فوزية القطان ولا ليلى أشكناني ولاسلوى الرفاعي؟

[مهندسة2007]

السلام عليكم
طبعا موضوعي مبين اني محتاره بين هالثلاث دكتورات مع اني ماجربت ولاوحده فيهم ابي اللي جربوهم يفيدوني الله يجزاكم خير وابيكم تجاوبوني من خلال الآتي:
- طريقتها معاج بالفحص والزيارات للعياده؟
- هل عيادتها ازدحام ولا سهالات وبالرقم والموعد؟
-طريقتها معاج بغرفه الولاده؟
- هل صبوره ولا لأ وقت الولاده -يعني تبي تخلص وتولدج قيصري ولالأ؟
- بالأشياء الطارئة لاقدر الله تحسينها فاهمه وشاطره ولا تختبص وتوهق ؟
-بوقت الولاده تييج من اول شي ولاتنطرج توصلين 8سم يالله تيي؟
-إي جم تاخذ وشنو المستشفى اللي تولد فيه؟


ناطره تفاعلكم معاااااي :eh_s(7):

 

[om al ghaleen]

أنا ع طوٌل عند د فوزيه القطآن من 12 سنه تقريبآ
عمليآتي ومراجعاتي ..

ماشااء الله صج دكتوره
بس العيب عيادتها كله زحممه ..
بس تستاهل العنوه

وايد اسمعهم يمدحون د ليلى أشكناني
وموفقه

\\

 

[مهندسة2007]

انزين خياطها شلونه وهل اهي صبوره عليج ولابتخلص وبس ووين تولد بأي مستشفى ؟ وجم تاخذ
ماجاوبتيني وايد

 

[زين ودلال]

انا ابجري كنت عند فوزيه بس حزة الولاده ماقدرت تييني ولدتني مساعدتها

وتاخذ 250 اذا طبيعي

وحتى مساعدتها نفس السعر

وهالمره اتمنى تولدني لان هم اراجع بعيادتها

 

[زين ودلال]

اللي متأكده منه انها تولد بالشفا ورويال حياة

 

[زين ودلال]

اي وعلى الخياط

انا خياطي تبطل وعقب رحت حق فوزيه واهي خيطتني

فجت الخياط اللي قبل وخيطتنيييييي مره ثانيه <<<<عذاااااااااااااب

بس خياطها اوكييييييييي

 

[مهندسة2007]

مشكوووورة حبيبت على الرد تسلميييين
يالله بنات ناطره ردودكم على باجي الدكتورات

 

[Roty]

اب اب لعيونج

 

[مهندسة2007]

مشكوووره عل الأب هايدي

 

[Eng.Kokoro]

انا الحين اراجع عند ليلى واروح عيادتها الصبح مافيها احد وادش ونفسيتها حلوه وحبوبه
والولاده ماجربتها توني بجر
واللي اعرفه الطبيعي ٢٥٠ والقيصري٣٥٠ والمراجعة تاخذ ١٢ دينار ومع السونار يصير ٣٢
والله يسهل عليج

 

[مس لوتس]

اب اب اب

 

[الدلال]

انا جربت فوزيه القطان

دكتوره ماعليها كلام, شاطره وتهبل وخياطها زين

بس عيبها الزحمه

 

[أم توته]

ولادتي الاولى عند ليلى اشكناني تهبل وصبوره واهي طبعها هادي يعني حزه الولاده مارح تحسين بخوف وتوتر كلش معاها والحين انا اراجع عندها وان شا الله اهي الي تولدني باذن الله
انا اروح لها العياده الصبح مافي زحمه وايد

 

[فلافل وبطاط]

انا جربت سلوى الرفاعي بولادتي .. بالصدفه ادخلت علي
ولدتني كانت يايه حق مريضاتها لان اتولد قيصري بالفروانيه

اسلوبها روعه وصبوره وخياطها حلو وحاشني نزيف واقعدت
تشوف شنو السبب وتسولف معاي ... ووايد ساعدتني وشجعتني
وهدتني لاني بجر ...

قبل اسبوع مولده رفيجتي بدار الشفا ... وايد اصبرت عليها وساعدتها
واتهديها كانت وبنفس الوقت اتهدي اهلها واتفهمهم ان الوضع طبيعي
لانها بجر وخايفه ...

 

[دلع86]

دكتوره ليلى اشكناني تهبل هاديه وصبوره وطريقتهم بالدور الي توصل اول تدخل وتاخذ ٢٥٠ طبيعي و٣٥٠ عمليه
والمراجعه ١٢ مع السونار ٣٢ انصحج فيها والله معاملتها مرييييحه ماتحسين بخووف وتييلج مبجر وتعطيج رقمها لمن تدخلين شهرج عساس اي شي يصير تدقين علييها

 

[auoma]

بصراحه انا مجربه فوزيه المراجعات اكس اكس زحمه ودور وبعض المرات ماتدخلين عليها
تقدح على الي معاها اول كانت زينه بس هالسنتين قامت تخوره وبصراحه سونارها بسرعه ولاتاخذين حقج
من ناحية الشطاره أهي شاطره حيل وبالنسبة للولاده توصل حده حده هالدكتوره كله مستعيله
وجربت ليلى عكسها بااارده وايد وعيادتها الصبح مافيها زحمه وحبوبه وبشوشه وبالولاده تهبل
بس هم احس فوزيه وايد اشطر منها وعندها خبره وتصرف احسن منها
طبعاً الحين غيرت الثنتين وارجع عند دكتور حيان بصراحه احسن وأشطر من الثنتين

 

[أميره بلا قصور]

احترنا الحين في ناس تمدح فوزيه وناس تذم ....!!!!!

اهي صج عيادتها زحمممه بس اجماع الكل انها الافضل حالياا

ولادتها بالهادي والشفا ورويال وان شا الله انا عندها

 

[jegrom]

انا الحين اراجع عند ليلى اشكناني عيادتها مو وايد زحمه وبالدوور

حبوبه وبشووشه ولدت اختي مرتين وحريم اخواني

هاديه حزة الولادة وتهدييج وتيي من اول شي وصبووره

يقولون خياطها زين واعتقد تاخذ 250 والي متأكدة منه تولد بالسلام ورويال ودار الشفا

 

[mafio98]

انا جربت سلوى الرفاعي واااااايد زينه ومراجعتها لازم بالمواعيد فالزحمه خفيفه مو وايد وتولد بالشفا ورويال والمواساه اذا مو غلطانه وولادتها وخياطها كله حلو انا ولدت مبجررر عن موعدي وايد ولدت باخر يوم بالثامن واول يوم بالتاسع الصبح وكان يوم يمعه مسكينه ماقصرت يتني طايره ولحقت علي على اخر شي بس بشكل عام ممتازه ولو افكر احمل اكيد بولد عندها*

 

[مهندسة2007]

يعني اللي قاعده أشوفه بشكل عام أن الثلاث دكتورات زينين بس يظل على التقبل النفسي لأي دكتوره تولدني
آنه اول ولاده لي كانت عند الدكتور تومسو بدار الشفا اهو صج زين بس حسيته جشع ويبي يولد قيصري وبس عشان الفلووووس