فناتك واختراعات ومنتجات مساعده لرجيمج--شاركونا<<متجدد>>

[لبي قلبك يالغلااا]

مشكوووووره اختي سمسميه
انا بصراحه استفدت وااااايد من هالموضوع
بانسبة لي اخذ 3 اكاسات ماي على الريج بعد مااصحى من النوم ورابع كاس اخذه معاي بالسيارة وانا رايحه على الدوام
وهو عبالرة عن كوب ماي دافئ وفيه قطرات ليمون
وبعد ساعه تقريبا اخذ نسكافية
وبعد ساعتين تقريبا الساعة 11 اخذ كوب نسكافية ثاني بس هالمره اخذ معاه اي نوع من القمح اما ويتابكس او كورن فلكس القمح خاص بالفتنس وطبعا كلنا نعرف فوايد القمح اللي لا تعد ولا تحصى
واذا فيه مجال احيانا اشرب عصير قريب فروت
والساعه 3 العصر اتغدى اي نوع مشاوي مره لحم ومره دجاج بس غالبا سمك وصحن سلطه كبير لااااابد منه مع اليمون وخل التفاح
ولااااااااا يفوتكم الحين انصحوني بخل التفاح الأخضر منحف وحااارق جيد للدهون افضل من خل التفاح العاااادي وان شاء الله اشوف نتيجته عن قريب واقولكم
وبعده اخذ حبتين من خل التفاح
وطبعا من 3-4 اكواب شاي اخضر باليوم مع زنجبيل ورشة فلفل ابيض
وقبل الساعه 7 مساءا اخذ فاكهه وغالبا اما جح او قطع اناناس
ومعلقة جهاز عداد الخطوات طول اليوم برقبتي ومااشيله الا وقت النوم
وامشي يوميا ساعه
وبعد شنوووووووووو؟؟
ايه تذكرت امس شريت كوب مع الشاحن ماله للسياره يحتفظ بالكوفي او الماي بليمون اللي متعوده اشربه يوميا ساخن
وشريت مطارة للماي او الشاي او اي سائل تحبين تحتفظين فيه فترات طويله اما ساخن او بارد
و سلااااااااامتكم

 

[سمسميه]

لبى قلبك
ما شاءالله نظامج حلو واتوقع يضعف بسرعه خصوصا اذا قدرتي تستغنين عن القمح
موفقه

 

[وحش الريم]

سمسميه اسمج يشهيييييي اااااااااخ يالرجييييم انا عمري ما سوييييييت ..........
بس بعد ولاااااده ولدي الاخير كلششششش مو راضيه انزل هالثمانيه كيلو ذابحيني.......
بس وغلاااااتج انتي والبنااااات انا واياهم والصيييف ................ويصييير خير
موضووووووع عجيييييبthanx

 

[لبي قلبك يالغلااا]

فديتج والله صدقتي انا بأسبوعين ضعفت تقريبا 4.5 كيلو بس الحين صار لي 3 اسابيع وزني ثابت مايتحرك مع اني ماشيه ع نفس النظام وعشان جذيه باجرب استغنى عن القمح اسبوع كامل واستبدله بشغله ثانيه وراح اشوف شراح يصير معاي وابلغج
ومشكووووووووره ع النصيحه يالغلا

 

[وحش الريم]

اسال الله العظيم رب العرش العظيم ان يشافيج انتي وبنتك وكل مريض..........
اللهم امين

 

[سمسميه]

حياكم الله بنات

وحش الريم
تسلمين يا قلبي على الدعوه الي بحاجتها جزاج الله خير

 

[ام حموود]

ولله ماكو شي ماجربته ماكو فايده أضعف وتعب بعد مده أرجع الي فقدته كله لا أو فوقه جم كيلو زياده عن الحلال والحرام ولله أضحك راح أنفجر شسوي ما باقي جدامي الى العمليه:tek:

 

[مخروووشة]

والله خوووش طرق


تشكراااااااااااااااات

 

[حبنا الله عليه]

انا ماعندي فناتق ولا اختراعات

بس داشه من القهر بدلتي اليوم ماتدش فيني

 

[أحلى همبه كويتية]

انا مليت من شكلي
صرت كاني جدة قطيعة
المتن معطيني كبر
والحمدلله انه الكل يقول وجهي بيبي فيس (هذا اللي راحمني )
وإلا كان رحت وطي حسبالهم كبيرة وايد

 

[سمسميه]

لا لا لا
بنات ليش كل هالاحباط؟
الهدف من الموضوع ذكر اشياء تساعدج وتعينج على الرجيم
لا تخلون الياس يسيطر عليكم!!!
وكل شي بالاراده يصير













اقول
الاراده ما تنباع وتنشرى؟
جان انا اول وحده اشتريها
لوووووووووووووووووووووووووووووووووووووووووووووووووووووووووووووول

 

[meskq8]

موضوع حلو بس الاهم الاراده انا عن نفسي جربت نظام دشتي صراحه روعه

 

[مخروووشة]

حبوب الجاي الاخضر عجيبين

 

[سمسميه]

مخروشه
صج؟ اشكثر صار لج تستخدمينهم؟

 

[مخروووشة]

انا صارلي يومين بس والله احس فرق معاي

ووايد بنات اضعفوا عليهم والحمدلله مامنة اضرار كل الصيدليات قالولي ايزيلاكس وو حبوب الجاي الاحضر عجيبين

 

[سمسميه]

ماشاء الله
انا جربتهم فتره بسيطه بس ما حسيت بفرق!

 

[dream]

ما ادري يعطيج العافية سمسمية على الموضوع الطيب والله اما قريت موضوعج حييييل تحمست

تبين الصراحة انا حددددددي فاقدة الامل واحس كالعادة راح افشل ... بس وقسما بالله اما قريت الموضوع رحت ثاني يوم شريت بعض ااغراض اللي اعجبتني .. عن جد راح ادعيلج من كل قلبي .. لا وبعد حق كل العضوات لانه في الكثير من الردود من العضوات افادتني واااااايد..

يا ليت اقدر افيدكم بالموضوع لكن شنو الفايدة مني ؟!

انا كتلة من التجارب الفاشلة =(

راح ابتدي من جديد بس خوفج كالعادة اعود للنقطة البداية =يعني (لا طبنا ولا غدى الشر )

 

[سمسميه]

دريم
حبيبتي لا تقولين جذيه! ترى كلنا نعيش نفس الوضع مع الاراده
يعني تلقينا شويه نخربط وشويه نرد على الرجيم بس اهم شي تكون عندج ثقه بانج قادره وراح تقدرين ان شاءالله تكونين رشيقه
وان شاءالله هالمره تلتزمين بالرجيم
وان شاءالله نسمع عنج كل خير والله يوفقج وبشرينا

 

[منانا]

مشكورة سمسمية على الموضوع العجيب وانشالله نستفيد من بعض ونوصل للرشاقة باسرع الطرق وبدون مشاكل صحيه اهم شي الله يستر علينا ....
انا الله يسلمكم باذكر الاشياء الي صج تفيدني بالريجيم واهمها الشوايه ... كل ريجيم في يا لحم او دياي او سمج مشوي وطبعا اسهل شي نطلب من المطعم بس بصراحه من شريت الشوايه من تروفاليو وفيها ميزة انها تنزل كل الدهن وانا قمت اكل الكمية الي محددينها بالريجيم واسوي خلطات للشوي وابدع فيها واحطها بالفريزر
ثاني شغله مهمة وااايد اذا كنت مسويه ريجيم وطاعه المغرب مثلا اكل وجبة العصر قبل لا اطلع علشان لا ايوع وساعات اخذ عشاي معاي وشارية طبعا كل انواع الاكياس الي تحفظ الاكل والله مفيدة حتى الصبح اخذ ريوقي معاي واحطه بالجنطة او كيس صغير ويمشي الحال على ما اخلص ريجيم
مابي اطول عليكم بعد بس بقولكم اخر شغله
العقاب وااايد يفيد شلون ؟؟؟ لما اكون زايده ورايحه السوق ما اشتري شي كلش واذا شريت اشتري شي اصغر من مقاسي يعني اذا انا ايامهما البس 16 اشتري 14 ولما كان مقاسي 14 كنت اشتري 12
والحمدلله مشى الحال معاي بس بقاللييييي بعد ورااانا شغل ودرب طوييل الله يعين

 

[سمسميه]

منانا
اشلون صايره الشوايه؟؟ العاديه ولا مالت الباربكيو؟
وياريت تقولين لنا شنو خلطاتج للتتبيل

افكارج روعه وحيل عجبوني شطوره