السلام عليكم ورحمة الله وبركاته ،،،
بصراحه موضوع شيق وحلو والله يعطيج العافيه ..
انا بختصر لكم بعض الاخطاء اللي يطيحون فيها العرايس ( اللي اشوفه بالكادي ) :
1)
ان العروس تتأخر بحجز زفتها وتأجل هالشي لين قبل العرس باسبوع ولا اسبوعين .. طبعا شي اكيد ان الزفه يتتغنى او بتنقال من شاعر أو أو أو .. وهالشي يبيله وقت بالاضافه الى ان العروس لما تستلم الزفه من الممكن ان اهلها لهم راي يبون يضيفون اسم يعدلون اسم .. فلما تتاخر العروس بالحجز تحكر نفسها بالتسليم لين قبل عرسها بليله او ساعات وبعض العرايس يستلمون بنفس يوم العرس وبالصالون !!
لذلك ودي انبه خواتي العرايس واقولهم (
خلصوا شغلكم مبجر )
2)
بعض العرايس يحجزون من اماكن مو ثقه ،
وانا اقصد الصالون وفستان العرس والتصوير والدي جي ( بشكل عام ) ، ممكن تلاقي اعلان بجريده أو أو أو ويكون رخيص وتسترخص العروس وتحجز .. وتعالي اخذي مفاجآت يوم العرس .... هذي اللي مخربين دخلتها وهذي اللي مكياجها مو حلو عليها واستايله غلط بغلط .. قصص وايد تمر علي بصراحه ..
اخر سالفه صارت معاي قبل تقريبا اسبوع ... وحده مغلوب على امرها من الخوات العرايس دقت علي قبل عرسها بليلتين تبي تحجز زفه فاستغربت انها حيل متاخره وسالتها عن سبب تاخيرها .. قالت انها كانت حاجزه من مكان مو معروف وتم يماطلها بتسليم الزفه لين قرب وقت العرس وسلمها قبل عرسها بليلتين ولما سمعت انصدمت بان الشغل مو اهو اللي متفقين عليه .. !!
اتمنى اني افدت الجميع .. وسلامتكم واسمحولي على الاطاله
