فرص عمل لحملة الدبلوم و البكالوريوس من kpc إعتبارا من 31\7\2011

[iNoor]

مشكوورة حبيبتي
خلاص انا راح اسوي نفسج

بس بعد سؤال ما عليج امر
الشهاده مع كشف الدرجات مع بعض ولا الشهاده بروح وكشف الدرجات بروح

انا عندي كشف درجات والشهاده الي كاتبين فيها لمن يهمه الامر
بعرف شنو احط مكان المؤهل العلمي

المؤهل اللي اهو الشهادة بروح
وكشف الدرجات بروح

 

[iNoor]

آنا عبيت البيانات الحين وكتبولي/
تم حفظ البيانات وارسالها الى أقسام التوظيف، لن يمكنك اجراء أى تعديلات اضافية على بيانات الطلب


بس مادري عديت الـ 2 ميغا ولا لأ
عدد البايتس 155768 ، عديت ولا لأ @@ !

@@
هالرقم وين طلع لج؟

 

[سمو ذاااتي]

الحقوقيات انا محتاره مادري مو وايد الفرق بين المؤوسسات والنفط يعني فرق بسيط وااايد علي. مشوار الاحمدي انا عبالي الشويخ والمعاش اقوي

اللي تعرف مزايا النفط تقولنا ولها دعوي بالشهر الفضييييل 

 

[جنات]

صح أنا معاج منو تعرف مميزات البترول ؟ سمعت انه بونص كل سنه و تأمين صحي ومعاشات قويه ،، بس توقعت الحقوقيين فوق ال ١٠٠٠

 

[محاميـــة]

حتى انا توقعت جذي

 

[bnt_7waa]

الشي الحلو الي سمعته بدل الطريج مال شركه نفط الخليج الي بالوفره 300 دينار

ولا طلع المكان فيه بنات وايد كل يوم الصبح يوديهم جمس من الاحمدي ليه الدوام

 

[ON_LY]

بنات


بالنسبه كلام بنت حلوا عن ال300 :

الي سمعته انه بدل طريق للمهندسين والوظائف الفنيه فقط للي يطلعون مواقع بالمناقيش
وعلى قولتج بجيمس (( مو للاداريات )) مادري عاد بنت حلوا انتي اداريه ولا فنيه!!!!؟؟

طبعا وعن ساعات الدوام الاكيده دوام النفط :

بالنسبه للاداريات (( من الساعه7الى4العصر ))
وبالنسبه للفنيات والمهندسات((12ساعه : من6الى6المغرب))نفس دوامات وزاره الكهربا بالمحطات ولا المشاريع


وعن كلام ام فهد صحيح :

(( يركزون على الاداريات بامتحان الانجليزي ,, ويركزون على المهندسات بامتحان التخصص ))
لان اغلب شغل المهندسات بايدهم وعملي فالاهم التخصص واغلب شغل الاداريات عقود وتعاملات كلها بالانجليزي بالوظيفه

 

[bnt_7waa]

فيه بالوفره اداريين بس قليل مو نفس الاحمدي

 

[ON_LY]

صدقيني ماكو اداريين بالوفره ,, تلاقينهم بالمبنى الريئسي بالاحمدي اي ,, بس يطلعون جيمس": \اول مره , تاكدي بليز !؟؟

والله الي اعرفه ان قسم الشؤون القانونيه والاقسام الاداريه لازم يكون مكانه مرموق وبالمبنى الرئيسي مو بالوفره!!؟؟
وحتى لو طلعوا فروع اكيد يكون ((مدير مهندس)) يعني من الوظائف الاداريه الي جانبها فني مو اداري بحت قانوني او محاسبه
وبعدين الي اعرفها ان ال300 تلاقينها مقسمه بدل موقع وبدل طريق للمهندسين وبدل منطقه نائيه وبدل خطر كلهم300 ؟؟!!

 

[سمو ذاااتي]

جنات ومحاميه اذ الحجي اكيد ان المعاش 997 المؤسسات نفس المعاش الفرق يمكن 40 دينار وبعدين واااااايد بعيده الاحمدي انا عبالي الشركه اللي صوب جامعة الكويت ...!

ياليت في احد يفيدنا بوضع الحقوقيااات بشركات النفط بشكل خااص

بليز اللي لها معارف بالنفط تسأل لناا

وصج شسالفة الوفره @@

*

 

[~~ SaM ~~]

الحين انا اول ما اختار تخصصي يطلعلي بالاختيارات بس koc !
ماقدر اختار شي بعد


وين اماكنها ؟ مابي اختارها و اخير شي تكون بعيده علي و اتوهق

 

[o.m.f.a.h.a.d]

السلام عليكم :eh_s(7):

كلام اونلي صح ... خبرري بالوفرة يطلبون كله رياييل و اغلبه الوفرة مهندسين و فنييين لانه بالوفرة فيه حقل نفطي ما اتوقع يحطون بنات بالوفرة و اللي اعرفه نفط الخليج كل شي شغل الاداريين و المحاميين بالرئيسي
و الجمس حق بس المهندسين او فنيين او الجيولوجيين يروحون حق الحقول


وعن دوامات نفط ترا على حسب كل واحد وشغله ... اختي تشتغل ادارية knpc بمصفاة الشعيبة دوامها من 7ونص لي 3 ورفيجتي نفس الشركة knpc بالرئيسي بالاحمدي بس تخصصها علم حاسوب يعني مبرمجة كمبيوتر تشتغل من 8 لي 3 ونص ومرات مسئولها ما يخليها تطلع الا ب 4 عشان دوامهم فيه شغل وايد ... بس اغلب الاداريين عادي دوامهم لي 3 هذا عن knpc و koc بس الباجي شركات ما ادري والله عنهم يطولون او يطلعون مبجر صراحة ما ادري


وبالنسبة احنا المهندسين ... المهندسين والفنييين الرياييل نظام شفتات يكون دوامهم 12 ساعة مثل ما قالت اونلي 6صبح لي 6 المغرب
اما المهندسين والفنييين الحريم او نظامهم مو شفتات من 7 ونص لي 3 بس اذا صارت مصيبة اي وقت يدقون عليج اتيينهم مسئولي قالي جذي بس سالت ريلي يقول لي بس جذي يبي يخرعج يدقون على رياييل وقت المصايب ما يدقون على الحريم

sam : كي او سي مكانهم بالاحمدي الرئيسي انتي استخيري وقدمي وشوفي ... رفيجتي ساكنة بالرحاب و تداوم بمصفاة شعيبة ... قبل تقولي لا لا ما ابي اتوظف بعيد ما ادري شنو ... الحين تعودت على طريج ... استخيري اذا اهيا خير لج الله يكتبها لج ويسهل عليج حتى بالطريج واذا مو خير لج الله يكتب لج اللي احسن منها ان شاء الله :yaaaaaarb:

يا بنات جربوو حظكم يمكن يحطونكم kpc بالشويخ ما تدرون

للاسف ما عندي احد اعرفه حقوقيين جان ساعدتكم بس اللي اعرفهم اغلبه مهندسين او فنييين يشتغلون اما مصافي او بحقول

ان شاء الله اكون افدتكم

:eh_s(7):

 

[bnt_7waa]

صدقيني ماكو اداريين بالوفره ,, تلاقينهم بالمبنى الريئسي بالاحمدي اي ,, بس يطلعون جيمس": \اول مره , تاكدي بليز !؟؟

والله الي اعرفه ان قسم الشؤون القانونيه والاقسام الاداريه لازم يكون مكانه مرموق وبالمبنى الرئيسي مو بالوفره!!؟؟
وحتى لو طلعوا فروع اكيد يكون ((مدير مهندس)) يعني من الوظائف الاداريه الي جانبها فني مو اداري بحت قانوني او محاسبه
وبعدين الي اعرفها ان ال300 تلاقينها مقسمه بدل موقع وبدل طريق للمهندسين وبدل منطقه نائيه وبدل خطر كلهم300 ؟؟!!

اخوي موظف بالخليج الي بالوفره واهوا قالي عن الاداريين وال 300
والله اعلم عاد

 

[o.m.f.a.h.a.d]

بس حبيت اصحح معلومات دقيت على اخوي سالته عن الوفرة طلع فيه ادارييين وفي حريم بس ما يدري للحين يودون حريم اهناك لانه يتلهم فترة ما ودوو حريم اهناك كانو مخلين بس القدم اللي مشتغلين اهناك بس ما يدري الحين شنو نظامهم بس القانووونيين بالرئيسي يخلونهم

وعن دوام الرسمي من 7 لي 3 بس انه الشركة ما في نظام البصمة اختي واخواني مدرائهم عادي مخلينهم يداومون من 7 ونص من جذي على بالي دوامهم 7 ونص

وعن زيادات السنوية ترا على حسب تقييمهم لج طبعا اللي فوقج يقييمج وبعد على حسب درجتج الدرجة الوظيفية يعني كل واحد يشتغل يبدا مثلا بدرجة معينة طبعا كل درجة معاش غير و زيادات غير كل درجة عن ثانية

وعن بدل الطريق سالت اخوي يقول على حسب درجتج وما يدري بالضبط جم كل واحد ودرجته يتغير البدل اذا درجتج عالية طبعا بدل اكثر

و اسفين على الخطا

 

[bnt_7waa]

الله كريم


ماكو اخبار عن الاختبارات متى ؟

انا ذيك اليوم كلمتهم على الاساس الخميس قالي راح يبلشون بس جنه ماكو حس للحين

 

[iNoor]

بنات انا تخصصي تمويل و اقدم على اساس علود ادارية والا شنو ؟

ليش ما يبون تمويل

بنات باعلان البترول مو كاتبين تمويل يمكن سقط سهوا بس ترى لما تدشون موقع التسجيل التخصص مطلوب وموجود بين الخيارات

https://webapps.kpc.com.kw/recruitment/homeNew_ar.aspx

موفقين

 

[ON_LY]

بناااات

على فكره ماكو شي اسمه المبنى الرئيسي ولا الفرعي همه حاطين الشركات الي طالبيه التخصص مالج
يعني بيحطونج بالشركه بالاسم مالها ,, يعني انسي يحطونج بالkpcالشويخ الرئيسي ولا الknpcبالاحمدي

الي وصلي ان الامتحانات بتكون بالاحمدي بقاعات التدريب البترولي بشركه الknpc
اما وظيفتج ووين دوامج بالاسم الي انتي قدمتي عليه يعني بالنسبه لتخصصي بالشركتين الي حاطين اساميهم

والي عرفته من الناس ان هالشركتين ((مبناهم الرئيسي بالاحمدي)) ولهم مواقع بالوفره والمناقيش
فدوامنا بيكون بالاحمدي لامحاله

بنت حلواا

الاختبار طريقتهم ان كل اسبوع تقديم اتيي وراها اسبوع يدزون مسجات للي قدموا الاسبوع الاول لاول امتحان
ويكون بالاسبوع الثالث وبهالطريقه لان اكو امتحانين وكل امتحان له فترته

ام فهد

سالفه ال300طلعت صج اكوو للاداريين بس (( للرياييل ": (الى هذا الوقت مثل ماقالت ام فهد))

سألت رفيجه اختي تشتغل بالknpcادارياا وتقولي الرياييل يطلعون هناك اما الحريم يظلون قاعدات بالمبنى الرئيسي
ومو300 ال300للفنييين والمهندسيين ,, الاداريين100وشي سبعين بس بدل طريق ومنطقه نائيه
اما بدل الخطر والمواقع (( الوفره والمناقيش و و )) مولوت الفنييين فيوصلون300 مو الاداريين

سمو ذاتي :

للاسف ماكو فرق وايد عن المؤسسات ولا شغل المؤسسات اسهل بعد واقل ساعات دوام على40دينار فرق: (
ورفيجه اختي لماكنت اسولف وياها تعرفلها وحده قانونيه تشتغل وياها بالknpc والصدمه الكبرى : تقول ان وظيفتها مالها شغل بالقانون كله اداره اعمال بالنفط يعني مو حاطينها قسم قانوني تخيلوا !!!؟ وساكنه بالخالديه تقول طريجها سفر": )

 

[honey lust]

بنات انا لما حطيت تخصصي

طلعلي المكان osco احد يعرف هاذي وين؟؟؟

 

[iNoor]

بنات انا لما حطيت تخصصي

طلعلي المكان osco احد يعرف هاذي وين؟؟؟

يمكن قصدهم شركة خدمات القطاع النفطي OSSC بس وين صايرة مادري (اتوقع بالأحمدي)

 

[honey lust]

يمكن قصدهم شركة خدمات القطاع النفطي OSSC بس وين صايرة مادري (اتوقع بالأحمدي)

توه كنت ادور الفروع اللي عند kpc

و طلعتلي ossc اقرب شي شكلها صح اهيه

بنات اللي تعرف وين بليز تقولي؟