فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

[بندريه]

من الآخر مو فاضيه لا تقرين الموضوع ترا طويل وكله أسئله وسوالف ​

إذا فاضيه طقطقي فيه تونسي و ونسينا :weight_lift:​

الاسئله مكرره تقريبا بس كل سؤال حاطينه بروحه انا جمعتهم​

واللي بتسولف عن التفاصيل بدون الأسئله هم حياها الله​

الاسئله عن أول ليله :​

س: من وين خذيتي نفنوفج ؟ وشنو لونه ؟ وشلون استايله ؟ ومن متى وإنتي تدورين نفنوف العرس ؟​

قبل موعد العرس بشهر شهرين ثلاثه ؟؟​

س: أجار ولا شاريته ؟ بجم قيمته ؟ وشنو تأيدين العروس تأجر ولا تشتري ؟​

س: لبسه أولى ولا لبسه ثانيه ؟؟ وشنو رايج بهالموضوع ؟؟​

س: منو شاف نفنوفج من أهلج ؟ غير خواتج ؟ عماتج ؟ خالاتج ؟ ولا منو شافه ؟​

س: حاطته بدارج ولا دار أمج ؟ وقبل العرس بجم يوم وهو عندج ؟​

س: شلون صايره مسكتج ؟ طبيعي ولا صناعي ؟ شنو تأيدين ؟ ومن وين خذيتيها وبجم ؟​

س:شرايج باللي يمسكون مسكه حوض سمج ولا مهفه ولا قلب حب ولا هالسوالف يعني حركه ؟​

س: الساعه جم رحتي الصالون ؟ وأي صالون ؟ وجم عروس كانت وياج ؟ والساعه جم طلعتي ؟​

س: منو راح وياج الصالون ومنو راح صالة العرس من أهلد ؟​

س: أي لون مكياجج ؟ وأي لون حمرتج والشدو ؟ وشسم اللي حطت لج ؟ وجم حطيتي مكياج الليله ؟​

س: عجبج مكياجج ولا لأ ؟ ولو ماعجبج وقلتي لها غيريه ؟ في تغيير سنع ولا خرابيط ؟​

س: سويتي قبلها بروفا ولا لأ حق المكياج ؟​

س: شلون كانت تسريحتج ؟ وحطيتي اكسسوارات شعر ؟ صبغتي شعرج ؟ وبجم تسريحتج ؟​

س: من وين شريتي اكسسواراتج ؟ القلاده الساعه الخواتم ؟ وجم أسعارهم تقريبا ؟​

س:الجوتي عزكم الله . من وين خذيتيه ؟ وشلون المشيه فيه ريحتج ولا أذتج ؟ وجم تقريبا سعره ؟​

س: صورتي بالصالون ؟ منو مصورتج ؟ وجم صوره صورتي ؟​

س: رحتي من الصالون للصاله ولا البيت ؟ وشنو الأحسن برايج ؟ ​

س: منو دفع تكاليف الألبوم ؟ إنتي ولا زوجج ؟​

س: أجرتي سياره ؟ ولا بسيارتكم رحتي ولا شلون ؟​

س: منو دخل معاج الصاله يوم دخلتي ؟​

س: شنو أغنية زفتج ؟ ومنو الدي جي إذا دي جي ؟ وجم كلفتج الأغنيه ؟ ​

س: سويتي حركات ولا دخله عاديه ؟ طفيتو الليتات وحطو عليج كشاف لوووول ؟ شرايكم بهالحركه ؟​

س: لما كنتي تمشين قعدتي تطالعين الجمهور لوول ؟ ولا تطالعين سيده ولا تطالعين السقف ولا شنو ؟​

س: جم أغنيه حطيتي عقب أغنيتج ؟ حطيتي أغنيه لرفيجاتج ؟​

س: جم رفيجه عزمتي من رفيجاتج ؟​

س: شنو شعورج لما دخل المعرس ؟ شفتيه ولا لأ ؟ لفيتي عليه ابتسمتي له ؟ منيه مناك لووول ​

س: منو مسك ايدج حطها بايده ؟​

س: شنو أغنية طلعتكم ؟​

س: في أحد راح معاج الشقه يساعدج بالتبديل والتغسيل وجذي ؟؟ تأيدين أحد يروح ولا حيلهم بينهم ؟​

س: في أحد صعد لكم علبونه يسلم أو يصور وياكم بالشقه بالليل ؟​

س: بشنو مسحتي كريم جسمج ؟ وكنت حاطه على كل جسمج ولا نصه ولا شنو ؟​

س: لو تسبحتي قبل لا تلبسين قميص النوم ؟ جم خذا وقت على ماسويتي شعرج وتجهزتي ؟​

س: الساعه جم نمتو تقريباً ؟ الساعه جم طلعتو من الصاله ؟ والساعه جم قمتو ثاني يوم لووول ؟​

س: ثاني يوم كان في حفله ؟ أو سافرتو ؟ أو شنو كان وضعج ثاني يوم ؟ ​

س: رحتي الصالون تمكيجتي ؟ من وداج ؟ أمج ولا زوجج ؟ ​

س: من وين خذيتي بدلة ثاني يوم ؟ وجم تقريبا كلفتج ؟​

س: موقف ماتنسينه من ليلة عرسج ؟​

 

[للزين هيبه]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

:eh_s(12):


والله مااجااوب

:eh_s(12):


اوووف شالامتحااان

ههههههههههههههههههههههههههههههههههههههههههههههههههههه



ياختي وااااااااااااااجد :080402ask_prv:


:hjy5jewf:

 

[احبــAــك]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

وااااااااااي موضوعج حده يونس لي باك انشا الله عشان اجاوبج وادردش

 

[بندريه]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

^


خلاص نقي اللي يعجبج
ولا بالأقصد كل مافضيتي جاوبي خمسه

 

[~LiBrA~]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

ههههههه واي عاد اليوم حاله استبيان بالجامعه مالي خلق اجاوب على هذولا بعد بس انشالله لي رجعه حق هالموضوع

بس مادري ليش حسستيني انج عروس او عندكم عروس وتبي تسال عن هالسوالف@@

لان صج الاسئله مهمه حق كل عروس ويكون مرجع لها لانشامل كل شي

يسلموووو

 

[بنت نعومه]

يوووووووو داربي راسي الله يهد يس بس لعيونك ياقلبي
لي باك ان شاء الله

 

[اميره1980]

انا راح اجاوبج بجملة وحدة عن كل هالاسئلة
"" ما سويت عرس "" لوووووووووووول
اب
اب

 

[_Pure_]

كنت مفكرة اجاوب بس بعدين .......... لاااااااااااا

اصلا ناسية بعض الاجابات

 

[نور زوجها]

س: من وين خذيتي نفنوفج ؟ وشنو لونه ؟ وشلون استايله ؟ ومن متى وإنتي تدورين نفنوف العرس ؟

خذتيه من عند حرمة معروفة عندنا بتاجير الفساتين خاصة العرايس اسمها ( ميثا المطروشي )
لونه أوف وايت... الايد طويلة... ووالفستان يبرق برق من السوارفسكي ... وكان له ذيل طويل يسحب من ورا... وطرحتي كان استايلها غريب فذاك الوقت ما عرف كيف أوصفها بس كانت مشبوكة بالفستان وناعمة ... ولبست تاج...
قبل العرس بشهرين دورته ولقيته خخخخخخخخخ





س: أجار ولا شاريته ؟ بجم قيمته ؟ وشنو تأيدين العروس تأجر ولا تشتري ؟

أجار... بعشرة آلاف درهم إماراتي... بصراحة أفضل تأجر لكن لبسة أولى... يعني حرام لو بتبيعه نص السعر بيروح عالفاضي.. لكن اللي عنده براحته




س: لبسه أولى ولا لبسه ثانيه ؟؟ وشنو رايج بهالموضوع ؟؟

كان لبسة أولى للمصمم مايكل ولله الحمد وقلت رايي فوق... لأني أفضل ألبسه قبل الكل .. ليلة عمري وما أحب أكون نموذج ثاني مكرر ..





س: منو شاف نفنوفج من أهلج ؟ غير خواتج ؟ عماتج ؟ خالاتج ؟ ولا منو شافه ؟

نفنوفي قبل الحفلة شافته أمي وزوجة اخوي وبنت خالتي فقط



س: حاطته بدارج ولا دار أمج ؟ وقبل العرس بجم يوم وهو عندج ؟

ما حطيته بداري ... لأنه وصلني من المصممة على طول للقاعة ...




س: شلون صايره مسكتج ؟ طبيعي ولا صناعي ؟ شنو تأيدين ؟ ومن وين خذيتيها وبجم ؟

مسكتي كانت طبيعية وتتالف من 15 نوع ورد أظن أو 17 وكانت الباقة كبيرة تسحب لين تحت.... صح شكلها كان وايد حلو وفخم لكن كانت ثجيلة والمفروض تكون مريحة... غلطة أتمنى غيري يتعلم منها .. بس عموما كانت وايد حلوة كشكل.. لكن كحمل تكسر اليد هههههههه.. تقريبا مثل هالصورة لكن أحلى

س:شرايج باللي يمسكون مسكه حوض سمج ولا مهفه ولا قلب حب ولا هالسوالف يعني حركه ؟

إذا شي حلو وذرب ومب مبالغ فيه عادي...




س: الساعه جم رحتي الصالون ؟ وأي صالون ؟ وجم عروس كانت وياج ؟ والساعه جم طلعتي ؟

رحت القاعة عالساعة خمس ... وكنت طالبة من الماكييرة انها تمكيجني آخر وحدة ... وخلصت الميكب والتسريحة واللبس عالساعة تسع لأنها بدت فيني متأخر...




س: منو راح وياج الصالون ومنو راح صالة العرس من أهلد ؟

صادف إن ريلي وداني للقاعة .... صارت ظروف واخواني انشغلوا وكان هو آخر حل طبعا تغشيت عنه هههههههههه




س: أي لون مكياجج ؟ وأي لون حمرتج والشدو ؟ وشسم اللي حطت لج ؟ وجم حطيتي مكياج الليله ؟

مكياجي كان حلو وسمبل... بس عموما الروج وردي على لحمي... والشدو بنفسجي والكحلة من داخل تركوازية .. واللي حطت لي الماكييرة المعروفة هيفا صفر... وسعر الميكب مع التسريحة وتجيني للقاعة 4500 درهم إماراتي .. أيام الرخص خخخخخخ :rerrerek:




س: عجبج مكياجج ولا لأ ؟ ولو ماعجبج وقلتي لها غيريه ؟ في تغيير سنع ولا خرابيط ؟

واااااايد عجبني وعجب الكل... بصراحة سوتني باربي ما شاء الله .. وطول الوقت وانا أشوف ويهي بالمنظرة من الوناسة ههههه بس المشكلة شعري من جدام شوي اخترب كان يبغي له تثبيت زيادة لأنه حيل ناعم... :eh_s(2):




س: سويتي قبلها بروفا ولا لأ حق المكياج ؟

لأ... لأنها ما تسوي بروفه للعرايس واثقة من شغلها ههههههههههههه




س: شلون كانت تسريحتج ؟ وحطيتي اكسسوارات شعر ؟ صبغتي شعرج ؟ وبجم تسريحتج ؟

تسريحتي مرتفعة وقذلة ما عرف كيف أوصفها من جدام... طبعا مع التاج...




س: من وين شريتي اكسسواراتج ؟ القلاده الساعه الخواتم ؟ وجم أسعارهم تقريبا ؟

لبست ذهب أبيض.. طقم الملجة لأنها كانت عائلية وما حبيت أخسره ... وكان تقريبا هذا كله 15 ألف وفوق شوي..




س:الجوتي عزكم الله . من وين خذيتيه ؟ وشلون المشيه فيه ريحتج ولا أذتج ؟ وجم تقريبا سعره ؟

الجوتي جاني مع الفستان أجرته... كان مريح بس وايد مرتفع بغيت أطيح فيه ههههه بس الحمدلله ربنا ستر ولا كانت فضيحتي بجلاجل هههههههههه





س: صورتي بالصالون ؟ منو مصورتج ؟ وجم صوره صورتي ؟

صورت طبعا لكن الالبوم أبدا ما عجبني وما وريت الا كم شخص لانه مثل ويهم الحمدلله...
مع ان الناس كانوا يمدحونهم بس على حظي ...




س: رحتي من الصالون للصاله ولا البيت ؟ وشنو الأحسن برايج ؟

طلبت أتمكيج بالصالة... وااااااااااايد أفضل... لأنه حوسة أتمكيج بمكان وأتغشى وأروح للقاعة الميكب والتسريحة بتروح فيها أما بالقاعة ماله داعي كل هالعبالة...




س: منو دفع تكاليف الألبوم ؟ إنتي ولا زوجج ؟

زوجي فديته دفع كل شي ولا ربية من عندي خخخخخخخخخخخخ الحمدلله..





س: أجرتي سياره ؟ ولا بسيارتكم رحتي ولا شلون ؟

رحت للفندق بسيارة زوجي... بس محد زفنا العالم وراها مدارس ودوامات ... :eh_s(2): وطلعنا عالساعة 3 وشي من القاعة من فاضي لنا هههههههههههه :eh_s(4):





س: منو دخل معاج الصاله يوم دخلتي ؟

دخلت بروحي ... لكن وراي كانوا خوات ريلي وعمتي وأمي فديتها




س: شنو أغنية زفتج ؟ ومنو الدي جي إذا دي جي ؟ وجم كلفتج الأغنيه ؟

مممممممممم ما أذكر الأغنية اعتمدت عالدي جي لأني وايد تعبت وما كان لي خلق أختار شي... والدي جي أجرته مع الكوشة والصبابات .. وكلفني كل هذا 16 ونص ... مع انه أغلى بس صاحب المحل راعاني وايد :eh_s(6):




س: سويتي حركات ولا دخله عاديه ؟ طفيتو الليتات وحطو عليج كشاف لوووول ؟ شرايكم بهالحركه ؟

حركتي كانت بسيطة طلعوا جدامي 3 عرايس صغار ووقفوا عالكوشة وبعدين أنا طلعت...




س: لما كنتي تمشين قعدتي تطالعين الجمهور لوول ؟ ولا تطالعين سيده ولا تطالعين السقف ولا شنو ؟

مع اني كنت خايفة من هاللحظة لكن سبحان الله ربي نزل السكينة فقلبي وكنت مرتاحة وأشوف أهلي وربيعاتي وناسية عمري أسوي بباي ههههههههههههه




س: جم أغنيه حطيتي عقب أغنيتج ؟ حطيتي أغنيه لرفيجاتج ؟

ما اهتميت لهالموضوع على الدي جي عموما كان إسلامي ..





س: جم رفيجه عزمتي من رفيجاتج ؟

عزمت الكل لكن ما حضر الا كم وحدة ... :eh_s(2):




س: شنو شعورج لما دخل المعرس ؟ شفتيه ولا لأ ؟ لفيتي عليه ابتسمتي له ؟ منيه مناك لووول

ما شفته يوم دخل لاني كنت متغطية لأنه دخل مع اخوانه... بس أكيد لما رفعوا الغطوة كان فيه نظرات مني مناك ههههههههههههههههه :tongue22:





س: منو مسك ايدج حطها بايده ؟
بروحه هههههههههههههههههههه





س: شنو أغنية طلعتكم ؟

ما أذكر..




س: في أحد راح معاج الشقه يساعدج بالتبديل والتغسيل وجذي ؟؟ تأيدين أحد يروح ولا حيلهم بينهم ؟

أبدا محد راح معاي.... اتخلوا عني :eh_s(2): يعني هو ساعدني فكل شي والله يسرها...




س: في أحد صعد لكم علبونه يسلم أو يصور وياكم بالشقه بالليل ؟

لأ....




س: بشنو مسحتي كريم جسمج ؟ وكنت حاطه على كل جسمج ولا نصه ولا شنو ؟

الكريم كان عالاماكن الظاهرة... ومجرد ما تسبحت وتليفت على خفيف كل شي نظف ولله الحمد...




س: لو تسبحتي قبل لا تلبسين قميص النوم ؟ جم خذا وقت على ماسويتي شعرج وتجهزتي ؟

هههههههههههه قصة .. طبعا أول ما دخلت على طول تسبحت لأن زوجي ما يحب الميكب أبدا.. الا الخفييييييييف .. طبعا تسبحت وتعطرت وكحلة وجلوس وعطر ...

المهم قبل ما أتسبح زوجي قعد نص ساعة يطلع المشابك من شعري... وقعد يعدهم ونحنا ميتين ضحك وهو مستغرب كل هذا بشعري ههههههههههههههه :tongue22:




س: الساعه جم نمتو تقريباً ؟ الساعه جم طلعتو من الصاله ؟ والساعه جم قمتو ثاني يوم لووول ؟

نمنا الساعة ست الفجر او سبع... وطلعنا من الصالة عالثلاث... وثاني يوم قمنا وحدة الظهر..





س: ثاني يوم كان في حفله ؟ أو سافرتو ؟ أو شنو كان وضعج ثاني يوم ؟

ثاني زرت أهلي... ويدتي .... وبعد 3 أيام زرت أهل ريلي لانهم بإمارة بعيدة... وبعد أسبوع سافرنا تركيا ....




س: رحتي الصالون تمكيجتي ؟ من وداج ؟ أمج ولا زوجج ؟

بروحي تمكيجت فالفندق وكنت بسيطة





س: من وين خذيتي بدلة ثاني يوم ؟ وجم تقريبا كلفتج ؟

كلفتني تقريبا ألف درهم أو فوق ... وفصلتها...




س: موقف ماتنسينه من ليلة عرسج ؟

بعد ما خلصت الميكب والتسريحة تفاجأت إن الفستان بعده ما وصل ودورني هنيه شوي وأصيح هههههههههه والماكييرة تهديني وانا حالتي حالة وبعدين اكتشفنا ان الفلبينية ماخذة الفستان لقاعة ثانية وقاعدة بين الناس الذكية انزييييييييين دوري صاحبة الفستان مب قاعدة مع الجمهور والحمدلله انه كان بقاعة جريبة من قاعتي نفس المكان يعني مب مكان ثاني هههههههههه والله نكته



وبثثثثثثثثثثثثثثثثثث تعبت هههههههههههههههه ... طبعا رديت لعيونج وأحلى رفع.. مممممم وعرسي كان قبل أربع سنوات للعلم فقط خخخخخ ... :eh_s(21):

 

[عيون القرناس]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

دافع البلا وش ذا كله
والله اني داخله بجاوب بس غيرت رايي

 

[بندريه]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

عاااااشت نور زوجها :stars::stars::stars::stars:



مشكوووورين بناااااات

 

[أحلى عروس 2012]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

حلوووووووو وايد يفيدنا
لااااااا يوقف

 

[trakmia]

بعدي ماتزوجت
لايوقف لايوقف لايوقف

 

[غُمـۈض بَنيـۃَ]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

س: من وين خذيتي نفنوفج ؟ وشنو لونه ؟ وشلون استايله ؟ ومن متى وإنتي تدورين نفنوف العرس ؟​

الله يسلمك انا لبست فستانين​

وثنينهم من لبنان ​

الأول وهو الي دخلت فيه اول شي ،، لونه ابيض فيه كم من جهه بس ​

بس طبعا كت مو كم طويل​

قصة الصدر كانت اغراااء لوووول والبطن شفاف​

وكله من فوقه لتحته كرسستال يلمع​

وكان ثققيل وحار باللبس :lkmnkl:​

وذيل طويل وطرحتي تطريز ع جوانبها :eh_s(15):​

والثاني ، لونه ابيض ، ستايله امريكي​

من غير اكمااااام مخصروتحت منفوش خفيف ​

وطرحته كانت غجريه هذا لبسته بعد مادخل زوجي​

وجلسنا شوي قمت لبسته مششان ارقص مع زوجي​

واخواني براحه لووووول ​

قبل موعد العرس بشهر شهرين ثلاثه ؟؟​

شهرر بس ​

س: أجار ولا شاريته ؟ بجم قيمته ؟ وشنو تأيدين العروس تأجر ولا تشتري ؟​

ششاريتهم واثنينهم طلعت قيمتهم قولوا ماشاء الله 35000 ريال
خمس وثلاثين الف ريال لأن االأول كان اغلىآ بكثيرر من الثاني
وع فكره اثنينهم تصميم نيكولا جبران​

وأأيد تشتري لأنها ليلة بالعمرر​

س: لبسه أولى ولا لبسه ثانيه ؟؟ وشنو رايج بهالموضوع ؟؟​

لبسسه اولىآ ،، وقلت احب انا البسه اول وحده​

س: منو شاف نفنوفج من أهلج ؟ غير خواتج ؟ عماتج ؟ خالاتج ؟ ولا منو شافه ؟​

انا ، اختي ، بابا ، وماما بس​

حتىآ باقي خواتي ماشافوه​

س: حاطته بدارج ولا دار أمج ؟ وقبل العرس بجم يوم وهو عندج ؟​

بغرفة ماما ، قبلها باسبوع​

س: شلون صايره مسكتج ؟ طبيعي ولا صناعي ؟ شنو تأيدين ؟ ومن وين خذيتيها وبجم ؟​

تبع الفستان الأول ، كانت ستناند كرستال ورد طبيعي وكل الوان الورد فيها وكلها روز
لوووول​

لستاند طبعا كان تبع الفستان
فأنا بس حطيت فيه ورد
من محل ورد​

سعرها ، 800 ريال ​

والفستان الثاني ، كانت مسكه امريكيه عاديه تنسمك باليد
ورد طبيعي روز ولونه ابيض ووردي بس ​

سعرها ، 500 ريال ​

وأأيد طبيعي ​

ونفس المحل الأول
محل ورد عاادي​

س:شرايج باللي يمسكون مسكه حوض سمج ولا مهفه ولا قلب حب ولا هالسوالف يعني حركه ؟​

احسها باااااايخه :bbbiu:​

س: الساعه جم رحتي الصالون ؟ وأي صالون ؟ وجم عروس كانت وياج ؟ والساعه جم طلعتي ؟​

رحت الساعه 3 العصرر ، صالون ساس بالخبرر​

كنت بس انا لأن الله يسلمك تزوجت ليلة سبت ومدارس :eh_s(11):​

طلعت الساعه 9 بالليل​

س: منو راح وياج الصالون ومنو راح صالة العرس من أهلد ؟​

راحت معايا اختي ،، مافهمت اهله او اهلي :eh_s(16):​

س: أي لون مكياجج ؟ وأي لون حمرتج والشدو ؟ وشسم اللي حطت لج ؟ وجم حطيتي مكياج الليله ؟​

كان اسود وبنفسجي ووردي خفيف​

ولون الروج وردي قريب للفوشي ​

اسمهااا ابتسام وجات معايا الصاله كمان مششان تعدل بالميك اب وكذاا​

انا دفعت كامل شعر ميك اب وطلعتها معايا كلها​

1500 ريال ​

س: عجبج مكياجج ولا لأ ؟ ولو ماعجبج وقلتي لها غيريه ؟ في تغيير سنع ولا خرابيط ؟​

بصرااحه كان روعه​

وعلىآ الألوان الي فيه بس جد كان رروعه وهاادي ​

س: سويتي قبلها بروفا ولا لأ حق المكياج ؟​

ماسويت كنت ادرس وحوسه تركتها للنصيب
وطلع ياحلاته​

س: شلون كانت تسريحتج ؟ وحطيتي اكسسوارات شعر ؟ صبغتي شعرج ؟ وبجم تسريحتج ؟​

تسريحتي كانت ناعمه ، وحركه خفيفه ع جنب وباقي شعري كله ع جنب
وركبت لي وصلات لأن شعري طبعا قصيرر كثيرر كان​

صبغته اشقر غزالي وخصل بلاتيني​

السعر قلته فوق :icon30:​

س: من وين شريتي اكسسواراتج ؟ القلاده الساعه الخواتم ؟ وجم أسعارهم تقريبا ؟​

الطقم كله ع بعضه السلسله او القلاده والأسوار والخاتم​

هذول هديه من مااما لبىآ قلبها ​

ذهب ابيض كانوا بس مااعرف سعرهم طبعا​

ودبلتي حق ليلة الزواج طبعا هذي غير دبلة الخطوبه جابها لي خطيبي ذهب ابيض ​

وماعرف سعرها
والساعه ،، هديه من صاحبتي الروح بالروح ​

وماعرف سعرها :dddds:​

س:الجوتي عزكم الله . من وين خذيتيه ؟ وشلون المشيه فيه ريحتج ولا أذتج ؟ وجم تقريبا سعره ؟​

اخذته من الدو من مجمع الراششد​

وكان كعب عالي بس مريح جداا ​

سعره 150 ريال ​

س: صورتي بالصالون ؟ منو مصورتج ؟ وجم صوره صورتي ؟​

يب يب صورت بالصالون وبالصاله وبالسياره هههههههههههههه​

صورتي وحده اسمها اميرره ​

اسم ستوديوها the moon
تصويرهاا روعه​

اخذت عرض 800 صوره ديجيتال
وتصوير فيديو طبعاا ​

س: رحتي من الصالون للصاله ولا البيت ؟ وشنو الأحسن برايج ؟ ​

لا ع طول ع الصاله​

الأحسسن ع الصاله وشوله بعد تروح البيت !؟​

س: منو دفع تكاليف الألبوم ؟ إنتي ولا زوجج ؟​

لا انا ولا زوجي​

كان هديه من خالتي فديتهاا ​

س: أجرتي سياره ؟ ولا بسيارتكم رحتي ولا شلون ؟​

رحت بسيارة بابا لبىآ قلبه​

بس كانت موديل سنتها وتعجبكم :eh_s(15):​

س: منو دخل معاج الصاله يوم دخلتي ؟​

هههههههههههههههههه
عدي واحسبي​

انا بالنص
وع اليمين واليسسسر الأتي ،،،
ماما ، اختي الكبيره وكانت حامل وبطنها قدامها ههههههههههه
، اختي الوسطىآ ، اختي الصغيره ،
بنت اختي ، خالتي ، بنات خالتي ثنتينهم ،
بس بعدين كلهم وقفوا وتركوني اركب ع المسرح لحالي​

س: شنو أغنية زفتج ؟ ومنو الدي جي إذا دي جي ؟ وجم كلفتج الأغنيه ؟ ​

الله يسلمك الأغنييه كانت لجواد العلي بس مااذكر اسمها هههههههههههههه​

والدي جي كان تبع الطقاقه ​

التكلفه عند بابا ربي يحفظه انا مدري ههههههههههههه​

س: سويتي حركات ولا دخله عاديه ؟ طفيتو الليتات وحطو عليج كشاف لوووول ؟ شرايكم بهالحركه ؟​

دخله عاديه ، وطبيعيه لاتصنع ولا حركات مالها داعيي
بس يب طفينا الأنوار الصفراء ووشغلنا الحمراء ​

بس حركة الكشاف لووول فاشله احس اخاف
العروس تطيح ع وجها بالظلمه​

س: لما كنتي تمشين قعدتي تطالعين الجمهور لوول ؟ ولا تطالعين سيده ولا تطالعين السقف ولا شنو ؟​

اول مادخلت لفيت جنب وحضنت جدتي ام امي هههههههههههههههههه​

وبعدين رجعت سيده واناظر بالجمهور وابتسم بوجهم ​

لبىآ قلبي الكل قال عني وراي اني بششوشه ​

س: جم أغنيه حطيتي عقب أغنيتج ؟ حطيتي أغنيه لرفيجاتج ؟​

مااذكر كم اغنية لأنها طقاقه وجلست للساعه 3 الفجر تطق
هههههههههههههههههه​

ولو اكيد لبىآ قلوبهم هذول رفيقات دربي بكل شي
ههههههههههههههههههههههه​

س: جم رفيجه عزمتي من رفيجاتج ؟​

< جلست تعدهم​

30 وحده بالضبط ​

س: شنو شعورج لما دخل المعرس ؟ شفتيه ولا لأ ؟ لفيتي عليه ابتسمتي له ؟ منيه مناك لووول ​

شعوري مع اني شايفته قبل وجالسه معاه حيل قبل
واكلمه كل يوم بالجوال بالساعات​

بس ارتبكت وجلست ارجف بس فديته لما جاني ورفع الطرحه عن وجهي
قالي فديت هالقمرر ياناس
طالعت فيه وابتسمت وراح الخجل والأرتباك ههههههههههههههههههه​

س: منو مسك ايدج حطها بايده ؟​

خالته ​

س: شنو أغنية طلعتكم ؟​

تصدقين مااذكرها بس هي تبع مع السلامه ياالعروس
ههههههههههههههههههههههههههههههههههههه
هههههههههههههههههههههههههههههههههه​

س: في أحد راح معاج الشقه يساعدج بالتبديل والتغسيل وجذي ؟؟ تأيدين أحد يروح ولا حيلهم بينهم ؟​

رااحت معاي اختي وخالته واخته​

جهزوا لنا العشىآ ومششوا ​

وانا بدلت وغسلت بنفسي ولحالي​

ايه أأيد ليه لا​

س: في أحد صعد لكم علبونه يسلم أو يصور وياكم بالشقه بالليل ؟​

لالا​

س: بشنو مسحتي كريم جسمج ؟ وكنت حاطه على كل جسمج ولا نصه ولا شنو ؟​

بزبدة الفراوله من نكتار هههههههههههههههه​

ايه ع كل جسمي​

س: لو تسبحتي قبل لا تلبسين قميص النوم ؟ جم خذا وقت على ماسويتي شعرج وتجهزتي ؟​

اخذت وقت ع ماعملت شعري وحطيت ميك اب خفيف ​

تقريبا ساعه​

بس استحيت البس قميص نوم لووووول
ههههههههههههههههههههههههههههههههههههه​

س: الساعه جم نمتو تقريباً ؟ الساعه جم طلعتو من الصاله ؟ والساعه جم قمتو ثاني يوم لووول ؟​

طلعنا من الصاله الساعه 3 الفجرر ​

ونمنا ع الساعه 8 الصباح​

وصحينا ع الساعه 3 العصرر​

س: ثاني يوم كان في حفله ؟ أو سافرتو ؟ أو شنو كان وضعج ثاني يوم ؟ ​

حفله في بيت اهل زوجي ​

س: رحتي الصالون تمكيجتي ؟ من وداج ؟ أمج ولا زوجج ؟ ​

ايه رحت ،، بابا واختي​

امي كانت لاهيه بزحمة العرس
وزوجي كان جالس بمجلسهم يباركون لهم​

س: من وين خذيتي بدلة ثاني يوم ؟ وجم تقريبا كلفتج ؟​

جابتها لي امه هديه​

وكانت حيل نعومه وهاديه وروعه​

ماعرف سعرها​

س: موقف ماتنسينه من ليلة عرسج ؟​

وانا نازله ع الدرج بالصالون بعد مالبست الفستان
وخلصت وكل شي
جلسوا العاملات والناس الىآ هناك
يجببون ويصفقون غصب عني جلست ع الدرج
وقمت ابكي هههههههههههههههههههههههههههههههه​

وساح الكحل ههههههههههههههههههههههههههه​

وجلسوا يعدلون فيني ​

ثانكس لبىآ قلبك ع المووضوع وتسلمين عيووني​

 

[بندريه]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

عااااااااااشت غموووووووووووض :edbf4317b9:


الله يوفقكم يارب






اللي بعدوووووووووو :RoadRunner:

 

[انوار الامل]

س: من وين خذيتي نفنوفج ؟ وشنو لونه ؟ وشلون استايله ؟ ومن متى وإنتي تدورين نفنوف العرس ؟

قبل موعد العرس بشهر شهرين ثلاثه ؟؟

اولا انا خذيته من زياد انطون ولونه بيج واستايله الملكات الفكتوريات والله مادورت ولا تعبت نفسي على طول رحت له وخذيت النفوف لان مو اول مرة اتعامل وياه وخذيته قبل العرس بأسبوع لاتنصدمون لان اعرف ذوقه نفس ذوقي وراح الاقي اللي يعجبني عنده وبس
س: أجار ولا شاريته ؟ بجم قيمته ؟ وشنو تأيدين العروس تأجر ولا تشتري ؟

لا اجرته وكان توه عرض جديد انا أأيد انها تأجر لان لو شرته وين بتوديه بياخذ مكان بالكبت عالفاضي

س: لبسه أولى ولا لبسه ثانيه ؟؟ وشنو رايج بهالموضوع ؟؟

لبسه اولى اكيد ، والله على حسب العروس ورايها بهالموضوع

س: منو شاف نفنوفج من أهلج ؟ غير خواتج ؟ عماتج ؟ خالاتج ؟ ولا منو شافه ؟

امي وخالاتي وجدتي وخواتي طبعا لمن جبته البيت قبل العرس بيوم

س: حاطته بدارج ولا دار أمج ؟ وقبل العرس بجم يوم وهو عندج ؟

قبل العرس بيوم وكان بداري عالسرير

س: شلون صايره مسكتج ؟ طبيعي ولا صناعي ؟ شنو تأيدين ؟ ومن وين خذيتيها وبجم ؟

وردها صناعي وجنه طبيعي لان الورد من لبنان وسويتها عند زياد بعد (وسالفه المسكه سالفه) ولي الحين عندي

س:شرايج باللي يمسكون مسكه حوض سمج ولا مهفه ولا قلب حب ولا هالسوالف يعني حركه ؟

لا احس اوفر حلات العروس ماسكه ورد وشي ناعم

س: الساعه جم رحتي الصالون ؟ وأي صالون ؟ وجم عروس كانت وياج ؟ والساعه جم طلعتي ؟

رحت الساعه 11 فندق كونتيننتال وايد عرايس وطلعت الساعه 9.45

س: منو راح وياج الصالون ومنو راح صالة العرس من أهلد ؟

الصالون كلنا انا وامي وخواتي وخالاتي وبنات خالتي وبعدين سبقوني للصاله وبقيت انا واختي وخالتي ودشوا معاي

س: أي لون مكياجج ؟ وأي لون حمرتج والشدو ؟ وشسم اللي حطت لج ؟ وجم حطيتي مكياج الليله ؟

مكياجي مشمشي ولون حمرتي مشمشية وحطتلي الهام ومكياجي كان 200

س: عجبج مكياجج ولا لأ ؟ ولو ماعجبج وقلتي لها غيريه ؟ في تغيير سنع ولا خرابيط ؟

صراحة كان فضيع انا كنت خايفه من الالوان بس كان واو

س: سويتي قبلها بروفا ولا لأ حق المكياج ؟

لا انا مجربه الهام حاطتلي بكذا عرس فا كنت مرتاحه

س: شلون كانت تسريحتج ؟ وحطيتي اكسسوارات شعر ؟ صبغتي شعرج ؟ وبجم تسريحتج ؟

كانت سمبل لان الطرحه نظام امريكي يعني مايبين الشعر بس اللي جدام كان ويفي واللي ورا ناعم وماحطيت اكسسوارات لان الطرحة فيها شغل جنه اكسسوار فا ماله داعي ابدا ماصبغت شعري لان حلو عالعروس الاسود والتسريحة من ضمن سعر المكياج
س: من وين شريتي اكسسواراتج ؟ القلاده الساعه الخواتم ؟ وجم أسعارهم تقريبا ؟

كانت الماس والساعة الماس وكانوا بحدود 3آلاف

س:الجوتي عزكم الله . من وين خذيتيه ؟ وشلون المشيه فيه ريحتج ولا أذتج ؟ وجم تقريبا سعره ؟

شريت جوتي من اللي يبيعون ملوت الاعراس وماخذيته عالي حيل خليته طبيعي وصراحة مريح سعره 10
س: صورتي بالصالون ؟ منو مصورتج ؟ وجم صوره صورتي ؟

أي بالصالون وصورت 7افلام

س: رحتي من الصالون للصاله ولا البيت ؟ وشنو الأحسن برايج ؟

لا رحت لي الصاله على طول لان الليموزين تأخر علي وكان في حادث
رايي على طول الصاله

س: منو دفع تكاليف الألبوم ؟ إنتي ولا زوجج ؟

انا يا حسرة

س: أجرتي سياره ؟ ولا بسيارتكم رحتي ولا شلون ؟

لا ليموزين ثنتين لنا كلنا

س: منو دخل معاج الصاله يوم دخلتي ؟

بروحي


س: شنو أغنية زفتج ؟ ومنو الدي جي إذا دي جي ؟ وجم كلفتج الأغنيه ؟

ما حطيت دي جي لان كان بلال الشامي

س: سويتي حركات ولا دخله عاديه ؟ طفيتو الليتات وحطو عليج كشاف لوووول ؟ شرايكم بهالحركه ؟

لالا عادي

س: لما كنتي تمشين قعدتي تطالعين الجمهور لوول ؟ ولا تطالعين سيده ولا تطالعين السقف ولا شنو ؟

كنت متوترة واطالع اهلي

س: جم أغنيه حطيتي عقب أغنيتج ؟ حطيتي أغنيه لرفيجاتج ؟

لا ما مداني زوجي كان ينطرني ادش عشان يدش بسرعه

س: جم رفيجه عزمتي من رفيجاتج ؟

كلهم والله

س: شنو شعورج لما دخل المعرس ؟ شفتيه ولا لأ ؟ لفيتي عليه ابتسمتي له ؟ منيه مناك لووول

لا لمن قالوا دخل خفت وكنت ببجي صارت الصجيه انا ما ابتسمت له اهوا اللي يتبوسم

س: منو مسك ايدج حطها بايده ؟

محد بس المصورة قالتله واهوا ما صدق خبر

س: شنو أغنية طلعتكم ؟

ما ذكر بس اغنيه اول ماقعد عالكوشه كانت ياحظ عينك تنام الليل مرتاحه

س: في أحد راح معاج الشقه يساعدج بالتبديل والتغسيل وجذي ؟؟ تأيدين أحد يروح ولا حيلهم بينهم ؟

امي راحت وياي مع المصورة بس خلوني ما ساعدوني

س: في أحد صعد لكم علبونه يسلم أو يصور وياكم بالشقه بالليل ؟

امي والمصورة

س: بشنو مسحتي كريم جسمج ؟ وكنت حاطه على كل جسمج ولا نصه ولا شنو ؟

لا على نص جسمي واهوا مارضى اتسبح الا الصبح لاني كنت تعبانه وغسلت جسمي بالليفه وبعدين مسحت جسمي بمنديل مزيل للمكياج احتياط

س: لو تسبحتي قبل لا تلبسين قميص النوم ؟ جم خذا وقت على ماسويتي شعرج وتجهزتي ؟

لا ماتسبحت مارضى

س: الساعه جم نمتو تقريباً ؟ الساعه جم طلعتو من الصاله ؟ والساعه جم قمتو ثاني يوم لووول ؟

الساعة وحده ثنتين وقمت الساعه سبع الصبح مادري شعندي

س: ثاني يوم كان في حفله ؟ أو سافرتو ؟ أو شنو كان وضعج ثاني يوم ؟

لا كان في حفله

س: رحتي الصالون تمكيجتي ؟ من وداج ؟ أمج ولا زوجج ؟

رحت الفندق واهوا وداني

س: من وين خذيتي بدلة ثاني يوم ؟ وجم تقريبا كلفتج ؟

جاهز من النقره فوق 120

س: موقف ماتنسينه من ليلة عرسج ؟

امي راحت عني وخلتني وما ساعدتني بنفنوفي وكان قطعة وحده واهوا اللي بطللي اياه

 

[الأميرة جوري]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

الاساله طويله لي عوده

 

[أط أط]

مشكووورة على الموضوع الحلو ..

س: من وين خذيتي نفنوفج ؟ وشنو لونه ؟ وشلون استايله ؟ ومن متى وإنتي تدورين نفنوف العرس ؟

من آتيليه بحولي .. لونه أبيض .. ستايله نافش حيل جني باربي ..

أول يوم افتريت فيه أخترته على طول لأن هو اللي كان ببالي ..

س: أجار ولا شاريته ؟ بجم قيمته ؟ وشنو تأيدين العروس تأجر ولا تشتري ؟

أجار .. 750 د.ك ..

أأيد أنها تأجر ..

س: لبسه أولى ولا لبسه ثانيه ؟؟ وشنو رايج بهالموضوع ؟؟

لبسة أولى ..

بالنسبة لي لازم لبسة أولى لأنه ألوانه تصير زاهية أكثر ..

ويبين عليه أنه مو ملبوس ..

س: منو شاف نفنوفج من أهلج ؟ غير خواتج ؟ عماتج ؟ خالاتج ؟ ولا منو شافه ؟

رفيجاتي بالدوام ..

علشان أستشيرهم ..

س: حاطته بدارج ولا دار أمج ؟ وقبل العرس بجم يوم وهو عندج ؟

بداري .. قبل العرس بيومين خذيته ..

س: شلون صايره مسكتج ؟ طبيعي ولا صناعي ؟ شنو تأيدين ؟ ومن وين خذيتيها وبجم ؟

طبيعية .. عندي مو مهم صناعي أو طبيعي المهم تكون حلوة ..

خذيتها من بياع الورد .. بــ 60 د.ك ..

نفس هذي بس فيها ورق أخضر ولونها وردي ..

س:شرايج باللي يمسكون مسكه حوض سمج ولا مهفه ولا قلب حب ولا هالسوالف يعني حركه ؟

ماحب قصة السمجة خخخخخخخخخخ تضحكني .. تخيلي تتعثور وويطيح عليها الماي والسمج خخخخ ..

بس قلب حب حلوة إذا نسقها المصمم عدل ..

س: الساعه جم رحتي الصالون ؟ وأي صالون ؟ وجم عروس كانت وياج ؟ والساعه جم طلعتي ؟

عشر الصبح .. كونتننتال ..

14 عروس كانوا وياي .. وكانت لوية وزحمة ..

وطلعت الساعه 8.45 تقريباً ..

س: منو راح وياج الصالون ومنو راح صالة العرس من أهلد ؟

أختي الكبيرة .. الله يرزقها الزوج الصالح عاجلاً غير أجلاً .. اللهم آمين ..

تحملتني وايد وعصبيتي كانت سخيفه لو أنا منها جان طراااااااق خخخخخخخخ ..

حتى مكياجها ما خليتها تعدله مسكينه ..

راحت الصالة والكحلة سايحه ..

وباجي خواتي وأمي كانوا بالصالة ..

س: أي لون مكياجج ؟ وأي لون حمرتج والشدو ؟ وشسم اللي حطت لج ؟ وجم حطيتي مكياج الليله ؟

وردي .. الحمرة لونها وردي .. والشدو أسود وسلفر ووردي ..

اللي حطتلي أسمها إلهام ..

230 د.ك تقريباً ..

س: عجبج مكياجج ولا لأ ؟ ولو ماعجبج وقلتي لها غيريه ؟ في تغيير سنع ولا خرابيط ؟

واااااااايد عجبني .. ونفس ما كنت أبي بالضبط .. طبعاً أنا ماخذه صورة ومشوفتها ياها قبل 3 شهور من عرسي

وماسكه إيدها ومتابعتها .. وحطي ولا تحطين خخخخخخخ ..

س: سويتي قبلها بروفا ولا لأ حق المكياج ؟

لأ ما سويت .. بس قعدت معاها قبلها بـ 3 شهور تقريباً ..

وسألتها إذا هالألوان والرسمة تليق علي ولا لأ ..

س: شلون كانت تسريحتج ؟ وحطيتي اكسسوارات شعر ؟ صبغتي شعرج ؟ وبجم تسريحتج ؟

تسريحتي رفع .. أسمها " لاينات " سووتها لي فيروز ..

وحطيت اكسسوارات كنت ماخذتهم من الآتيليه نفس أكسسوارات الفستان ..

لأ ما صبغته وخليته على لونه الطبيعي ..

التسريحة مع الميك آب والنظارة وأمبولات الكولاجين بـ 230 تثريباً ..

س: من وين شريتي اكسسواراتج ؟ القلاده الساعه الخواتم ؟ وجم أسعارهم تقريبا ؟

الأكسسوارات خذيتهم من الآتيليه ..

وكلهم كانوا أجار ..

س:الجوتي عزكم الله . من وين خذيتيه ؟ وشلون المشيه فيه ريحتج ولا أذتج ؟ وجم تقريبا سعره ؟

الجوتي عزكم الله بعد من الآتيليه ..

وخذيته كعب عريض وكان المشي فيه مريح ..

س: صورتي بالصالون ؟ منو مصورتج ؟ وجم صوره صورتي ؟

أي صورت .. مصورتي مصرية أسمها سامية ..

صورها روعه ماشاء الله ..

وبالفندق بعد صورت ..

صورت وايد ألبوم كامل .. عبارة عن فلمين ..

س: رحتي من الصالون للصاله ولا البيت ؟ وشنو الأحسن برايج ؟

للصالة .. على طول ..

عندي أحسن للصالة ..

ماله داعي التنقل بالثوب بروحه شثقله ..

س: منو دفع تكاليف الألبوم ؟ إنتي ولا زوجج ؟

أنا ..:krkrkr:

س: أجرتي سياره ؟ ولا بسيارتكم رحتي ولا شلون ؟

أخوي االله يخليه لي .. كان مسويلي مفاجئة ..

وأهداني زفة بالليموزين ..

س: منو دخل معاج الصاله يوم دخلتي ؟

أخوي الكبير .. الله يخليه .. بس ..

س: شنو أغنية زفتج ؟ ومنو الدي جي إذا دي جي ؟ وجم كلفتج الأغنيه ؟

لا تقولون " محمد عبده "

ما كلفتني الأغنية .. بس كلفني الشعر حول الـ 60 د.ك تقريباً ..

س: سويتي حركات ولا دخله عاديه ؟ طفيتو الليتات وحطو عليج كشاف لوووول ؟ شرايكم بهالحركه ؟

والله خوش حركه ..

لا والله ولا حركات ولا ما يحزنون ..

بس خواتي بعد عمري ما قصروا نثروا ممشاي ورد ..

وحطيت الشعر والأغنية ..

ومسويلي سلتين حلو توزيعات عليهم شهر يهبل ..

س: لما كنتي تمشين قعدتي تطالعين الجمهور لوول ؟ ولا تطالعين سيده ولا تطالعين السقف ولا شنو ؟

أطالع الناس .. بس ما تذكرت ولا شي ..

وخايفه أطيح ..

وبس أبي أوصل الكوشة ..

وتالي يسولفولي خواتي عن أشياء مادري عنها .. :0bee2e8d89:

س: جم أغنيه حطيتي عقب أغنيتج ؟ حطيتي أغنيه لرفيجاتج ؟

ما حطيت .. الدي جي ياييبنه أهل زوجي ..

وما حطيت حق رفيجاتي للأسف لنفس السبب ..:0bee2e8d89:


س: جم رفيجه عزمتي من رفيجاتج ؟

كلهم ..

سواء من المدرسة أو الكلية أو الدوام ..

س: شنو شعورج لما دخل المعرس ؟ شفتيه ولا لأ ؟ لفيتي عليه ابتسمتي له ؟ منيه مناك لووول

لأ خخخخخخخخخخ ..

ما شفته ومنزلة راسي .. وما شفت شي من عرسي من التوتر ..:krkrkr:

س: منو مسك ايدج حطها بايده ؟

أهو زوجي .. مسك ايدي وحطها بايده ..

س: شنو أغنية طلعتكم ؟

ماتذكرها ..

س: في أحد راح معاج الشقه يساعدج بالتبديل والتغسيل وجذي ؟؟ تأيدين أحد يروح ولا حيلهم بينهم ؟

أي طبعاً أختي الكبيرة فديتها راحت وياي الفندق ..

وأأيد بقوة ..:gr4uu:

س: في أحد صعد لكم علبونه يسلم أو يصور وياكم بالشقه بالليل ؟

أي أخوي .. خخخخخخخ ..

س: بشنو مسحتي كريم جسمج ؟ وكنت حاطه على كل جسمج ولا نصه ولا شنو ؟

تسبحت وفرككته بالليفه .. وهم ماراح عدل خخخخخخخخخ ..

لا على نصه ..

س: لو تسبحتي قبل لا تلبسين قميص النوم ؟ جم خذا وقت على ماسويتي شعرج وتجهزتي ؟

ماتذكر شكثر كان الوقت .. بس أختي ساعدتني وايد ..

س: الساعه جم نمتو تقريباً ؟ الساعه جم طلعتو من الصاله ؟ والساعه جم قمتو ثاني يوم لووول ؟

أنا ما نمت ماقدرت كنت مستحيه حدي ..

وهو نام الفجر ..

طلعنا من الصالة أتوقع على الـ 11 ..

أهو قام 7 الصبح تقريباً ..

وأنا ما نمت ..

س: ثاني يوم كان في حفله ؟ أو سافرتو ؟ أو شنو كان وضعج ثاني يوم ؟

أي كان في عشا ببيت أهل زوجي ..

أي سافرنا بعد العرس بأسبوعين ..

س: رحتي الصالون تمكيجتي ؟ من وداج ؟ أمج ولا زوجج ؟

لا والله ما مداني ..

سويت مكياجي بالبيت ..

وهذي غلطة مني أني ما نسقت وحجزت صالون حق ثاني يوم ..

س: من وين خذيتي بدلة ثاني يوم ؟ وجم تقريبا كلفتج ؟

كلفتني 120 د.ك تقريباً ..

وخذيتها من محل أزياء سهرة .. وكانت على زيبرا .. مشكوك ..

س: موقف ماتنسينه من ليلة عرسج ؟

يمكن الموقف اللي ما أنساه أكثر شي ويضحكني ..

لما قالي زوجي خلنا نتعشا ..

وطبعاً ما كليت .. وتالي عطاني بطاطه .. بس عضيتها وحطيتها بالصحن هههههه ..​

 

[bnt nas]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

ياشينك متزوجات جاوبو
تتغلون

 

[أحـلام * ورديـة]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

هاي شلونج الموضوع ممتع

بس مالي خلق اجاوب لووول