فيني تحلطــم وتقرطـــم ياخيــه !!؟

[happy&single]

وناااااااااااااااااااااااسه حبيتج
و امس بنت خالتي تقولي : وعليه معطينها عوينه , بنت خالتي صغيره بس اللي كبرها على طول يقولون : صكوها عين ! < جنها وحده من الربع ماكو ذرابه
مشكوووره وصج يبيله نسوي حمله بالمنتدى حق التراث والكلمات وحتى الأسلوب ~

حبتج العافية ..
هذي مشاركة حلوة منج .. شفتي (( معطينها عوينه )) هذا حجي كويتي يقولونه الحريم انما (( صكوها عين )) هذي كلمات الرياييل ما يقولون حريم قبل صكوها غلط .. عرفتو الفرق؟؟
هذي الذرابة والتصغير فيه دلع ونغم في الكلمة مو؟؟

يلا انا معاج بهالحملة اعادة هيكلة معنى الذرابة والاسلوب في لهجة بناتنا ،، حياج الله

 

[happy&single]

ابيار علي
حياج الله ويالله شاركينا بمعلومة ولاكلمة من كلامنا الحلو

 

[قدساووويه كووول]

عدل كلامج

يسسسسلمو

 

[* ليــــدي *]

انا اغلب كلامي من الكلام الحالي يضمن اي شي , وااي , قطيعه , ملاقه , وعندي بلاك بيري و توني شريت آي فون احلى و عندي قروبات و 24 ساعه عالمسن وجذي

بس مازلت اقط حجي نفس يدتي الله يرحمها لدرجه امي تنصددددددم تقولي انتي والده قبلي على هالحجي لوووول

واحب الكلام التراثي القديييييييييم بس في كلمه تغثني وجد ماحبهااااااااااااااااااااااااااااااااااااا

لما البس قصير او اسوي شي اوفر يقولولي وااااااخزياااااااااه ياحافظ هذا لبس

كلمة وخزياه تسبب لي ارق وقلق وضيق :eh_s(13): :eh_s(11): :eh_s(2)::cxxxp:

جد ماواطن هالكلمه مادري ليش من اسمعها احس بيغمى علي :eh_s(14):

ويسلمو عالموضوع

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

اتصدقين و لآ كلمة عرفتهــآ .’,~

الله يعين ودي أتعــلـمـ هالكـلآمـ حلو ويونس بس أنــآ طبعي أخذ على كــلآمـ الي أقعد مــعــآهـمـ .’,~

و مــآ أعرف بنــآت يتكلمون هالكــلآمـ .’,~

قلبوووو ودي أعرف أجوبة كل الأسئله الي قلتي عنــهــآ .’,~

أو انتي شرآيج اتحطين ابقسمـ | وطن النهار | مرهـ كل إسبوع موضوع حلو عن الترآث .’,~

و أنــآ أول مـتــآبعينج .’,~

و كل كـلآمـج الي قلتـيه صــح .’,




و مـــــع السلامــــه ,,,

|~|

 

[وحشني شوف الكويت]

7abait mawtho3ik :*
ya36eek el3afya ;D

 

[happy&single]

قدساووويه كووول
الله يسلمج وحياج الله

* ليــــدي *
ميخالف خليج على ما انت عليه تابعي التكنولوجيا والتطور بس ياربي لهجتج الاصلية اذا دخلتي عليها كلمات بعد فترة راح تنسين الاصل وبظل التقليد!؟
فعشان نحافظ على اللهجة والتراث لازم ما نغير فيه شي عشان ما يتشوه ويفقد هويته
واخزياه هذي فشيلة مالها مرادف بس بدور لج

ღ كحلاء العين ღ
وي عيل يبي لج كورس عندي ،، ليش ما تقعدين مع خالاتج عماتج يدتج امج ابوج وتعلمي منهم
كلش كلش عندج موسوعة السعيدان كنز لازم يكون في بيت كل كويتية
وبالنسبة لاقتراحج اولا اشكرج عليه ،، وفكرة حلوة يبي لي افكر فيها واحضر لها صح

Miss CuRLy KeSha
حبتج العافية ،، وان شاءالله تكونين من الناس اللي محافظة على اللهجة والتراث والعادات والهوية مالتنا

 

[no-on]

كلامج كله حلوه وواقعي
بس مو معناته ان الواحد لازم يتقضب بالكلام الاولي والعادات والتقاليد
يعني في كلمات تنقال اللحين اللي بجيلنا يفهمها بس اللي قبلنا مايفهمها ويتنقدها
وترى نفس الشي صار مع الجيل اللي قبلنا ترى كانت في عادات ماتعجب اهاليهم وكانو ينتقدونهم
بقولج على شغله امي تقولها
تقول قبل امها الله يرحمها دايم تهاوشنا وتزفنا اذا شافتنا نلعب بالباربي اللي مادري شنو كانو يسمونها وكانت تقول قووووموا اشتغلوا بالبيت
بس قاعدين تلعبون مامنكم نفعه
وشوفي ماشاء الله امهاتنا ماكو احسن منهم واهما اللحين ينتقدونا ويقولون قوموا سولكم شغله وتحركوا
فعشان جذي اقولج معروووفه كل جيييل ينتقد الجيل اللي بعده
وتوقعي بعد جم سنه ننتقد الجيل اللي بعدنا

وتقبلي وجهي نظري

 

[كويتيهx5]

يا حلوج والله

وفديت كلام اهلي الحلوووو ايييييييي الله يرحمج يا ايديده كانت تتكلم ونستانس عليها

والله انا من اشد المحافظين على لهجتي وعيال اخوي امهم مو كويتيه<<<<قولي مرة اخوج هههه


بس ما انخليهم يتحجون بلغه امهم مع انها عربيه بس ما نبي لسانهم عويي

وانتوا تدرون انه الياهل على لغه امه

خالاتي وامي لحد الحين حجيهم مال اول مع انهم مو كبار

الدنياا بخيير

ويلي تحب الكويت لا تقطع الامال

 

[* ليــــدي *]

اي ولي يعافيج بعرف وخزياه من وين منبعها لان اكرهاااا هالكلمه بشكل خيالي
احسها حق رفعة الضغط مادري ليش
سوري عالمرور الثاني

 

[حمام شاقني فنه]

ههههههههههه بعض الكلمات مافهمتهاا مولأني موكويتيه لالا لان كلامج حضري بحتتتت ففي فرق بين سواالفنا وسوالفكم


حبيبتي ولله كل الي قلتيه صحيح ميه بالميه مدري من قايل لهم ان التحضر ووالدلع مايصيرون الااذا حرولنا لهجتنا ودخلنا عليها المصطحات الغريبه والا الاجنيه

ماعلينا


ليه اغلب الاكلات والطبخات التراثيه القديمه تبدي بحرف الميم ؟

 

[happy&single]

كلامج كله حلوه وواقعي
بس مو معناته ان الواحد لازم يتقضب بالكلام الاولي والعادات والتقاليد
يعني في كلمات تنقال اللحين اللي بجيلنا يفهمها بس اللي قبلنا مايفهمها ويتنقدها
وترى نفس الشي صار مع الجيل اللي قبلنا ترى كانت في عادات ماتعجب اهاليهم وكانو ينتقدونهم
بقولج على شغله امي تقولها تقول قبل امها الله يرحمها دايم تهاوشنا وتزفنا اذا شافتنا نلعب بالباربي اللي مادري شنو كانو يسمونها وكانت تقول قووووموا اشتغلوا بالبيت بس قاعدين تلعبون مامنكم نفعه ..وشوفي ماشاء الله امهاتنا ماكو احسن منهم واهما اللحين ينتقدونا ويقولون قوموا سولكم شغله وتحركوا فعشان جذي اقولج معروووفه كل جيييل ينتقد الجيل اللي بعده
وتوقعي بعد جم سنه ننتقد الجيل اللي بعدنا
وتقبلي وجهي نظري

حياج الله وعسى الله يرحم موتانا وموتاكم
بالعكس من الضروري الواحد يتمسك بتراثه وهويته عشان يتميز
انا قلت بالبداية كل وقت ما يستحي من وقته ،، بس تخيلــــي اذا اختلط الحابل بالنابل ولهجتج ضاعت وتقاليدج وتراثج اختفوا احنا من نكون وحق شنو ننتمي ؟؟ الانسان دايما يدور على الانتماء بالمدرسة اليهال يدورون ربع مثلهم الشياطين والعقال
وبالدوام تدورين ناس نفس تفكيرج ومبادئج فما بالج بشعب ؟ لازم يكون له هوية وهويتي اهي لهجتي تراثي تقاليدي
وعاداتي ان كانت زينة خليتها وان لأ تركتها .. عدل

 

[happy&single]

كويتيهx5
ياحلوج والله ،، زين تسوون هذي مشكلة ثانية بعد الامهات الغير كويتيات والمدارس الاجنبية والخدم والأفلام
كلها عوامل تساعد على تشويش عيالنا فلازم نضبط الموج عدل عندهم قبل لا يصير محروق صبعه الكويتي .. حراء اصبعه

حمام شاقني فنه
الكويت مهما تغيرت البيئات فيها حضر ولا قرويه أغلب الكلمات متشابهة بس بعض المصطلحات اتغير والحروف بس في اللهجة وفي بعض الاكلات بعد اكيد بس النتيجة خلطة حلوة جدا
ماراح اقولج ليش فكري مو لغز اهو بس شي بديهي اذا تعرفين اشلون تطبخينهم

 

[happy&single]

اي ولي يعافيج بعرف واخزياه من وين منبعها لان اكرهاااا هالكلمه بشكل خيالي
احسها حق رفعة الضغط مادري ليش
سوري عالمرور الثاني

اهي تعبير عن الاستحياء من فعل العيب
اولها وا = وهي حروف للتعبير عن الاستغراب من الفعل
واخزياه = يايه من كلمة خزي وهي باللغه العربية الفصحى من فعل فعل وفضح فيه!!

عبالج الاوليين هينين؟ :ggdw: حياج الله بأي وقت

 

[The purple]

ماراح اقولج ليش فكري مو لغز اهو بس شي بديهي اذا تعرفين اشلون تطبخينهم

لأنه لازم فيهم ملح ؟

< تـاليف

 

[هاناا]

معاج حق

 

[happy&single]

Fe6aMos
انتي الملح كله ..

هاناا
حياج حبوبة

 

[a7la sho sho]

كويتيهx5
ياحلوج والله ،، زين تسوون هذي مشكلة ثانية بعد الامهات الغير كويتيات والمدارس الاجنبية والخدم والأفلام
كلها عوامل تساعد على تشويش عيالنا فلازم نضبط الموج عدل عندهم قبل لا يصير محروق صبعه الكويتي .. حراء اصبعه

حمام شاقني فنه
الكويت مهما تغيرت البيئات فيها حضر ولا قرويه أغلب الكلمات متشابهة بس بعض المصطلحات اتغير والحروف بس في اللهجة وفي بعض الاكلات بعد اكيد بس النتيجة خلطة حلوة جدا
ماراح اقولج ليش فكري مو لغز اهو بس شي بديهي اذا تعرفين اشلون تطبخينهم

مشكوووره عالمووضووع وماقصرتي

بس اسمها حضر وبدوو مو قرويه

 

[happy&single]

a7la sho sho

هلا فيج حبوبة ،،
انا قصدت فعلا اقول الحضر والقرويه
الحضر اللي سكنوا داخل المدينة وكان رزقهم الاساسي من البحر الصيد والغوص والعمل بكل شي يتعلق بالبحر وسموهم الحضر

القرويه الكويتين اللي سكنوا في جنوب الكويت بالفنطاس وبالجهراء وكان رزقهم من الزراعة يسمونهم قروية واهي كلمة ياية من كلمة القرية

اما البدو كانت عيشتهم الاولى كجميع القبائل ترحال من منطقة الى اخرى وكانت علاقتهم بالحضر انهم يأمنون أموالهم عند التنقل عند تجار الكويت ويرجعون ياخذونهم بعد فترة ،، عقبها استقروا بالكويت بشكل كامل والقبائل البدوية ما أثرت باللهجة كثر ما تأثرت
لان اللهجة البدوية ثقيلة جدا ، فمع مرور السنين والتعايش تخففت اللهجة البدوية وااايد ومو مثل اللهجة اللي احنا نسمعها الحين
واقدم القبائل اللي سكنت الكويت قبيلة العوازم ومازال هناك بالفنطاس فريج اسمه فريج العوازم الى اليوم

وشاكرة لج ملاحظتج الدقيقة :ggdw:

 

[أحبه موت]

حبيبتي ترى علقيتنا وايد للحين ماقلتي ليش الاكلات الكويتية كلها تبدي بحرم الميم؟؟؟
صارلج اسبوعين وللحين ماقلتي لنا يالله ترى احنا بإنتظارج ولا ترى بلوع جبدج كل شوي بنزل رد هههههههههههههههههههه لا اتغمشر حبيبتي