غلطت على زوجي وهذا التالي!!!

[كربون امها]

حبيبتي محد راح ياكله غير المراه لانها الاضعف
حاولي اذا عصب ماتردين علي تلتزمين الصمت لان الرجل في
حاله عصبية ممكن يسوي شي موبصالحج اكيد تجيكم لحظات
حلوه بالحظات هذي قوليله عن تصرفاته وعيوبه اكيد راح يخ
وبعدين شي ثاتي ماسالتي نفسج ليش كله هواش وكله معصب
اكيد في خلل بالعلاقة الخاصة لان هذا الشي يخلي الريال
متنرفز ويهاوش على اتفه الشغلات عالجي المشكله بسرعة
قبل فوات الاوان والله يوفقج

 

[سارة ة]

ووووواي الله يعينكم انتي بعد الله يهدداج المفرووض تمسحين حششكم وسوالفكم اول باول

 

[شرغوفة]

السلااام عليكم اختي الغالية لا تزعلين مني بس انتي الغلطانة اشلوون اتسبينه واشلوون تخلين اختج بعد اتسبه الغلط غلط والمشاكل الي قاعدة اتصير كله منج لو انج اتعالجين مشااااكلج بطريقة حكيمة ماا وصلتي لي هالمرحلة والله يهديكم لبعض

 

[reem93]

الله يعينج ..​

 

[سفيره الكويت]

سابه ريلج وغلطانه عليه ومتحجيه باهله وماتبينه ياخذ موقف دفاع عن النفس اللي سواه قاعد يهيأ لطلاقج ولو ماكان يحبج ماردج البيت

مره ثانيه جان اخذ وحده ثانيه ونساج اصلا حرام تغلطين على ريلج اللي سويتيه صعب يتصلح مايتصلح الا يوم تصلحين قلب زوجج وقلبج

لانكم اثنينكم انجرحتوا قعدوا مع بعض قعده عقلانيه وعتاب احباب بدون مشاكل وعوار راس وشوفوا شتطلعون فيه

 

[Kensington]

عيب عليه شكله شخصيته مش كويسه بكل تصرفاته من انه يتكلم عن اهله بكلام موزين عندك
وانه ينقلهم هالكلام كانه تصرفات حريم
الله يهديه او يرزقك بواحد احسن منه

 

[أم حورية]

الموضوع بعده حار نطري لما يبرد وبعدين تقدرين تدقين على ابوه اذا بغيتي وقوليله ان انتي ما غلطتتي عليهم وان كلامج عن ريلج بس واعترفيله بغلطج وقوليله انج تسامحتي من ريلج وقوليله يكلم ريلج

وتالي لي ردت الامور شوي غيري معاملتج مع ريلج اذا ريلج عصبي لا تكلمينه وقت الهوشة كللش نطريه لما يهدا تالي فاتحيه بالموضوع اللي مسبب الهوشة

وان شالله الله يهدي النفوس ويهديكم *

 

[shak!shoka]

والله مشكلتج كلها بزوجج مو تراضيتوا
بعد شنو حركات اليهال هاذي ؟؟

انا اقول
مسكي لسانج
ولاااا تخلينه يمسك عليج ممسك و مني و رايح اذا بتحشين تمسحين اول باول


بس هم اهو غلطان شالعقل الصغير



الله يهديكم انشالله

 

[زعنوفه]

حبيبتي اي احد يطلع من طوره يقط خيط وخيط عادي انتي بشر مني ملاك
بس دامج تراضيتي معاه ليش فتح الموضوع مره ثانيه؟؟؟
قعدي تكلمي معاه انت تبيني ولا لا انا غلطت واعترفت وخذيت بخاطرك ليش رايح تشهر فيني ؟؟؟
معناته انت بايعني؟؟؟؟ ولا شنو تفسير الي سويته
قوليله حتى انت لمه تزعل تغلط مو بس انا

وحاولي تتفقين معاه ان الكلام الي بينكم والخلافات لا تطلع من البيت لانها راح تكبر وفهميه انك لمه لمه تطلع الكلام بره معناته انك بايعني

وانتي حبيبتي بعد طولي بالج مو كل الرياييل تصرفاتهم صح اميه بالاميه وترى كلهم يغلطون ويشطون ساعات عاد انتي بعد لا تدقين وايد وحاولي تكسبينه
انتي من الاول تقولين اهو عادته يتكلم بفلانه وعلانه يعني طبع بس هالطبع خايس حاولي تسنعينه ترى والله واااايد حريم اهي سنعت رياييلها وعدي نفسج وحده منهم وسنعيه تعبي معاه شوي وترتاحين طول عمرج معاه
الله يسخركم لبعض ويصلح ما بينكم
ولا تنسين الدعاء حبيبتي
طولي بالج يا قلبي اهم اهله ويعرفون طبعه بعد ​

 

[ماعرفتك زين!!]

مشكورات خواتي عالكلام ماقصرتو
انا لما تراضيت انا وياه قلت له بطلب منك طلب قالي شنو؟قلت امسح المحادثات عشان تبين لي انك سامحتني قالي والله بمسحها بس موالحين بعدين ومنها عرفت انه مبيت النيه
والشي الثاني انا ماغلطت على اهله اهو اللي يغلط عليهم وهو رايح قايل لهم اني انا قايله هالكلام
صح انه اختي غلطت على اهله بس غلطه وحده لانه اهو اللي شربكني باهله ولما طلعت بيت امي بعدها بيومين كلمته قلت ليش سويت جذي وعاتبته بهدوء واحترام بس قل ادبه علي وقالي تخللي ببيت اهلج واذا تبين الطلاق اخلعيني
والله يابنات منافق لو انه بيني وبينه اوكي بس رايح ومتكلم عند اهله عني وظالمني بكلام هو قايله عنهمالمفروض انا ازعل وحتى الوتس اب يحط توبيكات سب وشتم بشكل موطبيعي حتى معطيني بلوك والمفروض انا هم اسوي هالاشياء
حسبي الله ونعم الوكيل

 

[ماعرفتك زين!!]

اب اب

 

[المحبة للاناقة]

طولي بالج وبتمر السنين او يندم على اللي يسويه فيج الظاهر توكم اول الزواج

 

[LadY BuG 80]

حشيت فيه عند اختي و قلت عليه كلمه وصخه ؟؟؟؟؟؟؟

و بعدين عرف و وزفني و قالي ق**** ؟؟؟؟؟؟؟؟؟؟ نو وايي .... اوووه موندوووو ( اووه ماي قاد ) بلفرنسي

الفاظكم ؟!!!!!!! وععع حبيبتي انتي وياه قصوا ليانكم و غسلوها 7 مرات ...

ايش هلكلام

اشلون تسبينه عند اختك ؟؟؟ طيب انتي خنقول معصبه اختك اشلون ما قلت لك عييييييييييييييب

و هاذا اشلون لفض هلكلمه على مرته ؟؟؟؟؟؟؟ ولله مره زوجي عصب و قالها عن وحده اعرفها من ايام اثانويه و تقززت منه اشلون لفظها قدامي .. يومين مو نازلي من زووووووووووووور كان همجي و سوقي

اشلون يقولها لكي ؟؟؟؟؟؟؟؟ اول شي انتي وياه بطلوا هلافاظ نهائيا الاحترام بين ازوجين لو راح ما يرجع . حافظو عليه من البدايه

.. لا و كل يوم البنات فاتحين موضوع كيف تكونين انثى و دلوعه !!!!!!!!!!

اي انوثه و اي دلع


مجرد ما سمعتيه يسب على اهله و في عرضهم و شرفهم .. ما خفتي على نفسك ؟؟؟؟؟؟

عاش بينهم و ما حشمهم اشلون انتي الي عرفها امس ؟؟؟ و هاذا هو بانت بوادره

الله يستر عليكي بس بكره كللل شي قاله عنهم راح يجيكي اضعاف اضعافه .. كان وقفتيه عند حده و ما سمعتي له

انتي تقولين هم زينين معاي و انا تمام وياهم ... صدقيني بعد ما قال الي قاله عنهم و يكرهم هشي بينعكس عليكي مع الووقت و بتصيرين تعاملينهم نفس معاملته لهم و نفس الاحتقار ( انا اتكلم من الي شفته بعيني ) ولله قدامي و في عايلتنا 2 نفسكم و هم الفاظهم بذيييييئه مع بعض ,, و اخرتها ما تحملت كرهه لاهله و كرهته هو و اهله و سبته

و هو ما قصر خلاها اوصخ من بنات اليل و سبها قدام اناس و للاسف بينهم 2 اطفال هاذا بس الي كسر خاطري

الله يهدينا و اياكم​

 

[منال $]

والله ياقلبي الصراحة مو عارفة شو اقلك
يعني بالله عليكي في وحدة تقول لزوجها الكلمة الي انتي قلتيها هدا ادا ما كنتي قايلة شي تاني ماحكتيلنا عنة
لا والمصيبة كمان انة مكتوب ومعو نسخة منة
والله مشكلة الصراحة

مافي عندك حل الا انك تحاولي تعتذري منة ومن اهلة
وبالمستقبل لو صار ما صار وتزاعلتو ازعلي علية بس مش بهدا الاسلوب وهالمستوى
امساكا بمعروف او تسريحا با حسان
ما بدي ازيدها عليكي بس انتي غلطااااااااااااااااااااااااااااااااانة

حاولي تنهي المشكلة وتعتذري

والله يسهلك

 

[قــل مـا تـشـاء]

ماشاااء الله يتكلم بعرض أهله ؟؟!!!!!!!!!!!!!
مهمااا كاااان مايصييييير أصلا ريلج على جذي ماله صاااحب
اللي مافيه خير لأهله مافيه خير للناس .!
خله يعدل من نفسه أول تآلي فكري في ردتكم لبعض
واذا تكلم عن أهله قولي له كما تدين تدان باجر بيون له بنات والله يستر عالجميع

 

[حجيه هيونه]

السلام عليكم شلونكم بنات
بختصر لكم السالفه انا وزوجي هالفتره مشاكل موطبيعيه تصيرلنا كرهنا بعض وانا كرهته اكثر بس امشي الحياة معاه كل فتره هواش ونفترق ونرد لبعض
قبل شهر وشي كنت في بيت اهلي زعلانه كان حيل غلطان علي وطلعني هو من البيت الساعه 12 بالليل واهلي زعلو قالو مهما كان ينطر الصبح مولهالدرجه ماكو غيره؟؟
وكان بيني وبين اختي كلام بالواتس اب وانا غلطت عليه واهيا بعد واغلطت على اهله بس انا كانت كلمتي حييل وصخه ماتنقال لرجال وكنت حزتها متحامله عليه لانه من ورى رمضان ماارتحت من مشكله لمشكله على اتفه شي
المهم قبل اسبوع تراضينا وردني البيت وكانت امورنا سالكه الحمدلله بس هم بعدها تهاوشنا على سبب تافه وقام طلقني واخذ تلفوني وشاف الكلام اللي بيني وبين اختي اللي نسيت امسحه وقعد يصارخ ويغلط وماخلا شي ماقاله حتى قال انتي ق.... الكلمه الوصخه لانه قرا كلمه وحده عنه موحلوه وادري كان معصب وصور الصفحات ودزها لتلفونه وبعدها انا اعتذرت منه وقلت انه اللي صار كان قديم وكنا متزاعلين وانا غلطانه وبست راسه وتراضينا وجذي وخلصت السالفه
الصدمه انه اليوم رايح موري المحادثات اللي اهو مصورها من تلفوني لابوه ومرت ابوه اللي مايواطنهم بعيشة الله مع انهم زينين بس زوجي انا اعرفه من النوع اللي ماله رفيج بس لانه اختي غلطانه عليهم مو انا ويبيهم يشوفون غلطي واهو اصلا كلام اختي مو كلامي شربكني باهله حسبي الله عليه ووراهم الكلام الوصخ اللي انا قايلته عنه وكلام اختي وكل شي
انا شفته جذي شلت اغراضي ورحت لامي لانه صدمني وجرحني وتكلم فيني عند اهله وزاد على المحادثه كلام اهوا قايله لي عنهم ورايح قايل لهم انه مني هالكلام واهو ظلم
بنات مادري فهمتوني ولا لأ حدي مقهوره وصج كرهته لانه ماكوزوج يسوي جذي انا حيل زينه معاه ومع اهله وكلهم منصدمين يقولون ليش تقول عننا جذي احنا شنو سوينا لها وانا والله ماقلت عنهم شي كلها بهارات منه عشان يوقفون معاه ولو شنو ماسويت بيتم ولدهم ويصدقونه والله من اليوم ابجي من القهر مع انه قايل لي كلام لو اقوله لهم والله مايدخل بيتهم والله متكلم باعراضهم واعراض بناتهم وانا كنت كله اقوله الله يستر عالناس انا مالي شغل اذا بتقول شي روح قولهم
بنات شتصرف والله موقادره انام من القهر
حسبي الله ونعم الوكيل:eh_s(2):

اكوريال صاحي يسوي جذي !!!!!!!!


بصراحه ريلج يبي له طراق يسنعه من اهلج عشان يعرف شلون يحافظ على زوجته مو يروح يتبلى عليها ويوري كلامها الخاص حق الناس حتى لو كانو اهله

صج تافه لاتزعلين مني بس ماعندي غير هالكلمة اقولها عنه على تصرفه هذا

 

[جوري 2007]

وااي من صجه ! اكو واحد يوري اهله هالكلام وانتوا اصلا متراضين !!

الحمدلله والشكر ،، حبيبتي نزلي حق مرت ابوه وابوه بس مايكون ريلج موجود وحبيهم على راسهم وقوليلهم والله اني احبكم وشاريتكم

واذا صدر مني اي شي فمن حرتي منه وتعامله وانا آسفه

اما اهوة فمادري صراحه اشلون تتصرفين معاه استغفر الله

 

[cute_batoota]

مشكورات خواتي عالكلام ماقصرتو
انا لما تراضيت انا وياه قلت له بطلب منك طلب قالي شنو؟قلت امسح المحادثات عشان تبين لي انك سامحتني قالي والله بمسحها بس موالحين بعدين ومنها عرفت انه مبيت النيه
والشي الثاني انا ماغلطت على اهله اهو اللي يغلط عليهم وهو رايح قايل لهم اني انا قايله هالكلام
صح انه اختي غلطت على اهله بس غلطه وحده لانه اهو اللي شربكني باهله ولما طلعت بيت امي بعدها بيومين كلمته قلت ليش سويت جذي وعاتبته بهدوء واحترام بس قل ادبه علي وقالي تخللي ببيت اهلج واذا تبين الطلاق اخلعيني
والله يابنات منافق لو انه بيني وبينه اوكي بس رايح ومتكلم عند اهله عني وظالمني بكلام هو قايله عنهمالمفروض انا ازعل وحتى الوتس اب يحط توبيكات سب وشتم بشكل موطبيعي حتى معطيني بلوك والمفروض انا هم اسوي هالاشياء
حسبي الله ونعم الوكيل

حبيبتي طبعاً الغلط من الطرفين بس اشوف ان ريلج الله يهديه غلطه اكبر :bbbiu: وغبطة هذا كانه واحد بايع ومن كلامج الي الحين كتبتيه والله اعلم ان اهو موناوي يسوي شي عشان احل المشكلة او يردج اهو أشكرة قالج تخللي وخلعيني وعلى فكرة اذا للحين مسحات السب عنده ممكن اذا ما يخاف ربه يستخدمهم ضدج لا سمح الله اذا فكرتي تطلبين الطلاق فأحسن حل انج اردين بيتج لان اهو مو ناوي اردج واول شي تسويته من غير ما يدري ان تمسحين المسجات الي صورهم وحاولي انج تغيرين من طريقة تعاملج معاه وتقللين من حدة النقاش والهواش واذا ما فاد الله يعينج اذا ما عندج عيال منه الله يعوضج بغيره بس اذا عندج عيال تحملي والله يعينج والله يصلح الي بينكم يارب ويسخرلج زوجج لج ويهديه ويحنن قلبه عليج:yaaaaaarb:

 

[لميس نفسي]

اختي الله يهديكم يارب

قوليله انا كنت معصبه تغاضي عند اشيا انسي

ترى الرجال ماينسى بسهووووله الا اذا انتي حاولتي كثر ماتقدرين تنسينه هالشي


الله يهديكم ويردكم لبعض


كل شي بالتفاهم وانا مادري شقولج


بس مفروض انتي ماسحه المحادثه واهو شكو ياخذ تلفونج شنو ماكو خصوصيه ؟؟؟

 

[سميته الغلا كله]

تسمعين نصيحتي!!
شفتي الكلام اللي كتبتيه هذا كله وحرقة قلبك
روحي توضئي وصلي لله ركعتين وادعي ربك
ابكي لله عزوجل واشكيله لانه هو القادر على حل مشكلتك
ويفرجها عليكي من اوسع ابوابه
تذكري قول الله تعالى ( اليس على الله هين)
صدقيني الجئي لله وشوفي واكثري من الاستغفار والتسبيح
وقيام الليل
يكفيكي الراحة النفسية اللي بتكوني فيها
واهل زوجك تاكدي بيعرفون الحقيقة عاجلا او آجلا وبيعرفون انه ظلمك
لكن نصيحة من اخت لك اصلحي مابينك وبين الله يصلح لك امورك كلها
اسال الله ان يريح بالك ويهدي حالك ويجمع بينك وبين زوجك بخير