فائدة الحسسسووووو

[عسل النحل]

سمعت وايد عن فائدة الحسو للنفاس بس للأسف ماعرف شنو يتكون منه انا ماأحب الجاهز من الحواي او الحريم ياليت الي أتعرف بهارات الحسو تفيدني بس الطريقه سهله اعرف اسويهااا يليت تسألون امهاتكم او يداتكم

 

[عسل النحل]

اب اب

 

[ملوكـه]

انا شريت من الحواااج
بودره صفرااااا

ومااعرف طريقته ..

 

[c a t w o m a n]

للاسف ما أعرف شنو مكوناته عدا الرشاد
بس ينظف الرحم بشكل كبير لما كنت آكل حسو بنفاسي تكرمين قطع لحم ودم عزج الله تنزل على طول

 

[أمل المنصوري]

الله يهون عليج

شوفي هالرابط هني بالمنتدى
وان شاء الله يفيدج

http://www.q8yat.com/t774970.html

 

[om MaRyooM]

اي والله يليت البنات يفيدونا

وهل ينفع للقيصرية ولا خطر عالجرح

 

[dlll3]

احم بسألأ ومستحيه :$
الحسوو هو العصيده والا هذا غير وهذا غير

 

[دلولة الحلوة]

ياريت اللى يعرف يفيدنا

 

[& ام خالد &]

@ الحسو غير والعصيده غير ... بس ما اعرف شنو مكونات الحسو غير الرشاد !!! @​

 

[& ام خالد &]

ياريت الي تعرف تفيدنا ...وتسأل مره كبيره ....​

 

[زينانه]

اللي اعرفه
ان الحسو عبارة عن ادوية تحطينها بكوب حليب وتشربينها الصبح وبالليل تنظف الارحام والبطن من كل شي وتردين بنت بنوت باذن ربي

اظنه يشابه المغات المصري لانه نفس الشي اعشاب مع الحليب
*

 

[أمل المنصوري]

هاااااي الحسو والعصيدة وطريقتهم

.

المقادير:
قفشه كبيرة متروسه كل من (كمون مطحون-زنجبيل مطحون-حبه البركه مطحونه-بهارات الحسو وهذي تنباع جاهزه)
ربع قفشه كركم وشويه فلفل اسود
كوب من الرشاد تنقعينها بكوب او اكثر ماي حار
نص اصبع زبدة والبعض يحط دهن عداني(كيفج)
كوب شكر او زيدي حسب الرغبه
ملعقه طحين اسمر(اختياري)انا ماحبها وايد ثقيله عشان جذي ماحط طحين
ماي

الطرييييييييييقه:

نحط البهارات كلها ماعدا حبه الرشاد.ونحمسها بجدر لما تطلع ريحت البهارات بس موتحرقينهم ديري بالج لازم تكون النار هاديه مجرد دقايق
الحين نحط الزبدة ونقلب لما تذوب الزبده واذا حسيتي ان البهارات بدت تلصق معاج بلجدر حطي شويه ماي .وتالي حطي الشكر وحوسي لما تذوب الزبده مع الشكر ويبلش يطبخ زيدي الماي بعد شويه يعني كوب او اقل .سكري الجدر وخليه اشويه يطبخ بس هااا؟ على نار هاديه وعلى الراحة الحين انحط حبه الرشاد كلها اهي ومايها راح اتشوفين طبعا ان الحبوب اشربت الماي كله وصارت مثل الجلي ؛عادي لاتحاتين .الحين راح اتزيدين الماي .وتحوسينها عدل لما تختلط حبه الرشاد.وبس تخلينها تتطبخ على الراحه لمده نص ساعه وكل شوي تحوسينها عشان ماتلصق بالقاع.(وطبعا بالنسه للطحين اتحطين قفشه اول شي مع البهارات)وسلامتج

العصيده

المقــــــادير



-2كوب طحين لجميع الاستعمالات


- 2 كوب سكر


- نص كوب دهن سمن سائح


- 3/4ملعقة صغيرة هيل حسب الرغبة


- 5 : 6 أكواب ماء


- 2ملعقة اكل مسحوق زنجبيل


- 1ملعقة صغيرة فلفل أسود


- مسحوق دارسين وهيل


الطـــــريقــه
1- يحمر السكر الى ان يصبح ذهبي غامق ثم يصب عليه الماء


الى ان يصبح مثل الكراميل الخفيف ويشقر لونة حتى يميل إلي البني .


ثــم يضاف الماء ويذوب السكر جيدا ويترك علي نار متوسط يغلي


2- توضع البهارات المكونه من الدارسين المطحون والزنجبيل والهيل


والفلفل الاسودإلى الماءالمغلي .


3 - يوضع الطحين المنخول في تدريجيا مع التحريك المستمر حتي يتجانس


الخليط تماما .


4- ثم يصب عليه ربع مقدار السمن ويستمر بالتحريك حتى نتأكد من عدم


تكتل الخليط ثم يوضع الغطاء على القــدر .


مع ملاحظة أن تكون النار خفيفه جدا وتترك شوي ثم تحرك العصيده بالقدر


حتى يمتزج الخليط .
5- ثم توضع في طبق التقديم ويمسح عليها السمن



6- يزين سطحها باللي تبينه بالفلفل الاسود او المكسرات


ملاحظه ممكن تزيد كميه الماء لو احتاج الامر للعصيده

 

[عسل النحل]

والله ماقصرتوا يابنات مشكووورين بس انا ابي مكونات الحسو وبهاراته مو طريقته لانها سهله لان حلات الوحده اتسوي شغلها بنفسها انظف والي اتعرف حواي نظيف وثقه ياليت ادليني عليه

 

[@ام يوسف@]

ااب

 

[كتالونيه]

بصرااااااااااااحه
فصلت عالعصيده

 

[عسل النحل]

اب اب اب اب