غًّــُِـَِّـًُرًَِّآإُم أٌمَِـَِـِّوًؤُآَإِت ~ بقِلمــــ:MaHa Almulla ـــــــــــ ‏

[miss 3yara]

ماكان يبعدها خطوتين...

بخياله...

لكنه بالوااقع..

كان مطار دبي..

ماجد رفيجه الأماراتي..بعمامة وبالزي الشعبي الرزه قاعد يمه قطع موجة تفكيره..: ليش ماتاخذلك شقه في برج دبي ..ماعيبتك ( ماعجبتك؟)..الشقق ...( وظهرت ابتسامه على محياه)..

مشاري( ابتسم)

ماجد: انا راح اراسلك اول بأول ع الايميل بخصوص العقارات

مشاري: يعطيك ألف عافيه..وعسآك ع القوه..( قام ..وتقدم بخطواته

ماجد: شرفتنا بزيارتك وانشالله الزياره اليايه تكون اطول..وناخذك الضغايه..والبراحه وبو هيل..وام هرير والمناره..وام الشيف..والراشديه والمزهر ...( ضحك..).اكمل؟

مشاري: ههههههههههههه ادل دبي شبر شبر ..واذا تبيني انا اللي اكمل لك راح اكمل.(وبعد لحظة صمت ابتسم وقال)..اهل كرم وجود...

ماجد: ماعليكم زود ياعيال الكويت..

================================================== ======

نرجـــع للــديره..

الخالديه سيتي..

رن تليفوونــه..

وحس بشي تحت صدره ..تحرك

خوف ؟
ام حب وشوق...

ترف ..


ترف...

ترف يا جراح...

تتصل بـــكَ..

=================================================

التكلمه باجر جااااااو اشوفكم باجر

 

[روح اهـلـها]

ياااااااااااااااااااي عاد انا اكثر 2 شاغلين بالي ترف وجراح

ودي تكملين بس ماابي اضغط عليج وعلى راحتج

وناااااااطرينج على احر من الجمر

 

[dr.tooota]

لايوقف لايوقف لايوقف لايوقف
يالله بسرعه نبي بارت يالللللللللللللللللله والله حدي اندمجت خلصت القصة بيوم واحد ناطرة البارت الياي على احر من اليمر يالله

 

[miss 3yara]

نورتو حبايب قلبي انتو
وسامحوني الحين بروح الصالون ولما ارجع بكملها اووووووكي
احــــــــــبــــــــكــــــم

 

[dr.tooota]

يالله اصاااااايل بلييييييييييييز ناطرينج

 

[روح اهـلـها]

بلييييييييييز كملييييييي

 

[روح اهـلـها]

اوك نااااااطريييييييينج

واحناا نحبج فدييييييتج

 

[miss 3yara]

فديتج روح أهلها والحينن بكمل

 

[miss 3yara]

دوآئر متداخله...

دائره عملاقه...بداخلها دوائر اصغر بالحجم..

اصغر فأصغررر..فأصغر

شعور بالغيثآن..

وبالتعرق..

تارةً يشعر بألم بالمعده..

وتآرةً يشعر به في رأسـه..

حين يصل الأنسان إلى مرحله

لا يتقبل بها الوآقع

يتذمر..

يتمرد..

يسخط..

يلعن..

يسب..

يصررررررررررررررررررررخ....

يصررررررررررررررررررررررررررررررخ..

يبكي..

يسقط..

يتلعثم..

يشعر بتوعك..

عدم التوازن النفسي..

عدم القدره على ادارك ذاته

امور تفرض عليه

امور تسيرّه كيفما هي تريد

ظروف تقيده..

واقع غير مرضي..

لم يكن هذا طريقي..

لم تكن هذه غايتي..

يصررررررررررررررررررررخ

يصررررررررررررررررررررررررررررررررررررررخ

يسقط

يركع

يخضع

يضعف..

يرضخ
يصمت..

يستسلم..

يبتسم ..

يضحك..

يتلاعب بالألفاظ..

فيحّول الكلمه الغير مرغوبه الى كلمات مرغوبه

يتلاعب بالألفاااظ..

يصنع من التعاسه سعااده


ويتكيف ..


لأن لا مفر له من الواقع

يتكيف..

لأنه ادرك انه الواقع...واااقع..

يتكيف..

يتكيف..من اجل البقاء..

يكذب على ذاته بمفاهيم لا تمت لواقعه بصله..

من اجل ان يبقىىى

من اجله هوو..



دز بيده الباب الحديدي القديم اللي يذكرنا بأبواب بيوت الحكومه اللي الله خير..( برميل النفط ينزل ويصعد..واحنا ننزل مانصعد..)..

واهو يسمع صوت ضعيف خارج من الداخل...: تفضل ..تفضل..

شعاع من مخلفات الشمس يرتمي على احضااان زوايا الغرفـــه..هنا وهناااك اشعه تداعب الجدرآن..المتمزقـه....بسبب وحدة التكيف التي تصدر صوووت مزعج...وتتوسط هذه الغرفه....

قال بصوت منخفض وضعيف: حياك الله ..هههه ماجنك جيت امبجر..

جراح( بصوت محرووق..لا اعلم كيف يكون لكنه محروق): ياشيخ انا زين منهم عطوني ساعه استأذان..بعد العصر ما اقدر اييك..

الشيخ بلحيه طويله تسند على الفرش الشعبي القديم :: حياك الله بأي وقت..( وخز المسباح اللي بيد جراح)..ماتدري ان السبحه بدعه..وماتجوز

جراح: اي بس ياشيخ احنا يالكويتييين عادة من عاادااتنا مانسبح فيها ..بس نتسلىى فيها

ابتسم الشيخ وقال بلغه بيضاء و بوجه منور كله ايمااان وتقوى: عسى ماشر يا جراح..كلمني مطلق عنك
بس انا سكتته وقلت لزوم اسمع منك...

جرآح: والله ياشيخ...

آنا..


==============================================

 

[miss 3yara]

وسط حلبة الصرآع..

بين اطفال...لم يدركوا من معاني الحياة الكثير..

جري..مبعثر..

واصوات تمزق طبلة الأذن..

صراخ ليس له داعي ..!

رفع حمني تيشيرته..واهو يحسه عائق بينه وبين التسديد..ولو ان تي شيرته ماله شغل..

لكن التوتر جعله يقف فتره متأملا" البآســـكت..

مسآعد سقط بقوه...على ركبتيه..وركضت ناحيته ابله وحش..


ابله وحش: شفيييييييك شصار

مساعد: رجلي ابله...

ابله وحش: قوم قوم...

مساعد ( واهو يتأمل اركبه النحيله...الجلحه..والدوائر التي بدأ يتسرب منها الدم...): لا خليني..

تقدم ناحية السله وصوب تسديده..وسجلت نقطـــه..



5 دقايق من زمن هذا اللقاء..لول..ومازالوا السنافر متطشرين هني وهناك يا عل وعسى يحظون بفرصه ذهبيه للتسديد( اصلح اعلق ع المباراه)..

بدأ الزمن يسلب دقائق من عمره هذه المباراااة...فا اشتحط حمني قائلا: ياحماااااااااااار ياااا كلب..وخرررر...( بأعين حمرآآء..)..

بدأت الألفاظ اللي مالها داعي تصدر من هذا الفريق..الذي سئم الجري في منطقه ضيقه لا يستطيعون تخطيها..

عبدالله تدخل...وبقفزه كبيره سدد للمره الثانيه..

وصاحوا الشباب الصغاار: عددددددددددل عبيد ...يابهااا..

وكأن هناك عائق زجاجي امامهم يحومون من وراءه...

الفريق المنافس يسدد بكل مهاره..وكأن باسكت فريق الكابتن عبدالله اصبحت فجأه سلة مهملااات..
يلقي بها الفريق المنافس تسديداته متى شاء..

بتي شيرتاتهم البنفسجيه...بدأوا يتضحكون بصوت ينرفزز..

وفجأه مسااعد مد ايده..

مساعد: يا كلب لما اقولك ابعد تبعد يالكمخه

تدخلت ابله وحش اللي وقف شعر راسها من كثر مافررركته...وسحبت مسآآعد..

عبدالله بدأ يتنرفز من الوضع السيء..

انهال فريق عبدالله على الفريق المنافس بالتسديدات..3 مرات متتاليه..

صفررررررررررررررررررررر الحكــــم..

فاز الفريق المنافس على فريق عبدالله..ب 17 نقطــه..
==================================================

 

[miss 3yara]

سوري كررت البارتات سامحوني الحين انزل البارتات اليدد

 

[miss 3yara]

وكأنه نسىىى كل ماقد قيل لـــه..

من حقآئق اللي من المفروض انها تحّول ترف في نظره إلى عاهره زانيه..ساقطه رخيصه.. مو اكثر من ذلـــك..

وكأن ماكان لم يحصل..نسىىى جراح كل شي

**\\ وعلىى وجههآ سمـــة الأبريآآآآء\\**..

إلتقط تليفونه بهدوء..ورد عليها بصوووت هادئ: ألو..

ترف: مسآ الخير حبيبي

جراح: مساء النور

ترف: بالبيت؟

جراح: بالطريج..راد البيت..وانتي وينج

ترف: راده البيت..بس زحمممممه حدها فروسي..شغله في اكو حادث قوي جدامي


جراح ( حس انه تنح ..صوتها نسآآآه وايد اشياء...اللي يحب..مايقدر يشوف صورة حبيبه الا بصوره خاليه من كل الشوائب): وينج..بالضبط..

ترف: صوب كيفان..

جراح: ترف اناا فكرت باللي قلتيه

ترف: فكرت بشنو

جراح: ترف..انا خلال شهر...



راح اتقدملج...

==================================================

 

[dr.tooota]

ياللللللللللللللللله
ناطرينج كمليها بلييييييييييييييز

 

[miss 3yara]

نزل على ارض الكويـــت..

وكل تفكيره بأخت طليقته..

التي كانت بالصف المتوسط \ الثنوي..

حين كان هو..زوج اختها..!

كيف يسمح لنفسه ان يفكر بها..او ان يكن لها شعور..كهذا

ماسك بإيدة جنطه للعمل..وساحب خلفه جنطة ..

بين كتل بشريه من الاجناس المختلفه والجنسيات المتنوعـه..

خرج من البوآبـه الرئيسيه...،‘..متوجها" إلى ..امبرطوريته..المستقله..

================================================== ======

حسون حبيبي..انت مو زعلان مني


صح؟


حسين: انا..مس مستحيل ازعل عليج..انتي ما ماازع مازعلتيني

شمس: حبيبي ..فكرت بالموضوع..

حسين: اي موضوع؟

شمس( عفست ملامحها): موضوع عرض الاذااااعه..شفيييك نسيت

حسين:خلاص نر نروح انا انا وانتي نشوف المكان

شمس: شنو اهي شقه سكنيه نروح نشووفها؟؟ لا حبيبي خلني اروح بروحي ..ماله داعي تيي معاي

حسين: لا شمس..لازم اروح معااج..

شمس: استغفر اااالله..يا ريال قلتلك خلني اروح برووحي

حسين: شمس...انا با ..با

با

بروح ..

معاج،


قلبت إلى الجانب الآخر من السرير..واهي تسب وتلعن بصوت سايلنت..وتعابير ويهها كلها تترجم مدى غضبهااا منه..

==================================================

 

[miss 3yara]

وقف ربع ساعه عند باب الشقه،‘..

شفيهم الربع...وين راحوا..الظاهر مافي سهره اليوم..

رفع تليفووونه ،‘ واتصل على سآلــم..
خطه مقطوووع

عيسى ..مايــــــــرد ..!!

شفيهم الشبآب..

ركب الاسنسير( الاصنصير)..ونزل..

وسأل حارس العماره: شقه رقم 15..صاحبها سالم متى آخر مره شفته

الحارس: واللهي يابيه البيك سالم ماجاش الشأه(الشقه)..اسبوعيين

ضاري( بقلق): وعيسى

الحارس: وبرضوو عيسىى

ضاري بدا القلق يلعب فيه...: مشكوور..

تقدم بخطواته بقميصه البيج...اللي امبطل وباين صدره..

وبشعره اللي راد لي ورا..

ركب سيارته..

ماكو الا اروح لسالم البيت

اكيد صاير شي..

==================================================

 

[فديتني وبس]

واااااااااااو مو صج

اتوقع فراس يقوم وينصدم لما يشوف اللي قام يصير وترف ماراح تخلي جراح مادري مادري

 

[miss 3yara]

يبه .!

مشآري: هلا يبه..تعال بوسني (والصدى يرد وراا صوته )..

بدر ( قام بخطوات سريعه وحاره )..وقبل خد ابووه..

مشاري استغرب من ولده العاده يستقبله بكل برود..

بدر: يباا لعبنا اليوم ..

مشاري: اي صحيح..اليوم كانت مباراتكم..منو غلب؟ اكيييد ولدي السبع

بدر(قاطعه بكل فكاهه واهو يضحك ورافع ايده ينفي الفوز): لا يبه ماغلبنااا خسرنااا

مشاري: لاااااااه..يالله هارد لك( وحط كفه على كف ولده الصغيررر)

بدر: يباااه رحنا كلنا مع ابله وحش ماك البحر..وقعدنا نسوولف ونضحك

مشاري: ابله وحش؟!

بدر: اييييييي ابله وحش يباااه سألتنا شنو بتصيرون لما تكبرون

مشاري( بإبتسامه فيها حنيه ): وانت شقلت

بدر: ماااااايبيله ..بصير مثل ابووي


مشاري: عددددددددددددل ياولد ابوك تعال تعال( وشاله فوق)

بدر: يبااا صرت ريال ليلحين تشيلني

مشاري: باجر تصير ريال وانا اصير شايب وانت تشيلني

بدر: زين يبه تكفه يبه

مشاري: هلا يبه

بدر: خلنا نروح الشاليه

مشاري: الشاليه الشااااليه...

بدر: فووووقه...

مشاري: فووقه

===============================================

عيسى: ليش يعني محد قالك

ضاري: ياعيسى والله محد قالي..تحجى..شصاير بسالم

عيسى: اي مو لأنك ماتمرنا ولا تسأل

ضاري: لا تلعب بأعصابي...شفيييييه سالم

عيسى: سالم يقول انه تاب..قطع كل خطوطه ومايبي يكلمنا ولا يشوفنا..

ضاري: تاب؟؟؟ شنو يعني

عيسى: يعني صار يماشي شباب المسيد ..وإلتحى وترك عنه كل الخرابيط

ضاري: هذا من صجه

عيسى: يبه الله يهدي الجميع

ضاري( سرح): سالـــم !..يتوب!!!..

عيسى: ماعليك ..اكيد بيصير من هذيل اللي يتوبون شهرين وبعدين يردون حق سوالفهم..لاااااااه وألعن من قبل

ضاري( عطااه ظهره واهو ساهي..) : الله ياكبرهااا...! سالم ..يتوووب !..( قال وبصوت حاد): ماتدري وين ألقاااه

عيسى: وقت الصلاة..



في المسيد( المسجد)..

==================================================

 

[miss 3yara]

~وعلىىآ وجههآ سمة الأبريــــــآء..

وعلىىآ خدهآآ حمرةُ اسيــــــــــره..~

تقدمت بتنوره ..

صيفيه..

تخفي فعلتها !

وتستر ما ارتكبته من اثم لا يغفر !

على محياها ابتسامه ..تفوض برآءه

هل سبق وان كانت الزآنيه ..بهذه الصوره..!


ابعدت خصلات شعرها المتطايره عن اعينها واهي متخصره جدامه: وبعدين يعني..فرووس

فجأه اصبح يتمنى جراح...ان يكون هذا اسمه !

فرآس..

كم يتعطش لسماع اسمه ...بصوتها..!

جراح ( بإبتسامه هادئه فوق مرتفع بقرب البحر...يسمع اصوات جنون الامواج ..وتدافعها..بالقرب من المرينا مول...في المسافه الشاسعه التي تتطشر بها النوافير هني وهناااك...): اذا يانا ولد...نسميه جراح ( حس بدمعه ستنزلق من اعينه..لأنه يعلم في قرارة نفسه انه ينطق بهذه التفاهات فقط حتى تتفوه هي بإسمه ..وتروي عطش فضووله ..وجنونه)..

ترف: جرآآآآآح

جراح( اغمض اعينه بقوه...وكأن سهمٌ اصاب قلبه..بكل وقاحه...

تساقطت بعض الدمعات ...بل انهارت بقوه على خديه...)


ترف ( واهي امركزه على البحر..دون ماتشعر بدموعه): ولا يهمك...نسميــه جراااح..وتناديني ام جرااح..وانا اناديك بو جراح ( ضحكت بقهقات متبعثره ولفت ويهها..)

ترف: فرآس..!..

جراح( بأعين حمراء): نعم

ترف: شفيك حبيبي؟؟

جراح: مافيني شي حبي...

( اي نعم حبي...

اي نعم حبي..

لماذا تتضحكون..!

حبي..

لماذا تندهشوون ..

حبي..)

جراح: فرآسج ..تذكر انسان عزيز عليه

اي نعم فرااسج

اي نعم انا فرااس

انا

فرآآآآآآآس

==================================================

 

[miss 3yara]

قلتلك انا خلاااص

بتزوج

انساني ياخيي انساااااااااني

سكرت الخط وبطرف عينها دمعه..

روآن..
ندمانه
لأنها غمرت نفسها بالوحل..دون ان تعي ذلك

ندمانه
لأن ماضيها مخزي..وجنونها مبكي..

مجروحـه..
لأن هناك شخص ما ..يشكل كل اهتمامها

وهو..لا يأبه..( لايهتم)..!

ندمانه

انها غمرت نفسها بالوحل...دون ان تعي ذلك..
================================================

الله اكبر...الله اكبر..
لا إله إلا الله..
الله واكبر الله واكبر..
لا إله الا الله..
حي على الصلاة

حي على الفلااح..

لبس الدشداشه..

من زماااااااان ما لبس دشدآشـــه..

خرج من الغرفه...

واستوقفته افكاره..شلون ادخل المسيد وانا نجس !

لازم ارجع واتوضى..

دخل وتوضى..

بس تدرون..حس برآآآآآآآآآحـه كبيره ..
لدرجة انه لم يجفف وجهه ..ورأسه..

شعور مختلف!..

خرج بخطوااااته ..إلى المسجد القريب من المنزل..

دخل..

واستوقفته افكاره للمره الثانيه..

شلون ادخل المسيد ..وما اصلي..

اصلي مع العموم جماعه..لين ألقى سالم..

رفع ايده..

الله واكبـــــــــــر..

وضع يمينه على شماله..واهو ينطق بكلمات الله العطره..

الله واكبـــــــــــر..

سقط مرتميا"..بأحضان الأرض..

سجد لله

لا يذكر متى آخر مره

سجد فيها للـه..

وهو يسمع التكبير بصوت واااحد..شعر بأن الأرض تحته اصبحت حاااااره..

وبأن انفاسه بدت تضيق...

نعم..غير راضي عن نفسه..

اطلق شهقه


شهقه ضمــــــــــــــير..

وابكى الأرض تحته


السلام عليكم ورحمة الله وبركااته..

واهو يسلم..طاحت عينه بعيييين سالم..إلى كاان يسلم...وسقطت عينه بعييين ضآري..

شاف وجهه اصبح مضاءا"..وكانه قد تبدل..

وبعيونه دموع جامده..

راحه كبيره ظهرت على وجنتيه..

اللحى وكاأنه بدأت تمزق وجهه بلطافه لتظهر..

سالم: ضاري....؟...

================================================== ====

اهي نفسها هدى اللي انت شفتها عند باب المدرسه

فهد( اخذ نفس طويل): هدى

وحش: اي هدى..ماكو احسن منها ..وانسب منها

فهد: زين توكلي على الله

وحش: نتوكل على الله قبل ونلقالك وظيفـــــــه

فهد( ماكان قادر يحط عينه بعين وحش

وحش لم تفهم تعابير ملامحه

لكنها ايقنت ان هناك صراع ..وهوشه..بداخله..

بين الإقدام على هذه الخطوه

او الانسحاب..

==================================================

 

[miss 3yara]

بين الكتب..



والدفاتر..


بدأت تتحدى..تلك المواد الدراسيه...ماده ..ماااده


15 مااده..


النظام الموحّد مايرحم..


ويبيله قلب...


لازم تييب نسبه عاليـــــــه


وتتانسى جنونها...فترة..من الزمـــــــن..


==================================================


انت إلتزمت؟؟


ضاري ( بنظرات حايره..ماقدر يحط عينه بعين سالم ..ولا قدر يجاوب على سؤاله قال بتلعثم): انت شصار فيك


سالم( بلع ريجه..مثل ماتوقعت..ضاري..صعب عليه يتوب..بعد فترة صمت قال..): انا تبت توبة نصوحه لوجه الكريم..وعسى الله يساامح ويغفرلي( حس انه محتاج يبجي..)


ضاري: في شي صااارلـك


سالم: لا ياضاري..انا اهتديت لله قبل لا يصيبني مكروه...و صحيت قبل لا اطيح ببلوه اكبر..انا صحيت يا ضاري صحيييت


ضاري: بس مايصير ياخوي تترك ربعك..الدين ماقالك جذي


سالم: الدين قال صاحبك اهو اللي يتمنالك الخير..صاحبك لازم يكون على تقوى وخلق كريم


ضاري: واحنا شفينا


سالم( بلهجه حاده): انتووا شفيييكم ! انت مينون تسألني هالسؤال..انت اخبص بنفسك وبرفيجك


ضاري: انت كنت واحد منا وفينا ومثلنا..


سالم: وانا الحين بري منكم كلكم..الا اذا تبتوا..وإلتزمتوا..ان الله غفور ..رحيــم..اصحى ياخوي قبل لا يفوت الفوق...ولي فات الفووت..ماينفع الصــــــوت..


ضاري: يعني خلاص ماتبينا


سالم: انا كلامي واضح ..لا تعيد وتزيد بكلام ماله معنى


ضاري: افا يا سالم الحين انا ..كلامي..صار ماله معنىىى..


سالم : اي نعم ..ماله معنىى..اي نعم


ضاري: الله يسامحك


سالم: الله يسامحك انت..ويهديييك


ضاري: ليش شايفني مينون


سالم: لا منت مينون..المينون ربك عاذره ولا يحاسبه على تصرفاته..بس انت عاقل..وعقلك براسك..وبالآخره ربي بيحاسبك..


ضاري( حس بخنقه...ضمير مرهق


ضمير مرهق..


): كيفك..ماتشوف شررر


سالم: هذا بدال ماتقول الله يثبتك


ضاري: سالم خلني اقوم واروح


سالم: ليش تقوم..الحين بييون شباب المسيد..وبيلقون ندوه ...كل يوم لنا موضوع..خلك اقعد..يمكن الله يهدييك


ضاري: اقول انت لا يكون صرت من هذيل المجاهدين


سالم: لا ..مو مثل ماتتصور..انا بس إلتزمت وعرفت الصح من الخطأ...اما اللي يدعون انهم على حق وهم على باطل..هذيل الله يهديهم


ضاري: انا بقوم..بخلص مشاغل البيت


سالم: الله معاك


ضاري خرج ومازال اآثار الصفعات( الصدمات)..على وجهه..


سالم .!


هذا اللي توني كنت معاه


سالم .....!


==================================================