غـــــــثــا الــطــلـــعـــــــــــات ... !!!!!!!! لوووووووول

[om.7madiiin]

رد : غـــــــثــا الــطــلـــعـــــــــــات ... !!!!!!!! لوووووووول

وغير اللي يخزون لان انا و ريلي صغار مو مبين عيالنا طبعا عيالي ميشبهوني و لا يشبهوونااا
مادري يشبهون منوو لووول يشبهون اخواني >>> حدهم خونوو فيني و بأبووهم لووول خربو النسل
يااربي يخزون من فوق لي تحت و يقارنون شرايكم بعد تتمشون معانا و لا تقزون معانا مصيبة صابتهم قطع

 

[سارونهh_a_z]

بما ان طالعاتي معاه بالسنه مره

بالعكس احس احنا الاثنين نكون حدنا مو مصدقين جنا معاريس عسى الله يهدي ولايغير

 

[الأميرة الحزينة]

رد: رد : غـــــــثــا الــطــلـــعـــــــــــات ... !!!!!!!! لوووووووول

لا تزعلين معظمهم جذي

عن نفسي ما أحب أحن ع الطلعة

و لما أحس إنها من ورا خشمه

أقول ما لها داعي إذا ما جت من خاطرك

و أهوا مزاجات مرات يا زين الطلعة معاه ما تنمل

و مرات لأ

بس عن نفسي عموما ما أحب أحن أبد

تسلمين يا عسوله

خوووووووش موضوع​

يسلمج حبيبتي يشرفني مرورج :eh_s(9):

 

[الأميرة الحزينة]

مممم
وايد طلعاتنا ويحب يطلع ويااااي باي وقت
بش مشكلته ريلي 24 ساعه يرن تلفوووووونه لو يكلم من اول مانطلع لين مانرد
بس بعدين يعتذر وانا مقتدرته لانه طبيعته شغله
والله يعين

الله يتمم عليكم حياتي :68_asmilies-com:

 

[لوولووة]

نص الفيلم ينام ولما انروح مطعم لازم الله يحط لي بنات حزب اللقافة والخز

 

[الأميرة الحزينة]

حرااااااااااااااااااااااااام عليج اتقلبين المواجع


اه يابنات شقووووووووووول وشخلي

تخيلوا اذا طلعت انا اقول اذا طلعت لان مو دايم اطلع معاه
مايخلي احد مايسفل فيه واحنا رايحين بطريج وطبعا التليفون ماينزل من اذنه
والحمدالله وشكر يدور المكان المهجور عشان يوديني اياه (عشان علي قولته يكون مرتاح )
واذا طلعنا لازم نطلع (علي قولته مرتبين افكارنا ) يعني اذا رايحين سينما نطلع من باب السياره نتوجه مباشره علي السينما يعني لازم نكون مخططين وين انروح ومايصير نروح غير المكان الي قلناه
ويبط جبدي كل شوي يلتفت يشوف من يطالع منو يخز عشان يتهاوش معاه ...........
زوجي يابنات من النوع الي بسرعه يتنرفز ومايمسك نفسه عشان جذي انا ماحب اطلع معاه
انا ماقوووووووووووووول الا يحلو الطلعه مع خواتي وامي وبنات خالتي وبس ........​

لووول عجبني البيت المسكوون :s142:
الله يعينج حبيبتي ويهديه لج :friends:

 

[الأميرة الحزينة]

ههههههههههههههههههه


حلو الموضووووع


اناااا لاقلتله وديني السوووق ورحت قال خلج ياجنبي او وراي المهم موجدامي

المهم انا مندمجة اطالع المحلات اللي صوبي واندمجت ومشيت زيادة خطوتين زيادة على زوجي

جاان يقووولي لا والله لابعد اشرايج

ترووحين تركضيين بعد

خخخخخخخخخخخخخخخ

نجري درجة اولى

والا اذا سالتة عن شغلة او قلتله عن شغلة

واحنا بمكان عااااااااام

يقول قصري حسج
الناس اسمعتنااا

لابعد صاااارخي
احسن عشان يسمعووون


وااااااااااااااي نجري ومصرقع درجة اوووووووووووووولى

والاعصاااب بالاماكن العامة حدث ولا حرج

وفتحتي باب

مايتسكر

تقبلي مروري[/color][/color]

كاااك موتيني ضحك الله يعينج .. نورتي حبيبتي :hjy5jewf:

 

[الأميرة الحزينة]

الي يغثني اذا جاه اليووم الي بنطلع فيه ينشغل ماله خلق

ويغثونه اهله يوووه زهقت جنه ما عندهم الا زوجي بس والله شيسوووي فديته

ولا طلعنا يقثوني ربعه يمه منهم تليفونات وواااااااااااااااااي ازهق اقوله حطه صاااامت ولا مغلق

ههههههههه ولا نتهاوش اهو يبي السينما وانا ابي اتمشى بالمجمع ههههههههه

عسى الله يجمع ما بينا وبين ازواجنا وويوفقنا يارب العالمين

الربع يممه منهم :denya: انا عكسج ميته عالسينما واهو ذابحني مجمعات :lkmnkl:

 

[الأميرة الحزينة]

انا بحبكم دوام ريلي الساعه 7ونص يخلص دوام يعني على ما ايي ياخذنيي ونطلع صارت 8 طبعا قبل لا نطلع لازم تعليقات على لبسي ومكياج وهذا ضيج وهذا مادري شنو
وطول الطريج قرقه بالتلفون وييع وانا قاعده بروحيي .. :eh_s(14):
لما نوصل المكان بس ننزل غطي رقبتج شعرج طلع <<-- طبعا قصده شعره
واي اذا مر واحد يمي وله شي يطالعه ويطاعني يجيك حتى على عيونيي
واذا دشيت محل لازم اقوله شنو ابيي بعدين اهو يكلهم
عقب مانخلص طلعتنه طبعا كله يحاول نشطب بسرعه لما نخلص لو ساعه 12 يقول يله خل نمر بييت ابوي :lkmnkl:
طبعا الأنه ما ينام مبجر عافسين النومه يقول شسوي ارد الشقه الحين:eh_s(14):

وكل طلعه ماخذتها قاعده لازم هوشه :dddds:

:s141: مشكله عاد تقوليله مابي اروح بيت اهلك قصدج تأخرتو يفهمها ما تبين اهله:flower: مشكلة والله :s141:

 

[الأميرة الحزينة]

رد: رد : غـــــــثــا الــطــلـــعـــــــــــات ... !!!!!!!! لوووووووول

لووووووول الشي اللي يلوع جبدي ان اذا رحنا مكان ان كان مطعم او سوق معين خلاااااااااااااااص يعلق على هالمكاااااااااان
يا حبيبي خلاص خنغير ... لا حلو هالمكان ونضل نرووح له لم اقوله خلااااااااااااااااااااااااااااااص تكفه زهقت كرهته
لووووووووووووول

كاااااااااااااااااااااااااااااااااااااااااااااااااااااااك :s141:

 

[الأميرة الحزينة]

لا طلعاتي وياه يسوي افلام لانة فيه قلب يعني لو اروح السوق بس ربع ساعة يحط ايدة علي قلبة ويقول تعبت يلا نرد مرة مرتين اصدق اخر شي اقولة لين اشوفك طايح قدامي اصدقك بس لازم اخر الطلعة هواش​

لووووووووووووووووووووووول فيلم مصري ابيض واسود البي البي شنو .. قوليله قديمه يابابا خخخخ_03ba:

 

[الأميرة الحزينة]

رد: رد : غـــــــثــا الــطــلـــعـــــــــــات ... !!!!!!!! لوووووووول

انا الحمدالله وتبارك الرحمن ريلي بالطلعات يونسني ويوسع صدري :rerrerek: بس في عيب واحد انه دايما يحط الاذاعه على برنامج عالمكشوف او الاخبار او معلومات عامه :lkmnkl: وانا طفارتي جذي انا احب اسمع الموسيقى الهاديه او اطفي الراديو بكبره :tongue22:

الله يتمم عليكم يااارب ويحفظكم _shh_:

 

[الأميرة الحزينة]

اكره شي لمااااا ساعات احسه يطالع بنات اتنننننننرفز اقوله فصصصصلتها ترا

وعاد تبتدي النجره

واااي الخز هذا لازم .. عن نفسي ارفع الجام احط ببالي اني طالعه استانس وبس ما اغث عمري :cxxxp:

 

[خبيرة اعشاب]

رد : غـــــــثــا الــطــلـــعـــــــــــات ... !!!!!!!! لوووووووول

اجل اذا عمت .............هااانت :nocommint:

 

[الأميرة الحزينة]

ذكرتيني بمره بجيت هههههههههههههههههههههههه

والله تونا واصلين شرق والمحلات ينزلون الشترات يسكرون ولا اعطيها بجيه وارد السياره زهقت كله نطلع متأخررررر

قمت اروح مع اختي اذا ابي السوق او بروحي

ومعاه بس للتمشي فقط لا غير



وبعد سالفه عدلي نقابج نزلي ملفعج لا ترفعين عباه الراس ولا تمسكينها امشي ايدينج تحت يااااسلاااام اوااامر


وغير هذا التلفونااااات والله كأن البورصه معتمده عليه راح تنهار اذا مارد على التلفون ..............

وكله سوالف مع اللبنانيات والفلبن اللي في دبنهامز ومارك وسبنسر اكره نفسي يطيح معاهم ضحك ويقولي شفيج عادي...... عاد هني احره اقوله خلاص بروح اسولف مع اللبنانيين عاااادي لوووووووووووول


وعيالي حرام انا اللي احب اخذهم

لوووول اذا ببجي عشان تأخرنا عيل بكل طلعه بقلبها مناحه :lkmnkl: وااي صج ابداع رياييلنا :rerrerek:

 

[الأميرة الحزينة]

اكثر شي لما نطلع ويكون اهوه سايلنت وانا اقرق !! حدي اطفر وعقبها صرت نفسه لوول

ولما نحجز حق السينما ونوصل متأخر

:eh_s(13): :eh_s(13): لوووول

 

[الأميرة الحزينة]

هههههههههههههه

الله يعينكم
عيل انا يحب يطلعني بالقوايل بعززز الشمس مو اي شمس طبعا ماتخفى عليكم يعني الوحده تنسطل منها اقوله ودي اشوف الليل معاك بس ماكو فايده الليل للدوانيه طبعا ههههههه

والنهار لي (( تو النهاااااار توه توه ))

الله كريم

كاااااااااك هذا عقاب عشان لاتقوليله طلعني مرة ثانيه :eh_s(10):. عاد شمس الكويت منتهى الرومانسيه :rerrerek:

 

[الأميرة الحزينة]

الحمدالله زوجي يموت بالفراره والسوق والمطاعم

يمكن شوي بيوظفونه سيكيورتي بالافنيو هههههههههههه

بس مرات يعني اذا مو بالمزاج يقول مالي خلق انفرفر جم محل ونطلع

ومرات يفر سوق محل محل


يعني مسالة مزاج

ان شالله مزااجه دووووم عالي .. موفقه حبيبتي :sfg:

 

[mayesalreem]

سوالقكم تونس

 

[الأميرة الحزينة]

وانا بعد يمشي بسرعه وانا اركض وراه اتعب لين اوصل

ويقولي انتي بارده بطيئه بس بعدين قمت اسكب فيه امشي على كيف كيفي والحين اهو اللي يحاول يحاول يخفف


ودي ودي ودي يمسك ايدي كله يقول عيب واذا قلتله شوف شوف الناس يقول ناس ماتستحي اهئ اهئ اهئ:eh_s(11): :eh_s(11): :eh_s(11):

بس تبون الصج بدا يتغير ويتحسن صج العشره لها دور


ويعطيج العافيه​

يعافيج حبيبتي .. وصااجه مع الوقت يتغيرون عسى الله يهديهم لنا يااارب :nbptr: