قالوا بيخطوبني وهونوا اكتب لكم وابجي من القهر

[دلوعة أبوهآ]

عمرك 28 !! منتي كبيره ولا وصلتي للسن إللي يخليكِ توافقي غصب عنك
وتكوني مجبوره ..


آعرف وحده توهآ تزوجت وهي بالاربعينآت ..
ووحده ثآنيه قبل فتره ملكّت وهي في آلثلآثين ..!

شلون بتتزوجينه وانتي مو مقتنعه !!
رآح تعيشي معه عمر وحيآه كآآآآآآآآآمله
شلون بتكملين معه وانتي حآطه ببآلك كل هآلمقآرنآت وآلفروقآت اللي بينكم !!

آلزواج قبل كل شي رضآ وقنآعه من آلطرفين ..
وآنتي مو رآضيه ولآ مقتنعه : )


حبيبتي فكري آكثر وآستخيري
ويمكن الموقف آللي صآر يكون من صآلحك عشآن تفكري آكثر وتشوفي وضعك


وربي يكتب لك آلخير *
​

 

[Sweet Angle]

ميخالف ياقلبي يمكن مافيها خيرة

صلي استخارة اهو احسن حل و اضمن جواب لسؤالج

الله اهو اللي يعلم وين الخير

وان شاء الله اذا فيه خير لج يكون من نصيبج واذا مافيه الله يرزقج باللي احسن منه ويهنيج يارب

لا تبجين ولا شي ياقلبي .. وتأكدي ان لو فيها خيرة ربج راح يسهلها .. بس توكلي على الله

 

[ترانيم القصيم]

ما أدري ,, أحس ودي أقول لك : لا تستعجلين ,, دام السالفة فيها أغاني و دقة عود ,,

استخيري يا قلبي ,,

 

[بطوووطة$بيضة]

عفوا لاتزعلين مني

من اول سالفتج يا انج تنزلتي وانتي مو بالعته

حبيبتي عفوا يعني انتي من بنته

ولو صج ماتبينهم ومو امستواج جان سكرتي الموضوع من اوله

ماله داغي تقولين عنهم جذي

يمكن هذول اللي ذميتيهم احسن منج ابالف مرة

مو عاجبينج لا يدشون البيت

يعني ماله داعي هاليوله كلها

ويكوووووووون ابعلمج ترى الريااااااااااال ما يرقف حاله ترى البنات الحين يبون اي ريال حتى لو متزوج 3

 

[_كلي دلع_]

صلي إستخـآره والله يكتب الي فيه الخير ..^

 

[Patcholli]

..!!

نصيحه يالغاليه ..!! خلي تقدم العمر على جنب ..!!

كل هالسوالف اللي كتبتيها عنه وعن اهله وناويه تقطين روحج بالتهلكه ..!!

ليش انتي سلعه تبين تبيعين عمرج قبل لاتنتهي صلاحيتج ..!!

انا اقول تعوذي من ابليس وخيره من رب العالمين ان طلعلهم ظرف ومايوكم ..!!

 

[لحظآتَ]

حبيبتي الرجال ما يعيبه شيء
محد بيرده عشان والله شهادته متوسطة ولا ان شاء الله ابتدائي
لو كان قادر يفتح بيت ويصرف عليج عادي الشهاده ما تهم
ياما ناس عندهم اعلى الشهايد وهم عاهات !

,

النصيب يصيب

 

[ام ميدوتي]

بسم الله الرحمن ( وعسى ان تكرهوا شيئآ وهو ي لكم ) حبيبتي أنا تزوجت 31 والحمدلله جاني عيال وانتي لا تستعجلين فتندمين أخذي الناس الاجاويد والا بتتطلقين وانا أشوف 27 مو كبيرة اتكلي على الله وصبري وعسى ربي ينولج الي فبالج

 

[قلبي وينك]

باين عليج تمحتاره وراح تدخلين بمتاااااااااااااااااهه الله اعلم شو عواقبهااااااااااااااا
بس ابغي اذكرج انه من اسباب نجاح الزواج التكافئ
وشو فايده يجيك شئ وتبتلين فيه بدل ما تتهنين
بس من رائي انه انج تخلين الموضوع عادي وكول وترحبون فيهم اذا يبون يجون بس لو صارت الصجيه وطلبوج للزواج لازم تتحرون وتسألون وتستخيرين ووتتبعين اهلج وعزوتج لانه اكيد رايهم مهم والله يوفقج

 

[أإلع ـشق دلع ـهـأإ]

أنتي إستخرتي ...؟!


إذآ لآ ..،،، إستخيري فديتج ..

وثقي يقينآً إن الله سبحآنه يعلم الخيره لج وين ..

سبحآن الله يمكن ربي صد عنج الرجل هذآ بحكمه من الله أنتي مآتعلمينهآ .. ولكنهآ خيره لج ..

يمكن ربي بيرزقج وآحد أحسن منه فصد عنج هذآك علشآن يزوجج آحسن منه ..

اللي عليج تعوذين من الشيطآن وتوكلي على الله ..

وصلي الليل وإدعي ربج يرزقج بالزوج الصآلح ..

وكثري الإستغفآر وحآولي بعد كل صلآة تستغفرين ١٠٠ مره والبقره إقريهآ يوميآ ..

يمكن فيج عين أو سحرً وآنتي مآتدري فإستمري على البقره

والله يفرج همج ويرزقج يآرب

 

[درة أهل الطولات]

ما فهمت القصة عدل لكن اللي اعرفه ان اللي ربج كاتبه بيصير

 

[" ام حمود "]

كل تأخيره فيها خيره ، ليش احباط ..

 

[لعشقي روآيه]

متابعه بصمت لموضوعك..

 

[ســـولي]

حبيبتي حلم ميت والله ثم والله اني فاهمه عليك حرف حرف فا انا بقولك ياعمري لاتوافقين و قولي لها انك ماتبينه صراحه مرررررررره لاتوافقين والدنيا مو مقفه عنده يكفي انك قلتي انك كنتي حاسه بضيق وهم جايين فخلاص هوني ياقلبي وخيرها بغيرها وعسى ان تكرهو شيئا وهو خيرا لكم خليهم وان شاء الله يجي اللي احسن منه

 

[حلم ميت]

مابين طرفة عين وانتباهها يغير الله الدنيا من حال الى حال
امس كنت منهارة وفي حال مايعلم فيها الا الله من الضيقة والحزن ونمت ودموعي على خدي كنت ادعي الله بقلب محترق من الهم والغم
جلست من النوم وحالتي متغيرة 180 درجة! مبسوطة ومرتاحة نفسيا بشكل مفاجىء واستمر معي هالشعور طول الوقت بدون ماعرف سبب للشعور بالطمأنينة والراحة
كأني وحده ثانية ماكأني الي كنت منهارة قبل يوم

 

[خجولة بدنيتي]

الله يوفقك ويكتبلك اللي فيه الخير

 

[*عزة نفس*]

هلا عزيزتي..باقول لك شي..
احيأنا الضمير يطلع في اخر لحظة..
يعني تحلمي وتحلمي ويارب يجيني عريس..بس مو أي عريس..العريس اللي يعينك على دنياك وآخرتك هو أفضل شي..
وين أحسن..إللي ينبهك لصلاة الصبح في وقتها ومحافظ على دينه وملتزم وبعيد عن المحرمات والغناء أو اللي يدق عود؟؟
بالله بينك وبين نفسك اجلسي عشر دقايق وفكري فيها صح وقلبي هالفكرة مليون مرة..وإن طاف بك العمر 29 و30 إلى آخره..وين أحسن تظل خاتمتك خير أو تاخذي لك واحد يدق عود؟؟؟؟أو حتى واحد من اهله يغني..
بكرة اولادك بيختلطون فيهم لاتقولي بتبعديهم لأن هذولا أهلهم..,ربي يستر عليك من اللي جاي..
وخيرة من ربك انهم كنسلو الجيه علشان تاخذي قرارك عدل..
عاد انا مرة كان بيتدم لي واحد يسمع اغاني دعيت من قلب مايكون من نصيبي لان ماسمع اغاني..وفعلا تعددت الاسباب وتكنسل الموضوع ومثلك ظليت مجروحه لكن فكرت فيها كيف ان ربي يحبني بعدني عن اللي يضرني..

أنا أكبر منك عمري طاف الثلاثين لكن(لعل الله يحدث بعد ذلك أمرا)مادري وش اللي كاتبه لي بعلم الغيب وماراح أطلع من هالدنيا الا ماخذه رزقي كامل وماحد ياخد رزق احد..انتي بس ثقي بالله ان(من ترك شيئا لله عوضه الله خير منه)انتي بتركي هالمعرس لان افعاله ماترضي ربك وبالتالي ربك بيجازيك بواحد احسن منه بمليون مرة..مو عالمنصب والشهادة بس عالاخلاق والالتزام ..واللي يدور رضا ربه الله يعطيه اضعاف اضعاف الاجر والثواب ويوسع عليه رزقه..
توكلي على ربك وبس وربي يعوضك باللي احسن منه..

 

[حبيبة أهلها]

الله يفرج همك ويسعــــــدك ...~

كيف تمشي بلا احـــــزان ..

http://www.abdelmohsen.com/play-1129.html


​

 

[* ليــــدي *]

اذا ردوآ استخيري مره ومرتين وثلاث ..يعني طقطقه ودنابك وعود مو شوي
و إذا مآيخطبوج خيره لج


الله يرزقج بالزوج الصآلح يآرب

 

[آنسه مسلمة]

يابعد قلبي,,,
لاتتسرعين واستخيري..
والرجال إن كان أخلاق ودين .. لاتردينه
والله الرازق::
و إن كان موزين لاتتنازلين وتتزوجينه عشان عمرج 27
ترى الطريق جدامج ..إن شاء الله
والله يرزقج الزوج الصالح ياارب
وفي كل تأخيره خيره بإذن الله