فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

[غُمـۈض بَنيـۃَ]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

س: بشنو مسحتي كريم جسمج ؟ وكنت حاطه على كل جسمج ولا نصه ولا شنو ؟


اها تقصدون قبل ماارجع البيت واتروش :eh_s(13):

جسمي حلو فما حبيت احط من هالكريمات الىآ مالها داعي

جوواب متأخر ههههههههههههههههههههه

 

[moo-0-oon_14]

اب
اب
موضوع راح يفيد العرايس

 

[بندريه]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

مشكووووووووووورين



جم رفيجه عزمتو تقريباً بالعدد ؟

5؟
10؟
20؟

 

[Riya~]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

من الآخر مو فاضيه لا تقرين الموضوع ترا طويل وكله أسئله وسوالف :d​

إذا فاضيه طقطقي فيه تونسي و ونسينا :weight_lift:​

الاسئله مكرره تقريبا بس كل سؤال حاطينه بروحه انا جمعتهم​

واللي بتسولف عن التفاصيل بدون الأسئله هم حياها الله​

الاسئله عن أول ليله :​

س: من وين خذيتي نفنوفج ؟ وشنو لونه ؟ وشلون استايله ؟ ومن متى وإنتي تدورين نفنوف العرس ؟​

pronovias إلّي في لبنان ، لونه اوف وايت ، و يميل للكلاسيكية .. ما تعبت و انا أدور خلال 10 أيام رحت جم محل و استقريت على نفنوفي و تقريبًا أغلب التعليقات بالعرس إلي سمعتها بالعرس كانت عن نفنوفي إنه حلو - الحمدلله

قبل موعد العرس بشهر شهرين ثلاثه ؟؟​

بـ شهرين خذته و كنت خايفة أمتن عليه p:

س: أجار ولا شاريته ؟ بجم قيمته ؟ وشنو تأيدين العروس تأجر ولا تشتري ؟​

شاريته و الحين مادري شسوي فيه >_< ! بـ 1000 دينار و شوي ..

س: لبسه أولى ولا لبسه ثانيه ؟؟ وشنو رايج بهالموضوع ؟؟​

نفنوفي مشترى يديد .. و ليش لا الأجار مافي شي خاصة إذا النفنوف نظيف و يديد

س: منو شاف نفنوفج من أهلج ؟ غير خواتج ؟ عماتج ؟ خالاتج ؟ ولا منو شافه ؟​

خواتي و أمي و أبوي بس

س: حاطته بدارج ولا دار أمج ؟ وقبل العرس بجم يوم وهو عندج ؟​

بدار أميميتي عشان مو كل شي أقيسه و ظل بدارها لي آخر يوم قبل العرس ..

س: شلون صايره مسكتج ؟ طبيعي ولا صناعي ؟ شنو تأيدين ؟ ومن وين خذيتيها وبجم ؟​

طبيعية ، أوركيد و تيوليب و شوي لولو .. كله أبيض .. ، أحب الطبيعي .. و سواها لي إلي سوّا الكوشة

س:شرايج باللي يمسكون مسكه حوض سمج ولا مهفه ولا قلب حب ولا هالسوالف يعني حركه ؟​

تؤ ما أحب ! أحب العروس تكون كلاسيك ..

س: الساعه جم رحتي الصالون ؟ وأي صالون ؟ وجم عروس كانت وياج ؟ والساعه جم طلعتي ؟​

رحت الساعة 2 تقريبًا ، ليلى هارموني ، كنت بروحي عروس ، طلعت على الساعة 7 إلا شوي ، لأن ما بدو فيني إلا متأخر ..

س: منو راح وياج الصالون ومنو راح صالة العرس من أهلد ؟​

أمي و خواتي ، لأن حتى هم حاجزين هناك ، بس اختي ظلت معاي للأخير

س: أي لون مكياجج ؟ وأي لون حمرتج والشدو ؟ وشسم اللي حطت لج ؟ وجم حطيتي مكياج الليله ؟​

امممم مكياجي يميل للبنفسجي بس بشكل مو واضح .. و حمرتي فوشيا ، مع إني أكره الفوشيا .. بس الحمدلله كان مناسبني و طلع حلو و ناعم و مرتب .. حطته لي ليلى العرادي بس نصيحة منى الي بهارموني إيدها أنظف منها و شغلها مرتب أكثر .. حطيت عندها بالملجة و فعلاً رسمتني رسم بطريقة ناعمة

س: عجبج مكياجج ولا لأ ؟ ولو ماعجبج وقلتي لها غيريه ؟ في تغيير سنع ولا خرابيط ؟​

لا كان عاجبني بس خليتها تغير الحمرا لأنها حطت لي لون وردي فاتح حيل و انا سمرا ..

س: سويتي قبلها بروفا ولا لأ حق المكياج ؟​

لا

س: شلون كانت تسريحتج ؟ وحطيتي اكسسوارات شعر ؟ صبغتي شعرج ؟ وبجم تسريحتج ؟​

تسريحتي ناااااااعمة و تحسفت إني ما خليت فيها حركة شوي من جدام ، لأن كل التسريحة صارت ورى الطرحة .. سوتها لي زينب العرادي

س: من وين شريتي اكسسواراتج ؟ القلاده الساعه الخواتم ؟ وجم أسعارهم تقريبا ؟​

كنت لابسة شبكتي ، و خاتم هدية من ريلي

س:الجوتي عزكم الله . من وين خذيتيه ؟ وشلون المشيه فيه ريحتج ولا أذتج ؟ وجم تقريبا سعره ؟​

من زارا !!! طويل شوي و مريح وايد .. بـ 40 دينار

س: صورتي بالصالون ؟ منو مصورتج ؟ وجم صوره صورتي ؟​

لا ، يتني المصورة الفندق .. مصور معرفي اسمها شميم و صورت وايد ! ما عديت ..

س: رحتي من الصالون للصاله ولا البيت ؟ وشنو الأحسن برايج ؟ ​

للفندق دايركت أفضل و لبست هناك !

س: منو دفع تكاليف الألبوم ؟ إنتي ولا زوجج ؟​

أميمتي حبيبتي ما قصرت بكل شي

س: أجرتي سياره ؟ ولا بسيارتكم رحتي ولا شلون ؟​

بسيارتي .. مع اختي !!

س: شنو أغنية زفتج ؟ ومنو الدي جي إذا دي جي ؟ وجم كلفتج الأغنيه ؟ ​

هب السعد باسمي ، العسعوسي .. و عطاني ياها فري .. لأنها مو مسوية لي ..

س: سويتي حركات ولا دخله عاديه ؟ طفيتو الليتات وحطو عليج كشاف لوووول ؟ شرايكم بهالحركه ؟​

ما سكرت الليتات و تحسفت .. كان حووووووسة داخل فدخلت و الناس عفسة !

س: لما كنتي تمشين قعدتي تطالعين الجمهور لوول ؟ ولا تطالعين سيده ولا تطالعين السقف ولا شنو ؟​

ايه اكيد اطالع الناس و مستانسة فيهم ..

س: جم أغنيه حطيتي عقب أغنيتج ؟ حطيتي أغنيه لرفيجاتج ؟​

امممم نو كل شي طبيعي ..

س: جم رفيجه عزمتي من رفيجاتج ؟​

كلهم :/ !! و وايد ! و ما قصروا

س: شنو شعورج لما دخل المعرس ؟ شفتيه ولا لأ ؟ لفيتي عليه ابتسمتي له ؟ منيه مناك لووول ​

أنا طلعت و رجعت دخلت و استانست بالدخلة الثانية أكثر و كنت أطالعه و انا مبسوطة .. كنا مالجين

س: منو مسك ايدج حطها بايده ؟​

ههههههه عباله إنه عيب يمسك ايدي جدام الناس بالعرس لين قالت له وحدة

س: شنو أغنية طلعتكم ؟​

لا اله الا الله المعروفة

س: في أحد راح معاج الشقه يساعدج بالتبديل والتغسيل وجذي ؟؟ تأيدين أحد يروح ولا حيلهم بينهم ؟​

أمي صعدت لي الغرفة بالفندق و ساعدتني

س: في أحد صعد لكم علبونه يسلم أو يصور وياكم بالشقه بالليل ؟​

نوووووو !

س: بشنو مسحتي كريم جسمج ؟ وكنت حاطه على كل جسمج ولا نصه ولا شنو ؟​

سبحت و طاح بسرعة ، بس ما كنت حابة لون الكريم أساس الي حاطينه لي .. بس عادي -_-

س: لو تسبحتي قبل لا تلبسين قميص النوم ؟ جم خذا وقت على ماسويتي شعرج وتجهزتي ؟​

امممم حاولت اخلص بسرعة بس هم الوقت طويل عليه لأنه ناطر ..

س: الساعه جم نمتو تقريباً ؟ الساعه جم طلعتو من الصاله ؟ والساعه جم قمتو ثاني يوم لووول ؟​

امممم نمنا متأخر .. بس أنا قعدت الساعة 7 الصبح و قعدته 8 ، مليت بروحي

س: ثاني يوم كان في حفله ؟ أو سافرتو ؟ أو شنو كان وضعج ثاني يوم ؟ ​

لا عادي طلعنا و تغدينا و رجعنا الفندق ، و سفرتنا مأجلينها عشان دوامي و دوامه

س: من وين خذيتي بدلة ثاني يوم ؟ وجم تقريبا كلفتج ؟​

امممم ما اذكر شنو لبست ) !!! عادي لبسي الطبيعي بس إنه يديد ..

س: موقف ماتنسينه من ليلة عرسج ؟

اليوم كله ما ينّسي ..


​

يعطيج العافية : )

 

[بندريه]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

مشكووووووووووووووووره

 

[Om-Faty]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

من الآخر مو فاضيه لا تقرين الموضوع ترا طويل وكله أسئله وسوالف :d​

إذا فاضيه طقطقي فيه تونسي و ونسينا :weight_lift:​

الاسئله مكرره تقريبا بس كل سؤال حاطينه بروحه انا جمعتهم​

واللي بتسولف عن التفاصيل بدون الأسئله هم حياها الله​

الاسئله عن أول ليله :​

س: من وين خذيتي نفنوفج ؟ وشنو لونه ؟ وشلون استايله ؟ ومن متى وإنتي تدورين نفنوف العرس ؟​

قبل موعد العرس بشهر شهرين ثلاثه ؟؟​

خذيت الموديل من النت وفصلته وكان لونه اوف وايت وستايله ناااعم تقريبا جذي

وتقريبا صارلي شهرين ادور

س: أجار ولا شاريته ؟ بجم قيمته ؟ وشنو تأيدين العروس تأجر ولا تشتري ؟​

فصلته واجرته لبسه اولى من المشغل وكان ب400 وشي وما اايد العروس تشتري نفنوفها لان ماراح تستفيد منه بعدين وبيطيح بجبدها

س: لبسه أولى ولا لبسه ثانيه ؟؟ وشنو رايج بهالموضوع ؟؟​

لبسه اولى لاني ما احب البس نفنوف من بعد احد يعني خصوصا نفنوف عرسي

س: منو شاف نفنوفج من أهلج ؟ غير خواتج ؟ عماتج ؟ خالاتج ؟ ولا منو شافه ؟​

امي وخالاتي ال2 واختي وبس

س: حاطته بدارج ولا دار أمج ؟ وقبل العرس بجم يوم وهو عندج ؟​

حطيته بداري وقبل العرس بيومين او 3 استلمته

س: شلون صايره مسكتج ؟ طبيعي ولا صناعي ؟ شنو تأيدين ؟ ومن وين خذيتيها وبجم ؟​

كانت ناعمه وشوي تكون طايحه من عالجنب يعني اطول
وطبيعي واكثرها من وردة ليلي مادري هذا اسمها ولا لا
بس هذي اهيا ولونها وردي ببنفسجي فاتح

ومادري انا عندي الطبيعي احلى وكل وحده واللي تبيه
وخذيتها من محل كوش اللي اهو الاصايل ب55

س:شرايج باللي يمسكون مسكه حوض سمج ولا مهفه ولا قلب حب ولا هالسوالف يعني حركه ؟​

كللللللش ما يعجبني بس الناس اذواق

س: الساعه جم رحتي الصالون ؟ وأي صالون ؟ وجم عروس كانت وياج ؟ والساعه جم طلعتي ؟​

عالساعه 12 طلعت من البيت ورحت مس فرساي الشيراتون وماكانت في عروس معاي
وطلعت عال6وشي تقريبا لان امي واختي وخالاتي وبناتهم معاي يعني العايله الكريمه كلها لوووول

س: منو راح وياج الصالون ومنو راح صالة العرس من أهلد ؟​

امي واختي وخالاتي وبناتهم

س: أي لون مكياجج ؟ وأي لون حمرتج والشدو ؟ وشسم اللي حطت لج ؟ وجم حطيتي مكياج الليله ؟​

مكياجي كان بنفسجي فاااااتح والحمره كانت ورديه وما اذكر اسم اللي حطتلي بس لبنانيه نفسيه شوي بس شغلهاا توب بصراحه عجب الكل وليلحين اي عروس اذا بتروح تشوف صالونات حق مكياجها تسالني عن مكياجي
واعتقد ب250

س: عجبج مكياجج ولا لأ ؟ ولو ماعجبج وقلتي لها غيريه ؟ في تغيير سنع ولا خرابيط ؟​

امبله اكييييييد عجبني حده لان كل ما حطت شوي خالتي قاعده على راسها عشان ما تكثر الاسود ويطلع اوووفر لووووووول

س: سويتي قبلها بروفا ولا لأ حق المكياج ؟​

لا ما سويت وكنت خايفه من المكياج مع اني شايفه شغلهم بس حاشني توتر بهالليله لوووول

س: شلون كانت تسريحتج ؟ وحطيتي اكسسوارات شعر ؟ صبغتي شعرج ؟ وبجم تسريحتج ؟​

تسريحتي رومانيه دورت صور من النت ما حصلت مثلها جان حطيتها عشان تشوفونها :080402ask_prv:وما كان في شي معين ببالي وحطيت شعري تحت رحمة ايد الارمينيه وضبطتلياه وطلع اينن
وما حطيت اكسسوار كافي الطرحه حطتها بطريقه عجيييبه
وصبغت شعري لون عسلي
ومادري جم بالضبط لان مع المكياج ب250

س: من وين شريتي اكسسواراتج ؟ القلاده الساعه الخواتم ؟ وجم أسعارهم تقريبا ؟​

لبست شبكتي وكانت من لازوردي بس القلاده والخاتم والسوار والتراجي
وكانت ب2000 وشي

س:الجوتي عزكم الله . من وين خذيتيه ؟ وشلون المشيه فيه ريحتج ولا أذتج ؟ وجم تقريبا سعره ؟​

ما اذكر من وين خذيته وبجم من كثر ما فرفرت لووووول
وانا داشه الصاله كنت ارفس النفنوف من تحت لووووول لان الجيبون ياذي بس المشي عادي

س: صورتي بالصالون ؟ منو مصورتج ؟ وجم صوره صورتي ؟​

لا ما صورت بالصالون بس بالصاله والمصوره مادري شسمها بس اسم المصور سلفر بوكس اذا مو غلطانه وصورت فوق ال100 صوره

س: رحتي من الصالون للصاله ولا البيت ؟ وشنو الأحسن برايج ؟ ​

لا من الصالون لي الفندق وهذا احسن لاني لاحقه عالبيت لوووووول

س: منو دفع تكاليف الألبوم ؟ إنتي ولا زوجج ؟​

النص بالنص

س: أجرتي سياره ؟ ولا بسيارتكم رحتي ولا شلون ؟​

اي اجرنا مرسيدس

س: منو دخل معاج الصاله يوم دخلتي ؟​

قصدج وقت الزفه ؟؟ محد يمي انا قايلتلهم عشان ما ابجي ههههههههههههههههه

س: شنو أغنية زفتج ؟ ومنو الدي جي إذا دي جي ؟ وجم كلفتج الأغنيه ؟ ​

الجسمي مادري شسم الاغنيه بس يقول فيها شيخة الزينات واجمل من خلق رب الوجود
والدي جي هم من الاصايل والاغنيه ما اذكر جم كلفتني

س: سويتي حركات ولا دخله عاديه ؟ طفيتو الليتات وحطو عليج كشاف لوووول ؟ شرايكم بهالحركه ؟​

اي طفوا الليتات بس تحسين برعب اكثر هههههه لان العين عليج تكون ودخلتي عاديه

س: لما كنتي تمشين قعدتي تطالعين الجمهور لوول ؟ ولا تطالعين سيده ولا تطالعين السقف ولا شنو ؟​

لا عيوني عالمصوره لاني استحي هههههه

س: جم أغنيه حطيتي عقب أغنيتج ؟ حطيتي أغنيه لرفيجاتج ؟​

ما اذكر بس وايد وحطيت اغنيه حق رفيجاتي بعد عمري يستاهلون

س: جم رفيجه عزمتي من رفيجاتج ؟​

20

س: شنو شعورج لما دخل المعرس ؟ شفتيه ولا لأ ؟ لفيتي عليه ابتسمتي له ؟ منيه مناك لووول ​

امممم مادري شلون اوصفلج الشعور ههههه جنه اول مره اشوفه مع انه يصيرلي
اي شفته وطحناله قرقه هههههههه

س: منو مسك ايدج حطها بايده ؟​

اهو بروحه

س: شنو أغنية طلعتكم ؟​

اعتقد نوال

س: في أحد راح معاج الشقه يساعدج بالتبديل والتغسيل وجذي ؟؟ تأيدين أحد يروح ولا حيلهم بينهم ؟​

اهل امي كلهم ورانا بالفندق هههههه وانا ما اايد هالشي بصراحه
ومحد ساعدني بالتبديل غير ريلي

س: في أحد صعد لكم علبونه يسلم أو يصور وياكم بالشقه بالليل ؟​

اي العايله الكريمه بس ما صوروا لمن صعدنا

س: بشنو مسحتي كريم جسمج ؟ وكنت حاطه على كل جسمج ولا نصه ولا شنو ؟​

ماكو احسن من الشور لوووول
بس ما كان وايد لان انا بيضه <<تف تف ماشالله علي

س: لو تسبحتي قبل لا تلبسين قميص النوم ؟ جم خذا وقت على ماسويتي شعرج وتجهزتي ؟​

ساعه يمكن

س: الساعه جم نمتو تقريباً ؟ الساعه جم طلعتو من الصاله ؟ والساعه جم قمتو ثاني يوم لووول ؟​

ما اذكر متى نمنا من التعب بس ابي الفراش انام هههههه
طلعنا 1 يمكن
واليوم الثاني قمنا عال1 يمكن

س: ثاني يوم كان في حفله ؟ أو سافرتو ؟ أو شنو كان وضعج ثاني يوم ؟ ​

ماكان في حفله ولا سافرنا بس طلعنا

س: رحتي الصالون تمكيجتي ؟ من وداج ؟ أمج ولا زوجج ؟ ​

لا ما رحت لاني اعرف بالمكياج

س: من وين خذيتي بدلة ثاني يوم ؟ وجم تقريبا كلفتج ؟​

ما اذكر من وين وبجم

س: موقف ماتنسينه من ليلة عرسج ؟​

يوم دشوا عيال خوالي الفندق وانا توني داشه الاصنصير ولا كان في بريعصي واهما ركض وراه وبالنعل وانتوا بكرامه هههههههههه امبيه والله كان حده فشله والاوادم طالعين من غرفهم واكثرهم اجانب متنحين يقولون اشفيهم هذيل هههههههه

 

[Om-Faty]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

وييييييه مو طالعه الصور
تعبببببت وانا اكتب ههههه

 

[اسأل ضميركـ]

يمه راسي صدع من الاسئله وحلفت ما ارد على ولا سؤاااال لاني اصلاً ماقريتهم كلهم





عموماً يعطيج العافيه على الموووضوووع ..

 

[ديانا سبنسر]

موضوعج حلو بس طويل

 

[إستبرق]

لما اشبك من الابتوب ان شاء الله اجاوب 

 

[Om-Faty]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

انتي جذي شيشتيني هههههههه:lololoe:
بقوم اطالع البوم العرس :RoadRunner:
اخر مره شفته قبل سنه وشوي
وانا صارلي سنتين متزوجه
نسيت اقولج
ميييييييغسي الموضوع حدددده اينن
يسلمو فديتج:hjy5jewf:

 

[tmtmt]

وناسه حلو الموضوع
ولو انه طويل

بس شابكه من فوني
اذا شبكت من اللاب ان شاءالله اتذكر وارد

 

[زوجة عزيز]

انا راح اجاوبج بجملة وحدة عن كل هالاسئلة
"" ما سويت عرس "" لوووووووووووول
اب
اب

نفسها

 

[Miss McDonald]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )




up


عزوبيه :$ !

 

[حبيكو]

لايوقف



موضوعج وواااااااااااااااااااااااااايد حلو مشكورة

 

[مشمـشه]

من الآخر مو فاضيه لا تقرين الموضوع ترا طويل وكله أسئله وسوالف :d​

إذا فاضيه طقطقي فيه تونسي و ونسينا :weight_lift:​

الاسئله مكرره تقريبا بس كل سؤال حاطينه بروحه انا جمعتهم​

واللي بتسولف عن التفاصيل بدون الأسئله هم حياها الله​

الاسئله عن أول ليله :​

س: من وين خذيتي نفنوفج ؟ وشنو لونه ؟ وشلون استايله ؟ ومن متى وإنتي تدورين نفنوف العرس ؟​

خذيته من عواطف الحاي وانا قلتلها الفكره واهياا صممتلي على فكرتي وكان ضيج ولي فخوذي بعدين نافش والطرحه متلزقه صوووب اخر شي امممم مودري اشلويعني صايره جنهااا بووف ولووونه ابيض وعلى طووول رحت حق عواطف من غيرر لا الف وادور شهر 12 وعرسي شهر 4

قبل موعد العرس بشهر شهرين ثلاثه ؟؟​

اربع شهور

س: أجار ولا شاريته ؟ بجم قيمته ؟ وشنو تأيدين العروس تأجر ولا تشتري ؟​

آجار لبسه اولى اب 1500 كامل مع الاكسسوارت

س: لبسه أولى ولا لبسه ثانيه ؟؟ وشنو رايج بهالموضوع ؟؟​

لبسه اولى

اكيييييييييييييييييييييييييييييييييد لبسه اولى

س: منو شاف نفنوفج من أهلج ؟ غير خواتج ؟ عماتج ؟ خالاتج ؟ ولا منو شافه ؟​

امي وابوي

س: حاطته بدارج ولا دار أمج ؟ وقبل العرس بجم يوم وهو عندج ؟​

دار امي

س: شلون صايره مسكتج ؟ طبيعي ولا صناعي ؟ شنو تأيدين ؟ ومن وين خذيتيها وبجم ؟​

امممم وايد حلووه والله وكانت طبيعي ونظامها امريكي ودرجات البيبي بينك

س:شرايج باللي يمسكون مسكه حوض سمج ولا مهفه ولا قلب حب ولا هالسوالف يعني حركه ؟​

لا وع مايعجبني احلى شي الورد

س: الساعه جم رحتي الصالون ؟ وأي صالون ؟ وجم عروس كانت وياج ؟ والساعه جم طلعتي ؟​

الساعه 11 وكا بسبا اند هيلث وكان يديد انا اول عروس تسوي عندهم بس وحده تسوي مكياج و وحده تسوي شعر
وكان امي واختي وخالتي وبناتها 2 مكياج وشعر واليهال خواتي 2 وبنات خالتي 2 وبنات خالتي بعد 2 شعرهم مسوين ويفي

س: منو راح وياج الصالون ومنو راح صالة العرس من أهلد ؟​

امي وخواتي وخالتي وبناتها لووووووووووووووووووووووووووووووووووول

س: أي لون مكياجج ؟ وأي لون حمرتج والشدو ؟ وشسم اللي حطت لج ؟ وجم حطيتي مكياج الليله ؟​

مكياجي وردي اببنفسجي ولون حمرتي بيبي بينك بس حدااااااا مووووو صج

س: عجبج مكياجج ولا لأ ؟ ولو ماعجبج وقلتي لها غيريه ؟ في تغيير سنع ولا خرابيط ؟​

حدااااااااااااااااااا عجيب والله ماكو احد ماسئلني عنا حداااا ناعم و لا ماقلتلها اتغير ولا شي

س: سويتي قبلها بروفا ولا لأ حق المكياج ؟​

لا ماسويت بس سويت بروفا حق الشعر

س: شلون كانت تسريحتج ؟ وحطيتي اكسسوارات شعر ؟ صبغتي شعرج ؟ وبجم تسريحتج ؟​

مووودري بس حدها ناعمه ورافعه شعري ولابس تاج والطرحه مثبته وماحطيت كسسوارات يب يب كنت صابغه شعري بكويت كونتينتال عند مدام فيروز وصبغتي حييييييييييييييييييل حلوه

وتسريحتي ومكياجي معا جلست سبا وتنظيف بشره وحمام ملكي وبديكير ومناكير و مساج اب200 لاني اول عروووس وصاحبه الصالون نعرفها احنا

س: من وين شريتي اكسسواراتج ؟ القلاده الساعه الخواتم ؟ وجم أسعارهم تقريبا ؟​

الاكسسوارات من عواطف الحاي مع النفنوف الساعه من محل الماسه وكانت اب 480 دينار والدبله ذهب ابيض

س:الجوتي عزكم الله . من وين خذيتيه ؟ وشلون المشيه فيه ريحتج ولا أذتج ؟ وجم تقريبا سعره ؟​

بصراحه ماخذه مال بنت عمي مال عرسها لان وااااايد مرييييح

س: صورتي بالصالون ؟ منو مصورتج ؟ وجم صوره صورتي ؟​

يب يب اغلب الصور بالصالون لان طالبه ستيديو الهام معرفي واااااااااااااااااااااااايد صورت

س: رحتي من الصالون للصاله ولا البيت ؟ وشنو الأحسن برايج ؟ ​

رحت من الصالون لي الصاله
من الصالون لي الصاله لان بيصير لويه لو رحتي من مكان لي مكان

س: منو دفع تكاليف الألبوم ؟ إنتي ولا زوجج ؟​

امي

س: أجرتي سياره ؟ ولا بسيارتكم رحتي ولا شلون ؟​

لا بسيارة خالي

س: منو دخل معاج الصاله يوم دخلتي ؟​

خالي و اخوي عمره 14 سنه

س: شنو أغنية زفتج ؟ ومنو الدي جي إذا دي جي ؟ وجم كلفتج الأغنيه ؟ ​

هب السعد لا مو دي جي ماكلفتني شي

س: سويتي حركات ولا دخله عاديه ؟ طفيتو الليتات وحطو عليج كشاف لوووول ؟ شرايكم بهالحركه ؟​

دخله عاديه

س: لما كنتي تمشين قعدتي تطالعين الجمهور لوول ؟ ولا تطالعين سيده ولا تطالعين السقف ولا شنو ؟​

لا كنت اطالع توأم روحي بنت خالتي حبيبتي وكنت ببجي بس اهيا تسولف معاااااي

س: جم أغنيه حطيتي عقب أغنيتج ؟ حطيتي أغنيه لرفيجاتج ؟​

والله مووودري جم اغنيه وحطيت اغنيه حق رفيجاتي

س: جم رفيجه عزمتي من رفيجاتج ؟​

كلهم والله

س: شنو شعورج لما دخل المعرس ؟ شفتيه ولا لأ ؟ لفيتي عليه ابتسمتي له ؟ منيه مناك لووول ​

يمه كنت بمووووت لا ماشفته لان كنت لافه صوب بنت خالتي

س: منو مسك ايدج حطها بايده ؟​

بنت عمي :nocommint:

س: شنو أغنية طلعتكم ؟​

خذها امااااااااااااااانه >>>>>>>>>>> واعييييييييييييييييييييييييييييييط

س: في أحد راح معاج الشقه يساعدج بالتبديل والتغسيل وجذي ؟؟ تأيدين أحد يروح ولا حيلهم بينهم ؟​

يب يب خالتي الله يعطيها العافيه

اكيييييد لازم مع العروسه احد

س: في أحد صعد لكم علبونه يسلم أو يصور وياكم بالشقه بالليل ؟​

لا كلش كلش

س: بشنو مسحتي كريم جسمج ؟ وكنت حاطه على كل جسمج ولا نصه ولا شنو ؟​

تسبحت وراح بسررررررررررررررعه اكيد نص الجسم اشدعوه كله

س: لو تسبحتي قبل لا تلبسين قميص النوم ؟ جم خذا وقت على ماسويتي شعرج وتجهزتي ؟​

لا ماتسبحت :23_asmilies-com: اتسبحت عقب الهذا هذا

س: الساعه جم نمتو تقريباً ؟ الساعه جم طلعتو من الصاله ؟ والساعه جم قمتو ثاني يوم لووول ؟​

انا مانمت كلش بس اهوا نااااااااااااااااااام لي الساعه 2ونص الظهر

س: ثاني يوم كان في حفله ؟ أو سافرتو ؟ أو شنو كان وضعج ثاني يوم ؟ ​

يب كان في استقبال

س: رحتي الصالون تمكيجتي ؟ من وداج ؟ أمج ولا زوجج ؟ ​

ورحت نفس الصالون يوم عرسي
للاسف اهوا ودانيكنت حدي خايفه يامامي

س: من وين خذيتي بدلة ثاني يوم ؟ وجم تقريبا كلفتج ؟​

من وحده اسمها ام سيف اب200 دينار

س: موقف ماتنسينه من ليلة عرسج ؟​

ماكو شي





ومشكوره حبيبتي عالموضوع الحلو

 

[مطيريه ماركه]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )


آمبيه آلموضوع طويل

بس حلوووووو

آن شآء آلله بس آصحصح آدش آجآوب

 

[sweet december]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

عشان ارد يبيلي اشرب الموكا مالتي ويا ككاوي لووووووول

خل اتريق ولي باك يعطيج العافيه

 

[ماركة انثى]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

لي رجعة

 

[sweet december]

رد : فاضيه ؟ تعالي سولفي لنا عن تفاصيل ليلة عرسج ( أكثر من خمسين سؤال )

عشان ارد يبيلي اشرب الموكا مالتي ويا ككاوي لووووووول

خل اتريق ولي باك يعطيج العافيه