غلطت على زوجي وهذا التالي!!!

[كويتية222]

الله يهديكم لبعض

وتوبوا يا حريم من سوالف الواتس اب كل شي مسجل وماتدرون منو يقراه ويشوفه لو مهما تحرصون

 

[عاشقة الاسلام]

الله يهديكم يارب

 

[المها الابيض]

الله يهديكم ويصلح بينكم يارب
بس المفروض ماتحشين فيه ولابأهله كلش كلش لي شفتي اختج قوليلها اللي بخاطرج
بس مو بالتلفون ولابالمسجات بعد الواحد ياخذ حذره مافي ريال يرضى علي نفسه وعلى اهله
وهو الله يهديه تصرفه تصرف يهال شلون يوريهم الحوار
شكله زوجج اناني مايفكر الا بنفسه الله يعينج اقري بالنت شلون تتعاملين مع هالشخصيه

 

[سكوتي بذوقي]

غلط تتكلمين عنه وعن أهله بسوء

مهما كان شي بينكم اختك المفروض ماتعرفه

وتطلعين زوجك دايم سيء

هو استغل هاالفرصه علشان إذا صارت بينكم أي مشكله

يقوم يذكرك بالكلام اللي قلتيه مع اختك وهو غلط يوم قال حق أهله

الله يسخركم لبعض يارب

 

[اطياب طيبه.أم عبدالله]

الله يهدي النفوس
مهما كان وصار ابدا ما اغلط عليه لا جدامه ولا وراه

خلي السالفه تطخ واستغفري ربج وعاهديه انه ما تطلع لامنج ولا منه الشينه ابد

 

[Beyoncee]

الله يعينج انتي غلطانه واهو غلطان
نصيحتي فجوا ابتعدوا عن بعض شوي عشان كل واحد يحاسب نفسه
حاولي ما تدخلين اى أطراف ثانيه بخلافكم لا تكبرين المشكله

 

[ماعرفتك زين!!]

الله كريم

 

[ماعرفتك زين!!]

بنات اهوا اصلا مايحب اهله حيل يعني من طريقة كلامه عنهم مااعتقد في احد يحب اهله ويتكلم عنهم جذي بس اللي حرني ليش يسامحني بعدين يروح يفضحني عندهم؟
بصراحه انا موقادره اكمل معاه احسه انسان مونظيف من داخله وخبيث وانا ماقدر اعيش جذي مهما كان انا زوجته موعدوته
بطلب الطلاق منه
وحسبي الله عليه وعلى كل من وقف معاه

 

[ماعرفتك زين!!]

وينكم بنات؟

 

[سفيره الكويت]

انتي تبينه او لا قولي الصج وخلج بعيده عن فيه او مافيه انتي تحبينه او لا ياقلبي؟

 

[ماعرفتك زين!!]

بصراحه كرهته عقب مافضحني عند اهله لوشنو ماصار انا زوجته سري اهو سره المفروض مايسوي جذي حتى انا مادري شلون بواجه اهله شي يقهر ويضايق بالوقت نفسه

 

[ToOoT"Q8]

لا حول ولا قوة الا بالله. ... حبيبتي مالج ألا الدعاء وكثري استغفار والله بيفرجها عليج ان اشاء الله

 

[a7вĸ мσσστ]

الله يفرج همك ويسر امرك ويسخر لك زوجك امين

 

[عطرالكلام]

المشكله في بدايتها كبيرة بس شوي شوي مع الايام بتصغر
ربي يصلح الامور بينكم

 

[كويتيه مذهله 87]

والله اثنينكم غلطانين بس حاولي تبررين موقفج وتقولين لاهله هذا جذب علشان لا ياخذون عنج فكره مو زينه وحاول يتصفين معاه النيه

 

[FeShinGoOo]

مايستحي على ويهه شنو سوالف الحريم هاذي يقعد يفضحج جدام الله وخلقه ويبي يطيحج من عين اهله مع ان علاقتكم طيبه شالخبث ؟؟ الصراحه ريلج ناقص عقل حتى لو غلطتي هالشي بينكم المفروض مايطلع سوالفكم برى ومايفضحج خاصه وانج مرته الي شايله اسمه ..

 

[ذكريات الحب]

والله الله يعينج !!!

بس اقولج شغله مع احترامي لزوجج هذا مو رجال !!

لانه هالنوعيه سبق ومريت علينا ..زوج اختي .. عفوا طليقها .. وابوي طلق اختي منه ...

لانه هذا اللي يتكلم عن عرضه جذي توقعي يسوي اكبر من جذي ..

شوفي جدامج طريقين .. اما انج الحين تسكتين وتقعدين فبيت اهلج تتجهين لله وتوكلين امرج بالله وتثقين بالله انه يحل لج امورج ..
يعني اصبري وبعدها ان رجع لج ربيه ...

غيري حياتج كلها معاه ...

كل شي بحدود من جديد وربيه من جديد ...

لاتفقدين اعصابج بيوم ولا شي تكون حياتج بالعربي تحت دراسه مشدده منج انتي ..


او انج تفتكين من هالعيشه اللي كلها مشاكل مع رجال غير سوي ومومتوازن ...


بس انصحج بالنصيحه الاولا ..


ربي يستر عليج ويرفع عنج ..

 

[خليفة العظماء]

انتي غلطتي انتي وختج دامج زين معاهم ليش تطبون بنام حرام هذي نميمه مايجوز


الله يردكم لبعض

 

[خليفة العظماء]

انتي غلطتي انتي وختج دامج زين معاهم ليش تطبون بنام حرام هذي نميمه مايجوز


الله يردكم لبعض

 

[جنون الهوى]

الله يعينك​