قالوا بيخطوبني وهونوا اكتب لكم وابجي من القهر

[Bronze ● lady]

الله يكتب لج الا فيه الخير ي رب .. ثقي بالله

 

[molten cake]

الزواج مو كل شي...متزوجه ومغثوثه ولا عزوبيه ومرتاحه؟؟؟؟؟؟ لاتفكرين بس ابي اتزوج ليشنه عمري 27 ! خلي تفكيرج ابعد .. وماوصيج بالاستخاره

 

[قمر بيت أبوها]

غريبة والله البنات الي مب مصدقين؟؟ وين المشكلة اني اكتب شعر واهلي محافظين

الشعر مب عيب ولافيه ادنى انتقاص او خدش للبنت الااذا طلع حرام وانا مادري
الخنساء شاعرة المراثي كانت مسلمة والرسول عليه الصلاة والسلام مااستنكر عليها (رجاء لا تقارنون أنفسكم بالصحابه والتابعين فرق شاسع بيننا وبينهم والخنساء ماشاركت رجل ديوان وتزوجت رجل هو لا اهل يدقون طبل ماادري عود
الخنساء شعرها كان اغلبه رثاء ودعوه للجهاد انتي شعرك مثلا ايش بيكون ؟!!)
تعاوني مع الشاعر مافيها شي الاانها مجرد سطور بينا ومساجلة شعرية حتى الديوان الي بينزل ( اعرف ان المقصود سطور)
مب بصوتي (وربي اعرف)
تعاون كتابة فقط حتى شكله مااعرفه (شكله ماتعرفينه وشاعر معروف مااقدر ابلعه)
فقط اسمه

الااذا استغفر الله واتوب اليه عقلكم صور لكم الظنون الخبيثة والعياذ بالله من هالتفكير اني جالسة معاه ونكتب شعر !
(وربي ماجاء براسي شي من اللي تقولين ولا فكر ت مجرد فكره) بالعقل اهلي ملتزمين بجلس بنقابي وعباتي مع رجل غريب بدون حسيب ولارقيب (المحافظين مايرضون حتي البنت تشارك رجل ورقه وقلم كيف ديوان تكتب مع اخوها اختها زميلتها بكاتب ايه بس مع رجل وديوان شعر اعذرين مااقدر ابلعها)
كان جمس الهيئة ينتظرني ههه(رجاء لا تدخلون الهيئه بالسالفه احنا نتكلم عن موضوع الديوان واهلي محافظين)
تراني من السعودية ماعندنا اختلاط :eh_s(8):(لا السعوديه فيها أختلاط من قال مافيها ومو معناتها اهل السعوديه ملائكه والديار الباقيه لا)

كل الي كتبته من مواصفاتي ومواصفاته صحيح والله في سماه يشهد علي

طيب الله يشهد بس سوالي كيف اهلك محافظين وبيزوجون رجال يدق عود وانتي تكتبين شعر !!
طيب انااكتب شعر بس اعرف حدودي زين واعرف اني بنت ناس مايرضون احد من بناتهم يكتب شعر وينشره
يقول طبخ ازياء اي شي الا شعر لان مجتمعنا ينظر للمرأه اللي تكتب وتنشر باسمها نظره خاصه كيف عاد لو اشارك رجل ديوان!!!!
(درء المفاسد مقدم علي جلب المصالح)
ومااتوقع ابوي بيزوجني رجال يدق عود لان المحافظين بالغالب عندهم خطوط حمراء في بعض الأعمال يعني مطرب ولا ممثل مااتوقع يزوجه ابوي مو جهل بس لان هالاعمال فيها فتن وتجر مصايب شرب وسوالف اخر الليل
اللي يشوف كلامي غلط ولا مو واقعي فمعناتها هي مو محافظه :eh_s(17):

 

[دنيا جديدة]

صلاة الليل وسورة البقرة\خذها بركة وتركها حسرة

اعتادو ليعتاد سماع صوتكم بسماء لتقول الملائكة صوت معروف من عبد معروف


لكم مقطع يوتيوب السميع المغامسي ممتع

http://www.youtube.com/watch?v=A6G0yr8on4o
المستغفرين بالاسحار
استغفر الله العظيم الذي لا اله الا هو الحي القيوم واتوب اللليه

 

[mona q8]

صحيح الزواج حلو والوحده فينا تبي ريال
يحميها ويسعدها بس ما أقط نفسي ع اي واحد
يتقدملي بس عشان ما اعنّس
بنت خالتي وصلت الثلاثين وياها واحد محامي
ورفضته يتقربون ليش
بكل بساطه قالها انه متزوج ويبي زواجه منها
بالسر طبعاً بترفض
تصبر وتصبر وبالآخر تتزوج زواجه معروفه نهايتها
وبالاخير تزوجت واحد تتمناه كل بنت
لانها صبرت وما وافقت ع اي واحد يتقدملها
بالعكس جامعيه وحلوه وموّظفه
ليش تقط نفسها ع اي واحد
اسم زوج والسلام
من كلامج باين عليج عايشه حياتج
شهاده وشعر وديوان
ليش مستعجله أنا اعرف بنات تعدوا الثلاثين
ومايوافقون ع اي واحد
وانتي صحيح عمرج 27 بس مو عانس
العنوسه الحقيقيه بعد35
أتمني وتفكرين عدل
خاصةً انهم عايله ماتشرّف
والولد مو مناسب لج
استخيري واللي الله كاتبه بيصير

 

[mona q8]

طيب الله يشهد بس سوالي كيف اهلك محافظين وبيزوجون رجال يدق عود وانتي تكتبين شعر !!
طيب انااكتب شعر بس اعرف حدودي زين واعرف اني بنت ناس مايرضون احد من بناتهم يكتب شعر وينشره
يقول طبخ ازياء اي شي الا شعر لان مجتمعنا ينظر للمرأه اللي تكتب وتنشر باسمها نظره خاصه كيف عاد لو اشارك رجل ديوان!!!!
(درء المفاسد مقدم علي جلب المصالح)
ومااتوقع ابوي بيزوجني رجال يدق عود لان المحافظين بالغالب عندهم خطوط حمراء في بعض الأعمال يعني مطرب ولا ممثل مااتوقع يزوجه ابوي مو جهل بس لان هالاعمال فيها فتن وتجر مصايب شرب وسوالف اخر الليل
اللي يشوف كلامي غلط ولا مو واقعي فمعناتها هي مو محافظه :eh_s(17):

اختي قمر بيت أبوها
كلامج عيييين العقل
انتي كفيتي ووفيتي

 

[حلم ميت]

قمربيت ابوها


واضح انج خالطة بين الدين والعادات التقاليد
الدين مايحرم الشعر ولايعتبره معيب وضربت لج الخنساء قلتي مانقارن انفسنا مع الصحابة والتابعين اذا الصحابيات انفسهم القدوة لنا في الدين والدنيا كتبوا شعر بنكون اكثر محافظة منهم ؟
الشعر الي كتبته مافيه غزل ولاحب ولاخرابيط شعر يتماهى مع القضايا الاجتماعية
وين الغريب ان نعرف اسماء شعراء معروفين ومانعرف اشكالهم!!
مااعرف شكل الشاعر احمد مطر ولاشكل الكاتب الطاهر بن جلوان ولاشكل غادة السمان مع اني اقرا لهم ومعجبه بسلوبهم
شعلي من اشكالهم اهم شي عندي نصوصهم وكتاباتهم
كاهي الجرايد والمجلات فيها كاتبات وشاعرات وبنات قبايل واصول ومعروفين وماحد يقدر يتكلم فيهم الا الي عندهم سوء ظن مسيطر عليهم
ياعزيزتي الكلمة سلاح
وعلى كلامك درء المفاسد مقدم على جلب المصالح
كاهي الجامعات فيها اختلاط مع رجاجيل معنى هذا انج ماتدرسين!!:eh_s(10): وتقدمين جلسة البيت ( مصلحة ) على الدراسة ( المفسدة)
اذا انتي صج ماتدرسين بجامعة مختلطة بقول معاج حق وجهه نظرج عن الشعر
اماذا تدرسين او تشتغلين في مكان فيه اختلاط مباشر مع الرجاجيل وترفضين الكتابة
اسمحي لي اقول لج انج متناقضة لاني الي اعرفه ان المحافظين بعد يرفضون بناتهم يختلطون مع الرجال الاجانب مب بس مايكتبون شعر
طلب منج دكتور مناقشة بحث بتقولين لاعيب انا محافظة


متى قلت اصلا ان اهلي بيزوجوني له
رجعي موضوعي بتشوفين اني كاتبه ان اهلي ماكان عندهم خبر عن الخطبة كان عارفين انها زيارة عادية
بعدين متى قلت انه يدق عود!!!!!!!!!!!!!!
بالذمة متأكدة انج قريتي الموضوع وكملتيه!!!

جيبي لي فتوى ان حرام البنت تكتب شعر وقتها بقول معك انج محافظه وفاهمة معنى عايلة محافظة عدل

 

[Nokia N95]

صلي استخارة ...
بس من وجهة نظري .... احتمال كبير راح تتعبين معاه ومع اهله بعد الزواج
كثري من الاستغفار ... والله يرزقج الزوج الصالح ... والذرية الصالحة البارة يارب

 

[قمر بيت أبوها]

قمربيت ابوها


واضح انج خالطة بين الدين والعادات التقاليد
(لا ياروحي علي قولت غرم الدين واضح ياعيوني )
الدين مايحرم الشعر ولايعتبره معيب وضربت لج الخنساء قلتي مانقارن انفسنا مع الصحابة والتابعين اذا الصحابيات انفسهم القدوة لنا في الدين والدنيا كتبوا شعر بنكون اكثر محافظة منهم ؟
( اكتبي قصيده مثلها طيب ابي اشوف هالثقه العمياء بالنفس )
الشعر الي كتبته مافيه غزل ولاحب ولاخرابيط شعر يتماهى مع القضايا الاجتماعية
مثل ايش القضايا:bbbiu: أغلب شعراء هالجيل هذي سوالفهم

وين الغريب ان نعرف اسماء شعراء معروفين ومانعرف اشكالهم!!
الغريب باكتب ديوان مع رجل بس شوفوا مااعرف شكله ماادري وش الفايده من هالعباره ؟!!!
مااعرف شكل الشاعر احمد مطر ولاشكل الكاتب الطاهر بن جلوان ولاشكل غادة السمان مع اني اقرا لهم ومعجبه بسلوبهم
شعلي من اشكالهم اهم شي عندي نصوصهم وكتاباتهم
:bbbiu:
كاهي الجرايد والمجلات فيها كاتبات وشاعرات وبنات قبايل واصول ومعروفين وماحد يقدر يتكلم فيهم الا الي عندهم سوء ظن مسيطر عليهم :bbbiu:
ياعزيزتي الكلمة سلاح
وعلى كلامك درء المفاسد مقدم على جلب المصالح
كاهي الجامعات فيها اختلاط مع رجاجيل معنى هذا انج ماتدرسين!!:eh_s(10): وتقدمين جلسة البيت ( مصلحة ) على الدراسة ( المفسدة)
لا درست الحمد الله وبراسي اكمل بعد :rerrerek:
اذا انتي صج ماتدرسين بجامعة مختلطة بقول معاج حق وجهه نظرج عن الشعر
اماذا تدرسين او تشتغلين في مكان فيه اختلاط مباشر مع الرجاجيل وترفضين الكتابة
الكتابه ماارفضها انا ارفض عبارة اهلي محافظين وباكتب ديوان مع شاعر !!!!

اسمحي لي اقول لج انج متناقضة لاني الي اعرفه ان المحافظين بعد يرفضون بناتهم يختلطون مع الرجال الاجانب مب بس مايكتبون شعر
ومن قال اختلطنا اختلاط لاجل هواياه ندرس من خلف الشاشات ولا نعمل بمكان أمن :rerrerek:
طلب منج دكتور مناقشة بحث بتقولين لاعيب انا محافظة
دكتور لطلب العلم ومليون بنت معاي بالجامعه بس ديوان شعر مع رجل واهلي محافظين ماتجي
(طلب العلم فريضه علي كل مسلم ومسلمه بس الشعر فخفخه وكلام فاضي أصلا بوقتنا ماعاد عندنا شاعرات بمعني شاعره الله يرحم عابرة سبيل هي اللي صدق شاعرة هالعصر و وماكتبت مع رجل:eh_s(7): )

متى قلت اصلا ان اهلي بيزوجوني له
رجعي موضوعي بتشوفين اني كاتبه ان اهلي ماكان عندهم خبر عن الخطبة كان عارفين انها زيارة عادية
انا قلت المنطق يقول ان اهلك دام تعزين عليهم ومحافظين مايرضون تكتبين ديوان ولا تتزوجين من هالعايله:eh_s(10):

بعدين متى قلت انه يدق عود!!!!!!!!!!!!!!
الطبل ولا العود كلهم يعبرون عن كناية الطقطقه
بالذمة متأكدة انج قريتي الموضوع وكملتيه!!!
قلت لك بالبدايه ماقراته كامل لانه متناقض جدآآآآ:eh_s(7):
جيبي لي فتوى ان حرام البنت تكتب شعر وقتها بقول معك انج محافظه وفاهمة معنى عايلة محافظة عدل

بصراحه شكل هالفتوي بتطلع بسبب ماحكم كتابة المرأه لديوان شعري مع رجل بحجة القضايا الاجتماعيه وماراي فضيلتكم بارتباطها برجل كذا وكذا مواصفاته
وبالاخير نكتب ونحيطكم علما انها فتاة من عائله محافظه؟؟؟؟؟؟؟؟؟؟؟؟؟
تتوقعين الشيخ وش بيقول واترك الإجابه بينك وبين نفسك
ع العموم الله يوفقك يالغلا انا كان بامكاني اقول رفع ولا الله يعين وانتهيانا بس مشكلتي مااترك القضيه من غير ادرس جميع جوانبها
واللي ضحكني بالموضوع تمدحين نفسك وتذمين اهل هالرجل ومو مالين عينك وش حادك تفكرين تعطينهم موعد من أساسه
وانتي لو عندك قناعه بالموضوع ماكتبيه بس ارجع اقول الله يهديك وبس:yaaaaaarb:

 

[ميما الاموره]

كل شي قسمه ونصيب
وهالعريس مو مناسب الك بالمره وراح تتعبي معاه بحياتك
ان شاءالله راح يجيك النصيب الي بيرضيك بس انت اصبري
ولاتزعلي وعيشي حياتك بكل شي حلو فيها ولاحقه عالعريس والزواج​

 

[قمةالرومانسيه]

ليش تنقهرين وتزعلين يمكن خييره لك لان من مواصفاته مااحسه يناسبك حتى الالتزام على كلامك لك عليه انتي استخيري اكثر من مرره واذا كانه هاالامر شر الله بيبعده عنك والعكسس والله يوفقك ويسهل عليك

 

[حلم ميت]

مشكورين بنات
ماقصرتوا عساكم على القوة
في ميزان اعمالكم

قمر بيت ابوها

هذه مشكلتنا مع الناس من نقول شعر قالوا خلاص شعر غزلي او شعر غنائي والعياذ بالله
الشعر محاكاة لذات الشاعر او تصوير لقضايا المجتمع

ماعرفنا لج صراحة حدج متناقضة وكل فترة تغيرين رايج مرة تذمين الشعر وتقولين بنات الناس ماينشرونه ومرة تمدحين الشاعرة الكويتية عابرة سبيل معنى انها من قبيلة معروفة يعني بنت ناس!!

مرة تقولين ان الشعر كلام فاضي وخرابيط ومرة تقولين انج تكتبن شعر
مرة تعتبرين الشعر كلام عن الحب والغزل ومرة تمدحين شعر عابرة سبيل وتعتبرين مافيه مثيل لها مع انها كتبت عن الحب والحبيب


طيب يابعدي تتوقعين لو نسئل شيخ ونقول ان فيه بنت توصف نفسها بالقمر في مجتمع العرف يعتبر ان تشبيه البنت بالقمر كناية عن الجمال الجسدي للمرأة في منتديات يطلع عليها الرجال وتعتبر نفسها انها محافظة
تتوقعين شنو يقول؟؟؟

 

[عضوا]

خيرة فيما اختاره الله
و انتي استخيري ربج و لا تكونين مستعيله
فكري بالاوليات
و شوفي النصيب مكتوب و رزقج موجود
و عسى ربي يرزقنا انا و انتي بالازواج الصالحه

 

[قمر بيت أبوها]

مشكورين بنات
ماقصرتوا عساكم على القوة
في ميزان اعمالكم

قمر بيت ابوها

هذه مشكلتنا مع الناس من نقول شعر قالوا خلاص شعر غزلي او شعر غنائي والعياذ بالله
الشعر محاكاة لذات الشاعر او تصوير لقضايا المجتمع
ماودي اعلق اتوقع قلت الكلام بالمعني الواضح سابقا

ماعرفنا لج صراحة حدج متناقضة وكل فترة تغيرين رايج مرة تذمين الشعر وتقولين بنات الناس ماينشرونه ومرة تمدحين الشاعرة الكويتية عابرة سبيل معنى انها من قبيلة معروفة يعني بنت ناس!!
قلت مااتوقع ان بنلاقي شاعره بهالعصر بعد عابرة سبيل هذا مدح لها الله يرحمها وقلت لو انتي بتكتبن بمثل قصايدها ووعظها اكتبي ولا تحتاجين لرجل يشاركك بديوان :eh_s(17):

مرة تقولين ان الشعر كلام فاضي وخرابيط ومرة تقولين انج تكتبن شعر
مرة تعتبرين الشعر كلام عن الحب والغزل ومرة تمدحين شعر عابرة سبيل وتعتبرين مافيه مثيل لها مع انها كتبت عن الحب والحبيب
أكتب إيه بس مأشارك رجل ديوان لاني مقتنعه بأنه ماينفعني بشي
بس انتي شكلك ماقرأتي ديوانها كامل وعرفتي منوا الحبيب :eh_s(1):
ومن ناحية مالها مثيل اي والله بهالزمن مالها مثيل ويكفي قصيدتها اللي وصت فيها زوجها علي عيالها:eh_s(17):


طيب يابعدي تتوقعين لو نسئل شيخ ونقول ان فيه بنت توصف نفسها بالقمر في مجتمع العرف يعتبر ان تشبيه البنت بالقمر كناية عن الجمال الجسدي للمرأة في منتديات يطلع عليها الرجال وتعتبر نفسها انها محافظة
تتوقعين شنو يقول؟؟؟

بصرآآآآحه كله كوم وووصفك لاسمي كوم ثاني :krkrkr::krkrkr::krkrkr:
اي يتطلع عليه واي بطيخ :eh_s(8):
المنتدي نسائي اولا
ولقبي مو قاصده به الجمال اقصد اني قمر البيت يعني اهم فرد عند أبوي بالبيت أنا :eh_s(22):
وأنا محافظه وواقعيه ولا احارب أحد يناصحني لوجه الله وحتي لو غلطت مستعده أعتذر :eh_s(17):
ومشكوره يالغلا علي ردودك لي هذا دليل علي الليأنا أقصده وصل لك:eh_s(17):

 

[بولندية]

الله يرزقج

 

[ابـيـض واسـود]

الله يعوضج بااللي تتمنيينه

 

[حلم ميت]

قمر بيت ابوها​

بالضبط رديتي على نفسج بنفسج هذا الي كنت ابي اوصل له
يعني انتي تقولين بنات الناس ماينشرون لان الناس لهم نظرة بعدها قلت لج الشعر رسالة وسلاح قلتي الشعر خرابيط وحب وغزل بعدها غيرتي رايج قلتي عابرة سبيل شاعرة مافيه مثيل لها قلت لج كتبت عن الحب والحبيب تالي غيرتي رايج قلتي انها كتبت عن زوجها وعيالها
طيب من البداية جان قلتي هالحجي ووفرتي على نفسج كل هالردود
ان يجوز البنت تكتب شعر حب وغزل بعيد عن الاحكام المسبقة
مع اني شخصيا مستحيل اكتب عن الحب والغرام لاني اعرف في عقول تنك في مجتمعنا تفسر كل شي على هواها​

المنتدي نسائي اولا
ولقبي مو قاصده به الجمال اقصد اني قمر البيت يعني اهم فرد عند أبوي بالبيت أنا ​

ترى تعمدت اعرج على معرفج لان في نقطة ابي اوصل لها​

يالله معقولة تفكرين جذي ان المنتدى نسائي مايقرونه الاالحريم والله ولو مسكر
الظاهر انج ماتعرفين ان الشباب يطيحون بالمنتديات النسائية اكثر من المختلطة​

لاحول ويستمر مسلسل التناقض:eh_s(8):​

مب توج تقولين ان درء المفاسد مقدم على جلب المصالح
وقاعدة تنبشين في نوايا الناس وتحكمين من البداية ان الشاعرات مايهتمون الابالحب والكلام فاضي معنى ان يمكن يكون المقصد بالغزل والحب الزوج
الحين جاية تبررين لنا ان معرفج معناه غير عن الي في بال الرجال وان معناه ان اهلج يحبونج !!!!
مااشوفج قدمتي المصلحة على المفسدة!!
لو تروحين لطبيب ويقول شسمج بتقولين اسمي قمر
لان اهلي يحبوني ههههههه
لو وحده معرفها دلوعة موت بتبرر للناس ان قصدها ان دلوعة امها ماادري ابوها تقص على نفسها كلنا نعرف تفكير الشباب وين يشطح
بما انج تحبيبن النصيحة شي حلو ماشاء الله
ترى مثل هالمعرفات فيه فتوى عليها بالتحريم ​

حبيت قول لج نصيحة صغيرة حييل
اذا بتناقشين مع احد لازم تكونين مطلعة من البداية على كلامه وعارفه مقصده علشان ماتضطرين تغيرين رايج كل دقيقة
احيي فيج شجاعتج واعترافج على نفسج انج من النوع الي يرد بدون مايقرا شجاعه تحسب لج :eh_s(15):​

وأنا محافظه وواقعيه ولا احارب أحديناصحني لوجه الله وحتي لو غلطت مستعده أعتذر

مااحارب احد ينصحني اطلاقا
بقدر مااحب التناقض وكل دقيقة راي والدرعمة على الفاضي :eh_s(22):
الي عرفته من نصيحتج ان عادي البنت تكتب عن الحب والغزل والغرام ان كان المقصود الزوج او الخطيب
وان بنات الناس يكتبون جذي مع انج كنتي محاربة هالشي!!
سبحان مغير الاحوال!

 

[حلم ميت]

جزاكم الله خير على دعواتكم

ممتنة لدعواتكم الطاهرة

 

[سحـورة]

الله يجزيج الخير حلم ميت
إستمتعت بنقاشج مع الأخت إللي حسيت إنه نقاشها فيه عله من البدايه ،
المهم ربي يتمم لج ع خير .. و يرزقج النصيب عاجلا غير آجل ،

 

[حلم ميت]

سحورة

ياحياتي سواء مع او ضد اتقبل وجهه نظر الاخوات
هالمنتدى اعتبر العضوات اخواتي وارتاج جدا لهم لو مب متقبله الاراء ماطرحت مشكلتي
بالاصح مشاكلي من عام 2010