فوزية القطان ولا ليلى أشكناني ولاسلوى الرفاعي؟

[غلا جابر 2010]

انا ولدت عند دكتوره ليلى اشكناني .. وايد هاديه ومريحه بالولاده .. وخياطها زين وولدتني برويال حياة ..واتوقع تولد بعد بالسلام ودار الشفا والسيف بعد ..

تاخذ عالولاده 250 الطبيعي والقيصري 350

عياده الصبح فاضيه ولاعصر بعد مو زحمه واايد وعلى الدور اللي تيي اول تدخل .. انصحج فيها

 

[مهندسة2007]

مشكورة غلا جابر على الرد
عاد آنه ماخذه موعد منها العصر وخااااايفه من الزحمة

 

[om al ghaleen]

انزين خياطها شلونه وهل اهي صبوره عليج ولابتخلص وبس ووين تولد بأي مستشفى ؟ وجم تاخذ
ماجاوبتيني وايد

آخر مره ولدت بالصباح وخياطهم اكس اكس والله من غير مبالغه كله التهابات "
فلما كملت 10 شهور من ولادتي ركبت عندها لولب ورفعت رحمي لانه نازل وخيطت
الخيااااط توب ماشاء الله تبارك الرحمن ردتني بنت مو مصدقه لي الحين الحمدالله
بالنسبه لسعر الخياط والمستشفى واللولب كله كلفني 700 الولاده مااتذكر والله
وتولد بالهادي ورويال وقبل السلام
مااحس انها مستعيله وايد بس تحب تخلص شغلها كله بضمير ..
الحمدالله اهي الدكتوره الوحيده اللي تعرف لي

\\

 

[RάSpBεRrY]

ليلى اشكناني رووووعه وانصح فيها
وحزه الولادة تصبر عليج وبالعكس تفضل الطبيعي على القيصري
مواعيدها للاسف مزدحمة بس ماشااءالله خبره وفاهمه ونفسيتها حلوة
طبيعتها ماتسولف وايد على قد السؤال والحاجه مو مثل الدكتورات اللي يطبطبون ويمسحون
وسلامتج ؛)

 

[بيضاء وعسل]

فوزيه القطان كنسليها
لانها ما تحترم مواعيدها ودايماً اتكنسلهم
وفي كل مره كنت احدد موعد معاها بعد اسبوعين ثلاثه وبالآخر لما تجين علي
موعدج ايقولونلج الدكتوره تعتذر عندها شغل برا العياده منو تبين موجوده الدكتوره فلانه وفلانه وفلانه
نحول موعدج لهم دخلت علي 4 دكتورات تابعين لها وإهي للحين ما شفتها
وبنات وايد قالولي حتي ولادتهم تحولها علي مساعداتها

تصوري حتي الاستقبال نفسيه وما يردون علي التلفونات:eh_s(14):

 

[مهندسة2007]

بيضاء وعسل
مشكوووره على هالمعلومه وايد مفيده آنه سمعت من رفيجتي أنها باول الحمل تحولج على مساعداتها بصراحه مابي أبي أشوفها إهي ولا اروح اي مستشفى خاص وادش على عياده امراض النسا شكو ادفع اكثر عند العياده على بو انه اهي وآخر شي تسحب علي !!!

 

[مهندسة2007]

قاعده أشووووف الحين أن الأفضل ليلى وسلوى
فوزيه خوش وحده بس عليها ملاحظات
جذي الوحده تروح حق هالثنتين واهي متطمنه نسبيا والتساهيل من رب العالمين

 

[حرم_الغلا]

اب اب

 

[^سكر زيادة^]

روحي حق الدكتوره سلوى وانتي مغمضه انسانه قمه بالأخلاق والتواضع وتييج امبجر وقت الولاده وتقرا وتسمي عليج وخياطها حلوو وماتستعيل عليج وقت الولاده صبوووره وعيادتها مثل ماقالوا البنات لأنها مواعيد ماتلقين ضغط واااايد واتوقع تاخذ 200 او 250 للولاده الطبيعيه مو متأكده وتولد بأغلب المستشفيات أنا ولدتني برويال عمري ماشفتها وقت المراجعات مترفزه على أحد حتى لو كانت بعز ضغط الشغل ماشاءالله عليها دايما الابتسامه بويها الله يحفظها ويكثر من أمثالها

 

[مهندسة2007]

مشكووووره سكر زياده على هالمعلومه
انزين دكتوره سلوى وين عيادتها وجم رقمها؟

 

[مهندسة2007]

صج حرم الغلا مشكوره على الأب

 

[^سكر زيادة^]

24753232 هذا رقمهم ومكانهم بالفروانيه صج المكان قديم بس الصراحه تستاهل العنوه دقي عليهم أحسن عشان الوصف

 

[قلب جرحه عميق]

انا توني والده 12\11\2011 واراجع عند فوزيه لما دخلت شهري قالت لي بسافر الاسبوع الجاي تخيلوا بنات قاعده علي اعصابي مابي اولد الالما ترجع وقالت لي اذا ولدتي وانا مو اهني اتولدج دكتوره امبرين مساعده عندها قلت اوكي المهم ردت من السفروانا ماولدت قلت الحمدلله المهم لما جاتني الولاده الساعه 8 بالليل علطول رحت المستشفى المهم على ماانفتح الرحم وعطوني طلق صناعي واقولهم وين الدكتوره يقصون علي الحين تجي واشوفهم يكلمونها بالتلفون المهم اخير شي قالوا الدكتوره امبرين راح تجيج الدكتوره فوزيه عندها عمليه برويال حياة واستغربت عمليه تالي الليل وشلون عمليه واهي تحاجيهم بالتلفون وتعطيهم التعليمات وانا ادري انهم يجذبون لاني كنت سامعه كذا وحده يقولون ماتجي بالولاده ورفيجة اختي بعد وهقتها ماجاتها بس ماكنت مصدقه المهم ولدتني امبرين مساعدتها واهي ماشفت رقعة ويهها ولا اليوم الثاني داقه علي السكرتيره مبروك ولدتي قلت ايه بس زعلانه عالدكتوره ماجاتني جان تقول والله الدكتوره ماجات العياده الاالساعه وحده الظهرعندها شغل جان اقولها انا والده بالليل مو الظهر جان تسكت-وتقول ااه مادري والله المهم جاتني اليوم الثاني ترقع موقفها وانه كان عندها عمليه بس سبحان الله اللي يجذب يبين عليه وماجات الابعد مااخوي شخل الرسبشن قال شلون تاخذ فلوس واهي ماولدتها- مع انها ولدتني قبل 5 سنوات بولدي بس الحين احس تغيرت وصار همها بس الفلوس حتا المراجعات والسونار احيانا اللي معاها يسونه لي يعني اتعب عمري واراجع كل هالشهور عندها واقط فلوس وبالاخير ماتولدني صج قهررر واذا انشالله حملت ماراح افكر اني اروح لها خذيت درس-وبس حبيت افيدكم بتجربتي معاها

 

[^سكر زيادة^]

up
up

 

[مهندسة2007]

قلب جرحه عمييق
مشكووووره على تجربتج
الدكتوره اللي جذي للأسف إهي قاعده توهق روحها وتخسر زباينها براحتها ماتشوف شر بالنهايه اهي الخسرانه
= يعني الحين فوزية القطان أكس

 

[مهندسة2007]

آنه الأسبوع اللي فات رحت حق دكتورة ليلى أشكناني خوش وحده هاديه ورزينه ونفسها حلوه وماأحس اني كشيت منها وكل شي أسألها تجاوب وصدرها وسيع وطمنتني على البيبي يعني إن شاء الله راح أولد عندها وإذا ماصار إهي وصار ظرف سافرت او شي اروح حق سلوى