غرائب القصص الوواقعيه .. من ايدكم ..

[Bamya]

لوووووووووووووووووووووووووووووول

ام سليمان عجيييييييييييييبه قصتج مع اختج حدكم تونسووووووووون زين تسون فيه خخخخ ما بقى الا هنوود

 

[صدى الاشواق]

واي توني خلصت القصص من امس بليل وانا اقرى
تعبت انهد حيلي


انا عندي قصه حقيقيه وواقعيه وتعور القلب

قصه انسانه ماشافت السعاده بحياتها كلش

وودعت الدنيا والدمعه على خدها


قصه

خالتي اخت الوالده
( بالاصح كانت امي)
اهي الي ربتني


بس الحين تعبت من القراءه ارتاح اشوي واكتبلكم معاناتها من فتحت عينها عالدنيا

الى لحظه وداعنا لها

 

[ام سليمان 2008]

هاي بنات شخباركم


اعجبتكم المغامرات خخخخخخ








صدى الاشوااق ننطرج

 

[MaYoOoma]

بدعتوا بقصصكم والله مره اضحك ومره ابجي

 

[نظـــرات حـــائرة]

سلامة قلوبكم بنــااات حبيبااااتي والله



صدى الأشواق ناطرين قصتج

 

[ombaza]

[size="4[SIZE="5"]"]خل اقولكم قصة اختي القصه طاف عليها تقريبا 6 سنوات وبوقتها كنت توني عروس توني مالجه
امبيه طويله بس يالله تستاهلون

شوفو يا الغالين
اختي عندها خادمه هنديه مسلمه قعدت عندها تقريبا ست سنين ويابت ريلها سايق وبعد فتره يابت اختها تشتغل معاها وعقب فترة قالت مابيها ماني مرتاحه بسفرها وفجأه حجزت لها وسفرتها اختي اخر سنه كله تعبانه سوت عملة فتق بالحجاب الحاجز( الحاجز اللي بين الرئه والمعده) انتفتق ومعدتها كانت تموت منها وكانت حامل ينطرونها تولد عشان تسوي العمليه وفعلا سوتها بس مسكينه عانت معانات مع المرض الله لايوريكم الدكتور يقولها عمري ماشفت امعاء جذيه بالسونار صتك وتبطل شلون متحمله الالم
بالليل متأخر دق علينا ريلها وقال اختي ودوها بالاسعاف دشينا مستشفى مبارك ولا اشوف ريل اختي يتهاوش مع الدكتوره وتخيلو مسكته واصرخ شفيها اختي طبعا عقب ماهدى ودانا ولا ويها اصفر يقول مادري شفيها تصررخ من الالم والدكتوره مو مهتمه
ردينا البيت عقب ماصارت احسن جان تقول حق امي مادري شفيني يتني حاله غريبه شربت زيت زيتون مقري موحاسه بنفسي وبديت اصرخ وتضحك تقول ماكنت بوعيي ( المهم ريلها سافر مع بنتها العوده ماليزيا كان عنده مؤتمر) دقو علينا بالليل ولدها كان عمره 15 ويقول امي مادري شفيها مهستره رحنالها ومااذكر بالضبط شنو صار بس يبناها البيت عندنا اخوي العود ريال دين حافظ قرآن وبللش يقرا عليها قامت تبجي وتصرخ تقول مسويلي سحر رحنا البت وكانت غريبه تدور على نفسها وتدور بالبيت تحسين مو بوعيها وتقول بالكبت ومرة تقول وراي ومرة تبجي ومرة تضحك
صديق ريل اختي ماشالله يقرا قرا عليها وقال مسوين لها سحر مادري شلون وصلنا حق الشيخ الخرافي ويانا البيت والله بنات قامت ترجع دم ورغوه وطبعا حالتها حاله ويها صار لون الدم يعطيها ماي من البراده بس قاري فيه تقول ناااااار يصب بويها ماي بارد تبجي تقول حاااااااااااااااااااار وطبعا مهستره تقول اشوفه لابس عمامه واشوف خادمتي والشيخ يصرخ يقول وين السحر وينه تقول بصراخ واخواني ماسكينها بكل مكان يقول علميني شلون تقول مكتوت بكل البيت بكل البييييييييييييييت بصراخ طبعا
عطاها رشوش فيه ماي مقري وزيت اللوز قالها امشي والمكان اللي تشوفين السحر رشي وعطانا احنا بعد وقال قولو (وارسلنا عليهم الطوفان) وصلت حق غلاية الماي اللي تغلي فيها ماي حليب ولدها كسرتها وصرخت قالت متروسه حاطه فيها حق عيالي( عيالها ماشالله متفوقين ) سوتلهم سحر عشان يكرهون بعض و يفشلون
وطلعت الحديقه قامت تصرررخ قالت هني وايد مسقيته الزرع الشيخ الخرافي مسك هوز يغسل وويقرا قرآن
وردينا البيت واختي انعفست زياده اخوي يقرا عليها تصرخ طلعت مسكنتها وتخيلوو تتكلم بصوتها بس بلغه مكسره تقول انا ( اسم الخادمه) انا ساكنتها انا القرين مال الخادمه وانا سكت فيها جن وايد راح يئذووونها انا اكرها اغار منها انا ماعندي عيال وابي ولدها اليديد ابي انا سكنت فيها وانا حسيت بالحمل وبكلل شي هذا حقي انا (تخيلوو ))
وطبعا ردينها الشيخ وجم مره بغت تموووت بين ايدينه وبعد شهرين او يمكن اكثر الحمدالله تحسنت حالتها
شوفو شنو كانت خادمتها ( اختي تعطيها ساعاتها وذهبها واهيا ماتحس كانت ماخذه تقصص اظافرها من الزباله وشعرها من المشط
شربتها السحر بشوربه بالمستشفى يوم كانت مريضه تذكرون الدكتور يقول اول مرة اشوف امعاء جذيه كان منن السحر
طبعا الحمدالله على كل حال والحين اختي زينه ومافيها اللا العافية بس ولدها اللي ولدته فيه حالة صرع مادري عاد هل من اللي صار ولا لا[/size][/SIZE]

 

[lollipop]

^
^
^







الله يشفيه ياربي..


والله يستر على اختج وبيتها من مصيبة هـ الخدامة


حسبي الله ونعم الوكيل


حدي تأثرت



الله يعين يارب

 

[ombaza]

نسيت اقول انه الشيخ قال حرقو اثا غرفتها وهدومها قطوها كلها والبيت كله غسلوه
وفعلا اخوي وده غرفتها المحرقة اللي يقطون فيها تكرمون الزباله وقال حرقت اثاثها يشب ويطفي ويرد يشب
اي صح مره واهو يقرا عليها تكلمت لغة عربيه وقال انا جني ما اسكنها لكن انا اسكن جنب المسجد القريب منكم سمعت بحكايتها من الجن وجئت حتى اساعدكم( والله بنات ما اقص عليكم) قال فيها عيون ومحسوده ومسحوره ومسكونه بجن بتسليط من ساحر كبير
بس جنه يتني القمته استغفر الله تذكرت شي نسيته بالغصب والله عقب سالفة اختي حاشني خوووف ووسواس بس الحمدالله هالسالفة قديمه ونسيناها الحين اذا تذكرناها نضحك وانتغشمر

 

[منوووووله]

الحمدالله انها عدت على خير والله يشفي ولد اختج ان شاء الله امين يارب وااي قصه اتخرع بصرااحه

صدى الاشواق ناطرينج حبيبتي

 

[منوووووله]

هههههههههههههههههههههههههههههههههههههههههههههههههه ام سلمان عليكم مواااااااااااااااااااااقف
لوووووووووووووووووووووووووووووووووووووووووووووووووووووووووووووووووووووووووووووووووووول

تذكرت هم سالفه نفس سالفتج ..

كنت رايحه صوب مستشفى دار السلام وناطره اختي المهم صفطت ورا بالبراحه ومسكره الليتات وقاعده بالظلمه جني بسوي جريمه ولا الهندي الي من بعيييييييييد ماسك هنديه وراايحله . . . . . . << فهموهاا !!

جان ابقق عيني هاذا الي اشوفه صج ولا يتهيألي !! ولا ارد فوق تحت واقب هههههههههههههههههههههههههه

بعدين قلت بيني وبين نفسي صج ماعندي سالفه لو امبلغه عنهم احسلي ههههههههههههههههههههههههههه

 

[صدى الاشواق]

مساء الخير ياقلبي

شلونكم انشالله بخير

سوري طولت عليكم

ابي اتكلم عن قصة حبيبتي وعمري وقلبي الي راحت وخلتني اعاني بحياتي

ابي اقول قصه انسانه برائه العالم كلها فيها ابي اقول عن انسانه روح الطفوله فيها الى اخر يوم بعمرها

انسانه مؤمنه وتحب الناس واتحب الخير للغير اكثر من نفسها نادر اني القى بالزمن اشخاص مثلها

يمكن الحين اعجز عن مدحها جدامكم


بس هذي فرصه عمري من زماااااااااااان من قبل لا تفارقني حبيبة قلبي وانا ودي يسوون قصتها مسلسل والحين

انه الناس اتعرف قصتها وتترحم لها


الرحمه الي عمرها كله ماشافتها باذن الله شاافت الرحمه عند رب العالمين


(حبيبه قلبي) من صغرها كانت متحمله مسؤوليه الاخوان كانت تعتبر الصغيره فيهم الكل كان متزوج الا اهي و3 من اخوانها انا اتكلم عن ايام عمرها بالعشرينات

كانت شايله هم امها المريضه وماكان في احد يراعي امها ويجابلها الكل كان لاهي طبعا يروحون ويسالون عن الام بس اقصد انه 24 ساعه معاها كانت (حبيبه قلبي ) اهي الي معاها

وكان الوالد جدا حنون فوق ماتتصورون المهم والبنت مثل ماقلتلكم طفوله الدنيا فيها واهي كانت تربي اخوها الصغير كان عمره تقريبا ايامها 16 او شي جذي


وبيوم من الايام زاد المرض وتوفت الام بين ايدها وبلحظه طلعه روح امها بدى عذابها بالدنيا


بعد وفاة الام ضل بالبيت اهي واخوانها الثلاث وابوها وعندها اخو متسلط وااااااااااايد ومايعجبه شي كلش
وحط حطه عليها وكلشي عنده حرام ولا مايصير وبدى يمد ايده عليها

واهي كل مامد ايده عليها راحت غرفتها وافرشت سيادتها وصلت وقرت قران

وكانت اهي الي لامه الاهل ومجمعه الاخوان ومخليتنا على قلب واحد ومافي احد عسى ماقال عندي ضرف اوشي الا مدت له يد العون


عمرها ماعط ظهرها لاحد او صدت عنها كان السانها لمن تتكلم ينقط عسل كل الكلام الحلو يطلع منه
ماتعرف الطمع ولا تعرف النميمه ولا تعرف العداوه ولا الخباثه
واكبررت وكان فيها اسكر من الصغر وبدت اشوي نفسيتها تتعب انها ماتزوجت وكل ماييها نصيب اخوها المتسلط يوقف نصيبها

ودارت الايام الاخ تزوج وشالته وشالت مرته من مصرف من تربيه اعيالهم وهم معامله الاخو نفس مااهي طبعا انا تكلم عن الاخو

ارد اتكلم عن الابووووووو
طبعا الابو تزوج ومن تزوج انعفس حاله وبدت مرته تتهاوش مع ولده المتسلط وباعو البيت و( حبيبه قلبي ) تشردت والاخوان كلهم عندهم اعيالهم وحريمهم وماكو مكان والخوات وحده منهم ساكنه بشقه واعيالها وايد والثانيه الي اهي امي

ابوي مارضى راح ويابها عندنا وعاشت عندنا طبعا مو عيب من الاخوان لان كل الاخوان متنتفين وماعندهم انهم يساعدونها اهي الي كانت تساعدهم

المهم محد تخلى عنها والابو انعفس حاله والله العالم من شنو وشراله بيوت مو بيت وكله باسم مرته

المهم

بعدها كل الاخوان تزوجو والصغير زوجته اهي وتحملت كامل مصاريفها والابو لا دينار دفع

وكانت كل مايضيج صدرها تجابل ربها وكتاب الله مايفارقها

وكانت حكمتها كل ماضاق خلقها تقول اروح اقرالي كلمتين والله يفرجها

وفعلا بس تصكر الكتاب الا يكون احد مار عليها او احد داق يسال عنها
المهم مرت ابوها ماعجبها الحل قالت لازم ازوجج و(حبيب قلبي ) اكبرت صار عمرها 39 اكيد ودها تتزوج

يابتلها واحد شايب عمره يمكن بال60 اذا موة اكثر

المهم بس ابي اتكلم عن شغله
انا خالتي كانت مدلعها عمرها بشكل مو طبيعي وعلى لهم الي كانت فيه ماكانت تعرف شي اسمه يأس او كأبه لانها مؤمنه برب العالمين

المهم تزوجت الشايب وبدت قصة عذابها الجزء الثاني
خذاها وعيشها فبيت قديم ويلوع الجبد واهي عدلت فيه وسنعته وعدلته لمن تعدل البيت اعياله يو اسكنو عنده من بعد ماكانو مايدرون عن ابوهم المهم كانو خايفين انه يبيع البيت عشان زوجته اليديده

المهم ريلها طلع عينها وحبسها بالبيت ومنعها من جمعات الاهل والاهل تفرقو واهي الي كانت مجمعتهم بروحها الطيبه والطاهره

وتخيلوا حتى الدرايش مايخليها تبطلهم مو غيره لايقول اغبار وحسرها تحسر وطلع عينها
طبعا من الحرااااااااااااااااات




(حبيبه قلبي) انعمت من السكر

بدأت ماساه ثانيه اهني ريلها منع احد يزورها ولا يبي احد يدق عليها وكان الاخوان مو مخلينها بالعكس

بس كانت تقول مابي اعصي ريلي

شنو من قلب طاهر كان عليها الي على كثر ماسوى فيها ماتبي تعصيه

المهم بعد جم شهر دقت تلفون على الوالده وميته من البجي طبعا بالخش والدس مخليه الخدامه تدقلها تلفون


تدرون شنو كانت حالتها لمن راحو اهلي ياخذوها


حالتها حاله الجنون فعلا اقصد الجنون وموقاعده ابالغ ينت حبيبه قلبي ينت واستخفت

وصار فيها وسوواس وكله كانت تقول انا ميته وتبجي واتطق عمرها

طلع الي مايتسمى ريلها معذبها بالكلام كان يقولها شوفي ويهج وارم انا عشان جذي مابي احد يشوفج علشان لايقولون وين جمالها راح خلاها تستخف


المهم يت عندنا فبيتنا ماضل دكتور ماضل مستشفى ماوديناها بغو يدخلون الامراض النفسيه بس ابوي مارضى

ولا فاد شي من العلاج
وبعدها وديناها حق شيخ يقرى عليها وسبحان الله ولا اله الا الله ردت حالتها الطبيعيه ولا كان فيها شي رد ريلها خذاها
وعقب شهر ردت على ينونها ولا شنو مسوي فيها تزوج عليها وياب مرته عندها بالبيت
ودق على اهلي قالهم تعالو اخذوها راحو خذوها وعقب بيومين اورقه طلاقها عندنا طبعا محد كان راضي انها ترد بس اهي كانت مصره تردله وبعد فتره ردت حالتها الطبيعيه

بس شنو النفسيه كانت صفررررررررررررر ماقامت تاكل ولا تاخذ دوا السكر والي كان يشوفها يقول عمرها مو اقل من 90

المهم

مابي اتكلم عن حياتي معاها وعلاقتي فيها لان ماقدر اكتب قلبي يعورني

المهم حالتها كل مالها تتدهور طبعا الاخوان كانوا كل جم ششهر يمرون يسالون عنها واخوها الصغير الي ربته وزوجته كل جم شهر يسال عنها تدرون منو كان اكثر واحد يسال عنها

وبشكل شبه يومي اييها ويجابلها


اخوووووووووووها المتسلط تخيلو الدنيا شلون تلف وتدور

المهم كانت كله بالبيت وماتبي الناس ولا تبينا احنا نقعد معاها

بيوم من الايام قلتلها يمه ابي اطلعج معاي ضايق خلق تعالي نطلع انا وانتي وبنتي نفتر بالسياره قالتلي اوكي

طلعنا واستانسنا

بس الغريب بالامر كانت تفرك بريلها احس كان في شي يعورها بس ماتتكلم

طليت على ريلها طبعا اهي ماتشوف ولا اشوف المصصيبه العوده

اصبع من اصابعها لونه اسوووووووووود

على طول رديت البيت ودقيت على امي ووديناها المستشفى الا شنو

قرقرينااااااااااااااااااااااااااا واعوذ بالله من هالمرض طبعا دخول على طول على ماصار ثاني يوم الا مشى المرض اشوي

سوولها عمليه بسرعه وقصوا كعب ريلها
وطلعت بالسلامه بس اهمال مستشفياتنا والله يجازيهم حاشها مكروب وصعد المرض وقصوا ريلها ليه فوق الركبه وبعدها طلعت منالمستشفى واهي ماتسولف ماكو على السانها الا كلام الله


طبعا عقب شهر راحت عندها مراجعه الدكتور استغرب انها ماماتت تخيلووا

بيومها كانت فرحانه وايد وايد وايد

انا بيومها دقيت تلفون الصبح كنت ودي اغير جو وابي اتريق معاها بس كانو بالمستشفى عندها موعد المهم

ردوا البيت وانا كنت فبيتي كان فبالي اروحلها بليل اتعشى معاها لانها اتحبني واانا اكثر انسانه قريبه منها

المهم ريلي ماخلاني اطلع بيومها وكل شوي كنت ادق ابي اكلمها امي تقول ماترد علينا وبس قاعده تدعي ربها وتقرى ايات امي كانت تقول اهي كل يوم جذي بس اليوم غير ومبتسمه وويها ينور وكانت امي مستانسه عليها اتقول الحمدلله نفسيتها مرتاحه اليوم
وصار الليل

ونمنا فزيت منالنوم على اذان الفجر رحت توضيت وصليت وانا بصلاتي ياني مسج كملت صلاتي ودموعي على خدي
شفت المسج الا



(حبيبه قلبي ) رااااااااااااااااااااااااااااااحت وارتااااااااااااااااااااااحت

كانت حاسه من اول النهار وكانت مستانسه انها بتجابل ربها بياضها وبرائتها وبايمانها





توفت عمرها 43 سنه

تذكروا قلت تزوجت 39 يعني كل هالعذاب الي شافته من بعد الزواج بس باربع سنين



الله يرحمها ويغمد روحا الجنه


اطلبولها الرحمه يابنات​

 

[ام سليمان 2008]

ام بزة الحمدل لله على سلامت اختج والله يشفي ولدها يارب ويبعدكم ويبعدنا ويعد لمسلمين جميعا عن السحرة والمشعوذين ويكفينا شرهم يارب

 

[ام سليمان 2008]

صدى الاشواق


عورتي قلبي على القصة الله يرحمها برحمته يارب ويغمد روحها الينة


اللهم امين

 

[ام سليمان 2008]

هههههههههههههههههههههههههههههههههههههههههههههههههه ام سلمان عليكم مواااااااااااااااااااااقف
لوووووووووووووووووووووووووووووووووووووووووووووووووووووووووووووووووووووووووووووووووووول

تذكرت هم سالفه نفس سالفتج ..

كنت رايحه صوب مستشفى دار السلام وناطره اختي المهم صفطت ورا بالبراحه ومسكره الليتات وقاعده بالظلمه جني بسوي جريمه ولا الهندي الي من بعيييييييييد ماسك هنديه وراايحله . . . . . . << فهموهاا !!

جان ابقق عيني هاذا الي اشوفه صج ولا يتهيألي !! ولا ارد فوق تحت واقب هههههههههههههههههههههههههه

بعدين قلت بيني وبين نفسي صج ماعندي سالفه لو امبلغه عنهم احسلي ههههههههههههههههههههههههههه

امبي منووولة هههههههههههههه لو مبلغه عليهم بس صج طماشة صح ههههههههههه

هالهنود الله يكفنا شرهم :eh_s(14):

 

[فررررح]

صدق الاشواق عورنى قلبى عليها

الله يرحمها ويغمد روحها الجنة ويبدل دارها بدار احسن من هالدار يارب

 

[صدى الاشواق]

تسلمون ياقلبي والله يرحم كل مؤمن يارب

وان شاء الله ادورلكم قصص ثانيه شويه فررفشه واقولكم

 

[منوووووله]

صدى الاشوااق

وااي حبيت قلوبنا كلنا صاارت والله الله يوضها خير بدار من ديار الجنه يارب امين ويرحمها برحمته ان شاء الله

وااي قلبي انغمت حسيت جني اعرفها واتخيل شكلها وعذابها وعشت الموقف .. مشكووره صدى على السالفه يعطيج العافيه

وناطره قصتج الثانيه

ام سلمان

انا لما طلعت من المكان نقدت على نفسي ليش مابلغت عنهم << مخها انعفس ماكو تفكير هههههههههههههههههههههه

.. ومره رحنا البحر ولا اختي العوده من بعيد اتصارخ صوب المصافط جذي ورحنالها ولا ماسكه باكستاني وشاخلته وتيمعووو الشباب عليه وطقو طق احنا موعارفين للحين شسالفه ولا الاخ كان منخش ورا الشير ويسوي حركات وصخه حق اختي عاد ماسكتت وافضحته ههههههههههههههههههههههههههههههههه

 

[ام سليمان 2008]

هههههههههههههههه منووولة شفيهم الهنود علينا لوووووووووووووووووووووووووووول


بس زين سوت فيه اختج :tomato2:

 

[ام معيوف]

صدق الاشواق عورنى قلبى عليها

الله يرحمها ويغمد روحها الجنة

 

[نظـــرات حـــائرة]

وااااي صدى الأشواق اخنقتني العبرة وأنا اقرا

صدقيني هـ الإنسانة ربي يحبها ... ولا جان ما ابتلاها كل هالابتلاءات وهي صابرة ..


عسى الله يرحمها ويغمد روحها الجنة يارب