٢*
( بيت بومشعل )
مشعل بغرفته قاعد يفكر بريم ،. شفيها تغيرت عليه جذي مرة وحده ،. ريم الي ماعندها لسان جذي مرة وحده ،. ولوجين شقصدها أنها تبيه ،. معقولة لوجين تحبة ،. حتى لوجبتة ، هالشي موهامة ،.محد هامه غير ريم ،.
مشعل : انا لازم أدق على ريم أمس كلش ماكانت طبيعية ،.
ريم بنفسية بس مومن قلبها : نعم خير
مشعل : الخير بويهج
ريم : انت ماتستوعب مابيك ياأخي أفهم
مشعل : ريم أنا أدري أنج موقاعد تتكلمين بلسانج ،. وانا أدري أنا لوجين مهددتج ، أنتي بس قولي الصج وخليني أرتاح ،. بس جذي أنتي قاعد تعذبيني وتقطعين قلبي ،.
ريم : مشعل آنا ،. ( لوجين مدرعمة الغرفة ،.
لوجين : يلا قومي دخلي خلاجينج بالسيارة وبسج تلفونات أنتي منيه عشان تشتغلين ، حللي معاشج على الاقل وكرفي شوي
ريم : حاظر عمتي لوجين بغيتي شي ،.
لوجين : لا ،.
ريم : ثواني بس ،.
مشعل : هاذي شفيها ،. خبلة ،. ليش تخلينها تعاملج جذي ،. موقتلج تعالي أشتغلي عندي بالشركه ليش تعاندين
ريم نزلت دمعتها وبقلبها ( غصبن عني ،. أهلي أذا ماطعتها راح يظيعون ،.
مشعل : شفيج ساكتة
ريم : مشعل يلا باي بسكر
مشعل : ريم
ريم سكرت الخط
،
/
\
/
\
@
.
لوجين : أنا موقايلتلج لاتكلمين مشعل أنتي هبلة
ريم : شفيج أنتي بسج أهانات زهقتيني ترى ،. قتلة اني مابيه أرتحتي الحين
لوجين تمسح على راسها : اي أرتحت عفية على الشاطرة
ريم : وين أغراضج خل أوديها السيارة ،.
/
\
/
\
@
( بوجراح وأم جراح بسيارة ،. ولوجين وجراح وريم بسيارة )
جراح : لجون ماقتيلي شسالفة الوالد
لوجين : ابوك راد مراهق والله لوتدري أمك تقلب الدنيا على راسة .،
جراح : مراهق شلون يعني ،.
لوجين : يكلم وحده أسمها سندس ،. تذكر الشيك الي قتلك عنه .. الحبية شغلها بالشركه وصايرة الدنيا فوضة بالشركه كل من هب ودب يشتغل فيها ،
جراح : من صجه الوالد خرف علا آخر عمرة ،
لوجين: انت الحين قولي شلون نتخلص من هاذي العلة
جراح : خليها عليي أنا أفرها وأييب راسها ،
لوجين : خوفك أهيا الي تفر راسك موأنت
جراح : أفااا لجون عيب على الزلم ،. ولا أكبر شنب
لوجين : مايندرة عنك والله
ريم قعدت تسمع الكلام ،. ولاتتذكر سندس مكلمتها على دكتورها بالجامعه انها تكلمة ،. على طول دزتلها مسج : سندوس ،. دكتورج الي بالجامعه الي تكلمينة شسمة ،.
سندس : بوجراح ،. بس ليش ،.
ريم : متأكدة
سندس : أي بس ليش ..
ريم : بعدين أقولج لمن أشوفج ،.
لوجين تطالع ريم : أقول جراح في خدم عندنا بالبيت بينكرون الجميل وبيلفون على عيال الأكابر ،
جراح : منو هالناس ،.
لوجين : ريم ،. خدامتي المطيعه ،. آل أيه ،. آل بدو يتجوز مشعل
جراح : الله وأكبر ،. ريم بتحط راسها براسنا
لوجين : شفت شلون ،.
جراح : يحلمون ،. يحلمون ،. الي بمشعل يفكروون ياخذونة من أمه ،.
لوجين وجراح يستهزؤون بريم : هههههههههه
ريم حست أنها صغيرة حيل ،. جرحوها بكلامهم ،. بس شتسوي مالها الا الله ،. الشي الوحيد الحلو بحياتها بياخذونة منها ،.
/
\
/
\
@
( بيت بوفهد )
أم فهد : اي خير أنشاءالله باجر على بعد صلاه المغرب خوش موعد ،.
أم حمدان : انشاءاله على خير سلمي على الأهل ،.
بوفهد توة راد من المسجد * : يعطيك العافية بوفهد
بوفهد : الله يعافيك
أم فهد : انشاءالله باجر الجماعه راح يمرونة ..،.
بوفهد : الله كريم ،.
ام فهد : قول حق عيالك ،. خل يزهبون عمرهم ..
بوفهد : حاظر ،.
ام فهد ؛ بوفهد ،.
بوفهد ؛ هلا
أم فهد : بنقول حق الجماعه أنا أفنان موبنتنا متبنينها ،.
بوفهد : لا ،. أنتي مينونة قصري حسج لايسمعج أحد ،. ناقصين فضايح ، البنت أحنا ربيناها ومكتوبة بأسمنا ،. تبين توقفين نصيبها أنتي
أم فهد : زين يبا ماسوت علي ،. ياكلمة ردي مكانج ،.
طبعا بهاللحظة الملقوفة زينة كانت تتسمع من الدري ،. : شنوووووو أفنان طلعت موبنتهم .. ومتبنينها أووف أوووف هاذي خيط لصالحي عشان أكمل شغلي ألي بديت فيه .. وهاذي أفنان وعرفنا شلون نفركش خطوبتها ,, بس انا لازم أتأكد من الخبر ... بس شلون .. شلون يازينة .. لقيتها أنا صج غبية ,, الخروف الي عندي فهودي . .
زينة رفعت سماعه التلفون ودقت على فهد : فهوود ألحين ألحين أبيك ترد البيت
فهد : بس آنا بالديوانية
زينة تصارخ : قتلك ألحين تعال رد البيت أبيك بسالفة حياه أو موت
فهد :خلاص أوكي مسافة الطريج بس لاتعصبين موزين لج ..
/
\
/
\
@
فهد وصل البيت ,, مكان حيل مستعيل لدرجة ماسلم على أمة وأبوه بالصالة وعلى طول راح غرفة زينة
زينة تلتة ودخلتة الغرفة : انت ليش تأخرت
فهد : الطريج زحمة شسوي .. ,, بعدين شنو هالموضوع المهم خرعتيني
زينة : توني سمعت أهلك يقولون انا أفنان موبنتهم وأهمة متبنينها .. صحيح هالكلام ولا لأ
فهد من غير أهتمام : اي موبنتنا أحنا لاقينها بالشارع وربيناها والعيوز يموت عليها مادري ليش حاسبها علينة اخت .. , هاذا الموضوع الي خابتني عليه وتعال وتعال عبالي عندج سالفة
زينة : من صجك هالسالفة ذهب بالنسبة لي .., أنزين وأنت عندك أوراق تدل أنكم متبنينها
فهد : اي عندي بس حق شنو تبينهم
زينة عصبت : أنت ييب الأوراق وبس لاتسأل وايد أووف شكثر تسأل وتحن لوعت جبدي
فهد : أنشاءالله أنشاءالله
زينة : وهاذي ورقة رابحة بصفي ,,. أستانسي اليوم يا أفنان بس باجر راح تبجين دم نفس ما بجيت يوم دخلوا ابوي بالسجن .,. ( خذت نفس وقعدت تفكر : جنة الي قاعد أسويه غلط ..., حرام أكسر قلب هالبنت والله حرام ( رجع التفكير السلبي لها : لا أنا راح أنتفم من أبوها عن طريقها .,
زينة تصاارخ : ولييه ماصارت أوراق
فهد ركض عند زينة والاوراق بيدة :,, هاذي الاوراق حبيبتي .., الحين أقدر أرد الديوانية
زينة : اي تقدر حبيبي ., وثانكيو على الأوراق .,.
/
\
/
\
@
أفنان بالغرفة مستانسة والارض موشايلتها من الوناسة ,,. واخيرا بتصير مع حمدان في بيت واحد .ّ, حمدان الي حبتة وحبها .., اول مرة الدنيا تنصفها بشي ., وأخيرا بترتاح طول عمرها ., مسكينة أفنان ماتدري شنو مجهزة لها زينة ..
**
دخلت زينة عليها وبكل غرور : أشوفج تجهزين مستانسة انج بتزوجين
أفنان من الفرحة ولاشعوري لمت زينة : زينة والله حدي مستانسة
زينة عفست ويها : اي أستانسي اليوم وباجر راح تبجين
