فسرولي هالموقف والله خفت !!!

[Q8yatمحدمثلنا]

احذري منه ولاتقولين هذا رجال كبير بالسن
ترى الرياجيل مايهتمون لفارق السن كل واحد منهم على
باله انه ديفيد بيكهام! ويعتقدون ان البنات ينعجبون بالشياب
وسيسقطون صرعى هواهم من اول دقيقة هعهعهعهعههع

مابي اخوفج بس تصرفه مو مررريح نهائياً

هههه...صاجه والله...

انا اقول : لاتاكلين الحلاو.. لاتجاملينه اذا جا وحطلج حلاوه وانتي موجوده..قوليله (ابو فلان انا ماآكل حلاو كلش) بس قوليها بطريقه عاديه ..بدون عصبيه وبدون ابتسامه..

يمكن انتي شاغوله ومنتظمه بالدوام وهذي طريقه يشكرج فيها..ويمكن ابليس لاعب بعقله وبيجس نبضج..

انتبهي تناقشينه بالموضوع او تاخذين راي بعض البنات اللي يقولون اخذي الحلاو ورجعيه له...لاتفتحين على نفسج بااب انتي في غنى عنه..الله اعلم بنيته.مابي اظلمه بس ياوخيتي الحذر واجب ..

 

[HapPineSs]

ويييييييييييييييي عادي لا تحاتين ... انا الوالد الله يطول بعمره نفس الطريقه اجتماعي لابعد الحدود ويكون علاقات مع الكل وحبووووب
يكلم الكبير والصغير وضحك وسوالف وتلاقينه مايعرفه اساسا.. بس كلش لايروح بالج بعيد .. ولا تفكرين وايد اعتبريه بمثابة ابوج .. وان شاء الله مايطلع اللي ابالج صح... بس تدرين شلون .. شرايج تسألينه شسالفة الحلاو؟ او تسألين الموظفات اذا يعطيكم حلاو ههههههههههههه حشا قاعدين بالروضه ولا بالمدرسة

 

[Queenleo]

الحذر بالدوام مطلووب بكل الاحوال
بس حرام ريال عوود ووانتي بحسبة بنته
يمكن معجب بأنضباطج ووشغلج
انا كان مسئوولي يعاملني غير بس لانه معجب بشغلي
وحتى لتاخرت ماايزفني لانه يعرف ان شيء خاارج عن ارادتي
فعادي لاتسيئين الظن

 

[داريني]

ليشً سوء الظن يمكن مو قاصد شي ! و حركه عاديه خو احنا مراقبنا شايب يدلع اسامينا دلول و عبور و فطوم و ماخذينها من باب انه ريال عود و كبدكر بناته بس حزه الي فيه احد غريب ينادينا في ام فلاان

 

[hend6363]

ان بعض الضن اثم حبيبتي خلي نيتك صافية

 

[نفهمها صح]

اذا مغلط عليج بلاكلام مالها داعي اخلق مشاكل
والحلاوه اوو شكولاته تقدرين تخلينها نفسس مكانها لا تاخذينها
اوو قدميها للحد والافضل تخلينها بمكانها
لكن منصحك تسووين مشكله​

 

[ام زهقانه]

يمكن حاطتج من احساب بنته لا سيئن الظن

 

[علم بلا معلم]

ان بعض الظن اثم ,,
( حسني النيه ) لكن قوليله انا مسويه رجيم او بخفف من الحلويات اي عذر ..
واخخذي حذرررررج ..
وفي ناس عادي عندهم متعودين جي مب قصدهم شي .. بحسن النيه
لكن الحذر مطللوب ..
وحصني نفسك ياذكار الصباح والمساء ,, !
وبالتووووووفيق

 

[محد مرتاح]

يباا ديري بالج لاتاكلين شي شكثر يحطون بلااوي بالاكل ع قولت عتيبه حطيهم بسله ع المكتب خليه يشوف انج ماتاكلينهم وبيطخ عقب

 

[غناتي و حياتي]

اذا ما تبين الحلاو عطينيهاا هههههههههههههه
صراحه شي غريب هذا شكله كل يوم يمر الفرع و يجيبلج حلاووو

 

[شندوخه]

صج حريييم تهولون المواضيع وتكبرونها
يا يبا الريال قايلج انتي من جيل ولدي وبالعكس الحلاوه قاعد يتنقصلج فيها شكله اهو يحب هالحلاو ويقط عليج كل يوم
بالعكس انا ماشوف حركته فيها شي موزين !!

 

[BaiTotia]

شنهي نكهتة الحلاو يمكن نعرف حل لمشكلتج ههههههههههههه

حبيبتي ماشوف الموضوع مشكلة أو شي يخوف!!!!!

عادي لو أنا مكانج مابفكر نفس تفكيرج

عادي ريال بحسبة أبوي ويتنقص لي حلاوه

وإذا خايفه لا تكلينها عطيها الفراشين أو إذا شفتيه حطاها لج قولي مشكور بو فلان ماآكل حلاو

 

[الرأي الآخر]

الحلاو ينعطى عادة لليهال .. فرايي انه يعتبرج مثل بنته ..
اذا مو مرتاحه المره الثانيه شكريه و قوليله انج قاعده تحاولين تقللين من السكريات (او اي عذر من هالنوع) و انشالله يفهم و يوقف .. بس ما اعتقد ان قصده شيء سيء

 

[zzZ-ZoZa-Zzz]

هههههههههههههههههه صراحه ًيابختج بلعكس نيته صافيه وقلبه خضر أكليها وانتي مستأنسة بعد عادي ترى عادج حسبه بنته وبسج تفكير

 

[دنيا الصدمات]

امبيييي مسكييين مو لي هالدرجـه الريال ما تحرش فيج ولا شي
بالعكس انسان راقي في تعامله وحركه تقرب القلوب وتحبب الناس الله
انا مسؤلي دايما اييب لي حلااوه واشياء حقي وللبنات عااادي
كلهم كبار بالسن ومحترمين ومحد تخطى حدوده بحط دوبي ودوب حلااوه اشدعووه​

 

[Freakya]

يا حلييييله ..

و شدعوة خايفة يمكن يعتبرج نفس بنته ..

اللي فيه لواته يبين عليه ..

 

[كتكوته عسوله]

مشكورين خواتي اللي ردو علي كلهم وما قصرتو وحشا لله والله لاني مهوله بالموضوع ولا شي بالعكس والله احترمه واهو انسان محترم جدا بس تدرون النفسيه تأثر على الانسان والحلمين اللي شفتهم اثرو فيني بعد وقات ابلغكم جزاكم الله خير

 

[ليدي اكتوبر]

تقديم الحلاو مقدس عند الرياييل مادري ليش حتى دكاترتنا يوزعونه ع طول
بس من باب الاحتياط خليج شوي رسميه
ولاتاكلين الحلاو كتيه بالزباله وتاكدي يعطي الكل ولابس انتي
والله الحين كل شي يخوف بس اهو شكله حبوب ويحب انه يكون محبوب ومتواضع بين الناس يمكن لااكثر

 

[marimor]

اذا كبر ابوج

عادي مافيها يمكن يعتبرج مثل بنته

 

[Remember-Me]

يمكن ريحة حلجج خايسه خخخخخخخخخخخخخخخخ لا لا اتغشمر

اذا عطاج مره ثانيه لاتاخذينها وزفيه بأسلوب محترم