غلطة امي(قصة واقعية)

[الملالة]

بسم الله الرحمن الرحيم

السلام عليكم

اليوم حبيت أشارك بقصة وبصراحة ترددت قبل ما اكتبها وهي واقعية وأحداثها صارت بمنطقة سلوى واصحاب القصة استاذنت منهم قبل لا اكتب القصة وعطوني الموافقة مع تغيير بالاسماء.. وأخليكم الحين مع الفصل الأول

********
قامت لطيفة من النوم على صوت المنبه وكانت حدها تعبانه لانها نامت متأخر امس وكانت تدرس لان عندها امتحان بمادة الانجليزي وعلى فكرة اهي اخر سنه ثانوية عامةبثانوية خالدة بنت الاسوداللي بمنطقة سلوى ،، قامت من الفراش وهي تتمطط بدلال وكسل وبعد مانتهت من الحمام ولبست ملابس المدرسة خزت روحها بالمنظرة باعجاب وتبسمت كانت جميلة بشكل ملفت للنظر شعرها أسود ناعم وفيه لمعة غريبة،، وعيونها واسعة وحواجبها مرسومة وخشمها دقيق ولون بشرتها مايل على البرونزي وكانت تحس بجمالها من نظرات الناس لها.. وكانت وحيدة امها ،، لان ابوها انفصل عن امها بعد ولادتها بشهرين يعني ىما عندها اخوان الا من ابوها وعلاقتها فيهم سطحية،،المهم طلعت من غرفتها وراحت الصالة تنطر امها تقوم من النوم ..علشان توصلها المدرسة ..طولت الام وما طلعت من الغرفة فقامت لطيفة تطق الباب: يما يما.. يلا بسرعة بتأخر على الامتحان متى بتقومين؟؟وما ردت عليها امها فاضطرت انها تفتح الباب وتدخل على امها..شنو شافت؟؟ راح انعرف بعد اشوي؟؟

 

[الملالة]

يلا بنات ابي تفاعلكم علشان تشجعوني اني اكمل القصة:eh_s(21):

وين التشجيع؟؟:rgewrg:

 

[الملالة]

دخلت لطيفة الغرفة وبغت ترجع من الريحه اللي شمتها كانت الغرفة فيها ريحه غريبة ركضت صوب الدريشة تبي تفتحها فصرخت عليها امها صرخة خلتها توقف بمكانها ...
الام:: لا تفتحين الدريشة شفيج ؟؟ شتبين؟؟ يعني ما أقدر أنام؟؟
لطيفة: يما ريحة الغرفة كريهة ،، وبعدين انا تأخرت على المدرسة وعندي امتحان الله يخليج مو كل يوم توصليني متأخرة ويزفوني األأبلات..
الام: أوووف يلا الحين بقوم اوديج بس طلعي من الغرفة وخلييني أبدل هدومي.
تفاجأت لطيفة بأن أمها نايمة بملابس الطلعة وكانت ملابسها غريبة وما تناسب سنها ..لكن سكتت وطلعت برة الغرفة تنطر امها وعلى الساعة ثمان اطلعت الام من الغرفة وعيونها حمر ومتفوخة ويبين عليها التعب .. وقالت لها :يلا قومي بسرعة والله ابتلشت فيج متى تسوقين سيارة وتفكيني.. قامت لطيفة وهي زعلانة من كلام امها ومن حالتها الغريبة لكن شتسوي الشكوى لله هذي امها وما تقدر تقول لها شي ...
ركبت مع امها السيارة ووصلت المدرسة متاخرة ومسكتها الناظرة وقالت لها مايصير يا لطيفة كل يوم تأخير .. انتي منو اللي يوصلج .. فردت عليها لطيفة وهي منزلة رأسها : انا آسفة يا أبلة أوعدج اني ما أتأخر مرة ثانية بس خليني أروح الصف الحين علشان الحق على الامتحان..
ردت عليها الناظرة: روحي بسرعة وباجر لا تيين المدرسة الا مع ولي أمرج،، راحت لطيفة الصف وهي تبجي ومقهورة من الحالة اللي وصلت لها امها وما تدري شنو السبب ودخلت وقعدت يم رفيجتها دلال: شفيج لطوف ؟ليش تبجين ؟ وليش متأخرة ؟ صرخت الابلة بس يادلال هذا امتحان وانتي يالطيفة اخذي الورقة وجاوبي قبل لا تنتهي الحصة

 

[حلا القادسية]

يلا كامي حلو ةالقصة شوقتيني وتقبلي مرةري

 

[حلا القادسية]

ايشرفني اني اكون اول الردود وتقبلي مروري

 

[@ام المزايين@]

متى الكماله شيصير بعدين....؟

 

[a7la samra87]

كملي حبيبتي انا معاج متابعة شصار
شنو شافت؟

 

[بنت الكويت 15]

حبيبتي قصتج شكلها حلوة لا تحرمينة منها
نحن في الانتظار

 

[@@jwan@@]

كملاااااااااااااي

 

[الملالة]

اي جذي ابي اسمع تعليقاتكم الحلوة اشو يوانزل لكم جزء بس خل انوم ولدي وراه مدرسة:dddds:

 

[دمعه حزينه]

كمــــــــــــــــــــــــلي


خوش قصه مبين

 

[الملالة]

مسكينة لطيفة ما عرفت شلون قدمت الامتحان وشنوكتبت بالفرصة قعدت مع صديقتها دلال
وهي تفكر بامها وبحالتها..
دلال: شفيج لطوف شلي مضايقة قولي لي مو انا رفيجتج واعز صديقاتج.. التفتت لطيفة على صديقاتها وقالت لها: لا ما فيني شي بس تعبانه شوي من المذاكرة وانشاء الله اصير زينه.. الا اقول دلول انتي من الي يوصلج المدرسة كل يوم؟
ردت دلال: السايق واحيانا حمود اخوي يقطني قبل ما يروح الدوام يعني اذا كان دوامه الصبح لانه مثل منتي عارفة اهو ضابط بمخفر سلوى .. بس ما قلتي لي ليش تسألين؟ تبيني امر عليج ترى انا بالخدمة...
ردت لطيفة :بصراحة ما أدري شقول لج بس امي ظروفها هاليومين صعبة وما تقدر توصلني مبجر وبغيتج تمرين علي اذا تقدرين.
دلال: افا عليج شنو هالكلام انا رفيجتج من يوم كنا بالمتوسط ومثل اختج وبيتكم على طريجي يعني عادى ما فيها أي مشكلة.،،، طق الجرس وقامت لطيفة مع صديقتها ودخلو الصف يكملون يومهم الدراسي وصارت الهدة وطلعت لطيقة تدور امها مالقتها فقالت لها دلال امشي اوصلج البيت بدل ما توقفين بالشمس
وركبت معاها السيارة ووصلتها البيت وشافت سيارة امها عند الباب واستغربت (يعني امي مو بالدوام)ليش ما يت تاخذني من المدرسة؟؟؟
طقت الجرس وفتحت لها الخادمة ،، وين ماما؟؟ مامافي الصالة مع صديق مال اهيا.. ردت الخادمة. راحت لطيفة ودخلت على امها واهي معصبة وانصدمت من اللي شافته وصرخت بصوت عالي : شنو هذا شنو اللي قاعد يصير أنا بحلم ولا بعلم؟

 

[دمعه حزينه]

استغفر الله كملي ..

 

[purple80]

انا ما احب انطر كلششش كلششششش

 

[& كلي شموخ &]

متااااااابعه بصمت

 

[الملالة]

صرخت لطيفة بقهر: يمه شنو هذا شنو اللي قاعدة تسوينه؟
ردت الام ببرود: شنو قاعدة اسوي ؟ أدخن عادي نص الحريم اللي بالديرة يدخنون وبعدين لمتى بخش عنج انتي الحين كبيرة وتعرفين مصلحة نفسج،،ردت دلال بحرة وحزن:بس يا يمه مافي مرة محترمة تدخن ويا عالم شتسوين بعد غير التدخين؟ قامت الام من مكانها معصبة وعطت لطيفة طراق على ويها وقالت لها : انا محترمة غصبن عنج وعن ابوج اللي قطج وما درا عنج ذلفي دارج ما ابي اشوف ويهج بالصالة.. ركضت لطيفة ودخلت دارها وهي منقهرة من اللي شافته وسمعته من امها ودخلت وراها الخادمة( سيتا)وقالت لها : بس حبيبي لا يبجي هذا ماما ميخالف ،، فردت عليها لطيفة هذي مو ام الام ما تسوي جذي ببنتها طلعي برة سيتا خليني بروحي،، فردت عليها سيتا مايبي غدا.. وتمت لطيفة بروحها تبجي ومن التعب نامت بهدوم المدرسة.
فتحت عيونها ولا الساعة تسع بالليل ومحد سأل عنها ليما هالوقت ونادت الخادمة: سيتا سيتا وينج ؟ نعم لتوف شنو يبي
وين ماما ؟ ردت لطيفة،، ماما يطلع برة مع صديق مال اهيا تبي عشا؟ ردت لطيفة أي سوي لي عشا على ما اتسبح وبعدين اشوف هالماما وين تروح كل يوم؟
دخلت لطيفة الحمام وهي تحت الدش قامت تمر بخيالها اشياء عن امها ماكانت فاطنة لها من قبل .. دايما ترجع البيت ولطيفة نايمه،، وتتحجج انها مع صديقاتها او كانت بعرس وتاخرت. حتى مرة في يوم الجمعة قعدت لطيفة تدور امها وما لقتها نايمة بالبيت ولما اتصلت عليها قالت لها انها نايمه مع صديقتها بالمستشفى لانها تعبانة وبعد شوي بترجع وما رجعت الا العصر.. ومواقف وايد قامت تدور بمخها.. وقامت تربطها بالواقع الحالي واستنتجت ان امها عندها شئ واسرار بحياتها ما تدري عنها لطيفة ،، بس اشلون تكتشفها وقررت انها تراقب امها وتشوف .. فيا ترى شنو اللي راح تكتشفه لطيفة عن امها ..هذا اللي راح نعرفه بالفصل الثاني من القصة.....
والحين ابي اسمع آراءكم عن الفصل الاول

 

[دمعه حزينه]

وااااااااااااااااااي

الله يسامح هالام

كملي الفصل الثاني بليييز

 

[بيبي ناز]

مشكورة اختي على القصة الحلوة

كملييييييييييييييييييييييي

 

[ReRez]

في وايد من هالامهات بالكويت .. الله يخليلي امي ويطول بعمرها ويخليلكم امهاتكم حمدو ربكم على اللي انتو فيه
وايد سامعه قصص نفس اللي صار مع لطيفه .. ومشكووووووووره

كملي حبووبه

 

[حنطاويه_84]

لووووووووووووووووووول انا كل اشوي اتخيل شي ويطلع لا اول شي تخيلت امها ماتت لما دشت الغرفه وشمت ريحه لووووووووووووووووول وبعدين تخيلت امها قاعده مع ريال لما تأخرت عليها وطاحت عليها لطيفه لووووووووووول من صجي انا مندمجه قولي الفصل الثاني شنو يالله ناطرينج لووووووووووووووووووووول الله يستر شنو بيصير بعدين