فهد

[^ليلاس^]

رد : فهد

حسبي الله عليه

 

[حنطاويه عسل]

حرااااااااااااااااااااااااااااااااااااااااااااام
بليز ناطرين كملي البارت
عفيا لا تطوليييييييييييييييييييييييين

 

[لطووف..]

................جآآآآآآآآآآآآآآآآآآآآآآآري الانتظااار

 

[Miss.blue berry]

رد : فهد

ويتنق :]

 

[miss disaster]

ناطرين

 

[miss_shosha]

رد : فهد

اخترعت هند من منظر رفيجة عمرها دلال خذتها و شالتها غسلتها و عطتها من ملابسها

هند : " بهدوء " دلال حبيبتي الحين انتي هديتي شوي ممكن تقوليلي شاللي صار

رجعت دلال تبجي و تصارخ

دلال : راح شرفي يا هند والله ما سويت شي غلط اهو لعب علي شقول حق اهلي وين اروح من الناس

هند : اهدي شوي فهميني منو هذا

دلال حاشتها نوبة هستيريا و قامت تصارخ و تبجي ما تنلام البنت بعد كل اللي صار فيها

هند : خليج عندي اليوم لا ترجعين البيت انا اكلم امج واروح اييبلج ملابس

انسدحت دلال على الفراش و دموعها اربع اربع تتذكر اللي صار معاها معقوله في ناس بهالدناءه عشان اني ما عطيته ويه جذي يسوي فيني اهو ما دمرني بروحي دمر عايله كامله ما يخاف من الله تعبت من التفكير و نامت


راحت هند و خذت ملابس من بيت دلال و قالت لهم انه دلال بالامتحان و بتنام عندها لان عليهم مد تيرم و يبون يدرسون مع بعض طبعا ام دلال تثق بهند فوافقت بدون تردد

" بالجامعه "

فهد يمشي بكل برود و يضحك مع فلان و علان و شاف ويه خالد متغير

فهد : شفيك بو وليدان
خالد : اليوم دلال ما داومت انت سويت شي
فهد : " يضحك " عشان تعرف مو هذي توقف بويهي ما بغى الا هذي بعد
خالد : انت ما تخاف الله ترا الدنيا سلف و دين
فهد : تبين تشوف الفلم اللي صورته
خالد : بعد مصور وين بتروح من حوبت البنت

فهد طايش عباله الشرف لعبة بايده ما يدري باجر تنقلب السوالف كلها على راسه

مر شهر و دلال هملت بدروسها كله بعالم ثاني محد يدري عنها الا هند اللي مو عارفه شلون تخفف عليها

" فبيت هند "

هند : خلاص دلال قطي ورا ظهرج ما يفيدج اللي تسوينه الحين انتي ما غلطتي انتي الضحيه
دلال : هذا شرف فهمي يا هند مو لعبه اللي ما

حست بدوخه و قامت ركضت الحمام صار لها اسبوع و اهي ترجع و مالها خلق احد

هند : متى ناويه تروحين المستشفى ترا حالتج مو عاجبتني
دلال : امشي وديني صج اللوعه ذابجتني و مانبي قادره اتحملها زياده

فهد بهالشهر كان الليل ما ينامه صراخ دلال مو راضي يروح عن باله و كوابيس تييله من وراها 24 ساعه يفكر فيها و يفكر باللي سواه يضطر انه يروح يشرب عشان ينسى بس للاسف يتذكر اكثر قام يبجي مثل اليهال وده يشوف دلال بس دلال صار لها شهر مختفيه ما يشوفها و كل ما يسأل خالد عنها يجعمه وما يرد عليه

دلال تحجبت و صارت تتغطى بالكامل فما ينتبه لها كانت تحس لما الناس يشوفونها انهم يعرفون اللي سوته وانهم يلومونها تروح وقت المحاضره و ترجع ما تكلم احد انعزلت وايد بعد ما كانت اهي الاجتماعيه واللي تتعرف و تحب تكون لها صداقات خطها غيرته و ما عطته الا حق هند كرهت اللي حواليها و ما تقعد مع اهلها من تشوف عيون ابوها تخنقها العبره بس كل هذا مو بيدها هذي غلطه وحش عباله ان البنات لعب ما يدري انهم اعراض ناس

" في المستشفى "

الدكتوره : هذي اعراض طبيعيه للحمل لا تخافين عادي حبيبتي و بعطيج مثبتات تاخذينهم

هند : حامل دلال حامل

دلال تسمع الحجي و ما تدري شتسوي انا حامل و اللي فبطني ولدي بس ولد حرام ولد ليلة عقدت حيات دلال و كرهتها بنفسها شراح تسوي شلون تواجه اهلها شلون تواجه الناس من وين يابت هالولد اهيه مو بنت رخيصه والكل يشهد باخلاقها بس شلون لي دروا الناس و كلام الناس ما يرحم


" في السياره "

دلال كانت حافظه عنوان البيت اللي ضاع شرفها فيه

دلال : هند روحي على الوصف اللي بقولج ياه
هند : وين شفيج دلول
دلال : روحي و ما عليج

حطت دلال امل انه يمن اذا راحت حق فهد و ترجته يستر عليها ما عندها غير هالامل شتسوي راح يذبحونها اهلها و ما تبي تشوه سمعتهم

وصلت دلال البيت و قالت حق هند تنطرها دخلت و ما كانت تدري شاللي راح يصير لها راحت صوب الاصنصير ولا يتبطل و تشوف مره كبيره جدامها بس مهتمه بنفسها حيل كانت ملامحا=ها حاده و ما فيها من الرحمه شي

ام فيصل : نعم منو انتي شتبين البيت ماله حرمه داخله علي جذي
دلال : اسفه خالتي بس انا اضطريت اسوي جذي مابيدي غير هالحل
ام فيصل : " تطالع دلال " انزين فصخي اللي على ويهج

فصخت دلال و كملت

دلال : اقدر اشوف فهد
ام فيصل : انا امه شتبين من ولدي

دلال بدت الدموع تبجي و قالت حق ام فهد السالفه كلها و توقعت انها تساعدها اكيد عندها بنات و بتحس فيها

ام فيصل : صج وقحه تيين لي عند عيال الحمايل و تتبلين عليهم

دلال : والله ما اتبلى يا خالتي والله يعلم

ام فيصل : صج بنات شوارع و ينخاف منكم انا مربيه ولدي عدل يله طلعي بره

دلال : خالتي مستعده اسوي تحليل و يبين منو الابو

عصبت ام فيصل و عطت دلال كف ما كانت متوقعه دلال هالقساوه من امه اكيد اهو طالع عليها

ام فيصل : طلعي لا اتصل على الشرطه واقولهم متهجمه على بيتي و تتبلى على ولدي بره

تسحبها و تقطها بره و تقفل الباب

دلال : حسبي الله عليكم يعل حوبتي ما تتعداج انتي و ولدج يعل يحترق قلبج عليه مثل ما حرقتو قلبي و خذيتو شرفي

نزلت هند تمسك دلال و تهديها

هند : غلط اللي سويتيه شمتوقعه من ناس جذي امشي معاي

دلال : حرام اللي يصير و قعدت المسكينه تبجي

سمعت واحد يناديها لو سمحتي اختي التفتت لقت واحد طويل و لونه حنطاوي ملامحه حلو و شكله هادي

دلال : نعم
علي : انا علي اخو فهد امري سمعتج تتحجين مع امي بس ما فهمت السالفه
دلال : فضحني اخوك خذا شرفي هذي السالفه وانا حامل بولدكم دمرتو حياتي
علي : اهدي اهدي تعالي معاي فهميني السالفه كلها وانا اتصرف

قعدت دلال وفهمته السالفه

علي : ما استبعد عنه هالتصرفات فهد من صغره جذي و ما يحسب حساب احد امي اللي مقويته " طالعها "

علي : متاكده ان اللي فبطنج ولد فهد

دلال : اي واذا تبون تسوون فحص ما عندي مانع

حس علي من اسلوب دلال انها صاجه وانها مسكينه و منكسره

علي : تعالي معاي

خذاها علي و صعدها عند فهد راح و لقى فهد نايم قام و مسكه حيل

علي : قوووم يا حثاله قوووم

فهد : هي انت شفيك " شاف جدامه دلال سكت "

فهد : " قرب صوبها " انتي وينج انا ادورج من زمان لا ليلي ليل ولا نهاري نهار شمسويه فيني

ام فيصل : " تدخل فجاه " مسقيتك هذا اللي مسويته

علي : يمه خليه يتحمل مسؤولية اللي سواه خافو من الله في البنت

دلال تبجي

ام فيصل : وانت يا المخدي صدقتها هذي امثالها وايد بالشارع تسوي البلا و تقطه على عيالنه طلعها بره بيتي

فهد : يمه بس انا سويت جذي

ام فيصل : اسكت ولا كلمه انت مسقي و ما تدري شتقول

طلعوووها برا

علي : بطلعها بره بس تاكدي ماراح اخلي ولدج بحاله

ام فيصل : لا انت ولدي ولا اعرفك اذا ضريت فهد بشي

" وقفت ام فيصل و حطت ايدها على صدرها ما قدرت تتنفس وطاحت فجأه "

فهد : يمه يمه علي دق على الاسعاااف​

 

[تيشيرت اخضر]

بليززز نبي بااااارت القصهـــ رووووووووعهــ

 

[6amni bs]

رد : فهد

واي البارت حده قصير نبي بارت طووووووويل
كملي ناطرينج

 

[لطووف..]

الله يخليج حاولي تنزلين بارتين هدية القرقيعان لووووووووووول

ولا بشتغل حملة نبي بارت وما اسكت ;Pp

كملي حبووبة ..

 

[Mazyoona]

واي مو صج
يا ماله الهم و الغم و البلا يستآآآهههل
منو يسوي سواته هالفهدد و أمه تستاهل اللي
صآرلهآآ ، يعل حوبتهآ ما تتعدآهم أثنينهم
و يا رب يمووت اللي في بطنهآ!

أببي بآآآآآآآرت

 

[so_what]

يسلمووو على البارت

 

[miss_shosha]

رد : فهد

ههههههههههههههههههههه امبيه اندماجكم مو صج فديتكم والله ان شاء الله بنزل قرقيعان يا لطوف نص ساعه بالكثير و البارتين يجهزون

 

[miss_shosha]

رد : فهد

" بالمستشفى "

فهد و علي مع امهم و اتصلوا على فيصل و حمد و عيسى

فهد : والله يا عليوي ان صار بامي شي لا اوريك انت و بنت الشوارع هذيك شي ما شفتوه

علي : احترم نفسك لا اعلمك الادب و صكر حلجك

فهد : تخسي لا انت ولا اللي اكبر منك

قام علي و صار هواش بالايد

عيسى : هي انت وياه شفيكم

يفاككهم

عيسى : وين امي

حمد : صج انكم تافهين

حمد : امي شفيها

فهد : اسال اخوك المصون اللي داق الشرف جدام امي

علي : والله موتك على ايدي يا ...

فيصل : خلاص اقعد انت وياه كل واحد ريال شطوله شعرضه امكم داخل ما ندري شفيها

الدكتور طلع و ركض فهد اول واحد

فهد : دكتور امي شفيها بدخل اشوفها

الدكتور : استنى .. انت انسان مؤمن بقضاء الله و قدره

فهد : وخر زين خل الحجي الفاضي لك

الدكتور : الوالده ادتك عمرها : انا لله و انا لله راجعين

فهد : شنو انت مينون ولا خبل وخر اقولك وخر

عيسى يمسك اخو و يهديه

فهد : امي ما ماتت امي ما تخليني وتروح حراام عليكم


الحقد يوم عن يوم يكبر بصدر فهد لازم ادمر دلال اهي ذبحت امي و علي ساعدها بهالشي والله ما تعدي


" في بيت دلال "

ام دلال راحت عند بنتها ملاحظه عليها انها متغيره هالشهرين

ام دلال : يمه دلال اقدر اقعد معاج

دلال : " تمسح دموعها " حياج يمه

ام دلال : شلون الدراسه يمه

دلال : ماشي حالها يمه بس صعبه شوي يبيلها مجابله

ام دلال : الله يوفقج يا يمه .. يمه فيج شي ناقصج شي

دلال : لا يمه ليش تقولين جذي ؟

ام دلال : الكل ملاحظ عليج حتى ابوج حاس انج متغيره وايد

دلال : لا يمه نفسية الدراسه بس " كان ودها تقول حق امها بس ما قدرت ما راح تفهمها "

ام دلال : اذا ما فيج شي خلاص اخليج تكملين دراستج الله يوفقج يا رب

دلال قعدت تتحسر على نفسها اهلها ما يستاهلون اللي قاعده تسويه بس شتسوي


" في الصاله "

الخدامه : بابا في نفر يبي انت بره
ابو دلال : قوليله يدخل الديوانيه
الخدامه : انا يقول اهو ما يبي يقول نادي بابا سرعه

ام دلال : هو منو هذا عبد الرحمن
ابو دلال : ما ادري بروح اشوف شسالفته

طلع بو دلال بره ولقى واحد متلثم ما عرفه

ابو دلال : عفوا اخوي منو انت
..: انا فاعل خير

طلع ظرف و عطه حق ابو دلال و راح الريال

ابو دلال : لو سمحت اخوي


ما رد عليه دخل داخل

ام دلال : هاه منو هذا
ابو دلال : ما ادري قال انا فاعل خير و عطاني الظرف

طلع الظرف شاف فيه سي دي

ام دلال : غبره شنو هذا
ابو دلال : تعالي نشوفه بالديوانيه

يروح بو دلال مع مرته الديوانيه و يشغلونه بالكمبيوتر

ام دلال : لا مستحيل شنو هذا
ابو دلال : ايا الخسيسه ايا المنحطه

قام بو دلال

ام دلال : اذكر الله يا بو عبد العزيز خل نفهم السالفه
ابو دلال : " يصارخ " شنفهم بعد بنتج زانيه بنتج بتحط راسي بالارض بس والله ما اخليها عايشه بهالدنيا دقيقه

يروح بو دلال المطبخ و ياخذ السجين و لاحقته ام دلال تصرخ و تبجي

ام دلال : ولي يسلمك خل بنتي ابوس ريلك

دلال بغرفتها غرقانه بافكارها و بالمصيبه اللي اهي فيه واميره كالعاده قاعده على النت ما تسمع الا صراخ و ابوها يكسر الباب و يدخل

امير : يبه شفيك شنو هذا

ابو دلال : ايا الحيوانه انا ما عرفت اربيج بس اعرف شلون اغسل عاري

دلال قامت وراحت بزاويه

دلال : يبه انت مو فاهم مظلومه والله مظلومه

ام دلال : ولي يسلمك خلها انا اتفاهم معاها خلها

ابو دلال : انا اربيج يا جليلة التربيا

يوصل عند دلال ويغرز السجين فبطنها طاحت دلال ...​

 

[6amni bs]

رد : فهد

امبيه حرام كملي ناطرينج

 

[miss disaster]

حسبي الله على كل ظالم


هذا كل اللي اقدر اقوله


يسلمو وناطرين الياي

 

[لطووف..]

رد: رد : فهد

ههههههههههههههههههههه امبيه اندماجكم مو صج فديتكم والله ان شاء الله بنزل قرقيعان يا لطوف نص ساعه بالكثير و البارتين يجهزون

وااااااااي فدييييتج مس شوشة .. يلومونج فيج بعد عمري والله :33_1185028183::33_1185028183:


:33_1185028183:

لو يكونون ثلاث يكون احسن على ايام القرقيعان لووووووول >> ماتنعطى ويه تراا :dddds:


يسلموو بعد عمري ..

واصلي واحنا وراكي ..:eh_s(8):

 

[miss_shosha]

رد : فهد

" فبيت هند "

هند : اف اف اف ردي يله عاد

ام هند : شفيج يا المينونه تكلمين نفسج

هند : يمه ادق على دلال من الصبح ما ترد علي ما ادري شفيها

ام هند : دقي على بيتها شوفيها ازعجتيني

هند : اي والله فكره

تروح هند و تدق على بيت دلال محد يرد

هند : يمه بروح لها

ام هند : ديري بالج ولا تتاخرين حدج لي 8

هند : ان شاء الله يمه


" عند فهد "

قاعد بقهوه وصل خالد و كان ملثم

فهد : هاه سويت اللي قتلك عليه

خالد : اي بس لو افهم شنو داخل الظرف

فهد : بعدين تعرف متاكد انك عطيته بو عبد العزيز

خالد : اي متاكد بس فهمني شسالفه

فهد : بعدين تفهم

اخيرا سويت اللي ابيه و الحين لازم انتقم من علي اهم اللي ذبحوا امي والله ما اخليهم يتهنون بعيشتهم

" المستشفى "

ام دلال قاعده بره اهي و اميره وابو دلال معاهم اطرين برا غرفه العمليات

ام دلال : " تبجي " حرام عليك ما خليتنه نفهم البنت
ابو دلال : ذكري الله " تندم انه استعيل وما فهم السالفه بس اللي شافه مو شويه "

اميره : " تبجي " الله يرحم بحالج يا اختي

طلعت الدكتوره

ام دلال : طمنيني دكتوره

الدكتوره : لحقنه عليها بس فقدنه الجنين

ابو دلال : جنين ..؟

الدكتوره : وين الزوج

ام دلال : مسافر الحين

الدكتوره : لازم تتحول حالتها تحقيق

ام دلال : ليش

الدكتوره : قضية شروع بالقتل مو هين جرحها والولد اللي فبطنها طاح

دخل ابو دلال بسين و جيم و نطروا دلال تقوم من البنج

الضابط : سلام عليكم
دلال : عليكم السلام
الضابط : اقدر اتكلم معاج
دلال : تفضل
الضابط : شصار بالضبط ..؟ ممكن تقولين لي
دلال : كنت بالمطبخ اسوي لي شي اكله و اختي يت من وراي بتخرعني و صار اللي صار
الضابط : اكيد
دلال : هذا اللي عندي

حاول الضابط يسحب من دلال حجي بس ما عطته خلاها توقع على اقوالها و طلع

ابو دلال كان ناطر بره و ما حب يدخل تمنى بداخلها لو بنته بخير بس يبي للي حوالي انه معصب ما ينلام بس لازم يسوي جذي اهي نزلت راسه بالارض و اللي سوته مو شوي


" هند و صلت بيت دلال و فهمتها الخدامه شصار حق دلال بس ما فهمت القصه عدل فطارت هند المستشفى تبي تروح عند دلال تتطمن عليها "

لقت ابو دلال واقف يم باب غرفتها شافت ويهه جنه كبر فجاه 20 سنه

ابو دلال : هند كنتي تدرين عن دلال

هند : اي عمي

ابو دلال : ممكن تقوليلي شالسالفه

فهمته هند السالفه كلها وقالت له انها مستعده توديه عند اخو فهد علي ياكد هالشي وان دلال مالها ذنب كل هذا صار لان فهد واحد واطي و ما يستحي

بو دلال كان مداخله مصدق انه بنته شريفه و محد يقدر يلعب براسها لانها تربيته ارتاح شوي و هدت اعصابه يوم سمع كلام هند دخل عند دلال و قالها

ابو دلال : انا فهمت كل السالفه

دلال : يبه و الله مالي شغل والله انا بريئه

ابو دلال : انا واثق فيج وانج ما تسوين شي غلط بس لا تلوميني يا بنتي كل ابو لو بمكاني يسوي اللي سويته واكثر

دلال : يبه انا ما الومك يا ليتني مت و دفنت عاري وياي " تبجي "

ابو دلال : " دمعت عيونه و لم بنته دلال " انا اييبلج حقج يبه لا تبجين

شراح يسوي بو دلال و شنو حال علي بالبارت اليديد ..؟​

​

 

[miss_shosha]

رد : فهد

لووول لطوف الطمع مو زين كل يوم بارتين حلوين عشان تتشوقون اكثر


منورين حبايبي

 

[جمال رباني]

رد : فهد

وااااو روعه مبدعه ، ابي اعرف القصه حقيقيه ولا خيال ؟

 

[miss_shosha]

رد : فهد

تبين الصج هذي من خيالي