فرص عمل لحملة الدبلوم و البكالوريوس من kpc إعتبارا من 31\7\2011

[mllon]

معلق الموقع..

 

[ON_LY]

بنات
ترى سائله رفيجه اختي تشتغل مناك وقالت لي ان اهم امتحان يحطون عينهم عليه هوه (( الانجليزي ))
على وقتها الانجليزي60%على امتحاناتهم والتخصص30%والمقابله30%ويدخلون المقابله الي ياخذ بالانجليزي فوق ال40%من ال60% كدرجه اختبار
يعني التخصص والمقابله شغله شكليه اذا درجتج عاليه بالانجليزي لان على كلامها تعاملج هناك الاغلب مع اجانب
وتقولي ماتطولون انشالله لان توقيع عقودهم كانت شهر12 على ايام تقديمها وكان تسجيلها مثل هالوقت بشهر7
تقولي قدمت مثلنا شهر7وامتحنت9 الانجليزي و10 التخصص و11 المقابلات والقبول توقيع العقود بشهر 12وانشالله صج كلامها


وبالنسبه للقانونيات الي مثلي : مثل ماقالت اختي ان صح المعاش997 (( وبدون قصه التامينات ":\ ))
اذا قلنا بيقصون70مثلا بيطلع937 بهالحدود للي توه متوظف عندهم

وبالنسبه لمكان عملنا ((ك اداريات )) يعني مومثل المهندسات مواقع وجذي فدوامنا بالشركه نفسها والشركتين قالت لي (( كلهم بالاحمدي)) صوب الفحيحيل بس كل شركه بصوب
تلاقين شركه بشرق الاحمدي والثانيه جنوب الاحمدي اماكنهم بهالطريقه

 

[bnt_7waa]

بنات جم وحده ضبط معاها وسجلت؟

 

[bnt_7waa]

سجلت واخير


لمه حطيت كشف الدرجات في ال Word وسيفته وبعدها حملته بالموقع بهاذي الطريقه ضبط معاي​

 

[iNoor]

حبيبتي فريش

لما دزيت البيانات قعدت ادخل على ال Track Results

بس تطلعلي invalid and verfiy ليييش مع ان واصلي رساله منهم على ايميلي؟؟

حتى انا، اتوقع بعدين نقدر ندش عقب ما يدزون مسج أو يتصلون :eh_s(20):

لا والله توني حطيت رقمي المدني والباسوورد طلعلي هذا :rerrerek:

 

[Andie]

ON_LY: أختي ما عندج فكرة بأي قانون يمتحنونا؟؟

و بالنسبه لمكانهم، أنا قالولي ان KPC بالشويخ صوب شارع الخليج، مو؟

و بعد عندي سؤال انا ارفقت بس كشف الدرجات النهائي، لازم أسجل طلب ثاني و ارفقه كامل و لا شلون؟

 

[أحبج يمه]

الله يوفق الجميع يارب

ودي بالبترول بس احس دوامهم صعب وطويل

 

[.P.ENG]

سجلللت بعد يمكن ١٠ محاولات بالبيت ومحاولتين بالجامعة (gust) آخرهم تكللت بالنجاح هههههه طلعلي تم ارسال البيانات واني ما أقدر أعدل بياناتي الحين ووصلني ايميل على طوول
بس لازم تتأكدين ان حجم كل الملفات مع بعض ما يتعدي ٢ ميغا آنا حاولت قد ما أقدر أصغر حجمهم لما وصلوا كلهم أقل من ١ ميغا بشوي :eh_s(9):

حبيبتي عندي استفسار بما انج توج مسجله

المتطلبات الي يبونها وحجمها اقل من 2 ميجا
تقصدين حجم كل شغله بروح ؟؟ ولا المجموع الكلي مالهم لازم اقل من 2 ؟

اقصد يعني انا اسوي سكان حق مثلا البطاقه المدنيه واصغرها واخليها اقل من 2 ميجا
وهم بعد اسوي هل الحركه حق باجي الشغلات
ولا لا اصغرهم وااااااايد عشان اخمس شغلات الي يبونها مع بعض لازم اقل من 2

وبالنسبه حق السكانر اسيفهم بصيغه شنو ؟؟

شنو الصيغه حق الصوره والبطاقه المدنيه والشهاده
؟؟

 

[ON_LY]

حبيبتي فريش
صارلي مثلج اتوقع لازم تنطرينهم يوم عشان يضبط بالسستم لما ترسلين بياناتج لهم

اندي

والله ماعندي فكره عن القوانين الي بيمتحنون لها لان رفيجه اختي مو قانونيه بس اتوقعه بترول واداري الاغلب
وبالنسبه للkpc الي بالشويخ اعتقد انه فرع ,, لان الرئيسي شكبره بالاحمدي ولا لايكون بالج راح لوزاره النفط مناك صوب شاطئ الشويخ !!
لان الشركتين الي حاطينهم للقانونيين (( كلهم بالاحمدي )) هذي المعلومه الي تاكدت منها

ب.انج

المجموع مايكون اكثر 2 ميجابايت لان عندهم البترول كمبيوترات يسوون سكان لبياناتج ومايطلعون لج تم ارسال البيانات الا لما يتاكدون ان بياناتج كامله ومو اكثر من2ميجابايت,, لان اذا اكثر من2ميجابايت ماراح يندز ويطلعلج ايرور فحاولي تصغريهم حبيبتي

 

[o.m.f.a.h.a.d]

السلام عليكم

بس حبيت اصحح حق البنات kpc اهيا شركة الام وموقعها بالشويخ مو فرع ... شركة kpc يندرج تحتها شركات الصغيرة مثل koc , knpc ,kgoc
ولو تدشون بالسايت شارح لكم .... و بالاحمدي اللي تشوفونه هاذا مبنى الكبير هذا knpc شعاره شعلة مو kpc
kpc انتو تقدمون فيها وشوفو وين يحطونكم وحدة من هذوله الشركات التابع لها او يحطونكم بالشركة الام kpc
و شركة نفط الخليج kgoc ترا موقعهم بالاحمدي ما ادري وينه بالضبط

وعن الامتحانات ترا حق الاداريين يهتمون اكثر بالانجليزي اما احنا مهندسين وتخصصات العلمية يهتمون بالامتحان التخصص اكثر ... وترا في ناس اعرفهم ساقطين بامتحاناتهم ومشتغلين الله يسلم فيتامين ووااوو

اخواني وريلي كلهم بشركات نفط وانا كنت ميداني عندهم فعندي خبرة عن شركات :eh_s(17):

وموفقين جميعا

 

[iNoor]

حبيبتي عندي استفسار بما انج توج مسجله

المتطلبات الي يبونها وحجمها اقل من 2 ميجا
تقصدين حجم كل شغله بروح ؟؟ ولا المجموع الكلي مالهم لازم اقل من 2 ؟

اقصد يعني انا اسوي سكان حق مثلا البطاقه المدنيه واصغرها واخليها اقل من 2 ميجا
وهم بعد اسوي هل الحركه حق باجي الشغلات
ولا لا اصغرهم وااااااايد عشان اخمس شغلات الي يبونها مع بعض لازم اقل من 2

وبالنسبه حق السكانر اسيفهم بصيغه شنو ؟؟

شنو الصيغه حق الصوره والبطاقه المدنيه والشهاده
؟؟

هلا حبيبتي

مثل ما قالت ON_LY لازم مجموع الملفات كلها يكون مو أكثر من 2 ميغابايتز وبالموقع حاطين لچ صيغة الملفات اللي طالبينها

عن نفسي الصورة والبطاقة والجواز .JPG أما الكشف .PDF لأنه 4 صفحات وتقدرين تحطينهم بملف Word بعد

 

[yam_yam]

موفقين يارب
عن نفسي غاسله ايدي من هالاماكن كله واسطات

 

[برنسس أوراق]

اوراق خريفيه ماتوقع يصير كاتبين للكويتين فقط

اوكي مشكوره راح ابلغها

 

[دَلالْ]

السلام عليكم

بنات أبي اسأل شلون أقدم ماني عارفة !
أدزلهم إيميل عادي ولا شنو

بليز علموني

 

[دَلالْ]

من وين أطلع هالصفحة !
ماني عارفة

 

[iNoor]

من وين أطلع هالصفحة !
ماني عارفة

التسجيل بموقع المؤسسة، تفضلي
https://webapps.kpc.com.kw/recruitment/homeNew_ar.aspx

 

[دَلالْ]

عرفت الطريقة بنات

 

[دَلالْ]

عزيزتي فريش مشكورة ^^

 

[دَلالْ]

آنا عبيت البيانات الحين وكتبولي/
تم حفظ البيانات وارسالها الى أقسام التوظيف، لن يمكنك اجراء أى تعديلات اضافية على بيانات الطلب


بس مادري عديت الـ 2 ميغا ولا لأ
عدد البايتس 155768 ، عديت ولا لأ @@ !

 

[.P.ENG]

مشكوورة حبيبتي
خلاص انا راح اسوي نفسج

بس بعد سؤال ما عليج امر
الشهاده مع كشف الدرجات مع بعض ولا الشهاده بروح وكشف الدرجات بروح

انا عندي كشف درجات والشهاده الي كاتبين فيها لمن يهمه الامر
بعرف شنو احط مكان المؤهل العلمي