .... الاسئله الي حطيتها عشان نستفيد

واستني ع الحلليل يومين ع الاقل اذا كنتي تاخذين مثبت وهديتيه تتاخر بعده الدورة كم يوم

 

[~{.. روج احمر]

اخر إخباري

جاتني الدورة ان شاء الله ماشوفها الشهر الجاي

رحت الموعدي عساس انبلش فالمنشطات

وصفت لي كلوميد وابر ننشطه ٢ بودرة ١ سايل لمده خمس ايام يوم إيه ويوم ابتداء من ٣ يوم الدورة والكلوميد أبدا فيه خامس ويوم المدة خمس ايام

احسسس وااااااااااجد كذا هاذي اول مرة اخذ ابر بس الكلوميد لا مرة بس اخذته

 

[ثنايا الورد]

حنان حبيبتي تسلمين على الدعوة الحلوة ولج بالمثل واحسن منها وتستاهلين كل خير

الغالية روج احمر ماعرفت السبب للاجهاض الدكتور يقول مافي سبب واضح يمكن يكون التكيس

واحد منها لان ناس وايد يتم الحمل عندهم برغم وجود التكيس
بس في مرة قال ان رحمي راجع للخلف
ويقولو ان هالشي يخلي الحمل مايتم
مع انه نفس الشي قالي الدكتور
ان ماله علاقه اساسا لو استمر الحمل
يرجع الرحم لوضعه الطبيعي
وماعرفنا اشنصدق
المهم الله يسهل علينا والفرج من عنده

 

[~{.. روج احمر]

ثنايا الورد

التكيس مايخلي الوحدة تجهض في ناس يحملون وعندهم ها التكيس ومايدرون سبحان الله

أوحدة من اهلنا عندها الرحم مستقيم سبحان الله من تعرف انها حامل ماتطلع من بيتها خير شر وتاخذ ابر مثبته بعدها تسوي ربط لازم ولا الرحم ايقدر يمسك البيبي سبحان الله

الميلان ماياثر ان شاء الله ... سوسيتي تحلليل الأجسام المضادة ؟*

 

[Hanan82]

مشكوره روج احمر وثنايا الروح والله يعوض صبرنا خير
أنا فحصت هرموني اليوم وطلع ماكو حمل ؛(

 

[~{.. روج احمر]

Hanan82


الله يعوضج حبيبتي بالحمل الطبيعي وماتحتاجين اي شي يارب

اذا ماجات الدورة أستني وبعدين حللي

 

[Hanan82]

مشكوره أختي ع كلام الطيب وان شالله يارب يكون بعد في امل

 

[ثنايا الورد]

حنان حبيبتي الله يعوض عليج بالخير
وان شاء الله الشهر الياي يكون ابرك واحسن
روج احمر الغاليه سويت الحمد لله كل شي تمام
وانا حملت وعندي تكيس مو هني المشكله
المشكلة عدم استمرار الحمل عرفتي يعني الكل يقول انه ممكن يكون سبب مو انه السبب الرئيسي
وانا اقول ان ربي مو كاتبه لي ولا هو رزقي ولا جان ثبت مهما سويت
واكيد انتو معاي بالكلام
الله يرزقنا ومايحرمنا قولو آآآآآآآمين يقلبي

 

[Hanan82]

مشكوره حبيبتي الله يعوض علينا يارب و يرزقنا الذريه الصالحه عاجل غير اجل يارب