غلطات تجهيز العرايس خلونا نستفيد ولا نغلط :)

[شاتو دو كاتو]

اهم شي يابنات انج تنامين ليلة العرس مبكر عشان يكون وجهج يوم العرس مرتاح ونظيف وفرش انا غلطة عمري اني ليلة عرسي مانمت كنت مواااااااصله وتخيلو ارهاق وصالون وقعده وربي تعبت يوم عرسي

وشي ثاني لاتكثرين عطور وربي بتملين ويمكن يصير حمل وتكرهينها واهم شي بيبي اويل من جونسون لاتشترين بودي لوشن لان مفعولها بسرعه يروح لكن اولر ماتسبحين وانتي الله يكرمج بالحمام قبل لاتنشفين جسمج ادهني جسمج بالبيبي اويل ثم تنشفي وبعدين حطي شوي بودر وبعدين معطر الجسم وشوفي النعومه والريحه الحلوه ..

حاولي تسوين بروفه عند الصالون اللي بتروحين له عشان ماتنصدمين بشكلج بالعرس انا ماسويت بروفه فــ ماحسيت ان شكلي وااااااو بالعرس مع ان الكل كانو يقولون حلو ومرتب حتى زوجي بس حلو انه انتي تكونين مقتنعه بغض النظر عن الناس ..

اهم شي طقم النوم حق اول ليله خذيه فخم مهما كلفج لاني احتريت يوم عرسي ماكفا المهر فأظطريت اني اشتري طقم ناعم نوعا" ما وانا كنت اتمنى اخذ من طقة نعومي وهالشغلات لانها ستااايل وتعطي ترف للوحده في اول ليله يشوفج فيها زوجج ..

حاولي يكون مكياجج ناعم اكثر من انه دفش لان الناعم يبرز الملامح من غير تشويه يعني لاتحطين قوس قزح فوق عيونج اتوقع لون او لونين كافي واذا مكياج العيون غامج الحمره تكون فااااااااتحه واذا الشدو فاااتح الحمره تكون غاااااااامجه .. اعرف وحده من العايله حلوه وملامحها ناعمه في عرسها حااطين لها شدو اسود وحمره عنابيه صايره اووووووفر .. ماعجبتني ..

اهتمي بأسنانج محتاجه تقويم ركبي عندج اسنان خربانه صلحيها سوي تبييض وربي هالشي مهم مع اني ماسويته بس ندمت اعرف وحده شالت سن وركبت بداله سن جديد لانه مو مناسب مع صفة اسنانها لاتقولين مهري مايكفي اهم شي ماتحسفين على شي بعدين ..

لاتكثرين مكياج خذي اساسيات يعني مو تشترين 5 كريم اساس وتطيح بكبدج اشتري اثنين بس واحد خفيف للطلعات الخفيفه والاستخدام اليومي وواحد ثقيل شوي للعزايم والزوارات .. وانصح بماركة فور ايفير وجيرلان وديور اساسهم ممتااااز .. والكحل واحد سائل .. والماسكرا 3 تقريبا" ومو الا غااااليه ماكس فاكتور حلوه وريميل ممتاااااااازه بكل انواعها ..

اعذروني اذا طولت بس وربي ابي افيدكم لاني شكثر شغلات تحسفت عليها ..

ع العموم فيه محل بالسعوديه اسمه ( افتر شوك لندن ) يجنن ستايله هندي وعنده تنانير وفساتين وبديات وجناط تجنن اللي بتقدر تروح له بالخبر لايفوتها في تجهيزها ..

لي عوده ..

 

[QYtiya.com]

شادو دو كاتو ... صراااااحه ماقصرتي عالنصايح الحلوه يسلمووووووو ...

اب
اب

 

[~|{ صـدٌوي }|~]

انا بصراحه كل ماتذكرت شي سجلته بالملاحظات عندي وكاتبه فيها

حجول للريل ودفاية البطن **هذا اسم من عندي خخخخخخ عشان ايام الدوره لانها تعورني حيل وفوط صحيه وفوط صغيره ومره بتشديد الراء وماشات سودا وبشت البر ستايل حلو موبشت رياييل حدهم زوغه بالذات ان عرسي وقت شتا وامممم بس اذا تذكرت بفيدكم

 

[فطوم البطة]

up up upppppppppppppppppppppp

 

[قَلبڪْ صًخرْ]

اب اب

 

[ليـــالــي]

ومـنكم نتـعلـم ..
لايـــوقف كـمـلوا ..

 

[عنووشه]

اهم بعد بالتجهيز انه تكونين تروحين السوق وماعرفه شنو بتشترينه منه

فنخم اشياء مانحتاجها وتكون بسعر حيييييييل غالي


فبنات لا تتسرعون بالمشتروات ولا تقولين انا عروس وبشتري من الغالي لانه المهر بسرررررررررررررعه يطير


وبالتوفيق يارب

 

[ملاك العرب]

مشكوورين عالنصايح المفيده...

 

[ملكة الفن]

شكرا عالنصائح
كملوا بنات

 

[دلال العلي]

مشكورات بنات

متابعه من بعيد

 

[مترجمه]

شوفي غلطتي قطيت 600 دينار على قمصان النوم

واحسن شي سويته شريت ذهب ارتز فيه عند حمولتي والاكسسوارات ما شريت شي ابد منهم

 

[روحي رياضية]

يسلمووووووووووووو

 

[Doodoo.star]

مشكورين على النصايح
انا اقول اشتري صابونة دايسون الحديد بنص دينار عند دايسن
ترى توخر الزفرة لا تستهنون فيها عشان لطبخت وله قصيتي دجاج متحسين بزفرة بيدج

 

[خذااني الشووق]

اهم شي تكتبين الشغلات الي خلصتيهم والي بعدهم بنوته note
عشان تعرفين شنو الي خلصتي وشنو الباقي لج

مثلا شريتي كذا دراعه كاتبتهم وكاتبه الوانهم
الي يبقى انج تشترين الشوز وانتي بكرامه نفس اللون

نصيحه ابدي بالحجوازت (مصوره ميك اب وغيره وغيره الاشياء الاساسيه عشان ماتقطين كل مهرج ع السوق وتتوهقين مع الصالون او بدلة اول يوم)..ة_ة​

 

[خذااني الشووق]

بعض الشغلات الي استفتد منهم بردود البنات​

عدة خياطه
مص
مبخر صغير
فحم​

وبليز بنات نبي فكره عن الميك اب شنو احسن شي ناخذ؟؟!!​

 

[عنووشه]

واهم شي بنات لما تشترون جوتي العرس لازم تتدربون عليه بالبيت وتمشين فيه مسافه طويله لانه دخله العروس طويله ويبيلها وقت لين توصلين للكوشه

وبالتوفيق للكل يارب

 

[UNiQe^PRiNceSs]

شكـــرا على الموضوع

 

[خذااني الشووق]

عفوااا حبوبه

 

[هيزار*]

خوووش موضوع انا استفدت من عده الخياطه
صج الوحده ماتدري شنو يصير بهدومها على الاقل تدبر بروحها مؤقت

انا وحده مره سولفتلي تقول باختصار لا تكثري من ولا شي كل شي منه قطعتين 3 بالكثير
حتى ميكاب كل شي منه شي شي والحمر اخذي اللوان يلي تستخدمينها 3 او 4 وقلوساتهم الاني نزلت السوق عقب الزواج وشريت

ولا تنسون بنات مزيل المكياج مهم
ومقراضه ومال اللحم هذا ما اعرف اسمه واسيتون
واغراض الجمعيه شامبوج وليفتج ومفراكه الاسنان والمعجون شغلات بسيطه بس اساسيه

لا تذكرت شي ولا صار عندي اي معلومه قتلت لكم

 

[أبلة سارة]

دايم العرايس ينسون يشترون اكسسوارات ناعمة وعملية حق قمصان النوم ترى تعطي لوك حلو للشكل