فهد

[6amni bs]

رد : فهد

اتوقع ابوها يروح عن فهد عمى بعينه بط جبدي
كملي ناطرينج حبوبه

 

[لطووف..]

يعطيج ألف عافية الباارت حدددده عجبيب مثل صاحبته

بس صج صج اندمجت ..
لا لازم تسوين خصم كل يوم 3 لووول
بس البارتات حددددهم قصاار مايصير جذي

 

[Miss.blue berry]

رد : فهد

ثينكيو على البارت
وااي ها فهد صج حقيير
حراام عليه

 

[miss disaster]

امممم ان شاء الله ابو دلال ياخذ حقها

يسلمو وناطرين الياي

 

[^ليلاس^]

رد : فهد

يسلمو حبيبتي

 

[^^ المشاغبه ^^]

مشــــا الله حلوووه القصـــــه تســـلمـ ايـــــدج والله يلآآ نبي بـــآآرت الحيين =(

 

[تيشيرت اخضر]

بليز بليز بليز بليز بليز بليز بليز بليز


نبي بااااااااااااااااااااااااارتـــ

 

[فديت كروزه]

رد : فهد

لا بليز لا توفين حده عجيبه وتشوق بليز كملي

 

[جمال رباني]

رد : فهد

ويتنق

 

[عذبه الروح]

alla y36eech el3afia

 

[لطووف..]

جاااااااااااااااااري الانتظاار........

 

[miss_shosha]

رد : فهد

سوري طولت عليكم الحين انزل بارت طويل شوي عشاني تاخرت عليكم

 

[miss_shosha]

رد : فهد

ابتسام مرت علي ماخذها عن حب دام 4 سنين و صارلهم تقريبا 5 سنين متزوجين عندهم جاسم عمره 3 سنين

طبع ابتسام شكاكه وايد تحب ريلها و تموت فيه بس تغار عليه غيره جنونيه و هالغيره وصلتها حد الشك هذي يسمونه مرض الغيره

المهم فهد يدري عن غيرة ابتسام و يقدر يلوي ذراع علي فيها لان يدري اخوه مستحيل يعيش بدون حبيبته و مرته وام ولده

راح فهد عند عليه

علي : هاه فهد شناوي عليه

فهد : انا اسف ياخوي و حقك علي

علي : " شك بهالكلام اول مره اخوه يعتذر " مهما يكون انت اخوي الصغير مستحيل اشيل عليك

فهد : ما ادري شلون طلع مني الحجي بالمستشفى بس انت تدري ان مالي غير امي وانتو يا اخواني كل واحد تحت مرته

علي عطف على اخوه الصغير من طبع علي الطيبه اللي مالها حدود خذاه ولمه

علي : افا عليك يا اخوي انت من ريحة الوالده وانت تدري اني يمك ومتى ما احتجتني بكون يمك

فهد : عيل والله ما تردني و تيي الشقه معاي نشتري فلم و نسهر مع بعض

علي : خلاص اودي ام جاسم بيت اهلها و اييلك

فهد : اعتمد ولا بتصكر عليك مرتك مثل كل مره

علي : لا اعتمد

علي شك بفهد بس شراح يسوي يعني اهو صغيره و طايش و يبي ريال يمه مستحيل اخلي اخوه واهو بحاجتي راح البيت و طبعا ابتسام تستقبله بالابتسامه الحلوة و العطور اللي تفتح النفس

ابتسام : هلا بنور عيني هلا بريلي حبيبي بو عيالي الغالي

علي : " تنهد كان يموت بشي اسمه ابتسام يضيع بدونها و ياما بجى عشانها " هلا حبيبتي تعالي لميني مشتاقلج

حياة ابتسام و علي كانت حلوة بس لو شكوك ابتسام و غيرتها الجنونيه

ابتسام : حياتي جنه عطر نسائي اشم فيك

علي : " ضحك " يا بنت الحلال تدرين شلون اي كنت مع غيرج

وخرت ابتسام عن حظنه

ابتسام : ما تستحي على ويهك تخوني و تقولي ياها بويهي

" تبجي "

يطالعها علي بكل حنان لو تدرين شكثر احبج يا ابتسام حياتي بدونج ولا شي

علي : هاج حبيبتي " يعطيها جيس حلو "

ابتسام : وخر عني ما ابي منك شي يا الخاين شسويتلك انا ما قصرت معاك بشي

صح ما قصرت معاه بشي ياما شالته و وقفت معاه لين كون الشركه الكبيره اللي خذا من وراها خير و صار من الكبار

علي : شوفي بعدين حكمي

تاخذ ابتسام الجيس والدموع 4 على الخد شافت العطر اللي كانت تبيه

فجت الكشره عن ويهها واضحكت

ابتسام : حياتي شنو هذي

علي : مابي اخلي شي بخاطرج رحت برسم الخدمه شريتلج العطر و قلت بجربه بشوف شهالعطر اللي صارلج اسبوع تتحلمين فيه

ابتسام : " الضحكه شاقه الويه " والله احب " تصارخ " تسمع احبك

علي : بابا حبيبتي اليوم بنام عند فهد

ابتسام : " تبطل عيونها " فهده منو

علي : " فقد من الضحك " حياتي فهد اخوي اذا تذكريني فهد فهد ف ه د

ابتسام : وانا وين اروح

ابتسام من كثر ما كانت تحب ريلها كانت تشتاق له بالثانيه الف مره

علي : اوديج تغيرين جو فبيت اهلج اذا ما ودج اقعد

طالعته ابتسام شكثر تحب هالريال بس لو الله يفكني من افكاري اللي مالها داعي

ابتسام : خلاص يا روحي اللي تشوفه

خذا علي ابتسام وداها عند بيت اهلها وبطريجه عند فهد

دق على فهد يسأله اذا محتاج شي ييبله معاه وصل عند الشقه نزل

قعدو مع بعض طالعو فلم

راح فهد المطبخ يصب عصير حق اخوه و حط حبوب الهلوسه داخل

فهد : " عبالك بتعدي ليلتك على خير ان ما خربت حياتك مثل ما ذبحت امي ما اكون فهد "

ودا العصير حق اخوه و قعد ينطر مفعول الحبوب تبدا بعد نص ساعه

علي : " يضحك بهستيرا " فهيد حسبي الله على عدوك شحاطلي بالعصير احس جوي فوق

فهد : مو حاط شي عسا دوم الضحكه

يطق الباب

فهد : خل اشوف منو ياي هالحزه

يروح يبطل الباب الا 3 بنات دخلهم و طبعا قالهم

فهد : تعرفون شغلكم وانا دافع لكم ابي شغل مضبوط

يدخلون البنات و يطالعهم فهد بس طبعا اهو بجو ثاني مو عارف اللي يصير بالضبط

قعدوا بنات ابليس عنده وصار ضحك و سوالف قام فهد خذا تلفون علي و قام دق على ابتسام

" ابتسام فبيت اهلها تسولف مع اختها "

زينب : اي شلون ريلج بعد شخباره وين جسوم مشتاقلته

ابتسام : والله كلنه بخير وجسوم يلعب فوق مع سعود

يدق تلفون ابتسام " ويه عمره طويل عن اذنج ارد على علي "

زينب :" اخذي راحتج على ما اسوي عشا حق اليهال

ابتسام : الو

تسمع صوت بنات و صوت ريلها يضحك

ابتسام : الو الو علي

" بشقه فهد "

تاكد فهد ان ابتسام سمعت ريلها مع البنات قعد و طلع خمره و قلاصه ينطر شيصير

ابتسام خذت السيار و طارت حق علي

ابتسام : " مفروض ما اوثق فيه ايه هذا تاليتها تخوني يا علي " تبجي " ليش شسويتلك "

وصلت ابتسام شقة فهد و تطق الباب بطريقه جنونيه يفتح لها فهد الباب

ابتسام : وينه وين علي " تدز فهد "

علي كان بغرفة النوم مو بوعيه الريال و بنت ابليس قصة عليه تدخل ابتسام الغرفه و يطالعها علي

علي : " صحصح " ابتسام ابتسام

يشوف البنت اللي يمه " انا شسويت "

ابتسام : يا حقير تخوني مع هالواطيه " تصارخ "

علي : هدي حبيبتي بتفاهم

ابتسام : لا تقول حبيبتي حبتك قراده ان شاء الله

راحت تبي تطلع و علي يلحقها

ابتسام : هدني و خر عني وعلم يوصلك و يتعداك ورقتي ان ما وصلتلي باجر انا اعرف شلون اخلعك بالمحكمه خل عندك كرامه

علي : " سمع هالكلام جنه سيوف بقلبه اول مره تطلب منه الطلاق " ابتسام هدي هدي انتي معصبه الحين " بجى "

ابتسام : ما يفيدك كل هذا و باجر ورقتي عندي

تطلع و تروح و علي قاعد مصدوم و يبجي

فهد يطالعه " ايه خذيت ثاري منك ومن دلال الحين اقدر اعيش وانا بالي مرتااااح محد يحط راسه براسي "


" عند دلال "

طلعت من المستشفى و مر على السالفه اسبوع وكانت امها ما تفارقها خايفه عليها و ابوها كان يراقب فهد وين يروح و وين اماكنه يبي ياخذ حق بنته

" في الممشى الساعه 2 بليل "

فهد كان ما خالد و ناصر يتمشون وكان فهد مستانس وباله مرتاح و يضحك

ما درى انه بو دلال يراقبه وناوي عليه نيه بهاليوم

بس المشكله انه بو دلال ما انتبه حق ناصر و خالد كانت الدنيا ظلمه و كان الحقد مالي قلبه ما يشوف الا فهد

فهد : والله مزاجي فل رايق

خالد : اي يبه دوم بس بفهم شسلفتك

ناصر : يعني شسالفته اكيد طايح له على طيحه

فهد : " مو شايلته الفرحه " اليوم حفله والبار مفتووح

فجأه حس بطقه على راسه و فقد الوعي

كانت الطقه من ابو دلال طقه حيل على راسه خلاه يفقد الوعي و كان بينحاش بس ما حسب حساب ناصر و خالد اللي مسكوه و اتصلوا على الاسعاف و الشرطه

فهد " دخل غيبوبه " ابو دلال " بالسجن "

اسبوعين على هالحال ام دلال مشتته بين بنتها اللي يبيلها مجابل و ريلها اللي ضيع مستقبله و مستقبل عياله ناطرين فهد يصحى و يتنازل بس اذا مات راح ابو دلال بقضيه القتل المتعمد

دلال انهارت على الاخر كل هذا صار من وراها بس الفرج من الله و فهد صحى من الغيبوبه بعد اسبوعينبس المصيبه رافض يتنازل عن القضيه و طبعا ماله داعي نتكلم عن قلب فهد الاسود

" فبيت دلال "

هند : دلول شصار

دلال : فهد مو راضي يتنازل ابوي بيروح كله مني بينسجن يا هند انا السبب

هند : هدي دلول ان شاء الله في حل

دلال : هند قومي وديني المستشفى

هند : ليش شتبين تسوين

دلال : بكلمه يمكن يتنازل

هند : من صجج يتنازل هذا نذل

دلال : ميخالف عشان ابوي بس مو عشان شي

راحت دلال و هند المستشفى عند فهد طبعا بدون لا تدري ام دلال لانها مجابله بو دلال و مجابله المحامي

شافته دلال و تذكرت اليوم الاسود اللي بحايتها من وراه تذكرت كل التفاصيل بس مو وقته الحين ابوها اولى من كل شي

دخلت عليه و لقته نايم كان ودها تخنقه تذبحه ب تعوذت من بليس

حس فهد ان احد دخل عليه حط فباله الممرضه بطل عينه شاف دلال فز قلبه قام قعد

مرت خمس دقايق واهم ساكتين يطالعون فبعض اعترف فهد حق نفسه اي احبها بس اهي ما عطتني فرصه حسافه لو يرد الزمن ما سويت اللي سويته

شيفيد الندم الحين ماكو فايده

دلال : ابوي يا فهد ..

فهد : تتزوجيني ..؟​

 

[6amni bs]

رد : فهد

على هالفهد بط جبديييييييييييييييييييي حده
مسكين عليييييييييي
كملي حبوبه ناطرينج

 

[Miss.blue berry]

رد : فهد

واااي هذا فهد فيه انفصام بالشخصيه و لا شنو ~~
كل ساعه على راي
مشكووره حبيبتي و ناطرين البارت الياي ~~

 

[so_what]

يسلمووو ناطرينج

 

[عذبه الروح]

نآطرين ~

 

[sweet.sanfoora]

waiting

 

[miss disaster]

امبيه من صجه هذا فوق شينه قوات عينه @@ ؟؟؟!!!


يسلمو وناطرين الياي

 

[حنطاويه عسل]

ناطرينج حبوبه
لا تطولين علينا