غًّــُِـَِّـًُرًَِّآإُم أٌمَِـَِـِّوًؤُآَإِت ~ بقِلمــــ:MaHa Almulla ـــــــــــ ‏

[miss 3yara]

نورتو حبايب قلبي
والحين بكمل

 

[miss 3yara]

رذاذ مآء على جامـة السيآره ،

منهكـه من التعب..يوم جدا" حآفل..

ضمير يعتصر بحرقـــه..

ليش ماتبينت قبل لا احرق قلب فـهـد..

المفروض اني اتأكد انها هند ..قبل لا اقوله

بس الفرحه عمت عيني..

وخليته يشرق بهالفرحـه..

مسكين كااان بحاله زينه...وبتصرفي هيجت الشوق اللي فيـه...

اكيد كان يرسم في خيالاته اللقاء..

واللي صآر..حرق قلبـــه..

نزلت دمعــــه على خد ابله وحش...واهي واقفه على التقاطــع..واهي تتذكر شكل فهد واهووووو قاعد على عتبة الباب رافض انه يقوم يدخل البيت.....بعد ماصارت السالفه....حس بأن اطرافه ثقيله..وانه محتاج يقعد بهالمكان..خصوصا" هالمكان يعني له الكثير..

وهالعتبه شهدت مراحل نمو جرحه..

من راحت هند واهووو هذا مكانه..

يقعد يتأمل بصمت..

اعتقد لو بنسأل العتبه ...عن فهد..

راح تختنق بجواب واحد..

[ مازال ينتظر هـنـد...]

=============================================

اعتقد ان الأضواء بدت تتسلط علي..

وان الكره دخلت ملعبي..

جراح وصل..لي..


كااااان شهاب داخل في دائرة تفكير مغلقه....


يرسم منحنى مغلق على الورقه اللي على مكتبـــه...

وضعه اصبح خطيـر...

هل اتفوه بحقائق تؤدي إلى اندلاع الحروب..

ام اصمت حتى تكشف عن نفسها بنفسهآ......

==============================================

دخلت البيت وعلى ملامحها الكئيبه ...عبوس....

شافت البيت صـخـه.. كما اعتادته ان يكون..


لكنها انصدمت بأمها مشآعل...بإبتساامتها الكبيره طالعه من المطبخ بيدها الملاس....: يمه يييتي؟

وحش: اي ...توني داخله

مشاعل: عيل سمعي هالخبر

وحش: خبر؟؟؟؟ شصاير

مشاعل: فهيد طلب مني اخطبله

وحش: نعـــــــــــــــم؟

مشاعل: اوش قصري حسج لا يهّون الريال

وحش( بنظرات متشتته متطشره الفرحه بملامحها): متى صار هالحجي

مشاعل: قعد من النوم الضحى( وقت مابين النهار والظهر)..طلب من استكانة جاي..وكلمني بالموضوع

وحش: عنددددي المره..عنددددددددددددي عندي

مشاعل: عيل استعيلي قبل لا يرد بكلمته

وحش: مايرد بكلمته داام راسي حي...خليني اقووووم اشووفه

مشاعل( سحبت وحش من زندها): صبري يالمينونه ...خليه بروحه اخاف تشلعين الفكره من مزاااجـه

وحش: لاخلييييييني اكلمه ماراح اقدررررر يماه بكلمه

مشاعل: سمعيني زين ان رد بكلمته لا تلومين الا نفسج

وحش: شنو لعب يهال يرد بكلمته خليني اقوم اشووفه يالله يمه

صعدت وحش واهي خطوتها ع الدري عن 4 دريّات...لين وصلت لي غرفته..طقت الباب بدفآشه: فهيييييييد..افتح الباب بحااااااجيك

فهد بعد دقايق فتح لها الباب واهو كاشخ بقميص وبنطرون وشعره فيه ماي وراده كله لي ورا: هلا وحش

وحش: فهيييد صج اللي سمعته

فهد: شللي سمعتيه

وحش: لا تسوي روحك غشيييم ( بإبتسامه كبيره)..صج قررت تتزوج

فهد( اخذ نفس طووويل): قالتلج امج

وحش: عيل يعني من وين بعرففف..هاااا ترا بنت الحلال جااهزه وتنطر

فهد( لوى شفايفه): توكلوا على الله

وحش : ايبب فهيييد( بإبتسامه كبيره)

فهد: يببي

وحش( حطت ايدها على شفتها بتيبب لكنها ردت تسأله): شصار فهد...شلون اقتنعت

فهد: شقصدج

وحش( بهمس قالت وبتردد): قصدي وهند

فهد( بلهجه حاده): هند اهي اللي طلبت مني اتزوج

وحش( اتسعت عيونها): هند طلبت منك تتزوج؟؟؟؟؟؟؟؟؟؟؟؟؟

فهد: اي حلمت فيها البارحه..و قالتلي اذا تحبني تزوج


وحش( عصرت كفهاا واهي تقوول): وعشان جذي قررت تتزوج

فهد: اي وحش

وحش: اسمعني ززين..لي زوجتك..ابيك تنسى شي اسمه هند,...مانبي نظلم بنت الناس معااانا

فهد( اخذ نفس وقام وقف وهني لاحظت وحش ان غرفته مافيها ولا صوره لهند!!!!..ابتعد بخطوته لي كبته..واخرج ظرف ابيض امسكر وعطاه لوحش): مسكي

وحش: شنو هذاا

فهد: لي ردت هند...عطيها هذا

وحش: شنو هذا

فهد: امشي ننزل نتغدااا

وحش كفختها علامات الاستفهام ماكانت مستوعبه ولا شي....دخلت غرفتها واحتفظت بالملف داخل درج خاص فيهااا...

ونزلوا للغدااا..

==================================================

 

[miss 3yara]

جرآح كان على نار ينتظر انتهاء دوامه ومقابلة شهآب..

اللي راح تكشف جدامه كل شي ..وتجآوب على كل الأسئله اللي تدور في ذهنــــه...

مطلق: يالربع اسمعوا الخبر

سعد: قووول

مطلق: اانا قررت اتزوج

سعد: خخخخخخخخخ احلف مطلقووو..

جراح كان سرحاااان مو معااهم...

سعد: ماتبارك لصاحبك يالدروو

جراحح( فز من سرحانه وقال): ابارك لمنو

سعد: مطلق قرر يتزوج

جراح: لااااه..يالله ع البركه..الفال لنا نعقل ونتزوج

سعد: انا المره جاهزه بس قاعد ايمع المهر ..وانت يالسرسري..

جراح( سرح ...همس واهو يقول): انا خلني...خلني مع بلوتي..

================================================== =


حظن جنطة الابتوب وظمها على قلبه.واهو يدخل شركة غريب ال* وابناءه..

قابل السكرتيره....

اللي كان عنده معاها موعــد مسبق....

قابل المنسق المالي ...اللي عطاه موعد يقابل فيه المدير العآم

دخل ناصر بلابتـــوؤبـه..

ناصر: السلام عليـــكم بو سند

بو سند( المدير العام): هلا باليني..( قهقه بضحكاته واهو يطفي السيجآآآر اللي بيده....).شيايب لنا اليوم من خير

ناصر( بإبتسامه عابثه): حااااااااضرين...وبالشوفه طال عمرك..( حط لابتوبه على المكتب وفتح صفحااات خاصه بالشركات المتحديه لشركة بو سند..)

وقال بإبتسامه خبيثه: تبي نسخه من عرضهم الياي

بو سند: 500( واهو يخرج كتلة دخان من شفته)

ناصر( بعيون خبيثه): لاه لاه ..ما اتفقنا جذي..انا ولدكم

بو سند: 1000

ناصر( حط ريل على ريل..بتي شيرته الاصفر..وجينزه السكني): ألفين..والحين اسويلك برينت..! ها شقلت

بو سند: جم ناصر عندناااا

ناصر: واحد خخخخخخخخخخخخخخخخخخخ

بو سند:خخخخخخخخخخخخخخخخخخخخخخخخخخخخخخخ

===============================================

بملامح ناعســـه..نزلت لأمها اللي كانت تناديها..وصحتها من قيلولة العصر...المقدسه بالنسبه للجميــع..

نزلت ترف بخصلات مبعثره هني وهناااك...كانت تتثاوب بشغب قالت بصوت حااد: ناديتيييني

امها ( شيماء)...كان صوتها جدا" مبحوح..قالت لها : نزلي بحاجيج

نزلت بخطوات متملله..زهقت حياااتها...الوضع جدا" خايس..لما احد يقومك من نوومه حلوووه ومريحه...

ترف( بنظرااات غير ثابت ورؤيه غير واضحه): نعم

شيماء واهي تدهن الكيكه بككاو سايح: بيوونا ناس

ترفف: حيااهم الله..شتبيني اسوي اطق اصبع

شيماء: يالغبيه..يايين عشانج

ترف( طارت النومه من عيووونها): نعم؟؟؟؟

شيماء(بإبتسامه): اي...يايين عشانج..شفيج هو

ترف: وتينا...تيناا اكبر..كلميهم عن تيينا

شيماء: تييينا تعرفينها زززين ماتفكر بالزواج الحييين...ذاك من ذاك لي تخرجت ...وتدرين الطب جم سنه

ترف: وانا شكوووووو..يمه قايلتلج مابي اتزوج انا قاعده ادرس

شيماء: سمعيني..انا ماقدر اقول شي...شوفي ام الريال وكلميها بنفسج

ترف(بتوترررر): يماآآآه سمعيييني...ما ابـــي اتــــزوج....( بدأ العرق يقطر من جسدها..

وقلبها بدا ينبض بشده...)

بخطوااات ثقيله صعدت لي غرفتهااا..

لازم تكلللمــه

يطلعني من هالبلووووووه


دقت عليه لكنه للأسف...

تجآهل اتصآلــــها..


===================================

 

[miss 3yara]

مآكانت قادره تنآم...

تقلبت على السرير..ماتعرف شنو سبب عدم قدرتها على النووم..

خذت نفس طوويل..

وطاحت عينها على حسين واهووو منسدح ع الغنفه..

من فتره طوويله ماينام يمهآ..من بعد مامنعته عنهآ..

حطت ريلها بره السرير..ونزلت ..واتجهت ناحية بخطوآت هاديه..

نزلت على اركبها...واهي تتأمل شكله واهوو نااايم..

حاط كفه تتحت راسه..وباين عليه مو مرتآح بنومتـــه..

جزء كبير من جسده مايغطيه اللحاف القصير اللي يتلحف فيه من مده..

شعاع الشمس..وقت الظهر..كان مخترق الغرفه بحده..

مدت ايدها بأضافرها الطويله...وحطتها على خده..

التعب شقق ملامحه...خذته كااانت الحيويه والراحه اتزين ملامحه..

والحين التعب يعكس نفسيته ..والمراحل الصعبه اللي قاعد يمر فيها ...وصآآآآآآبر..

هذا مايعني ان شمس بدت تحن له..

كل مااااحاولت تقرب..عنصر الشر فيها ينفض غرورها..

اتسعت درعت قميصها النوم...وانسدلت ...وبان جزء كبير من صدرها..

بشعرها الغجري المنهّد على ظهرهااا...حطت رااسها على صدره..



ايه..

دون ماتشعر ...حطت راسها على صدره..

ولو انها ماتحس بالأمان بقربه..لأنه بنظرها انسان ضعيف وتحقره دايما"..

لكنها..

حطت راسها على صدره..

فززز بقوه ورفع ظهره..

شآف شمس...قريبه حيل منه !!!

ماصدق عيوونه !

شمس يايتني لي عندددددي!!!!

شمس: نام...


سحبها من ايدهآآآآ..

لكنها ابعدت نفسهاا بهدووء عنـــه..وفي بعينها حقد..

يلعب من ورآي..

ايه...

لا تضعفين جدامه

هذا كلب

خاين قذرر
ومو هذا اللي ابيه منــــه...

=========================================

 

[miss 3yara]

بكل جمود تربع فوق المقعد الشعبي..الخشبي..

في احدى القهوات بالديره..

بشرررق..

واهو يشم ريحة الارقيله ( الشيشه)...

ويراقب غروب هالشمس..

واندماج الألوان بأبداع ..ياسبحىآن الله..

اخذ نفس يحاول يتأمل هالكون الواااسع..متجاهل الخوف اللي بده ينبض بأعماقه

متجاهل الألم اللي بده يمزق شعوره

متجاهل الدم اللي بده يثور بشراييينه

غيره ندم..حب..خوف..ضمير ينزف..

ينظر للساعه..

شهآب تأخر عليييييه..

رفع ايده وطلب استكآنة جاااي..

===============================================

روآن كانت قد فقدت هذا الشخص اللي بالفعل اخذ حيزّ كبير من اهتمامها

من فتره

ماشافت منه ولا اتصال..ولا حتى مسج..

بدا يشغل بااالها بقوه

وكأن الحب ..بدأ يكفخ قلبهاا..

الضيقه خانقتهاا..والشووق علمهاااااا ان ماضيهاا كان اسود

وان حالتها مزريه

وانها تدعوو للشفقه..

مو اكثر من ذلـــك..

================================================

رسمت في عقلها ...قرار..نهائي..

هدى..ماكو غير هدى..

اكثر انسانه مناسبه لفهد

فهد انسان طيب مسالم...

تصلحله هالانسانه اللي قلبها بياضه مثل بياض اللولو..

ذهب..وخفيفه ع القلب..

فجأه اصبحت هدىىى..بالنسبه لوحش...حجر غاالي..

حجرر ثميييين

لو تطوله

معناها وصلت خيررررررررررر..

وبنفس الوقت

تفكر بقوه

بشي تنفس بداخلها ..

انساااان غاص بمشااعرهااا..

دخل قلبها بكل همجيييه..

ايييييييييييييييييه ..مشآري..

مشآري اللي كااااااان هنااااااااااااااااااااك

====================================
كان في دبي..

يستعد للقاء احد رجال الأعمال...

وسط احدى الغرف الملكيه..في برج العرب

الله على برج العرب

ابداع العرب

( بالضبط نفس ابراج الكويت...خخ..انكمل)...

بإضاءته البرتقاليـــه..

وبفخامة ديكوراته الشرقيه الغربيه..

وبالزل العجمي بألوااانه الصحرآويــــه..

بالابجوراااات الموزعــه بهندسه عبقريه..

وسط شهقة ابداااع..

كان يتأمل البلده هذه..مرآة تعكس الروعــه..والجمال الخليجي..

بلده .. لها هندسه سحرها الخاص....

بلده ... تطفلت على العالم بأسره...بمشروعاااتها ..التي فرضت نفسها..

لكنها بلده...[لا تنبض الا بالوافدييين]!

اخذ نفس طوووووويل..

واهووو امركز على شاشة الآل سي دي...

وكأنه يحااكي الكذبه التي اصبحت حله جديده يرتديهاا..

يجذب على نفسه ويقوول لأ...انا مو قاعد افكر بوحش...

منو وحش..

انسانه مستهتره عاار على الانووثه..تشاكس القدر..

تتعارك هي والظروف..

لكنها بالاخير ..لا شئ..

اخذ نفس طووووويل واهو لأول مره يعترف

بأنها ...تعاركت هي وقلبه..

وغآآآآآصت..بكل فن..

في شرآآيييينه..

=================================================

 

[miss 3yara]

نرجع للديره

الله على هالديره

غبره جلحه ملحه ...حاره رطبه بارده

بكل حالاتج ياكويت

اهلج مثل السمج...

مايقدر يطلع من المااي المالح

وان طلع

اختنق

ومات..


وسط قهوه في شرق

واهووو يتأمل العمارات القديمه ..بفنها الخاص..
وبفلسفتها الجلحه..

المبآركييــه..الله على المباركيه..

طفولة كل كويتي..

مراهقة كل عجووز..

ريحة الكباب تنتشر هني وهناااك..

والشارع بضجه مو غريبه عليييه..

اعتاد عليهاا..

دخل بخطوآت ثآآبتـــه

دخل شهآب....بدشدآشـــه المصفره...وبخامتها الكشخه..يدور هني وهنآآك

يا عساه يلقىى جراح

..جراح كان بتي شيرته الأسود...متربع بكل شغب ويتأمل الديره..

هالمكان مستحيل تكون قاعد فيه دون ماتتأمل..لأنك ماتحس انك بالكويت الا وسط هالمكاااان..

وفززز لما لمح زوووول شهآب..

جراح( قام من طوله): ياهلا ياخووووي..هلا بشهآب..

شهآب: هلااا بو فراس..آسف تأخرت عليك بس تدري الطريج زحمــه هالحززه..

جرآح : ماعليييه ..استريح بس....يااااا مهدي( معلم القهوه)..هااات لنا استكانة جااي

شهآب: الجو شزينه هالحزه

جرآح: اي بعد مااا تطيح الشمس..اكيد تصوفقنا بجم نسمه..واحنا وسط الديره ..والجو هالحزه مااايبيييله بعد..مزااااااااااج..

شهآب: عددل والله..الا هالعماره( واهو يأشر على عماره قدييمه حدها)...لو تطيح بالسوق تدري جم توووصل

جرآح: اكيييد سعر خيالي..هاذي وسط الديره...مو الكويت اسعار اراضيها صكت على اليابان..

شهآب: بس هاذي سلمك الله في لها ورثه ..يعني البيعه صعبه

جرآح: يبه هذيل عيال هوامير مايبييعون شايف العماره اللي يمها ترا صاحبها كان مستعد يشتريها بأي ثمن عشان يوسع مبنااه ..بس عمك اصمخ ..سدوا الموضوع قبل لا ينفتح

شهآب( خذا نفس): والله نااس عاايشه

جرآح: كلنا عايشين..واحمد ربك ان احنا بالكوويت..

شهآب: اي والله

جرآح( خذا نفس بينفذ للموضوع بذكآء..): الله يذكره بالخير فرآس..كنا كل مانطوف على هالعمارات يقووولي يالله اختار خخخخخخخ

شهاب( سكت فجأه وبذكاء فهم ان جراح بينفذ لموضوع اكبر): الله يشافيه ويقومه بالسلامه

جراح: آمين يارب...شهآب...(بهدوء قال بلهجه صارمه)انا بغيتك بموضوع يخص اخوي

شهآب: امر حبيبي وانا اسمعك

جرآح: شهآب ياخوي..كلنا نعرف انك اقرب واحد لفراس..يمكن تعرف فراس اكثر مني انا يا اخووه

شهآب: ايييه الله يذكر ايامه بالخير..كان اخوو وصاحب..

جرآح(بنظرااات حااده): شهاب..انت تدري بشي انا ما اعرفه

شهآب( بنظرات متشتته): شي..شي مثل شنو

جرآح: فراس وصاك على شي

شهآب( بلع ريجه بقوه وحس بالعرق بده يتصبب من جسده وقال): اللي وصاني عليه..وصاك عليه..ماكو غير هالوصيه..وقالها لي وحلفني انك تمشي على وصيته

جرآح( حط عينه بعين شهاب): شهاب....انت تعرف شي انا ما اعرفه.؟؟؟

شهآب(بهدوء قال): لأ ابد..كل اللي تعرفه انا اعرفه..غير جذي ماقالي فرااس

جرآح: اسمعني يا بو احمد..انا شايف اني مو قد هالحمل هذي كل السالفه

شهاب( فزز بقوه): لاااا يا جراح هاذي وصيه..تعرف شنو يعني وصييييه

جرآح: ان اردت ان تطاع اطلب المستطااع..و والله انا حاولت بس شايف اني ما اقدر

شهاب: مافي شي اسمه ما اقدر..دام انه طلبه وصيه...انت تعرف شنو يعني وصييييه

جرآح: قولي يا شهآب ليش فراس وصىى وانا امشي على وصيته

شهآب: لانه يحبها ويحبك..ويدري انك بتضيع لو كملت بطريجك الأولاني...ويدري ان ترف بتضيع بدونه...وشاف انك اذا خذيتها راح تصلح امورك...ورااح تحط البنت بعيونك...

جرأح( بلهجه حاده): فرآس...اناني..ماوصاني عشاني...وصاااني عشااانه..

شهآب: انت شقصدك ..شقاعد تقول انت؟؟؟

جرآح: شهاب تكلم....انا بديت افهم....ماني غشيم...تكلم...(بعد فترة هدوء)..شنو كان بين فراس وترف؟؟

شهآب ( سكت فتره ..ونطق بحروف متشتته): مابينهممم شي..حرام تفكر بهالطريقه..انت شنووو

جرآح ( اعاد جملته الاخيره بكل حده ): شنو كان بين فراس وترف ( وبده قلبه ينبض بقووووه .....)

شهآب: لا ياجراح انت اكيد ينييييت

جراح( بهدوووء قال..واهو يحس بدمعه اثقلت هدب عينه): شنو كاان بين فراس وترف؟؟

شهآب: انت امش ع الوصيه سوو اللي قالك عليه وبس

جرأح( بلهجه بطيييييئه وحروف ثقيله قال): شنو كان بينهمممم ( واهو يحس بدمعته بدت تنصاع لخده)

شهآب( بدا العرق بتصبب من جسده بغزآره....حس انه لازم يخضع لسؤالـــه...أستسلم بهدوء وقال بكلمات متشتته..همس بعد مابلع ريجه بقوه): آخوك يآ جرآآح.










قص عليــه ..الشيطآن...






==========================================

 

[miss 3yara]

جرآح : انت شتقووووول...( بدت تتلألأ الدمعه وسط عينه)

شهآب: اسمعني..الموضوع مو مثل ما انت فاهمه...انت..

جرآح:انا مو فاااهم شييي ياشهاااب ( بصوت ضعيف بدا يصدره بضعف..ممزوج بدموع القهر).. بتحاول تقنعني ان فراس ضحية الشيطااان( ارتمى على المقعد بعد ماعجزت الأرض انها تشيللله)

شهآب: احاول اقنعك انك الوحيد اللي تقدر تستر على جريمه ارتكبها اخووك

جرآح: واناااا شنو ذنبي....انا ما اجرمت عشاااان اضحي..انا ما اجرمت عشاااااااااااان اشيل ذنب غيري على ظهري

شهآب: انت اخووووه..

جرآح:"ولا تزر وازرة وزر اخرى....

شهآب: انا ماقدر اقولك الا هالكلمتين..انت مو مجبور تغسل الدم...بس انت الوحيد اللي تقدر تغسله..

جرآح( اصدر شهقه من اعمااقه): فرااااس طلع

شهآب( قاطعه): لا تتكلم عن اخووووك بالشينه...قلتلك مافي انسان مايغلط

جرآح: غلطه عن غلطه يا شهاب تفرق...هاذي مو غلطه هاذي جرررريمه

شهاب: الجريمه غلطه...والغلطه جريمه...لا تتلاعب بالألفاااظ...وتبتعد عن المضمون..جراح البنت لازم تستر عليهاا...

جرآح: استر علىىىىى **

شهآب: هددد ياجراااح وقصر حسك..الأمور انكشفت جدامك..وبيدك تختار

جرآح: شهاب انا

شهآب: تعوذ من ابليس..

جرآح : اعوذ بالله من الشيطآن ( قالها وكأن القهر خرج مع انفاسه...)


ترك المكآآآآن والدموؤع غاسله ملامحه ..

ركب سيارته وابتعد عن هالمكااان وقلبه بداااا يحقد بقوه على اخوه وهالانسااانه

ليش الدنيا بدت تلعب فيني ..ليش القدر بدا يصوب سهامه ناحيتي..

ليش الزمن شيّلني هالحمل على ظهري...

ليش مو من حقي اعيش مثل ماعااش غيري

ظهر اسمها على شاشة تليفوونه...

وفجأه..

حس وكأن الغيره بدت تخنق انفاسه..

حس بالشوق ..بدا يمسح على ملامحه

حس بالألم ..بدا يعصر ضلوووعـــه..

حس بالولــه..لهالصووت اللي غزى مشاعره..وسفك دم قلبه

حس انه محتاج يقولها كل شي

محتاج يقول لها يابنت الناس ليييش

انتي ماا اذنبتي بحقي

الذنب ذنب الخسيس فرآآآآس

الذنب ذنب الحقير فرآآآس

الذنب ذنب الواااطي فرآآآس..

انتي بكل شغب وجهل....اكتسحتي حياااتي...

بكل براءه قيدتي جنووني

بكل هدووووء...اسرتيني..

لا

انتي ****

انتي قذره

انتي مو شريفــه



صووووووووووت الهرررررررررررررررررررررررررن

واصطدمت سيارته بالسياره اللي امامــه..

================================================== =

لفت روب الحمام الاوف وااايت..على جسمها المبلل..

طلعت من الحمام بشعرهااا اللي الماي يقطر منـــه

لقته متربع ع الأرض..

العاده تلبس بالحمام !!

انصدم من دخولها للغرفه بالروب..

طلعته بنظرررة اشمئزاز..

وقالت بكل سخريه: مكسوره وتبّرد..

حسين( سكت فتره يستوعب هالمثل ..هل هالمثل ينطبق علي !): شنو؟

شمس( طالعته بإستهزااء...قذر....

يسوي روحه مو فااااهم..

قام من قعدته..

وسحب الجيس اللي كان بقربه..

وفتح العلبه المخمليه ...

وبرَق وسطها..زوجين من الحلق ( الترآآآآجي..)

شمس وقفت صامته لفتره...

وكأنها هجمت عليه بسؤال غبي: من وين شاريهم؟

حسين ( ابتسم بعيون تتلألأ بهم لمعه غريبه): من المرينا

شمس ( بدون سااابق انذاار

تجمعوا الدمووووع وسط عينهاااااا لكنه مالاحظ هالشي..كان امدقق على التراجي اللي بيده ويقوووول: اليوم كملنا شهر من زوااجنا

شمس ( انسكبت دموووع صامته على خدهااا..

ظلمــــــته

شهقت بصوت عالي وقعدت على السرير وهنى حسين قاااال والخوف طاغي على باقي مشاعره: شمس شفييييييييج...انا ضايقتج؟؟؟؟ ادري ضايقتج


ارتفعت عيوونها اللي تحاوطها هالات سووده...وبدت تتأمل القلق اللي بان على ملامحه..والخووف اللي طرأ على الموقف..

شمس: حسين انت تحبني

حسين: اكيييييد احبج

بكل هدوء....دفنت رااسها وسط صدره....بللته بدمووعها..

حسين كان الذهوول عاصر مخه..

لكنه كااان هااادي..

حاوطه بإيده...

وظمها لصدره..

==================================================

 

[miss 3yara]

انت شفيييييك ماتشوووف


جرآح ( بكلمات متقطعه): آآنا....انا مادري..ما

الرجل اللي اندعم بعد ماا تأمل ملامح جراح التعبه والدموع اللي نازله على خده قال بتشتت: خلاص ماصار الا الخير توكل على الله

جرآح ابتعد بخطواااات تعبه..وركب سيارته وحّرك..

واهووو يشووف رقمهااا على شاشة تليفوووونه..

قال بكل جنوووون: ..حسبي الله ونعم الوكيل فيك يافراس

غمستني وسط مشكلتك .....عشانك انت

خليت الظروف تلعب فيني..

حطيتني بوجه المدفع

عشانك انت يافراس عشانك انت

عمرك ماكنت بهالأنانيه والسفاله ياخوووي

عمرك ماااااكنت بهالخسه والنذاله

شهق بقووووه..وصررررررررررخ

من اعماااااااااااااااقه


صررررررررررررررررررخ

رغم انك بالواقع مت

صررررت انا نبضك..

تبي تفرض وجودك على الواااقع

تبي تقيدني فيييييييك

تبيني اعيش عشاااان غرآآآآآآم اموااااااااااات...










مؤشرات بدأت تنبض

الحراره بدأت ترتفع

الجنون بدا يصيب الاجهزه

الاصوات بدأت تظهر من هذا الجهاز وهذا الجهااااز..


الدكاتره تجمعوا وسط غرفة فراس في مستشفى الاميري

وسائل انقاذ..

روح ستزهق..







روح ستزهق







روح ستزهق


انسكبت دموع خفيفه من اعين نامت فتره طويله من الزمن..




تمت السيطره على الوضع



عادت لسباتها

==================================================

 

[miss 3yara]

همسآت ..نغزآت ..تمتمآت...

حست بأن الوضع امكهرررررب...

وين ماراحت ماتقدر تهرب من افكاارها..

مريم كانت بين اهلها...لكنها بالحقيقه ...كانت بعييده عنهم

كان تفكيرها بـ ضآري..مو بغيره

سئمت الوضع المليق...سحبت كتابها...

وقالت: ماسّوت علي..طالعه من الغرفه قايله بغّير...الوضع زاااد ملاقه..ارد غرفتي احسسسسن

شوق( وكأنها شرقت بضحكتها): قعدي خلينا نقوولج من داق على امي اليوم

مريم: مايهمنىىى

شوق: اكيد يهمج ولا ليش بسولفلج يالدآآآآآيخه

مريم: سولفي خلصيني

شوق: تدرين..!..امشي الغرفه احسن

الصوت بالصاله مثل دووي النحل..والنقاش الاسري تحول لمناقشة احداث المسلسل المدبلج السخيف..

قامت بكل خفه رغم وزنها الثقيل ودخلت غرفتها وبعينها حيره..وملل ..مو طبيعييين

مريم ( واهي تحاول تربط شعرها الكثيف بشباصه بنفسجيه): قووولي...اسمعج

شوق: عميمه داقه اليوم

مريم: والزبده

شوق: في لنا طلعه احنااا كل العاايله

مريم( بفيس منتعش وابتساامه كبيره): ويييين؟؟

شوق: الشاليه ياعمررري

مريم: حلفييييييييييي ( والوناسه شاقه ملامحها)
شوق: اي...عقب الامتحانات بنرووح كللناااااااا كل العايله

مريم: والله انه خووش خبرررررررررر ..( قاااامت حست ان الارض مو شايلتهااا)....صج صج صج خوووش خبررررررر..من دخل فراس المستشفىى واحنا ما تيمعنااا...

شوق: اي بس الوضع الحين احسن لأن سالفة فراس صارلها فتره..بنتم بعاد عن بعض لي متىىى

مريم: عدددل كلامج..لالا..الطلعه يبيلها لبس...

شوق: ولييه انا لو مو قايلتلج احسن..الحين بتكشتين بدراستج وتقعدين تحوسين بالكبت

==============================================

دخل البيت ..بوقت متأخر..وكانت امه زينب تنطره تحت..

زينب: انت وييييييييييينك يايمه ندق عليك امسكر الجهااااز..وينك لي هالحززززه

جراح( بلهجه قاسيه): من قالج نطري...( استوعب ان امه مالها ذنب اذا كان اهو متضايق ينفس غضبه فيهااا وقال بحنيه)...يماه..انا متضايق شوي

زينب: عسىى الضيقه فيني ولا فيك اميمتي...عويناتي انت..تعال يمه اقعد افتحلي قلبك قوولي شللي مضااايفك ياعساه بعدوووينك يابعد عيني

جرآح ( نزلت على اركبه...وحط راسه على ريل امه وهني شهق..): يا يمه ولدج ضايع يايمه

زينب: يضيع عمررر العدوو..ولدي مايضيع ...يابعد طوايفي انت...يمه قوول قوول شللي مضايقك..

جرآح( شهق وكأنه رجع طفل بو 4 سنه ): يمه قلبي يعورني يايمه

زينب( بدت تمسح على راااسه بإيدها الدااافيه...وظمته لصدرها اللي يخر منه الحنان): سلامة قلبك من التعب يايمه....منهي هاذي اللي امسويه فيك كل هذا..علمني وانا من باجر اخذها من بيت اهلهاااا

جراح( شهقت ضحكته الممزوجه بدمووع واهوو يبوس اركب امه ويمسح دموعه بثيابها)..


كان بحااجه لهالصدر الحنون .....الأنسان مهما كبر...فيه جزء منه يتم طفل ....صغير..ماينطق الا لما يضعف ويطيح..او بلحظااات ماقبل النووم

مهما كان صديقك قريب منك....لازم مايعرف كل شي عنك..ولا يعرف نقاط ضعفك..لأنه اذا عرف جرحك..بيدووسه باجر لي اختلفتوا...

لكن امك...او ابوك..اصعدوا ..او انزلواا..مستحيل يتشمتوون فيك...

لأنك ولدهممم..

عمرهم ماذموك او صرخوا عليك الا لأنهم يحبوووونك..الله يطولي بأعمارهمـــ..



بعد فتره طووويله من الضحك والغشمره مع امه...وبعد ما مسحت عليه ..وكأنها بمسحاتها هاذي..ازالت الحمل من ظهره..والهم من صدره..بجم كلمه منها..وبجم ضحكه منهااا...وبغشمرتها اللي ماكو مثلهاا..


صعد لغرفته...

وفتح جهاازه..


وعلى طووله وصل له مسج who ...ترف داقه عليه 14 مره..

والوالده داقه 14 مره..ضحك واهوو يقول..تعاادل ...هههههههههههههههه

ابتسم ..وبنفسيه كلها تفاؤل بغد احلى ..

اتصل...

ترف سحبت التليفون بكل دفاشه وردت : حبيبي...انت ويييييييييييييييينك

جراح( قال بهدوء): طفىى تليفوني وانا بره ..وتوني راد البيت

ترف: اسمعني فرااااس

جرآح: هلا ترف

ترف: امي....امي تقووول يايييينا ناس بيخطبوووني


جرآح وكأنه ماء ساخن انكب على ملامحه وسلخ جلده..

بهالسرررررررعه

بهالسرررعه الأمور بدت تسيرر..

بهالسررررررررررررررعه...

==================================================

 

[miss 3yara]

السمآء...طوت الليل..

وطوت صفحه..من اياااام الزمــن

وطوينا صفحه من هذه الروآيـــــه ..

شمس...وقمر..

في سمآء وحده

شلون تقولين يانوال..

انهم

مايلتقووووون

في لحظه

ممكن يلتقوون

[ تدرـري انا ويآك..

قصتنآ مثل...شمس وقمـــر

من أول الوقت..

حتى آآخره مايلتقوون

كلن يدّور صآحبـــه

كلن يدووره صآآحبــه

>>وحكم القدر <<

تشرق تبيه..

يغرب يبيـــهآ

وفالسمآآ

يتخآآلفوون..

...

يتنازعون..

الليل يخمط جزء من السمآ

والنهآر..يتسرب ..وينغمس الليل ...ويصطبغ..بحلة النهار..

رغما" عن انف الليل

مهما طال الليل..

ستشرق شمس النهآر...

تخصرت عند بآب المدرسه...

واهي حاظنه كرة الباسكت وظاامتها على صدرها

مو هذا نهار الخميس

صح

نهار التحديات: يالله تحركوااااااااااااااا

وطلعوا واحد ورا الثاني

امزهلقين بتي شيرتات سمآويه...وبدا الاحتراف عليهم....كل واحد فيهم لابس نظاره شمسيه

يعني شخصيه..

والجواتي (عزكم الله) السبورتيه الملّونه غير شكل

تسندت على الطوفه واهي تقلب كفوفهاا..

يطوفون صوبها واهما رافعييين ايدهم: سلام..

وحش(رفعت نظارتها فوق راسها ..وشعرها بان شكله اطول من كله مره..وكأنه امدمر بأأألوان بشغب...وتحت الشمس شكله ستااايل..مع التنوره الجينزز الضيجه...والبلوزه اللي درعتها حيل كبيره..اشارت بصبعهااا..): بعدددد؟؟؟؟؟؟...خلصونا يالله الباص.....جدامي...يالله جدااامي..


مسآعد ( نزّل نظارته الشمسيه واهووو يقول لها): عرفتيني..؟ هه ( لبس النظاره مره ثانيه)..ومشىىى جدااامها..

وحش ( منصفقه على ويهها تصرفاتهم ماتووحي ان اكبرهم عمره 10 سنين...صفقت): يالله مشيعلل..يالله عبيييييييد..حمنىى اسماعيل...خلصووونااا..


ركبوا واحد وااحد جدامها الباص..وكل واحد حط جنطته السبورتيه تحت ريله...وقفت وسطهم وقالت: يالله محمد ( عن السايق)..حررررررك


سمعووني ززين..هالمباراااااة على مستوى العاصمه..لا تخيبوون ظني..وتضيعوون تعبي..ابيكم تعرفون انكم تدربتوا بشكل كافي..وانكم احسن من كل الفرق اللي مشاركه..ابي ثقه بالنفس..ابي احسكم غيررر عنهم..

مساعد: ماله داعي هالكلام يا ابله..اظمني الفوز دام ان مسااعد ظمن الفريق

عبدالله(لف رقبته واهوو يقوول): ابلع العافيه انا اقوول

مشعل: ابله احنااا محد يغلبنااااا ورااسج

ابله وحش: نشوووف ( جتفت ايدها)..


وتحرك البآآآآآآص..وبدت الصيحه تدب وسطه..والصفقه و العبط..بأنواعه..
عبدالله كان يردد بعض الصيحاات و بدر كااان حده متشقق واهو يشاركهم ألفاظهم..ويرفع ايده معااااهم..وكأنه اصبح واحد منهم وفيهم..و وحش وايد ارتااحت لهالشي...وكانت تبتسم لهممم..
==================================================

 

[miss 3yara]

روآن واهي وسط المحاضره..

اخيرا"..

شافت رقمه....

اتصل..

فززت من مكانها رافعه ايدها: دكتور انا بعتذررر

الدكتور ( تأملها بذهول واشار لها ): تفضلي..


سحبت جنطتها وطلعت بره القاعه ..وردت على طوول ..بلهجه فيها..بهجــه..: انت وييييينك


بصوته الخشن اللي أسر عقلها رد عليها بقهقهآت متفرقه: كنتي تنطريني


روآن: ابيك تفهم شي واحد بس...الأيام اللي طافت..ماكنت افكر بشخص غيرك

اخذ نفس طوويل وبان صوته واهو يتنفس ..قال: انا ما اقدر اكلمج بعد

روان: انت شتقووووول..مو ضروري اعرف انت منوو......بس خلك معاااي..ابي اسمع صوتك كل يوم

رد عليها بهدوء: وجودي بحياتج صار مهم الحين؟

روآن: بشكل ماتتخيله..انت ماتفهم..انا حبيتك حتى قبل لا اعرف اسمك...او اعرف انت منوو

ضحك واهو يقول: حبيتيني؟؟

روآن: والله حبيتك..تكفه..لا تعيدها وتغيب عني

اخذ نفس وقال: ولي متى بتم اكلمج

روآن: انا مستعده اشووفك

قال بهدوء: تؤ تؤ..صعبه..مستحيل يصير هالشي

روآن: ليش..قوولي

رد بثبات وقال: ما اقدر اقوولج

روان: يا آدمي افهم..انا حبيتك..ما ادري ليش..بدون اي تمهيد بدون اي تبرير..ما ادري ..شي دخل فيني..دخلت بكياني..عفست دنيتي..انا حبيتك..

رد وقال: بس انا متأكد اذا عرفتيني زين..راح تعوفين هالشعور

روآن: انا ابيك بكل حالاتك

رد: بس آنا..مو من النوع اللي يحبه قلبج..وادري فيج ..زين..ادري فيج زين تعشقين المظاهر

روان: طززز بالمظاهر..بس خلك معااي..افهمني تكفه

رد عليها: احاول روان......ما اقدر اوعدج الحين بشي...والحين...انا اخليج

روان: وييييين انطر...تكفه لا تسده

رد وقال: ما اقدر..لازم اسده....

روان: احبك

رد وقال: فمآن الله..

================================================== =====

ضجــه..وتشجيــع..صيحآآت...

وسآحة عراك..عفوا"..ملعب مدرسي مصغر..

مآيك يشكي رذاذ يتساقط عليه من فم ابله سمرآء (خاله)...تطبق شفتها تتمعن وتفكر ثم تصرخ: نقطه ....لفريق مدرسة الـ***** بنين..

الشمس تكتسح المكان المغلق بقوه...والملعب بأرضيه خشبيه...يتوسط هذه الصاله...التي اهتزت جدرانها مع الصراخ..


ابلات متجمعين ..واصوات كدوي النحل..

وحش جتفت ايدها بقسوه واهي تاخذ نفس وتكلم فريقها اللي بعده مادخل ساحة الحرب: سمعوووا...انتوا راح تدخلوون بعدهم..مابيكم تفشلووووني..انا ادري فيكم اقوى منهم ( تحاول تقص على رووحها)

مساعد: ابشري يا ابله

عبدالله: والله انشقهم شق

اسماعيل: ابله هذيل مايعرفون يلعبووون

مشعل: بتقارنينا احنا وهذيييييييل

وحش: نشووف ياشطار..


حّولت نظرتها إلى المباراه..واهي تلتقط انفاسها...حين اصدرت ( الخآله)..صوت مزعج...حين نطقت بكل دفاشه: انحيي فريق مدرسة ال**** اهما الفايزين..انتهىى الوقت يا شباب....ناخذ بريك خمس دقايق..وبعدها راح يلعب فريق ال******** الابتدائيه بنين..

==================================================

 

[miss 3yara]

بكل هدوء طقت باب غرفة ابله داانـــه

اللي لما شافتها داخله عليها عرفت سبب قدوومها

ابله داانه: هلا والله مريوووم حياااج تعالي

مريم ( بخطوات متردده): ابله مشغووله؟

ابله دانه: افضاالج مراايم..خليني اخلص اللي بيدي بس ( سحبت بعض الأوراق ورتبتهم حسب ترتيب متفق عليه..وحطتهم داخل الدرج واهي تتسند على الكرسي براحه ..وقالت): هاا شلون الدراسه

مريم: الحمدلله ماشي الحال ابله

ابله دانه: وعلامااتج

مريم: زينه الحمدلله

ابله داانه( سكتت فتره واهي تشجعها بنظراتها على الكلام)

مريم: ابله انا ييت اقولج

ابله دانه : قووووولي..لا تترددين قوولي وانا اسمعج

مريم: يا ابله..( بتردد)..انا

ابله دانه: انتي شنو

مريم: بصراحه يا ابله ..انا مثل اي بنت..

ابله دانه: ايه

مريم: ابله انا ( وبخدود مورده قالت)..حبيت ولد عمي

ابله دانه ( خذت نفس وابتسمت بويهها واخيرا" مريم ارتاحت لي وقررت تفتح لي قلبها): ايه...

مريم: انا كنت احبه من لما كنت صغيره ( بمفردات طفوليه قالت هالجمله)

ابله دانه: ههههههه ايه؟

مريم: واهوو سافر درس بره..وكنت انطره يرجع

ابله دانه ( صمتت وحست ان الموضوع بدأت تظهر سلبياته): وبعدين؟

مريم: ولما رجع...( تجمعوا دموعها وسط عينها)..تغير وايد

ابله دانه: كل الناس تتغير يامريم..كملي

مريم: بعد ماكاااان يحبني وينطرني وكنت انا كل حياته...صار واحد ثاااااني غريب علي

ابله داانه ( ابتسمت واهي تفكر شلون راح ترد عليهااا..)

================================================== =============


بخطواااات مشاكسه ..دخل فريق الشناكل .عفوا"..فريق مدرسة ال*** بنين..

و وحش بدت تلتقط انفاسهاا..وتعض شفايفهاا..

بكل ثقه يرفعون كفوفهم فوق ويلوحون بالهوآآء..

وكأنهم لاعبيين عالمييين..

وحش بدت تفرك راسها بقلق..واهي تفكر شلون راح يكون آآداءهم..

ابتدت المباراااااة..

بينهم وبين مدرسة ال*** بنين..

مساعد كان بالوسط...نطط الكره بكل مهاره.. و صوبها لمشيعل اللي بكل مهااره...ضيعها ..خخخخ

وخذووها منه الفريق المنافس وتصووويب..

لكنها مادخلت بالسله..

حماس

من نوع يديد..

بدا يلعب بعقل ابله وحش..

================================================== =====

آآآآه من ليلة البآرحـه..

يمكن اللي صار امس..بين شمس وحسين..

كان كافي...انه يكون عذر لتغيبهآ عن الكليه اليـــوم..

فتحت عينها واهي تشووفه بكل تعب مرتمي على السرير..اللي من فتره مانام عليه..

تأملت ملامحه

و وسامته..

اللي للتو بدأت تراها

بعد ماكانت متجاهلتها

اقتربت بكل هدوء...منه...وحطت راسها على صدره....وتغطت باللحاف..



================================================== ===

رفعت ايدهاااا فووووق..

بشعرها الملونّ المعفووس..من كثر مافركت راسها..

بنبره رجووليه..[ وقــــــــت مستقطــــــــع ].

وسمحولها بوقت مستقطع..وصلوا لمنتصف المبارات 12 نقطه لصالح الفريق المنافس...و 5 نقاط لصالح فريق ابلة وحش...كوّنوا دائره مغلقه واهي وسطهم تطبق اسنانها بقوووه وتقول لهم : شايفييين ابلتهمم تتشمت فيني...( بأنفاس متسارعه)..اذا غلبتوا اليووم لكم اللي تبووونه..

مساعد: ابشررري ابله

وحش: يالله ..بعد من الثلاثه لي الواحد ابيكم تصرخون بأسم مدرستكم..

حطوا كفوفهم على بعض..

كف مساعد

كف اسماعيل...

كف عبدالله

كف حمني

كف مشيعل..

وكفوف باجي الصبيان

3

2

1

مدرسة الـ*************



===========================================
التكلمه ورا الردود والتوقعات
امانه انا مقصره عليكم بالبارتات اذا مقصره بليييييييز قولو لي ترى مراح أزعل لاني حسيت اني مقصره

 

[روح اهـلـها]

كملييييييييييي عفييييه

حدي مندمجه

 

[فديتني وبس]

بليز كملي وانا ب عد مندمجه ناااطره

 

[miss 3yara]

التكمله الساعه 11 وربع

 

[روح اهـلـها]

ليشششششششش 11 وربع اوك ع راحتج

والله مو مقصره اصلا انتي احسن وحده تييب روايات

لانج ماتعلقينا فديتج والتوقعات

احس وحش راح تحب مشاري

ويتزوجون بس هم احس غلط لانه طليق اختها

وفراس ماراح يموت بس اعتقد بتكشفهم ترف

وروان اتوقع اللي يكلمها اعترف لها قبل بحبه لها

وصدته لانه فقير وبينتقم منها اما شمس وحسين

احس يا انه شمس بتلين وبتحب حسين او حسين بيتغير

وسوري ع القرقه وناااااااطرينج

 

[miss 3yara]

تسلميييييييين ياقلبي وهذي التكمله
ـــــــــــــــــــــــــــــــــــــــــــــــــــــــــــــــــــــــــ
دوآئر متداخله...

دائره عملاقه...بداخلها دوائر اصغر بالحجم..

اصغر فأصغررر..فأصغر

شعور بالغيثآن..

وبالتعرق..

تارةً يشعر بألم بالمعده..

وتآرةً يشعر به في رأسـه..

حين يصل الأنسان إلى مرحله

لا يتقبل بها الوآقع

يتذمر..

يتمرد..

يسخط..

يلعن..

يسب..

يصررررررررررررررررررررخ....

يصررررررررررررررررررررررررررررررخ..

يبكي..

يسقط..

يتلعثم..

يشعر بتوعك..

عدم التوازن النفسي..

عدم القدره على ادارك ذاته

امور تفرض عليه

امور تسيرّه كيفما هي تريد

ظروف تقيده..

واقع غير مرضي..

لم يكن هذا طريقي..

لم تكن هذه غايتي..

يصررررررررررررررررررررخ

يصررررررررررررررررررررررررررررررررررررررخ

يسقط

يركع

يخضع

يضعف..

يرضخ
يصمت..

يستسلم..

يبتسم ..

يضحك..

يتلاعب بالألفاظ..

فيحّول الكلمه الغير مرغوبه الى كلمات مرغوبه

يتلاعب بالألفاااظ..

يصنع من التعاسه سعااده


ويتكيف ..


لأن لا مفر له من الواقع

يتكيف..

لأنه ادرك انه الواقع...واااقع..

يتكيف..

يتكيف..من اجل البقاء..

يكذب على ذاته بمفاهيم لا تمت لواقعه بصله..

من اجل ان يبقىىى

من اجله هوو..



دز بيده الباب الحديدي القديم اللي يذكرنا بأبواب بيوت الحكومه اللي الله خير..( برميل النفط ينزل ويصعد..واحنا ننزل مانصعد..)..

واهو يسمع صوت ضعيف خارج من الداخل...: تفضل ..تفضل..

شعاع من مخلفات الشمس يرتمي على احضااان زوايا الغرفـــه..هنا وهناااك اشعه تداعب الجدرآن..المتمزقـه....بسبب وحدة التكيف التي تصدر صوووت مزعج...وتتوسط هذه الغرفه....

قال بصوت منخفض وضعيف: حياك الله ..هههه ماجنك جيت امبجر..

جراح( بصوت محرووق..لا اعلم كيف يكون لكنه محروق): ياشيخ انا زين منهم عطوني ساعه استأذان..بعد العصر ما اقدر اييك..

الشيخ بلحيه طويله تسند على الفرش الشعبي القديم :: حياك الله بأي وقت..( وخز المسباح اللي بيد جراح)..ماتدري ان السبحه بدعه..وماتجوز

جراح: اي بس ياشيخ احنا يالكويتييين عادة من عاادااتنا مانسبح فيها ..بس نتسلىى فيها

ابتسم الشيخ وقال بلغه بيضاء و بوجه منور كله ايمااان وتقوى: عسى ماشر يا جراح..كلمني مطلق عنك
بس انا سكتته وقلت لزوم اسمع منك...

جرآح: والله ياشيخ...

آنا..


==============================================

 

[miss 3yara]

===============================================

وسط حلبة الصرآع..

بين اطفال...لم يدركوا من معاني الحياة الكثير..

جري..مبعثر..

واصوات تمزق طبلة الأذن..

صراخ ليس له داعي ..!

رفع حمني تيشيرته..واهو يحسه عائق بينه وبين التسديد..ولو ان تي شيرته ماله شغل..

لكن التوتر جعله يقف فتره متأملا" البآســـكت..

مسآعد سقط بقوه...على ركبتيه..وركضت ناحيته ابله وحش..


ابله وحش: شفيييييييك شصار

مساعد: رجلي ابله...

ابله وحش: قوم قوم...

مساعد ( واهو يتأمل اركبه النحيله...الجلحه..والدوائر التي بدأ يتسرب منها الدم...): لا خليني..

تقدم ناحية السله وصوب تسديده..وسجلت نقطـــه..



5 دقايق من زمن هذا اللقاء..لول..ومازالوا السنافر متطشرين هني وهناك يا عل وعسى يحظون بفرصه ذهبيه للتسديد( اصلح اعلق ع المباراه)..

بدأ الزمن يسلب دقائق من عمره هذه المباراااة...فا اشتحط حمني قائلا: ياحماااااااااااار ياااا كلب..وخرررر...( بأعين حمرآآء..)..

بدأت الألفاظ اللي مالها داعي تصدر من هذا الفريق..الذي سئم الجري في منطقه ضيقه لا يستطيعون تخطيها..

عبدالله تدخل...وبقفزه كبيره سدد للمره الثانيه..

وصاحوا الشباب الصغاار: عددددددددددل عبيد ...يابهااا..

وكأن هناك عائق زجاجي امامهم يحومون من وراءه...

الفريق المنافس يسدد بكل مهاره..وكأن باسكت فريق الكابتن عبدالله اصبحت فجأه سلة مهملااات..
يلقي بها الفريق المنافس تسديداته متى شاء..

بتي شيرتاتهم البنفسجيه...بدأوا يتضحكون بصوت ينرفزز..

وفجأه مسااعد مد ايده..

مساعد: يا كلب لما اقولك ابعد تبعد يالكمخه

تدخلت ابله وحش اللي وقف شعر راسها من كثر مافررركته...وسحبت مسآآعد..

عبدالله بدأ يتنرفز من الوضع السيء..

انهال فريق عبدالله على الفريق المنافس بالتسديدات..3 مرات متتاليه..

صفررررررررررررررررررررر الحكــــم..

فاز الفريق المنافس على فريق عبدالله..ب 17 نقطــه..
==================================================
تنهد الشيخ ...واهو حاط ايده على كف جراح :لا حول ولا قوة الا بالله..لا حول ولا قوة الا بالله... اذكر الله يا جراح...اذكر الله..وتعوذ من الشيطآآن..

جراح ( انسكبت دمووع خفيفه من قهر..على وجنته الحنطاويه): ونعم بالله ولا إله الا الله..انا يايك ياشيخ طالب نصحك ومشورتك

رفع صدره الشيخ ( نبيل)..واهووو يلعن الشيطآن...: ياولدي ياجراح...انت في مرحله عمريه مناسبه للزواج..والزواج واجب عليك..لأنك متمكن ولله الحمد والشكر..

جراح: الحمدلله والشكر

الشيخ( حاط كفه على كفه جراح): وغلطة اخوك..الله يسامحه..تعد زنى الله يغفرله ويشفيه..

جراح: الله يسامحه

الشيخ: انا اقول ياجراح ياولدي...انك تصارحها وتكلمها عن كل شي...وبعد ماتصارحها ..بنيه صادقه اعرض عليها الزواج..وحسب كلامك عنها باين ان في تقبل من ناحيتك لهذه الانسانه...استر على البنت..
لوجه الكريم...وان شالله بتلقاها بالآخره..والله يسهل لك طريجك وبإذنه تعالى يسهل لك طريجك
قال رسول الله صلى الله عليه وسلم: (ثلاثة حق على الله تعالى عونهم : المجاهد في سبيل الله , والمكاتب الذي يريد الأداء , والناكح الذي يريد العفاف (
فحين قال الله عز وجل :2 "الزانى لا ينكح الا زانية أو مشركة والزانية لا ينكحها الا زان أو مشرك وحرم ذلك على المؤمنين"

استثنى من ذلك حالات التوبه...(الا اذا تابت)..وتأكدت انت من توبتها وقبلت بك كزوج....فرحمة الله بعباده حين قال عز وجل في نفس السورة ( سورة النور)..في الآيه الخامسه..قال الله تعالى
الا من تابوا من بعد ذلك وأصلحوا فان الله غفور رحيم 5
ودعنا لا ننسى..
حديث أبي هريرة رضي الله عنه عن النبي صلى الله عليه وسلم قال:
من نفس عن مؤمن كربة من كرب الدنيا نفس الله عنه كربة من كرب يوم القيامة
ومن يسر على معسر يسر الله عليه في الدنيا والآخرة
ومن ستر مسلمًا ستره الله في الدنيا والآخرة
والله في عون العبد ما كان العبد في عون أخيه
ومن سلك طريقا يلتمس فيه علمًا سهل الله له به طريقا إلى الجنة
وما اجتمع قوم في بيت من بيوت الله يتلون كتاب الله ويتدارسونه بينهم
إلا نزلت عليهم السكينة وغشيتهم الرحمة وحفتهم الملائكة
وذكرهم الله فيمن عنده ومن أبطأ به عمله لم يسرع به نسبه

جراح( رفع راسه وكأنه تذكر شي): حلمت البارحه ياشيخ بثور داخل في جحر ضيييييييج..استغربت انا نفسي شلون دخله...لكنه لما طلع من هالمكان الضيج..ماقدر يدخله مره ثاانيه..

قال الشيخ بصوت مرتجف وعلى وجهه ابتسامه: سبقت لك النيه بالزواج منها...وتكلمت عن ذلك؟

جراح: اي كان لي نيه بالزواج منها...قبل لا اعرف الحقيقه...وتكلمت عن ذلك

الشيخ( بإبتسامه كبيره): إذا" يا ريال..هي كلمه عظيمه تخرج من فم الرجل يحاول ان يردها فلا يستطيع..توكل على الله..(وهو يربت على كفه...)

==================================================

 

[miss 3yara]

بخدود مورده من التعب..والهلاااك..والحر...ويووههم امعرقه وحمره من التعب..

دخلوا واحد تلو الآخر...لغرفة التبديل..وكل واحد منهم فصخ تي شيرته..

اسماعيل قط تي شيرته وحطه على جتفه واهووو يقط اللوم على مساعد: انت ماكنت ثابت بمكاانك

مساعد: انجب انت..

حمنى: فريقهم قوي

عبدالله: احنا اقوى بس ماكنا متفاهميين

اسماعيل: كنت امرر لك الكره عبدالله كل ما امرر كل ما امرر ماتاخذها مني ليش عبدالله

مساعد: وهذا واقفلي بالنص مع راسه ويخززز

عبدالله: مااعليييه....راح نعلمهم بالمباراة اليايه

حمنى: خلاص انطردنا من المسابقه اي مباراة انت و ويهك

عبدالله: السنه اليايه

مساعد: السنه الجايه انت يالأثول ماتكون معاانا...ولا ناوي تعيد السنه منت ناوي تروح الصف السادس..

كانت تستمع إليهم... بهدوء واهي امجتفه ايدها حدهم مندمجين بالسوالف محد انتبه لها لما وقفت عند باب الغرفه تسمعهم...

اسماعيل سحب بطل الماي من جنطته وطشر الماااي على ربعه...

عبدالله سحب البطل وحااول يرد له حركتــه..

مساااعد بداا يطشررر العصيررر..

وسط قهقآآت ودعابات ....طشرروا على ابله وحش مااي دون مايحسون وفجأه صاار هدوووء..وتنح مساعد واهو يقول: ابله انتي هني؟

طاحت خدود بدر واهو يقول للأبله: ابله لا تزعلين انشالله السنه اليايه نلعب احسن

عبدالعزيز: ابله والله من هالابله اللي لابسه اسود ماتخلينا كل مره تصفر

قعدوا وكأن خيبة الأمل بانت عليهم ....نظراتهم بالأرض...وكأنهم يلومون نفسهم..

ابله وحش: انتوا احسن منهم...( بلهجه حاده)..بس الحظ يلعب دور..وانتوا ماكنتوا متفاهمين..انشالله المره اليايه انكسررررررر راسهم عددددل

مدت كفها ..

تقدم عبدالله بهدوء ومد كفه..

اسماعيل يه وحط كفه

حمني حط كفه..

بدر قااااال : يب ..( وحط كفه..)

واحد ورا الثاني..


وصرخوا بأسم مدرستهم..

*************
لبسوا وراحوا غسلوا راسهم بالحنفيه بمااي بااااارد..

ومشوا صف كاامل منظم لي باب المدرسه..وركبوا الباااص..

وهني ابله وحش قالت بصوت هادي: حرك محمد.. ماكدونالدز البحر...

حمنىىىىىىىى: حلفي ابله

ابله وحش: اي بس هاااا(واهي تحرك صبعها وتهدد) ان قلتوا حق احد من صبيان المدرسه ان احنا رحنا ماك او حسيت ان احد درا وو وصل الحجي للناظره ياوييييييييلكم..( ابتسمت ...واهي تضحك)..حرك محمد حرررررك..

( واهي تضحك لخبالهم لأنهم بدوا يصفقوون ويغنوووون...ويطبلون علىى قوطي الكوكيز ...رد السايق فيهم قري وحررك... بدت تلمح الزرع اللي جدام المدرسه يطوف جدام عينها..يودعها....)
================================================== ==

لحوول انتي من قالولج اهلج عن هالطلعه وانتي مو على بعضج

ابتسمت واهي ساهيه وكأن نظرها بدأ يخترق الهوآء من شدة تركيزهااا: ايي..مافيني صبر ونس

ونس( واهي تبلع لقمتها...وماسكها بيدها صمونة الجبن ...بدت تحرك ريلها اللي قامت تتدندل فوق المقعد الخشبي اللي وسط ساحة كبيره في المدرسه): بيييه ترا باقي وايد....

مريم: براسي شي ياونس

ونس: مريوم انا اقول تركي عنج الريال..والله مايطق بعصا..ترا اهو ماسوه جذي الا لأنه ظامنج وقاطج بالمخبه....اي بني آدم بالوجود يظمن انج له بيحط عليج اكس ويدور غيرج..انا نفسي لو احد يحطلي الشمس بإيد والقمر بإيد ما ابيه...بس الشخص اللي مايعطيني من اهتمامه و وقته ..ودايما امطنشني...اهتم له اكثررر..

مريم: هالكلام الحين ماينفع..واهو ماتركني لأنه ظامنني..اهو ظاامنني من زمااان ياونس

ونس:تركي عنج هالتفكير...واذا اهو مايبيج لأنج تغيرتي..عساه مايشوف شر..ألف من يتمناااج..طاح حظه وحظ من يابته

مريم: ونس بس..

ونس: تركيه عنج ..مارااااح ايييج ذليل الا لما انتي من نفسج تعوفين كل شعور حلو ناحيته....طالما لج مشاعر ليلحين باقيه بقلبج له..مستحيل يرجع

مريم: انتي من وين تيييبين هالكلام ..ونس انتي مو فاهمه..انتي مامريتي بللي انا مريت فيه ولا حبيتي من قبل

ونس:بس انا مو قاعده اعطيج من تجاربي...انا قاعده اتكلم عن قواعد ثابته..الكل يتحجى عنها..سألي اي احد بيقولج ان كلامي صح

مريم: ونس اللي بينا مو شوي..اكيد بيوم

ونس( قاطعتها): اللي يروح مايرجع...وان رجع..مايرجع مثل الأول..

مريم: انا بديت اخاف....ونس...انااا..ما اتخيل نفسي مع غيره

ونس: يا امي..اذا عندج اراده...راح تقدرين..

مريم ( سرحت بعيد عن كلامها فكانت في مساحة التفكير عن لبسها شلون راح يكون وشكلهااا وفجأه قالت): ابي اروح السوق الخميس..واشتري ملابس حق هالطلعه

ونس( خذت نفس طويل وحست انها كانت تنفخ بجربه مقضوضه...او تملي بجره مكسووره):سوي اللي تشوفينه...

[ سرحت بعيد...]

هالطلعه لازم اطلع منها بشي..

مستحيل اخليها تطوف ..دون ولا شي..

ضاري راح يكون قريب مني..

ولي صار قريب..

راح احاول اذكره بأيامنا..

يمكن يحن له...ويرجع

يمكن يرجع..

================================================

دخل فريق مانشستر....عفوا" فريق مدرسة الـ***** بنين

والكابتن كريستينو رونالدو..عفوا" الكابتن عبدالله..

~ ماكدونالدز البحـــر~...

الساعه 11 ظهرا"..

اختآروا طاولــه مميزه ..بالطابق الأول..

وقريبه من الجآمه...عيال الكويت هواش دايما منو يقعد يم الجامه..(الواجهه الزجاجيه)

بالطياره..بالمطعم..بالسياره..اينما ذهبت...ترا عرآك..وصراع...حول منو يقعد بهالمكان المقدس..واللي يقعدون بعيد عن هالمكان تشوفوهم يخزون وحاقدين..على القائد اللي تولى شرف الجلوس على هذا العرش..

يحبون يتأملون مشالله عليــهم..نكمل..

قعدوا على الطاوله واهما مندمجين بالحديث الشيق...وابله وحش معاهم ع الخط ...

مساعد اهو قائد الحديث...والقائد الآخر اللي امجعمه دائما"..اهو عبدالله..

مساعد: انا ابوي مدرس بالجامعه بس ماودي ادرس بالجامعه اخلص وادخل الجيش واقعد بالجااااااخورررر كل يوم جاخووور

عبدالله: انا بدرس الاخراج بصير مخرج سينما

ابله وحش: من وين ياتلك هالفكره انت

عبدالله: كل يوم اصوووور اصور.. ابوي جافني ( شافني)..و جان دخلني المركز العلمي

حمني: انا بقعدددد بطاااااااالي بناام بنام وباكل هارديز

بدر: انا بصير مثل ابوي..اوقع واكتب واروح مجلس الامه على كيف كيفك هناك

ابله وحش: وانت اسماعيل

اسماعيل: انا بصير دكتور صقور ونسور

ابله وحش : هههههههههههههه والله انتوا عليكم مخططات مستقبليه تبشر بالخير..وانت عزوز

عبدالعزيز: انا بصير طيااار

ابله وحش: خخخخخخخخخ لا خوش انشالله تصير طيار...وانت عثماان

عثمان: انا بفتح محل دسكات

ابله وحش: لا مخك تجاري مشالله مشالله

مساعد: ناقتي ياناقتي لا رباع ولا سديس..

الشباب: سديس..

مساعد:وصليني لابتي من ورا هاك الطعوس

الشباب( اللي موفاهمين شي ): طعوس..

مساعد:


وعيشتي مابين أسـوداً ولـو مانـي رئيـس
(خير من كوني رئيساً على شلقـة تيـوس)

الصبيان ردوا بصوت عالي: تيووس..

مساعد: وليس عيباً إن خدعنـي بمكـره كـل هيـس
لان مايفهـم بمكـر الهيـوس الا الهيـوس

الصبيان بصوت اعلى: هيووووس

ابله وحش تدخلت: مسااااعد ( خزته)

مساعد: والله اللي صار اليوم ذكرني بقول الشاعر..: ناصر فراعنه..صح لسانه

ابله وحش: والله انك منت هييين..شقلت انت مافهمت شي

مساعد: يا ابله هذاا شعر..شعر..مو اي احد يفهمه..

ابله وحش: انت تفهمه

مساعد: افا يا ابله ..وشلون ما افهمه..

ابله وحش: قام يشعر بو الشباب...

عبدالله: انا اقول انطم احسن

قامت ابله وحش تطلب..

 

[miss 3yara]

اخرج من بوكه ...3 دنانير..ومد ايده ...للهندي...اللي عبى له بانزين..

واهو يشم ريحة البانزين القويه ...وسط محطة البانزين..

وكلام الشيخ نبيل يرقع برآسـه..وكأنه بدا يقتنع..ويرى الأمر من زاويه ايجابيه اخرى..بعيده كل البعد عن السلبيات..

احيانا"....

نستسلم..

================================================== ===========

عجايب: انتي مينونه..لو انا بدالج ما اقعد عنده يوم وااااحد

شمس: عجايب

عجايب: لا تقولين لي عجايب ما عجايب..الريال انا شايفته جدام عييييييييييني يغازل ويلعب من وراااج وتقولين لي انج ظلمتييييه...تجذبيني يعني؟؟؟؟

شمس: انا ماجذبتج

عجايب: وبعدين وين اللي تقول اباخذ منه اللي ابيه واقطه..ولا نسينا كلامج عنه بعد عرسكم بيووووم

شمس: انا

عجايب( تقاطعها): انتي شنوو؟؟ ماتفهمييين..اقولج ماخله بنت وماتحرش فيهااا جدااام عيني شوف عيني هذي وعندج اختي وسأليها

شمس: عجايب خلاص..انا اليوم بفتح معاه الموضوع مره ثانيه

عجايب: فتحي الموضوع شتنطريييييييين ..هالفرصه ماااتتكرر...وباجر لي شافوج زينه عطوج تايم ممتاز..يعني على 8 بليل..او الصبح ...

شمس: خلاص اليوم بكلمه...( واهي سرحانه بالنافوره اللي قاعدين صوبها..والماي يتطشر بشغب....طالبات الكليه هني وهناااك..

والتجمعات جدام قسم التسجيل كبيره..خصوصا" ان التسجيل للصييفي بلش..وان الكورس بدا ينتهي..

او شارف على الا نتهاء....)

كم من السهل ان نتصارع مع الآخرين

وكم من الصعب ان نتصارع نحن وذاتنا..

مشاعر ملخبطه مفاهيم غير مفهومه

حقائق مشوهه..

اقاويل..اكاذيب..غش....في غشششش

==================================================
دخلت البيت ولقت امها تنهال عليها بالأسئله...

وسط الصاله المبعثره بها اطقم الغفنات هني وهناك..من اللون الاخضر الحشيشي..الى البرتقالي...ودرجاات من الألوان المختاره بعنآيــه...وتحت الثريه ...وقفت تتأمل

امها مشاعل برزت ( ظهرت) من المطبخ واهي تمسح على مريلة الطبخ: هااا بشري كلمتي البنت..

وحش( ابتسمت): يمااااه..ردي السلام قبل..

مشاعل: وعليكم السلام والرحمه..جاوبيني..كلمتييييييها؟

وحش: لا ..ماكلمتها

مشاعل: ليش شتنطرييييييين انتي..

وحش: يمه...هدي...الريال لازم يتوظف قبل..باجر انا بغيب عن دوامي وباخذه مع اوراقه نشوفله وظيفــه..قبل لا نخطب البنت..لازم نظمن له الوظيفـــــــه..

مشاعل: استغفر الله..وشكثر يبييله على مايلقى وظيفه

وحش: اذا دورنا بالشركات الخاصه...يمكن نحصل اسرع

مشاعل: قوليلي شكثر يبييييييييييله عشان نخطب

وحش( سرحت تفكر): الله يسهل يمه الله يسهل..نجبي الغدا انا بصعد ابدل..

صعدت بخطوات ثابته على درجات الدري...و وصلت الى الطابق الأول...وعلى طول شافت فهد قاعد بالصاله اللي فوق بيده الريمونت كنترول

وحش: السلام عليكم

فهد: وعليكم السلاااام

وحش خذت نفس طووويل وقعدت على الغنفه واهي امركزه على شاشة التي في..اللي كانت على قناة الوطن اللي عارضه مسلسل الخراز..

نطقت الفنانة..حياة الفهد وقالت: الكويت صغيره..وكلنا عيال قريه..وكلن يعرف اخييه

وفجأه سمعت قهقهاات فهد...

وحش: شيضحك؟

فهد( واهو مازال يقهقه): ههههههه تقول الكويت صغيره....زين ليش الكويت صارت قاره مستقله لما راحت هند..

وحش ( اطبقت اسنانها لكنها حاولت تلعن ابليس وتستهدي بالله): انت وبعدين معااااك؟؟؟

فهد:هههههههههههههههههههه الكويت صغيره..الكويت صغيررره...

وحش: باجر من الصبح تطلع معاي نشوفلك وظيفه..حتى لو مؤقته..بس عشان نقدر نخطبلك

فهد: ههههههههههههه انشالله...الكويت صغيره خخخخ

وحش( عفست ملامحها): وخل اشوفك تقوول ماني رااايح..

فهد: انشالله انشالله ههههههههههههههههههههههههههههههههههه

حست انها لو بتقعد اكثر معاه راح تستخف وتفقد صوابها.ابتعد بخطواتها إلى عالمها...

وهني..انغمست بالتفكير..

فيــــــــه

اي..
عليكم نور

~ بمشآري~

==================================================