فسرولي هالموقف والله خفت !!!

[7oor kuwait]

عن نفسي اشوف عادي

 

[(كويتيه عسل)]

اهوا قالج انتي كبر ولدي الكبير يعني انتي مثل بنته ماظنتي قصده شي

واذا انتي محتاره سأليه بطريقه غير مباسره ليش تعطيني حلاوكل يوم؟

 

[f-a-r-m-l]

هذا لو زووووووجي :eh_s(13)::eh_s(13)::eh_s(13):

 

[Miss Cherry]

لا تسيئين الظن اذا على قولتج رجال كبير وعاقل ومحترم يمكن مايقصد شي


حرام حطيتوا تحرش كلها حلاو


انزين اهو يوزع على الكل ولا بس عليج ؟

 

[كتكوته غنوجه]

انا قول كل ما تشوفيه تقوليله هلا يبا امر حجي
وراح يبين موقفه!!

 

[الملكة فيكتوريا]

لا لا تاكلين الحلااااو يااماا ناااس اكلوا حلاوه على بونه زميل وجذيه وكل يووم يااكلها
واخرتها طلع الحلاو محشو بالمخدرات وصار ادماان وضيااع مستقبل
لا تاكلين الحلاو اقل شيء اخذيها من اهنيه وقطيها بالزبااله من هناك
ولا تكلمينه ولا هم يحزنوون خليه على جذيه احسن ما يتمااده بعدين اذا قلتي له ما اكل هالسوالف بيجيب لج شيء ثاني

ويمكن هو على نيااته بس بالحالتين الحلاو لا تاكلين والسلام عليكم

 

[قصه طويله]

قرقيعان على دفعات


الحلااو نعناااع ؟؟؟؟؟

 

[شموخ العز ^]

ههههههههههههههه لا حياتي اقولج اذا ياج يعطيج حلاو قولي سووري مسوويه رجيم > ومن حقج تخافين زمن يخووف

 

[بنت_أخت_خالتي]

صفي النيه
مبين يعتبرج مثل بنته

لو فيي شي ثاني جان تغيرت المعامله مايعطي حلاو

 

[طـفولية]

ما عطاج اياها مباشرة ..
ولا غلط بكلام ولا تلميحات
ويمكن يعطي غيرج ..
توكلي على الله ..
ودامج سيدة مالج شغل بحد
ودايما ادعي ان الله يحميج من عيال الحرام ويحبب خلقه فيج

 

[أم خشم]

الحرص واجب ,, و الحين زمننا يخووووف ,, وما فيه مجال لحسن النية
ردي الحلاو بطريقة ذربة و بهدوء وقولي له مااكل حلاو ,, و اللي عنجي ما كلتهم ليما الحين ,, يعني من هالكلام
ترى عادي ,, الناس اجناس ,, و كل من له تفكيره و اللي يدور عليه .. و ياما بنات لا روحة ولا ردة و التزام و ضيعتهم غلطة بسيطة سووها بحسن نية ,, اناما اظلم الريال ,, لكن هم لازم الوحدة فينالازم تكون حذرة ,, يمكن هالحلاو فيه مخدر ,, او سحر او اي شي ,, ممكن يؤذيج ووايد قصص مرت علي بدايتها هالسوالف
وحتى لو يعطي كل اللي معاج ,, ترى شكلها مو حلو ,, و ممكن تفتحين على روحج باب حجي ماله داعي لان مو كل الناس تاخذها بحسن نية لو يشوفون هالموقف جدامهم
و الله يوفقج و يحميج لانج انسانة ملتزمة و عارفة ربج بشكلج و كلامج

 

[chanel N22]

يمكن يحسبج مثل بنته بس مع هذا الحذر يا اختي

 

[zenxena]

أووو سوالف قبل لما كنت ياهل ريال عود كان دائماً يعطيني حلاو الله يذكره بالخير
عادي حبي ما فيها شي بس لا تاكلينهم عشان اتكونين ماخذه حذرج وخلاص

 

[رُۈحَ ۈ رْيحَآن]

حبيبتي اقري اذكار الصباح والمساء راح تحفظج من كل شر ولاتحاتين وتفكرين وايد


شوفي هالقصه وشوفي فوائد الاذكار





هل تعلم فضل(أورآآد) أذكآآر ألصبأأح وألمسساء؟؟!
http://www.q8yat.com/t530540.html



من فوائد الأذكار - قصه تستاهل دقيقتين من وقتك ( مقطع يوتيوب )
http://www.youtube.com/watch?v=h6VRSV8CF60

 

[عميمة]

شوفي ان بعض الضن اثم

بس ادا انتي مو مرتاحه من هالسالفه
عندي اكثر من فكره واخدي الي تعجبج

- ادا فرق العمر كبير تقردين تنادينه عمي بو فلان مره مرتين لين يفهمها
- تقدرين تقولين له بو فلان تراني مسويه رجيم وانت حلاوك بدا يخرب علي ويقلل عزيمتي الله يخليك لا تحط لي .. بهالكلمه راح توقفينه او عالاقل تعرفين نيته
-تقفلين المكتب كل ما طلعتي عشان يحس انه لج خصوصيه


امممم بس هدا الي عندي


وسوري ترا ما عندي حرف (ذ) بكيبوردي ذ <ناسخته من احد الردود

 

[3oosh <3 MJ]

انا اظن انه يعتبرج مثل بنته
الله يحفظج حبيبتي

 

[احبك ليش؟]

شدعوه ترا حده عادي مو سالفه انج تخافين ومادري شنو عادي

 

[برنسس أوراق]

مو تقولين تفسير الحلم احذر من العمل..يعني اهو حاط عينه عليج وبيتقرب منج بالحلاوه..وبعدين يصارحج..انتي ﻻ تعطينه فرصه وصديه بطريقه ذربه ومو جدام الموظفين عشان مكانته وشغله