فرحه و مرحه و ترحه ^_^

  • بادئ الموضوع أحلامي يقظه
  • تاريخ البدء
إنضم
29 مارس 2010
المشاركات
97
مستوى التفاعل
0
النقاط
0
هذي أول قصه ألفتها..إسلوبي بسيط حيل..القصه فيها فايده للي منتبه وفاهم أحداثها..حاولت أخلي أحداث القصه مو متكرره يعني مو متعودين عليها..وطبعا عندي أهم شي بالقصه الوناسه والوناسه وياحلات الوناسه بالصداقه وأكيد ضفت شوي من نكهات الحزن والرومانسيه والآكشن والتشويق عشان ما تصير ممله..أدري قاعده أتحجى جنه الحين قصتي توب بس لازم اشجع نفسي.. هوايه وحبيت اطورها ^_^..

وأقول حق أي مريض نفسي:
والله العظيم ما أحلل أي شخص ينقل هالقصه والجزء من غير ما يذكر معاه نكي(أحلامي يقظه).

بسم الله الرحمن الرحيم

البارت الأول

شخصيات البارت:




انقزت فطوم من وراهم واهما قاعدين على الكراسي اللي بحديقة ماما مريم يدة عواشه ..
فطومه : هيّاااااا أخيرا سقت سياره .
عواشه : يماااااه خرعتينا .. صج!كلووولووووشي ( قامت وتلفح ) عاشت فطوم دار أم الحطب ساقت سياره بتدعم فينا كلوولوشييي
فطومه : ؟! .. مالت ع الباميه :/
ريومه : أيوووه أيوووه .. مين مين مين عندو زي فطوم الله كريم عندو زي دا ( اطق رقبه )
فطومه : وااااااي تعبت نفسيا .. يعني شنو هذا لازم نكمل 18 عشان نسوق .. وغصب بعد نعدي التراي
ريوم: ايه خو ابوج رافض سالفة الواسطه ولا جان من زمان انتي سايقه .
فطومه:ايه :(
عواشه : والله أحسن عشان ما يحاتي الناس اللي بالشارع :p
ريومه : لااا .. حرام عليج
فطومه : ( عضت زند عواشه )
عواشه : آااااي يا البطه يا السوده يا الحافيه ...
فطومه : أول شي عرفي شلون تسبين بعدين تعالي حاجيني .
عواشه: شسوي ما يطاوعني قلبي أسب الحب الأول ( تعطيها بوسه بالهوا )
فطومه : ( تلقف البوسه وتحطها صوب قلبها) آااه يا قلبي سأبقى أحبك مدى الدهر..
ريوم : احم احم احم ( شرقت ) كح كح كح
فطومه+عواشه : اسم الله عليج .. حلو حلو ( يطقون ظهرها حيل )
ريوم : آااااااااااي .. اذا ما مت من الشرقه بموت منكم
عواشه : حياتي انتي .. اختنا العوده والحب الاخير
فطومه : انتي الغاليه عاد ..
( قامو يبوسون راسها )
ريوم : هههه .. أقول شدعوه خليتوني ماما عوده ! .. خو بيني وبينكم جم شهر !
عواشه : اسفين يدتي :p
فطومه : اسفين عمتي :p
ريوم : قومو قومو ما منكم فايده .. امشو نحلي بعد غدى ماما مريم
فطومه : هيا بنااا
عواشه: يلا على حساب اصغر وحده فينا
فطومه : ها ؟! .. شنو منو ؟! .. مو هيا بنا عيل :p
ريوم + عواشه : وااااي .. ههههه .. بخل بخل
فطومه: لا يبا فديتكم امشو اقحص فيكم واعزمكم .. اليوم يومي ..
عواشه : يلا .. الله يستر :/
ريوم : بس بس لا تبدون .. يلا سرينا .
( قامو ماسكين أيادي بعض وطلعو من حديقة ماما مريم لي سيارة فطومه وما وقفت عواشه من المناقز بينهم وريوم تقولها ركدي وفطوم مندمجه تقولهم سالفة التراي )

وخرت ماما مريم يدة عواشه عن الدريشه واهي تبتسم : الله يحفظكم .
لابسه دراعتها المبكره اللي اختارتها عواشه لها اليوم .. وحاطه شالها على راسها..
اقعدت على قنفتها اللي جبال الكمدينه
: يابعد عمري هلعواشه قربتلي هلقنفه يم كمدينتي عشان ما أعور ظهري كل يوم أجندس وأحوس فيها .. الله لا يحرمني منج يا بنيتي.

افتحت اليراره وطلعت صندوق أحمر على صدف .. افتحته وطلعت منه صورة ريال وصبي : هييي يابو سعد ولدك سعود ما شالني كثر ما شالتني ابنيته .. الله عوضني فيها .. مو بس هلعواشه حتى رفيجاتها حليوااات كل يوم عندي تعودت عليهم ..شحليلاتهم فاطمه و ريم ماخذين قلبي بسوالفهم ..
ويه هلعواشه يابو سعد مخروشه بس تقط هالسوالف اللي تضحكنا فيها و ما تشوف الا ريم تتكركر وفاطمه تتعافر معاها .. هههه يشرحون الصدر ويحركون جو بيتنا .. بنات ناس متربيات ما اخاف على عواشه معاهم.. الله يخليهم حق اهاليهم ويوفقهم بدراستهم بهلجامعه بعد ما تخرجو من مدرستهم اللي يم بيتنا ..هذي ام ريم دكتورة ولاده وابوها مستشار واخوها يدرس بالطب ماشاء الله .. وفاطمه امها ربة بيت سنعه جم مره تعزمني عندها وابو فاطمه وزير ماشاء الله وعندها اخوان صغار حمد وفهد يسلم قلبهم شطانه .. والله يرحم ام عواشه كانت واصله مع انها لبنانيه بس تعرف الاصول اكثر من ولدنا تاجر ومقصر بحقنا الله يهديه..ما عندهم الا هالبنت وصارت عندي..
بنتك موضي تزوجت هالتاجر وسافرت وخلتني..وانته ( دمعت عينها ) ربي رحمك وخذاك قبل لا تشوف وفاة سعد وبعد سعود وموضي اللي مادري عنهم من سنين..
خلوني اقولكم يابو سعد وسعد سالفة عواشه على انه ما كان ودي تعيش معاي عشان هالسبب..ذاك اليوم قاعده بريحاتي قبل سنه يمكن والله ما أذكر بس حزة الليل وهلكوماري تهمز ارويلاتي وانا متبطحه أشوف تلفزيون....

قبل سنه ابيت ماما مريم ..

كوماري ( واهي تهمز ريل اليده وتشوف معاها درب الزلق ) : ماما هزا قوحاطه شعر مال هوا فيه سعلبه ؟
ماما مريم : ههههه.. الله يغربل بليسج يا كوماري.. هَوْ شنو ثعلبه هذي تساريح قبل شعرفج انتي.. خلج على شعر اخوج كومار المدهن.

كوماري تهز راسها مو فاهمه شي وتسوي روحها فاهمه .

( يرن جرس الباب حيل وبسرعه وما يوقف )
نهاية البارت الأول

والله العظيم ما أحلل أي شخص ينقل هالقصه والجزء من غير ما يذكر معاه نكي(أحلامي يقظه).

طبعا أحلامي يقظه هذا نكي .. وأتشرف انه قصتي توصلكم بنوتات .. لإني متابعه كويتيات من بعيد..وأول مره انزل قصه هني .. اتمنى اشوف ردود وتعليقات ع القصه عشان اكمل البارت اللي وراه ^_^.. واذا في ردود بكمل كل يومين عشان يمدي اكتب البارتات اليدد ^_^
 
إنضم
29 مارس 2010
المشاركات
97
مستوى التفاعل
0
النقاط
0
هلا فيج حبوبه .. والله عشان دشيتي وقريتي ورديتي علي مو مثل اللي قرو وطلعو حتى ما قالو مو حلو لا تكملين :(.. راح انزل البارت الثاني ..
وانتي الروعه ^_^
 
إنضم
29 مارس 2010
المشاركات
97
مستوى التفاعل
0
النقاط
0
والله العظيم ما أحلل أي شخص ينقل هالقصه والجزء من غير ما يذكر معاه نكي (أحلامي يقظه).
فرحه و مرحه و ترحه
البارت الثاني
شخصيات البارت



( يرن جرس الباب حيل وبسرعه وما يوقف )

ماما مريم فزت وحطت إيدها على قلبها : بسم الله..اللهم اجعله خير..كوماري قومي بطلي الباب..
كوماري
: شنو هزا ! .. منو ! .. ( بصوت عالي ) جين جين ..
بيت اليده كبير واهما قاعدين بالصاله الداخليه صالة المعيشه اللي تحبها اليده قعده أرضيه و زوليه بكامل الغرفة..مشت كوماري لي الباب عند الصالة الكبيره مالت الاستقبال اللي معدلتها موضي ( بنت ماما مريم ) ..افتحت الباب:
شنو؟! .. عواشه !!
عواشه (ويها منعفس والدموع ناشفه على خدودها) : وخري.. وين ماما مريم ؟
كوماري : ماما بصاله صغير ( بصوت عالي ) ماما هزي عواشه ..
ركضت عواشه لي باب الصاله ووقفت عند الباب تطالع يدتها وماسكه بجيتها.. شافتها ماما مريم وابتسمت :)
ماما مريم : هلا هلا بعواشه حبيبتي .. تعالي يمي يمه :)
عواشه ادمعت عيونها وركضت بحضن يدتها واقعدت تبجي.
ماما مريم (تحاول تهدي نفسها عشان ما تبجي معاها) : اسم الله عليج..شفيج يمه؟.. ليش هالبجي كله؟..شصاير؟..حاجيني يمه..
عواشه
(ميته من البجي) : أبوي ماما مريم .. أبوي (زادت بجيتها) تزوج ويايبها بيتنا وسكنها عندنا..
ماما مريم (اطبطب على ظهرها) : زين يا يمه بسج بجي..تعبتي نفسج.. خلاص ابوج تزوج ماراح ينفع البجي.
عواشه
(تتنهد) :كيفه حلفت ما أرد البيت..يديده أنا بعيش عندج (تلمها حيل وتبجي)
ماما مريم : ما عليه يمه اهدي انتي الحين..وراح نحل المشكله بالهداوه.. (ترفع راسها وتشوف كوماري) كوماري ييبي قلاص ماي..
(يرن الجرس وتفتح كوماري)
يدش عليهم ريال لابس دشداشة بيت وقحفيه براسه..
ماما مريم (حست بالفرحه شايلتها وبتوقف عشان تلم ولدها) : سعود..هلا يمه .. حياك يمه..اقعد يمه حياك وليدي..
سعود (من غير مبالاة) : هلا هلا يمه.. عواشه مسحي دموعج وماله داعي اللي سويتيه بابا..و وعد بابا جناح امج محد بدشه..
ماما مريم نزلت راسها وعدلت قعدتها وابتسمت :)
عواشه (حدها عصبت ودموعها على خدودها) : شنو اللي ماله داعي..مالك شغل فيني ... مابيك خلاص.. روح حق زوجتك..عيش معاها وسوو اللي تبون بالبيت أنا خلاص بعيش عند ماما مريم..
ماما مريم (انتبهت وارفعت راسها لما اسمعت اسمها) : يمه عواشه سمعي كلام ابوج يمه..مالج الا ابوج يايمه..ولا انا ودي تقعدين معاي طول العمر بس يايمه أبوج أولى تقعدين معاه اهو يحتاجج ( وابتسمت بويه عواشه و ودها يحس سعود بالحجي)
عواشه : مستحيل.. دام وحده بدال امي بالبيت ما ادشه وبقعد عندج يديده لا تطرديني مالي غيرج..
سعود : يمه الحين ابيج عون صرتي علي فرعون .. شنو تبينها عندج وبعدين انتي....
( رن موبايله)
سعود ( فز وشاف الرقم وانعفس ويها ) : يلا يلا بييج مره ثانيه تزهبي يايج.
( طلع من الصاله ورد ع الموبايل وصوته واصل عندهم )
سعود : هلا هلا أبوي..إيه إيه..كاني بس رايح اييب لج اللي طلبتيه أبوي.. لا عايشه بالطقاق عساها ما رضت ولا ردت..أنا كلمتي تمشي ع الكل..كاني كاني مسافة السكه واكون عندج.. اي اي ( يسولف ويمشي لي الباب وطلع وسكر الباب وراه )
حطت عواشه راسها على صدر يدتها وغمضت عيونها..وتمسح ماما مريم على شعرها.

من بعدها يا بو سعد لا ياه سعود ولا شفته بس يحط حق بنته فلوس بالبنك ..وما سألتها عن سالفة اللي تزوجها أبوها..وذاك اليوم قالتلي اهي بنفسها ..
عواشه: كنت قاعده مع فطومه و ريومه بغرفتي ندرس حق امتحان :
بيت سعود من 3 طوابق الطابق الاول صالة استقبال كبيره وغرفة طعام ومطبخ وغرف الخدم وغرفة السايق اللي بابها على برا..الطابق الثاني جناحين واحد حق الضيوف واللي قعد فيه بو عواشه بعد ما توفت ام عواشه وجناح عواشه فيه غرفة نوم وحمام وصاله صغيره..وصاله مفتوحه ع الجناحين ومطبخ تحضير صغير.. والطابق الثالث كله كان حق ام و ابو عواشه ومسكرينه من توفت ام عواشه ومحد يدشه..
وابجناح عواشه.. منسدحين على قطعة الزوليه الورديه عند قعدت التلفزيون .. عواشه لابسه بدي علاق وشورت لونهم اخضر فاتح وشباصه صغيره على قذلتها لونها اخضر وفطومه لابسه نفنوف تحت الركبه سماوي على رسمة دبدوب ومسويه عنقوصين..و ريوم قاعده على مكتب عواشه الابيض لابسه بجامه بنطرون وبلوزه ورديه على لولو كاتي ورابطه شعرها ربطة حصان وحاطه باند وردي ..

فطومه (ترسم وحده كشه ) : شوفي هذي ابله سحر..وتنورتها المقصمله ام فتحه..
عواشه (تقرب راسها عند دفتر فطوم) : هههه لا امبيه هذي وحده اعرفها .. منو منو اي اي ..تشبه وحدها اسمها فطيم ام كشه .. ومنسدحه يمي الحين ;p
فطومه (تبقق عيونها على عواشه) : منو منو !!
تكمش شعر عواشه وعضت اذونها
عواشه (توخرها) : آااااي والله أعلمج يا ام كشه.
اقعدو يطاققون بالمخاد ويكمشون شعور بعض
ريومه ( ماسكه راسها ومنزعجه) : بس بس .. تكفوون بس..ياناااس بدرس :(
عواشه (قاعده على مخده تحتها فطوم) : اهي اللي بدت يعني ما تعرف شي اسمه حرية الراي!!
فطومه (من تحت المخده وقاعده ترفس عواشه بريولها) : ريوم..اهي تقولي ام كشه.. وخريها لا اذبحها.

( برا عند باب البيت يدش سعود ابو عواشه ومعاه وحده كأنها من سيدات الأعمال )
نهاية البارت الثاني
والله العظيم ما أحلل أي شخص ينقل هالقصه والجزء من غير ما يذكر معاه نكي(أحلامي يقظه).
ناطره ردودكم لا تبخلون علي بتشجيع :eh_s(9):​
 

attoota

New member
إنضم
5 أبريل 2010
المشاركات
5
مستوى التفاعل
0
النقاط
0
امبيييييييييييي ونااااااسه كملي عفية عفية لا يوقف و لا يوقف و ايوا يا ايوا :p امبيي اسلوووبج عجييب ترة و نبيي يعد قصص منج موووووووووووو جذي يااااااااااا بنااااااااااات
 

attoota

New member
إنضم
5 أبريل 2010
المشاركات
5
مستوى التفاعل
0
النقاط
0
اييييييي و نسييييت اقووولج مالج شغل بالعذاااال و كمليي عشااان خاااطري بلزززززززز
 

Susan Delfino

New member
إنضم
5 أبريل 2010
المشاركات
6
مستوى التفاعل
0
النقاط
0
البارت واااااو

ولو اني بالبداية العنوان ما شجعني بس بتابع و اتمنى تكملين القصه​

:p_03ba:
 
إنضم
29 مارس 2010
المشاركات
97
مستوى التفاعل
0
النقاط
0
attota
ثااااااااااانكس حبيبتي اتوتا..وانتي اللي اتيننين ^_^ ..لا ما عليج الناس اذواق واكيد في ناس ما تعجبهم قصتي وفي ناس تعجبهم ^_^

Susan Delfino
ثانكس حبوبه :) .. ايه ادري العنوان ما يشد بعضهم .. لانه متعودين على عناوين احبك ولكن وقلبي وين راح هههه .. لا اتغشمر .. وعنواني ترا معناه عن الصداقه..حياج خيتو معانا..

بكمل بس بعد ما اتغدى :p
 
إنضم
29 مارس 2010
المشاركات
97
مستوى التفاعل
0
النقاط
0
والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).

فرحه و مرحه و ترحه
البارت الثالث
شخصيات البارت


( برا عند باب البيت يدش سعود ابو عواشه ومعاه وحده كأنها من سيدات الأعمال )

سعود : هلا والله بالغاليه..نورتي البيت اللي عمره ما نور إلا بدخلتج فيه.
هدى : النور نورك يا الغالي..ويه يا حلات اسلوبك دايم ماخذ عقلي ( تعفس ويها ) عيل وين الناس!!..ماكو أحد يستقبل؟!
سعود : انتي شعليج منهم..شفتي هالبيت وصاحبه لج انتي بس..بس مثل ما اتفقنا انتي موظفة اجنبيه من شركه كبيره و راح تقعدين بجناحي وانا بالجناح الكبير.
هدى : اوكيه..وهم مثل ما اتفقنا انه هالشغله ماراح تطول الا جم يوم.
( وداها جناحه .. وراح جناح عواشه وطق الباب )
عواشه (من تحت المخده) : منووو؟
بو عواشه : أنا بابا تعالي بحاجيج بموضوع .. ناطرج بالصاله.
عواشه : أوكيه دااادي.. (بصوت واطي) ريوم عفيه قلبي انتي قومي بروح..فقصتينا:(
فطومه (من تحت المخده) : بليييز ريومتنا الحلوه قومي اهئ اهئ :(
ريومه (منسدحه فوق المخده) : مابي لما تتعدلون واتوبون من سوالفكم وتخلونا ندرس عدل.
عواشه + فطومه : توووبه .. تووووبه .
قامت ريوم و وخرت المخده وتعدل شعرها اللي عفسوه
عواشه (ركضت لي الباب) : صبري يا فطيموه رادتلج يا الجلحه الملحه ;p
فطومه (تشوف عضات عواشه على ايدها بالمنظره) : ردي وسترين ما يرضيكي يا البرصه.
ريومه : وااااي يبا انتو ما منكم فود أنا بروح غرفة النوم أحسن من مجابل ويوهكم وقولو باجر علمينا غششينا ماكو حامض على بوزكم ( سكرت باب غرفة النوم )
(عواشه بحضن ابوها ولامته)
بو عواشه : ايه قطوتي عاد اقولج هذي كل السالفه ..
عواشه (ترفع راسها ومستغربه وتطالع ابوها) : زين دادي ودها فندق ليش عندنا؟!
بو عواشه : قلتلج يا بابا ما تعرف شي من هني أخاف تضيع واهي على مسؤوليتنا..وانتي ما عليج منها ميرنا بتجابلها.
عواشه : زين دادي بدام بس جم يوم ننطر لما تروح D:
بو عواشه (يبلع ريجه) : ايه ايه لما تروح.. (يشوف ايدها) بابا شنو هذا على ايدج؟ اسنان!!
عواشه (تشوف ايدها وتضحك) :ايه دادي كنا ندرس وتعافرت مع فطيم بس ريوم افقصتنا وما خلتني اخذ حقي كامل :/
بو عواشه : لا بابا شوي شوي على قطوتي هذا جسم حبيبتي (يبوس ايدها) وانتي شوي شوي على بنات الناس بابا.
عواشه ( وقفت ولمت ابوها حيل ) : ههههه..أحبك يا أغلى انسان عندي بالكون كله بس مو أغلى من أمي :p
بو عواشه (ينزل راسه ويوخرها ويشوف عيونها) : بابا..
عواشه : هلا حبيب ماما :p
بو عواشه (اخنقته العبره) : تحبين أبوج؟
عواشه (تبتسم) : اكيد بس امي الله يرحمها أكثر..وانته بعد تحبها أكثر :)
بو عواشه: دامج تحبين أبوج يعني تحبين له الخير والراحه صح ؟
عواشه: ايه كل الخير لك ياارب..وانا وامي احلى خير لك بابا ههههه.
بو عواشه: يلا روحي كملي درسي وبلا لعب بابا..قلبي ابيج تدشين حقوق يلا.
عواشه: ان شااااء الله (باسته على راسه وخدوده ) أحبك بابا والله أحبك إنته قوتي بهالدنيا..
بوعواشه يبتسم ابتسامه متوتره ويشوف بنته واهي تروح غرفتها..حط راسه بين ايدينه وغمض عيونه ويفكر باللي راح يصير : انا اللي يبت هالشي حق نفسي أنا لازم أتحمله...
(قبل لا يطلعون فطومه وريومه من بيت عواشه ) عواشه : باجر الغدا عندي قولو حق اهاليكم..لازم نتعرف ع الضيفه ^_*
ريوم + فطومه : اي اي..اوكيه .. بااااي. ( كل وحده اركبت مع سايقهم )
( وقت النوم..عواشه نايمه بفراشها )
سعود يمشي شوي شوي نازل لي الجناح اللي فيه هدى.. دش وسكر الباب وخذا نفس وابتسم ..
سعود (بصوت ناعم ) : حبيبتي هدويتي حياتي وينج؟
هدى ( طلعت من غرفة النوم لابسه روبها الاوف وايت ورافعه شعرها ) : هلا! ليش ياي! في شي !
سعود ( يفتح ايده عشان يلمها ) : ليش لازم يصير شي عشان أيي حق زوجتي قلبي!
هدى (توخر ايده وترفع حاجب) : لما أصير زوجتك جدام الكل ذيك الساع سو اللي تبي.
دشت غرفة النوم وسكرت الباب..نزل ايده وبين على ويها الضيقه..طلع من الجناح وراح جناح عواشه دش غرفة نومها..عواشه لامه دبدوبها اللي أمها شاريته لها واللحاف طايح..شال سعود شباصتها ولحفها عدل وباسها وقعد يشوفها
سعود
(بينه وبين نفسه) : مو أنا قوتج..انتي قوتي..سامحيني

سكر الليت
.​
نهاية البارت الثالث

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه)
.​
 
إنضم
24 يوليو 2009
المشاركات
225
مستوى التفاعل
0
النقاط
0
حبيبتي حلوة القصة كملي كملي معاج للاخر........

بس عنوان القصة ما يشد الانتباه انا اول مرة قريتها عبالي قصه قصيره وتضحك ما ادري انها رواية بس جد بدايتها حلوة كملي فديتج


:aha:
 
إنضم
29 مارس 2010
المشاركات
97
مستوى التفاعل
0
النقاط
0
مشكوره عسوله ^_^

مادري احس العنوان لايق حيل ع القصه .. بس يمكن لازم اضيف قبل العنوان كلمة قصه :/ !

اوكيه انزل البارت بعد شوي ^_^
 
إنضم
29 مارس 2010
المشاركات
97
مستوى التفاعل
0
النقاط
0
والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).

فرحه و مرحه و ترحه
البارت الرابع
شخصيات البارت


سعود (بينه وبين نفسه) : مو أنا قوتج..انتي قوتي..سامحيني

سكر الليت.

بسيارة أمير سايق عواشه..لكزس عنابية مغيمه..
تامر حسني بمرينا اف ام : آااه هيااا دي ..
عواشه + فطومه + ريومه : هياااا ديييي ..
عواشه ( تتسند ع الكشن ) : واي يلا متى نوصل..بشوفها فيني لقافه..وودي استعبط عليها دامها اجنبيه.
فطومه:اي اي..وراجعي كتاب الانجليزي عشان تتحجين معاها يا شاطره :p
ريومه:لا استفيدي منها وخليها تدرسنا
عواشه (تطالع برا الدريشه) : من زمان أبوي ما ضيف أحد عندنا !.
ابيت سعود بالصاله اللي بجناح هدى لابسه جنز برمودا أسود وبدي فوشي..وماسكه تلفونها وتدور بالصاله وتسولف..
هدى : بس دكتوره نفسيتي خلاص اتعبت..كلمن خايف يفتخر بوجودي معاه ويثق فيني.
الدكتورة النفسيه مريم : انتي حطيتي نفسج بهالقوقعه يا هدى..لي متى بتخشين عن المجتمع إنج لقيطه؟..وألحين تزوجتي وربي ستر عليج..خليه يعرف دامج واثقه فيه ودامه على طول يسئلج عشان يرتاحلج أكثر..إذا انتي مو واثقه بالناس شلون تبينهم يثقون فيج؟!
هدى ( وقفت ونزلت راسها تطالع بالارض ) : ايه..بحاول
الدكتوره النفسيه مريم: هدى حبيبتي..فكري عدل..هذي بداية حياة يديده لج ابنيها من يديد لا تهدمينها بإيدج.
(رن تلفون البيت)
ميرنا ( ترد ع التلفون ) : يس سور..yes..اوكيه (سكرت التلفون)
دشت عواشه وريومه وفطومه واهما يسولفون..
فطومه : واااي تذكرت حمود وفهود اذا دشيت البيت هالحزه لازم يلموني..
ميرنا واهي تشيل جناط المدرسه من أمير : عواشه..بابا ماراح يجي ع الغدا..عنده شوغل ضروري..
عواشه (تضايقت) : اها..ما أحب آكل من غيره :(
ريومه ( نطت بويه عواشه ) : واحنا :D .. عادي تاكلين من غيرنا :(
فطومه ( تحط ايدها على جتف عواشه ) : اكيد ما تقدر تفارقنا لو ثانيه .. يلا نبدل ملابسنا عشان نبلع..
عواشه تبتسم ابتسامه حزينه..كل وحده ماسكه ايدها من صوب..
ريومه : شاطر شاطر..واللي بيسمع كلام ريوم ويبدل ويغسل ايده شاطر شاطر..:D
فطومه (تحرك راسها يمين ويسار مندمجه بالاغنيه ) : وما يعزب امعلمتو مثل عواشه شاطر شاطر.. :D
كانو مقررين من امس يلبسون دراريع عشان يورون الضيفه التراث الكويتي..ريومه (توريهم دراعتها) : عندي دراريع يهبلون..بس قلت بلبس الدراعه اللي يدتي شرتها لي الله يرحمها..أسود وذهبي..صج تراثنا ههههه
فطومه : أنا حنيت على أمي ابي دراعتها اللي اكشخت فيها بصباحيتها بس مارضت :(
عواشه : أنا يبت من ماما مريم..هاج فطومه يبت دراعه احتياط..لبسيها.
لبسو وانزلو غرفة الطعام..ريوم اقعدت يم عواشه وفطومه اقعدت اجبالهم وفي كرسيين فاضين واحد يم فطومه واللي بالنص..دشت ميرنا وتحط الغدا لهم..دشت وراها هدى اوقفت شوي عند الباب تطالعهم واهما يسولفون..خذت نفس عميق..ودشت شافتها ريوم جان تطق عواشه بجتفها..عواشه لما شافت هدى قامت اوقفت:
هلو..هو آر يو ماي دير..آي آم عواشه (أشرت على ريومه وفطومه) آند ذوس ماي فرندز ( ابتسمت ومدت ايدها حق هدى )
هدى (حاولت تمسك أعصابها على هالوضع اللي اهي فيه) : هاي آي آم جيانا..فاين سويتي..هلو أول.. ( سلمت على عواشه واقعدت بالكرسي اللي بالنص )
فطومه : يا الله يا الله شو هيدا عواشه بلبل بالانجليزي هههاي..
قعدو يتغدون والبنات يسولفون وهدى تاكل واهي ساكته وتسوي روحها مو معاهم..
عواشه (ابتسمت وتلعب بالقفشه ع الصحن ) : امبيه يحليلها هاديه!..غريبه عاد اهما ملاقيف كلشي بعرفون..
فطومه : ايه تصدقين!..لحظه لحظه..اكسسزيوموا مس جيانا.. :)
هدى ارفعت راسها تطالع فطومه وتسوي روحها مو فاهمه..
ريومه : ههههه..شنو مطعم!..سمعي وتعلمي..مس جيانا سي ذس كلوذس (تمسك دراعتها) إتس درس فور كويتيز :)
هدى (تطالع من غير اهتمام) : اوه..ياا..نايس درس.. (تكمل أكلها)
عواشه : امبيه خلوها حدها ملاقه..شكلها مو متعوده على هالاكل..حدها سلطه..
هدى تحاول تبلع لقمتها عدل..

ريومه : حدها سيكل وجنز واحد وبس تغير التوب ههههه ..
فطومه ( تطالع عواشه وريوم بملل ) : ترا من مساع خالصين..لي متى بنقعد نجابلها واهي ساكته؟!
عواشه ( اوقفت ) : يلا يلا..بغينا نتونس فيها..بس ختخلص أكلها..لا تاخذ فكره عنا مو شي ههههه ..
قامو وراحو فوق..قطت هدى القفشه..تطالع الغرفه واهي فاضيه..غمضت عيونها وحدها متضايقه..وياه على بالها حجي الدكتوره مريم:ابنيها من يديد لا تهدمينها بإيدج.. تفتح عيونها على صورة بالطوفه فيها سعود ويمه عواشه لامته..تخيلت نفسها واقفه معاهم..
ابتسمت.

نهاية البارت الرابع

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
 
التعديل الأخير:
إنضم
29 مارس 2010
المشاركات
97
مستوى التفاعل
0
النقاط
0
والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).

فرحه و مرحه و ترحه
البارت الخامس
شخصيات البارت


قطت هدى القفشه..تطالع الغرفه واهي فاضيه..غمضت عيونها وحدها متضايقه..وياه على بالها حجي الدكتوره مريم:ابنيها من يديد لا تهدمينها بإيدج.. تفتح عيونها على صورة بالطوفه فيها سعود ويمه عواشه لامته..تخيلت نفسها واقفه معاهم..ابتسمت.

بعد اسبوع وبعد صلاة العشا..ابيت عواشه..توه سعود راد من المسيد..دش البيت.. وكانت عواشه تنطره بصالة الاستقبال..
عواشه ( لابسه نفنوف تحت الركبه أزرق..شافت أبوها اركضت ولمته ) : دادي دادي حبيبي..أحبك..
بوعواشه : هلا بقلبي..قطوتي..عمر أبوج إنتي..ها على وين بابا ؟!..
عواشه : ناطرتك عشان أستأذن منك..بروح عند فطومه عازمتنا أنا وريومه وبنات خالاتها..
بوعواشه (يمسح على شعرها) : اوكيه بابا..بس مو تطولين..الساعه 10 انتي هني بابا..
عواشه : إن شاء الله..أحبك (لمته حيل وباست خده وطلعت)..
بو عواشه (يطالعها لما طلعت) : الله يحفظج..
لف ويها ويشوف هدى بويها تبتسم ولابسه نفنوف قصير وردي وقصت صدر ودلعه مثلثه..شكلها كيوت..
سعود ( ابتسم ) : هلا بالزين هلا ..
هدى ( تمسك ايده ) : سعودي ترا ما وريتني البيت..بروحي مليت من القعده بالبيت وانت كله مشغول..
سعود : أوريج البيت ليش ما اوريج تبين تشوفين السطح بعد..من عيوني..آمري انتي بس.. بس خليني اغير هدومي واييج..
هدى : هههه واي فديتك حياتي..
وراها الطابق الاول وبعدين الثاني بجناح عواشه..
عند باب السكه..

عواشه : واااي أمير لا تتحلطم..يعني البيت كاهو ابمشرف بنفس منطقتنا مو بعيد.. اصبر مو عاجبتني هالتراجي..اصبر اصبر..
دشت البيت وراحت عند جناحها..اوقفت عند الباب..
عواشه ( بينها وبين نفسها ) : اي اي..تراجي أمي فديتها شحلاتهم الزرق..
اصعدت فوق جناح امها وابوها وقاعده تدور بغرفة النوم في غرفة الملابس باليرارات..
سعود وهدى يسولفون بالأسنصير رايحين الطابق الثالث..دشو....

عواشه (تقوم وعافسه ويها) : اووف..وينهم ياربي..ايي صح باليرارات ملوت الفراش بالصندوق هذاك..اي اي..
راحت عند الفراش وانزلت تحاول تسحب يرارة الفراش..دشو سعود وهدى غرفة النوم....
سعود : هذي غرفة النوم يا قلبي..اللي بتكون لج ولي..
عواشه بتقوم تشوف منو يكلم ابوها بس انصدمت من الصوت اللي رد عليه..وردت مكانها..تسمع....
هدى : الله تهبل .. يا بعد روحي انته..كفايه انته معاي وقلبك لي :$ ..
سعود : واذا تبين ياعمري أغير الأثاث كله القديم لعيونج يا عيوني انتي..
عواشه منصدمه وتحاول ما تبين وتهز راسها جنها تقول لأ..من الصدمه....
هدى (تقعد على الفراش) : يا حبيبي..صارلنا اسبوع وللحين ماقلت حق بنتك عن اللي بينا..
سعود (راح يمها بالفراش) : بقولها عن زواجنا باجر حبي..لازم تعرف بعد هاليوم (يبتسم لها ويمسك ايدها)
هدى : ايه لازم تعرف..عشان آخذ حريتي كزوجه لك يا روحي (تبتسم ابتسامة رضى)..
عواشه صار ويها أحمر من العصبيه....
سعود (يبوس يبهتها ) : أحبج....
طلعت عواشه بسرعه بعد هالكلمه ودزت هدى عن الفراش..
عواشه (بصراخ ) : لاااااااااااااء لاااااااااااااااء..وخري لا تنيسين فراش أمي يا ...
هدى طاحت ع الارض و طالعت عواشه ومخترعه ..وسعود قام من الفراش مخترع يطالع عواشه...
عواشه (تطالع ابوها وتصرخ) : خااااين..انته خااااين..خنت أمي..شلون تخلي وحده تدش غرفة امي شلوووون..
سعود (يقرب يم عواشه) : بابا بابا عواشه حبيبتي اهدي..شوي شوي بابا على نفسج..خليني اقولج حبيبتي انتي..
عواشه تعض شفايفها عشان تمسك البجي وتهز راسها يعني لأ..
هدى (قامت واوقفت ورا سعود وارفعت حاجب) : من حق أبوج يتزوج واحنا نحب بعض ولا بس تحبين أمج وما تحبين أبوج!!..
عواشه (تتنفس حيل وبصراخ) : لا تييبين طاري امي على لسانج الوصخ.. طلعي انتي طلعي ألحين من غرفتها..ذلفي يا ....
سعود ( يطالع عواشه بعصبيه) : بس عايشه..خلاص بنطلع..بس لا تتعبين نفسج جذي بابا..
سعود وهدى طلعو...
عواشه خذت صورة زواج أمها وابوها اللي على الكمدينه..وشقت صورة أبوها واهي تبجي حيل
: خاين خااااين..يمه لا تخافين بحافظ على كل ذكرى خليتيها لي..
لمت الصوره..خذت مفتاح الجناح والمفاتيح السبير واقفلته..تتنفس بسرعه من العصبيه..ولامه صورة امها وتبجي..راحت عند الباب الخارجي..وقبل لا تطلع شافها أبوها..
بوعواشه : عواشه نطري بكلمج بابا حبيبتي انتي..انا ما خنت امج بابا..سمعيني..صبري بابا..وين بتروحين..
عواشه طالعته بنظره حاقده..وسكرت الباب بكل قوتها واركبت السياره..
أمير: عواشه وايد يطول انتي .. [/COLOR](شافها بالمنظره) عواشه انتي تعبان؟!!
عواشه: روح بيت ماما مريم وبدون حجي زايد فهمت ( لمت صورة امها اكثر وادموعها تنزل)....
نهاية البارت الخامس

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
 
إنضم
24 يوليو 2009
المشاركات
225
مستوى التفاعل
0
النقاط
0
حرام كسرت خاطري عواشه بس انا اقول هم ابوها له حق انه يتزوج بس مو هدى قطيعه ما حبيتها

كملي حبيبتي كملي الرواية حلوة
 
إنضم
29 مارس 2010
المشاركات
97
مستوى التفاعل
0
النقاط
0
عواشه لانها انصدمت من الطريقه اللي عرفت فيها بزواج ابوها.. وهدى تكره المجتمع كله لانها لقيطه ..

اوكيه حبيبتي الحين بكمل ^_^..
مشكوره ع الرد والمتابعه :)
 
إنضم
29 مارس 2010
المشاركات
97
مستوى التفاعل
0
النقاط
0
والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).

فرحه و مرحه و ترحه
البارت السادس
شخصيات البارت


أمير : عواشه وايد يطول انتي .. (شافها بالمنظره) عواشه انتي تعبان؟!!
عواشه: روح بيت ماما مريم وبدون حجي زايد فهمت ( لمت صورة امها اكثر وادموعها تنزل)....
بعد العزيمه بالليل..
عواشه وفطومه وريومه شابكين بالتلفون...

عواشه ( تمسح دموعها ) : وبس..والله ما هقيت أبوي يسويها بدون حتى لا يقولي..
ريوم وفطوم ساكتين طول ما تكلمت عواشه عن السالفه..منصدمين..لإنهم عارفين شكثر عواشه متمسكه بأمها وذكراها..
فطومه (معصبه) : أنا اللي غاثني بالسالفه هذي جيانا مادري شسمها..شنو خبييييثه!!!
عواشه (بحزن) : اسمها هدى..مساع دقيت على ميرنا عشان اعرف كلشي وقالتلي ابوي من وراي يناديها هدى..
ريومه : عواشه..انتي اليوم تعبانه..شرايج نسولف عن الموضوع باجر..وانتي ريحي حبيبتي؟..
فطومه : احنا نبيها ترتاح..بس بقلبها هم خليها تفضفض..مانبيها تفكر بروحها..
عواشه : لا ريم..خلوني أكلمكم لأني ماراح أرتاح إلا لما أتكلم شوي معاكم (انزلت دمعه)..
ريومه : زين ألحين خلاص بتقعدين عند ماما مريم ؟
عواشه : ايه ..وحتى لو شنو سوا ماراح أرد البيت مستحيل..وماما مريم عايشه بروحها..راح ارتاح معاها أكثر..
فطومه : زين حبيبتي عواشه وأغراضج؟
عواشه : ميرنا قالت انه ابوي قالها اذا بعد جم يوم ما رديت لهم تييب لي كل اللي احتاجه هني..
ريومه : عيل سمعيني حبيبتي..احنا رفيجات من دهر..وكل وحده فينا تحب الخير لثانيه..راح تتقبلين مني اللي بقوله الحين؟..
عواشه : أكيد يا قلبي انتو..أتقبل منكم أي شي..انتو أغلى ناس عندي ألحين بعد أمي (تبجي)..
فطومه : عواش بس تكفين ألحين ببجي معاج..
عواشه : لا خلاص لا تبجين.. (امسكت بجيتها)
ريوم ( تفكر شلون تبدي) : عواشه سمعيني وبعدين ردي باللي تبينه..أبوج من حقه يتزوج بس مو بالطريقه هذي (عواشه وفطومه منصدمين وماسكين نَفَسهم)..احنا معاج انه لازم أبوج يقولج وياخذ رايج..حبيبتي امج توفت الله يرحمها واهي حيل طيبه وتحب ابوج وتبي له كل خير ولو تقدرين تاخذين رايها الحين راح توافق لانه ابوج محتاج هالشي (هدت عواشه شوي)..مثلا شوفي الحين لو زوج متأذي من زوجته ومو مهتمه فيه..من حقه يتزوج.. (ياه صوت من عند ريم):
بو ريم : الوقت متأخر قاعد أقولج يا يبا..
ام ريم (بعصبيه) : شوف!..مليت واقولك كل مره انته تزوجت دكتورة ولادة عاد كيفك استحمل..
بو ريم (بهدوء) : عارف هالشي وماله داعي تعيدين..بس عوضينا بعد ما تخلصين ع الاقل قعدي معانا..ماصدقت اني قعدت معاج توني شوي..إلا رحتي!!
ام ريم : ويع على الرياييل ما اييبون لنا الا الشقى (قالتها بصراخ)..واااي يايمه ليتج ما زوجتيني.. (طلعت وسكرت الباب حيل)
بو ريم (لاحظ ريم) : ها بابا انتي هني..ما نمتي؟!
ريومه (بضيقه) : بعد شوي بس أكلم عواشه وفطومه..
بو ريم مشغول بالتفكير وما انتبه شنو قالت ريم ومشى لي غرفته..
فطومه : للحينهم جذي امج وابوج! الله يهديهم متى يتفاهمون!..أبوج اللي لازم يتزوج.
عواشه : لا الله لا يقوله..فطيم ترا الزواج مو لعب..حرام ينكسر قلب ريوم..
ريومه ( منزله راسها وتسمعهم ) : ما أستبعد انه ابوي يتزوج على امي او حتى انه متزوج..امي مو معطيته حقه ولا معطيتنا..
فطومه (تقلد صوت أم ريم) : وي وي ينو ينووو هالرياايييل...
عواشه وريوم ادمعت عيونهم من الضحك..
فطومه (تبتسم وبهدوء) : ايه جذي..عسى دوم هالضحك..خلونا ننسى الهموم دامنا مع بعض وهذا أحلى شي..خلونا نعيش عمرنا فديتكم..والله احبكم..
عواشه (تبتسم) : والله حتى أنا أحبكم..وجودكم معاي يخفف علي وايد أشياء ويريحني..
ريومه (تاخذ نفس) : وأنا أموت فيكم..حبي الاول والاخير انتو..
ياه صوت ام فطومه من عند فطومه:
ام فطومه : يمه فاطمه متى تنامين؟!..باجر مدرسة وتأخر الوقت يمه..
فطومه : يمه باجر ماكو مدرسه..عطله رسميه من عواشه..
ام فطومه (مخترعه) : شفيها عواشه؟!!
فطومه : مافيها الا العافيه بس ابوها تزوج وانحاشت بيت يدتها وتدلع وتتبجبج علينا..
عواشه (افتشلت) : فطيم يا خايسه اعلمج..بجمله وحده قلتي كلشي!..
ام فطومه (تاخذ التلفون من فطومه) : عطيني عطيني..ألو..شلونكم يمه؟
عواشه+ريومه: تمام خالتي الحمدلله..
ام فطومه : يمه عواشه اسم الله عليج..ليش البجي يمه ..انتي عارفه انج بحسبت بنتي وغاليه علي انتي وريم..
عواشه : ايه خالتي عارفه وانا اعتبرج مثل امي..انا وريم وايد نرتاحلج وانتي عارفه احنا دايما نستشيرج بكلشي بحياتنا..بس اللي صارلي مو شويه خالتي..يعور القلب (اخنقتها العبره)..
ريم : تسلمين خالتي..وانتي والله مثل امنا الثانيه واكثر وحده فاهمتنا..
ام فطومه: حبيباتي انتو والله..عواشه الحين ابوج تزوج وخلصنا يمه ريحي شوي ابيت يدتج وردي حق ابوج بعدين..ماما حبيبتي ما اقول جذي عشان اضايقج..وكلنا نموت بامهاتنا..أنا مابي ادش بالتفاصيل يمه بس مابي هالدموع الغاليه تنزل واذا نزلت عطينا نبيع منهم شوي مو بس لج يا نحيسه..
عواشه+ريومه يضحكون..
فطومه (تنقز ورا امها) : يمه يمه يلا لي متى بس دوري :( ..
ام فطومه (تطالع فطوم وترد تتكلم) : ايه يمه ضحكو ترا انتو صغار لا تشيلون بقلوبكم الصغيره :)..ريم يمه شلون صحتج اليوم؟.
ريومه : الحمدلله وايد أحسن خالتي..قلت حق امي بس كانت مشغوله..خذيت مسكن ونمت..
ام فطومه : الله يشافيج يمه حبيبتي..عيل باجر خليتوها عطله رسميه..ها عواشه؟
فطومه (ورا امها) : اي اي عواشه قولي اي..
عواشه : ههههه..ايه خالتي لاني تعبانه شوي..الحين فطيم ماراح تنام..
يضحكون.....

ماما مريم :
ايه يا بو سعد وسعد هذي سالفة عواشه قبل سنه..وللحين ما درينا عن اخبار سعود وهدى..وعواشه ما تبي تدري عنهم كلش..وللحيني احاول ارد عواشه حق بيتهم ما ودي تطول هالقطاعه..
ردت الصوره بالصندوق وحطته باليراره..وانسدحت على فراشها تنام شوي..

بمكتبه جرير عواشه وريومه وفطومه..مدت ايدها ريوم بتاخذ الكتاب..فجأه.. واحد مستعيل مد ايده وخذا الكتاب ومشى..ريوم تطالعه واهو يروح مستغربه..وقف..لف ويها..طالعها..

علي : اووه..سوري
نهاية البارت السادس​

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).