فرص عمل لحملة الدبلوم و البكالوريوس من kpc إعتبارا من 31\7\2011

[سمو ذاااتي]

هلكنا نفسيا بس ماصار

كرهت النفط

 

[mllon]

بنات اشصار ؟؟
في وحده وصلها مسج اذا قبلوها او لا ..
جيكوا ايميلاتكم بعد..يمكن يطرشون شي..

 

[iNoor]

لا يبا منو فاضي يدز مسجات بالعطلة بس يا رب هالاسبوع

 

[KUVEYT]

البصيري يقول بعد اسبوعين

 

[mweegah]

فقدت الامل
المهندسين توظيفهم اسهل هناك
الاداريين واسطه حيل قويه لازم

 

[صحفية]

اب اب

بشرونا في احد دقو عليه

 

[iNoor]

لأ، الوزير قال بعد اسبوعين أو ثلاث يعني الشهر الياي *انشالله*

وقال راح يبلشون يتصلون بالمهندسين بعدين الإداريين

 

[Basho0or]

اولله من شهر 7 لي الحين ماخلصتوا
والله يطولون

 

[Eng.Kokoro]

شكلي ماراح اتوظف لأني حامل

الله كريم بس

 

[رافعه الحاجب]

الوزير وين قال هالكلام ؟
ماااا صارت

 

[KUVEYT]

مقابله يوم الخميس ع الراي مع بوفتين
خلاص اللي نطرنا هالكثر مايت على اسبوعين

 

[حبيبة ماماتي]

انا دقو علي الاربعا وسويت اختبار الخميس انجليزي لاني مقدمه من جم سنه وحمدلله يارب دقو علي صدمه صراحه بس مادري شنو نظامهم بعد الامتحان شكثر يبيلهم عشان يدقون انا شفت المقابله مع الوزير يبون كويتيين وايد يشتغلون بالبترول يارب يفرح قلبكم ويدقون عليكم ويدقون علي لاني قاعده علئ اعصابي صراحه

 

[Andie]

حبيبة ماماتي: افهم منج انج ما قدمتي عالنفط هالسنة؟ اذا صج، و الله شي غريب لأن المفروض النتايج الاسبوع الياي و للحين ما امتحنوج تخصص او مقابلة
بس ان شاءالله ربي يوفقنا و ننقبل كلنا

 

[bnt_7waa]

ناطرين والله كريم فيه ناس بعد توها تمتحن لان هاذي تخصصات ماكانت نازله بالاعلان وطالبينها

 

[iNoor]

اي مو هذا اللي قاعدة أحاول أعرفه وين ومتى حطوا إعلان حق هالتخصصات؟؟

والله أمرهم غريب هالبترول :flower:

 

[frawlah_83]

احتمال هذول عقود مقاولين لانهم يتبعون نفس الاجراءات امتحانات ومقابلات ونفس الشي امتحانهم يكون في المركز التدريبي

وهمن ال knpc كانت منزله اعلان شهر ٤ فاحتمال هذول تبع اعلان knpc

اعلان ال kpc اعتقد خالصين منه على حسب كلام الوزير انه كل شي خالص بس ناطرين الاعلان عن المقبولين خلال اسابيع*

 

[KUVEYT]

لا مو عقود مقاولين
في تخصص دبلوم اظن تامين يمكن .. المهم
مسجلين باعلان رمضان وماكانو طالبينه بس مسجل كاداري
فتوهم منادينهم ..

 

[BlackBird]

أنا مسجلة بالاعلان مالهم من شهر 6 يمكن من هالسنة ومثل الاخت فوق امتحنت هالخميس الي طاف دقوا علي فجاة بس ما حددو لنا يوم ومادري المرة ياية امتحان تخصص ولا مقابلة مباشرة؟.لان الي وقف علينا قال ان شاء الله كلكم ناجحين وندق عليكم حق المقابلة@.@؟

 

[BlackBird]

انا دقو علي الاربعا وسويت اختبار الخميس انجليزي لاني مقدمه من جم سنه وحمدلله يارب دقو علي صدمه صراحه بس مادري شنو نظامهم بعد الامتحان شكثر يبيلهم عشان يدقون انا شفت المقابله مع الوزير يبون كويتيين وايد يشتغلون بالبترول يارب يفرح قلبكم ويدقون عليكم ويدقون علي لاني قاعده علئ اعصابي صراحه

حبيبة ماماتي انا نفسج من البنات وياكم امتحنا الخميس بس بغيت أسألج دقوا عليج ورا الامتحان ولا للحين؟؟

 

[KUVEYT]

اختي شنو تخصصكم؟
وثاسالتوهم ليش توهم يتصلون عليكم؟